شركة تنظيف للبيت

[هدوء العاصفة]

وجدت أحد الاعلانات عن شركات تنظيف .. هل في حد عنده شركة زينة ؟؟؟؟؟؟ الشركة اللي جبتها عطاني عرض سعر 3200 مع ان البيت متوسط الحجم ومش كبير

ارجوا افادتي جزاكم الله خير

[فريج النجادة]

انا افضل اشتري الأدوات وتجيب عمال

العامل في اليوم 100 ريالً

الشركة بيجيب لك عمال ما يفهمون في النظافة

والأمر لك

[شموخ دائم]

,

,

مرحبا


الله يعطيكم العافيه

انا تعاملت قبل سنتين مع شركه المناعي الي بفريج بن محمود جنب محلات الاعراس شغلهم زين في التنظيفات ذيك الفتره
عندهم ايضا ررش الحشرات وعندهم قسم لجلي وتنظيف الرخام
تعاملي معاهم قبل ( سنتين ) وما اعرف الان شلون شغلهم

اتمنى حد من الاعضاء يعمل لنا اب ديت لمعلوماتنا عنهم او شركات اخرى يرشحها

بالنسبه للعمال من خارج ونعطيهم 100 ريال
انا ما ارشح هذي الطريقه راح يخربون الرخام والصبغ والديكور والابواب يشمخون
بعض الامور بالبيت من دفاشتهم
:)

عط الخباز خبزه احسن
:)



,

,


اخوك


شموخ دائم

[كبير المتداولين]

بناء على توصيات الغالي شموخ تعاملت مع المناعي شغلهم زين ماقصرو ماخلو صغيره وكبيره وعمال فاهمين طلعو احسن مني خخخخ الفله متوسطه بس معجونه عجين بمخلفات البناء والسعر ٣٠٠٠ ريال خذو يومين بالتنظيف واليوم الثالث جبتهم اباده حشرات عطيته ٢٠٠ الهندي وماقصر طبعا هالكلام من شهر ونص تقريبا

[المناعي QTR]

بصراحه متعاقد مع شركه المناعي من سنين

وشغلهم جدآ نظيف والعمال فاهمين الشغله صح

مناحيت التنظيف رش المبيدات ومكافحة جميع انواع الحشرات والقوارض.



وبالتوفيق ان شاءالله

[حمد 2002]

هل سعرهم شامل جلي وتلميع الرخام ؟، ولو فيلا سعرها 700 متر كم بياخذون تقريبا ؟

[هدوء العاصفة]

مشكورين اخواني ماقصرتوا هل شركة المناعي هي نفسها مؤسسة المناعي للتنظيفات وصيانة المباني ؟ لأنهم جاو بيتي وعطوني عرض اسعار

وهل في حد جرب شركة chemdry ؟

[هدوء العاصفة]

للرفع

[N7eEeS]

بناء على كلام الاخوان جربي المناعي ورقمهم موجود ، ونصيحه اي شركة بتشتغلين معاها تأكدي ان حد تعرفينه متعامل معاها علشان مايلعوزونج لان بعض الشركات جديده ويمكن تخرب عليج البيت خاصه الله يعزج الحمامات لانهم يستخدمون الاسيت واذا كان مركز وايد يطير الالوان سواء في الاكسسوارات او حتى الرخام والجرانيت.
ولو عندي عمال في الشركة فاضيين كان نظفت لج بسعر يناسبج بس الفتره ذي موقف اخذ ورش خارجيه.
وموفقه ان شاء الله

[N7eEeS]

هل سعرهم شامل جلي وتلميع الرخام ؟، ولو فيلا سعرها 700 متر كم بياخذون تقريبا ؟


اخوي الرخام اما يتنظف بس بدون تلميع لانه مايتلمع بالبولش، واذا تبيه يلمع لازم جلي والجلي معناته يقصون شوي من وجه الرخام حتى تطلع اللمعه.
السعر يعتمد على الشغل في الفيلا بس في كل الاحوال مايتجاوز 4000 اذا الفيلا جديده.

[فريج النجادة]

نصيحة لوجهة الله شركة قطر للتنظيفات ممتازين بعد التجربة

[ريان]

نصيحة لوجهة الله شركة قطر للتنظيفات ممتازين بعد التجربة


كم الاسعار تقريبا ؟

وهل عندهم جلي للرخام ؟

[ساس الوفا]

شركة المناعي ماعليهم كلام .. شغلهم ماعليه كلام

[q6ryah]

تعاملنا مع المناعي في 2004 كان شغلهم روعة خلوا فيلتنا تلمع وتبرق من النظافة

[OREO]

ممكن رقم شركة المناعي ما عليكم امر ،،

[هدوء العاصفة]

جربت شركة المناعي وشغلهم زين .. يبغي لهم اشوي اشراف وتوجيه من صاحب البيت ويبون بقشيش عشان يشتغلون احسن ..

بشكل عام اعطيهم جيد جداً

[شموع قطريه]

لاتاخذ اي شركة .. من سنتين سوينا صيانه لبيتنا واتصلت بشركة تنظيف علشان ينظفون خذت رقمها من احد الاعضاء بالمنتدى الله يسامحه والله لايراويكم طرشوا لي عاملين معاهم مخمتين الله يعزكم وقوطي صابون بودر وممسحتين وعفسوا لي الدنيا عفاس يوم كامل يحكون غرفة وحده خربولي صبغها من تحت وسادين باب الغرفة من تحت علشان مايطلع الماي بجلابيه نسائية !!
ثاني يوم اتصلت الشركه وقلت لهم تعالوا شيلوا مخماتكم وخلاص لاتطرشون عمالكم مانبي تنظيف كنسلنا ..