بشتري بطبطه بس وين اودي غترتي !!!

[رآعي موآجيب]

اليوم رحت اقضي كم شغله ، وطول الطريق رايح وجاي زحمه لا تطاق

الظاهر لازم نأقلم أنفسنا على هالشي ، ونرضى بالأمر الواقع مثل بعض الدول

لأني طالع بدري والبي بي للحين ما أصدر صوته اللي ينبهني بأن اللي فاللسته صحوا واتابع اللي يطرشونه وأنا عالق في الزحمه ( أقزر وقت )


قمت اكلم نفسي


قلت ليش يوم اجتهدت أشغال في بناء الأنفاق والجسور ما عطت المداخل والمخارج حقها

ليش خلوها مثل عنق الزجاجه ، الدخله أو الطلعه تكفي موتر واحد بس ، وبعدها تلاقي 3 مسارات ، المشكله مالهم عذر ، توجد مساحات فاضيه ما استغلوها في التوسعه ، اللي يحير ان بعض هالمساحات حاطين عليها انتر لوك تجميلي او مساحات مزروعه نفس المدخل اللي تحت الجسر اللي عند محطة الجيده سابقاً أو نفس المخرج اللي تحت جسر الصناعيه وانت رايح على خط سلوى ، وغيرها الكثير

وبعدين قلت ياكثر ماتكلمنا وتكلموا غيرنا ، ولا حياة لمن تنادي

وأنا اكلم نفسي في هالموضوع واهوجس وعالق في الزحمه ، تجاوزني واحد على دراجه ناريه
( بطبطه ) نفس هذي


http://www10.0zz0.com/2012/04/02/08/946041284.jpg
ولفت انتباهي انها 3 تواير , يعني منيب طايح :funny:

قعدت اراقبه الين وصل للدوار بوقت قياسي ، قلت لو أن عندي نفسها كان الحين واقف في المكان اللي ابغيه :victory:

بس المكان اللي بجيه ما يصلح اجيه سبورت ، اركب الدراجه بثوبي وغترتي وعقالي !!

بس شسوي بغترتي يمكن تطير :thumbup1:

و وين بروح من مناقيد الناس والشيبان :con2:

لو وقفت قدام مجلس من مجالسنا ولمحني حد من الشيبان أقل شي بسمعه انققققلع escape


وطبعاً راحت الهيبه والشخصيه والبرستيج ، هذا غير ان البزران كلهم بيلحقوني من مكان لمكان يبغون ياخذون لفه :rolleyes2:




ملاحظه :- تراني منيب شاري هالبطبطه طبعاً ، يستحي العقل والجاه


لكن هذي مجرد هواجيس مرتني اليوم من بركات سوء تخطيط وتنفيذ هيئة الأشغال العامه

قمنا نفكر في البطابط كحل من الحلول ، لكن مع الأسف الغتره بتطير !

[R 7 A L]

يازين هواجيسك :)


على فكرة
فكرت جدياً اني اشتري بطبطه واخليها للدوام بس :anger1:

بس المشكلة
نشبوا اخواني بزرانهم في حلقي أوصلهم وانا رايح للدوام :(

[almaf1a]

هذا المقنع داقها كوبرا وراكب البطبطه ماعنده مشكلة

[الزلزال]

لايش لا

اذا انت من الي يخلص اشغاله اصبح البس بدله رياضية كشخه وخلص شغلك على البطبه

ومنها وساعه صدر

[كازانوفا]

فكرت فيهااا قبلك بس لقيته شوي صعبه

[الاجوديه]

.
.



هههههههههههههههههههههههه


الله يسعدك ضحكتن والله



طيب انتوا تحلون مشكلة الزحمه بالبطبطه ..! :victory:

حنا بوشووو ..!

يعني عباة وبرقع ..وبطبطه .. زورو جايكم :nice:



الله يعين والله الزحمه والصيف جااي الله يعين









.
.

[بصمة قطرية]

ذكرتني العام يوم كنت في تايلند و حطيت صورة التوك توك و هو مندعس بين السيارات ..
البنات اللي معاي في اللسته كلهم علقوا و قالوا يبي لنا جذي عشان
ما نتعطل .. :tease:
ما تحس التوك توك برستيج أكثر .. :shy:
ركبته بعباتي و نقابي :tease:

[رآعي موآجيب]

يازين هواجيسك :)


على فكرة
فكرت جدياً اني اشتري بطبطه واخليها للدوام بس :anger1:

بس المشكلة
نشبوا اخواني بزرانهم في حلقي أوصلهم وانا رايح للدوام :(

حضورك هو الزين طال عمرك

وأن بغيتني اهوجس بكره بهوجس علشانك :victory:


يعني مهوب أنا اللي يهوجس في البطبطه بروحه !!

بس اخوانك وبزرانهم وين بتركبهم ؟؟:rolleyes2:

وغترتك وين بتخليها ؟ :tease:

[موضي قطر]

:omg:



من يصدق انه ممكن نفكر في يوم بمثل فكرتك من الزحمة الخانقة ؟!!


قمنا نحس ان احنا ننافس القاهرة في الاختناقات المرورية :rolleyes2:



بس مب شينه فكرة البطبة بالنسبة لك كرجل ... الحكي احنا نقاب وعباه وحاله مايعلم بها الا ربك :(

[رآعي موآجيب]

هذا المقنع داقها كوبرا وراكب البطبطه ماعنده مشكلة



المقنع حاله استثنائيه ، واراهنك ان غترته قطعه وحده مع عقاله وطاقيته


يعني Special Order :victory:

وتحيه معطره للمقنع ، الله يعطيه العافيه :)

[كلنا قطر 1981]

اخوي راعي المواجيب

الزحمه مافي لاحل وياها كلش مع الاسف لانه حتى المخطط الجديده للشوارع عقيمه مع

الاسف ما زال في تكرار للاخطاء و ما لنا غير نقول الله المستعان

بس انا وصيت واحد من الربع يشوف لي هليكوبتر مستخدمه بس بشرط تكون استخدام حشمه

علشان اتمشى فيها و ما اوقف باي زحمه و حصلت وحده بس طلعت تحرق ايل و فيها دخان

اسود و صبغ في باب السايق ف بدور وحده ثانيه تبين ادورلك على هليكوبتر وياي ؟؟

:nice::nice::nice:

[بوخالد2]

ارررحب ياراعي مواجيب

فكره طيبه من رجال اطيب

والله هي حلو بس اللى قلت عنهم الشيبان بيخلون ريال ماتسوى وانت نازل من عليها

هههه بتصير سالفت المجلس فلان راح وفلان جا

[موضي قطر]

اخوي راعي المواجيب

الزحمه مافي لاحل وياها كلش مع الاسف لانه حتى المخطط الجديده للشوارع عقيمه مع

الاسف ما زال في تكرار للاخطاء و ما لنا غير نقول الله المستعان

بس انا وصيت واحد من الربع يشوف لي هليكوبتر مستخدمه بس بشرط تكون استخدام حشمه

علشان اتمشى فيها و ما اوقف باي زحمه و حصلت وحده بس طلعت تحرق ايل و فيها دخان

اسود و سمكره في باب السايق ف بدور وحده ثانيه تبين ادورلك على هليكوبتر وياي ؟؟

:nice::nice::nice:



يقولون محمد الفايد عارض الهليكوبتر اللي عنده للبيع كان يستخدمها في تنقلاته بين بيته وهارودز :shy:

[رآعي موآجيب]

لايش لا

اذا انت من الي يخلص اشغاله اصبح البس بدله رياضية كشخه وخلص شغلك على البطبه

ومنها وساعه صدر


:nono::nono::nono:

لا تجوز لي ولا اجوز لها

مابينا معاهدات صلح ابد ابد

اقول هونت ، ودي بالزحمة دام السالفه كذا :victory:

[R 7 A L]

حضورك هو الزين طال عمرك

وأن بغيتني اهوجس بكره بهوجس علشانك :victory:


يعني مهوب أنا اللي يهوجس في البطبطه بروحه !!

بس اخوانك وبزرانهم وين بتركبهم ؟؟:rolleyes2:

وغترتك وين بتخليها ؟ :tease:



بنشري لنا قروب بطابط :tease:

[رآعي موآجيب]

فكرت فيهااا قبلك بس لقيته شوي صعبه


ويييييييييييييش :eek5:

فكرتي في البطبطه !! :secret:

تعوذي من ابليس تراني اهوجس بس :tease:

[Abdulraman]

والله فكره حلوه بطبطه بس المشكله في الجو يعني تخيل نفسك في الصيف ودرجة الحراره 50 وانت على البطبطه والله بتفوح ريحتك:)
ننتظر القطارات اللي يقولون عنها وسريعه اذا نفس نظام اوربا والله انا بستخدمها ووقف سيارتي واركب القطار خاصتا حق الدوام

[رآعي موآجيب]

.
.


هههههههههههههههههههههههه


الله يسعدك ضحكتن والله



طيب انتوا تحلون مشكلة الزحمه بالبطبطه ..! :victory:

حنا بوشووو ..!

يعني عباة وبرقع ..وبطبطه .. زورو جايكم :nice:



الله يعين والله الزحمه والصيف جااي الله يعين









.
.



يعني تكتك مايمشي معكم !! :victory:

لو اني داري ان النسوان بيشاركونا في هالهاجوس ماكان هوجست من الأصل :secret:

والحين الزحمه ماعاد تعرف صيف من شتاء

كل وقت زحمه ، وأي شي يستوي في الشارع يكون سبب لتكدس السيارات فترات طويله

تدرين وين المشكله ؟

المشكله أن مشاريعنا حلولها وقتيه ، لو كانت حلول بعيدة المدى كان الحال افضل

[كلنا قطر 1981]

يقولون محمد الفايد عارض الهليكوبتر اللي عنده للبيع كان يستخدمها في تنقلاته بين بيته وهارودز :shy:

شفتها و شيكت عليها طلعت مواصفاتها اوربيه و ما تتحمل حرارة الجو عندنا في قطر :nice:

اذا في حولج وحده مواصفات الخليج باخذها و بكون شاكر لج اختي موضي قطر :shy:

[رآعي موآجيب]

ذكرتني العام يوم كنت في تايلند و حطيت صورة التوك توك و هو مندعس بين السيارات ..
البنات اللي معاي في اللسته كلهم علقوا و قالوا يبي لنا جذي عشان
ما نتعطل .. :tease:
ما تحس التوك توك برستيج أكثر .. :shy:
ركبته بعباتي و نقابي :tease:

توني انشد اجوديه :D

والظاهر الفكره جازت لكم اكثر منا :omen2:

اول الأيام بتكون سالفة وناسه نفس سيارة السمارت اول ما نزلت

وعقب بتقولون مثل واحد من الربع كان عنده سمارت

كنا في دبي ومرت علينا هالسياره

قال ، انا صدق خبل ، شلون سمحت لنفسي اركب هالقوطي :funny:

[رآعي موآجيب]

:omg:

من يصدق انه ممكن نفكر في يوم بمثل فكرتك من الزحمة الخانقة ؟!!


قمنا نحس ان احنا ننافس القاهرة في الاختناقات المرورية :rolleyes2:



بس مب شينه فكرة البطبة بالنسبة لك كرجل ... الحكي احنا نقاب وعباه وحاله مايعلم بها الا ربك :(


مثل مافكروا غيرنا من زمااان :nice:

بس المشكله ان وضعنا اهون ، كل مشكلتنا أخطاء تنفيذيه فقط

يوسع جسر ويضيق مدخل !! طيب شلوووون :omen2:

انتوا خلوكم على مواتركم الين نطلب لكم بطابط دبل مخفي على الأجناب :tease:

[بوعمير]

ليش يوم اجتهدت أشغال

بس شسوي بغترتي يمكن تطير




مرحبا براعي المواجيب، شف طال عمرك (لغهً وشرعاً) أشغال ماعمرها إجتهدت ولا بمجتهده ولي قاعده تسوية مغير " رمية خبل من رأس جبل " وشوارع الدوحة تشهدلها.

بالنسبة للبطبطة ماالك إلا أتلطم.

[ثابت]

انا فكرت اخذ وحدة قبل لدوام بس المشكلة فكرت الصيف لو طلعت فيها بتحرق علباي الشمس

[ام السعف]

حط لك صندوق واحفظ فيه الغترة والعقال والكاب
ومن توصل المكان ،، اكشخ فيهم ،، ومن تركب البطبطة ردهم مكانهم

وبالمبارك عليك البطبطة
لا تنسى تتصور احذاها بالغترة

[رآعي موآجيب]

اخوي راعي المواجيب

الزحمه مافي لاحل وياها كلش مع الاسف لانه حتى المخطط الجديده للشوارع عقيمه مع

الاسف ما زال في تكرار للاخطاء و ما لنا غير نقول الله المستعان

:nice::nice::nice:


فيه حلول :nice:

شوف وأنا اخوك الحلول موجوده ، والمشاريع اللي صارت في الـ 5 سنوات الأخيره حلت مشاكل المواقع اللي تم توسعتها أو اللي تم إنشاء الجسور أو الأنفاق بها

لكن مشكلتهم مثل ما ذكرت في سوء التقدير وفي تركيزهم على الموقع المزدحم فقط

بوضح لك أكثر

دوار الجوازات سابقاً كانت زحمته من الجهات الأربعه ، وخصوصاً من الجنوب للشمال والعكس ، أيش اللي صار ؟

تم بناء جسر من الشمال للجنوب والعكس بدون توقف ، وتم إنشاء نفق من الغرب للشرق والعكس بدون توقف ، أنتهت المشكله السابقه بالفعل

لكن


المداخل والمخارج الألتفافيه شفت كيف حالها !!؟ مدخل ضيق لا يسع إلا سياره وحده وبعدين 3 مسارات ، هالشي سبب اختناق في الجهات الأربعه ، الأمر الأخر صحيح انهم حلوا مشكلة الدوار بالجسر والنفق ، لكن اللي بعد الجسر والنفق أيش سوو فيه !!؟ كل الموضوع ان الزحمة انتقلت من دوار الجوازات للدوارات اللي بعدها مع شوية سلاسه في الحركه بأستثناء الجسر الجنوبي وانت طالع من جسر الجوازات كأنك تبغي السد أو شعبيات خليفه ، مكان دوار الجيده سابقاً ، والسبب لأن بناء الجسر بدال الدوار سهل حركة السير بدون توقف فيه وفي جسر الجوازات قبله

ونفس الشي بالضبط في جسر الصناعيه ومدماك والدئري الثالث

تم حل مشكله ولكن مافكروا في انتقال المشكله للجهه الأخرى !



بس انا وصيت واحد من الربع يشوف لي هليكوبتر مستخدمه بس بشرط تكون استخدام حشمه

علشان اتمشى فيها و ما اوقف باي زحمه و حصلت وحده بس طلعت تحرق ايل و فيها دخان

اسود و صبغ في باب السايق ف بدور وحده ثانيه تبين ادورلك على هليكوبتر وياي ؟؟

:nice::nice::nice:

ههههههههههههههه

لا بالله مشكور ، ودي بالقاع :tease: خبرك كل شي قريب مني :victory:

[توشيبا]

دخلت الفكره في راسي

[رآعي موآجيب]

ارررحب ياراعي مواجيب

فكره طيبه من رجال اطيب

والله هي حلو بس اللى قلت عنهم الشيبان بيخلون ريال ماتسوى وانت نازل من عليها

هههه بتصير سالفت المجلس فلان راح وفلان جا


بك رحب الله يابو خالد :nice:

ماعليك زود طال عمرك

تبغي الصدق ، ترى الموضوع قناعات بغض النظر عن الشيبان وش راح يقولون

مع ان كلامهم مهم طبعاً ، مايسوى على الرجال كل مادخل مجلس استلموه الشيبان

وتدري طنازة الشيبان تفقع الكبد وغير شكل :anger1: والمصيبه ماتقدر ترد عليهم :funny:

يعني قاهرينك ومستلمينك وانت توزع ابتسامات :D

لكن شخصياً الفكره مستبعده ، بعض الأمور تقلل من شأن الرجال :)

[رآعي موآجيب]

يقولون محمد الفايد عارض الهليكوبتر اللي عنده للبيع كان يستخدمها في تنقلاته بين بيته وهارودز :shy:


باع هارودز بكبره ، جات على الهليكوبتر !!

أن عطاني اياه هديه بقبله ، وبرد له الهديه بخلفة مهيب قموص :tease:

[رآعي موآجيب]

بنشري لنا قروب بطابط :tease:


ذكرتني بالبوانشي اول ماطاحت سنة 2002

كل بيت فيه 4 بوانشي وفوق ، وإذا رحنا سيلين نكون ورا بعض تقول ريل مهيب بطابط :nice:

[رآعي موآجيب]

والله فكره حلوه بطبطه بس المشكله في الجو يعني تخيل نفسك في الصيف ودرجة الحراره 50 وانت على البطبطه والله بتفوح ريحتك:)
ننتظر القطارات اللي يقولون عنها وسريعه اذا نفس نظام اوربا والله انا بستخدمها ووقف سيارتي واركب القطار خاصتا حق الدوام


طيب ريكسونا مايمشي !! :nop:

تهقى بنلاقي كرسي فاضي ؟ ، وبعدين اوروبا جوهم زين مثل ماقلت ، بتطلع من المحطه للمكان اللي تبغيه مشي ، حتى لو نص ساعه ماعندك مشكله

لكن هنا بتطلع من المحطه تبخبخ ركسونا الين توصل :tease:

[رآعي موآجيب]

مرحبا براعي المواجيب، شف طال عمرك (لغهً وشرعاً) أشغال ماعمرها إجتهدت ولا بمجتهده ولي قاعده تسوية مغير " رمية خبل من رأس جبل " وشوارع الدوحة تشهدلها.

بالنسبة للبطبطة ماالك إلا أتلطم.


وبك البقا يابو مرحبا

اخالفك يا بو عمير ، أشغال مجتهده لكن أخطاؤها واجده

اشغال تبغي تكحلها عمتها ، لكن الجماعه شغالين ، اللي نتمناه انهم ما يكررون الأخطاء في المشاريع الجايه ، ويعالجون بعض الرتوش في المشاريع التي انجزت ، مثل الأكتاف والمداخل والمخارج



بالنسبة للبطبطة ماالك إلا أتلطم.


جبتها يابو عمير :victory:

وإذا وصلت المكان اللي ابغيه اطلع الغتره المكويه من الصندوق مثل ماقالت ام السعف

وأعدل السكبه واخلص شغلي :nice:

[ريتويت]

الزحمه .. والمدارس .. والدوام والحريم الي مايعرفون يسوقون من الصبح وكروه

( يبيلهم حل صراحه )

[الملا]

المقنع حاله استثنائيه ، واراهنك ان غترته قطعه وحده مع عقاله وطاقيته


يعني special order :victory:

وتحيه معطره للمقنع ، الله يعطيه العافيه :)

الفكرة ممتازة مع الزحمة اليومية

اي وقت تطلع تلقى الزحمة

بخصوص المقنع ادعي له بالرحمة توفى من فترة رحمة الله عليه

[قرنقووش]

شوف فكر في هذي

http://media.treehugger.com/assets/images/2011/10/how-smart-is-the-smart-car-image.jpg

عجيبه بس لاتنحاس فيها ههههههههههه المصير جدا صعب

[احب قطر]

بصراحه من فتره جاني ولد عمي وقال لي يابوفلان انت يبغي لك فيزبا ، قلت له شن هي ذي ؟؟؟ قال لي ما عليك باجيبها لك تجربها ، ومن شهر تقريبا جابها لي ، الا طلعت دارجه بس بصراحة عجيبة ، مع ان عمري ماركبت بطابط ، جربتها وسقتها وقال لي خلها عندك كم يوم ، وسبحان الله طلع لي كم مشوار في السوق صوب العنابي ، قلت بس وقتها ، والله يالربع أني ولا تعطلت ، تشيكتها ٥ ريال ، ولاتوقفك زحمة ولا تحاتي موقف ... رحت وخلصت مشاويري كلها من بعد صلاة المغرب ولا إذن علي العشاء الا أنا في المجلس ، لو في سياره ، ولا كنت بأصول الا ٩:٣٠ او ١٠

ما اعرف أحط الصورة بس اعملوا بحث على Vespa واللي بيحط صورتها جزاه الله الف خير

[بوخالد911]

فكر في الهليكوبتر

[بصمة قطرية]

بصراحه من فتره جاني ولد عمي وقال لي يابوفلان انت يبغي لك فيزبا ، قلت له شن هي ذي ؟؟؟ قال لي ما عليك باجيبها لك تجربها ، ومن شهر تقريبا جابها لي ، الا طلعت دارجه بس بصراحة عجيبة ، مع ان عمري ماركبت بطابط ، جربتها وسقتها وقال لي خلها عندك كم يوم ، وسبحان الله طلع لي كم مشوار في السوق صوب العنابي ، قلت بس وقتها ، والله يالربع أني ولا تعطلت ، تشيكتها ٥ ريال ، ولاتوقفك زحمة ولا تحاتي موقف ... رحت وخلصت مشاويري كلها من بعد صلاة المغرب ولا إذن علي العشاء الا أنا في المجلس ، لو في سياره ، ولا كنت بأصول الا ٩:٣٠ او ١٠

ما اعرف أحط الصورة بس اعملوا بحث على Vespa واللي بيحط صورتها جزاه الله الف خير
http://dayerses.com/data_images/posts/piaggio-vespa-150-gs/piaggio-vespa-150-gs-04.jpg

[ANONYMOUS]

بصراحه من فتره جاني ولد عمي وقال لي يابوفلان انت يبغي لك فيزبا ، قلت له شن هي ذي ؟؟؟ قال لي ما عليك باجيبها لك تجربها ، ومن شهر تقريبا جابها لي ، الا طلعت دارجه بس بصراحة عجيبة ، مع ان عمري ماركبت بطابط ، جربتها وسقتها وقال لي خلها عندك كم يوم ، وسبحان الله طلع لي كم مشوار في السوق صوب العنابي ، قلت بس وقتها ، والله يالربع أني ولا تعطلت ، تشيكتها ٥ ريال ، ولاتوقفك زحمة ولا تحاتي موقف ... رحت وخلصت مشاويري كلها من بعد صلاة المغرب ولا إذن علي العشاء الا أنا في المجلس ، لو في سياره ، ولا كنت بأصول الا ٩:٣٠ او ١٠

ما اعرف أحط الصورة بس اعملوا بحث على Vespa واللي بيحط صورتها جزاه الله الف خير

http://s3.amazonaws.com/greenwala-attachments/production/attachments/6534/large/Vespa-Rocking-Horse.jpg?1255632446


:p












































لالا اتغشمر هذي

http://dayerses.com/data_images/posts/piaggio-vespa-gts/piaggio-vespa-gts-05.jpg

[حليتان*]

ترا الزحمه مفيده

وتعتبر نوع من انواع الرياضه وخاصه لو موترك قير عادي << خذها مني ههههههههه

[qatari 111]

ما في الا هالبطبطه فيها مكيف وكرسيين ورى بعض .. ومخفي كامل 40%
وامورك طيبه

http://img102.herosh.com/2012/04/03/74768777.jpg

[رآعي موآجيب]

انا فكرت اخذ وحدة قبل لدوام بس المشكلة فكرت الصيف لو طلعت فيها بتحرق علباي الشمس


المشكله مهوب في العلبا ، المشكله في الوجه

بتلاقي بعضنا وجهه محفر من العجاج ، لازم ننطر جونسون و في كول يخترعون لنا حماية فيس :tease:

[رآعي موآجيب]

حط لك صندوق واحفظ فيه الغترة والعقال والكاب
ومن توصل المكان ،، اكشخ فيهم ،، ومن تركب البطبطة ردهم مكانهم

وبالمبارك عليك البطبطة
لا تنسى تتصور احذاها بالغترة

الغتره والعقال فهمناهم ، لكن الكاب وش دخله في السالفه !! :weeping:

الله يبارك في عمرش :) وانطري صورتي في توقيعي مع الفيسبا عقب ما اشتريها :victory:

[ام السعف]

الغتره والعقال فهمناهم ، لكن الكاب وش دخله في السالفه !! :weeping:

الله يبارك في عمرش :) وانطري صورتي في توقيعي مع الفيسبا عقب ما اشتريها :victory:

الحين لو بتلبس الغترة والعقال الكاب وين بتخليه ؟
اكيد في الصندوق :(

[رآعي موآجيب]

دخلت الفكره في راسي



على ماقال عبدالحسين عبد الرضا

حلم يبه حلم :tease:

هواجيس يبه هواجيس :victory:

[رآعي موآجيب]

الزحمه .. والمدارس .. والدوام والحريم الي مايعرفون يسوقون من الصبح وكروه

( يبيلهم حل صراحه )


صدقتي

نطالب بألغاء التدريس في المدارس والأكتفاء بالتمدرس في البيوت :telephone:

ونطالب بأعفائنا من الدوام واللي له معامله يبغي يخلصها يرسلها برودكاست :victory:

ونطالب بصرف سياكل 3 تواير للحريم اللي مايعرفون يسوقون :anger1:

ونطالب بألغاء كروه وإرجاع التكسي البرتقالي :victory::nice:

[رآعي موآجيب]

الفكرة ممتازة مع الزحمة اليومية

اي وقت تطلع تلقى الزحمة

بخصوص المقنع ادعي له بالرحمة توفى من فترة رحمة الله عليه


المقنع حي يرزق طال عمرك :nice:

اللي توفى واحد أسمه نفس اسم المقنع :victory:

ادعي له بطولة العمر لا يزعل بس :telephone:

[رآعي موآجيب]

شوف فكر في هذي

http://media.treehugger.com/assets/images/2011/10/how-smart-is-the-smart-car-image.jpg

عجيبه بس لاتنحاس فيها ههههههههههه المصير جدا صعب



تدري ترى ماتفيد ، لأنك لو بتتجاوز او بتزرق تعتبر مخالف لأنها سياره فعليه حتى لو كانت بهذا الحجم

يعني ركبت هالقوطي ونشبت في الزحمه :weeping::victory:

[ريتويت]

صدقتي

نطالب بألغاء التدريس في المدارس والأكتفاء بالتمدرس في البيوت :telephone:

ونطالب بأعفائنا من الدوام واللي له معامله يبغي يخلصها يرسلها برودكاست :victory:

ونطالب بصرف سياكل 3 تواير للحريم اللي مايعرفون يسوقون :anger1:

ونطالب بألغاء كروه وإرجاع التكسي البرتقالي :victory::nice:


صحيح



....................

[رآعي موآجيب]

بصراحه من فتره جاني ولد عمي وقال لي يابوفلان انت يبغي لك فيزبا ، قلت له شن هي ذي ؟؟؟ قال لي ما عليك باجيبها لك تجربها ، ومن شهر تقريبا جابها لي ، الا طلعت دارجه بس بصراحة عجيبة ، مع ان عمري ماركبت بطابط ، جربتها وسقتها وقال لي خلها عندك كم يوم ، وسبحان الله طلع لي كم مشوار في السوق صوب العنابي ، قلت بس وقتها ، والله يالربع أني ولا تعطلت ، تشيكتها ٥ ريال ، ولاتوقفك زحمة ولا تحاتي موقف ... رحت وخلصت مشاويري كلها من بعد صلاة المغرب ولا إذن علي العشاء الا أنا في المجلس ، لو في سياره ، ولا كنت بأصول الا ٩:٣٠ او ١٠

ما اعرف أحط الصورة بس اعملوا بحث على Vespa واللي بيحط صورتها جزاه الله الف خير



أسمع ، مرني خليني بروح معك يمكن اقتنع :shy:

لكن لازم لطمه على ماقال ابو عمير :victory:

بس لو حد شافنا من اعضاء المنتدى بيدرون أن اللي يسوق احب قطر واللي وراه راعي مواجيب :telephone:

وشوف الأستلام على حق :tease:

[رآعي موآجيب]

فكر في الهليكوبتر

أبشر يابو خالد

أول شي بثقل الليسن وعقب بفكر بجديه :victory:

[رآعي موآجيب]

http://dayerses.com/data_images/posts/piaggio-vespa-150-gs/piaggio-vespa-150-gs-04.jpg



http://s3.amazonaws.com/greenwala-attachments/production/attachments/6534/large/Vespa-Rocking-Horse.jpg?1255632446


:p












































لالا اتغشمر هذي

http://dayerses.com/data_images/posts/piaggio-vespa-gts/piaggio-vespa-gts-05.jpg



Thank you andThank you :victory::victory:

[رآعي موآجيب]

ترا الزحمه مفيده

وتعتبر نوع من انواع الرياضه وخاصه لو موترك قير عادي << خذها مني ههههههههه


الله يرحم القير العادي وأيامه

بس ياخي تحس فيه شي غلط

الفخذ اليسرى معضله واليمنى مبنشره :weeping:

[رآعي موآجيب]

ما في الا هالبطبطه فيها مكيف وكرسيين ورى بعض .. ومخفي كامل 40%
وامورك طيبه

http://img102.herosh.com/2012/04/03/74768777.jpg


هذا الزين للبنات اللي يبغون بطابط :victory:

[رآعي موآجيب]

الحين لو بتلبس الغترة والعقال الكاب وين بتخليه ؟
اكيد في الصندوق :(

ام السعف :anger1:

تحملي تقولين انش تقصدين الطاقيه بقولتش كاب !! :weeping:

إذا هذا قصدش لاعاد تردين علي ، لأني بستلم المكرفون وبتثور عجه :telephone:

[mrloverman]

ملاحظه :- تراني منيب شاري هالبطبطه طبعاً ، يستحي العقل والجاه


الشياب ركبوا الحمير والبغال والجمال والخيول محد أستحى ،،
هي فتره وعقب كل الأمور تصير عاااااااااااااااااااااااااااااااااادي


الله يركم وين كان حد يتخيل حرمه تسوق ( والحيا والجاه ما كان يسمح ) الحين الي مب طبيعي انها ما تسوق :rolleyes2:


الحل :
الغتره حطها بالصندوق الي ورى ، وهالفكره طرت على بالي من سنتين بس متردد وش أسوي بالقرعه .:shy:

[رآعي موآجيب]

الشياب ركبوا الحمير والبغال والجمال والخيول محد أستحى ،،
هي فتره وعقب كل الأمور تصير عاااااااااااااااااااااااااااااااااادي


الله يركم وين كان حد يتخيل حرمه تسوق ( والحيا والجاه ما كان يسمح ) الحين الي مب طبيعي انها ما تسوق :rolleyes2:


الحل :
الغتره حطها بالصندوق الي ورى ، وهالفكره طرت على بالي من سنتين بس متردد وش أسوي بالقرعه .:shy:


الشيبان اركبوها مجبورين ، وإلا بياخذ مشواره رجلي

ولكل زمان وضعه ، الحمير والبغال كرمكم الله كانت مثل الأكس 6 اليوم

كشخه بس وعره

والأبل مثل الرنج ، غاليه وريفه ، والخيل مثل الجوست ، مهوب حي الله واحد يركبه :victory:

اقوول ، ابرك قرعه خلتك تهون من الفكره :tease:

[غايه الطواش]

الصراحه احيان اذا الجو حلو خاطري اركب بطبطه مثل الشباب مابي اسوق بس ابي يسوقون فيني وابي بطبطه ام ثلاث تواير ...خاطري اقعد فيها ..وخاصه اذا كان اول الصبح والجو عليل ...

شوف اخوي راعي المواجيب مالك الا تنتظر سنه 2022 قطر الميترو مادري الرين خلص وان شالله تقضي مشوار بو ساعه الا ربعه في نص ساعه وامورك فالسليم :))

[بوخالد2]

بك رحب الله يابو خالد :nice:

ماعليك زود طال عمرك

تبغي الصدق ، ترى الموضوع قناعات بغض النظر عن الشيبان وش راح يقولون

مع ان كلامهم مهم طبعاً ، مايسوى على الرجال كل مادخل مجلس استلموه الشيبان

وتدري طنازة الشيبان تفقع الكبد وغير شكل :anger1: والمصيبه ماتقدر ترد عليهم :funny:

يعني قاهرينك ومستلمينك وانت توزع ابتسامات :D

لكن شخصياً الفكره مستبعده ، بعض الأمور تقلل من شأن الرجال :)

انشهد انك بتقطع هههههههههههه

وابشرك انك بس بتضحك غصب و ماتقدر اترد على احد وياشينها لين جات وقت العصر و مجمعين يتقهون رحت ملح من الاستلام :tease:

[غرِيبهـ]

انا اشوف الزحمة بكل البلادين

هني في تايلند زحمة مب طبيعية جي على الساعة 6 كلن طالع من الدوام
والمشوار ياخذ ساعتين واكثر مانوصل السوق الا باقي ساعة ويسكر :(

واشوف البطابط انواع واشكال ويمرون واحنا في الزحمة :weeping:

التك تك شوي يعلق في الزحمة بس يدلون الدواعيس ويشردون عن الزحمة
ركبته مره بالرجعة للفندق وتبت عقبها اركبه
ريحه الشارع و المطبات يجي عليها مسرع :weeping:

في الدوحة ترى الوضع مريح و الزحمة تمشي ماتوقف غير دور دواعيس بتفج من الزحمة

من شاف غيره هانت عليه مصيبته :shy:

[OTOsan]

بط بط ... بطبطه :) ،

انا مثلك .. اطالع اصحاب البطابط بانواعها .. وهم يتجاوزون طابور السيارات بكل .. غبطه :)

يعطيك العافيه اخوي راعي مواجيب ،،

[رآعي موآجيب]

الصراحه احيان اذا الجو حلو خاطري اركب بطبطه مثل الشباب مابي اسوق بس ابي يسوقون فيني وابي بطبطه ام ثلاث تواير ...خاطري اقعد فيها ..وخاصه اذا كان اول الصبح والجو عليل ...

شوف اخوي راعي المواجيب مالك الا تنتظر سنه 2022 قطر الميترو مادري الرين خلص وان شالله تقضي مشوار بو ساعه الا ربعه في نص ساعه وامورك فالسليم :))

هذي سهالات

لفه في سيلين وإلا في العزبه وانتهى الموضوع :nice:

الله يعطينا طولة العمر وياكم ان شاء الله ونشوف الريل ونقضي مشاويرنا عليه :victory:

[رآعي موآجيب]

انشهد انك بتقطع هههههههههههه

وابشرك انك بس بتضحك غصب و ماتقدر اترد على احد وياشينها لين جات وقت العصر و مجمعين يتقهون رحت ملح من الاستلام :tease:


تعلمني فيهم !! معهم دايما واعرف حركاتهم :anger1:

لكن اعرف اخذ حقي منهم بسكات ، إذا رحنا مع بعض ما اخلي مطبه ولا حفره إلا وطب فيها ، واسمع اشكال التوجاع بس :tease:

هههههههههه

تراني امزح ، والله انهم ملحنا عسى الله يطول في اعمارهم :nice:

راحوا الشيبان يابو خالد ولا بقى منهم إلا القليل :(

[رآعي موآجيب]

انا اشوف الزحمة بكل البلادين

هني في تايلند زحمة مب طبيعية جي على الساعة 6 كلن طالع من الدوام
والمشوار ياخذ ساعتين واكثر مانوصل السوق الا باقي ساعة ويسكر :(

واشوف البطابط انواع واشكال ويمرون واحنا في الزحمة :weeping:

التك تك شوي يعلق في الزحمة بس يدلون الدواعيس ويشردون عن الزحمة
ركبته مره بالرجعة للفندق وتبت عقبها اركبه
ريحه الشارع و المطبات يجي عليها مسرع :weeping:

في الدوحة ترى الوضع مريح و الزحمة تمشي ماتوقف غير دور دواعيس بتفج من الزحمة

من شاف غيره هانت عليه مصيبته :shy:


صادقه ياغريبه ، ومثل ما قلت في اول كلامي ، شكلنا لازم نتأقلم على الزحمه

والتكتك في تايلند انصح فيه وقت الرجعه للفندق بس ، لأنه لازم دش على طول بعد التكتك :nice:

ترجعون بالسلامه ان شاء الله

[رآعي موآجيب]

بط بط ... بطبطه :) ،

انا مثلك .. اطالع اصحاب البطابط بانواعها .. وهم يتجاوزون طابور السيارات بكل .. غبطه :)

يعطيك العافيه اخوي راعي مواجيب ،،

ذكرتني بغانم السليطي يومه يغني بط بط :victory:

و ودك موترك يتحول بطبطه في حزتها بس تطلع من هالنشبه :tease:

سيم سيم :nice:

[khaldoon]

ها يا اخوي....شريت بطبطه و الا للحين ما شريت

طمنا

[رآعي موآجيب]

ها يا اخوي....شريت بطبطه و الا للحين ما شريت

طمنا


هونت ياخلدون :victory:

بستحمل الزحمه وبكتفي بأني اناظر اللي عندهم بطابط :nice:

لايكون تنطرني علشان تقلدني وتشتري بطبطه :tease:

[khaldoon]

هونت ياخلدون :victory:

بستحمل الزحمه وبكتفي بأني اناظر اللي عندهم بطابط :nice:

لايكون تنطرني علشان تقلدني وتشتري بطبطه :tease:

قلنا خلنا نستفيد من تجربتك و يمكن نقلد....بس الجو لقدام ما يساعد :nice:

[طواش]

من زمان خاطري في عربة بحصانين أو أربعة أحصنة وسائق ، وأنا في المقصورة كاشخ ،

القترة مكانها والعقال مقيص عدل ويمكن ألبس معاه بشت لزوم الكشخة .

لا مصاريف بترول ولا تلويث بيئة والهواء يكتكت علي من الصوبين ، ويمكن يسمح للعربة تمشي

في أي مكان.

تعرف مكان يصنع عربات راقية مثل عربات الأروبية من قرنين أو ثلاثة ؟

وقت تحقيق الأحلام قد اقترب

[ام السعف]

من زمان خاطري في عربة بحصانين أو أربعة أحصنة وسائق ، وأنا في المقصورة كاشخ ،

القترة مكانها والعقال مقيص عدل ويمكن ألبس معاه بشت لزوم الكشخة .

لا مصاريف بترول ولا تلويث بيئة والهواء يكتكت عليه من الصوبين ، ويمكن يسمح للعربة تمشي

في أي مكان.

تعرف مكان يصنع عربات راقية مثل عربات الأروربية من قرنين أو ثلاثة ؟

وقت تحقيق الأحلام قد اقترب


:looking:

[OTOsan]

من زمان خاطري في عربة بحصانين أو أربعة أحصنة وسائق ، وأنا في المقصورة كاشخ ،

القترة مكانها والعقال مقيص عدل ويمكن ألبس معاه بشت لزوم الكشخة .

لا مصاريف بترول ولا تلويث بيئة والهواء يكتكت عليه من الصوبين ، ويمكن يسمح للعربة تمشي

في أي مكان.

تعرف مكان يصنع عربات راقية مثل عربات الأروربية من قرنين أو ثلاثة ؟

وقت تحقيق الأحلام قد اقترب



أيها الدوق طواش .. لننزل من العربة ..لقد وصلنا الى قصر اللورد راعي مواجيب ..!

ايها السائق .. صف العربة في الباركنج وانتظرنا هناك حتى ننتهي ..!



مدري ليش جا على بالي هذا الحوار يوم قريت امنيتك :)

[طواش]

:looking:

أم السعف ثرى من مزايا العربات إنها تصلح للجميع كبارا وصغارا ، رجالا ونساءً ، وفيها

أماكن لوضع الأغراض والمشتريات .

وفوق هذا وذاك سقبة ، ولها موديلات وأشكال على كيف كيفك .

تصوري نفسك في منطقتك السكنية الداخلية تتنقلين بعربة دون خوف من سيارة مسرعة ولا

حافلة داخلة بين البيوت دون أن يمنعها قانون .

[ام السعف]

أم السعف ثرى من مزايا العربات إنها تصلح للجميع كبارا وصغارا ، رجالا ونساءً ، وفيها

أماكن لوضع الأغراض والمشتريات .

وفوق هذا وذاك سقبة ، ولها موديلات وأشكال على كيف كيفك .

تصوري نفسك في منطقتك السكنية الداخلية تتنقلين بعربة دون خوف من سيارة مسرعة ولا

حافلة داخلة بين البيوت دون أن يمنعها قانون .



مب قادرة اقتنع :(

[طواش]

أيها الدوق طواش .. لننزل من العربة ..لقد وصلنا الى قصر اللورد راعي مواجيب ..!

ايها السائق .. صف العربة في الباركنج وانتظرنا هناك حتى ننتهي ..!



مدري ليش جا على بالي هذا الحوار يوم قريت امنيتك :)

ما رأيك ؟ ألم يدر في خلدك أن تكون لديك عربة مثيلة لتقليل الزحمة على الأقل في المشاوير

القصيرة ؟

على فكرة ما الفرق بين رتبتي الدوق واللورد ؟

[OTOsan]

ما رأيك ؟ ألم يدر في خلدك أن تكون لديك عربة مثيلة لتقليل الزحمة على الأقل في المشاوير

القصيرة ؟

على فكرة ما الفرق بين رتبتي الدوق واللورد ؟


لا اخفيك الامر ان امنيتك هذه لم تراودني بتاتا في السابق ، ولكن قراءتي لها هنا جعلتني اعجب بهذه الفكرة ..وبميزاتها التي ذكرت :)

اما عن الفرق بين الرتبتين او اللقبين فانا لا اعلمه ، وانما كتبته بعفوية تحت تأثير مسلسلات الاطفال القديمة التي كانت تحاكي تلك الحقبة ..ومنها على سبيل المثال : ليدي ليدي :)

[غايه الطواش]

من زمان خاطري في عربة بحصانين أو أربعة أحصنة وسائق ، وأنا في المقصورة كاشخ ،

القترة مكانها والعقال مقيص عدل ويمكن ألبس معاه بشت لزوم الكشخة .

لا مصاريف بترول ولا تلويث بيئة والهواء يكتكت علي من الصوبين ، ويمكن يسمح للعربة تمشي

في أي مكان.

تعرف مكان يصنع عربات راقية مثل عربات الأروبية من قرنين أو ثلاثة ؟

وقت تحقيق الأحلام قد اقترب


يوم الي بتحس باللواهيب تلفحك يمين ويسار وشمس يوليو واغسطس سخطه فوق الراس ذيك الساعه بتقول وينج يالسياره :shy:

[OTOsan]

^
^

غريبُ امركم ياقوم .. اتستكثرون على طواش امنياته :)

[طواش]

يوم الي بتحس باللواهيب تلفحك يمين ويسار وشمس يوليو واغسطس سخطه فوق الراس ذيك الساعه بتقول وينج يالسياره :shy:

يمكن نركب فيها مروحة ولا مكيف يعمل على حركة العجلات .

لا تحاتين بنلقى لها حل المهم نلقى موردين للعربات .

المهم نحل مشكلة الزحمة وتلوث البيئة في الأول .

أذكر يوم كانوا عيالي صغار كان واحد من زمائلهم في المدرسة يحضر إلى المدرسة في عربة .

[فتى الجود]

عادي اخوى

هذا مشعل النعيمي بطل قطر

صورته في 2004

قبل لا يصير بطل

انا اشوف ان الموضوع عادى

[غرِيبهـ]

الله يسلمك اخوي

:shy: مع اني قلت تايبه بس رجعنا بالتكتك اليوم
فعلا لرجعة الفندق اسرع بالزحمة .


تفضل حل لك للزحمة

حلق عاليا عنها وان شاء الله الغترة مابتخترب .

http://1.bp.blogspot.com/-ZdX0AG12ZQM/T2dLje7ebxI/AAAAAAAAZUk/P1AQKKAotiY/s320/2.jpg


استعد.. فقريبا ستقول وداعا لمشاكل الزحام وستنظف أذنيك من أقبح الشتائم التي تسمعها من خلال المشاجرات التي لا تنتهي على أولوية العبور من الطريق، وذلك بعد الاختراع العجيب الذي ستطير معه بعيدا إلى عالم الأحلام.. فقط هو مبلغ ستقوم بدفعه ربما يكون كبيرا بعض الشيء لكنك ستنال بعده الراحة إلى الأبد.
************** * * * * * * ***
وكانت صحيفة «ديلي ميل» البريطانية قد أفردت تقريرا مصورا يبرز أحدث وسيلة للتنقل وهي عبارة عن سيارة ذات جناحين تطير في الهواء، وتحتوى السيارة الطائرة التي من المنتظر أن تطرح للبيع بمبلغ 800 ألف جنيه استرليني، على مقعدين ويمكنها السير بسرعة من 60 إلى 110 ميل في الساعة.

وكان مولت تايلور مخترع السيارة قد بدأ في بناء نموذج السيارة عام 1946 وانتهى من صنعها بعد 3 سنوات لكنها فشلت في الاقلاع، ورغم ذلك فلم يعرف اليأس طريقه وتمت محاولات أخرى حتى شهد عام 1949 اطلاقها بنجاح.

وقد نجح تايلور في تصميم السيارة التي تستطيع أن تحولها إلى طائرة خلال 10 دقائق فقط حيث تنطلق في الجو بسرعة 55 ميلا في الساعة، وذلك بعدما حصل على موافقة السلطات الأميركية.

http://3.bp.blogspot.com/-z5lnI6iKDvk/T2dLkW8DN_I/AAAAAAAAZU4/cqgIQVHAuaU/s1600/4.jpg

شرايك ؟:shy:

[رآعي موآجيب]

من زمان خاطري في عربة بحصانين أو أربعة أحصنة وسائق ، وأنا في المقصورة كاشخ ،

القترة مكانها والعقال مقيص عدل ويمكن ألبس معاه بشت لزوم الكشخة .

لا مصاريف بترول ولا تلويث بيئة والهواء يكتكت علي من الصوبين ، ويمكن يسمح للعربة تمشي

في أي مكان.

تعرف مكان يصنع عربات راقية مثل عربات الأروبية من قرنين أو ثلاثة ؟

وقت تحقيق الأحلام قد اقترب



نعم أعرف مكان يصنع مثل هذه العربات ، أتوقع المكتب الهندسي يصنع مثل ذلك

ولكن ليس بمقدورك الوصول اليهم :funny:

فأطلبها من بلاد السند ولكن عليك بتوفير كذا صره من الدنانير


أي عربه بس الله يرضى عليك :omen2:

إذا في خاطرك روح مصر ومر على النيل وأخذ لك لفه وعيش حلمك :tease:

[رآعي موآجيب]

:looking:

:taunt::taunt:

[رآعي موآجيب]

أيها الدوق طواش .. لننزل من العربة ..لقد وصلنا الى قصر اللورد راعي مواجيب ..!

ايها السائق .. صف العربة في الباركنج وانتظرنا هناك حتى ننتهي ..!



مدري ليش جا على بالي هذا الحوار يوم قريت امنيتك :)


طواش مثل واحد من الربع

يقول انا عايش في الزمن الخطأ

انا المفروض اني انولدت في زمن الفرسان

احس اني فارس والدرع والجوخه لابقه علي :funny:

:tease:

[رآعي موآجيب]

يوم الي بتحس باللواهيب تلفحك يمين ويسار وشمس يوليو واغسطس سخطه فوق الراس ذيك الساعه بتقول وينج يالسياره :shy:


غلطانه ،، بيكون عنده ثنين خدم معهم مهفه ويهفون عليه :victory:

[رآعي موآجيب]

^
^

غريبُ امركم ياقوم .. اتستكثرون على طواش امنياته :)


ما نستكثر عليه شي ويستاهل العربه :nice:

اللفه بـ 80 جنيه على النيل :victory:

[رآعي موآجيب]

عادي اخوى

هذا مشعل النعيمي بطل قطر

صورته في 2004

قبل لا يصير بطل

انا اشوف ان الموضوع عادى


هوايه فديت خشمك :)

تختلف الهوايه عن إيجاد البديل اليومي :victory:

وتحيه منا للبطل مشعل النعيمي :nice:

[رآعي موآجيب]

الله يسلمك اخوي

:shy: مع اني قلت تايبه بس رجعنا بالتكتك اليوم
فعلا لرجعة الفندق اسرع بالزحمة .


تفضل حل لك للزحمة

حلق عاليا عنها وان شاء الله الغترة مابتخترب .

http://1.bp.blogspot.com/-ZdX0AG12ZQM/T2dLje7ebxI/AAAAAAAAZUk/P1AQKKAotiY/s320/2.jpg


استعد.. فقريبا ستقول وداعا لمشاكل الزحام وستنظف أذنيك من أقبح الشتائم التي تسمعها من خلال المشاجرات التي لا تنتهي على أولوية العبور من الطريق، وذلك بعد الاختراع العجيب الذي ستطير معه بعيدا إلى عالم الأحلام.. فقط هو مبلغ ستقوم بدفعه ربما يكون كبيرا بعض الشيء لكنك ستنال بعده الراحة إلى الأبد.
************** * * * * * * ***
وكانت صحيفة «ديلي ميل» البريطانية قد أفردت تقريرا مصورا يبرز أحدث وسيلة للتنقل وهي عبارة عن سيارة ذات جناحين تطير في الهواء، وتحتوى السيارة الطائرة التي من المنتظر أن تطرح للبيع بمبلغ 800 ألف جنيه استرليني، على مقعدين ويمكنها السير بسرعة من 60 إلى 110 ميل في الساعة.

وكان مولت تايلور مخترع السيارة قد بدأ في بناء نموذج السيارة عام 1946 وانتهى من صنعها بعد 3 سنوات لكنها فشلت في الاقلاع، ورغم ذلك فلم يعرف اليأس طريقه وتمت محاولات أخرى حتى شهد عام 1949 اطلاقها بنجاح.

وقد نجح تايلور في تصميم السيارة التي تستطيع أن تحولها إلى طائرة خلال 10 دقائق فقط حيث تنطلق في الجو بسرعة 55 ميلا في الساعة، وذلك بعدما حصل على موافقة السلطات الأميركية.

http://3.bp.blogspot.com/-z5lnI6iKDvk/T2dLkW8DN_I/AAAAAAAAZU4/cqgIQVHAuaU/s1600/4.jpg

شرايك ؟:shy:


في تايلند مالكم غنى عن التكتك :victory:

الفكره ماصلحت لي وهالموتر الطيار شكله منتهي ونكبته قريب :omen2:

تخيلي يخبط في السماء وش اللي بيرجعنا القاع :funny: