استفســار عن مطــــــار الإحســـــــــــاءء

[جلكساوي]

السلام عليكم

شحالكم يالربع... عندي استفسار وهالايام اكثرت استفساراتي:shy:

ناوي اروح مكه ان شاء الله وقلت بحجز رحلة داخليه في السعودية من الاحساء لجدة

بس حبيت اعرف للي جرب هالمطار هل توجد مواقف آمنه فيه؟ وصحيح رحلاتهم تتاخر او تنلغي بعضها لاني سويت بحث في النت ويشتكون منه العالم

[المتحدث الرسمي]

.....

حسب علمي مافي مطار في الاحساء

اللي اعرفه انهم يروحون الدمام و من هناك يطيرون على جده

ان شالله حد من الاخوان يفيدك اكثر

و لاتنسانا بالدعاء ياخوي
.....

[حيهور]

مطار الدمام عندك الرحلات الداخلية وعندهم مواقف امنه بسعر حوالي 42 ريال اعتقد ناسي الصراحة لليوم

لكن مطار الرياض افضل لان الصبح عندك كل ساعه في طيارة لجدة فاذا جيت اي وقت تحصل حجز افضل من مطار الدمام ونفس الشي عندهم مواقف وبسعر رمزي

[ابوجاسم2008]

في مطار بالاحساء وفيه مواقف امنه لكن بدون مظله وهناك شجار تقدر تحط سيارتك بجانبها امممم عني انا سافرت فيه ايام الحج وكان منظم ومريح وماتاجلت رحلاتنا ولله الحمد بس اللي اعرفه ان الرحلات بس الثلاثا والجمعه فقط انا حجزت من الخطوط الجويه السعوديه في السد وكان في فرق بالسعرغير لما تحجز من داخل السعوديه يكون ارخص
اما بالنسبه للدمام فمطار دولي كبير والمواقف مظلله

[حقيقه]

الدمام أحسن مب بعيد عن الحساء

مطار الحساء أخبره بس الثلاثاء حق الرحلات

[جلكساوي]

يعطيكم العافيه يالربع ياللي رديتوا وانا ابي اسافر من مطار الاحساء لاني اذا رجعت بسافر الامارات عن طريق السيارة طبعاً فـ بيكون اقرب لي من الدمام




في مطار بالاحساء وفيه مواقف امنه لكن بدون مظله وهناك شجار تقدر تحط سيارتك بجانبها امممم عني انا سافرت فيه ايام الحج وكان منظم ومريح وماتاجلت رحلاتنا ولله الحمد بس اللي اعرفه ان الرحلات بس الثلاثا والجمعه فقط انا حجزت من الخطوط الجويه السعوديه في السد وكان في فرق بالسعرغير لما تحجز من داخل السعوديه يكون ارخص
اما بالنسبه للدمام فمطار دولي كبير والمواقف مظلله

بوجاسم مواقف مطار الاحساء فيها شبك حوالينها والمظلات عادي مب مهمه عندي اهم شي مستوى الامااان

[ابوجاسم2008]

يعطيكم العافيه يالربع ياللي رديتوا وانا ابي اسافر من مطار الاحساء لاني اذا رجعت بسافر الامارات عن طريق السيارة طبعاً فـ بيكون اقرب لي من الدمام





بوجاسم مواقف مطار الاحساء فيها شبك حوالينها والمظلات عادي مب مهمه عندي اهم شي مستوى الامااان

اي اخوي امنه ان شاء الله وعليها امن ولايمكن الخروج الابوصل الدخول

[نبض الخفوق]

تبي نصحية اخوي روووووح مطار الرياض احجز من هناك وتوجد مواقف مظللات امنه على سكوتير والساعة 2 ريال

[فويرط]

مرحبا اخوي

مثل ماقالولك الاخوان

رحلات الاحساء يومي الثلاثاء والجمعه فقط (رحلة واحدة)

اما مطار الدمام فرحلات جدة يوميا كل ساعتين طيارة ، والعكس من مطار جدة الى مطار الدمام طيارة كل ساعتين ويومياً

تقدر تختار الوقت اللي يناسبك

واما بخصوص المواقف في مطار الدمام ، فهي مواقف آمنة بإذن الله ، والمواقف مظلله
والساعة في المواقف (1) ريال واحد للساعة

انا جربت السفر من مطار الدمام كثير ، وسعر التذكرة تقريباً 800 ريال ، بس تشتريها من داخل السعودية

اما اذا شريتها من الدوحة تطلع تقريبا 1300 ريال

انا اعلمك طريقة اذا عندك حد يقرب لك في السعودية

روح مكتب الخطوط السعودية في الدوحة اللي في السد

واحجز من عنده موعد الرحلة المناسب لك

وخذ رقم الحجز ، وطرش رقم الحجز حق اللي يقرب لك في السعودية علشان يدفع لك قيمة التذكرة ، خاصةً إذا كنتوا مجموعة

في واحد من الشباب فاتح حساب في مصرف الراجحي ، ويقدر عن طريق بطاقة الصراف الآلي يدفع قيمة التذكرة برقم الحجز، بس لازم تروح مكينة صراف الراجحي بالسعودية ، واللي في سلوى أقرب شي

أنصحك تروح عن طريق مطار الدمام ، الفرق بين الاحساء والدمام تقريباً ساعة ونص

إن شاء الله أكون قد أفدتك بالمعلومات اللي عندي

الله يوفقك