@@ سمنت بورد @@

[ضوى]

صباحكم خير وسعادة


حاليا انا في طور البناء للدور الثاني ، والحمد لله إلى الان الامور طيبة ، سويت الطابق نظام شقتين وبحكم وجود المطبخ في نص البناء بمساحة 4*4 ، فقد قررت فصل هذه المساحة وعمل مطبخ صغير بانتري ، ومطبخ اكبر رئيسي ، وطبعا نقلت هالتصور للمهندس المسؤول ، وقال لي اذا فصلنا بطابوق بدون مايكون جسر ومعرف اشقال راح يكون فيه انحراف بعد سنة او سنتين وراح تتنفخ االبلاطة وتقوم من مكانها وراح يكون فيه تشقق ، وكذلك بيستهلك مساحة تقريبا 26 سم واقترح انه يفصله بالسمنت بورد وعلى قولته قوي وصلب وممكن يتلزق عليه السيراميك بسهولة وبدون اي مشاكل وكذلك راح يوفر علينا مساحة تقريبا 30 سم

اشرايكم بهالكلام ؟؟ وواحد استخدم السمنت بورد في بناء اي شي ؟؟

تحياتي لكم

[الكتاروني]

السلام عليكم أختي
السمنت بورد ممتاز و لا يوجد بة أي مشكلة و هو أقوي من الجبسوم بورد.

[القلم الصريح]

اسمنت بورد وتوكلي على الله

[khaldoon]

اتوقع اختي انك بتتكلمي عن حائط خارجي.....والله انا افضل الطابوق حتى لو 15 سم ...السمنت بورد نستخدمه اكثر للاسقف المعرضه للهواء الخارجي من اجل تجنب التشققات خاصة عند الفواصل بين الالواح بس ما نستخدمه كحوائط خارجية خاصة انكم راح تتأثروا بعزل الحرارة و الصوت ....

[ضوى]

ماقصرتوا اخواني الكرام

اخوي خلدون شالمقصود بحائط خارجي ؟؟ اللي ابي اسويه مش حائط خارجي ، بل حائط داخلي للمطبخ حتى افصله لجزئين فايش تقصد بالضبط ؟

[khaldoon]

ماقصرتوا اخواني الكرام

اخوي خلدون شالمقصود بحائط خارجي ؟؟ اللي ابي اسويه مش حائط خارجي ، بل حائط داخلي للمطبخ حتى افصله لجزئين فايش تقصد بالضبط ؟

اختي قصدت بحائط خارجي انه حائط معرض للهواء ....اما لو كان حائط داخلي فما عمري شفت سيمنت بورد لحائط داخلي.....اشوف بس جيبس بورد....طيب ليش ما تفكروا تسووه 15 او 10 سم من الطابوق.....اصلا الجيبس بورد راح يكون تقريبا 10 سم سماكته بس اخف وزنا من الطابوق

بخصوص ما تفضلتي فيه من قبل:

وقال لي اذا فصلنا بطابوق بدون مايكون جسر ومعرف اشقال راح يكون فيه انحراف بعد سنة او سنتين وراح تتنفخ االبلاطة وتقوم من مكانها وراح يكون فيه تشقق


كلام مش مفهوم صراحة...ايش اللي راح ينفخ البلاطه و ايش اللي راح يسبب الانحراف ....يمكن قال defelction مثلا في السقف يعني تقوس في المكان اللي تم تحميل حائط عليه بدون جسر تحته؟.....

[حسن]

اتوقع موضعك ياخت ضوى يبيله الواحد يشوفه بعدين يقرر وياريت كان في صور علشان يكون الراي ادق واصوب

[ضوى]

اختي قصدت بحائط خارجي انه حائط معرض للهواء ....اما لو كان حائط داخلي فما عمري شفت سيمنت بورد لحائط داخلي.....اشوف بس جيبس بورد....طيب ليش ما تفكروا تسووه 15 او 10 سم من الطابوق.....اصلا الجيبس بورد راح يكون تقريبا 10 سم سماكته بس اخف وزنا من الطابوق

بخصوص ما تفضلتي فيه من قبل:

وقال لي اذا فصلنا بطابوق بدون مايكون جسر ومعرف اشقال راح يكون فيه انحراف بعد سنة او سنتين وراح تتنفخ االبلاطة وتقوم من مكانها وراح يكون فيه تشقق


كلام مش مفهوم صراحة...ايش اللي راح ينفخ البلاطه و ايش اللي راح يسبب الانحراف ....يمكن قال defelction مثلا في السقف يعني تقوس في المكان اللي تم تحميل حائط عليه بدون جسر تحته؟.....

نعم نعم نفس الكلمة اللي قلتها

[ضوى]

اتوقع موضعك ياخت ضوى يبيله الواحد يشوفه بعدين يقرر وياريت كان في صور علشان يكون الراي ادق واصوب

هلا اخوي حسن


المقصد عندي مطبخ داخلي ابي اسويه جزئين واحد صغير وواحد كبير وابي افصل بينهم بحائط من سمنت بورد او جبسمبورد بس هل الجبسمبورد ممكن الزق عليه البلاط ؟؟

[khaldoon]

هلا اخوي حسن


المقصد عندي مطبخ داخلي ابي اسويه جزئين واحد صغير وواحد كبير وابي افصل بينهم بحائط من سمنت بورد او جبسمبورد بس هل الجبسمبورد ممكن الزق عليه البلاط ؟؟


نعم تقدري تلزقي عليه البلاط بجلوو و يكون اصلا عازل للماء (ووتر برووف) و لازم تسوي عليه عازل اولا....بس بيكون عازل دهان و ليس عازل بتسييح الرولات ...الجيبس بورد لازم يكون عازل للماء لانه بيجي 3 انواع واحد عادي للمساحات الجافه مثل الغرف (لونه عادة بيج) و واحد للحريق (لونه عادة زهري) و واحد للمطابخ و الحمامات و غرف الغسيل و (لونه عادة اخضر)....

[ضوى]

خلدون يعني ماينفع السمنت بورد ؟!!

[khaldoon]

نعم نعم نفس الكلمة اللي قلتها

هو يفضل انه يكون في جسر طبعا تحت الحيطه و انه ما نحط حيطه على السقف بدون جسر بس مب معناته انها ما صارت و لا سوينها من قبل....طالما الحيطه 10 او 15 سم و الارتفاع مب كبير يعني ما تزيد عن 3 م و يفضل اقل و غالبا بتكون اقل لطالما انه الغرفه مثلا بتكون بارتفاع 3 م ففيها اصلا جسر ساقط بيقلل من ارتفاع الحيطه الطابوق فعلا فما في مشكله خاصة انه السقف بيكون طبقتين حديد بفراغات 15*15 او 20*20 بين الحديد في الاتجاهين

[khaldoon]

خلدون يعني ماينفع السمنت بورد ؟!!

ينفع طبعا ليش ما ينفع بس مكلف و وزنه ثقيل... و في بديل...الحين مثلا كل الحوائط الداخلية في مباني اللؤلؤه هي جيبس بورد و ملبسه بسيراميك في مناطق الحمامات و المطابخ

[ضوى]

ينفع طبعا ليش ما ينفع بس مكلف و وزنه ثقيل... و في بديل...الحين مثلا كل الحوائط الداخلية في مباني اللؤلؤه هي جيبس بورد و ملبسه بسيراميك في مناطق الحمامات و المطابخ

اذا عالتكلفة فهي من ضمن شغل المقاول ، واذا عالوزن هو الحائط بطول اربع امتار يعني مش مشكلةة
ي

[khaldoon]

اذا عالتكلفة فهي من ضمن شغل المقاول ، واذا عالوزن هو الحائط بطول اربع امتار يعني مش مشكلةة
ي

و الله انا قلت لك فوق و باختصر ردودي و الامر متروك لكم....

سمنت بورد ما سويته الا اسقف معرضه للهواء بدل الجيبس بورد يعني مب حوائط بس طبعا يصير تسويه للحوائط

الجيبس بورد سويته لحوائط داخليه مثل الحالة عندكم و سويت عليه عازل و هو اصلا من النوع العازل اللي ما يخترب من الماي

حوائط 10 او 15 سم بدون جسور تحتها سويناها من قبل و مب مصيبه..تصير يعني ....السقف في تصميمه يتم عمل factors of safety خلال التصميم و بيكون الحديد اعلى من الحاجة الحقيقه له من باب الامان خاصة لو مب مرتفع و حيطه 4 م مب كبيره وما بيصير شي ان شاء الله

[ضوى]

شكرا لك خلدون ماقصرت

[khaldoon]

شكرا لك خلدون ماقصرت

حياكي الله اختي....ايش قررتوا تسوا ....الحين كله يمشي مثل ما ذكرت لكي فوق

[ضوى]

حياكي الله اختي....ايش قررتوا تسوا ....الحين كله يمشي مثل ما ذكرت لكي فوق

صراحة انا مطمئنة للسمنت بورد اكثر ، وان شاء الله نتوكل على الله ونعتمده

[khaldoon]

صراحة انا مطمئنة للسمنت بورد اكثر ، وان شاء الله نتوكل على الله ونعتمده

خلاص توكلوا على الله ....بالتوفيق ...

[ROSE]

للرفع ،،

[ضوى]

اخر ماستجد في هذا الموضوع

تم تركيب السمنت بورد وحقيقة يشبه الجبسمبورد بشكل كبير الا انه اكثر صلابة ويتركب بحدايد من كل الجوانب يعني دعامات حديد ، والصراحة طلع شكله واايد مرتب في المطبخ وتركب عليه البلاط وسكوتات الكهرباء وتركب عليه جبس كورنيش ان شاء الله باصوره لكم اليوم اذا رجعت البيت ،
ونفس نوع الالواح تركب لفصل الشقتين عن بعض ونفس الطريقة شكله طلع جميل بس للحين باقي الصبغ والشكل النهائي

باصور لكم قبل وبعد ان شاء الله

تسلمون اخواني وماقصرتوا ، وحاليا افكر اسوي غرفة من نفس هذا الاسمنت بورد للسخانات المركزية والخزان بس طلع شوي مكلف وللحين اتشاور بين السندويتش والاسمنت بورد

[معماري قطري]

بالمبارك إن شاء الله قرب النهاية.

بانتظار الصور وصحيح بيكون مناسب جداً حق غرفة المعدات ولو تبين تخفضين التكلفة خليهم يسوون هيكل حديدي أو حتى خشبي .. خشب مربع يعني ويثبتون عليه السمنت بورد سقف وجوانب ويكون من طبقة وحدة وينصبغ بصبغ عازل وزين وتنترك فتحة كبيرة للتهوئة وللدخول للصيانة.

[كود نمبر]

وشو الأسمنت بورد بعدين كم سماكته نفس الجبسن بورد ولا غير

[ضوى]

http://www.m5zn.com/newuploads/2013/01/24/jpg//m5zn_62ee9ab1375a136.jpg

[ضوى]

شكرا اخوي عالتعديل بس هذا هو السمنت بورد

[معماري قطري]

ما شاء الله إذا إنصبغ بيبين حائط عادي

ونفس الجبس بس الجبس يجي أخف وهذا خفيف مقارنة بالطابوق وفي دول كثيرة للداخل كلش ما يستخدمون طابوق قواطع جبس أو خشب أو سمنت بورد أو بارتشن خفيف .. بس يحسبون الهيكل الإنشائي بدقة بحيث يكون اقتصادي ومناسب.

منقهر أشوف كثروا المهندسات :tease:

[ضوى]

الصراحةيامعماري وايد حلوةالفكرةعملية وعرفت انهم يسوون غرف كاملة من هالالواح نظيفة وماتخلف اثار متعبة

[بن غيث]

اختي ..
هل تم وضع مواد عازلة بين الالواح ..!
وتم لحام القوائم والعوارض الحديدية

[ضوى]

اختي ..
هل تم وضع مواد عازلة بين الالواح ..!
وتم لحام القوائم والعوارض الحديدية

اللحام شفته يسوونه

والعازل سالني وقلتله مابي ماله حاجة لاني بالغيه عقب فترة

[بن غيث]

12 ملم اللوح الواحد .. صحيح

[ضوى]

لا اتوقع اقل لانه قال في حدود ظ¢ظ* سم بتقل مساحة المطبخ

[بن غيث]

وزن اللوح 16 ك .. او اقل ..

[ضوى]

وزن اللوح 16 ك .. او اقل ..

بصراحة مادري بس باسال بكرة واحط لكم التفاصيل ان شاء الله

[ضوى]

http://www.gulfup.com/?lv3JKk

هذا المطبخ الاول والجهة اليمين هي اللي ركبنا السمنت بورد وعقب السيراميك

http://www.gulfup.com/?1nHVOo

هذا المطبخ الثاني

http://www.gulfup.com/?1nHVOo


وهذي الشقة الثانية

http://www.gulfup.com/?D1svUt

[بن غيث]

اللحام شفته يسوونه

والعازل سالني وقلتله مابي ماله حاجة لاني بالغيه عقب فترة

ما ركبوا عازل للصوت او عازل حراري ...!!!

[ضوى]

ما ركبوا عازل للصوت او عازل حراري ...!!!

لا العازل الحراري شنهي فايدته اذابداخل البيت ؟ واعتقد والله العالم وباتاكدمن هالشي انه اللوح منه وفيه العوازل بس باتاكد ان شاء الله


بو غيث ياخوك قلت لك لا تخليني اوسوس مافيني شدة بروحي ادقق على كل شي والصراحة شي متعب الله يعين اللي يبنون صج عوار قلب واعصاب

[بن غيث]

لا العازل الحراري شنهي فايدته اذابداخل البيت ؟ واعتقد والله العالم وباتاكدمن هالشي انه اللوح منه وفيه العوازل بس باتاكد ان شاء الله


بو غيث ياخوك قلت لك لا تخليني اوسوس مافيني شدة بروحي ادقق على كل شي والصراحة شي متعب الله يعين اللي يبنون صج عوار قلب واعصاب

ههههه .. والله ما أقصد أنك اتوسوسين ..لكن هذا مطبخ ..!
والعوازل تركب بعد تركيب الصاج المجلفن .. وتمديد الكهرباء

والبنيان في حد ذاته متعه .. سبحان الله
كل يوم الواحد يتعلم شئ جديد في هذا العلم الكبير

[ضوى]

ههههه .. والله ما أقصد أنك اتوسوسين ..لكن هذا مطبخ ..!
والعوازل تركب بعد تركيب الصاج المجلفن .. وتمديد الكهرباء

والبنيان في حد ذاته متعه .. سبحان الله
كل يوم الواحد يتعلم شئ جديد في هذا العلم الكبير

منهوالصاج المجلفن بعد !!!! مصطلحات غريبة
البنيان متعة للي له قلب يدقق ويتابع لكن اللي وقته محدود شيسوي

[ضوى]

شكله المقاول بيوقف قلبه من المنتدى ، بهدلت حياته بالمنتدى بس صج خبرات وعلم الناس مفيد الله ينفع بنا يااارب

[بن غيث]

منهوالصاج المجلفن بعد !!!! مصطلحات غريبة
البنيان متعة للي له قلب يدقق ويتابع لكن اللي وقته محدود شيسوي

القوايم والعوارض ..

والله يكون بالعون ..

[ضوى]

القوايم والعوارض ..

والله يكون بالعون ..

تقصد الحديد ايه شفته عالجوانب وبالنص حديد يتركب وتالي يتركب اللوح ويتثبت ببراغي طويلة شفتها طبعا بعداللحام

قالي العامل انهم يبنون غرف كاملة من هالالواح ومن زمان واشكال واحجام فيه الثقيل للبيوت الجاهزة فيه الاخف شوي وفي الخفيف اللي يشبه الجبسمبورد يعني انواع

[بن غيث]

تقصد الحديد ايه شفته عالجوانب وبالنص حديد يتركب وتالي يتركب اللوح ويتثبت ببراغي طويلة شفتها طبعا بعداللحام

قالي العامل انهم يبنون غرف كاملة من هالالواح ومن زمان واشكال واحجام فيه الثقيل للبيوت الجاهزة فيه الاخف شوي وفي الخفيف اللي يشبه الجبسمبورد يعني انواع

هذه التقنية قديمة في البناء .. وتوفر في الوقت والجهد والمال واخف وزن وممكن تتشكل على اشكال مختلفة مثل الشكل الدائري والوانها مختلفة ومتنوعة ..
وممكن تبني بيت من طابقين مب غرفة ..

[ضوى]

هذه التقنية قديمة في البناء .. وتوفر في الوقت والجهد والمال واخف وزن وممكن تتشكل على اشكال مختلفة مثل الشكل الدائري والوانها مختلفة ومتنوعة ..
وممكن تبني بيت من طابقين مب غرفة ..

صحيح قد سمعت فيها من كم سنة في المانيا ، وهنا الوكيل المانع اعتقد والا المسند بصراحة ماتذكر ،
دامها بهالكفاءة ليش مانسمع عنها ؟!! ليش الناس تبني غرف واسقف من الكيربي وخلافه ؟

[بن غيث]

معظم الناس متعودين على البناء التقليدي
وللأسف معظم الشركات ما عندهم خلفة البناء المتطور ولا يهتمون بتجديد أفكارهم القديمة
مثل في موضوع عن مراوح الشفط المركزية .. مثل هذه التقنية موجودة من سبعينات القرن الماضي

[ضوى]

معظم الناس متعودين على البناء التقليدي
وللأسف معظم الشركات ما عندهم خلفة البناء المتطور ولا يهتمون بتجديد أفكارهم القديمة
مثل في موضوع عن مراوح الشفط المركزية .. مثل هذه التقنية موجودة من سبعينات القرن الماضي

بالضبط ، والله استغرب مراوح الشفط الحالية المفروض ماتنوجد في مخططات البناء الحديثة ، تقليدية وشكلها مب حلو وغير هذا تدخل غبار وحشرات

مثال اخر اليوبي في سي في تركيا من خمسين سنة يستخدمونه حسب ماقالوا لي هناك ، وشوف هنا متى عرفوه وشوف الارقام الفلكية لمتر هالنوع ؟!

[بونـ ايف]

انا اقووول تمشين على كلام المهندس لانه هو الشخص الوحيد اللي عاين المكان وهو اكثر شخص ممكن يقرر
واخيرا هو بيكون متحمل المسؤوليه اذا لاقدر الله صار شئ .

[معماري قطري]

الصراحةيامعماري وايد حلوةالفكرةعملية وعرفت انهم يسوون غرف كاملة من هالالواح نظيفة وماتخلف اثار متعبة

نفس الشيء الجبس والخشب بعد محد يحس إن الموجود خشب أو جبس .. ويكون حتى عازل للرطوبة وخفيف أخف من الإسمنت ويتشطب بصبغ أو بلاط.

[ضوى]

اخوي بو غيث

اللي حاطينه لي 12 ملم وضد الحريق ومافيه عازل صوت ولا عازل حرارة

[ضوى]

نفس الشيء الجبس والخشب بعد محد يحس إن الموجود خشب أو جبس .. ويكون حتى عازل للرطوبة وخفيف أخف من الإسمنت ويتشطب بصبغ أو بلاط.

والله الصراحة تقنيات حلوة وغير مكلفة ونظيفة وعملية ليش الناس تتمسك بالاشياء التقليدية برأيك ؟