المساعد الشخصي الرقمي

مشاهدة النسخة كاملة : مخالفة حزام الأمان 500 ريال !!


brooq
02-04-2012, 10:47 PM
السلام عليكم ..

قبل يومين خرجت أنا والأهل للتنزه وشرب القهوة خارج البيت إلا أنه وللأسف فوجئت في أحد الدوارات العتيدة برجل مرور يقوم بتسجيل الأرقام المخالفة لحزام الأمان ..

ورغم أني ملتزم بلبس الحزام في معظم الأحيان إلا أنه وجل من لا يسهو نسيت في ذلك اليوم وضعه عند ركوبي السيارة في بداية الأمر .. وهذا وإن يكن خطاي.

لا أعرف كيف استطاع هذه الشرطي رصدي من بين عشرات السيارات المزدحمة في الدوار لحظتها .. وما هي إلا سويعات حتى هلت علي رسالة مطراش تخبرني بمخالفة قيمتها 500 ريال!!

الحمدلله أنها لم تكن إعدام بس!!

هل يعقل هذه قيمة المخالفات عندنا في قطر .. بالله عليكم أي دولة في العالم يوجد بها مثل هذه المخالفات ..!!

أذكر مرة بأني أخذت نفس المخالفة على حزام الأمان في أمريكا بلد الحضارات والقوانين الدولية والعدالة والحرية والمساواة وكانت قيمة المخالفة 50 دولار فقط رغم أني كنت أقود في الهاي وي.

لا أعرف من الذي اقترح مثل هذه القيم على المخالفات .. هل هذه جباية أم ضرائب بمسمى آخر؟؟

لا حول ولا قوة إلا بالله..
alrheeb2020
02-04-2012, 10:58 PM
جل من لا يسهو ,,

اتمنى يغيرون هالاسلوب الغير حضاري في المخالفات ,, ويخلونه في كل مره يزيد المبلغ ,, مثلا اذا كانت هاذي اول مخالفة حزام له غرامه 100 ,, واللي بعدها 150 ,, لحد ماتثبت عند مبلغ معين ,,


حرااام يقارنون ب وااحد اول مره ينسى ,, ب واحد طول عمره مايربط حزام ,,

والله يعيينك اخوي
امـ حمد
02-04-2012, 10:59 PM
لاحول ولا قوة الا بالله العلي العظيم


الله يعينك اخوي
naklan
02-04-2012, 11:03 PM
الله يعينك على المرور ربعنا قلبو المرور الى دار جباية
باسم النضام والخوف على المواطن رغم ان السرعة داخل
البلد لا تستوجب حزام !! على قولة بدري ابو كلبشة الي
مع غوار الطوشي ماسكين النضام من دنبوووو :)
R 7 A L
02-04-2012, 11:06 PM
كنت مثلك قبل
اغلب الأوقات اربط الاحزام وحزات انسى وتجيني مخالفات


بس الحين بعد ما صار أغلب الوقت ما أربطة
ماتجيني مخالفات
بوخالد911
02-04-2012, 11:06 PM
ونا علي مخالفة الحزام

وبدفعها بعدين


تحياتي قبل دفع مخالفاتي
brooq
02-04-2012, 11:08 PM
أخواني أشكر لكم تعاطفكم وردكم السريع على الموضوع ..

أذكر بأني رأيت أكثر من مرة تصريح للخرجي،، مدير إدارة المرور يصرح فيه بأن أسعار مخالفات المرور سوف يعاد النظر فيها .. طيب متى؟

بعد أن تستهلك جيوب الشعب..!!

يا جماعة المرور .. أتقوا الله في الشعب .. ترى والله هذه المخالفات والقوانين لم تخفض عدد الحوادث ولا عدد الوفيات بقدر ما هي أضرت بالكثير من الملتزمين الذين لم تصدر منهم مخالفة أو حادث لعشرات السنين والذي أحمد الله تعالى أني منهم.

تحياتي للجميع ..
مخطط قطري
02-04-2012, 11:08 PM
احمد ربك و500 ريال الله يعوضك خير شي سهل
شتقول في واحد ساهي وقطع الاشاره لانه فتحت خضرا للي راييحن سيده وهو رايح يسار وكانت حق لي بيرحون يسار حمرا وقطعها
بعد دقيقتن بس
4 مسجات ورا بعض من مطراش
الاولى واحد يضحك والثانيه راحت عليك والثالثه واحد يعيب والرابعه 6000 ريال
قرنقووش
02-04-2012, 11:12 PM
شتقول عاد على المرور
المرور يتعامل مع الشعب على انهم يهال .. ويستغربون من تصرفات الشباب المعتاده من استعراض وتهور ..
ANONYMOUS
02-04-2012, 11:15 PM
عندنا وعندك خير

كعينا خمسميات بسبة ه لحزام لين قلنا بس

الصراحه غاليه المخالفه

حلاتها ب عشر
brooq
02-04-2012, 11:18 PM
احمد ربك و500 ريال الله يعوضك خير شي سهل
شتقول في واحد ساهي وقطع الاشاره لانه فتحت خضرا للي راييحن سيده وهو رايح يسار وكانت حق لي بيرحون يسار حمرا وقطعها
بعد دقيقتن بس
4 مسجات ورا بعض من مطراش
الاولى واحد يضحك والثانيه راحت عليك والثالثه واحد يعيب والرابعه 6000 ريال


والله العظيم يا مخطط قطري أني رأيت نفس الحالة البارحة عند إشارة مسجد الفرقان الكائن بمعيذر.. أحد الأشخاص أنخدع بالسيارت التي تحركت في المسار الأيسر والأخ مشى سيده:rolleyes2: ..

عندما فتحت الإشارة لحقت به لأرى من هذا الذي تجرأ على قطع إشارة حمراء في بلد المخالفات الحمراء،، وإذا به أحد المقيمين المساكين جداً.

الله يعينه
جرح الزمان
02-04-2012, 11:27 PM
محتاجين مراجعة تسعيرة المخالفات

في مبالغه في بعض المخالفات

بس على قولة شسمه

كتبنا وما كتبنا .... ويخسارة ما كتبنا

كتبنا 500 مكتوب ... ولهلاء ما جاوبنا

يعني الكلام في هالموضوع ضايع

شايفك ياللي هناك
حليتان*
03-04-2012, 02:04 AM
من فتره اسمع فالراديو ان فدبي نزل مدير المرور وافراده يوزعون حلاوه ع المخالفين بدال المخالفات

تهقون يسويها الخرجي !!
qatari 111
03-04-2012, 02:36 AM
500 ريال اشوفها وايد الصراحه لانها اساسا مخالف لا تضر غيرك ولا تعرقل الطريق ولا سرعه زائده عن القانون ولا استعراض ولا سباق ولا ولا ولا ...
وهاذي تعتبر مخالفه شخصيه يعني السايق راح يضر نفسه اذا ما حط الحزام .. والمفروض تكون للخطوط السريعه مب في الشوارع اللي يادوب تمشي ال80 السرعه من كثر زحمه السيارات وسواقت الناس اللي تكع بريك وتلفلف علينا ..

الله المستعان
همر
03-04-2012, 02:59 AM
أخواني أشكر لكم تعاطفكم وردكم السريع على الموضوع ..

أذكر بأني رأيت أكثر من مرة تصريح للخرجي،، مدير إدارة المرور يصرح فيه بأن أسعار مخالفات المرور سوف يعاد النظر فيها .. طيب متى؟




بعد ما يخلص المبنى الجديد طال عمرك .. :nice:





من فتره اسمع فالراديو ان فدبي نزل مدير المرور وافراده يوزعون حلاوه ع المخالفين بدال المخالفات

تهقون يسويها الخرجي !!


انا راضي بحبة بندول :shy:
BoAzozz
03-04-2012, 03:53 AM
500 ريال اشوفها وايد الصراحه لانها اساسا مخالف لا تضر غيرك ولا تعرقل الطريق ولا سرعه زائده عن القانون ولا استعراض ولا سباق ولا ولا ولا ...
وهاذي تعتبر مخالفه شخصيه يعني السايق راح يضر نفسه اذا ما حط الحزام .. والمفروض تكون للخطوط السريعه مب في الشوارع اللي يادوب تمشي ال80 السرعه من كثر زحمه السيارات وسواقت الناس اللي تكع بريك وتلفلف علينا ..

الله المستعان

ايوالله صدقت اخوي .. قيمة المخالفه مبالغ فيها
اذا مشوار 30 دقيقه ... اكثر من نص الوقت واااااااقفين في هالزحمه :anger1:

الله المستعان
khaldoon
03-04-2012, 05:21 AM
اذكر مرة تخالفت هالمخالفه يوم كانت ب 300 ريال في السوق مع اني ملتزم جدا جدا بحزام الامان و لا انساه....قولي بس منطقة السوق يعني الجبر و العسيري كم اقصى سرعة تقدر تمشي فيه ...ما عرفت اشلون تخالفت ...ادفع و انت ساكت ...الله المستعان
بوحمد111
03-04-2012, 06:20 AM
الله المستعان

والقادم اسوأ
متابع عن قرب
03-04-2012, 07:02 AM
احمد ربك

اول امس عندنا فالامارات

خالفوني حزام ب ٤٠٠ درهم

و

اربع نقاط مرورية يعني الليسن ٦ مخالفات حزام فالسنة وينسحب

بالله هل هذا مقبول ؟؟
الزعفراني
03-04-2012, 07:08 AM
الصراحة يجب أن يعاد النظر في مخالفة حزام الأمان ، 500 ريال كثيرة خصوصا في ظل الزحمة اللي نعاني منها في الشوراع العادية :rolleyes2: .
لاجئ عاطفي
03-04-2012, 07:22 AM
يوم كانت مخالفة الحزام 100 ريال محد كان فيكم يطبق القانون ويلتزم بربط الحزام الحين يوم ارفعوها مستغربين؟؟؟ والله ياخوي مثل مايقول المثل لاتبوق ولاتخاف اربط حزام الامان وحتى لو كانت المخالفه 10 الالاف محد راح يجبرك تدفعها المطلوب اللاتزام واحترام القانون ولكن اللي مايحترم القانون ولا يلتزم مجبور يدفع قيمة المخالفه
بوسلمان 2010
03-04-2012, 07:24 AM
الهدف الاول من ادارة المرور الفلوس والسبب لانه المفروض يتم انذارك بتركيب الحزام واذا لم تسمع الكلام


او طنشت لهم في هذي الحاله يتوجب على رجل المرور اعطائك المخالفة واحنا ادارة المرور الله يهديهم ويصلحهم



اذا طلع دورية وعنده دفتر مخالفات الظاهر انه متحدي نفسة او له مكافئة على تخليص الدفتر على مخالفات



والله ماتسوى عليه اتيه دعوة من رجال كبير اوعجوز الله العالم بحالهم
لاجئ عاطفي
03-04-2012, 07:29 AM
العقوبات مافيها انذار في قوانين صادره وفي مخالفات لتجاوز تلك القوانين الامور واضحه فاللي يبي يتجنب المخالفه يلتزم بالقانون واللي مايبي يدفع ماله خص ان ادارة المرور تبي فلوس او غيره والقوانين اصدرها سمو الامير ويجب ان تحترم ويتم اللاتزام بها انا مادري ليش الاغلبيه امعقد الامور وهي واضحه وبسيطه ياخي التزم وبس محد كفو يخالفك ولكن ماتلتزم وماتبي حد يخالفك؟؟؟؟ في امريكا واوروبا تلتزمون بالقوانين ولخالفوكم محد فيكم كفو يتكلم الحين في بلادكم معترضين واتشوفون القاونين من نظرة ماديه بحته؟؟ والله شي غريب
برشلوني قطر
03-04-2012, 07:37 AM
500 ريال اشوفها وايد الصراحه لانها اساسا مخالف لا تضر غيرك ولا تعرقل الطريق ولا سرعه زائده عن القانون ولا استعراض ولا سباق ولا ولا ولا ...
وهاذي تعتبر مخالفه شخصيه يعني السايق راح يضر نفسه اذا ما حط الحزام
الله المستعان


انا معاااك ف كل كلمه قلتهاا..

ياااخي خالف الي ممكن يضر النااس ..لاكن الي هذا الشي اشووفه شخصي

وحتى لو بتخالف حط مخالفه رمزيه..

وااايد اشساء تضر الانسان ومتوفره ف كل مكان لاكن ما امنعوها وكل واحد عقله ف راسه.

الله المستعاان
brooq
03-04-2012, 08:00 AM
العقوبات مافيها انذار في قوانين صادره وفي مخالفات لتجاوز تلك القوانين الامور واضحه فاللي يبي يتجنب المخالفه يلتزم بالقانون واللي مايبي يدفع ماله خص ان ادارة المرور تبي فلوس او غيره والقوانين اصدرها سمو الامير ويجب ان تحترم ويتم اللاتزام بها انا مادري ليش الاغلبيه امعقد الامور وهي واضحه وبسيطه ياخي التزم وبس محد كفو يخالفك ولكن ماتلتزم وماتبي حد يخالفك؟؟؟؟ في امريكا واوروبا تلتزمون بالقوانين ولخالفوكم محد فيكم كفو يتكلم الحين في بلادكم معترضين واتشوفون القاونين من نظرة ماديه بحته؟؟ والله شي غريب


أخي الكريم .. نحن لم نعترض على المخالفة .. واعترفنا بالخطأ .. نحن نقول بأن قيمة المخالفة مبالغ فيها ..
أنا بشكل عام ملتزم بقوانين المرور .. سواءً أكانت المخالفة 100 ريال أم 1000 ريال أم صفر.. هذا لن ينمعني من الإلتزام بقوانين المرور.

ولكن هناك منطق في تحديد قيمة المخالفات .. فلا يعقل أن يتم وضع نظام رادع جداً لنتكشف في الأخير بأن الضحايا هم الملتزمين والمساكين فقط بينما المتهورين والمستهترين يجوبون الشوارع ليل نهار وحوادث الموت في ازدياد.

طيب خذ هذه المعلومة .. عندي سائق هندي مسكين .. أخذ مخالفتين سرعة رادار ..

لولا معرفتي بمدى خوف هذا السائق وبلادته في السواقة كان فنشته ,, ولكني أعرف بأن نظام مخالفات المرور لا يرحم الملتزم ولا المسكين ..

بينما المستهترين والمتهورين قد عرفوا النظام وعرفوا مواقع الرادارات فتجدهم لا يضعون الحزام في كل حين،، ويمر عليك في الشارع مثل الصاروخ وإذا اقترب من الرادار خفف السرعة .. وبعد الرادار معاد تشوف له أثر.

يعني استطاع بقليل من الذكاء والحيلة التحايل على نظام المرور التعيس .. بينما الهندي المسكين جاته المخالفة لأنه كان يمشي 90 كيلومتر على شارع 80 كيلو متر .. واخبرني انت بالفرق الفعلي بين السرعتين ...

يا أخي ارحمونا .. نحن ليست أول دولة وضعت مخالفات مرور .. وليست الدولة التي اخترعت نظام المرور .. فلنمعن النظر في الدول المتقدمة في هذا المجال والتي استطاعت أن تضبط حركة المرور لديها مثل الساعة بمخالفات أقل بكثير من القيم المطبقة في قطر.

تحياتي..
hma
03-04-2012, 08:03 AM
قوانين المرور مصيبة

ولكن المصيبة الأكبر الأفراد وطرق تنفيذهم للقوانين

أنا عندي مخالفات بطرق لو أقول عليها بتنصدمين أختي

وإلا في مرور في العالم الأول أو الثاني أو الثالث أو الرابع أو المية

يخالف في باركنج المجمعات على الحزام؟؟؟؟!!!!!
mrloverman
03-04-2012, 08:05 AM
الي يزعل ان اكثر مخالفات الحزام وانت واقف او في اشاره او في مواقف


والمفروض تكون على الخطوط السريعه
نجدي قطري
03-04-2012, 08:07 AM
آنا ملتزم بالحزام جملة وتفصيلاً بغرامة وبدونها.
بس مرّة الله وكليكم طاح منّي الجوّال وفصخت الحزام علشان آخذه من تحت، وجلدي جلدي لبسته. وشرايكم إن الشرطي صادني في هاللحظة اليتيمة اللي فتحت فيها الحزام؟
BonBons
03-04-2012, 08:18 AM
مخالفه الحزام اخاف منها حتى وانا حاطه الحزام
صار معاي موقف جدا ينرفز من شهرين
كنت رايحه الدوام وانا اصلا ماطلع من البيت الا وانا حاطه الحزام لاني تعودت عليه من اول مابديت اسوق والسبب الثاني انه الصوت اللي يطلع يوترني
بس المصيبه اني واقفه بنص الكورنيش والشرطي يأشر لي حطي الحزام ؟؟انا صرت@@
هزيت راسي على تحت ان اي اوكي
شوي الا جايني يقولي الشيخه اقولج حطي الحزام قلت له حاطته ونزل عينه خذاله بوكم ثانيه يقز عقب يقولي مايبين لونه اسود شوفيلج صرفه حد ثاني ماراح ينتبه ويخالفج وصكرت الدريشه وحركت
@@ يعني شنو اصبغه مثلا ولا اسوي العبايه لون فاتح ؟؟

وجاتني مخالفه من كمن اسبوع تقول :
استعمال سائق المركبة الهاتف النقال أو غيره من الأجهزة أثناء السياقة مستخدما يده في حمله أو استعماله، أو إنشغاله أثناء السياقة بمشاهدة أي مادة مرئية من تلفزيون المركبة، أو عدم منعه الأطفال دون العاشرة من الجلوس بالمقاعد الأمامية للمركبة أثناء سيرها على الطريق.

طيب نجي نراجع السابق الجوال ينشبك على البلوتوث اوتوماتك اول ماركب السياره , وماعندي ياهال ولا يركبون سيارتي ياهال اصلا واصلا شاشه السياره اوتوماتكيا للسيفتي ماتعرض اي شي اذا السياره تمشي واصلا ماشغل شي يعني شنو بحط شون ذا شيب ولا بارني حقي ؟؟

يعني ليش مايحددون بالضبط شنو المخالفه عشان الواحد يعرف يعني شالسالفه ولا بس شرطي متملل مر علي وخالفني وهورايح
واصلا انا ياما شفت شرطه مرور يسوقون بدون حزام والبلاك بيري بيدهم يعني شنو القانون بالضبط ممكن افهم ؟؟
على العموم انا بالنسبه لي مخالفات المرور دفعه بلا ادفعها واقول عقبها اللهم تقبل
bo_hamad
03-04-2012, 08:21 AM
خط المطار الجديد طولة يمكن اكثر من 10 كيلو و5 مسارات مسوين السرعه فيه 100

اكيد اللي حدد السرعه واحد اجنبي عنده داتسون 1970
mrloverman
03-04-2012, 08:23 AM
خلي الي يكتب المخالفه يكتبها بالعربي عقب يصير خير تقولين ترجمة غوغل مب مخالفه ههه
mrloverman
03-04-2012, 08:23 AM
خط المطار الجديد طولة يمكن اكثر من 10 كيلو و5 مسارات مسوين السرعه فيه 100

اكيد اللي حدد السرعه واحد اجنبي عنده داتسون 1970

او يمكن ما يدفع مخالفات
الملا
03-04-2012, 08:25 AM
سهل ننتقد قوانين مرور ولكن كم من الشباب التزم فيها

شيء طبيعي في ناس يمكن ينظلمون

لكن المصلحة العامة مقدمة

انا من فترة خالفوني واعترف اني اخطيت والمبلغ كبير بس في الاخير عدم تكرار الخطأ من مصلحتي والمصلحة العامة
bo_hamad
03-04-2012, 08:33 AM
جميع المخالفات المرورية عالية واتمنى اعادة النظر
Lollipop
03-04-2012, 08:38 AM
من رأي هم رافعين اسعار المخالفات حفاظا على سلامة المواطنين ، عشان الي ياخذ مخالفه مرة عمره ماينسى يربط الحزام مره ثانيه فأعتبر ان ال500 ريال درس
brooq
03-04-2012, 09:10 AM
من رأي هم رافعين اسعار المخالفات حفاظا على سلامة المواطنين ، عشان الي ياخذ مخالفه مرة عمره ماينسى يربط الحزام مره ثانيه فأعتبر ان ال500 ريال درس


وهل مخالفات سائقي الهندي المسكين بعد درس؟؟ .. ومن يدفع ثمن هذا الدرس؟ 1000 ريال مخالفات رادار السائق الهندي من يتحملها؟

هل أدفعها من راتب هذا المسكين اللي يخاف من ظله وسواقته تجيب المرض من بطئها .. علماً بأن المخالفات كانت بسبب زيادة بسيطة جداً على السرعة المحددة .. يعني ما تستاهل ..

أم أدفعها من حسابي الخاص وأنا أعي تماماً بأننا تحت وطأة نظام مخالفات لا يرحم.

تحياتي ..
طلعة الروح
03-04-2012, 09:30 AM
اخوي إذا كنت متعود على ربط الحزام ما اعتقد انك بتنسى تلبسه في أي وقت من الأوقات
أما بالنسبة لمخالفة الحزام 500 ريال فهاي الغرامة نفسها من اول ماتطبقت المخالفة لين اليوم
وياما اشتكينا من المبلغ بس مانشوف أي تغيير..أذكر من كم سنة صادني شرطي المرور في أحد المواقف لاحظ
انه موقف مب شارع وخالفني على عدم الربط وكانوا مشددين على الموضوع في ذاك الوقت..
عموماً هاي درس لك وبكرة بتحرص على ربط
الحزام أكثر...
Lollipop
03-04-2012, 09:42 AM
وهل مخالفات سائقي الهندي المسكين بعد درس؟؟ .. ومن يدفع ثمن هذا الدرس؟ 1000 ريال مخالفات رادار السائق الهندي من يتحملها؟

هل أدفعها من راتب هذا المسكين اللي يخاف من ظله وسواقته تجيب المرض من بطئها .. علماً بأن المخالفات كانت بسبب زيادة بسيطة جداً على السرعة المحددة .. يعني ما تستاهل ..

أم أدفعها من حسابي الخاص وأنا أعي تماماً بأننا تحت وطأة نظام مخالفات لا يرحم.

تحياتي ..

صراحة اذا صار والسائق الهندي خذ المخالفه لازم تحاسبه اول مره وتعاقبه بشدة و اذا تجاوز السرعه للمره ثانيه لازم تخصم من راتبه لسبب ، ماذا لو تهاون السائق الهندي المسكين لانك لم تعاقبه وتجاوز السرعة وكان احد من اولادك لاقدر الله كان راكب معاه وسوى حادث ؟هنا كلمة ياريت مابتنفع
abdo222
03-04-2012, 10:57 AM
انا اشوف مخالفه الحزام متساهلين فيها في الخطوط السريعه ومشددين فيها في نص الزحمه !!

يعني داخل سوق الجبر والديره تحصلهم يخالفون على الحزام والواحد ما يقدر يسير فوق ال 30 !!
وعادي تتخالف حزام وانت توك راكب موترك وطالع من المواقف بين الابراج والتعليل يكون "لو ما لبسته وانت توك راكب ما بتلبسه طوال المشوار" !!

اما في الخطوط السريعه ما تحصل حد مثلا في اشاره المول مثلا باتجاه الدوحه,, او اشاره اللولو باتجاه الدوحه او او

بس بشكل او باخر الحزام مهم جدا,, ومخالفه 500 ريال اشوفها منطقيه جدا,,
ثانيا الشرطي الي يخالفك لو وريته انك لبست الحزام وسلمت عليه وقلت له السموحه, ما بيسجل عليك المخالفه (صارت وياي مره بالحزام ومره بالجوال).
عزووز قطر
03-04-2012, 11:49 AM
.

لا أعرف كيف استطاع هذه الشرطي رصدي من بين عشرات السيارات المزدحمة في الدوار لحظتها .. ..

أخوي موترك كروزر ؟؟؟

أقسم بالله العظيم إن رجال المرور مشددين على أصحاب الكروزرات أكثر من السيارات الثانية وهذا شي وااااااضح لكل واحد يمتلك كروزر :rolleyes2: :rolleyes2: :rolleyes2:
تحداني
03-04-2012, 12:16 PM
:weeping:
:weeping:


5 خمسميات دفعتها دون وجهه حق
الله يسامحهم دنيا وآخره
بس انا بعد ما ادفع اقول " لله .. وفي سبيل الله "
.. ولا هم ما يستاهلونا لان من انا تحت الاطبيله احط الاحزام .. يعني لازم ارز وجهي عن ضابط المرور عشان يشيلها وتعال احلف واشهد وجيب هذا وذاك


كنت ناسيه هالسالفه بس ذكرتوني فيها
ليش ما ايشوفون عدل رجال المرور
ليش
ليش


جملك الله برضاه
قطري !
03-04-2012, 12:26 PM
السلام عليكم ..

قبل يومين خرجت أنا والأهل للتنزه وشرب القهوة خارج البيت إلا أنه وللأسف فوجئت في أحد الدوارات العتيدة برجل مرور يقوم بتسجيل الأرقام المخالفة لحزام الأمان ..

ورغم أني ملتزم بلبس الحزام في معظم الأحيان إلا أنه وجل من لا يسهو نسيت في ذلك اليوم وضعه عند ركوبي السيارة في بداية الأمر .. وهذا وإن يكن خطاي.

لا أعرف كيف استطاع هذه الشرطي رصدي من بين عشرات السيارات المزدحمة في الدوار لحظتها .. وما هي إلا سويعات حتى هلت علي رسالة مطراش تخبرني بمخالفة قيمتها 500 ريال!!

الحمدلله أنها لم تكن إعدام بس!!

هل يعقل هذه قيمة المخالفات عندنا في قطر .. بالله عليكم أي دولة في العالم يوجد بها مثل هذه المخالفات ..!!

أذكر مرة بأني أخذت نفس المخالفة على حزام الأمان في أمريكا بلد الحضارات والقوانين الدولية والعدالة والحرية والمساواة وكانت قيمة المخالفة 50 دولار فقط رغم أني كنت أقود في الهاي وي.

لا أعرف من الذي اقترح مثل هذه القيم على المخالفات .. هل هذه جباية أم ضرائب بمسمى آخر؟؟

لا حول ولا قوة إلا بالله..




اللذي أقترح هذه القوانين هم اللي اقترحوا مخالفة البوالين


أعتقد والله اعلم انهم ناس غير أكفاء فمثل هذه الامور لابد لها من عقول مفكره وتبحث وتستشير قبل ان تتخذ قرار


المشكله تكمن فيهم , فهم ليس قياديين بل ناس أتت الي المناصب بواسطه او بحظ او الخ


هذه اللجنه قديمه موجوده في المرور من جيل الثمانينات والتسعينات ذات العقول الضيقه المحدودة التفكير



وياليتهم اما يودونهم دورات مكثفه لاوروبا او امريكا حتي يطلعون اكثر علي كل مايجري هناك ويثقفون انفسهم شوي





والله ياقلبي فيه حرقه .. خلني ساكت



وبعدين ليس علي مستوي المرور فقط ,, كثير من الوزارات والهيئات يديرها ناس غير أكفاء

وغير مواكبين كل مايجري في البلد , الحكومة عندنا ممثله بسمو الاميرحفظه الله قاعدين ينهضون بالبلد الي الرقي والتقدم , لاكن للاسف فيه ناس غير مواكبه هذا التطور وتحصلهم يستوعبون هذي الامور بعد عشر سنوات ...


كلنا نعلم ونعرف اخلاق الرجل الخلوق الخرجي مدير المرور , لاكن ليس علي حساب تطور الدوله نقول دام ان الرجل خلوق نخليه في منصبه 20 سنه ... نبي دماء جديده تعي مايحصل من تقدم وطفره للبلد , خلاص الرجل قدم ماعنده نعطي فرصه لغيره
لاجئ عاطفي
03-04-2012, 01:42 PM
اخوي إذا كنت متعود على ربط الحزام ما اعتقد انك بتنسى تلبسه في أي وقت من الأوقات
أما بالنسبة لمخالفة الحزام 500 ريال فهاي الغرامة نفسها من اول ماتطبقت المخالفة لين اليوم
وياما اشتكينا من المبلغ بس مانشوف أي تغيير..أذكر من كم سنة صادني شرطي المرور في أحد المواقف لاحظ
انه موقف مب شارع وخالفني على عدم الربط وكانوا مشددين على الموضوع في ذاك الوقت..
عموماً هاي درس لك وبكرة بتحرص على ربط
الحزام أكثر...


سلامتك اول ماتم تطبيق مخالفة حزام الامان كانت 100 ريال وكان ايامها محد يلتزم وارجع للقوانين السابقه وراح تشوف المخالفه كم كانت
كلنا قطر 1981
03-04-2012, 02:05 PM
مخالفه الحزام اخاف منها حتى وانا حاطه الحزام
صار معاي موقف جدا ينرفز من شهرين
كنت رايحه الدوام وانا اصلا ماطلع من البيت الا وانا حاطه الحزام لاني تعودت عليه من اول مابديت اسوق والسبب الثاني انه الصوت اللي يطلع يوترني
بس المصيبه اني واقفه بنص الكورنيش والشرطي يأشر لي حطي الحزام ؟؟انا صرت@@
هزيت راسي على تحت ان اي اوكي
شوي الا جايني يقولي الشيخه اقولج حطي الحزام قلت له حاطته ونزل عينه خذاله بوكم ثانيه يقز عقب يقولي مايبين لونه اسود شوفيلج صرفه حد ثاني ماراح ينتبه ويخالفج وصكرت الدريشه وحركت
@@ يعني شنو اصبغه مثلا ولا اسوي العبايه لون فاتح ؟؟

وجاتني مخالفه من كمن اسبوع تقول :
استعمال سائق المركبة الهاتف النقال أو غيره من الأجهزة أثناء السياقة مستخدما يده في حمله أو استعماله، أو إنشغاله أثناء السياقة بمشاهدة أي مادة مرئية من تلفزيون المركبة، أو عدم منعه الأطفال دون العاشرة من الجلوس بالمقاعد الأمامية للمركبة أثناء سيرها على الطريق.

طيب نجي نراجع السابق الجوال ينشبك على البلوتوث اوتوماتك اول ماركب السياره , وماعندي ياهال ولا يركبون سيارتي ياهال اصلا واصلا شاشه السياره اوتوماتكيا للسيفتي ماتعرض اي شي اذا السياره تمشي واصلا ماشغل شي يعني شنو بحط شون ذا شيب ولا بارني حقي ؟؟

يعني ليش مايحددون بالضبط شنو المخالفه عشان الواحد يعرف يعني شالسالفه ولا بس شرطي متملل مر علي وخالفني وهورايح
واصلا انا ياما شفت شرطه مرور يسوقون بدون حزام والبلاك بيري بيدهم يعني شنو القانون بالضبط ممكن افهم ؟؟
على العموم انا بالنسبه لي مخالفات المرور دفعه بلا ادفعها واقول عقبها اللهم تقبل

صدقتي اختي بونبون بموضوع الحزام و نص المخالفه

انا جتني رساله من مطراش بنفس المخالفه و بنفس النص مادري هي مخالفه او اختار

الاجابه الصحيحه ؟؟:anger1:

و طبعا دفعتها نفس الاسد :)

مخالفات عشوائيه و غرامات ماليه عايه انا اتفق وياهم بس بمخالفة قطع الاشاره مع اني

تخالفة مرتين على قطع الاشاره و دفعت 12000 بس قيمة هالمخالفتين غير المخالفات الثانيه

بس الحق يقال قطع الاشاره لو صار فيه حادث بيكون حادث خشن و ممكن يتسبب بوفيات

اما عن باقي المخالفات وااايد مبالغ بقيمتها :)
قرنقووش
03-04-2012, 02:09 PM
والله الهندي لا قطع الاشاره
على طول يقص تذكره كيرلا .. اصلا مواترهم ان كانت فيها استماره وايد زين هههههه
يقولك في رش بنباع ترشه على اللوحه
واي رادار يصيدك يعطي اللوحه لمعه زايده والرقم مايبين
او نقوم ونكسر الرادارات نفس ساهر السعودية :nice:
A l i
03-04-2012, 02:23 PM
امس وانا طالع من فيلاجيو صوب المواقف
توني حتى لحين ماوصلت على الشارع العام
ماوعيت الا ذاك الضابط اللي يطق علي الدريشه
وعطاني مخالفه ب 1000 ريال
حزام وانشغاله في شاشه السياره !!!
انزين شدراك اني منشغل فالشاشه :(
أبوزينة
03-04-2012, 08:17 PM
مخالفه الحزام اخاف منها حتى وانا حاطه الحزام
صار معاي موقف جدا ينرفز من شهرين
كنت رايحه الدوام وانا اصلا ماطلع من البيت الا وانا حاطه الحزام لاني تعودت عليه من اول مابديت اسوق والسبب الثاني انه الصوت اللي يطلع يوترني
بس المصيبه اني واقفه بنص الكورنيش والشرطي يأشر لي حطي الحزام ؟؟انا صرت@@
هزيت راسي على تحت ان اي اوكي
شوي الا جايني يقولي الشيخه اقولج حطي الحزام قلت له حاطته ونزل عينه خذاله بوكم ثانيه يقز عقب يقولي مايبين لونه اسود شوفيلج صرفه حد ثاني ماراح ينتبه ويخالفج وصكرت الدريشه وحركت
@@ يعني شنو اصبغه مثلا ولا اسوي العبايه لون فاتح ؟؟

وجاتني مخالفه من كمن اسبوع تقول :
استعمال سائق المركبة الهاتف النقال أو غيره من الأجهزة أثناء السياقة مستخدما يده في حمله أو استعماله، أو إنشغاله أثناء السياقة بمشاهدة أي مادة مرئية من تلفزيون المركبة، أو عدم منعه الأطفال دون العاشرة من الجلوس بالمقاعد الأمامية للمركبة أثناء سيرها على الطريق.

طيب نجي نراجع السابق الجوال ينشبك على البلوتوث اوتوماتك اول ماركب السياره , وماعندي ياهال ولا يركبون سيارتي ياهال اصلا واصلا شاشه السياره اوتوماتكيا للسيفتي ماتعرض اي شي اذا السياره تمشي واصلا ماشغل شي يعني شنو بحط شون ذا شيب ولا بارني حقي ؟؟

يعني ليش مايحددون بالضبط شنو المخالفه عشان الواحد يعرف يعني شالسالفه ولا بس شرطي متملل مر علي وخالفني وهورايح
واصلا انا ياما شفت شرطه مرور يسوقون بدون حزام والبلاك بيري بيدهم يعني شنو القانون بالضبط ممكن افهم ؟؟
على العموم انا بالنسبه لي مخالفات المرور دفعه بلا ادفعها واقول عقبها اللهم تقبل

الوالدة جاها مخالفة على الحزام
وهي كانت حاطه الحزام :anger1: :anger1:
brooq
03-04-2012, 08:36 PM
أخوي موترك كروزر ؟؟؟

أقسم بالله العظيم إن رجال المرور مشددين على أصحاب الكروزرات أكثر من السيارات الثانية وهذا شي وااااااضح لكل واحد يمتلك كروزر :rolleyes2: :rolleyes2: :rolleyes2:


نعم موتري كروزر .. بس شكلي ببيعه وباخذ كورولا بعد ما أفلس من دفع المخالفات.
المدريدي
04-04-2012, 12:43 AM
احمد ربك و500 ريال الله يعوضك خير شي سهل
شتقول في واحد ساهي وقطع الاشاره لانه فتحت خضرا للي راييحن سيده وهو رايح يسار وكانت حق لي بيرحون يسار حمرا وقطعها
بعد دقيقتن بس
4 مسجات ورا بعض من مطراش
الاولى واحد يضحك والثانيه راحت عليك والثالثه واحد يعيب والرابعه 6000 ريال


قمة الاستهزاء 4 مسجات ورى بعض حق الشماته اذا قطعت اشارة :anger1:

ومن ناحية مخالفة البوالين بوجهة نظري ستؤثر اخيرا في مبيعات التويوتا لاندكروزر

حيث سيتردد الكثير من الشباب في شراء الكروزر والاتجاه للسيارات البديلة