اقتراح الى المرور

[ابن سينا]

كل شخص يرتفع عنده الضغط عندما يتجاوزك سائق ما من جهة اليمين اغلب شوارع الدوحه والاقتراح كتالي
1- وضع كاميرات على زاوية الشارع الي ممكن ان يحصل به التجاوز وتكون الكاميرات مربوطه بغرفة عمليات المرور للمراقبه وبنفس الوقت تسجل ارقام السيارات المخالفه وتحفظ ونفس الوقت استغني عن رجل المرور ان يقف وتصيد المخالفين

[بوخالد911]

معاك


يا ريت

[auto body]

اقتراح مناسب في ظل التجاوزات اليومية في أوقات الذروة

ومنا الي العضو جاجاسم

[بوحمد111]

امنية نتمناها من زمان ولكن الامر يرجع للمرور وان شاء الله يتم التفكير في الموضوع قبل التنفيذ

[R 7 A L]

وفي المقابل يعطون مخالفات للي ( يستكعون ) امام الدوارات والاشارات
الى مو راضين يمشون كأنهم خلقوا أن يكونوا في هذا المكان ( الغشم )

[جرح الزمان]

عملياً الاقتراح غير مجدي

لاني لو كنت انا المتجاوز الأول

بتصورني الكميرا وبتلتقط رقمي

وكل السيارات اللي وراي ما راح

تقدر تلتقط ارقامها

[abdo222]

لو المرور يبي يصيدهم كان صادهم من زمان,,

صرت الحين امسك السيد اليسار حتى لو بروح الدوار يمين عشان السيد اليمين يتعطل بدرجه مب طبيعيه !!!

[شبيه الريح]

اقتراح رووووووووووعه جدا
وكنت افكر فيه والله

[حسن]

ياجماعه لاتلومون الناس لاتنسون الشوارع عندنا سيئه للغايه وكل مالها للاسواء تعالو شوفو
الشوارع الجديده في حزم المرخيه كل تم تصغيره بشكل فضيع
لاتنسون اداره المرور دورها ماعاد يكفي البلد لزياده عدد الوافدين
ولاتنسون ان مدارس السواقه تعطي الليسن من هب ودب والكثيرمنهم تكون سواقته ضعيفه جدا
في الشارع لان اكثر الحصص على البارك ولال وتكون سواقته في الشارع ضعيفه
بعدين تعالو شوفو سواقه الوفدين شلون هاوي الشارع اليسار مغلق واليمين مفتوح كانه شارع ابوه
كم مره وانا اقول على وزيرالداخليه يامر مدير المرور باعطاء كل رجل شرطه خيزران بدل
دفتر المخالفات هاذولا في بلادهم جل الشرطه يحمل عصا والمخالفه هني على الكفيل القطري اللى الكل ضده

[بوسلمان 2010]

اقتراح جيد

[eXpert*]

أختلف معاك أخوي حسن مدارس السواقة مالها دخل في إعطاء رخص القيادة .

إدارة المرور هي المسؤول الأول و الأخير عن إختبار القيادة و إصدار الرخص ، و المفروض تشدد على الإختبارات. ولكن إدارة المرور تنتظر لرخصة القيادة على إنها مصدر من مصادر الدخل . وكل ما أصدرت رخص أكثر كل ما إستفادت أكثر من رسوم الإصدار والتجديد. وطبعاً حامل كل رخصة قيادة أكيد راح يحتاج لسيارة فمعناته راح يدفع لملكية وإستمارة السيارة والمخالفات ألخ .

[ANONYMOUS]

عملياً الاقتراح غير مجدي

لاني لو كنت انا المتجاوز الأول

بتصورني الكميرا وبتلتقط رقمي

وكل السيارات اللي وراي ما راح

تقدر تلتقط ارقامها

عادي

الاهم تخالف كبيرهم اللذي علمهم السحر

اللي جرأ الناس ع المخالفه ورفس القانون

[طلعة الروح]

ياجماعه لاتلومون الناس لاتنسون الشوارع عندنا سيئه للغايه وكل مالها للاسواء تعالو شوفو
الشوارع الجديده في حزم المرخيه كل تم تصغيره بشكل فضيع
لاتنسون اداره المرور دورها ماعاد يكفي البلد لزياده عدد الوافدين
ولاتنسون ان مدارس السواقه تعطي الليسن من هب ودب والكثيرمنهم تكون سواقته ضعيفه جدا
في الشارع لان اكثر الحصص على البارك ولال وتكون سواقته في الشارع ضعيفه
بعدين تعالو شوفو سواقه الوفدين شلون هاوي الشارع اليسار مغلق واليمين مفتوح كانه شارع ابوه
كم مره وانا اقول على وزيرالداخليه يامر مدير المرور باعطاء كل رجل شرطه خيزران بدل
دفتر المخالفات هاذولا في بلادهم جل الشرطه يحمل عصا والمخالفه هني على الكفيل القطري اللى الكل ضده

ومن اللي دخل الوافدين مب الوزارة نفسها
!!!!
يفترض انهم قبل لا يدخلونهم وتصير هالفوضى أوجدوا الحلول والخطط اللي تستوعب هالأعداد

[حسن]

أختلف معاك أخوي حسن مدارس السواقة مالها دخل في إعطاء رخص القيادة .

إدارة المرور هي المسؤول الأول و الأخير عن إختبار القيادة و إصدار الرخص ، و المفروض تشدد على الإختبارات. ولكن إدارة المرور تنتظر لرخصة القيادة على إنها مصدر من مصادر الدخل . وكل ما أصدرت رخص أكثر كل ما إستفادت أكثر من رسوم الإصدار والتجديد. وطبعاً حامل كل رخصة قيادة أكيد راح يحتاج لسيارة فمعناته راح يدفع لملكية وإستمارة السيارة والمخالفات ألخ .

ان شاء الله احنا مهب مختلفين انا اعرف منهو السبب بس ماتقدر تعطيهم كاش ربعنا يبيلهم شوي تلف يمين ويسار لين توصل
لاتنسى ذاك يطل من بعيد يراقب هذولا يمشون ناصحكم ياعرب في النار:)
باقولك عن صديق لي راح كندا يبي الجنسيه
يقولي سقطت مرتين في اختبار السواقه :omg:
قلتله انت تتكلم جد ليسنك اكثر من 33 سنه عندك وهناك سقطت
يقول عطوني اسئله فوق ال100 سؤال:eek5:بل وسقطت في الشارع مرتين
عقب الزور نجحت
بالنسبه من واقع تجارب سواقيني كنت ادخلهم دوره كامله لانهم ميح وكنت اعلمهم في الفريج
كل يوم ساعه ماعتقد حد قطري غيري يسوي كذاصح ولا لا الكل يقط على المدرسه ويمشي
والله اني اعلمهم حتى وظائف كل جهاز في السياره وشنو وظيفته القير وش داخله من التروس والكلش علشان مايحرقه والرديتر وخطره وش وظيفته والباوره وظيفته وشلون
البريك يمسك الموتر والسيستم اللى يتلقاه الامر من الدعسه الى المستر سلندر
الى ضخ الزيت الى البستن اللى فالدرامويل ويضغط على الفحمات لتمسك الدرامويل وتخف سرعته
والله على مااقوله شهيد شفت قطري بذمتك يعلم كذا انا مبدائ من يعمل عمل فليتقنه

بتقولي المدرسه وش تسوي انت تقط وتروح المدراس للاسف محد يسنعهم الساعه
يخلونها 35 دقيقه
اتصدق جميع سواقيني والله اني ماخليهم يدخلون الدوحه الى عقب شهور
سيدا من الناصريه الى البحر خط واحد لين يسير مظبوط بعدبين اخليه ينزل البلاد
ارواح الناس مهب لعبه ياخوي
والكثير من ربعي دائما يقولون لي تكفي بجيبلك صبي علمه على فكره بعد اخرجه لك
غواص يصيد هوامير بس ارفض لان تتعب وانت تنزل معاهم:victory:

[عزووز قطر]

اقتراح ممتاز وحالها حال الرادارات ،،،
وضع كيمرات قبل الدوار بـ 400 متر ولازم تكون كاميرا عالية الجودة ،،، ويحطون إعلان في الجرايد بأنه تم البدء في تسجيل المخالفات بواسطة الكيمرات

والله محد بيتجاوز وبتخف الزحمة وكل واحد بيوصل دوامه في وقته ومحد بيتعدى على حق غيره

[almaf1a]

بعد ليش كيمرات
الشرطة تارسين البلد يوقفون على كل دوار واشارة

[للصبر اخر]

لو المرور يبي يصيدهم كان صادهم من زمان,,

صرت الحين امسك السيد اليسار حتى لو بروح الدوار يمين عشان السيد اليمين يتعطل بدرجه مب طبيعيه !!!

صح لساااانك

[R 7 A L]

بعد ليش كيمرات
الشرطة تارسين البلد يوقفون على كل دوار واشارة


وينهم :weeping:

حنيت وأشقت لسيارات المرور

مانشوف الا لخويا ولا الفزعه

[مرتبش]

وينهم :weeping:

حنيت وأشقت لسيارات المرور

مانشوف الا لخويا ولا الفزعه

اشاركك الراي
قارن الوضع في الدوحة بامريكا.. عندنا شي نادر تشوف الشرطي وهناك الشرطة من كثرهم تارسين المطاعم ( قهوة ودونتس)

المرور محتاجين انقلاب عنيف

[A 7 M A D]

عملياً الاقتراح غير مجدي

لاني لو كنت انا المتجاوز الأول

بتصورني الكميرا وبتلتقط رقمي

وكل السيارات اللي وراي ما راح

تقدر تلتقط ارقامها

بالاضافه الى عدد الشوارع كبير اللي المفروض تكون فيه هالكاميرا

يعني مراقبتهم كلهم امر مستحيل !

[جرح الزمان]

عادي

الاهم تخالف كبيرهم اللذي علمهم السحر

اللي جرأ الناس ع المخالفه ورفس القانون

كبيرهم ... بيلغي المخالفه بــــ:telephone:

حملات مفاجأة بتكون أردع لأمثال هؤلاء

[R 7 A L]

اشاركك الراي
قارن الوضع في الدوحة بامريكا.. عندنا شي نادر تشوف الشرطي وهناك الشرطة من كثرهم تارسين المطاعم ( قهوة ودونتس)

المرور محتاجين انقلاب عنيف



هم الله يعطيهم عافية
يداومون ويشتغلون
بس في مكاتبهم
مايدرون بالى يصير في الشوارع

يعني مثال لو أنفجر بايب ماي
يحتاج من ينظم الشارع حتى ينتهي العمل فية


عندنا ينفجر البايب ويبي له ساعات لين احد يجي وينظم السير

واكبر مثال ماحصل في اشارات المناصير هالايام الى طافت
فية خلل في نص المساحة الى في الشارع
ماحد تجرئ يحل المشكلة لين انفجر البايب