الشارع المؤدي من دوار لفان الى دوار وكالة الهوندا!!

[PGR]

السلام عليكم ,.,, حبيت اتكلم عن هالشارع ممكن تكون فيه ردود ايجابيه بخطه لتوسعة الشارع ,., الشارع رايح جاي ودايمن عليه شاحنات ,,, في السابق كان الشارع لا يستخدم بشكل كبير ولكن الان بعد مشروع خط الشمال الجديد اصبح شارع رئيسي للي يشتغلون في لفان ويجون من الدوحه,, وفيه مساحات كبيره يمين الشارع ويسار ليش ما يضيفون خط لليمين وخط لليسار عشان يكون أأمن ويحتوي على مواصفات السلامه ؟؟؟ قبل فتره شفتهم يشيلون طبقة القار وكنت متامل انهم يسوون شوارع جديده لكن اللي سووه شلوا اجزاء من الشارع ورقعوه فاستغربت من الحركه في حين انه الشوارع كلها في الدوله قاعده تتعدل وتتوسع وتنرصف ؟ فأرجوا انهم ينتبهون للهالشارع لانه من الشوارع الحيويه والمهمه

[طويل الرمح]

هذا الشارع خطر جدا ... و الحوادث فيه بالهبل و سواقين الشاحنات ما يهمهم

انا تجاوز علي سواق شاحنة و طلعني برع الخط واشتكيت عليه

و العام كنت بتعرض لحادث و الله سلمني برحمته و من عقبها خلاص ما رحت عليه

و بعدين شارع قصير ابو 10 كيلو يسوونه شارعين و يفكونا

[bu 3li]

كل يوم نعاني عليه ,, والمشكله ان الشارع مب سيده
اشوي تلقاه على فوق واشوي تحت وفيه حنيه على نهايته
يعني التجاوز فيه صعب لانك ماتشوف اللي جاي وفـ نفس الوقت الشاحنات وبعض الاسيويين يمشون عليه 80 وبعضهم حتى 60 وتشوف السيد طووووووووووويل

وبين فتره وفتره نشوف سيايير مكنسله على اطراف الشارع ( الله لايكتب على مسلم )
بس المشكله من بيسمع ؟؟ ولا شنقول اكثر كثرت الحوادث بس محد معبرها لانها مب شوارع رئيسيه بالنسبه لهم

[BUHASSEN]

بدال لايعدلون الشارع يمنعون البالون ارخص

متي بيرحمونا صارلي 10 اسنين اداوم عليه من سئ لاسواء عالاقل يمنعون الشاحنات تمر عليه

[PGR]

ارجوا من الجهات المختصه انها تنظر في امر هالشارع لانه مهم جدا لشريحه كبيره من الناس

[::.Silent.::]

.

.

صادقين ..

يوميا نعاني من هالشارع و التجاوزات اللي فيه ..

و لا يوم يجون لك 50 شاحنة و عليهم ( بورت كابن ) و وراهم دورية .. شوف اللعب اللي يصير و التجاوزات و المخاطر ..

الشارع مكسر ..خط واحد .. و مرقع حده ..

الله يعينا و مشكورين ع الموضوع اللي يبط الجبد .

.

[الزلزال]

الله يستر عليكم

[boamir]

لازم حد يموووت بعدين بيفكرون بالموضوع
(بعيد الشر عنكم)

[faisalqatar]

يالربع كملوا في الخور و اطلعوا من صوب صناعية الخور ابرك من هالخط التعيس
انا والله من عقب ما تجاوزت الشاحنة قدامي وكنت بروح فيها خلاص حرمت اروح له

مادري شلي بيضرهم لو سوو لنا شارع عدل
يعني مدينة لفان الصناعيه اهي اللي اتدخل فلوس حق الدولة المفروض يعطونا اهتمام اكبر :)