من عنده خبرة بسيارات يوكن

[لبتونه]

السلام عليكم

اتمني تساعدوني بخبرتكم كنت ابي اخذ للبيت جي اكس ار لكن الاسعار مولعه وايد فقلت خلاص ببدل واختار سيارة يوكن فابي اعرف انواع موجودة ؟ احسن نوع للبيت؟ تقريبا كم الاسعار الحين لكل نوع؟


يليت تساعدوني بخبرتكم

[قطري !]

ما انصحج ب يوكن


اخذي جي اكس ار لو كان اغلا ...




الاستخدام افضل


اقتصاديه


عند البيع وانتي واقفه وقيمتها ماتطيح ..



والدفع في الغالي ماهو بخسارة


وموضوعج المفروض يكون في قسم السيارات

[لبتونه]

صح كلامك اخوي بس وايد مرتفع سعر جي اكس ار وانا ماعندي دفعه اولى باخذ بالاقساط

[أسد الجزيرة]

خذي سيكويا srs
او تاهو ls
او يوكن sle

و انا ارشح لك السيكويا اوسع و تويوتا في نفس الوقت

[لبتونه]

مشكوووووووووووووور

[لبتونه]

بس اتمني حد يكتبلي اسعار السوق تقريبا كم في الوقت الحالي

[بومحمد 00]

أخذي السكويا

قيمتها في حدود ١٦٠ الف

أرخص من الجكسار وأوسع واكبر

[وجه السعد 2]

انا استعمل اليوكن من سنين و مرتاح وسيارة عائلية ممتازة وسعرها زين ..

[القلم الصريح]

انا مقاطع الياباني

فأنصحج باليكون وبشششششششششده ارخص اوسع اريح ، معني ماعندي يوكن

[ثابت]

ما انصحج باليوكن مشاكلة وايد
كل الانواع الي بيقول العادي او الدينالي كلهم مشاكل والمصيبة الامريكي ما يصلح يكون تحت يد دريول من تجربة نصيحة

عليج بسيارة باجيرو او الباثفايندر هذي السيارتين عمليات وحق عائلة تصلح وتتحمل اكثر من الامريكي

[فريج النجادة]

انا استعمل اليوكن من سنين و مرتاح وسيارة عائلية ممتازة وسعرها زين ..

:nice: :nice: :nice:

[A bin M]

ارشح السكويا

[ثابت]

حتى السوكويا الي نازلة الحين تويوتا ما تصلح لنها من وراء تفدع مع الاستخدام ولحظيهم بشوارع الدوحة تحصلينهم فادعين من وراء لنة مو دفرنش وراء اعتقد انها مقصات وراء لكن شفت كذا وحدة جدامي كلهم فاشحين من وراء تويرهم

[ثابت]

انصحج بالبجيرو او الباثفايندر

[@north_star@]

بصراحه اليوكن أو التاهو ما عليهم كلام وأثبت على الخط من الياباني وعلى فكرة صرفية البنزين باليوكن اقل من الكروزر 8 سلندر ومريحة اكثر

[الجغميني]

يوكن
او
تاهو

افضل السيارات العائلية و حتى شبابية ومن واقع تجربة سنين
امان اكثر و قطع الغيار ارخص مقارنة بمدة الاستخدام في التيوتا
تستحمل الحرارة في الصيف و مكيف ما عليه كلام
صيانة الوكالة والتعامل مع الزبون ممتازة مقارنة مع التيوتا

و بالاخير السعر ارخص

لازم نغيير فكرنا بخصوص التيوتا فهي سيارة غير آمنة
اما من يقول سعر التيوتا فيه فهو صحيح المشكلة هي النظرة المحدودة في تقييم السيارات

[ثابت]

يوكن
او
تاهو

افضل السيارات العائلية و حتى شبابية ومن واقع تجربة سنين
امان اكثر و قطع الغيار ارخص مقارنة بمدة الاستخدام في التيوتا
تستحمل الحرارة في الصيف و مكيف ما عليه كلام
صيانة الوكالة والتعامل مع الزبون ممتازة مقارنة مع التيوتا

و بالاخير السعر ارخص

لازم نغيير فكرنا بخصوص التيوتا فهي سيارة غير آمنة
اما من يقول سعر التيوتا فيه فهو صحيح المشكلة هي النظرة المحدودة في تقييم السيارات

اخوي صدقت بس تراء التاهو الي هم شركة شفراليات خدمتهم سيئة جدا انا تعاملت معهم وبعت سيارتي بسبة تعاملهم اخيس كراج بالصناعية يصبغ احسن من شركة شفرولية الي عندنا بالصناعية اما الجمس صراحة خدمتهم زينة ماعليها كلام ويهتمون بالزبون اما لو نقارنهم بتويوتا طبعا تويوتا فشلت خاصة بالسنين هذي العالم صار توجهه الي الامريكي بسبب تعامل الشركة وعدم كسب الزبون.

[R 7 A L]

انصحك بالعراوي
احسن وأرخص

[فريج النجادة]

انصحك تمرين شركة الفورد عندهم سيارات عائلية

وعليها ضمان ثلاث سنوات يشمل كل شي في السيارة

[كود نمبر]

عليكم السلام

والله يا طويل العمر الحين اليوكن والتاهو صارو افضل من التويوتا بواجد
سيارات عائليه واستخدام شخصي بنفس الوقت وثابته على الطرق الخارجيه
صرفية البترول افضل من التويوتا أسعار قطع الغيار افضل من التويوتا
افضل نوع للعائله هو العادي الكراسي الاماميه متصل منفصل

سعر التاهو ١٥٠ الف واليوكون ١٦٠ تقريباً

بالتوفيق
*

*

[Dana’1]

الحين اظن حتى الشباب غيرو من الجيات
اخوي كان صامل عالجي اكس ار v8 لدرجة حول الفلوس للدوحة لان مافي احسن من جيات الدوحة
بس على اخر لحظة غير راية سبحان الله
و اخذ اليوكن دينالي=فل اوبشن ولوونة حلو من الالوان الجديدة عاليوكن الي هو اللؤلؤي
طبعا هو اعتمد على المريح اكثر بالخطوط خصوصا خطوط السعودية الي توصل بال٧٠--١٠٠كم فما فوق
وعلى فكرة بالسعوديية ارخص من عندكم بوااجد مع فارق العملة

انا عندي لك رآي اول شي صلي استخارة واذا رحتي لوكالة المناعي ادعي دعاء الاستخارة
واطلبي منهم تجربين اليوكن العادي او الدينالي
وجربيها مع السايق كيف وانتي راكبة في الخلف
وبعدها روحي على وكالة التيوتا واطلبي تجربين الجي اكس ار
او من اي معرض لمجرد تجربين السواقة كيف
مع اني اتوقع ان اغلب اهل الدوحة اركبو الجيات وجربوها

واخذي الي اكثر شي ترتاحين لة وبس

[لبتونه]

مشكورين ماقصرتوا

[alwahesh]

الباث فايندر الجديد بينزل بعد شهر تقريبا وشكله مقبول

او برادو 4 سلندر 139000

كدلك 6 سلندر اعتقد 145000 ضمان 5 سنوات ( اصغر من الاسكاليد )

هوندا بايلوت عائليه والضمان مدى الحياة وخدمتهم ممتازه

[ناصر الصلاحي]

السلام عليكم
والله نصيحه اخويه مني لا تاخذين كروزر خذي جي ام سي او شفروليه افضل بوايد من التويوتا بس اصحج ب الجي ام سي لانه احنا عندنا واحد و مستخدمينه من 5 سنوات و شغال ميه ميه و مافيه شي و حتى السيرفس رخيص
كان عندي كروزر بعته و خذيت مرسيدس الصراحه فرق في المعامله و حتى في جوده السياره
انا سيارتي الكروزر كان فيها عيب البريك انا اتوقع ان معظم الكروزرات فيها هالمشكله

و في الاخير انتي استخيري الله و ان شاءالله تتوفقين بشراء السياره

[qatari 111]

وعليكم السلام
عندج اليوكن والتاهو كلهم عيال عم والتاهو ارخص من اليوكن

والمواصفات لو تروحين الوكاله وتجوفين بنفسج احسن لج
وتاريخهم .. سياره فوق الممتازه وصرفية البترول ماشاءالله .. والسفر كأنج قاعده في غرفه مب سياره لانها مريحه واايد .. والصيانه في كل مكان واسعارهم مقبوله جدا .. والسعر كفئتها ومواصفاتها احسن من الكروزر اللي بديه كرتون وبريكه التعبان .. وعلى فكره سعرهم ماسك وقت البيع

والكلام اللي كتبته عن تجربه لكل المواتر من نيسان وكروزر وتاهو . احسنهم النيسان وبعدها التاهو

[لبتونه]

مشكورين ماقصرتوا

[$الملياردير$]

السلام عليكم و رحمة الله و بركاته .....

اضم راي مع اخواني الاعضاء بخصوص التاهو و اليوكن ....و الله يوفقك

[$الملياردير$]

بس انا عندي سؤال للي قد جاب الموتر من السعودية اصفار هم لما تشتري يقولون لك ضمان دول الخليج و فيه خدمة الضمان الممد بدل من 3 اللى 5 سنوات و الكيلو متر مفتوح وهذا عرض مجاني هالايام في السعودية هل اقدر اطلب الخدمة في قطر وانا جايب موتري من السعودية يعني مب شارية من عندهم (( اقصد التشيك ))

[يراعٌ فراتي]

ابعدي عن الباثفيندر والباجيرو

دام تبين عائلة

انصحج باليوكن او التاهو

طبعا السعر ما يتعدى 180 لموديل 2012 فل ابشن

و150 للعادي

وغير التاهو واليوكن لا تاخذين

[يراعٌ فراتي]

اليوكن له درجات اغلها الدينالي يجي جلد ورنقات وفتحة وكماليات اخرى بس ما انصحج تاخذينه لانه لعائلة مب استخدام شخصي يعني بيكون غالي

اخذي الفئة المتوسطة


ونفس الشي للتاهو

اعلى فئة هي ال تي زد

وانصحج تاخذين الفئة المتوسطة اللي هي ال تي


واسعار التاهو ال تي 2009 من 90 الى 100
2010 بحدود 120
2012 بحدود 140
ناقص زايد شوي طبعا الاسعار للسيارات المستخدمة

[فتى الجود]

السلام عليكم

اخذي التاهو وهو نفس اليوكن

بس اليوكن =GMC

والتاهوا = شفر

وفرق السعر 10.000 ريال

الشفر ارخص طبعاً

والشركة الام نفسها نفسها

وقطع الغيار نفسها

كلهم يتبعون لــ جنرال موتور


انا انصح بالتاهو شفر

و اذا حق البيت افضل يكون سنقل مش دبل (( حتى صرف البترول بيكون اقل ))

و سعره ف الشركة بين 128 الى 134 واخذيه ستاندر

يعنى الستاندر

مكيفيين امامي و خلفي (( كل مكيف له تحكم لحالة ))
ريموت
تشغيل عن بعد
جير اوتوماتيك
سيت غير منفصل (( و طبعاً احسن ))
تيك

http://www.qatarsale.com/mycar_a.aspx?carid=67241

هذا نموذج

لكنه دبل فلذلك سعره 145


والأسعار الاحسن عند الوكالة ولا تاخذين من المعارض