التأمين الصحي للقطريين !!

[راسي براسك]

يسعدلي أوقاتكم بكل خير < متعوب عليها !

أخواني وخواتي

من أيام الجرايد مشعلله بخصوص التأمين الصحي

ممكن حد يفهمنا هل المقصود من هالأخبار اللي تنزل أن كل قطري وقطريه راح يحق لهم يتعالجون بالتأمين الصحي في المراكز الخاصه المعروفه داخل الدولة ؟!


بين قوسين ( مجانأً ) ؟!


:telephone:

[بنت امي]

اي اختي مجانا

بس الى الان ماتطبق يبيله سنه او سنتين

سالت عنه وقالوا مازالت في الدراسه

[R 7 A L]

سمعنا بس للحين ماشفنا

وكلها سيم سيم

[قطرية كشخه]

نفس الشي انا ما فهمت اشيقصدون !!

يعني اخرتها التأمين الصحي بيكون في المراكز الصحيه يعني ولا وشو !! نبي حد يفهمنا :telephone:

انزين ماهو من قبل نتعالج بالمراكز الصحيه بالمجان . .!!!! :secret:
ويبقى الانتظااااااار لهذا السؤال المحير :rolleyes2:
اخاف بس اخرتها ينطبق علينا " صاااام صاااام وفطر على بصله ":(

[تحداني]

:) .. انا عطوني تأمين لمستشفى حمد
الحمد لله والشكر


جملكم الله برضاه

[راسي براسك]

هههههههههههههههههههههه ,,

يعني للحين الموضوع تطبق !! يدرسون ؟؟

وانا قلت حق الوالده وتقول لي بكره روحي وطلعي لي

:omg::app2:

[تحداني]

هههههههههههههههههههههه ,,

يعني للحين الموضوع تطبق !! يدرسون ؟؟

وانا قلت حق الوالده وتقول لي بكره روحي وطلعي لي

:omg::app2:




شنو بكره روحي وطلعي لي
قولي للوالده الله ايطول ابعمرها حسبالج الامور ابهالبساطه ..
هم يقترحون اليوم ينفذون بعد مليون يوم
حاليا استخدموا تأمين مستشفى حمد
وبعدها يصير خير


ما اتشوفون شر يارب


جملك الله برضاه

[راسي براسك]

مستشفى حمد مايبيله تأمين !

التأمين للمستشفيات الثانيه كان طبقوا على الأهلي :)

[لمعة الالماس]

ان شاء الله يستعيلون ويطبقون القرار

لان العيادات الخاصة تكلف وايد بس خدماتهم افضل من المراكز

[راسي براسك]

بالظبط ياأختي لمعة الألماس ,,

و بكذا بيخف الضغط على المراكز ومستشفى حمد !!

[دااانة قطر]

الا بتصير سمردحه في كل المرااكز الخااصه

[بصمة قطرية]

الظاهر عيالنا بيستفيدون من التأمين .. :weeping:

[الجديد]

فعلا.. المراكز الصحية كانت بالمجان فما ذا يفيد التامين اذن؟

[مـــ الروح ـــلاك]

نتعالج بحمد والمراكز الصحية بالمجان شنو فايدة التامين الصحي لمستشفى حمد او المراكز الصحية

الظاهر بيحولون العلاج بفلوس بالمراكز الصحية وحمد واللي عنده تامين صحي بيتعالج بدون مايدفع واللي

ماعنده بيدفع عشان يتعالج :con2:

والا فهموني شلون انا اتعالج في مستشفى حمد ببلاش يعطوني تامين لحمد ليش

المفروض يعطوني تامين صحي على المستشفيات الخاصة والعيادات الخاصه مو بالمستشفى اللي اتعالج

فيه ببلاش :rolleyes2:

[الخزرجي قطر]

لسه دراسه ومافي شي واضح حتى الان

[بنـ الدحيل ـت]

أين نحصل على بطاقة تأمين صحي ..؟

[قطريه أصيله]

انا عندي بطاقة تأمين صحي لجميع العيادات الخاصه وايضاأ المستشفى الاهلي بس ادفع رسوم دخول 25 ريال فقط في كل زياره والعلاج والادويه على حساب التأمين الصحي

[رجل الجزيرة]

أول مستشفى تجريبي للتأمين الصحى هو: مستشفى النساء وولادة وفي آخر السنة سيطبيق على الجميع بشكل تجريبي وعلى شكل مراحل ما بين سنة وسنتين سيكون بشكل نهائي هذا الكلام من الدكتور: فالح حسين.

[المشتاقه الى الجنه]

انا عندي بطاقة تأمين صحي لجميع العيادات الخاصه وايضاأ المستشفى الاهلي بس ادفع رسوم دخول 25 ريال فقط في كل زياره والعلاج والادويه على حساب التأمين الصحي

من وين هالبطاقه

[BoFahed]

الموضوع هذا من سنين من ايام الشيخة غالية ال ثاني اعلنوا عنه في الصحف وفي وسائل الاعلام وما ندري وينووصل الموضوع

البعض يقول بانه دراسات تقول بانه نظام غير ناجح في امريكا والدول الوربية بس يمكن الوضع مختلف عندنا لانه عددنا لا يتجاوز 250 الف والدخل القوي للحكومة

[بوخالد911]

يا ريت يطبق علينا

الاجانب لهم

واحنا ما لنا شي

:(