المساعد الشخصي الرقمي

مشاهدة النسخة كاملة : همســـات نواااعــــم.....> كيف تقضين اوقات اللعب مع الأطفال؟



غزلان
03-04-2012, 01:21 AM
على غرار كلام نواعم ،، يسعدنا فتح سلسلة من المواضيع التي ستكون مخصصة للنواعم فقط نتبادل فيها الاحاديث والحوارات والنقاشات المتعلقة بالمواضيع المطروحة وكل حسب خبرتها اوثقافتها وعلمها تزيد المواضيع نورا واشراقا ،،
وان كان للرجل رغبة في الدخول وتسجيل حضوره فمرحبا به كضيف شرف يُعطى الحق في ابداء رأيه في الحدود المخصصة له دون التعمق في الأمور الأنثوية التي يتبادلن العضوات فيها وجهات نظرهن ،،

**



رابع هذه المواضيع

همسات نواعم .......> كيف تقضين اوقات اللعب مع الاطفال ؟







اهتم العلماء كثيراً في بيان آثار اللعب في حياة الأطفال ، حيث أكدوا على أهمية اللعب في النمو العقلي للطفل ، والتأثير البالغ للعب في تكوين شخصية الطفل واظهار مواهبه،
ولعب الأم مع الطفل يقوي من ترابط الطفل بأمه، ويزيد من تعلقه بها-خصوصاً- أن الأم تعد الشخصية الأولى في حياة الطفل وللعب من مسئولية الأم تجاه أطفالها أكبر من مجرد إطعامهم وتلبية حاجياتهم المادية.


http://www.x333x.com/smiles/data/13/222.gif


ويؤكد الباحثون والمختصون في تربية وصحة الطفل النفسية على أن اللعب يعد من الوسائل التي تساعد على تطور الطفل ونموه السليم وتكوين شخصيته المتميزة، من الناحيه الجسميه والعقليه والجتماعيه والتربويه.

http://www.x333x.com/smiles/data/13/137.gif


وتعتبر اللعبة جزء مم من عالم الأطفال وأفضل طريقة لتفريغ الطاقات الكامنة وغالباً ما يقف الآباء والأمهات حيارى أمام عصبية الأبناء وعنادهم ومشاكلهم وعراكهم معاً
ولا يدركون أن هؤلاء الأطفال في حاجة ماسة إلى ساعات اللعب والترويح عن النفس والاستمتاع بوقت ممتع.


http://www.x333x.com/smiles/data/13/016.gif


ولقد أكدت جميع دراسات علماء الاجتماع على أهمية مشاركة الأب والأم في تربية الأطفال وذلك بمدهم بالكثير من الثقة والتوازن من الناحية النفسية وذلك خلال الحديث واللعب والقراءة ومساعدتهم في أداء واجباتهم المنزلية. لأن ذلك من حق الأبناء على آبائهم وأمهاتهم
ولهذا فانه من واجب الوالدين والقائمين على تربية ورعاية الطفل عدم إغفال هذا الجانب المهم، لان الطفل بحاجة أن يعبر عن ذاته من خلال اللعب وأن يطور مهاراته ويكتشف الجديد من حوله بهذه الوسيلة.


http://www.x333x.com/smiles/data/13/053.gif


كلنا كان وقت اللعب يمثل احلى جزء في يومنا سواء مع الوالدين والأخوات اوالصديقات ولا تخلو غرفنا من لعبة العروسه او الدبدوب الى ملىء خيال كل بنت من القصص والحكايات.





" Private you "



*لكل فتاه مااهمية اللعب في حياتك؟ وماذا كانت لعبتك المفضله؟

*هل كان للعب في حياتك اثر في تكوين شخصيتك واظهار موهبتك ؟

*هل تحبين مشاركة الأطفال اللعب؟

*ماهي أنواع الألعاب الى كنتي تلعبين فيها مع الأطفال عامه سواء اخواتك اخوانك اطفال اختك / اخوك ثم اطفالك ؟

*هل توافق ان اغلبية الأمهات يهملوون هذا الجانب المهم ويتركونه للخدم؟

*هل اثر خروج الأم الى العمل وعودتها متعبه يجعلها لاتجد وقتا كافيا لتخصيصه للعب مع اطفالها؟





**


انطلــــــــــــــــــــقن ...!!http://www.x333x.com/smiles/data/13/078.gif

بصمة قطرية
03-04-2012, 01:21 AM
لي عودة ان شاء الله :shy:

بصمة قطرية
03-04-2012, 02:32 AM
*لكل فتاه مااهمية اللعب في حياتك؟ وماذا كانت لعبتك المفضله؟[/INDENT]

لم أعد فتاة ..
بل أصبحت ام ..:shy:
كنت ألعب بدميتي ..
و كنت احب اللعب كثيراً برفقة صديقاتي ..
*هل كان للعب في حياتك اثر في تكوين شخصيتك واظهار موهبتك ؟

*هل تحبين مشاركة الأطفال اللعب؟
نعم ..
من خلال اللعب نكتسب الجرأة ..
و روح المغامرة ..
و التعاون ..

أحب مشاركة الأطفال في اللعب ..
اشعر بمتعة ..:shy:
*ماهي أنواع الألعاب الى كنتي تلعبين فيها مع الأطفال عامه سواء اخواتك اخوانك اطفال اختك / اخوك ثم اطفالك ؟
كنت اشاركهم العابهم مهما كانت ..
في محيط العائلة اطفالنا ( جميعهم ذكور )
بدءاً بأخواني كنت فتاة بين أولاد ذكور ..
فكنت انافسهم في العابهم .. :shy:
كانت الالعاب الذكورية هي الغالبة ..
حتى اطفالي جميعهم ذكور ..
السيارات والدراجات و غيرها ..
هي العابي المفضلة .. :shy:
*هل توافق ان اغلبية الأمهات يهملوون هذا الجانب المهم ويتركونه للخدم؟

للأسف نعم ..
أحياناً اشعر بتقصير من هذه الناحية ..
اشعر بأني لا اقضي الوقت الكافي من اللعب برفقة ابنائي ..
أحاول قدر المستطاع تعويض هذا الشيء ..
أحياناً نلعب تنس ..
أحياناً ( كيرم )
و انافسهم كثيراً في الــ ( بيبي فوت ) ..
احب روح المغامرة برفقة اولادي ..
متعتنا الحقيقية على شاطيء البحر ..
حيث لا قيود ننطلق بكل حرية ..
*هل اثر خروج الأم الى العمل وعودتها متعبه يجعلها لاتجد وقتا كافيا لتخصيصه للعب مع اطفالها؟




أعتقد نعم و بقوة ..
الحمدلله انا غير موظفة ( ربة بيت )
لا أعاني من هذه المشكلة لكن أتوقع انها موجودة بالفعل ..

**


انطلــــــــــــــــــــقن ...!!http://www.x333x.com/smiles/data/13/078.gif



كنت أول المنطلقات .. :shy:
موضوع رائع وممتع غاليتي ..
جعلتيني اعود بذاكرتي لمرحلة الطفولة ..
أعترف بأني ما زلت اعشق روح الطفولة ..
ما زالت بداخلي طفلة ..
احب اللعب مع الاطفال و الانطلاق بحرية ..
أحب روح المرح لديهم ..
البراءة التي يتسمون بها ..
:shy:

ام السعف
03-04-2012, 08:12 AM
بما ان الموضوع يتكلم عن اللعب بشل كل العابي عبر تاريخي المديد وببسط في الموضوع وبكون ضيفة داشة وطالعة منه اتمنى قبولي بصدر رحب


اللعب في حياتي له مكانة كبيرة جدا من يوم كنت صغيرة لليوم

فمع شروق شمس الأالعاب في حياتي
http://www.waraqat.net/2008/09/3eesh-sa3ydan13.jpg

ومنذ نعومة اظافري

http://www.waraqat.net/2008/09/3eesh-sa3ydan38.gif

سمعت ان ابوي كان يلاعبني وايد وكان يقضي وقته من عقب عناء التعب في ملاعبتي ويحرص على قضاء وقت كافي معاي ،، بس للأسف ما اتذكر هالسوالف
لكني ممكن ابصم عليها ،، لأني لاحظت ان ابوي كان يلاعب اخواني اللي اصغر مني
ويقضي وقته وياهم وان كان راد من شغله تعبان

فمن جذيه اللعب في حياتي احتمال تكون عادة مكتسبة من الوالد
والوالدة دعمت العادة هذي بصنع العرايس لنا

http://www.folkartmavens.com/files/cache/b535ee359f17fb29bb8e966b0ab854d9.jpg

وسماحها لنا باللعب في الماي
لما كنا نلعب دور الأم والأبو ونسوي غدانا ونقهوي بعض في المواعين البلاستيكية ،،

http://trus.imageg.net/graphics/product_images/pTRU1-2865917dt.jpg

مواعينا كانت بسيطة جدا وسيد الطعام فيها كان الربيان " البفك " وعصير بونص

http://www.nhd1.com/vb/imgcache/42592.imgcache.jpg

وسيد الحلويات كيك بونص

http://2.bp.blogspot.com/_xhGFTgVBDpQ/TLYlGAhwAkI/AAAAAAAAAF8/drwv6Txf5T8/s320/mrs+mulfords+honey+buns.jpg

كنا نلعب دور الأم اللي تطبخ لبوالعيال اللي يدخل يسألها اشتبي من السوق ويركب حصانه قالب المخمة :omen2:
طبعا هالعصا ما عرفنا لها طريق بس توضيح للعصا اللعبة اللي كنا نستغلها في حال
حاجتنا لتمتع بنعمة ركوب حصان سريع :shy:



http://images.aarabladies.com/media/images/www_4photos_net_1139306195.jpg


وبنفس الوقت كنا نستقبل الحريمات ونقهويهم ونشرب العرايس الحليب ونسكتهم وانرقدهم وانغطيهم ،، ونلحق على طباخنا قبل ما يوصل بو العيال :omen2:

واللي أحلى كنا نتغطى لو ريل جارتنا بيدخل علينا صدفة وهو ياييب الإيدام من السوق:shy:

كانت هالمرحلة مابين عمر اربع وخمس وست سنين ،، لأن عقب خلاص
تغيرت طريقة لعبنا وصرنا نلعب في الشارع مع الصبيان ،، فانتظروا الجزء الثاني
من رحلتي في عالم الألعاب :omg:

ضوى
03-04-2012, 09:05 AM
*لكل فتاه مااهمية اللعب في حياتك؟ وماذا كانت لعبتك المفضله؟

ممم عندما كنت فتاة كانت لعبتنا الركض والبحث والاستكتشاف لكل شي حولنا وطبعا هالشي يساعد وايد في تنمية العقل والفكر

*هل كان للعب في حياتك اثر في تكوين شخصيتك واظهار موهبتك ؟

بالطبع وايد

*هل تحبين مشاركة الأطفال اللعب؟

جدا جدا، يوم الخميس ببيت اهلي احب اجمع اليهال لو خمس دقايق والعبهم العابنا مالت اول الاغاني مالت اول واسوي لهم حركات شقلبه ونط

*ماهي أنواع الألعاب الى كنتي تلعبين فيها مع الأطفال عامه سواء اخواتك اخوانك اطفال اختك / اخوك ثم اطفالك ؟

اكثر شي الشقلبة والنط والاغاني التراثية

*هل توافق ان اغلبية الأمهات يهملوون هذا الجانب المهم ويتركونه للخدم؟

يعني هالشي ماقدر الاحظه الا لو عشت مع الامهات ببيت واحد ، مدري ببيتهم ومع اولادهم شيصير

*هل اثر خروج الأم الى العمل وعودتها متعبه يجعلها لاتجد وقتا كافيا لتخصيصه للعب مع اطفالها؟

والله صار لي 22 سنة اشتغل عمري ماهملت هالجانب ، والحين امارس هالشي مع بنتي العليا وماشاء الله عليها لاحظتها تحب اللعب الحر اكثر من الالعاب ، وانا احب هالشي معاها ومخليتها دايما في الهواء الطلق واحب العب معاها حركات وتقلدني ياربي عليها تجنن ، علمتها فتحي ياوردة وسكري ياوردة فديت قلبها بروحها تصفق وبروحها تنتبه للحركات وتقلد ، احس هالشي يزيد ذكاء الطفل

غزلان
03-04-2012, 10:14 AM
كنت أول المنطلقات .. :shy:
موضوع رائع وممتع غاليتي ..
جعلتيني اعود بذاكرتي لمرحلة الطفولة ..
أعترف بأني ما زلت اعشق روح الطفولة ..
ما زالت بداخلي طفلة ..
احب اللعب مع الاطفال و الانطلاق بحرية ..
أحب روح المرح لديهم ..
البراءة التي يتسمون بها ..
:shy:


--
صباحك خير بصمه
مافي حد ماكان اللعب احلى اوقات حياته فهو الوسيله الوحيده للتجمع مع الخوات والصديقات والمجال الوحيد للتميز بموهبتك في اللعب وتفريغ الطاقات ..

خاصه ان الألعاب من كل شكل متوفره كنت احب المرجيحه وانا صغيره واغلب هوشاتي مع اختي عليها وكانت امي دايما تودينا في العطله للألعاب ..ولازم اخذ لعبه من المحل ولا:cry2:
ولا اختار الا لعبه تكون غاليه:shy:

المؤسف لما نشوف الأطفال يلعبون برفقة الخدامه في المجمعات او مع السايق مما يقلل من الترابط بينه وبين الوالدين ,,

الله يبارك لك في عيالج بصومه:victory:

Lollipop
03-04-2012, 10:16 AM
انا كأم -اتمنى لو ان الوالدة ولا الوالد كانوا قضوا معاى وقت اكثر وانا صغيرة ومرات افكر ليش ماشوف صور لي معاهم واحنا نلعب !!

فانشاللله مابحرم عيالى من هالشي وعلى قد مااقدر بلعب معاهم كل مايكون عندي وقت

ضوى
03-04-2012, 11:36 AM
انا كأم -اتمنى لو ان الوالدة ولا الوالد كانوا قضوا معاى وقت اكثر وانا صغيرة ومرات افكر ليش ماشوف صور لي معاهم واحنا نلعب !!

فانشاللله مابحرم عيالى من هالشي وعلى قد مااقدر بلعب معاهم كل مايكون عندي وقت

نلتمس العذر اختي الغالية ، احيانا الحياة والركض وراء الرزق يلهينا عن فلذات الاكباد

الله يرزقج بر عيالج يااارب ومايشغلج الا بطاعته وبهم ياااارب

ام السعف
03-04-2012, 11:39 AM
ندخل في الجزء الثاني من رحلتي في عالم الألعاب
وهي مرحلة المشالع والركض واللعب في السكة مع اخواني وعيال الفريج وبناتهم

http://www.waraqat.net/2008/09/3eesh-sa3ydan7.jpg

لعبنا على الدواريف والزحلاقيات والميزان

http://www.waraqat.net/2008/09/3eesh-sa3ydan26.jpg

وسوينا مقالب في العالم في تريبات الرمل
ولما نفضى وما نلقى لنا شغلة نمارس لعبة تنسيم التواير :(

وكل ما كبرنا اشوي كنا انحصل على ثقة الصبيان ويشاركونا في العابهم الجماعية

لعبنا الكوك ولعبنا شرطة وحرامية ،، ولعبنا الرين " كنا ننصلخ من المجرمين "
ولعبنا قلينة وماطوع ،،
واذا الشباب كانوا يرفضونا لوجود عنصر شاب غريب وياهم ،،
كنا نلعب نط الحبل او القيس او نركب الطوف نراقبهم ،،

لعبنا قبل ما كان يعتمد على اللعب اللي تنشرى ولا عرفنا لها طريج ،،
كانت حياة الطبيعة والبساطة في التعامل مع عالمنا يترك لنا مساحة كبيرة
في الركض والتشقلب والتنطط ،، وكل هذا كان يكسب اجسامنا قوة
ويفرغ طاقاتنا وانطيح في البيت رقود بعد يوم حافل باللعب ،،

في هالمرحلة من العمر اللي كانت ما بين 6 لين عمر 12 و13
كانت مثل ما قالت ضوى العابنا كلها في الهواء الطلق ،،بس عقب
مع دخولنا سن ننمنع فيه بالاختلاط بعيال الفريج ،، تتغير ميولنا في اللعب
ونتحول بيتوتيات واندور لنا على العاب تسلينا ،،
فكانت الصبة والكتور والجلاد والحرامي ولعبة جماد بلاد حيوان هي متنفسنا في اللعب
وبالأخص الجلاد والحرامي ولعبة جماد بلاد
هاللعبة اللي كنت اسيطر فيها على الوضع ،، واليوم العب عيالي فيها
من امسك القلم اشوي والا اصرخ عليهم Stooooooooooop
مساكين يتخرعون وينقزون هيهيهي ،، اقول لهم خلصت :p
" مرة لعبتها في بيت ابوي وكنا فريق كبير ،، من نبتدي اللعبة اصرخ Stooooooooooop
خلصت :shy: وكانوا عيالي يلعبون ويانا ،، فاخوي الكبير اتهمني اني اغش ......> ما يثق فيني :"(
وقال براقبها ،، وتم واقف على راسي ،، من اخلص اصرخ بصوت عالي
واخرعه وينقز هاهاهاهاه ......> محد قال له يتهمني :shy:
ما تتخيلون اشلون هاللعبة زادت من حصيلتهم المعلوماتية في النباتات والبلاد
والحيوان والجماد والأسماء ،،

وولدي الصغير العب وياه ،، واخليه يكتب وانشغل في النت وانطره يقول لي ستوب
واحاول اساعده واتساهل معاه علشان يكتسب قدر اكبر من المعلومات ،، لأني ناوية عليه
بكلمة ستووووب في المستقبل ان شاءالله



ومن الالعاب بعد اللي كنا نلعبها
لعبة الزهرة
والثعبان والسلم
http://4.bp.blogspot.com/_cIXylhmcK-Y/RsRAZ4Y2W_I/AAAAAAAAAMs/mBN1ei1jCeo/s400/game.jpg

ولعبة المنبولي

http://www.alldownloadgames.com/images/monopoly_feature.jpg

وعقب هالألعاب صارت نقلة نوعية في الالعاب اللي نلعبها
صحيح عمرنا ما امتلكنا جهاز اتاري
http://upload.souq.com/getthumb.php?fromfile=uploaded/180111/2380620954e0b35aec8aa2d62fc2f4ec_31846756961295394 687.jpg&w=238&max_h=370

بس كان عالم يديد عجيب غريب ،، لفت انظارنا احنا البنات
وكنا نروح بيت خالي بس علشان نسمع صوت الكرة اللي تضرب يمين ويسار
وساعة الهنا لما يسمحون لنا نلعب

http://www.waraqat.net/2008/09/3eesh-sa3ydan37.gif

عقبها تسارعت وتيرة دخول الالعاب هذي لعوالمنا
فدخل جهاز الفاميلي

http://inlinethumb46.webshots.com/44909/2639846810104752662S425x425Q85.jpg

كنا كلنا في البيت ما شاءالله نجتمع جدام التلفزيون في الصالة ونلعب
لعبة الذبان وعقب لعبة التركيب ،، والفايز يستمر ،، وكانت امي تعاني ويانا
وهي تعصب علينا سكروا صلاة سكروا روحوا ناموا ، سكروا تعالوا تغدوا :weeping:

وعقب الفاميلي دخلت علينا العاب كثييرة شي تنمسك في اليد مثل ال Game boy

http://static.tvtropes.org/pmwiki/pub/images/GameBoy-Color_4297.jpg

وشي اطور من الفاميلي
واللي هو النيتندو والعابه المشهورة وسوبر ماريو المكستح ايامها بس ما حبيته
وكنت العب العاب ذهنية ثانية تفتح لي مغارات مسكرة ويبي لها مهارة تفكير ،،

http://sarangpenyamun.files.wordpress.com/2008/07/snes_sys.jpg

ومع هالجهاز دخلت عش الزوجية وكان الـ Game boy صديقي ورفيجي في اوقات فراغي

لين كسرت خاطر بو العيال وحب يتعامل مع الطفلة اللي فيني وللحين ما كبرت وادركت انها صارت زوجة وفي طريقها للانجاب ،،
راح شرى لي جهاز صخر مع شاشة تلفزيون صغيرة

http://www.yousef.ws/soar/20061016a.jpg

كنت اقضي كل وقتي الصبح العب لعبة The castle 1 & 2

http://members.lycos.co.uk/awm88/uploads/fMSX0000.jpg

ويوم كبروا عيالي ادمنوا هاللعبة ،، كل الذكور من عيالي ادمنوها

http://i42.servimg.com/u/f42/12/12/32/04/65412.jpg

كنت اقعدهم على حضني واعلمهم اشلون يلعبون واشلون يفكرون واشلون يسوون :shy:،،

فكان صخر عالمي قبل دخول السيجا ،،

http://www.old-computers.com/museum/photos/sega_genesis2_1.jpg
اللي ما تفاعلت وياه وايد
وخاصة سونج ذيه ،، فكانت لي العاب خاصة فيني تعتمد على مهارة التفكير
وايجاد الحلول ،، بس اطلعوا محاربين انتقصوا من حقي في الجهاز:(
ومرات و نزولا مع رغبة عيالي كنت العب معاهم Streets of Rage

http://www.blogcdn.com/playstation.joystiq.com/media/2009/01/stretesfra425.jpg

فكانت هاللعبة باكورة لعبي مع عيالي بشكل ثنائي ،، وكان ولدي الكبير عمره 4 سنين
العب معاه هاللعبة ويطلب مني نوصل للوحش عقب ما نركب اللفت ونضربه علشان نفوز،،
وفرح يوم خلصنا الجزء الأول وعقب خذنا الجزء الثاني وصار اخوه الثاني يطلب مني
العب وياه ،، وخاصة لو خوالهم ما عطوهم ويه ،،

واذكر نزلت لعبة باسم مايكل جاكسون ما اعجبتني ،، ونزلت لعبة علاء الدين بعد ما اعجبتني
وبدت علاقتي بالسيجا يصيبها فتور وبرود ،، واترك لهم الجهاز واوخر عنه ،،
ودخل السوني " بلاي ستشين ون " وعقبه تو وعقبه ثري ،، ودخلنا في عوالم
العاب ثانية وتطور مستمر ومتسارع فيها ،،

http://up.alhilalclub.com/uploads/public/2009/12/030917_w211.jpg

فمالقيت العاب تجمعني مع العيال ، فكنت اراقبهم ،، وان كنت العب العاب خاصة فيني
ما كانوا يحبون يلعبونها ،،في الوقت اللي العابهم ماتشدني
فسبقات السيارات والضرب و كرة القدم و العاب ولادية طغت بشكل
اكبر في البيت فصرت انسحب وكان ابوهم ياخذ الدور ويلعب وياهم ،،

بس مرات بطلب منهم الكبار اللي في الجامعة والثانوية قبل الصغير
اشاركهم لعبة call of duty
واتم منخشة علشان ما تحشوني رصاصة او خدوش او رتوش :p
وادري اني كنت اذبح اللعب بطريقتي هذي ،، بس شاسوي مب راضيين يقتنعون
اني مب مالت سوالف ذبح وطلق نار او قتل في الألعاب ،،

بس في لعبة mortal kombat

نجتمع بشكل خرافي سواء في بيتنا او بيت ابوي مع عيال اخواني او خواتي
واخواني وعيالي ونلعب والفايز يستمر ،،

http://2.bp.blogspot.com/__zONx1O8R1U/TToFb0ybvkI/AAAAAAAAAXY/GkH2gwvJxX0/s1600/Mortal_Kombat_9_PS3_Xbox.JPG

ودمب تشك ودمب دمب تشك .....> هذي نغمة بنت اخوي وهي تكفخنا وتكسرنا :weeping:
والسهر في الاجازات للصبح عندي في البيت ، ولازم برفقتي :anger1:
ودام انه لازم برفقتي فلازم العب معاهم كلهم :anger1:



لين نزل الوي بمضاربه ،،

http://t1.gstatic.com/images?q=tbn:ANd9GcRHZvEy9BjjFzMtOqmucRoWZNqLgV29u 4odc65pA-vwhBNCG8NBGCVzW29L-w

فكنت العب مع ولدي الصغير اي لعبة يطلبها وكان ينهد حيلي :( من زود ما احرك يديني واتحرك ،، بس في سبيل مشاركته كنت اتصبر :weeping:



واخيرا كان للاكس بوكس حضور كبير في تجميع

http://img3.store.microsoft.com/prod/clustera/v2/productAssets/US/EN-US/Bundle_Assets/_Holiday_Bundles/en-US_Bndle_Xbox360_Kinect_Sensor_4GB_Sports/en-US151_Bndle_Xbox360_Kinect_Sensor_4GB_Sports.png
كل افراد البيت عندي في غرفة وحدة علشان نلعب الالعاب اللي فيه،،
وفوقه كانوا اخواني اييوني يلعبون مع عيالي الكبار ومرات نلعب بولينج
ضد بعض ،، فلحظات اللعب هذي ما تقدر بثمن في عيون عيالي واحنا كلنا
ملتمين ونتنافس في اللعب وحركات العبط اللي تصير حزة اللعب

ولكن هل انتهت رحلتي في اللعب مع الأطفال وعيالي ؟
امم نشوف الجزء الثالث ،، قبل ما ارد على اسئلة غزلان :shy:

http://www.waraqat.net/2008/09/3eesh-sa3ydan2.jpg

كلنا قطر 1981
03-04-2012, 11:45 AM
متــــــــــــــــــابـــع

و اسجل اعجابي بالموضوع و الصور الي حطتها الغاليه ام السعف :victory:

دلة الرسلان
03-04-2012, 12:15 PM
لعبنا وما قد قلنا بس وكان الفريق (ج) بكبره هو ساحة لعبنا وما شاركونا والدينا وما شعرنا

بضرورة ذلك ليش لازم نلعب مع عيالنا أو نشعر بتأنيب الضمير ؟ يمكن في الأسر اللي ماعندها

ألا طفل وحيد يحتاج فعلا والديه ليلعبوا معه ، بس أذا ماشاء الله محصلين الرفقة من عيال

عمومة وخوال فما بيكون لنا دور مشارك كوالدين ولكن دور أشرافي وعلى حسب سن الأطفال
-----------------

غزلان سالفة الشعور بتأنيب الضمير هي خطوة استباقية لأنه بتشوفين اراء تتحجج بعلم النفس

ومناهج التربية الحديثة التي تحتم مشاركة الطفل في اللعب كوسيلة تربية نقلا من مصادر أجنبية :)

khaldoon
03-04-2012, 12:21 PM
الحين شسالفه كل يوم وحدة منكم تفتح موضوع همسات نواعم ....مرة اخت ام السعف و مرة موضي و الحين غزلان.....كم وحده متفقة علينا!!!...هذه مؤامرة

عن نفسي العب مع ابنائي مونوبولي و جبت لهم شطرنج بس مخهم شوي الحين تخين و الشطرنج مب قادرة تخترقه و العب معاهم لعبة السلم و الحية و شوية العاب على الكمبيوتر

ناوي ان شاء الله العب معاهم لقدام بس يكبروا شوي لعبة ريسك و لعبة ....ناسي اسمها هذه اللي فيها جريمة قتل و نبحث عن القاتل نفس نوعية مونوبولي ...يعني اشجع نوعية الالعاب اللي من طخة مونوبولي و ريسك لانها لعب جماعية

ايضا ناوي العب معهم لعبة اونوا ....على ما اذكر هذه اللي مثل لعبة الشدة او ورق اللعب

لو عندكم اقتراحات فأرجوكم ما تبخلوا علي فيها

يعني و بس يكبروا اكثر بلعب معهم بوكر خخخخ.....لا والله اتغشمر لا تصدقون

تحداني
03-04-2012, 12:41 PM
زمان كل شي لعبت .. وكنت البنت الوحيده بعد شابين الله يرحم عبدالله
فكانت ألعابهم شبابيه وما كنت اعرف انها شبابيه
كانوا يعلموني جمباز .. اشلون اشقح من على السور .. اشلون اسدد هدف وافوز
اشلون طريقه الشطرنج .. الكيرم كنت ألعبه بمهاره ولين اليوم
الورق والجوكر وبو ثمانيه والسفره ..
وكنت اضرب اليهال وايد وكله ابي ادافع عن نفسي

بعد ما صار عندي اخت صرت احب العب معاها العاب ثانيه .. سوالف بنات " مدرسه ودكتوره وابوي يومها ما كان وايد غني .. فكله كان خاطري في باربي .. وكانت اللعبه وايد غاليه فيوميا اروح بيت جيرانا .. واوقات كنت اخذ معاي وحده من عرايس بنت جارنا للمدرسه عشان اراويهم ان انا بعد عندي بس في الحقيقه مب لي


اليوم علاقتي مع اللعب مب وايد كهوايه .. خذتني الحياه ابسرعه للكبر
متعلقه بالوالده وحملت جزء كبير من البيت ودراسه اخواني
الجامعه وتفوقي فيها ومثابرتي خذوني اكثر
عملي اليوم صار صعب جدا ومتعب

بس ان شفت ياهل قدامي الا ألعب معاه
ويوم الجمعه كل اليهال متجمعين ويقولون لي " إعميمه من اكبر انتي ولا اعميمه هذيج "
اقول لهم انا .. يقولون لا انتي صديقتنا

العب نطل الحبل
غميضه
سباق
العب في المكعبات
انط على الكراسي
اركض وراهم على اني ابي اصيدهم .. وابطأ حركتي ويشردون ويستانسون



يمكن هذا سبب من بين الاسباب الي يخليني أكره عمري الحقيقي
مب لاني كبرت واستحي منه .. لان ابداخلي للحين ابي اكون مع اليهال وألعب
وامي اتقول خلاص عاد اعقلي .. وحجمي يساعد اني العب معاهم :) وكون جسمي رياضي ولله الحمد فإمسهل العمليه


احب اليهال فديت روحهم .. والي متملل من مشواير الاعيال او تبي اتسافر اتجيبهم عندي
عرض جدا مغري اقدمه لكم


جملكم الله برضاه

doha2012
03-04-2012, 01:35 PM
:rolleyes2:


ابكتني الصور والذكريات ..


لي عوده ان شاء الله ..

,,

غزلان
03-04-2012, 01:59 PM
بما ان الموضوع يتكلم عن اللعب بشل كل العابي عبر تاريخي المديد وببسط في الموضوع وبكون ضيفة داشة وطالعة منه اتمنى قبولي بصدر رحب


اللعب في حياتي له مكانة كبيرة جدا من يوم كنت صغيرة لليوم

فمع شروق شمس الأالعاب في حياتي
http://www.waraqat.net/2008/09/3eesh-sa3ydan13.jpg

ومنذ نعومة اظافري

http://www.waraqat.net/2008/09/3eesh-sa3ydan38.gif

سمعت ان ابوي كان يلاعبني وايد وكان يقضي وقته من عقب عناء التعب في ملاعبتي ويحرص على قضاء وقت كافي معاي ،، بس للأسف ما اتذكر هالسوالف
لكني ممكن ابصم عليها ،، لأني لاحظت ان ابوي كان يلاعب اخواني اللي اصغر مني
ويقضي وقته وياهم وان كان راد من شغله تعبان

فمن جذيه اللعب في حياتي احتمال تكون عادة مكتسبة من الوالد
والوالدة دعمت العادة هذي بصنع العرايس لنا

http://www.folkartmavens.com/files/cache/b535ee359f17fb29bb8e966b0ab854d9.jpg

وسماحها لنا باللعب في الماي
لما كنا نلعب دور الأم والأبو ونسوي غدانا ونقهوي بعض في المواعين البلاستيكية ،،

http://trus.imageg.net/graphics/product_images/pTRU1-2865917dt.jpg

مواعينا كانت بسيطة جدا وسيد الطعام فيها كان الربيان " البفك " وعصير بونص

http://www.nhd1.com/vb/imgcache/42592.imgcache.jpg

وسيد الحلويات كيك بونص

http://2.bp.blogspot.com/_xhGFTgVBDpQ/TLYlGAhwAkI/AAAAAAAAAF8/drwv6Txf5T8/s320/mrs+mulfords+honey+buns.jpg

كنا نلعب دور الأم اللي تطبخ لبوالعيال اللي يدخل يسألها اشتبي من السوق ويركب حصانه قالب المخمة :omen2:
طبعا هالعصا ما عرفنا لها طريق بس توضيح للعصا اللعبة اللي كنا نستغلها في حال
حاجتنا لتمتع بنعمة ركوب حصان سريع :shy:



http://images.aarabladies.com/media/images/www_4photos_net_1139306195.jpg


وبنفس الوقت كنا نستقبل الحريمات ونقهويهم ونشرب العرايس الحليب ونسكتهم وانرقدهم وانغطيهم ،، ونلحق على طباخنا قبل ما يوصل بو العيال :omen2:

واللي أحلى كنا نتغطى لو ريل جارتنا بيدخل علينا صدفة وهو ياييب الإيدام من السوق:shy:

كانت هالمرحلة مابين عمر اربع وخمس وست سنين ،، لأن عقب خلاص
تغيرت طريقة لعبنا وصرنا نلعب في الشارع مع الصبيان ،، فانتظروا الجزء الثاني
من رحلتي في عالم الألعاب :omg:



--
حياج الله اختي ام السعف والموضوع مايحلا الا بمشاركتكم:nice:

اللعب هو الشي الوحيد الى مارسناه بكل مراحل عمرنا وعلى حسب تطور الألعاب المتوفره طبعا لعبة دور الأم كلنا لعبناها غير التركيب الى لين الحين احب العبها مع عيال اختي واخواني اذكر اني امسك الكتلوج واجرب ابني مباني بالتركيب مثلهم وهالشي يمكن عطاني طولة البال ..اما الربيان والعصير فكان حفلتنا مع الكيك الأسكريم في نهاية لعبنا ..

الألعاب كثيرة ومتنوعه لكن كان اللعب له فوائد كبيره على حياتنا

غزلان
03-04-2012, 02:02 PM
*لكل فتاه مااهمية اللعب في حياتك؟ وماذا كانت لعبتك المفضله؟

ممم عندما كنت فتاة كانت لعبتنا الركض والبحث والاستكتشاف لكل شي حولنا وطبعا هالشي يساعد وايد في تنمية العقل والفكر

*هل كان للعب في حياتك اثر في تكوين شخصيتك واظهار موهبتك ؟

بالطبع وايد

*هل تحبين مشاركة الأطفال اللعب؟

جدا جدا، يوم الخميس ببيت اهلي احب اجمع اليهال لو خمس دقايق والعبهم العابنا مالت اول الاغاني مالت اول واسوي لهم حركات شقلبه ونط

*ماهي أنواع الألعاب الى كنتي تلعبين فيها مع الأطفال عامه سواء اخواتك اخوانك اطفال اختك / اخوك ثم اطفالك ؟

اكثر شي الشقلبة والنط والاغاني التراثية

*هل توافق ان اغلبية الأمهات يهملوون هذا الجانب المهم ويتركونه للخدم؟

يعني هالشي ماقدر الاحظه الا لو عشت مع الامهات ببيت واحد ، مدري ببيتهم ومع اولادهم شيصير

*هل اثر خروج الأم الى العمل وعودتها متعبه يجعلها لاتجد وقتا كافيا لتخصيصه للعب مع اطفالها؟

والله صار لي 22 سنة اشتغل عمري ماهملت هالجانب ، والحين امارس هالشي مع بنتي العليا وماشاء الله عليها لاحظتها تحب اللعب الحر اكثر من الالعاب ، وانا احب هالشي معاها ومخليتها دايما في الهواء الطلق واحب العب معاها حركات وتقلدني ياربي عليها تجنن ، علمتها فتحي ياوردة وسكري ياوردة فديت قلبها بروحها تصفق وبروحها تنتبه للحركات وتقلد ، احس هالشي يزيد ذكاء الطفل


---
اختي ضوى لاحظي من خلال اللعب تظهر موهبتك في وين هل في الرسم ام في الأبداع والتركيز ولا في هوايه رياضيه ككرة السله او الطائره او حتى الجرى ,,

ماشاء الله شي حلو تخصيص وقت للعب مع اطفالك وهالشي بيفيدك كثير في زيادة التقرب بينكم غير التخلص من الطاقات الكامنه عند الأطفال فيقلل من عصبيتهم وشقاوتهم

شاكره حضورك ومشاركتك

غزلان
03-04-2012, 02:23 PM
انا كأم -اتمنى لو ان الوالدة ولا الوالد كانوا قضوا معاى وقت اكثر وانا صغيرة ومرات افكر ليش ماشوف صور لي معاهم واحنا نلعب !!

فانشاللله مابحرم عيالى من هالشي وعلى قد مااقدر بلعب معاهم كل مايكون عندي وقت


--
مرات مشاغل الحياه اويمكن لن فيه من يلعب معاج من خواتج او قريباتج يكفي عنهم

اهم شي تعوضين اللعب مع عيالج لأنه له فوائد ونتائج على نفسيتهم غير انهم يكتسبون مهارات تنفعهم في حياتهم,

ماذكرتينا اهم الألعاب الى كنتي تلعبين بها؟

غزلان
03-04-2012, 02:24 PM
نلتمس العذر اختي الغالية ، احيانا الحياة والركض وراء الرزق يلهينا عن فلذات الاكباد

الله يرزقج بر عيالج يااارب ومايشغلج الا بطاعته وبهم ياااارب


فعلا مرات ظروف الحياه تجبرنا

ضوى وشرايج بالأمهات الى يرسلون اولادهم للألعاب مع الخدم او السايق؟

intesar
03-04-2012, 03:19 PM
لي رجعة بس لما تفك عني الزعلة.. حمسانة.. من موضوع..

غزلان
03-04-2012, 03:25 PM
ندخل في الجزء الثاني من رحلتي في عالم الألعاب
وهي مرحلة المشالع والركض واللعب في السكة مع اخواني وعيال الفريج وبناتهم

http://www.waraqat.net/2008/09/3eesh-sa3ydan7.jpg

لعبنا على الدواريف والزحلاقيات والميزان

http://www.waraqat.net/2008/09/3eesh-sa3ydan26.jpg

وسوينا مقالب في العالم في تريبات الرمل
ولما نفضى وما نلقى لنا شغلة نمارس لعبة تنسيم التواير :(

وكل ما كبرنا اشوي كنا انحصل على ثقة الصبيان ويشاركونا في العابهم الجماعية

لعبنا الكوك ولعبنا شرطة وحرامية ،، ولعبنا الرين " كنا ننصلخ من المجرمين "
ولعبنا قلينة وماطوع ،،
واذا الشباب كانوا يرفضونا لوجود عنصر شاب غريب وياهم ،،
كنا نلعب نط الحبل او القيس او نركب الطوف نراقبهم ،،

لعبنا قبل ما كان يعتمد على اللعب اللي تنشرى ولا عرفنا لها طريج ،،
كانت حياة الطبيعة والبساطة في التعامل مع عالمنا يترك لنا مساحة كبيرة
في الركض والتشقلب والتنطط ،، وكل هذا كان يكسب اجسامنا قوة
ويفرغ طاقاتنا وانطيح في البيت رقود بعد يوم حافل باللعب ،،

في هالمرحلة من العمر اللي كانت ما بين 6 لين عمر 12 و13
كانت مثل ما قالت ضوى العابنا كلها في الهواء الطلق ،،بس عقب
مع دخولنا سن ننمنع فيه بالاختلاط بعيال الفريج ،، تتغير ميولنا في اللعب
ونتحول بيتوتيات واندور لنا على العاب تسلينا ،،
فكانت الصبة والكتور والجلاد والحرامي ولعبة جماد بلاد حيوان هي متنفسنا في اللعب
وبالأخص الجلاد والحرامي ولعبة جماد بلاد
هاللعبة اللي كنت اسيطر فيها على الوضع ،، واليوم العب عيالي فيها
من امسك القلم اشوي والا اصرخ عليهم stooooooooooop
مساكين يتخرعون وينقزون هيهيهي ،، اقول لهم خلصت :p
" مرة لعبتها في بيت ابوي وكنا فريق كبير ،، من نبتدي اللعبة اصرخ stooooooooooop
خلصت :shy: وكانوا عيالي يلعبون ويانا ،، فاخوي الكبير اتهمني اني اغش ......> ما يثق فيني :"(
وقال براقبها ،، وتم واقف على راسي ،، من اخلص اصرخ بصوت عالي
واخرعه وينقز هاهاهاهاه ......> محد قال له يتهمني :shy:
ما تتخيلون اشلون هاللعبة زادت من حصيلتهم المعلوماتية في النباتات والبلاد
والحيوان والجماد والأسماء ،،

وولدي الصغير العب وياه ،، واخليه يكتب وانشغل في النت وانطره يقول لي ستوب
واحاول اساعده واتساهل معاه علشان يكتسب قدر اكبر من المعلومات ،، لأني ناوية عليه
بكلمة ستووووب في المستقبل ان شاءالله



ومن الالعاب بعد اللي كنا نلعبها
لعبة الزهرة
والثعبان والسلم
http://4.bp.blogspot.com/_cixylhmck-y/rsraz4y2w_i/aaaaaaaaams/mbn1ei1jceo/s400/game.jpg

ولعبة المنبولي

http://www.alldownloadgames.com/images/monopoly_feature.jpg

وعقب هالألعاب صارت نقلة نوعية في الالعاب اللي نلعبها
صحيح عمرنا ما امتلكنا جهاز اتاري
http://upload.souq.com/getthumb.php?fromfile=uploaded/180111/2380620954e0b35aec8aa2d62fc2f4ec_31846756961295394 687.jpg&w=238&max_h=370

بس كان عالم يديد عجيب غريب ،، لفت انظارنا احنا البنات
وكنا نروح بيت خالي بس علشان نسمع صوت الكرة اللي تضرب يمين ويسار
وساعة الهنا لما يسمحون لنا نلعب

http://www.waraqat.net/2008/09/3eesh-sa3ydan37.gif

عقبها تسارعت وتيرة دخول الالعاب هذي لعوالمنا
فدخل جهاز الفاميلي

http://inlinethumb46.webshots.com/44909/2639846810104752662s425x425q85.jpg

كنا كلنا في البيت ما شاءالله نجتمع جدام التلفزيون في الصالة ونلعب
لعبة الذبان وعقب لعبة التركيب ،، والفايز يستمر ،، وكانت امي تعاني ويانا
وهي تعصب علينا سكروا صلاة سكروا روحوا ناموا ، سكروا تعالوا تغدوا :weeping:

وعقب الفاميلي دخلت علينا العاب كثييرة شي تنمسك في اليد مثل ال game boy

http://static.tvtropes.org/pmwiki/pub/images/gameboy-color_4297.jpg

وشي اطور من الفاميلي
واللي هو النيتندو والعابه المشهورة وسوبر ماريو المكستح ايامها بس ما حبيته
وكنت العب العاب ذهنية ثانية تفتح لي مغارات مسكرة ويبي لها مهارة تفكير ،،

http://sarangpenyamun.files.wordpress.com/2008/07/snes_sys.jpg

ومع هالجهاز دخلت عش الزوجية وكان الـ game boy صديقي ورفيجي في اوقات فراغي

لين كسرت خاطر بو العيال وحب يتعامل مع الطفلة اللي فيني وللحين ما كبرت وادركت انها صارت زوجة وفي طريقها للانجاب ،،
راح شرى لي جهاز صخر مع شاشة تلفزيون صغيرة

http://www.yousef.ws/soar/20061016a.jpg

كنت اقضي كل وقتي الصبح العب لعبة the castle 1 & 2

http://members.lycos.co.uk/awm88/uploads/fmsx0000.jpg

ويوم كبروا عيالي ادمنوا هاللعبة ،، كل الذكور من عيالي ادمنوها

http://i42.servimg.com/u/f42/12/12/32/04/65412.jpg

كنت اقعدهم على حضني واعلمهم اشلون يلعبون واشلون يفكرون واشلون يسوون :shy:،،

فكان صخر عالمي قبل دخول السيجا ،،

http://www.old-computers.com/museum/photos/sega_genesis2_1.jpg
اللي ما تفاعلت وياه وايد
وخاصة سونج ذيه ،، فكانت لي العاب خاصة فيني تعتمد على مهارة التفكير
وايجاد الحلول ،، بس اطلعوا محاربين انتقصوا من حقي في الجهاز:(
ومرات و نزولا مع رغبة عيالي كنت العب معاهم streets of rage

http://www.blogcdn.com/playstation.joystiq.com/media/2009/01/stretesfra425.jpg

فكانت هاللعبة باكورة لعبي مع عيالي بشكل ثنائي ،، وكان ولدي الكبير عمره 4 سنين
العب معاه هاللعبة ويطلب مني نوصل للوحش عقب ما نركب اللفت ونضربه علشان نفوز،،
وفرح يوم خلصنا الجزء الأول وعقب خذنا الجزء الثاني وصار اخوه الثاني يطلب مني
العب وياه ،، وخاصة لو خوالهم ما عطوهم ويه ،،

واذكر نزلت لعبة باسم مايكل جاكسون ما اعجبتني ،، ونزلت لعبة علاء الدين بعد ما اعجبتني
وبدت علاقتي بالسيجا يصيبها فتور وبرود ،، واترك لهم الجهاز واوخر عنه ،،
ودخل السوني " بلاي ستشين ون " وعقبه تو وعقبه ثري ،، ودخلنا في عوالم
العاب ثانية وتطور مستمر ومتسارع فيها ،،

http://up.alhilalclub.com/uploads/public/2009/12/030917_w211.jpg

فمالقيت العاب تجمعني مع العيال ، فكنت اراقبهم ،، وان كنت العب العاب خاصة فيني
ما كانوا يحبون يلعبونها ،،في الوقت اللي العابهم ماتشدني
فسبقات السيارات والضرب و كرة القدم و العاب ولادية طغت بشكل
اكبر في البيت فصرت انسحب وكان ابوهم ياخذ الدور ويلعب وياهم ،،

بس مرات بطلب منهم الكبار اللي في الجامعة والثانوية قبل الصغير
اشاركهم لعبة call of duty
واتم منخشة علشان ما تحشوني رصاصة او خدوش او رتوش :p
وادري اني كنت اذبح اللعب بطريقتي هذي ،، بس شاسوي مب راضيين يقتنعون
اني مب مالت سوالف ذبح وطلق نار او قتل في الألعاب ،،

بس في لعبة mortal kombat

نجتمع بشكل خرافي سواء في بيتنا او بيت ابوي مع عيال اخواني او خواتي
واخواني وعيالي ونلعب والفايز يستمر ،،

http://2.bp.blogspot.com/__zonx1o8r1u/ttofb0ybvki/aaaaaaaaaxy/gkh2gwvjxx0/s1600/mortal_kombat_9_ps3_xbox.jpg

ودمب تشك ودمب دمب تشك .....> هذي نغمة بنت اخوي وهي تكفخنا وتكسرنا :weeping:
والسهر في الاجازات للصبح عندي في البيت ، ولازم برفقتي :anger1:
ودام انه لازم برفقتي فلازم العب معاهم كلهم :anger1:



لين نزل الوي بمضاربه ،،

http://t1.gstatic.com/images?q=tbn:and9gcrhzvey9bjjfzmtoqmucrowznqlgv29u 4odc65pa-vwhbncg8nbgcvzw29l-w

فكنت العب مع ولدي الصغير اي لعبة يطلبها وكان ينهد حيلي :( من زود ما احرك يديني واتحرك ،، بس في سبيل مشاركته كنت اتصبر :weeping:



واخيرا كان للاكس بوكس حضور كبير في تجميع

http://img3.store.microsoft.com/prod/clustera/v2/productassets/us/en-us/bundle_assets/_holiday_bundles/en-us_bndle_xbox360_kinect_sensor_4gb_sports/en-us151_bndle_xbox360_kinect_sensor_4gb_sports.png
كل افراد البيت عندي في غرفة وحدة علشان نلعب الالعاب اللي فيه،،
وفوقه كانوا اخواني اييوني يلعبون مع عيالي الكبار ومرات نلعب بولينج
ضد بعض ،، فلحظات اللعب هذي ما تقدر بثمن في عيون عيالي واحنا كلنا
ملتمين ونتنافس في اللعب وحركات العبط اللي تصير حزة اللعب

ولكن هل انتهت رحلتي في اللعب مع الأطفال وعيالي ؟
امم نشوف الجزء الثالث ،، قبل ما ارد على اسئلة غزلان :shy:

http://www.waraqat.net/2008/09/3eesh-sa3ydan2.jpg



-
ماشاء الله اختي ام السعف تخيلت وعشت عالم اللعب بكل مراحله

شي حلو جدا ان تواصلج بعيالج عن طريق اللعب حتى لو ماكنتي تستهوينه او نقدر نقول ماعاد يناسب عمرنا,,لكن اللعب هو الشي والوحيد الى ممكن نلغي كل الحواجز علشانه وعلشان فرحة الأطفال ومتعتهم بمشاركتنا لهم

ماذاكر ابولي لعب معانا لنا كنا مجموعه مع بنات عمي لكن اتذكر كل ماتنزل لعبة جديده يجيبها لنا ,,اما الوالده كانت تشاركنا مع خواتي لعبة السلم والثعبان ومرات التركيب..

ومن وجهة نظري الوالدين قبل متفرغين اكثر لعب مع اولادهم بعكس وقتنا الحالي اشوف الخدامه هي الى تلاعب الطفل سواء بالبيت او في اماكن اللعب.

غزلان
03-04-2012, 06:36 PM
متــــــــــــــــــابـــع

و اسجل اعجابي بالموضوع و الصور الي حطتها الغاليه ام السعف :victory:


حياك الله:nice:

دبلوماسية
03-04-2012, 06:44 PM
شكرا عزيزتي غزلان على الهمسة ...الطفولية ..المرحة


طفولتي مطابقة تماما لطفولة ام السعف ...

نفس الالعاب ...وخاصة الجماعية


ومازالت هناك طفلة مختبئة خجولة بداخلي ...تتحين الفرص للخروج واللعب ...
تخرج احيانا لتلعب مع بناتي ..كل انواع اللعب ...الحركي منها والذهني والفني ...واليدوي
استمتع بالتجوال في محلات الالعاب ...واريد ان اشتري كل الالعاب ...ساعات اشتري لعبة لبنتي لانها عاجبتني :shy: وخاطري العب فيه

غزلان
03-04-2012, 06:50 PM
لعبنا وما قد قلنا بس وكان الفريق (ج) بكبره هو ساحة لعبنا وما شاركونا والدينا وما شعرنا

بضرورة ذلك ليش لازم نلعب مع عيالنا أو نشعر بتأنيب الضمير ؟ يمكن في الأسر اللي ماعندها

ألا طفل وحيد يحتاج فعلا والديه ليلعبوا معه ، بس أذا ماشاء الله محصلين الرفقة من عيال

عمومة وخوال فما بيكون لنا دور مشارك كوالدين ولكن دور أشرافي وعلى حسب سن الأطفال
-----------------

غزلان سالفة الشعور بتأنيب الضمير هي خطوة استباقية لأنه بتشوفين اراء تتحجج بعلم النفس

ومناهج التربية الحديثة التي تحتم مشاركة الطفل في اللعب كوسيلة تربية نقلا من مصادر أجنبية :)


---

اختي دله انا ذكرت اذا الطفل عنده اخوان وخوات وبنات عم وخال مابيحتاج لمشاركة الوالدين له في اللعب الا في الفتره لو كان وحيد بنت او ولد او كان في عمر صغير لكن مايمنع اشراف الأم على لعبهم حتى لو بدون مشاركه,

الصعب ان لايخصص الوالدين وقتا في كل الحالات للعب مع اطفالهم او حى مشاركتهم ولو مشاركه بسيطه اذا كان لعبهم داخل المنزل وبوجودهم

بس اختى ماتلاحظين ان الأجانب رغم عملهم واعتمادهم على نفسهم الا انهم يشاركون اطفالهم كل هواياتهم ويتابعونها معاهم ويمكن هالشي سبب لأستفادتهم منها في حياتهم اقصد قلة العصبيه الهدوء الأنتاج الأيجابي من ممارسة هوايات مفيده في وقت فراغهم ..بعكس ابنائنا لاحظي وشيقضون وقت فراغهم فيه:rolleyes2:

غزلان
03-04-2012, 06:53 PM
الحين شسالفه كل يوم وحدة منكم تفتح موضوع همسات نواعم ....مرة اخت ام السعف و مرة موضي و الحين غزلان.....كم وحده متفقة علينا!!!...هذه مؤامرة

عن نفسي العب مع ابنائي مونوبولي و جبت لهم شطرنج بس مخهم شوي الحين تخين و الشطرنج مب قادرة تخترقه و العب معاهم لعبة السلم و الحية و شوية العاب على الكمبيوتر

ناوي ان شاء الله العب معاهم لقدام بس يكبروا شوي لعبة ريسك و لعبة ....ناسي اسمها هذه اللي فيها جريمة قتل و نبحث عن القاتل نفس نوعية مونوبولي ...يعني اشجع نوعية الالعاب اللي من طخة مونوبولي و ريسك لانها لعب جماعية

ايضا ناوي العب معهم لعبة اونوا ....على ما اذكر هذه اللي مثل لعبة الشدة او ورق اللعب

لو عندكم اقتراحات فأرجوكم ما تبخلوا علي فيها

يعني و بس يكبروا اكثر بلعب معهم بوكر خخخخ.....لا والله اتغشمر لا تصدقون


---
حياك اخوي خلدون الموضوع موضوعك ماعليك من العنوان:)

ماشاء الله شي حلو انك تشاركهم في العابهم وتابع استفادتهم من اللعبه

مثل ماذكرت هذه النوعيه من الألعاب تنمى قدراتهم العقليه

الألعاب اخوي خلدون لاتعد ولا تحصى المحلات مب مقصره بكل الأنواع ولكل الحاجات حسب اعمارهم..

بوعلي2
03-04-2012, 08:10 PM
ياسلام على هيك مواضيع

بصراحه موضوع 7 ستار

من افكار ومشاركات الاعضاء

اتمنى لكم التوفيق وانا متابع معاكم ومنكم نستفيد والى الامام دائما بالرقي والنجاح :nice:

مريومة
03-04-2012, 09:22 PM
صراحة موضوعكم طلعني من جو الدراسة ==>> مسببة لي اكتئاب :weeping:

ماذكر في حياتي حد لعب كثر مالعبت .. الله يرحمها من ايام

ايام المدرسة .. من ارجع من المدرسة .. "طبعا اكون كاتبة واجباتي في المدرسة"

طول اليوم لعب .. سبحان الله من اذكر ذيج الايام .. اقول عفية علينا ما نتعب

كنا اربع خوات .

اذا بنلعب بيت :

كانت الغرفة يوميا تفتر .. الكبت في صوب والكرفاية في صوب

بلفيت بيوت في غرفة .. واللي دور الابو .. واللي حامل

والشراشف معلقة .. صراحة شي شي

واذا بنلعب مصارعة :

الله لا يوريكم .. كل واحد له لقب .. هالك هوجن .. مستر فوجي

المشكلة ان بنات .. بس الغريب انه كان طبيعي نشوف المصارعة مع ابونا

وعقب نسوي له مصارعة مصغرة .. وهو يشجع

واذا بنلعب في الشارع:

عيال الفريج كلهم ويانا .. صبيان وبنات .. وخاصة اذا في تريب رمل برا

انسوي كباب بالرمل مع الماي ونقعد انحذف الطوفة .. وعقب يسحبونا من اذانينا عشان ننظف الطوف

غير انه ما يتم درام ولا لوح في الشارع الا سحبناه الحوش .. وسوينا منه لعبة

واحيانا نتسلف السياكل من عيال الجيران .. ويصير طابور عليه .. كلن ياخذ له لفة في الشارع ويعود

اما اذا كنا رايحين بيت اديده .. لعبنا كرة قدم .. ودايما يخلوني معلق

أو نلعب سباق .. اتقطع قلوبنا من الركض .. وبعد نلعب ما شاءالله

غير الجلاد حرامي .. والكيرم .. والبته .. حياة كلها لعب في لعب


لا هم ولا غم .. نتهاوش وننضرب وبسرعة ننسى


احلى ايام .. والله المستعان

elders
03-04-2012, 10:10 PM
شو حلوووووووو الموضوع ....يجزيكِ الخير غزلان
:nice:

رح ارجع اعلق عرواء بس اقرأ الردود

:victory:

غزلان
03-04-2012, 11:33 PM
زمان كل شي لعبت .. وكنت البنت الوحيده بعد شابين الله يرحم عبدالله
فكانت ألعابهم شبابيه وما كنت اعرف انها شبابيه
كانوا يعلموني جمباز .. اشلون اشقح من على السور .. اشلون اسدد هدف وافوز
اشلون طريقه الشطرنج .. الكيرم كنت ألعبه بمهاره ولين اليوم
الورق والجوكر وبو ثمانيه والسفره ..
وكنت اضرب اليهال وايد وكله ابي ادافع عن نفسي

بعد ما صار عندي اخت صرت احب العب معاها العاب ثانيه .. سوالف بنات " مدرسه ودكتوره وابوي يومها ما كان وايد غني .. فكله كان خاطري في باربي .. وكانت اللعبه وايد غاليه فيوميا اروح بيت جيرانا .. واوقات كنت اخذ معاي وحده من عرايس بنت جارنا للمدرسه عشان اراويهم ان انا بعد عندي بس في الحقيقه مب لي


اليوم علاقتي مع اللعب مب وايد كهوايه .. خذتني الحياه ابسرعه للكبر
متعلقه بالوالده وحملت جزء كبير من البيت ودراسه اخواني
الجامعه وتفوقي فيها ومثابرتي خذوني اكثر
عملي اليوم صار صعب جدا ومتعب

بس ان شفت ياهل قدامي الا ألعب معاه
ويوم الجمعه كل اليهال متجمعين ويقولون لي " إعميمه من اكبر انتي ولا اعميمه هذيج "
اقول لهم انا .. يقولون لا انتي صديقتنا

العب نطل الحبل
غميضه
سباق
العب في المكعبات
انط على الكراسي
اركض وراهم على اني ابي اصيدهم .. وابطأ حركتي ويشردون ويستانسون



يمكن هذا سبب من بين الاسباب الي يخليني أكره عمري الحقيقي
مب لاني كبرت واستحي منه .. لان ابداخلي للحين ابي اكون مع اليهال وألعب
وامي اتقول خلاص عاد اعقلي .. وحجمي يساعد اني العب معاهم :) وكون جسمي رياضي ولله الحمد فإمسهل العمليه


احب اليهال فديت روحهم .. والي متملل من مشواير الاعيال او تبي اتسافر اتجيبهم عندي
عرض جدا مغري اقدمه لكم


جملكم الله برضاه


--
اختي تحداني الزمن الوحيده بين اخوان وببراءة الطفوله تنجذب للعب معاهم فطبيعي ان تلعب العاب لاتناسبها لأنها لاتدرك فقط غايتها اللعب وهم المتوفرين للعبحتى لوكانت العابهم دفشه انتي ميسره للعب بالعابهم ..لكن اللعب مع الأخت اكثر متعه لأن الألعاب مختلفه تتناسب طبيعتنا مثل المرجيحه او الخشيشه والعرايس خاصه باربي بكل انواعها والدباديب تخص انوثتنا وتتناسب كونا بنات.

مانقدر نستغنى عن اللعب حتى لو كبرنا لأنه يذكرنا باحلى مراحل عمرنا الى نتمنى انها ماتخلص مثل الى يسرق هذه اللحظات من عيال اختنا او اخوانا باللعب معاهم

شكرا اختي

غزلان
03-04-2012, 11:34 PM
:rolleyes2:


ابكتني الصور والذكريات ..


لي عوده ان شاء الله ..

,,


سامحينا

ننتظر العوده والمشاركه:)

غزلان
03-04-2012, 11:35 PM
لي رجعة بس لما تفك عني الزعلة.. حمسانة.. من موضوع..


لاتزعلين ولا شي

ننتظرك:)

غزلان
03-04-2012, 11:39 PM
شكرا عزيزتي غزلان على الهمسة ...الطفولية ..المرحة


طفولتي مطابقة تماما لطفولة ام السعف ...

نفس الالعاب ...وخاصة الجماعية


ومازالت هناك طفلة مختبئة خجولة بداخلي ...تتحين الفرص للخروج واللعب ...
تخرج احيانا لتلعب مع بناتي ..كل انواع اللعب ...الحركي منها والذهني والفني ...واليدوي
استمتع بالتجوال في محلات الالعاب ...واريد ان اشتري كل الالعاب ...ساعات اشتري لعبة لبنتي لانها عاجبتني :shy: وخاطري العب فيه



-

الله يخليلك بنوتك وتلعبين معاها العمر كله

العبي فاللعب ماله عمر دام داخلنا نفوس بريئه بنظل اطفال حتى لو كبرنا:nice:
اللعب يعزز البراءه بداخلنا ويمدنا بطاقه من الفرح

هل لك هوايه اكتشفتيها من خلال لعبك؟

intesar
04-04-2012, 12:02 AM
يوم كنا صغار نحب العرايس نلبسهم ونعدلهم ناخذ الخلاقين الزيادة من جدتي الله يرحمها ونسوي منه ملابس.. وملابس زفاف وطرحة.. وبالطبع ألعاب المطبخ اللي تتعبأ بفك وشوكولاتة وماي.. واللعبة اللي كنا وايد نلعبها مدرسة .. وطلبة.. بس أكثر شي عروس ومعرس.. سبحان الله تكون فطرة موجودة من الصغر.. بس عيال الحين ما يلعبونها.. أنا بحوار سابق قلت لأم السعف أنا ما أعرف أضحك القليل من الناس اللي تقدر تسحب الضحكة مني.. يعني دمي ثقيل.. لذا ما ألعبهم كثير ما أسولف معاهم.. من وهم صغار أعاملهم مثل الكبار.. حتى كلامهم تلاقينه مختوم برأيي.. طبيعي بالغالب لأننا كثير ما نقعد ونتحاور.. أما اللعب فهذا دور أبوهم الله يخليه.. التركيب والجيم بوي والكمبيوتر..

الألعاب اختلفت.. وتغيرت.. فديت وليدي بسبب اعاقته خليته يتعلق بالإلكترونيات.. كان يتعب وهو يلاحق اللي بسنه.. لما أسأله ليش ما تلعب وياهم.. يقول لي تعبت.. لذا دووم قاعد بالبيت خلف الإلكترونيات.. أعتقد هذا بديل له..

ما أعرف إذا كنت بصلب الموضوع ولا طلعت منه.. بس اللي يدور بعقلي أحطه.. ما أدري هذا اللي طلع معاي..

ودمتم بحفظ الرحمن..

sara jsm
04-04-2012, 02:15 AM
ماشاءالله موضوع طيب ,, ومشاركة ام السعف ذكرتني بوايد اشياء قديمة ^ ^


*لكل فتاه مااهمية اللعب في حياتك؟ وماذا كانت لعبتك المفضله؟
- امممم اللعب له اهميه كبيرة انها تنمي قدراتنا الذهنيه والجسديه ,, ولعبتي المفضله كانت كرة القدم في الفريج :shy:

*هل كان للعب في حياتك اثر في تكوين شخصيتك واظهار موهبتك ؟
- اي بشكل كبير ,, كنت اتحرك وايد وسريعه وايد ,,
ومن كثر مانسوي سباقات في الفريج صرت سريعه وخذت في المدرسة ( ثاني اسرع طالبه ) :shy:

*هل تحبين مشاركة الأطفال اللعب؟
- مراات ومرااات على حسب المزاج ,, بس يوم يحنون علي عيال اختي واخوي انجبر فـ العب وعقب اشتط وايد :nice:

*ماهي أنواع الألعاب الى كنتي تلعبين فيها مع الأطفال عامه سواء اخواتك اخوانك اطفال اختك / اخوك ثم اطفالك ؟
- لعبه ( دوري دوري ستوب \\ لعبه × o \\ لعبه اسم جماد حيوان \\ لعبه تقليد الاصوات وهم يكتشفون صوت شنو هاي \\ لعبه فتحي ياورده \\ لعبه سكر بكر لآلآ بياع السكر لآلآ :shy: \\ لعبه صياد حرامي \\ لعبه التمثيل .... الخ )
وايد العاب وساعات هم يعلموني العاب جديدة مطوره

*هل توافق ان اغلبية الأمهات يهملوون هذا الجانب المهم ويتركونه للخدم؟
- ماادري مااشوف ان في امهات يحبون يلعبون هالشكل مع عيالهم ,, اتوقع لين الله رزقي بعيال يمكن اصير نفسهم ,, :(

*هل اثر خروج الأم الى العمل وعودتها متعبه يجعلها لاتجد وقتا كافيا لتخصيصه للعب مع اطفالها؟
- حتى اللي مايشتغلون اشوف مالهم خلق ,, يعني الحياة تغيرت و مابيلعبونهم نفس ايام قبل ,,

:

مشكورة غزلان على هالهمسه الرقيقة ^ ^

بصمة قطرية
04-04-2012, 02:40 AM
--
صباحك خير بصمه
مافي حد ماكان اللعب احلى اوقات حياته فهو الوسيله الوحيده للتجمع مع الخوات والصديقات والمجال الوحيد للتميز بموهبتك في اللعب وتفريغ الطاقات ..

خاصه ان الألعاب من كل شكل متوفره كنت احب المرجيحه وانا صغيره واغلب هوشاتي مع اختي عليها وكانت امي دايما تودينا في العطله للألعاب ..ولازم اخذ لعبه من المحل ولا:cry2:
ولا اختار الا لعبه تكون غاليه:shy:

المؤسف لما نشوف الأطفال يلعبون برفقة الخدامه في المجمعات او مع السايق مما يقلل من الترابط بينه وبين الوالدين ,,

الله يبارك لك في عيالج بصومه:victory:



آآآمين يارب .. :shy:

عدنا من جديد ..
لأني نشأت في بيت كله أولاد اذكر الالعاب اللي كنت العبها في صغري مع بنات الجيران ..
امممممممم
القيس
الكتور
نط الحبل
اذكر لعبة كنا نلعبها في الامارات ..
وقعت الحرب على و نختار دولة ..:secret:

و مع اخواني ..
السياكل
جوتي تواير
جلاد حرامي
المونوبولي
و الشطانة في الفريج .. :tease:
حتى الطوف شقحناها .. :tease:
كنت عفريته .. :secret:
كله يتشكون مني .. :shy:
و الجمباز طبعاً كان متعتي .. :shy:
غير عيال الفريج اللي كنا نلعب معاهم ..
الالعاب الخاصة بالأولاد .. :nice:
كانت طفولتنا حلوة ..
براءة و شقاوة ..

كنت شقية جداً جداً ..
ما تم حد ما كفخته و سببت له عاهة مستديمة .. :secret:
الحين عيالي ماخذين شقاوتي .. :shy:

ساره ذكرتني وانا اقرا ردها .. :shy:
العب مع عيالي جماد حيوان نبات ..
نستمتع و اقعد اصلح لهم الاملاء بالمرة ..:nice:
و نلعب في السيارة لعبة كلمة ومعناها ..
اقول لهم كلمة بالعربي و الشاطر يعطيني المعنى بالانجليزي ..
أو العكس .. :nice:
احلى شي الحماس .. :)
لما نسافر و نروح ملاهي بصراحة ..
اركب مع عيالي كل الألعاب .. :shy:
يستانسون اشوف كل واحد منهم شاق الحلج
جنهم يقولون للعالم هاي امي .. :nice:
البطابط متعتي و متعة عيالي .. :victory:
الشي الوحيد اللي ما حبيته و لعبته كم مرة بس و مليت
السوني و الاكس بوكس و الالعاب الالكترونية بصفة عامة
بس كنت احب الاتاري نسوي فريق انا و اختي ..:(
:shy:

راشد محمد
04-04-2012, 10:06 AM
متــــــــــــــــــابـــع

غزلان
04-04-2012, 03:01 PM
ياسلام على هيك مواضيع

بصراحه موضوع 7 ستار

من افكار ومشاركات الاعضاء

اتمنى لكم التوفيق وانا متابع معاكم ومنكم نستفيد والى الامام دائما بالرقي والنجاح :nice:


حياك الله خيو بوعلي2

الموضوع موضوعك

غزلان
04-04-2012, 03:05 PM
صراحة موضوعكم طلعني من جو الدراسة ==>> مسببة لي اكتئاب :weeping:

ماذكر في حياتي حد لعب كثر مالعبت .. الله يرحمها من ايام

ايام المدرسة .. من ارجع من المدرسة .. "طبعا اكون كاتبة واجباتي في المدرسة"

طول اليوم لعب .. سبحان الله من اذكر ذيج الايام .. اقول عفية علينا ما نتعب

كنا اربع خوات .

اذا بنلعب بيت :

كانت الغرفة يوميا تفتر .. الكبت في صوب والكرفاية في صوب

بلفيت بيوت في غرفة .. واللي دور الابو .. واللي حامل

والشراشف معلقة .. صراحة شي شي

واذا بنلعب مصارعة :

الله لا يوريكم .. كل واحد له لقب .. هالك هوجن .. مستر فوجي

المشكلة ان بنات .. بس الغريب انه كان طبيعي نشوف المصارعة مع ابونا

وعقب نسوي له مصارعة مصغرة .. وهو يشجع

واذا بنلعب في الشارع:

عيال الفريج كلهم ويانا .. صبيان وبنات .. وخاصة اذا في تريب رمل برا

انسوي كباب بالرمل مع الماي ونقعد انحذف الطوفة .. وعقب يسحبونا من اذانينا عشان ننظف الطوف

غير انه ما يتم درام ولا لوح في الشارع الا سحبناه الحوش .. وسوينا منه لعبة

واحيانا نتسلف السياكل من عيال الجيران .. ويصير طابور عليه .. كلن ياخذ له لفة في الشارع ويعود

اما اذا كنا رايحين بيت اديده .. لعبنا كرة قدم .. ودايما يخلوني معلق

أو نلعب سباق .. اتقطع قلوبنا من الركض .. وبعد نلعب ما شاءالله

غير الجلاد حرامي .. والكيرم .. والبته .. حياة كلها لعب في لعب


لا هم ولا غم .. نتهاوش وننضرب وبسرعة ننسى


احلى ايام .. والله المستعان


اياااام راحت بحلوها

مثلك انا اول مارجع من المدرسه احل الواجبات وبعدها عندنا غرفه مخصصه للألعاب انثر التركيب واقعد اسوي بيوت منها او نطلع نلعب في احلوش كان فيه رمل جايبينه ماعرف ليش عاد عفسناه بالماي شافنا ابوي جاي من الملجس وعالي جرى:discuss:
ومن الألعاب الزحليقه والمراجيح والميزان والسلم والثعبان ماشاء الله كانت طاقتنا كلها تستنفذ بالعب

الزلزال
04-04-2012, 03:12 PM
الله يعطيك العافيه على المشاركة المفيده

غايه الطواش
04-04-2012, 03:54 PM
موضوع راق لي واجد ...
ماعندي ذكريات طفوليه كثير ...
وشي لاحضته من فتره ماعندي صور مع امي وابوي يوم كنت صغيره ..نهائيا :shy:

بعكس خواني خواتي ..ليش مادري ...:shy:

كانت العابي الباربي وبكل انواعها ..وبحكم
سفر الوالد المتكرر كان يجيب لنا الالعاب من برى حتى سياكلنا من برى..بحكم ان يعوض غيابه المتكرر عنها

كان عندي بيت بابي

تقريبا مثل هذا http://www.katrinskreativeck.de/Barbie/Barbie-0023.jpg

وكان عندي كدلك باربي الوردي :shy:
وكانت عندي عروسه ...بس كانت ولد ماعرف شلون اشرحها وكنت مسميتها على رفيج اخوي من عيال الاجبع :shy:

كنا دوم نروح لمحل الالعاب الي كان عند

سوق واقف اعتقد راعيه من الباكر رفيج ابوي ...
وعقبها عرفنا البازار والاجهزه الاكترونيه ...صار عندي كمبيوتر صخر ..وصار عندي اصدقاء من الفريح بكم اني اصغر من خواتي بفتره ماكانو يرضون انهم يصادقوني ..وامي ماكانت ترضى اني اطلع الشارع ماكانت لي ذكريات في الشارع ابد ولا اعرف حتى جيرانه لين كبره عرفت كمن بيت ....
وعقب صخر نزل نيتاندو ولعبت سوبر ماريو ...وبعدها السيجا ولكن ..صرت ماحب الالكترونيات ..لعبه القيص والصقله ..كنت العبها بس بالمدرسه :shy:
ولعبه جماد حيوان نبات كنت العبها نادرا مع خواتي وبنات رفيجه امي اذا عبروني ...وفي الغالب مايلعبون معاي :shy:

اصدقائي كانو عيال عمتي 2 وولد خالتي بس :shy:
بختصار ماعندي ذكريات طفوليه كثيره :shy:

وبالنسبه حق لعبي مع اخواني الشباب فرق السن بينا كبير :shy:


.....وبالنسبه حق البلاي ستيشن جربت مره العب مع اخوي ودار راسي وصابتني دوخه :shy:

عيون Qatar
04-04-2012, 07:27 PM
لكل فتاه .. ما أهمية اللعب في حياتك؟
وماذا كانت لعبتك المفضله ؟


*هل كان للعب في حياتك أثر في تكوين شخصيتك وإظهار موهبتك ؟
والله يوم كنت صغيرة .. كنت أحب أرتب الألوان وأرسم ،، بس كنت في البداية اشخبط ,, وبعدين صرت رسامة .. وقمت أرسم وأعرض رسماتي
ياليت الطفوله ترجع


*هل تحبين مشاركة الأطفال اللعب؟
نعم .. انا دائما أقضي وقتي مع أطفالي فبالتأكيد أحب اللعب معاهم


*ماهي أنواع الألعاب الى كنتي تلعبين فيها مع الأطفال عامه سواء اخواتك اخوانك اطفال اختك / اخوك ثم اطفالك ؟

احب العب مع اعيالي وعيال أختي بجهاز العاب بلاي استشن

*هل توافق ان اغلبية الأمهات يهملوون هذا الجانب المهم ويتركونه للخدم؟
نعم للأسف .. واعتقد معظمهم يهملون عيالهم ويتركونهم على الخدم

*هل اثر خروج الأم الى العمل وعودتها متعبه يجعلها لاتجد وقتا كافيا لتخصيصه للعب مع اطفالها؟
أكيد الأم اللي تشتغل مب نفس الأم اللي مجابله عيالها في البيت

غزلان
04-04-2012, 08:33 PM
شو حلوووووووو الموضوع ....يجزيكِ الخير غزلان
:nice:

رح ارجع اعلق عرواء بس اقرأ الردود

:victory:


حلوت ايامك

ناطرين رجعتك وتعليئك خيتو

غزلان
04-04-2012, 08:38 PM
يوم كنا صغار نحب العرايس نلبسهم ونعدلهم ناخذ الخلاقين الزيادة من جدتي الله يرحمها ونسوي منه ملابس.. وملابس زفاف وطرحة.. وبالطبع ألعاب المطبخ اللي تتعبأ بفك وشوكولاتة وماي.. واللعبة اللي كنا وايد نلعبها مدرسة .. وطلبة.. بس أكثر شي عروس ومعرس.. سبحان الله تكون فطرة موجودة من الصغر.. بس عيال الحين ما يلعبونها.. أنا بحوار سابق قلت لأم السعف أنا ما أعرف أضحك القليل من الناس اللي تقدر تسحب الضحكة مني.. يعني دمي ثقيل.. لذا ما ألعبهم كثير ما أسولف معاهم.. من وهم صغار أعاملهم مثل الكبار.. حتى كلامهم تلاقينه مختوم برأيي.. طبيعي بالغالب لأننا كثير ما نقعد ونتحاور.. أما اللعب فهذا دور أبوهم الله يخليه.. التركيب والجيم بوي والكمبيوتر..

الألعاب اختلفت.. وتغيرت.. فديت وليدي بسبب اعاقته خليته يتعلق بالإلكترونيات.. كان يتعب وهو يلاحق اللي بسنه.. لما أسأله ليش ما تلعب وياهم.. يقول لي تعبت.. لذا دووم قاعد بالبيت خلف الإلكترونيات.. أعتقد هذا بديل له..

ما أعرف إذا كنت بصلب الموضوع ولا طلعت منه.. بس اللي يدور بعقلي أحطه.. ما أدري هذا اللي طلع معاي..

ودمتم بحفظ الرحمن..


معظمنا مرت عليه هالألعاب وجربها العروس والأم والطبخ حتى الألعاب نختارها حسب فطرتنا

ماشاء الله اختي الله يخلي لج ولدج ويشفيه يارب الألعاب بوقتنا لكل الفئات والحالات اغلب الألعاب الى يستهونا الأولاد بصفه عامه لها علاقة بالأكترونيات الكمبيوتر الجيم بوي وغيرها

حلو منج انك فكرتي له بشي يستفيد منه ويفرغ طاقته حتى ماينحرم من اللعب

بالعكس اختي الموضوع حر لكل شي :nice:

ربي يحفظ لج اسرتك

غزلان
04-04-2012, 08:45 PM
ماشاءالله موضوع طيب ,, ومشاركة ام السعف ذكرتني بوايد اشياء قديمة ^ ^


*لكل فتاه مااهمية اللعب في حياتك؟ وماذا كانت لعبتك المفضله؟
- امممم اللعب له اهميه كبيرة انها تنمي قدراتنا الذهنيه والجسديه ,, ولعبتي المفضله كانت كرة القدم في الفريج :shy:

*هل كان للعب في حياتك اثر في تكوين شخصيتك واظهار موهبتك ؟
- اي بشكل كبير ,, كنت اتحرك وايد وسريعه وايد ,,
ومن كثر مانسوي سباقات في الفريج صرت سريعه وخذت في المدرسة ( ثاني اسرع طالبه ) :shy:

*هل تحبين مشاركة الأطفال اللعب؟
- مراات ومرااات على حسب المزاج ,, بس يوم يحنون علي عيال اختي واخوي انجبر فـ العب وعقب اشتط وايد :nice:

*ماهي أنواع الألعاب الى كنتي تلعبين فيها مع الأطفال عامه سواء اخواتك اخوانك اطفال اختك / اخوك ثم اطفالك ؟
- لعبه ( دوري دوري ستوب \\ لعبه × o \\ لعبه اسم جماد حيوان \\ لعبه تقليد الاصوات وهم يكتشفون صوت شنو هاي \\ لعبه فتحي ياورده \\ لعبه سكر بكر لآلآ بياع السكر لآلآ :shy: \\ لعبه صياد حرامي \\ لعبه التمثيل .... الخ )
وايد العاب وساعات هم يعلموني العاب جديدة مطوره

*هل توافق ان اغلبية الأمهات يهملوون هذا الجانب المهم ويتركونه للخدم؟
- ماادري مااشوف ان في امهات يحبون يلعبون هالشكل مع عيالهم ,, اتوقع لين الله رزقي بعيال يمكن اصير نفسهم ,, :(

*هل اثر خروج الأم الى العمل وعودتها متعبه يجعلها لاتجد وقتا كافيا لتخصيصه للعب مع اطفالها؟
- حتى اللي مايشتغلون اشوف مالهم خلق ,, يعني الحياة تغيرت و مابيلعبونهم نفس ايام قبل ,,

:

مشكورة غزلان على هالهمسه الرقيقة ^ ^



اهلين سارونه

لولا اللعب ماكتشفنا مواهبنا ولا نمينا شخصيتنا
الألعاب الى ذكرتيها دايما نلعبها سواء بالمدرسه مع الطالبات ولا اذا تجمعنا في البيت
انا بنات اختي لين الحين يحبون اي لعبه تخص ادوات المكياج ولاحظ بنت اختي دايما تقول لأمها حطيلي حموره تقصد مناكير شكلها بتطلع ممكيجه:shy:
فيه امهات كل ماتجمعوا مع اطفالهم يلاعبونهم ويهتمون بهالشي يمكن يلاحظون انه يقربهم اكثر من بعض

عقبال ماتلاعبين عيالج سارونه

شكرا لمشاركتج

غزلان
04-04-2012, 08:53 PM
آآآمين يارب .. :shy:

عدنا من جديد ..
لأني نشأت في بيت كله أولاد اذكر الالعاب اللي كنت العبها في صغري مع بنات الجيران ..
امممممممم
القيس
الكتور
نط الحبل
اذكر لعبة كنا نلعبها في الامارات ..
وقعت الحرب على و نختار دولة ..:secret:

و مع اخواني ..
السياكل
جوتي تواير
جلاد حرامي
المونوبولي
و الشطانة في الفريج .. :tease:
حتى الطوف شقحناها .. :tease:
كنت عفريته .. :secret:
كله يتشكون مني .. :shy:
و الجمباز طبعاً كان متعتي .. :shy:
غير عيال الفريج اللي كنا نلعب معاهم ..
الالعاب الخاصة بالأولاد .. :nice:
كانت طفولتنا حلوة ..
براءة و شقاوة ..

كنت شقية جداً جداً ..
ما تم حد ما كفخته و سببت له عاهة مستديمة .. :secret:
الحين عيالي ماخذين شقاوتي .. :shy:

ساره ذكرتني وانا اقرا ردها .. :shy:
العب مع عيالي جماد حيوان نبات ..
نستمتع و اقعد اصلح لهم الاملاء بالمرة ..:nice:
و نلعب في السيارة لعبة كلمة ومعناها ..
اقول لهم كلمة بالعربي و الشاطر يعطيني المعنى بالانجليزي ..
أو العكس .. :nice:
احلى شي الحماس .. :)
لما نسافر و نروح ملاهي بصراحة ..
اركب مع عيالي كل الألعاب .. :shy:
يستانسون اشوف كل واحد منهم شاق الحلج
جنهم يقولون للعالم هاي امي .. :nice:
البطابط متعتي و متعة عيالي .. :victory:
الشي الوحيد اللي ما حبيته و لعبته كم مرة بس و مليت
السوني و الاكس بوكس و الالعاب الالكترونية بصفة عامة
بس كنت احب الاتاري نسوي فريق انا و اختي ..:(
:shy:



ماشاء الله بصومه طفولتك مليانه اكشن
اهم شي جربتي كل الى قدامك من العاب ماخليتي شي بخاطرك
انا عكسك حتى بلعبي هاديه كانت عشقى المرجيحه ماعرف ليش احبها واستغل الظهر خواتي نايمين ولا يذاكرون اروح العب فيها ومره طحت منها وانجرحت وهاوشتني امي:(

والشي الثاني العرايس البسهم وسبحها والا تاكل غصب عاد اني امها:rolleyes2:
شكرا

doha2012
04-04-2012, 09:09 PM
,,


مسيكم بالخير



كنت العب مع اعيال اختي واخوهم كلنا العاب بنات


اهم شي العاب المطبخ كان لها شان كبير ذيك الايام:tease:


ونحافظ عليها .. ونخلي الولد هو الضيف واحنا هل البيت :victory:


ولا تسوي لنا دمى .. كيف مدري بس الظاهر اعواد وخلق ومدري وشو .. او نشتريها من السوق .. كنا ذيك الايام ماتخلينا امي نطلع مكان .. الا المدرسه ونلعب مع اعيال اخواني في الفريق ..


ومن ضمن الا لعاب .. ( الصقله ) وهي كوره مدوره صغيره ومعها حجر .. الله ياذيك الايام واذا تهاوشنا تحاذفنا بالحصا :eek5:


وكنا نلعب العصا اللي اخرها تاير سيكل لاقينه مقطوق مدري وين ولعبنا به ... ولما كبر الولد خذت له امي سيكل .. ابوك يالسيكل الاول كان يهايط به على العيال .. ومن ركبه دبغناه :tease:


لابه ايفون ولا ايباد ولا ايبود ولاسوني ..


الحمد لله رب العالمين



تسلمين اختي استمتعت بالمشاركه هنا :shy:

غزلان
04-04-2012, 09:19 PM
متــــــــــــــــــابـــع


اهلا وسهلا:nice:

غزلان
04-04-2012, 09:20 PM
الله يعطيك العافيه على المشاركة المفيده


الله يعافيك ومن ذوقك

غزلان
04-04-2012, 09:25 PM
موضوع راق لي واجد ...
ماعندي ذكريات طفوليه كثير ...
وشي لاحضته من فتره ماعندي صور مع امي وابوي يوم كنت صغيره ..نهائيا :shy:

بعكس خواني خواتي ..ليش مادري ...:shy:

كانت العابي الباربي وبكل انواعها ..وبحكم
سفر الوالد المتكرر كان يجيب لنا الالعاب من برى حتى سياكلنا من برى..بحكم ان يعوض غيابه المتكرر عنها

كان عندي بيت بابي

تقريبا مثل هذا http://www.katrinskreativeck.de/barbie/barbie-0023.jpg

وكان عندي كدلك باربي الوردي :shy:
وكانت عندي عروسه ...بس كانت ولد ماعرف شلون اشرحها وكنت مسميتها على رفيج اخوي من عيال الاجبع :shy:

كنا دوم نروح لمحل الالعاب الي كان عند

سوق واقف اعتقد راعيه من الباكر رفيج ابوي ...
وعقبها عرفنا البازار والاجهزه الاكترونيه ...صار عندي كمبيوتر صخر ..وصار عندي اصدقاء من الفريح بكم اني اصغر من خواتي بفتره ماكانو يرضون انهم يصادقوني ..وامي ماكانت ترضى اني اطلع الشارع ماكانت لي ذكريات في الشارع ابد ولا اعرف حتى جيرانه لين كبره عرفت كمن بيت ....
وعقب صخر نزل نيتاندو ولعبت سوبر ماريو ...وبعدها السيجا ولكن ..صرت ماحب الالكترونيات ..لعبه القيص والصقله ..كنت العبها بس بالمدرسه :shy:
ولعبه جماد حيوان نبات كنت العبها نادرا مع خواتي وبنات رفيجه امي اذا عبروني ...وفي الغالب مايلعبون معاي :shy:

اصدقائي كانو عيال عمتي 2 وولد خالتي بس :shy:
بختصار ماعندي ذكريات طفوليه كثيره :shy:

وبالنسبه حق لعبي مع اخواني الشباب فرق السن بينا كبير :shy:


.....وبالنسبه حق البلاي ستيشن جربت مره العب مع اخوي ودار راسي وصابتني دوخه :shy:


اللعب مرات يرتبط بظروفنا اختي يعني مب شطر الكل لعب بكل مرحلة طفولته

البيت كانت اهم لعبه يمكن نقلد امنا وهي تدير البيت فنحب نسوي مثلها اذكر نشتري بيبسي ونوزعه في الأكواب لبلاستيك عاد انه قهوه يعني كل سلوكنا في اللعب عفوي حسب الى نشوفه قدامنا

السيكل كان هديت نجاحي من ابوي بصف اول ابتدائي طول اليوم ادور فيه في الحوش بس ماكنت اقدر العب برع واذا اجتمعنا يركبنا ابوي وياخذنا الدكان الى في فريجنا نشترى اسكريم الى نهايته علوج ..

وانا مثلك ماستهوتني الأكترونيات مع اني اشوف اخواني يلعبون بس ماكنت احب العبها

ام السعف
05-04-2012, 12:45 PM
لعبنا وما قد قلنا بس وكان الفريق (ج) بكبره هو ساحة لعبنا وما شاركونا والدينا وما شعرنا

بضرورة ذلك ليش لازم نلعب مع عيالنا أو نشعر بتأنيب الضمير ؟ يمكن في الأسر اللي ماعندها

ألا طفل وحيد يحتاج فعلا والديه ليلعبوا معه ، بس أذا ماشاء الله محصلين الرفقة من عيال

عمومة وخوال فما بيكون لنا دور مشارك كوالدين ولكن دور أشرافي وعلى حسب سن الأطفال
-----------------

غزلان سالفة الشعور بتأنيب الضمير هي خطوة استباقية لأنه بتشوفين اراء تتحجج بعلم النفس

ومناهج التربية الحديثة التي تحتم مشاركة الطفل في اللعب كوسيلة تربية نقلا من مصادر أجنبية :)

دلة اختلف في هذي معاج وايد ،، لأني أؤمن بمكانة اللعب في قلوب الأطفال مثل ما أؤمن
بقدرة الضرب على تحسين السلوك ،،

قضاء اوقات من اللعب مع الطفل او الأطفال يتعدى دور اشرافي ،،
اللعب مب مقصور في تسلية الطفل ،، في السنوات الأولى من عمر الطفل
اللعب ممكن يكون وسيلة تعليمية يستفيد منها الطفل الكثير من الكلمات والتعابير
وتطوير ذهني له وتطوير مهاراته في الكثير من الأمور اللي ممكن نلاحظها فيه ،،

* الأم او الأب لو خصصوا فترة كل يوم يلاعبون عيالهم صدقيني تأثر
هاللعب بيكون كبير على قلوبهم وان كانور رادين من رحلة لعب مع اقرانهم ،،
لأن اللعب يكسر حواجز كثيرة وتقرب ما بين الأم والأب وعيالهم ،،

* في السيارة وهي معاهم ممكن تستغل تواجدها معاهم وتلعب العاب بسيطة وياهم
وتكون الاب يحبونها على سبيل المثال حجرة ورقة مقص والفايز يستمر
او تلعب وياهم الكلمات ،، وتطلب من كل واحد يعطيها كلمة تبدأ بحرف هي تختاره ،،

* الأم ممكن تستغل وقت انتظارها في المراكز الصحية والعيادات انها تلاعب طفلها
بدل ما تتركه يسرح ويمرح في الممرات ويضايق خلق الله ،،
وممكن تشغل عيالها لو كانوا اكثر من واحد وتلاعبهم بهدوء العاب ذهنية
تكون تعودت وياهم في البيت على هالشي ،،

* الأم او الأب ممكن يستغلون اوقات عيالهم في انه يلاعبونهم العاب قصصية
ويسئلونهم معلومات عامة او خاصة وشوفي نتايج مثل هالأمورلما تصير في جو
اساسه اللعب من اجبار وغصب ،،

* الطفل من يكمل سنة و قبل السنة اللعب وياه جدا مهم ،، احنا لما نشوف
طفل لقلنا له وين راسك ووين خشمك ووين بوزك اشر عليهم،،
هل يستوي مع طفل ما يدل وين خشمه ووين راسه وعمره سنتين ؟
اكيد المعلومات هذي توصل للطفل عن طريق اللعب ،،
وما بالج طفل ما كمل سنتين وحافظ عشرين سورة من القرآن الكريم ؟
هل تعتقدين ان الطفل هذا انربط في الكرسي وتم تحفيظه ؟
ولا هناك حب ومودة ولعب من الأم للطفل هذا سهل عليهم تحفيظه هالسور ؟

* مشاركة الأطفال في التلوين والكتابة على السبورة وحتى الشخبطة بعد
وعن طريق اللعب له دور كبير في تقريب الاطفال منا من غير ما انحس ،،

اطفالنا تحت عمر عشر سنين احنا عالمهم واحنا قدوتهم واحنا حبهم الكبير
وبعد عمر 10 سنين يبتدون يبحثون لهم عن عالم يتوافق مع ميولهم
او ممكن يهربون مننا لأننا احنا اساسا ما كنا قراب منهم ،، او ابتعدنا عنهم ،،
فليش ما نكون وياهم لما يعدوننا عالمهم ؟
وليش نبخل عليهم من اوقاتنا ؟
وليش ما نكون حولهم ويكونون حولنا في هالعالم الخاص فيهم ؟

لا تستهينين في اللعب تراه له قدرة عجيبة على الأطفال وما بالج
لو كنتي انتي امهم وياهم ،،

غزلان
05-04-2012, 06:04 PM
لكل فتاه .. ما أهمية اللعب في حياتك؟
وماذا كانت لعبتك المفضله ؟


*هل كان للعب في حياتك أثر في تكوين شخصيتك وإظهار موهبتك ؟
والله يوم كنت صغيرة .. كنت أحب أرتب الألوان وأرسم ،، بس كنت في البداية اشخبط ,, وبعدين صرت رسامة .. وقمت أرسم وأعرض رسماتي
ياليت الطفوله ترجع


*هل تحبين مشاركة الأطفال اللعب؟
نعم .. انا دائما أقضي وقتي مع أطفالي فبالتأكيد أحب اللعب معاهم


*ماهي أنواع الألعاب الى كنتي تلعبين فيها مع الأطفال عامه سواء اخواتك اخوانك اطفال اختك / اخوك ثم اطفالك ؟

احب العب مع اعيالي وعيال أختي بجهاز العاب بلاي استشن

*هل توافق ان اغلبية الأمهات يهملوون هذا الجانب المهم ويتركونه للخدم؟
نعم للأسف .. واعتقد معظمهم يهملون عيالهم ويتركونهم على الخدم

*هل اثر خروج الأم الى العمل وعودتها متعبه يجعلها لاتجد وقتا كافيا لتخصيصه للعب مع اطفالها؟
أكيد الأم اللي تشتغل مب نفس الأم اللي مجابله عيالها في البيت



مثل ماذكرت فائدة اللعب تظهر المواهب ومن احلى هالمواهب الرسم
ماشاء الله اختي عيون وهوايتج حلوه عسى مازلتي تمارسينها ولا انشغلتي عنها؟

الله يخلي لج عيالج ويبارك فيهم

تسلمين

غزلان
05-04-2012, 06:07 PM
,,


مسيكم بالخير



كنت العب مع اعيال اختي واخوهم كلنا العاب بنات


اهم شي العاب المطبخ كان لها شان كبير ذيك الايام:tease:


ونحافظ عليها .. ونخلي الولد هو الضيف واحنا هل البيت :victory:


ولا تسوي لنا دمى .. كيف مدري بس الظاهر اعواد وخلق ومدري وشو .. او نشتريها من السوق .. كنا ذيك الايام ماتخلينا امي نطلع مكان .. الا المدرسه ونلعب مع اعيال اخواني في الفريق ..


ومن ضمن الا لعاب .. ( الصقله ) وهي كوره مدوره صغيره ومعها حجر .. الله ياذيك الايام واذا تهاوشنا تحاذفنا بالحصا :eek5:


وكنا نلعب العصا اللي اخرها تاير سيكل لاقينه مقطوق مدري وين ولعبنا به ... ولما كبر الولد خذت له امي سيكل .. ابوك يالسيكل الاول كان يهايط به على العيال .. ومن ركبه دبغناه :tease:


لابه ايفون ولا ايباد ولا ايبود ولاسوني ..


الحمد لله رب العالمين



تسلمين اختي استمتعت بالمشاركه هنا :shy:



معاج حق ايااام حلوه ايام اللعب الي بدون قيدون منطلقين بكل ماهو متوفر نلعب ونستمتع

السيكل كان شي ثمين نفرح على هالنوع من الهدايا لأنه يخلينا نروح كل مكان يعني يسهل المشوار ههههههههه

وانا استمتعت بردك:nice:

ام السعف
06-04-2012, 12:22 AM
عـــدنا في الجزء الثالث من الألعاب

وهي امتع المراحل في اللعب بالنسبة لي في تسعينيات من القرن الماضي ،، بو العيال دخل لنا اول كمبيوتر وتتبعه كمبيوترات ثانية ،،
علموني عيالي الشباب الكبار على الألعاب المسماة PC Games
اول لعبة العبها كانت لعبة استراتيجية ،، كانوا يلعبون مع ناس وعلموني العب وياهم
وكنا نلعب بشبكة داخلية في البيت ،، وفي الصيف نسهر للصبح لعب في هاللعبة
اثنين من عيالي كبروا وهم على حضني واحنا نلعب سواء بروحنا او مع ناس على الأون لاين ،،

وعقب صرنا نشتري الألعاب ونلعبها وان ادمنا لعبة تعلقنا فيها وصعب انغير اللعبة
اكبروا الكبار وبديت العب مع الصغار نفس الالعاب ومرات اشتري احدث لعبة من الالعاب
الاستراتيجية ،، وفي كل لعبة يديدة عيالي يبتعدون عني لأنهم ما يبون يلعبونها ،،

بس مرات ولدي اللي تخرج من الجامعة لليوم يطلب مني العب معاه لعبة كرهتها
لأني العب بضمير وغيري يغش
" واعتقد انه متابع ممتاز لي في المنتدى لاحظت من كلامه اليوم ،، بس من هو ؟:telephone: مب راضي يقول لي من هو :omg: "
فصرت وحيدة ،، يا إني العب اون لاين او ما القى حد من عيالي يلعب معاي
لين ياني اخر العناقيد خوسيه ،،

مع خوسيه كل شي تغير ،، كل شي حوله كان اسمه كمبيوتر ،،
وما يصير ينهمل واحنا ننشغل عنه ،، وصل عمره ثلاث سنين فتحنا له حساب
في الهوت ميل ،، وكان يشوفنا نلعب العاب على الماسنجر ،، فكنا نلعب وياه
لعبة تركيب الصور ،، او العلم " الالغام " او X O او الغطاس ،، وكنت العب
سودكو ما كان يفهم لها كلش ،، واليوم مع الجواويل لعبة السودوكو واجب عليه
انه يلعبها في المستوى السهل ،، واخليه يشوفني احل واقول له اشلون ممكن
يشوف او يخمن الأرقام حسب المعطيات اللي جدامه ،،

فكنت اقعد في غرفتي وهو يقعد في غرفة الكمبيوتر مع اخوانه اذا تقدم علي
ياخذ له لفة في الغرف وهو يصرخ ويقول : " الله عليك يالعرباوي الله الله عليك "
عاد يوم كان عرباوي قبل لا يبوقونه الريانيين :(

في البداية كنت انبسط من حركاته وعقب صرت اقلده :(
فكل عشر جولات لعب افوز بجولة وحظه كان قوي في X O 3D فكنت اقوم من مكاني
واخذ لي لفة واقول الله عليك يالعرباوي تجرح واتدوي ،، وحيو العرباوي حيوه،،
فكان يعصب ويسكر اللعبة ويعطيني بلوك ودليت :weeping:

دخل عمر 4 سنين حولت اللعب معاه على الماسنجر الى تعليم تعلم يكتب اسامينا تعلم يكتب الارقام تعلم يكتب الله ،، و هلا خوسيه ، مرحبا
السلام عليكم ،، سلام ،، كنت اعلمه اشلون يستخدم الحروف واشلون يكون الكلمات
فكان يحفظ شكل الحرف والرقم ويكتبه ،،

فاللعب اهنيه ما كان تضيعة وقت فراغ الا كان تعليم
وافضل وقت لمثل هالأعمار للتعليم استغلالهم في اللعب وتعليمهم ،،

كبر حبتين وحب يلعب نفس العابي ،، فكان يعذبني في تعليمه طريقة اللعبة
والمشكلة كان يطلب مني اخليه يلعب اون لاين :secret:
وخليته مرة تسبب في سبي وطردي من اللعبة :telephone:

كبر أكثر طلب له حساب خاص في ستيم وناخذ له العاب كونتر سترايك وتوابعهم
فكان يقعد يلعب اون لاين مع الناس ....> بس هل حياته كانت لعب ؟
لا،، كمل المطلوب منك علشان تلعب ،، احفظ قرآنك علشان تلعب ،، ادخل الموقع
الفلاني وارفع سكورك في حل المسائل الرياضية عقب تعال العب ،،
وكان يحرص انه يكمل كل اللي عليه علشان يلعب ،،

والعام شارك في مسابقتين للقرآن وبفضل من الله وحده حفظ المطلوب منه عن طريق تشغيل السور واللعب بنفس الوقت ،،
والمطلوب مني ادقق له على مخارج الحروف وتصحيح قراءته او احكام التجويد ،،
انجز المطلوب منه في فترة قياسية وبتقدير ممتاز ولله الحمد ،، وكان طول الوقت
يشغل القرآن ويلعب اون لاين ،، فاللعب اهنيه استغليناه في صالحه ،،


وآخر الالعاب اللي صار يلعبها وصرت اشاركه او اتركه يلعبها هي لعبة Portal 2
اخليه يلعب اون لاين مع الناس يتكلم معاهم كتابة ،، تطور اسلوب لعبه و مهارته في ايجاد
الحلول تطورت وااايد ،، مهارته في المحادثة مع الاجانب تطورت بشكل كبييير ،،
تعلم الغش منهم " ما منعته يتعلم ويتسلى في اللي تعلمه " بس رفضت انه يلعبها بشكل عام
قلت له مب مشكلة تعرف اشلون يغشون وما تم غشيم ،، بس غلط تفتح المراحل بالغش ،،

وشافني لو دخل واحد يغش اطلب منه ان انكمل من غير غش ،، وان رفض طلعت من اللعبة ،

اليوم ولله الحمد برفقته وصرت احتاج له علشان انكمل اللعبة في فئة single player
دور لي ودور له ،، ومرات اخليه واروح ارجع اشوفه فرحان انه حل المطلوب ،،
في هاللعبة مخك يعورك لو ما حليت المطلوب ومجرد ما اتحله تحس بفرحة في المخ
" لحد يقول لي اشلون ما اعرف " فالفرحة هذي تشجعنا نحل الباقي ،،

ومرات اطلب منه اييب يحل وظايفه المطلوبة منه ويشوفني اشلون احاول احل ،،
فيقول لي لحظة لحظة شوفي المفروض نسوي جذيه وجذيه وتنحل المسألة ،،
ويأشر بيده حبتين علينا :victory:
وخوسيه هذا مب بس صرت العب وياه اون لاين او single player

سحبني الى عالم الالعاب الحركية مثل السكووتر اللي نصحني اركبه واجربه وبحبه
وبالفعل حبيته ،، وحبه اخوه الكبير ليانا في الإجازة لازم يصوت عليه خوووسيه تعال نلعب

http://t0.gstatic.com/images?q=tbn:ANd9GcQ-U6cnyNr6kVwCPie332PcY2zk33eSctfM-DxvXNna1FiMUJb1

واللعبة الثانية اللي خلانا نلعب وياه من هو صغير هي لعبة
green machine

http://www.adderworld.com/Struggle/green-machine2.jpg


لازم نتسابق ونلف على بعض ونتجاكر ،، بس ما احب التدعم واخاف على نفسي وخاصة ريلي ام الإصابة ،، فأعصب عليه ويزعل :weeping:،، ووقفت فترة وما قمت العب وياه وخاصة يوم قصت علي اختي وقالت لي ما تقدرين اتسوين مثله واتفرين الgرين مرة وحدة ،، توني باستعرض وتفتر علي اللعبة واطيح في نقعة الماي وتلتوي يدي واتعور :weeping:،، عاد نقعة الماي هذي لازم يسويها خوسيه علشان يستعرض فيها :shy:

ورد يقول لي خلاص تعالي نلعب مب داعمج ،، بالفعل يلعب وياي بكل أدب واحترام وان وخرت ودخلوا اخوانه يلعب وياهم ،، صوت ضحكه لين اخر الفريج لأنهم يتجاكرون ويتداعمون وينقلبون ،، وهو خفيف سريع في الحركة وفي التمويه واللفة ،، ويتخلص منهم ،،

واللعبة الثالثة اللي العب وياه صرت

http://tricyclesforadults.net/wp-content/uploads/2010/05/Worksman-Port-o-Trike-Single-Speed.jpg

وهو صغير كان يقعد في السلة وادور فيه في الحوش ونروح السوق ونتشرى اغراض
وانروح الدكان ،، وانروح بيت يده ،، كله تمثيل في تمثيل وهو فرحان ومبسوط ،،

فاللعب في حياة الطفل متعة كبيرة خاصة لو الوالدين كانوا حوله وقراب منه ،،
صدقوني راح تتركون في قلوبهم ذكريات حلوة وااايد ،، فما فيها شي لو عيالنا
كانوا قراب منا وكنا قراب منهم ،،

ملاحظة :


كتبت تجربتي في اللعب بشكل عام ومع عيالي بشكل خاص ،،
لأني ابي من كل أم وابوا يقرون هالموضوع يعطون عيالهم قدر أكبر
من الاهتمام ومشاركتهم حياتهم الطفولية بكل مافيها ،،

وربنا يخلي لكم عيالكم ويخلي لي عيالي ويردهم بالسلامة كلهم ،،