Lbo

[مخطط قطري]

يجماعه الخير بقيت طريقه ارجع فيها التذكره مالت الدوله واخذ كاش حد يعطيني طريقه
الشغل عندنا قواطي هم دافعين دافعين لشركه الطيران لاوباعلى سعر قلت لهم عطوني اياها كاش
بسافر عن طريق الاميال عندي وايد اميال
سمعت انهم من اسبوع اسمحو بس لبعض المكاتب مب كلها انها ترجع التذكره نقدي
اللي عنده معلومه ولا خلفيه عن هالشي يفيدنا:telephone:

[خيالة قطر]

ان شاء الله الاعضاء مابيقصرون معاك ..

[آنــه]

ما سمعت انا بهالشي لان كان عندي مهمة عمل
من فتره الاسبوع اللي فات
لمدة يومين ولا رضو يعطوني البدل حق التذكرة
ولا يصير استرد المبلغ من المكتب

اسأل القائمين ع الموارد شوف مع اي مكتب يتعاملون

[مخطط قطري]

انا سفرتي دوحه -لندن-دوحه على الدرجه الاولى
خذتها بالاميال خذو من عندي 1100 ريال ومعاهم 92500 ميل ولكن بالكاش
حاسبين سعر التذكره 24500
شغلنا راح يدفع للقطريه هالمبلغ كامل انا قلت لهم عطوني اياه يعني شدعوه مافيه ثقه ولا مب مسافر ولا شالموضوع بالضبط!!!!
انا دايمن اخذ التذاكر واسافر ولا مره سويتها اني ارجع التذكره
بس الي دفعني لهشي انه الاميال عندي واجد وفي الصيف ماقدر استخدمهم لانه مقاعد الاميال محدوده ولهم فتره زمنيه وتنتهي فقلت خلني استغلها الحين يوم جربت بتواريخ الي ابي اسافر فيها حصلت مقاعد على الدرجه الاولى ذهاب والعوده على البزنس متوفر فخذت التذكره وصدرتها وخلصت
الحين قلت حق الموارد البشريه عندنا وكلمت مدير الموارد البشريه وقلت له عطني مستحقات التذكره كاش
مابي التذكره لاني اوردي صدرت التذكره قالي مايصير بعطيك تذكره
اقوله زين ياخي شسوي في التذكره وبعدين القانون ماقال مايصير ترجع التذكره
فقلت مستحيل محد سوى هالحركه من قبل
يعني انا القصد مش عائد مالي (وان كان من حقي) الحمدالله الخير واجد وهب محتاي اني ابدل تذكره
بس السؤال دام في مجال اخذ الكاش ليش مايعطوني اياه بس هذا سؤالي؟

[مخطط قطري]

ان شاء الله الاعضاء مابيقصرون معاك ..

اشكرج يالفارسه

[مخطط قطري]

ما سمعت انا بهالشي لان كان عندي مهمة عمل
من فتره الاسبوع اللي فات
لمدة يومين ولا رضو يعطوني البدل حق التذكرة
ولا يصير استرد المبلغ من المكتب

اسأل القائمين ع الموارد شوف مع اي مكتب يتعاملون

قلت لهم قالو مالك الا التذكره
قلت يجماعه الخير خلاص عندي تذكره
قالو كيفك تصرف فيها
يعني الاميال ماصدقت اني قدرت استفيد منها

[غايه الطواش]

والله اخوي الكريم الي اعرفه الكاش بس يصدر لدول الخليج
اما الدول العربيه ..وغيرها ..تم ايقافها ..انا اتكلم عن جهه عملي ..والسبب ان بعض الموظفين ياخذون بزنس او درجه اولى ويبيعونها ويحجزون سياحيه ...
وخاصه ان في التعاقد الحكومي تكون سعر التذكره اغلى من السعر العام ...
هذا الي اعرفه وان شاء الله يفيدونك الاعضاء ....

[القلم الصريح]

في تعميم طلع العام الماضي بخصوص المهمات الرسميه ، القطريه نفسها مانعه تبدل قيمه lpo من الدرجه الاولي الى السياحية وتاخذ الفرقيه ، قبل كنا نسويها وناخذ الفرقيه ونحجز على السياحيه

في طريقه انه الlpo توديها للقطريه وتبدلها بقيمتها بفوجر لسفرة مفتوحه في اي وقت تقدر تصدرها وقيمه الفوجر تقدر تصدرفيها تذكرتين او ثلاث لاي مكان

[تاجر]

ولماذا هذا التعقيد !؟!

جهة عملي من حقك ان تأخذ سعر التذكرة في حال عدم رغبتك في السفر جواً او على الدرجة السياحية ويتم صرف بدل التذكرة بكل اريحية

الى متى التعقيد في وزارات الدولة والتشكيك بذمم المواطنين ؟!

[مخطط قطري]

والله اخوي الكريم الي اعرفه الكاش بس يصدر لدول الخليج
اما الدول العربيه ..وغيرها ..تم ايقافها ..انا اتكلم عن جهه عملي ..والسبب ان بعض الموظفين ياخذون بزنس او درجه اولى ويبيعونها ويحجزون سياحيه ...
وخاصه ان في التعاقد الحكومي تكون سعر التذكره اغلى من السعر العام ...
هذا الي اعرفه وان شاء الله يفيدونك الاعضاء ....

شهالحسد في جهة عملج كيفهم الموظفين ياخذها اولى ولا سياحيه
يمكن ظروف الموظف ماتسمح يروح اولى يبي يودي عياله وياه وبيركبهم سياحيه ب4000 مثلا
والتذكره قيمتها 30 الف بيودي العيال وام العيال لا وبيسكنهم في فندق 4 نجوم بفرق التذكره
بدال مالموظف يشغل باله بهالامور الفروض جهة عمله تهيئه بس يركز في اجتماعه ولا الدوره الي رايح لها مب في ترتيب وتنسيق السفر

[مخطط قطري]

ولماذا هذا التعقيد !؟!

جهة عملي من حقك ان تأخذ سعر التذكرة في حال عدم رغبتك في السفر جواً او على الدرجة السياحية ويتم صرف بدل التذكرة بكل اريحية

الى متى التعقيد في وزارات الدولة والتشكيك بذمم المواطنين ؟!

والله يتاجر قانونا محترم ونعم فيه بس البلا من هالمدراء الي عقليتهم واقفه من 1992 وماتبي تطور يبلهم ربيع عربي في الشغل:)

[مخطط قطري]

في تعميم طلع العام الماضي بخصوص المهمات الرسميه ، القطريه نفسها مانعه تبدل قيمه lpo من الدرجه الاولي الى السياحية وتاخذ الفرقيه ، قبل كنا نسويها وناخذ الفرقيه ونحجز على السياحيه

في طريقه انه الlpo توديها للقطريه وتبدلها بقيمتها بفوجر لسفرة مفتوحه في اي وقت تقدر تصدرها وقيمه الفوجر تقدر تصدرفيها تذكرتين او ثلاث لاي مكان

ياريال سالتهم قلت لهم خلوها لي فوجر قالولي مايصير الا غصب اسافر بتذكرت الشغل

[الزلزال]

الدوله تبي اتربح القطرية

[مخطط قطري]

يات على تذكرتي هلارباح يمشوني واوعدهم اخر مره:)