من عنده خبرة بسيارات يوكن

[لبتونه]

السلام عليكم

اتمني تساعدوني بخبرتكم كنت ابي اخذ للبيت جي اكس ار لكن الاسعار مولعه وايد فقلت خلاص ببدل واختار سيارة يوكن فابي اعرف انواع موجودة ؟ احسن نوع للبيت؟ تقريبا كم الاسعار الحين لكل نوع؟

يليت تساعدوني بخبرتكم

[alwahesh]

ابتعدي عن الامريكي وخاصه اذا السياره للسايق

اعتقد مصاريف البترول حسب المشاوير من 1000- 2000 ريال شهريا

يعني قسط سياره ثانيه

وللعلم اليوكن سعره من 150000 وطالع و جي ستاندر بعد ب 156000

ولكن مصاريف الصيانه واستهلاك البترول اقل واعادة البيع

[Rider]

وليش اختي يوكن عندج الله يسلمج تويوتا سكويا مالها حل وعائلية الناس طايحين فيها سعرها جدا مناسب
بس تاكدي اذا موجوده عن شركة التويوتا ولا بحجز

[بوحمد111]

خلي الياباني عنج واحسن نوع للسايق اليوكن القصير ولا تفكرين بتيوتا لان وكالتهم وكراجهم المصداقيه عندهم منعدمه وبشكل عام جميع السيارات اليابانيه وعن صرفية البترول طبعا اليوكن يصرف اقل بكثير من التيوتا والسبب انه مع المشي يقلب ٤ سلندر ويمكن صرفيته اقل من الكورلا

[alwahesh]

تويوتا وبس والباقي خس


تاريخ التويوتا يشهد حتى لو اعترضنا على الوكيل وخدماته

انا استخدم التويوتا من السبعينات والحمد لله

[صقر الجزيرة]

ولله السيارات الامريكية صارت مطورة وعالجوها من ناحية البترول صارت الصرفية اقل من قبل بكثير وبالنسبة للصيانة مافي مقارنة المناعي أحسن من التويوتا بكثير
تحياتي

[عبدالعزيز881]

الصيانة لليوكن افضل

واليوكن يمشي على ٤ سلندر ويفيد وقت الزحمه

صرفيت البترول افضل لليوكن

من ناحيت الهدوء داخل الموتر اليوكن يعني لو في برع السياراة إزعاج او ماشي بسرعة عاليه ... ما تسمع الأصوات الا بشكل خفيف

واهم شي اذا بتاخذ سيارة جديدة من الشركة

عندك ٥ سنوات ضمان شامل السيرفس

يعني ٥ سنوات تعبي بترول فقط!!! مع احتساب الكيلومتر

اكبر عيب في السياراة ان السعر يطيح اذا جئت تبيعه

وطبعا اذا بتأخذه مستعمل بتلاقيه رخيص

[فتى الجود]

السلام عليكم

اخذي التاهو وهو نفس اليوكن

بس اليوكن =GMC

والتاهوا = شفر

وفرق السعر 10.000 ريال

الشفر ارخص طبعاً

والشركة الام نفسها نفسها

وقطع الغيار نفسها

كلهم يتبعون لــ جنرال موتور


انا انصح بالتاهو شفر

و اذا حق البيت افضل يكون سنقل مش دبل (( حتى صرف البترول بيكون اقل ))

و سعره ف الشركة بين 128 الى 134 واخذيه ستاندر

يعنى الستاندر

مكيفيين امامي و خلفي (( كل مكيف له تحكم لحالة ))
ريموت
تشغيل عن بعد
جير اوتوماتيك
سيت غير منفصل (( و طبعاً احسن ))
تيك

http://www.qatarsale.com/mycar_a.aspx?carid=67241

هذا نموذج

لكنه دبل فلذلك سعره 145


والأسعار الاحسن عند الوكالة ولا تاخذين من المعارض

[mazag]

الي يقول اليوكن يصرف اكثر من الكروزر غلطان اقتصادي واحسن من الكروزر
ومكيفه الامريكي ابرك من الكروزر واقوى
انا اتكلم وانا مجرب كذا موتر امريكي ويباني

[ولد المنصور]

والله اليوكن ماعقبه موتر حق البيت انا مجرب اليوكن ومجرب اللاند كروزر ..... نصيحه اليوكن اشوفه احسن بواااايد ... سيفتي .. يعني من اول ماتحطه في d تقفل الابواب والجامات اللي وراء ماتنزل كامله .. انا اشوف هذا سيفتي .. والمكيف مثل ماقال اخوي ابرد بوااايد واوسع .. اليوكن وبسسس ......

[الأرجنتيني]

اليوكن الجمس أو التاهو شفر

أفضل موتر للبيت بلاتيوتا بلا هم غالي على الفاضي !!

الي نصحج بالتويوتا ماعتقد أنه جرب اليوكن

اليوكن او الشفر صيانته ارخص واسرع وأفضل
وخدمة المناعي أو الجيده أفضل من عبدالغني بألف مرة ( أسأل مجرب )
واذا خلص الضمان عندج أي سي ديلكو خدمتهم ممتازه

[ASK2]

زين اليوكن والتاهولكن احتمال كبير 2013 يتغير شكله

فانصحج انطري اشوي لان اذا في تغير بكون على شهر 5 او 6 في امريكا فبتتضح الصوره ..

ونصيحه ابتعدي عن التويوتا خصوصاً

اسعار نار وصرفيه وسفتي اي كلام ووكالته حدث ولا حرج كني طار الموتر من عندهم اللي ماعنده علاقات عندهم يضيعونه ويذلونه ذل ..

وبالتوفيق

[qatarawi]

اليوكن + السييرا + السلفرادو + التاهو + الاكاديا + الاسكاليد

كلهم بيتغيرون جذريا من شهر ٩ لين شهر ١

واللي يقول لك غير كذا <<< يا يضحك عليك او يبي يبيعك كلام