موضوع / بيع الارقام المميزة : سيارات وهواتف

[مدحوب_ قطر]

بيع الارقام المميزة وخصوصا السيارات

نشوف في الجرايد والمنتديات عرض بيع ارقام بمبالغ كبيرة وخيالية ومزايدات وهمية ؟؟!!

ارقام السيارات : تصرف من المرور اما بواسطة او بسعر رمزي من 500 ريال الى 5000 او 10000 سابقا ل3 ارقام
الحين الرقم السداسي توهم صارفينة بواسطة او اتفاق الله واعلم ويروحون يبيعونة ب70 و80 الف في اسبوع ؟؟؟!!!

مطلوب تقنين او عمل مزاد رسمي يوضع حد أدنى وحد أعلى للرقم ويكون على النت او مزايدة علنية مثل الامارات
لان بصراحة الموضوع ماينسكت علية صارت لعبة اول قلنا ربعنا بنفيدهم لاكن طمعو ويبالغون في الاسعار ، نتمنى نشوف ردت فعل من الداخلية والمواطنين :telephone:

[بوخالد911]

اللي يعررف ناس

اموره بتمشي


والله يعيينا بس

[المليونير الفقير]

لالا كذا بيزعلون منك الجماعه هذا يسمونه بزنس ناجح

[Faisal-Qtr]

كلن عقله ف راسه ويعرف خلاصه

ومن حكم ف ماله ماظلم

والي معه فلوس يشتري والي ما معه يمد رجيله على قد لحافه

[بوحمد111]

البعض عنده هذه الشغله تجاره والي عنده فلوس بيشتري والي ما عنده او ما يحب يمتلك ارقام مميزه مستحيل يدفع او يشتري رقم مميز وفي نظرهم انه رقم لا اكثر ولا اقل

تحياتي

[بوسلمان 2010]

وايد هذي الظاهرة انتشرت ومثل ماقال واحد من الاخوان كلن عقله في راسة يعرف خلاصة

[الزعفراني]

يقولون الأرقام الثلاثية بعد التعديلات الجديدة في اللوحات أدنى سعر لها يبتدي بـ 750 ألف ريال :) ، الله يبارك لهم وأنا أشوف هذي تجارة والتجارة شطارة ، بس ما يمنع يكون هناك ضبط للموضوع مثل ما تفضلت ويكون هالشيء تحت مظلة إدارة المرور .

[لاجئ عاطفي]

مهب كل الارقام المباعه في السوق تم الحصول عليها من المرور في ارقام كثيره تم شرائها من ملاك سابقين وشي طبيعي لما اشتري رقم فمن الطبيعي اني ابيعه بسعر اكثر من السعر اللي اشتريه فيه هذا سوق والسوق يحكمه العرض والطلب واللي حاب يشتري يدفع واللي مايبي مهب مجبور يشتري

[R 7 A L]

اخوي
مانقدر نلوم هل الحلال بالمبالغ الى يطالبون فيها
الى عنده يشتري والى ماعنده لايشتري
حتى لو ارتفعت الارقام لــ 5 مليون أو اكثر ماراح يضر على التركيبة السكانية نفس العقارات الى شردت أسر وعوايل

اذا بنلوم على أحد في هالمسأله
خلنا نلوم إدارة المرور الى يطلعون أرقام لربعهم بمبالغ صغيرة

[شبح الصمت]

يعطيك العافيه اخوي على خوفك على مصلحة الشاب من الهلاك والركيض وراء الارقام :nice:

بفرض مثال لو عن نفسي شريت رقم ومن حقي اني استفيد ماخذه بسعر حلو وجاب لي سعر احلى فعادي اخوي

التجاره شطاره والي عنده فلوس يشتري والي ما عنده الله يرزقه يـارب :)

وعلى فكره ترى ارقام عاديه الحين

الرباعي ما يقل عن 30 الف بينما كان ينباع قبل 3 شهور على 17 الف

الخماسي الي بنقول الـ xxxsy كان ينباع بـ 25 الحين ما يقل عن 35 ألف

السادسي الي بنقول الـ xxxxys هذه قول بعد تعدى الـ 70 الف

الرباعي xxsy الحين اقل شيء اقل شيء في السوق قريب الـ 60 لين 100 على حسب تسلسله

يعني الارقام طارت وحنا نحلقها

والثلاثيه وما ادراك ما الثلاثي أقل شيء الحين 750 ألف

:weeping:

[fhd4]

الموضوع مب سالفة الأسعار ...

اللي فهمته من كلام الرجال إنه معترض ليش يتم صرف الأرقام المميزة الجديدة مجانا

من المرور بالواسطة لبعض الناس ثم يتم بيعها ...

[الكاسب]

الحمد لله لي ربع في المرور مايقصرون...بين كل وقت أمر وأختار الرقم الزين بسعر(رمزي) وبيعة بسعر خيالي...لأن فيه شباب ينضحك عليهم...أحسن ماينضحك عليهم من أخوانا العرب.!!!!

[قطرية كشخه]

انا اقترح الرقم بعد ما يموت صاحبه بعد عمر طويل .. يحط الرقم على قبره :tease:

لانه حراام رقم مميز وواصل ملايين .. :secret:

هالشي يرجع لتفكير كل انسان مب سالفه اللي عنده فلوس وماعنده الحمدلله كلن في خير في هالوقت وكلن عنده :victory:

ناس ترقد وتموت بالشارع ومحد يسأل عنها وناس " تبذر" فلوسها على رقم سيارة ولا تلفون !!!!!! :no:

تسلم اخوي ع الموضوع

[جرح الزمان]

انا اقترح الرقم بعد ما يموت صاحبه بعد عمر طويل .. يحط الرقم على قبره :tease:

لانه حراام رقم مميز وواصل ملايين .. :secret:

هالشي يرجع لتفكير كل انسان مب سالفه اللي عنده فلوس وماعنده الحمدلله كلن في خير في هالوقت وكلن عنده :victory:

ناس ترقد وتموت بالشارع ومحد يسأل عنها وناس " تبذر" فلوسها على رقم سيارة ولا تلفون !!!!!! :no:

تسلم اخوي ع الموضوع

اقتراحك حلو بس متأخر .... لانهم من سنه ونص تقريباً ابتدوا يرقمون القبور والمربعات

[كلنا قطر 1981]

انا اقترح الرقم بعد ما يموت صاحبه بعد عمر طويل .. يحط الرقم على قبره :tease:

لانه حراام رقم مميز وواصل ملايين .. :secret:

هالشي يرجع لتفكير كل انسان مب سالفه اللي عنده فلوس وماعنده الحمدلله كلن في خير في هالوقت وكلن عنده :victory:

ناس ترقد وتموت بالشارع ومحد يسأل عنها وناس " تبذر" فلوسها على رقم سيارة ولا تلفون !!!!!! :no:

تسلم اخوي ع الموضوع



:victory::victory::victory::victory:

[سوق جالس]

الخلل في عقليه المجتمع اللي عنده استعداد لدفع مبالغ كبيره للتميز

ما وصلت هالمواصيل اله بالطلب. لو مالها شراي لكانت مجرد حديده لا تزيد و لا تقل

و الله يعطيكم العافيه

[مدحوب_ قطر]

الحمد لله لي ربع في المرور مايقصرون...بين كل وقت أمر وأختار الرقم الزين بسعر(رمزي) وبيعة بسعر خيالي...لأن فيه شباب ينضحك عليهم...أحسن ماينضحك عليهم من أخوانا العرب.!!!!
هني الكلام الي نبي نوصل لة يعني الخلل في المرور مافية عرض للجميع يعني يعطون ربيعهم ويبيعون ثاني يوم بمبالغ 40 و60 و80 الف حسب الارقام مع ان الرقم خماسي وسداسي ومصروف من المرور من اسبوع ؟!!!!! :omen2:




الموضوع مب سالفة الأسعار ...

اللي فهمته من كلام الرجال إنه معترض ليش يتم صرف الأرقام المميزة الجديدة مجانا

من المرور بالواسطة لبعض الناس ثم يتم بيعها ...




هذا الي نبي نوصلة لكم :nice:

[barod]

هذي رساله لمدير المرور وان شاء الله يجاوب عليها والا يمكن مشغول مع البالون والمخالفات

[قيس الكيومي]

مطلوب رقم رباعي اذا كان متوفر

[تحداني]

انا احترم رغبات الرجل وهواياته وميوله
بس شنو المتعه في رقم سياره مميز ؟؟ اتكلم جد
رقم تلفون اوكي استوعب .. " سهل الحفظ .. ويبقى في البال
بس سياره شنو اللذه والمتعه .. والله في ارقام اشحلاتها على سيارات الاجره وما اشوف يعني حسينا احساس مختلف

يعني المتعه في السعر ؟؟ ان شوفوني عندي رقم غالي ولا شسالفه


ابي اعرف :(


جملكم الله برضاه

[R 7 A L]

انا احترم رغبات الرجل وهواياته وميوله
بس شنو المتعه في رقم سياره مميز ؟؟ اتكلم جد
رقم تلفون اوكي استوعب .. " سهل الحفظ .. ويبقى في البال
بس سياره شنو اللذه والمتعه .. والله في ارقام اشحلاتها على سيارات الاجره وما اشوف يعني حسينا احساس مختلف

يعني المتعه في السعر ؟؟ ان شوفوني عندي رقم غالي ولا شسالفه


ابي اعرف :(


جملكم الله برضاه



مو شرط أنها متعة

يمكن على شان الاهل يعرفون السياره من الرقم لما يكون عدد السيارات المشابهه كثير

أعرف واحد أمه ماتعرف سيارته اذا قرب السياره من باب المستشفى الا بالرقم :)

[بوالبيض]

المشكله مو في المشتري والبيع المشكله ان الناس تاخذ الارقام من المرور ببلاش وبواسطه علي
كلامك والفقير لما يروح يقولون له ما في ارقام .
الله يعين ويستر علي الجاي والحين اشوف علي الارقام الخاصه تنباع مشكله كبيره هي والله

[تحداني]

مو شرط أنها متعة

يمكن على شان الاهل يعرفون السياره من الرقم لما يكون عدد السيارات المشابهه كثير

أعرف واحد أمه ماتعرف سيارته اذا قرب السياره من باب المستشفى الا بالرقم :)



اهااااااااااااا
لا ما اعتقد رحال كاهي امي حافظه رقم سياره اخوي والله رقمه معقد " eqazws "
في شي متشابه ..؟؟

لا لا لا هذا مب سبب مقنع ابي اعرف ليش
قولوا الصج


جملك الله برضاه

[R 7 A L]

اهااااااااااااا
لا ما اعتقد رحال كاهي امي حافظه رقم سياره اخوي والله رقمه معقد " eqazws "
في شي متشابه ..؟؟

لا لا لا هذا مب سبب مقنع ابي اعرف ليش
قولوا الصج


جملك الله برضاه



هذا واحد من الاسباب الإيجابيه

أكيد في أسباب أخرى


ننتظر هوامير الارقام يدلون بدلوهم :tease:

[تحداني]

هذا واحد من الاسباب الإيجابيه

أكيد في أسباب أخرى


ننتظر هوامير الارقام يدلون بدلوهم :tease:




هاذي مناسبه جميله عشان اروح قسم السيارات
للحين فضولي ما خذاني لذاك المكان
اخاف يقولون اشتبي هاذي حاسدتنه
بس بجرب

انا ما اعرف ليش ما ألقى عندك جواب
انت دايما تفسر لي الماء بعد الجهد بالماء

:(


جملك الله برضاه

[R 7 A L]

هاذي مناسبه جميله عشان اروح قسم السيارات
للحين فضولي ما خذاني لذاك المكان
اخاف يقولون اشتبي هاذي حاسدتنه
بس بجرب

انا ما اعرف ليش ما ألقى عندك جواب
انت دايما تفسر لي الماء بعد الجهد بالماء

:(


جملك الله برضاه



لان الماء في جميع حالاته يبقى أصله ماء :)

[تحداني]

لان الماء في جميع حالاته يبقى أصله ماء :)




حسستني :shy:

:secret:

جملك الله برضاه

[مرتبش]

كيفهم
شخصيا الرقم ما اقدر اشتريه رخيص كان او غالي ولا معور راسي ..يمكن اذا حد بيعطيني رقم حلو مجانا اخليه على السيارة بدل رقمها الحالي وادفع 100 ريال لتغيير الرقم (هذا حدي)

[BIG-VEGA]

انا احترم رغبات الرجل وهواياته وميوله
بس شنو المتعه في رقم سياره مميز ؟؟ اتكلم جد
رقم تلفون اوكي استوعب .. " سهل الحفظ .. ويبقى في البال
بس سياره شنو اللذه والمتعه .. والله في ارقام اشحلاتها على سيارات الاجره وما اشوف يعني حسينا احساس مختلف

يعني المتعه في السعر ؟؟ ان شوفوني عندي رقم غالي ولا شسالفه


ابي اعرف :(


جملكم الله برضاه

من زمانٍ قديييم
كان الرقم المميز ..يمثل سهوله الحفظ او يعطي منظر جمالي للسياره

والحين
الرقم المميز.... رمز للواسطه والمال
والواسطه والمال عناصر جذب (تجذب من؟؟ ....من كل طيب وخبيث)

[تحداني]

من زمانٍ قديييم
كان الرقم المميز ..يمثل سهوله الحفظ او يعطي منظر جمالي للسياره

والحين
الرقم المميز.... رمز للواسطه والمال
والواسطه والمال عناصر جذب (تجذب من؟؟ ....من كل طيب وخبيث)



اهم شي دليل على ( المال )
اكثرت الارقام وزادت الكشخه والبوك فاضي
زبو قدام الناس وفي الفليل يتابع اديونه البعض الاكثر

اللهم لا شماته

جملك الله برضاه