حجر صناعي البيت الازرق ، التحجير ، البوعينين [الأرشيف]

مشاهدة النسخة كاملة : حجر صناعي البيت الازرق ، التحجير ، البوعينين

الحـ قطر ــب

31-03-2012, 09:02 PM

البيت الازرق - حجر صناعي قطري السعر 85 ريال

شركة التحجير - حجر صناعي سعودي 100 ريال

شركة البوعينين - حجر صناعي سعودي 100 ريال

شنو تختارون وشنو الاحسن فيهم ؟

كان ودنا فالطبيعي بس ارخص شي كان السعودي على 140 ريال - تركيب اسمنت - وكلهم قالوا يبقع ويشرب ماي وانا حدي 100 ريال :anger1:

ولد المنصور

31-03-2012, 10:13 PM

ابتعد كل البعد من تركيب البيت الازرق تركيبهم مب شي كلششششششش ..... اذا في خاطرك حجر ركب سعودي بس اهم شي الشركه وشوف شغلهم على الطبيعه وسال عنها عدل ..
والله يوفقك

أسير الاسهم

01-04-2012, 08:00 AM

Abdulla86

01-04-2012, 08:37 AM

فيه الشركه النمساويه للحجر السعودي الطبيعي انا توني مركب عندهم واذا لك خاطر تشوف شغلهم وانت احكم

أسير الاسهم

01-04-2012, 12:59 PM

كم أسعارهم بو دعيج ؟

الحـ قطر ــب

01-04-2012, 08:20 PM

يالغالي السعودي الطبيعي بعد 3 سنين بالكثير يبقع وشكلة يتغير من قلب

بس مايمنع اتقولنا بكم المتر والضمان على الحجر والتركيب ولا بس عالتركيب

الحـ قطر ــب

03-04-2012, 06:28 PM

ل ل ر ف ع

هدوء العاصفة

03-04-2012, 10:30 PM

اخوي معليك من الخرابيط واللي يقول لك لا تركب سعودي لانه يبقع .. كل ما في الموضوع أن الحجر الطبيعي السعودي نسبة امتصاصه للماء اكبر من باقي الانواع ..

الحجر جداً جميل وقوي والأفضل أنك تسأل ناس مركبته مش ناس تبيع حجر صناعي او تبيع حجر سوري لان هؤلاء طبيعي بيذمون في السعودي ..

الصناعي معظم انواعه مافيها جمالية .. الطبيعي لا يقارن مع الصناعي .. اختلاف الحجر امر طبيعي اذا ما كان مبقع ..

التبقع الغير مرغوب به اذا كان التركيب بشكل خاطئ .. ابحث عن معلمين تركيب شاطرين ولا تخلي اي حد يركب له .. وان شالله ما تندم .. انا مركب سعودي والحمدلله كل شي تمام ..

هدوء العاصفة

03-04-2012, 10:32 PM

الحـ قطر ــب

03-04-2012, 11:57 PM

من وين جبت معلومة انه بعد 3 سنوات يتغير !! اخوي هذا حجر مش صبغ عشان يتغير .. في ناس مركبينه من خمس عشر سنة وما تغير .. وفي ناس من عشر سنين واكثر ..

الحجر السعودي مش جديد بالسوق وهالكلام ما ادري من وين جايبه او سامعه ؟؟

كلمت كذا شركة لتركيب الحجر - تخصص سعودي - ومحد عطاني ضمان عالحجر ويوم اقولهم عن البقع كل واحد يغير السالفه.
المهم يالغالي بما انك مركب سعودي فياريت اتقولنا من متى مركبة ومن اي شركة والمتر كم كلفك ولو عندك صور اكون شاكرلك لاني صج دخت ومادري من الصاج ومن الكذاب مع العلم انا حاط ميزانية 100 ريال للمتر او فوقة بشي بسيط.

هدوء العاصفة

04-04-2012, 08:37 AM

اخوي العزيز الحب قطر .. ضمان طبيعي محد يعطيك .. في امور كثيرة في البنيان محد يعطيك عليها ضمان .. هذا مش منتج من مصنع عشان يعطونك ضمان على التصنيع .. هذا حجر طبيعي .. ولكن اختيارك للشركة الجيدة هو الضمان الوحيد في حال صارت مشكلة ممكن يبدل لك او يغير او يتعامل مع الامور بطريقة سليمة ومايتهرب منك ..

طبعاً السعودي مش اقل من 140 ريال اذا ما تقدر على هالقيمة الخيار الوحيد هو الصناعي .. ما ادري عن اشكال الصناعي ولكن الحجر الصناعي هو خلطة اسمنتية اصلاً من ناحية الجودة ايضا هو جيد ومن ناحية الجمالية فلابأس به ولكن اختار الالوان الفاتحة واعتقد يعطونك عليه ضمان ..

لازم بالبداية تعرف كم المساحة اللي تحتاج تركبها هل تبغي كامل البيت او واجهة وحدة ؟ هل عندك ديكورات وايد ؟ هل تحتاج تعمل احواض الزراعة من الحجر ؟ حدد احتياجاتك وعلى اساسها اختار وفقاً لميزانيتك المرصودة ..

يوجد حجر سوري يبتدي ب 160 اذا خايف من السعودي .. والسعودي في منه زين ونظيف وفي منه اي كلام يختلف في بعض الاحيان حسب المقلع ولكن الاختلاف بسيط وفي ظني ان النوعية الاقل جودة تطلع على المشتري ارخص لهذا تحصل اكثر الشركات تجيب نوعية رخيصة .. الوضع نفسه للاسف مع الحجر السوري يجيبون ارخص الانواع ويبيعونه بسعر غالي عشان تكون فايدته اكبر ..

@ كنترول @

04-04-2012, 12:38 PM

يعطيكم العافية .. أخوي صاحب الموضوع مر على شركة كمشكي للحجر الصناعي البحريني وخذ فكرة عن النوعيات الي عنده والأسعار .. مكانهم شارع المطار وأنت متجه على دوار سلاح الجو .. بعد شركة إل جي .. بالتوفيق ..

الحـ قطر ــب

04-04-2012, 03:17 PM

ahmed jasim

04-04-2012, 03:51 PM

التكلفة الأجمالية لفيلا 18 فى 18 متر
120 ألف للبيت الأزرق (صناعي)
و 190 ألف للسوري (طبيعي)

البيت الأزرق شغلهم نظيف بس الحجر الصناعي مايعيش ويتحمل مثل الطبيعي

نصيحة إذا فيلا خاصة ركب طبيعي

الحـ قطر ــب

07-04-2012, 01:48 PM

للرفع

هامور خرطي

11-05-2012, 01:45 AM

الحجر السعودي سيى السمعة من امتصاصة للرطوبه والماء والتملح وتبدأ مشكلته ثاني يوم تركيب لين يتغيير لونه الى مايشبه لون الصدأ . يعني يشرب ماء الاسمنت اللي تحته ويطلع ع السطح

وفي الاخير هو حجر (طبيعي ) ولكنه حجر جيري طباشيري .

انصحك لوجه الله ركب الحجر الصناعي إذا ناوي تركب سعودي

السد

11-05-2012, 04:06 PM

ركب حجر طبيعي
وعندي لك خلطة سحرية وهي
ان تصبغ اطراف النوافذ مع الكورنيش بصبغ
وبتوفر ربع المبلغ
يعني مثلا لو تركيب الحجر للفيلا ب100 الف ريال تركيب بتصير لك 75 ألف ريال

أسير الاسهم

13-05-2012, 08:30 AM

طيب وش أحسن لون للحجـر الصناعي .. البيت الازرق عندهم كم لون بس ( بيج .. وابيض .. وبني .. ومادري شنوو بعد )

أحسن لون من رايكم للحجـر الصناعي ؟

مساهم الشبكه

13-05-2012, 09:10 AM

الغالي ركب حجر صناعي قطري عند شركة المتحدون مكانهم في شارع العزيزيه عقب البنك الاهلي شغلهم نظيف ومرتب ....فيه نصيحه جدا مهمه ولاتنازل عنها وركز عليها ان وقت توقيع العقد لازم يحددون مدة التنفيذ ابتداء من توقيع العقد ..وعلى كل يوم تاخير خصم وخل الدفعه الاوليه ماتزيد عن 30 في المئه لو قالو لك ارفع الدفعه الاوليه طنش لهم وعلى كل مرحله لاتزيد نسبة الدفعه عن 20 في الميه واخر دفعه تكون بعد الانتهاء من اعمال الفيلا مهب قبل لانهم ممكن يتعبونك في اعمال التنفيذ ولا ياخذونك بالشيمه والكلام المعسول خذها نصيحه من واحد مجرب اغلب شركات التشطيب وبالتوفيق مقدما

بوالبيض

13-05-2012, 10:00 AM

^
^^
^^^
غريبـه البيت الازرق مب شي كيف ؟ ... انا مريت عليهم مزحومين وما عندهم وقت يشتغلون لأي حد لي شهر 8 شلون تقول مب شي .. هذا دليل على انه شغلهم مطلوب

يا ليت اللي جربوو شركات أخرى او البيت الازرق يفيدوننا .. ومشكورين

انا مركب من البيت الارزق بالعكس شغل ممتاز والكل يركب عندهم وشركتهم قديمه
وراعين الشركه اخلاق وناس طيبين والبوعنين شركته ممتازه والكل يشكر عليه
وعندي من الاهل مركبين عندهم ما يحتاي بعد يمدحون شركة كمشكي ناس مركبين عندهم
بس انصحك بالبوعيني والبيت الارزق

بوالبيض

13-05-2012, 10:01 AM

طيب وش أحسن لون للحجـر الصناعي .. البيت الازرق عندهم كم لون بس ( بيج .. وابيض .. وبني .. ومادري شنوو بعد )

أحسن لون من رايكم للحجـر الصناعي ؟

هي الالوان الاكثر تداول في السوق والاحسن والانسب للبيت

أسير الاسهم

13-05-2012, 10:31 AM

هي الالوان الاكثر تداول في السوق والاحسن والانسب للبيت

انا ادري انهم الاكثر شراء فالسوق والالوان هذي هي المرغوبه اكيد .. بس انا سؤالي هو: وش احلى لون فيهم ؟

الحـ قطر ــب

13-05-2012, 05:12 PM

انا اعتقد البيج والبني - الاصفر احسه تركيب

الحـ قطر ــب

17-05-2012, 07:19 PM

شركة التحديات للحجر والرخام - مكانهم فالعزيزية

في احد تعامل مع هالشركة - في مجال الحجر الصناعي طبعاً