طريقة اجراء الزواج من الخارج

[خــالــد]

شباب شلون طريقة اجراء اني اطلع ورقة لزواج من الخارج؟؟؟
الحمدلله انا مرتاح بوظيفتي وراتبي سنع ومنصبي حلو بعملي :nice:
والحين قلت اكمل نص ديني و انا خاطري بزوجة من بلد عربي معين عند جبل طارق :shy: من زمان
لكن حبيت استفسر لو حد فيكم يعرف الاجراء شلون يفيدنا علشان نمشي فيها ونتزوج ونرتاح

تحياتي لكم يا شباب لا تنسونا بالدعاء

[Rider]

ياخوي بنت البلد اولى

[عزووز قطر]

شكلك فتحت على نفسك باب :telephone:

بس فكر في عيالك إذا سألوهم : خوالك من منه؟ :secret:

والله يرزقك بالذرية الصالحة وان شاءالله يفيدونك الشباب :telephone:

[قطريه أصيله]

اول مره اسمع عن هالورقه


اخوي الكريم



إستعد للحرب التي ستوجه إليك بعد قليل

[غايه الطواش]

يعني شوفوا ماعلي قاصر بس ابي مغربيه ....


الحمدلله انا مرتاح بوظيفتي وراتبي سنع ومنصبي حلو بعملي
وشدخل هالجمله بالموضوع :shy:

ع العموم موضوعك المفروض في قسم الاستفسارات
وان شاء الله الشباب يفيدونك ومبروك مقدما ...

[ولدQTR]

يعتمد أخوي اذا كانت في صلة قرابه والا لا ..

وفي لجنة اسمها لجنة الزواج من الاجانب تابعة لوزارة الداخليه راجعهم ..

بيطلبون منك اوراقك معينه وتراجع معاهم وهم الجهة اللي تصدر الورقه ..

[الخيالة]

ماعندي فكرة
بس اللي سمعته لازم من لجنة الزواج تسألهم
والله يوفقك اللي تسويه مب جريمة تبي تتزوج علي سنة الله ورسوله وكل انسان حر يختار شريك او شريكة حياته

[كلنا قطر 1981]

يعتمد أخوي اذا كانت في صلة قرابه والا لا ..

وفي لجنة اسمها لجنة الزواج من الاجانب تابعة لوزارة الداخليه راجعهم ..

بيطلبون منك اوراقك معينه وتراجع معاهم وهم الجهة اللي تصدر الورقه ..

اتفق مع اخوي ولد قطر هذا الي اعرفه عن الزواج من الخارج في لجنه و يشوفون اذا في

صله قاربه او شلون

على العموم الله يوفقك و يقدم لك الخير سواء كانت مغربيه او قطريه بالتوفيق بس لا تنسى

انك تختار حسب طريقة النبي محمد صلى الله عليه و سلم افخر بذات الدين تربت يداك

[قطريه أصيله]

إحتمال يبيلك واسطه

لكن سؤال

وينك عن بنات بلادك .. ؟ هم اولى من الغريبه

[hamoor4ever]

انا ماجربت بس بقول لك على حسب ماسمعت ، انك تاخذ ورقه من ولي امر البنت اول شي بالموافقه وتصدقها في السفاره والخارجيه في بلادها وعقب تجي عند لجنه الزواج وتقدم ، وهي يوافقون لك او لا ، والموافقه تاخذ من 3 شهور لين 3 سنوات والاشياء اللي تساعد اذا كنت اصلا متزوج وتبي الثانيه والشي الثاني قله سفرك لتلك الديار الجميله ، لان اذا شافوك كثير السفر هناك احتمال يغيرون رايهم . وهالكلام على ماسمعت

واضيف شي من عندي بدون واسطه لاتعب روحك ، شوف لك حد تعرفه ويدعم موقفك وبالتوفيق واذا حصلت الموافقه علمنا الطريقه هههه . وبصراحه انا ماشوف لهذي اللجنه اي داعي وياليت يتم الغاءها بدل ماشبابنا بعضهم ضايع هناك بالعلاقات ع الاقل يتزوج ويستر على روحه دام خاطره من خارج البلاد

[Dawn]

اذكر يوم تعرفت على هذي العربية بمجمع تمت تسولف معاي و ارتاحت لي لموقف صار ما احب اذكرة.

قالت والله العظيم اني تزوجتة ولا اعرف شي بس اهلها فقراء وراحت معة على الخليج وعلمها على الشراب والشيشة لين ما خلها تدمن انا حزنت لحالها روتني صورة بنتها في جوزها النغل جايب منها بنت بعد وبعدين عرفها على الراس العود مالهم القواد ومعة قوادة هي الي توفر السيارات الي توصل البنات الفندق للسباب قلت لها والحين انتي عايشة وين قالت في شقة مع البنات الي هم مسولين عنها القواد والقوادة يعني بزنز مسوين فيها انا صراحة تضايقت علشانها وقلت لها اوكي خلاص بساعدج وحطيت لها شقة لين مادبرين نفسج وتفتكين منهم بعد اسبوع قالت لي خلاص لازم ارجع لهم قلت لها ليش حسيت انة في شي مهددينها بشي مادري وبس راحت :( حسبي الله عليهم لازم القانون يمسح فيهم الارض هالقوادين الملاعين يستغلون الفقراء علشان هالشي بصراحة شي كبير ولازم ما نسكت عنة هالكلام صار لي من 12 سنة ولين اليوم ماعرف اخبارها

بالتوفيق ....

[أبو عبدالعزيز]

بالتوفيق ....


انتي خطيرة = You are dangerous

[غايه الطواش]

داون اقتباس كله كلمات مقرفه

بس اجديتي فيه

[Dawn]

انتي خطيرة = you are dangerous


داون اقتباس كله كلمات مقرفه

بس اجديتي فيه




اعتذر اذا الكلام في الاقتباس ضايقكم .. لكن انا تعمدت احطه علشان العضوات اللي قالوا : بنات البلد أولى ...

وربي قال الطيبون للطيبات ... وانتو عليكم الفهم ...

واسمحولي مره ثانيه ..

[al saad]

ابشرك اولها عسل واخرها بصل
بتاخذ الجنسيه وبطنشلك
خذت الفلوس والبيت والعيال وخلك في المحكمه اطالب بزياره العيال

القصص وايد يشيب لها الراس
ترى راعي الصروال والفنيله بنقرض نفس الضب
من كثره خلط النسل

[عزووز قطر]

الصراحة من عقب رد داون

أنا تحسفت اني رديت على الموضوع :secret:

[مرتبش]

لاتعليق

[ريميه]

كفوووو عليك داون

[روح الاطلس]

تذكرت القطري اللي بوطني الحبيب يشتكي مسكين يقول عمري 40 سنه ويتكلم قطري مكسر لانه عايش بامريكا وامه لبنانيه، ويبي ياخذ له اسيويه والداخليه مب راضيين يعطونه الموافقة!! رغم عمره 40 سنه!!

فلا تتحلم بالسهولة تاخذ الموافقة الا لو عندك واسطة قوية

والله يوفقك مع المغربية بس اهم شي لاتنسى تعزم اعضاء المنتدى على طاجين :)

[أبو عبدالعزيز]

خفوا على أخوكم خلاص!!
الله يستر عليه وعلى مغربيته (أو على قولته: بلد عربي معين عند جبل طارق :shy: ) اللي بياخذها.. وأرجو نقل الموضوع من الحوار العام أو غلقه، بعد لكمة داون.

[روح الاطلس]

خفوا على أخوكم خلاص!!
الله يستر عليه وعلى مغربيته (أو على قولته: بلد عربي معين عند جبل طارق :shy: ) اللي بياخذها.. وأرجو نقل الموضوع من الحوار العام أو غلقه، بعد لكمة داون.


انشهد انها لكمته في مقتل:taunt:

[مرحوم قطر]

موضوعك طوييييييييييييييييييييييييييييييييل


اول شي انا ما انصحك تتزوج من الخارج بنت بلادك اولى فيك

ثاني شي فكر بكره في عيالك لما يسالونهم من خوالكم

ثالث شي فكر ان الي بتاخذهم مش من بيئتك ولا من تقاليدك

رابع شي فكر في اللطعه الي بتاكلها رايح جاي راح جاي


نروح للاجرأت

ادا كانت في صلة قرابه عادي

بينعرض على اللجنه و وبينتهي الموضوع


اذا ما كانت في صلة قرابه

بتقدم طلب حق جهة العمل

وبينعرض على اللجنه و بينرفض

بتطلب مقابلة اللجنه و بتقابلهم و بيرفضون الطلب

و بتطلب مره ثانيه و بتقابلهم و بيرفضون الطلب

و بتطلب مقابلة الوزير او شخصيه كبيره في الوزاره

و بتقابل و 80% بينرفض الطلب


و اذا رحت و تزوجت و قلت بحطهم قدام الامر الواقع

بتتحول لمحكمه عسكريه توصل للتنتيل او الترميج

و بتتلته و بتندم على زواجك


في ناس سووها و جابوها على فيزه عمل

بس ما يحصلون بدل الزواج ولا الارض و القرض يعني مسجل في الحكومه عزوبي

يعني بالعربي الفصيح زواج بالسر و كل ذي انت في غنه عنه




اذا كنت مدني بتقدم طلب زواج من اجنبيه الى جهة العمل

و بينعرض الطلب على لجنه و بينرفض

و بتطلب مقابلة اللجنه و الباقي ما اعرفه الشباب يمكن يفيدونك فيه


بس انا كلش ما انصحك تاخذ اجنبيه لا و المغرب بالذات ما انصحك كلش كلش كلش

[بصمة قطرية]

لا حول ولا قوة الا بالله ..

المفروض الموضوع يغلق و ينقل خلاص ..
الله يستر على الجميع و يهدينا اجمعين ..
الشماته مب زينه ..

[السيف5]

شخص طالب للزواج من الخارج ويبقي يعرف الاجراءات

ليش تتشمتون فيه يابنات ...حرام عليكم

[قطريه أصيله]

شخص طالب للزواج من الخارج ويبقي يعرف الاجراءات

ليش تتشمتون فيه يابنات ...حرام عليكم

الله يوفقه دام انه يبغي الحلال :)

[Chambray]

شنو المغربيه
مب بشر نفسنا نفسكم !!
ولا انتوا تشوفون الي نسبته اقل من 5% من بناتهم وعلى بالكم كل بناتهم على نفس الطينه !
ترا في بنات محترمات خايفين رب العالمين والدين عندهم قوي

دائماً نشوف الجانب السلبي من اي شعب
ومانشوف الجانب الايجابي


والله يوفقك يا صاحب الموضوع على اكمال نصف دينك

لانك فكرت في ( زواج ) وليس علاقه عاطفيه ( محرمه )

اتمنى لك التوفيق

[Rashid554]

الله يوفقك
منك المال ومنها لعيال

http://www.4shared.com/mp3/gprRC2BI/-___.htm