الخـــــدم ومعـــاناه الكفيـــل..

[20 دي]

السلام عليكم ورحمه الله وبركاته.,.

موضوعي واضح من العنوان..واتمنى هالموضوع يحرك شوي المسوولين عشان يحطون لنا قانون ينصفنا من هالخدم ..لان صج طفح الكيل..

انا في خلال 3 سنين ونص جبت اربع خدامات والخامسه ع الطريق..دفعت اكثر من 40 الف ..طبعا للمكاتب وللاقامه وللتذاكر..الخدامه تجي وتكمل 3 شهور وبعدين تسوي مصيبه عشان تروح ..اطول فتره قعدتها خدامه عندي 11 شهر وهي اخر خدامه ..والاخت من كملت 3 شهور بدت تحن انها تبي تسافر وتتشرط انها بتكمل السنه وبتسافر .. وامس جايه تقولي اقطع لي تذكره انا كلمت امي وقلت لها بجيج بعد بكره ..!!! يا سلام صار المكفول يتشرط على الكافل..يعني انا ابي اعرف حقي انا من وين اخذه المكتب ما يرد لي فلوسي بعد الثلاث شهور وسفارتها معاها الف بالميه ..والاخت تجي وهي متثقفه بحقوقها ..ومتاكده ان الكفيل بيسفرها غصب عنه ..وعشان ما تلوموني هذي معاناتنا مع كل خدامه شرفتنا بزيارتها..

الخدامه الاولى (اندونيسيه) :قعدت 6 شهور ..ولقينا عندها صور..الاخت تبي تسوي عمل..

الخدامه الثانيه (فلبينيه) : قعدت 7 شهور ..واكتشفنا انها حراميه ..وماخلت حد ما تسلفت منه ..وقعدت اسدد ديونها بعد ما سافرت على حسابي..

الخدامه الثالثه(اندونيسيه): و هذي كانت اسوأ خدامه ..كملت 3 شهور وبعدها بدت تسوي مشاكل وتكذب وتتبلا على اهلي وتقول كلام ما انقال وسببت توترات في العايله ولسانها كان وايد طويل ولا تحشم حد وتصارخ على الكل..طبعا بعد ما كملت 3 شهور طلع لسانها الظاهر المكتب موصيها.. وهاي كله عشان تسافر..وبعد 5 شهور تقريبا طبعا سافرت لان مستحيل بخليها ولا بتهدم بيتي..

الخدامه الاخيره (سيريلنكيه):وصاختها اكثر من نظافتها ..ولا تشتغل ولا تسوي شي عدل..ما تعرف تطبخ ولا تكوي ولا تغسل(ثيابنا مبقعه -حرقت لنا ثياب وايد-ما تفهم الكلام- ولا تنظف عدل)..وقلنا بنصبر عليها تعبنا من المبالغ اللي ندفعها ومن المكاتب اللي تنقعنا شهر ونص وشهرين..لكن المثل يقول رضينا بالهم والهم مارضا فينا..وطبعا بعد ما كملت 3 شهور بدت تحن انا ابي اسافر انا بكمل سنه وبسافر..وكل شوي طالعه بقصه مره امها مسويه عمليه مره بتروح تتزوج ..واخرها امس ان امها تعبانه وهي قالت لها بتجي بعد يومين ..وجايه تتكلم بكل قوه ..قطعولي تذكره بسافر انا قلت لكم اني بس بكمل سنه..وهي في الاساس ما كملت السنه..

طبعا انا وصلت حدي من هالحاله ..ولين متى ادفع عشان غيري يجي ياخذ فلوس ويستجم ويرجع بلاده بكل سهوله على حسابي..:anger1:
الاكيد ان هالمعاناه مب بس انا اعانيها ..وتعبنا واحنا نتكلم ..وعشان بعد ما تقولون هم يسافرون من سوء المعامله لا والله ..كل خدامه تجي كل احتياجاتها علينا من ثياب واغراض شخصيه وكل شهر نوفر لها ملابس جديده واحتياجاتها الخاصه..وما عليها اي شغل بس تنظف ملحقنا غرفه وصاله والله يعزكم حمام وثيابنا اليوميه تغسلها وتكويها..لا تطبخ ولا تعتني باطفال..يعني مافي اي ضغط عليها..من نرجع من الدوام ما نطلب منها اي شي..تقضي يومها مرتاحه وتنام على راحتها..لان ما عندها اي شغل..:weeping:

انا اشوف ان المسوولين لازم يحطون قانون يلزم المكاتب ان اي خدامه ما تكمل السنه يردون لنا نص المبلغ..ويلزمون سفارتها تسفرها على حسابها..مب على حساب الكفيل المظلوم..
اللي يقهر كل سفاره تحط لك لسته عشان تحفظ حقوق رعاياها ..واحنا من يحفظ حقوقنا ..نبي قانون يحفظ حقنا ويخلي الخدامه والمكتب والسفاره يلتزمون بالعقد اللي جات على اساسه ..

اتمنى صوتي يوصل لان صج الموضوع زاد عن حده ..ولازم المسوولين يتخذون قرار فيه عشان يوقفون هاللعبه اللي يدفع ثمنها الكفيل..

[راشد محمد]

الله يعينك..الخدم شر لابد منه

[Um Yousif]

,والله يا اختي جبتيها عالجرحححححححححححححح

انا نفس معاناتج تقريبا في كل سنة اجيب خدامه يكملون سنه ويظلعون لهم سوالفهم يبون يسافرون

او وحده اندونسية سوت بلاوي في البيت شئ مب طبيعي تبوق وتكذب وحالولت تطيح بيني وبين اهل زوجي

والثانية قالت لي زوجها مريض وقعدتت تصيح لين سفرتها على اساس بترجع بعد شهر

والثالثة فلبينيه لاني تعقدت من الاندونيسيات هاي غير خدامات ام زوجي اللي كل وحده تجي العن من الثنية

الله يكون في عوننا فلوسنا تورح عالفاضي

نجيب الخدامه واحنا مانعرف ماضيها شنو

المفروض يسوون قانون اجباري للخدامات والمكاتب
لازم يجيبون شهادة حسن سير وسلوك من بلادهم عشان نعرف انعم مب مجرمين او حرامية
وايضا رسالة توصية من الناس اللي اشتغلت عندهم قبل ماتجي الدوحة


وهذا غيض من فيض

ومالنا غير حسبي الله ونعم الوكيل في هالخدامات

يخسروننا فلوس بس عشان يجون يتسيحون في البلاد ولما يشبعون قالوا بنسافر


اتمنى يوصل صوتنا للمسؤولين ويحمون المواطنين من اساليب النص اللي صارت مشروعه ومقننه للمكاتب

وطبعا كلن عارف ان المكاتب يدرسون الخدامات ان بعد 3 شهور اللي تبينه سويه

تقبلوا تحياتي

[لبتونه]

يختي الكل مب بس انتي

هاي موضوع صار تداوله عالمي عندنا

خدامه تجي 3شهور مافي احسن منها تكمل ثلاث شهور ويوم ويبتدي لسان طويل وشغل غير مرتب وقصص وصياح وكل عيله ماتت

وبس تكمل 6شهور او سنه قالت سفرووووووووووووووني


واحنا ندفع ب9و10و11 الاف للمكتب

[لبتونه]

يعني شنو نجيب اي جنسيه فلبنيات لسان طويل وريايل وتزعل

اندونيسيات دلع وملاغة وقلب اسود

سيرلنكيات اقل حاجة موتت اهلها كلهم وانتحرت

شنو نججججججججججججججججيب

[الأغر]

يعني شنو نجيب اي جنسيه فلبنيات لسان طويل وريايل وتزعل

اندونيسيات دلع وملاغة وقلب اسود

سيرلنكيات اقل حاجة موتت اهلها كلهم وانتحرت

شنو نججججججججججججججججيب

ما تجيبوا ليش تجيبوا ايش قاصر عليكم يا حريم المفروض انتوا تهتموا في بيوتكم من طباخ وغسيل يعني لازم خدامه !! يعني الحين حريم زمان كان عندهم خدم ! لكن اشوف الدلع الزايد هو سبب مشاكلكم .. :( الله يعين على الردود :tomato:

[20 دي]

ما تجيبوا ليش تجيبوا ايش قاصر عليكم يا حريم المفروض انتوا تهتموا في بيوتكم من طباخ وغسيل يعني لازم خدامه !! يعني الحين حريم زمان كان عندهم خدم ! لكن اشوف الدلع الزايد هو سبب مشاكلكم .. :( الله يعين على الردود :tomato:
اخوي خلنا من الكلام اللي تقوله لان الكلام سهل وانك تحكم على الناس اسهل من انك تشوف الصوره كامله ..انت كرجل ما تهتم باي من هالاشياء انت تبي كل شي جاهر ومرتب وتحت امرك ..الحين المره قامت تشتغل عشان تساعد زوجها ونادر ما يكون الزوج مقتدر لدرجه المره تقعد في البيت وتقوم بكل هالاشياء.. خل نتكلم بواقعيه هي مب مكينه هي عليها تهتم فيك وبالعيال لكن ما تقدر تسوي كل شي..التنظيف والغسيل والكوي هاي شغل مقدور عليه يوكل للخدامه عشان يكون عند المراه القدره الكافيه للقيام بواجباتها الثانيه..ومافيه اي ضغط على الخدامه عشان تسوي كل هالافلام هي وسفارتها ..

[Um Yousif]

ما تجيبوا ليش تجيبوا ايش قاصر عليكم يا حريم المفروض انتوا تهتموا في بيوتكم من طباخ وغسيل يعني لازم خدامه !! يعني الحين حريم زمان كان عندهم خدم ! لكن اشوف الدلع الزايد هو سبب مشاكلكم .. :( الله يعين على الردود :tomato:

:omg: اخوي مافي مقارنه بين حريم الحين وحريم الاول

قبل المره ما تشتغل والرجل يصرف على المراة من الى

لكن الحين اذا المراة ما اشتغلت وساهمت في المصاريف بيعجز الرجل عن توفير كل الاحتياجات

ثانيا وهو الاهم المرأة لم تتزوج لكي تكون خادمه بل لتكون زوجة وام

واعتقد حتى في الشرع يجيز للمراة استخدام من تعينها في بيتها

[20 دي]

,والله يا اختي جبتيها عالجرحححححححححححححح

انا نفس معاناتج تقريبا في كل سنة اجيب خدامه يكملون سنه ويظلعون لهم سوالفهم يبون يسافرون

او وحده اندونسية سوت بلاوي في البيت شئ مب طبيعي تبوق وتكذب وحالولت تطيح بيني وبين اهل زوجي

والثانية قالت لي زوجها مريض وقعدتت تصيح لين سفرتها على اساس بترجع بعد شهر

والثالثة فلبينيه لاني تعقدت من الاندونيسيات هاي غير خدامات ام زوجي اللي كل وحده تجي العن من الثنية

الله يكون في عوننا فلوسنا تورح عالفاضي

نجيب الخدامه واحنا مانعرف ماضيها شنو

المفروض يسوون قانون اجباري للخدامات والمكاتب
لازم يجيبون شهادة حسن سير وسلوك من بلادهم عشان نعرف انعم مب مجرمين او حرامية
وايضا رسالة توصية من الناس اللي اشتغلت عندهم قبل ماتجي الدوحة


وهذا غيض من فيض

ومالنا غير حسبي الله ونعم الوكيل في هالخدامات

يخسروننا فلوس بس عشان يجون يتسيحون في البلاد ولما يشبعون قالوا بنسافر


اتمنى يوصل صوتنا للمسؤولين ويحمون المواطنين من اساليب النص اللي صارت مشروعه ومقننه للمكاتب

وطبعا كلن عارف ان المكاتب يدرسون الخدامات ان بعد 3 شهور اللي تبينه سويه

تقبلوا تحياتي

انا قمت ادعي في صلاتي تجيني خدامه عدله عشان بس نرتاح من هالهم ..:weeping:

[20 دي]

يعني شنو نجيب اي جنسيه فلبنيات لسان طويل وريايل وتزعل

اندونيسيات دلع وملاغة وقلب اسود

سيرلنكيات اقل حاجة موتت اهلها كلهم وانتحرت

شنو نججججججججججججججججيب

مالنا الا الله ..ونقعد نجرب في هالجنسيات لين تجينا وحده عدله بس تكمل سنتين..:(

[الأغر]

اخوي خلنا من الكلام اللي تقوله لان الكلام سهل وانك تحكم على الناس اسهل من انك تشوف الصوره كامله ..انت كرجل ما تهتم باي من هالاشياء انت تبي كل شي جاهر ومرتب وتحت امرك ..الحين المره قامت تشتغل عشان تساعد زوجها ونادر ما يكون الزوج مقتدر لدرجه المره تقعد في البيت وتقوم بكل هالاشياء.. خل نتكلم بواقعيه هي مب مكينه هي عليها تهتم فيك وبالعيال لكن ما تقدر تسوي كل شي..التنظيف والغسيل والكوي هاي شغل مقدور عليه يوكل للخدامه عشان يكون عند المراه القدره الكافيه للقيام بواجباتها الثانيه..ومافيه اي ضغط على الخدامه عشان تسوي كل هالافلام هي وسفارتها ..

زين على اعتبار .. اليس من حق الزوج ان يأكل من طباخ زوجته ؟ انا الحين ايش دراني ان هالخدامه نظيفه مثلا يمكن قدامي شي ومن وراي شي زين الخدامه جدلا مطلوبه على الاساس الي قلتيه هل فعلا راح توفي الزوجه بحق الزوج في الامور الأخرى ؟! ام هي فرصه الخدامه موجوده وطلعه ومحد يهتم بالبيت ( اقصد اليهال طبعا ) الابو في شغله الام في شغلها او عند ربيعاتها والخدامه يمكن راقده يمكن متصرمحه مهما كان ما نقدر نثق في الخدامه بشكل كبير وهي بعد بشر ..وهذا اكبر مثل الي انتم تقولونه ..حتى انك تطرين الحين ان الشغل ما فيه ضغط.. اختي ما نقول شي لكن اذا كان ولا بد في نظام ساعات تجي تنظف ومع السلامه .. وان كان ولا بد للخدامه فهي تسوي كل شي الا الطباخ .. وشكرا لسعة صدرك وهي مجرد وجهة نظر

[حسن]

:omg: اخوي مافي مقارنه بين حريم الحين وحريم الاول

قبل المره ما تشتغل والرجل يصرف على المراة من الى

لكن الحين اذا المراة ما اشتغلت وساهمت في المصاريف بيعجز الرجل عن توفير كل الاحتياجات

ثانيا وهو الاهم المرأة لم تتزوج لكي تكون خادمه بل لتكون زوجة وام

واعتقد حتى في الشرع يجيز للمراة استخدام من تعينها في بيتها

صحيح حريم الاول غير عن بنات اليوم الى الكثير منهم هملو بيوتهم وقطو كل شي على الخدامات
حتي القمل انتشر في روس بناتهم ولاهم نشادين عنهم وعجزو الاخصائيات وهم يوجهون رسائل لكن ست الحسن والدلال مهب متفرغه

الحمدلله من تزوجت والمره قاعده في البيت تربي وتشرف وتراقب الخدامات وكفايه
اني اجي من الشغل وتلقاها جدامك ومبرزه الغدا ودرس العيال
عشت على 7000 وعقب صار 16000 والحين 24000 مكفي وزياده
مهب ملزوم اركب لكزس مهب ولزوم كل سبوع طاق من الديره


هذا المصبه ان متزوجه مهب لازم تكون خدامه حق زوجها هذا اللي موديكن في ستين داهيه

الله لك الحمد والشكر على السعاده وراحه البال

[Um Yousif]

صحيح حريم الاول غير عن بنات اليوم الى الكثير منهم هملو بيوتهم وقطو كل شي على الخدامات
حتي القمل انتشر في روس بناتهم ولاهم نشادين عنهم وعجزو الاخصائيات وهم يوجهون رسائل لكن ست الحسن والدلال مهب متفرغه

الحمدلله من تزوجت والمره قاعده في البيت تربي وتشرف وتراقب الخدامات وكفايه
اني اجي من الشغل وتلقاها جدامك ومبرزه الغدا ودرس العيال
عشت على 7000 وعقب صار 16000 والحين 24000 مكفي وزياده
مهب ملزوم اركب لكزس مهب ولزوم كل سبوع طاق من الديره


هذا المصبه ان متزوجه مهب لازم تكون خدامه حق زوجها هذا اللي موديكن في ستين داهيه

الله لك الحمد والشكر على السعاده وراحه البال


اخوي اولا ما بنطبق عليك وعلى حياتك لاتعممه على الاخرين

الوحده تدرس وتتعب مب علشان تقعد في البيت

لازم الانسان يكون عنده طموح

وانا الحمدلله مهتمه بريلي وعيالي وماعليهم قصور

وبالنسبة للحريم اللي تتكلم عنهم وفي عيالهم قمل ولله الحمد هذول قله قليله وما اعتقد انهم قطريات حتى

وشكرا

[دااانة قطر]

السلام عليكم ورحمه الله وبركاته.,.
موضوعي واضح من العنوان..واتمنى هالموضوع يحرك شوي المسوولين عشان يحطون لنا قانون ينصفنا من هالخدم ..لان صج طفح الكيل..

انا في خلال 3 سنين ونص جبت اربع خدامات والخامسه ع الطريق..دفعت اكثر من 40 الف ..طبعا للمكاتب وللاقامه وللتذاكر..الخدامه تجي وتكمل 3 شهور وبعدين تسوي مصيبه عشان تروح ..اطول فتره قعدتها خدامه عندي 11 شهر وهي اخر خدامه ..والاخت من كملت 3 شهور بدت تحن انها تبي تسافر وتتشرط انها بتكمل السنه وبتسافر .. وامس جايه تقولي اقطع لي تذكره انا كلمت امي وقلت لها بجيج بعد بكره ..!!! يا سلام صار المكفول يتشرط على الكافل..يعني انا ابي اعرف حقي انا من وين اخذه المكتب ما يرد لي فلوسي بعد الثلاث شهور وسفارتها معاها الف بالميه ..والاخت تجي وهي متثقفه بحقوقها ..ومتاكده ان الكفيل بيسفرها غصب عنه ..وعشان ما تلوموني هذي معاناتنا مع كل خدامه شرفتنا بزيارتها..





اولا الله يعينك
ثااني شي تعرفين متى بتنحل المشااكل
1- لما يكون في صوت وااحد واحتجااج كبير من المتضررين بسبب تعشف الجهاات لمختصه مو تشتكون يوم ويومين وعقب ترضون بالأمر الوااقع وتدفعون حق شغااله جديده

2-لما كل وحده تعرف هي ليش جاايبه الشغااله
هل فعلا شغل البيت واايد
ليش ماتوزعون الشغل على أفرااد البيت
خااصة اللي في بنااات
انا اشوف عيب البيت في اكثر من بنت وتحتااج فيه شغااله
ممكن افكر في الشغااله اذا البيت في حد كبير يدير بااله على الشغااله مو معقوله اجيب شغااله اواسلمها البيت باللي فيه وانا وعيااالي وزوجي بالشغل
او اسلمها عياال صغاار وبعدين اقول ولدي شكله غريب نفسيته ساءت وبركب كيمرا بالبيت عشان اشوف تحركاتها

3- الشغاله جاايه وهي حاافظه كل شي وانتي المفروض تكونين متوقعه انها بعد 3 شهور رااح يبتدي عندج فيلم بسيناريو جديد فتكوني مستعده له لأنه عاارفته من البداايه

[الأغر]

:omg: اخوي مافي مقارنه بين حريم الحين وحريم الاول

قبل المره ما تشتغل والرجل يصرف على المراة من الى

لكن الحين اذا المراة ما اشتغلت وساهمت في المصاريف بيعجز الرجل عن توفير كل الاحتياجات

ثانيا وهو الاهم المرأة لم تتزوج لكي تكون خادمه بل لتكون زوجة وام

واعتقد حتى في الشرع يجيز للمراة استخدام من تعينها في بيتها

الزوجه ليست خادمه .. من قال انها اذا خدمت زوجها هي خادمه؟؟!! معلش وجهة نظر ليست في محلها اختي مع احترامي لرايك ام يوسف الله يخلي لك يوسف وابو يوسف .. هي المرأة اذا حافظت على بيتها بتكون خدامه في نظرك .. ربما مثل ما تفضلتي ان المرأة أجبرت على العمل لمساعدة الرجل على اعباء الحياة دام انه الرجال لا يستطيع ان يوفر لوحده هذه الاشياء هذا امر آخر .. اما مسألة اني تعلمت حتى انافس الرجال او اشتغل مع ان الزوج مقتدر فهذا كلام ليس في محله اختي معلش طولي بالك من دون زعل .. ايش قاصرها دام زوجها موفر كل شي وين المشكله انها تهتم ببيتها ولما تخلص شغل البيت لها الحق في اي طلب من زوجها دام انها مش مقصره ..

[20 دي]

زين على اعتبار .. اليس من حق الزوج ان يأكل من طباخ زوجته ؟ انا الحين ايش دراني ان هالخدامه نظيفه مثلا يمكن قدامي شي ومن وراي شي زين الخدامه جدلا مطلوبه على الاساس الي قلتيه هل فعلا راح توفي الزوجه بحق الزوج في الامور الأخرى ؟! ام هي فرصه الخدامه موجوده وطلعه ومحد يهتم بالبيت ( اقصد اليهال طبعا ) الابو في شغله الام في شغلها او عند ربيعاتها والخدامه يمكن راقده يمكن متصرمحه مهما كان ما نقدر نثق في الخدامه بشكل كبير وهي بعد بشر ..وهذا اكبر مثل الي انتم تقولونه ..حتى انك تطرين الحين ان الشغل ما فيه ضغط.. اختي ما نقول شي لكن اذا كان ولا بد في نظام ساعات تجي تنظف ومع السلامه .. وان كان ولا بد للخدامه فهي تسوي كل شي الا الطباخ .. وشكرا لسعة صدرك وهي مجرد وجهة نظر

اول شي انا مب اختك انا اخوك ..:rolleyes2:
اخوي انا مااناقش اعتماد المراه الكلي على الخادمه واهمالها لزوجها وعيالها..احنا في هالموضوع نناقش اللعبه اللي قاعده تصير ضد الكفيل من قبل الخادمه والمكتب والسفاره ..احنا نبي قانون يحمينا من هالتلاعب.. عن وضعي انا ..الحمدلله زوجتي قايمه بواجباتها من ناحيتي ومن ناحيه اطفالي والخدامه مالها اي دور في هالشي ..الطبخ زوجتي تطبخ لي او نطلب من برع ومرات خادمه البيت تطبخ باشراف الوالده الله يطول بعمرها وتكون بس وجبه الغدا.. خادمتنا دورها محدود وغير متعب ولا يطفشها ..وانا متاكد انها مرتاحه اكثر منا ..:weeping:

[20 دي]

اولا الله يعينك
ثااني شي تعرفين متى بتنحل المشااكل
1- لما يكون في صوت وااحد واحتجااج كبير من المتضررين بسبب تعشف الجهاات لمختصه مو تشتكون يوم ويومين وعقب ترضون بالأمر الوااقع وتدفعون حق شغااله جديده

2-لما كل وحده تعرف هي ليش جاايبه الشغااله
هل فعلا شغل البيت واايد
ليش ماتوزعون الشغل على أفرااد البيت
خااصة اللي في بنااات
انا اشوف عيب البيت في اكثر من بنت وتحتااج فيه شغااله
ممكن افكر في الشغااله اذا البيت في حد كبير يدير بااله على الشغااله مو معقوله اجيب شغااله اواسلمها البيت باللي فيه وانا وعيااالي وزوجي بالشغل
او اسلمها عياال صغاار وبعدين اقول ولدي شكله غريب نفسيته ساءت وبركب كيمرا بالبيت عشان اشوف تحركاتها

3- الشغاله جاايه وهي حاافظه كل شي وانتي المفروض تكونين متوقعه انها بعد 3 شهور رااح يبتدي عندج فيلم بسيناريو جديد فتكوني مستعده له لأنه عاارفته من البداايه

في شي غريب ليش الكل يناديني باختي :omg:..
انا معاج في نقاط وفي نقاط رديت عليها في ردودي السابقه ..

[الأغر]

اول شي انا مب اختك انا اخوك ..:rolleyes2:
اخوي انا مااناقش اعتماد المراه الكلي على الخادمه واهمالها لزوجها وعيالها..احنا في هالموضوع نناقش اللعبه اللي قاعده تصير ضد الكفيل من قبل الخادمه والمكتب والسفاره ..احنا نبي قانون يحمينا من هالتلاعب.. عن وضعي انا ..الحمدلله زوجتي قايمه بواجباتها من ناحيتي ومن ناحيه اطفالي والخدامه مالها اي دور في هالشي ..الطبخ زوجتي تطبخ لي او نطلب من برع ومرات خادمه البيت تطبخ باشراف الوالده الله يطول بعمرها وتكون بس وجبه الغدا.. خادمتنا دورها محدود وغير متعب ولا يطفشها ..وانا متاكد انها مرتاحه اكثر منا ..:weeping:



:eek5: عذرا اخي الحبيب :shy: :nice:

[ماريسا]

الله يعينكم

[الصغيره]

يا خوي من كثر ما كتبنا عن الخدم صار السناريو نفسه ولا حد حاس فينا خسارتي بالخدم من هارب من راجع من مريض وصلت 50 الف ولا حياة لمن تنادي

[20 دي]

يا خوي من كثر ما كتبنا عن الخدم صار السناريو نفسه ولا حد حاس فينا خسارتي بالخدم من هارب من راجع من مريض وصلت 50 الف ولا حياة لمن تنادي

انا بديت افكر بالخدم اللي بالساعات ..دام اصلا الخدامه ما تسوي شي غير الكوي والغسيل ..نجيب وحده كل 3 ايام ونخلص ولا هالمبالغ ..

[khaldoon]

السلام عليكم ورحمه الله وبركاته.,.

موضوعي واضح من العنوان..واتمنى هالموضوع يحرك شوي المسوولين عشان يحطون لنا قانون ينصفنا من هالخدم ..لان صج طفح الكيل..

انا في خلال 3 سنين ونص جبت اربع خدامات والخامسه ع الطريق..دفعت اكثر من 40 الف ..طبعا للمكاتب وللاقامه وللتذاكر..الخدامه تجي وتكمل 3 شهور وبعدين تسوي مصيبه عشان تروح ..اطول فتره قعدتها خدامه عندي 11 شهر وهي اخر خدامه ..والاخت من كملت 3 شهور بدت تحن انها تبي تسافر وتتشرط انها بتكمل السنه وبتسافر .. وامس جايه تقولي اقطع لي تذكره انا كلمت امي وقلت لها بجيج بعد بكره ..!!! يا سلام صار المكفول يتشرط على الكافل..يعني انا ابي اعرف حقي انا من وين اخذه المكتب ما يرد لي فلوسي بعد الثلاث شهور وسفارتها معاها الف بالميه ..والاخت تجي وهي متثقفه بحقوقها ..ومتاكده ان الكفيل بيسفرها غصب عنه ..وعشان ما تلوموني هذي معاناتنا مع كل خدامه شرفتنا بزيارتها..

الخدامه الاخيره (سيريلنكيه):وصاختها اكثر من نظافتها ..ولا تشتغل ولا تسوي شي عدل..ما تعرف تطبخ ولا تكوي ولا تغسل(ثيابنا مبقعه -حرقت لنا ثياب وايد-ما تفهم الكلام- ولا تنظف عدل)..وقلنا بنصبر عليها تعبنا من المبالغ اللي ندفعها ومن المكاتب اللي تنقعنا شهر ونص وشهرين..لكن المثل يقول رضينا بالهم والهم مارضا فينا..وطبعا بعد ما كملت 3 شهور بدت تحن انا ابي اسافر انا بكمل سنه وبسافر..وكل شوي طالعه بقصه مره امها مسويه عمليه مره بتروح تتزوج ..واخرها امس ان امها تعبانه وهي قالت لها بتجي بعد يومين ..وجايه تتكلم بكل قوه ..قطعولي تذكره بسافر انا قلت لكم اني بس بكمل سنه..وهي في الاساس ما كملت السنه..




اولا الله يكون في عونك....ثانيا اخوي اسمحلي هالخدامة اللي عندك ما تعرف حقوقها و لا انت تعرف حقوقك....مين قالك انها من حقها تقولك اقطعلي تذكره بسافر بكره و الا بعد بكره و هي ما كلمت سنتين؟!!!

يا اخوي انا كان عندي خدامة اندونيسية اشتغلت سنة و شوي يعني اقل من سنتين و شردت... و رحت على الابعاد و هناك قلت لهم امامها انا ما ادفع لها تذكرتها لانها ما كملت سنتين و التذكره لا تستحقها بعقدها قبل السنتين و قالولي معاك حق و فعلا سافرت على حسابها من مستحقاتها المالية ...مب من جيبتي

[20 دي]

اولا الله يكون في عونك....ثانيا اخوي اسمحلي هالخدامة اللي عندك ما تعرف حقوقها و لا انت تعرف حقوقك....مين قالك انها من حقها تقولك اقطعلي تذكره بسافر بكره و الا بعد بكره و هي ما كلمت سنتين؟!!!

يا اخوي انا كان عندي خدامة اندونيسية اشتغلت سنة و شوي يعني اقل من سنتين و شردت... و رحت على الابعاد و هناك قلت لهم امامها انا ما ادفع لها تذكرتها لانها ما كملت سنتين و التذكره لا تستحقها بعقدها قبل السنتين و قالولي معاك حق و فعلا سافرت على حسابها من مستحقاتها المالية ...مب من جيبتي

هذا اللي بيصير ان انا قلت لها بتروحين على حسابج مو على حسابي..انتي ما كملتي سنتين ..قالت انا جيت على اساس سنه ..قلت لها ليش ماقلتي من البدايه ليش تكلمتي بعد 3 شهور ..لو قلتي من البدايه كنت بردج بلادج قبل لا تخلصين 3 شهور..انا طبعا مب دافع ولا ريال لها ..انا خسرت عليها اكثر من ما استفدت منها..والاكيد بتسافر على حسابها ومن راتبها..

[khaldoon]

هذا اللي بيصير ان انا قلت لها بتروحين على حسابج مو على حسابي..انتي ما كملتي سنتين ..قالت انا جيت على اساس سنه ..قلت لها ليش ماقلتي من البدايه ليش تكلمتي بعد 3 شهور ..لو قلتي من البدايه كنت بردج بلادج قبل لا تخلصين 3 شهور..انا طبعا مب دافع ولا ريال لها ..انا خسرت عليها اكثر من ما استفدت منها..والاكيد بتسافر على حسابها ومن راتبها..



في عقد بينك و بينها و المفروض انه مكتوب فيه سنتين...تقولك جاي على اساس سنة ...انت تعرف هالشي و متفق معاها تقعد سنة و تسافر على حسابك و الا هالاساس كان براسها فقط و انت ما تدري عنه

لو في اتفاق من قبل بينك و بينها ما في مشكله و لازم تلتزم فيه من باب الاخلاق اما لو ما في اتفاق لا شفوي و لا خطي فما ترد عليها و سفرها على حسابها

[R 7 A L]

انا بديت افكر بالخدم اللي بالساعات ..دام اصلا الخدامه ما تسوي شي غير الكوي والغسيل ..نجيب وحده كل 3 ايام ونخلص ولا هالمبالغ ..




كل أسبوع هاتها مرتين
يعني في الشهر بتطلع لك 1200



بتستفيد
أكثر المطبخ بيدخلون أهل البيت وبيقابلون كل شي

حتى أفراد الاسرة راح يتغيرون للافضل


وتفتك من خرابيط الخدم وشرهم

[الزلزال]

المفروض اي خدامة تدخل لبلاد وماتنفع يحطونها بلاك لست 5 سنوات

[20 دي]

في عقد بينك و بينها و المفروض انه مكتوب فيه سنتين...تقولك جاي على اساس سنة ...انت تعرف هالشي و متفق معاها تقعد سنة و تسافر على حسابك و الا هالاساس كان براسها فقط و انت ما تدري عنه

لو في اتفاق من قبل بينك و بينها ما في مشكله و لازم تلتزم فيه من باب الاخلاق اما لو ما في اتفاق لا شفوي و لا خطي فما ترد عليها و سفرها على حسابها

لا مافي اي اتفاق ان هي تقعد سنه ..هي عقدها سنتين ..هي بعد ما خلصت ال3 شهور بدت تحن كل شوي انا بخلص سنه وبسافر ..وانا تمللت من حنتها واصلا شغلها كلش مب زين فقدمت على خادمه جديده ..خفت بعد تسوي لي مصيبه ..هم جذي من يبون يسافرون تبتدي قلت ادبهم ومشاكلهم..قلت لها بتسافرين على حسابج وطبعا ما عجبها بس كيفها انا ما جبرتها تسافر

[20 دي]

كل أسبوع هاتها مرتين
يعني في الشهر بتطلع لك 1200



بتستفيد
أكثر المطبخ بيدخلون أهل البيت وبيقابلون كل شي

حتى أفراد الاسرة راح يتغيرون للافضل


وتفتك من خرابيط الخدم وشرهم

1200 ادفعهم وانا مرتاح اهون من الفلوس اللي تندفع كل كم شهر ومشاكل مالها اخر..انا قدمت على خادمه حاليا وان واجهت نفس المشاكل بتكون اخر خادمه اقدم عليها ..اربع خدامات ولا وحده فيهم زينه وكلهم يقعدون اقل من السنه هذا غير المشاكل والبلاوي والتوتر..الموضوع كلش ما يسوى كل هالمعاناه.. اللي قاهرني انهم مرتاحين ماعندهم اي سبب يخليهم يسافرون غير الدلع ونفسهم الدنيه..

[khaldoon]

لا مافي اي اتفاق ان هي تقعد سنه ..هي عقدها سنتين ..هي بعد ما خلصت ال3 شهور بدت تحن كل شوي انا بخلص سنه وبسافر ..وانا تمللت من حنتها واصلا شغلها كلش مب زين فقدمت على خادمه جديده ..خفت بعد تسوي لي مصيبه ..هم جذي من يبون يسافرون تبتدي قلت ادبهم ومشاكلهم..قلت لها بتسافرين على حسابج وطبعا ما عجبها بس كيفها انا ما جبرتها تسافر


احجز راتبها علشان تتأكد انها بتدفع التذكره منه و لو حتى كان جزء او نص سعر التذكره مب تروح تحوله كله و الا تصرفه و تخليك تسفرها على حسابك لانه مب من حقها ...

[20 دي]

احجز راتبها علشان تتأكد انها بتدفع التذكره منه و لو حتى كان جزء او نص سعر التذكره مب تروح تحوله كله و الا تصرفه و تخليك تسفرها على حسابك لانه مب من حقها ...

اكيد ..هي بتكون موجوده لين ما تجي الخادمه الجديده وبتسافر على حسابها وصار عندها علم بهالشي..يكفي الفلوس اللي اخذها المكتب..:weeping:

[كازانوفا]

ياريت بالفعل يحطو قوانين على السفارات اللى تتشرط على خلق الله
ساعتها ما حد فينا بيخسرررر شي وبينظلم
لانه حرام 40 الف وال 50 الف وبالاخيرر الاخت مش عاجبهااا

[ولد ازغوى]

بس 4 خدامات وتتذمر عيل ابشرك الوالده خلال سنه بدلت 10 واللي شردوا 4 غير اللي يردون المكتب
وللعلم في طباخ وفي دوبي يعني هي ماعليها الا تنظيف البيت بس الدلع

[ابن مانع]

احنا ماينفع لنا غير الهنديات هم الي كانوا يجون حق شغل
ان شاءالله يردون يفتحون الفيز مرة ثانيه

[ابن مانع]

احنا ماينفع لنا غير الهنديات هم الي كانوا يجون حق شغل
ان شاءالله يردون يفتحون الفيز مرة ثانيه

[مضاربه]

الشكوى لله مالنا الا الدعاء

[وتبقى الدنيا حلوه]

غيري المكتب اللي تتعاملين معاه و في مكاتب الحين يعطونج ضمان 6 شهور على الخدامه

و قولي لها اول ماتجي تتمين سنتين اذا ماتبين من الحين قولي عشان اردج المكتب لان بعد 3 شهور بتدفعين تذكرتج من راتبج و اذا سوت اي حركه بعد 3 شهور قولي لها بوديج الشرطه و بقولج انج حراميه << خرعيها

[أبو بكر سالم]

انا توه صاير لي أمس موقف من هل النوع الخادمه حنت على زوجتي انها تحول لها مبلغ 2000 ريال من راتبها والمره بدورها حنت علي وطرشت المبلغ الخادمه خذت الوصل (وست يونيون) المراد طلعت انا وزوجتي والعيال وخلينا الخادمه في البيت وقالت لها زوجتي تعشي ورقدي لاتنطرينا المهم ساعه ورجعنا مالقيناها وعدد افراد اسرتي ٣ ومب مقصرين وياها بشي والله الي ناخذه لنا ناخذه لها وراتبها تستلمه بكل راس شهر مع العلم مفاتيح البيت كلها عندي والشبابيك عليهم حديد من برع اشلون اشردت مادري( فص ملح وذاب) انا صراحه ماجاني نوم وقمت افكر لين توصلت ان مبلغ 2000 ريال طرشتهم بسمي لاهلها في اندونيسيا رحت الصراف وسحبت المبلغ كامل وسلمت جوازها للابعاد مع العلم صار لها 9 شهور هل المبلغ الي سحبته حرام ؟! لاني قلت اذا الزموني بدفع التذكره بدفع منها وبرجع لها الباقي لانها اقهرتني ونرد على طير يالي

[الـراسي]

الخدم شر ومجبورين عليه اغلب الاسر

[alkashef]

انا معاناتي معاهم من سنة جبت خمس فلبنيات حدها 2 شهور وبعدها تقول مابي اشتغل الفرق بين قبل والان قبل الفلبينية تدفع فلوس في بلادها على شان تجي تشتغل الان السفارة الفلبينية واضعة شروط على ادارة العمل في قطر وللاسف المسؤلين وافقوا على الشروط والضحية القطري هو المتضرر عكس السعودية رفضة الشروط من سفارة الفلبين واندونيسيا وفتحت من النيبال والهند وحنا عندنا المسؤولين مب هامهم المواطن السفارة الفلبينية اتشرط عليهم وهم يوافقون احنا مب محتاجين لهم كثر ماهم محتاجين لنا المفرووض انتكلم ومانسكت عن المسؤالين في ادارة العمل يعيدون النظر في الشرووط الي فارضتها علينا السفاره الفلبينية ولا يفتحون لنا من الهند والنيبال

[qatara]

احنا ماينفع لنا غير الهنديات هم الي كانوا يجون حق شغل
ان شاءالله يردون يفتحون الفيز مرة ثانيه

المصايب السرقات
والهروب من الكفيل ووو

اكثرها من تحت راس الهنود والهنديات

لا بالله جعلهم مايفتحون لهم

[OREO]

:omg: اخوي مافي مقارنه بين حريم الحين وحريم الاول

قبل المره ما تشتغل والرجل يصرف على المراة من الى

لكن الحين اذا المراة ما اشتغلت وساهمت في المصاريف بيعجز الرجل عن توفير كل الاحتياجات

ثانيا وهو الاهم المرأة لم تتزوج لكي تكون خادمه بل لتكون زوجة وام

واعتقد حتى في الشرع يجيز للمراة استخدام من تعينها في بيتها




اخوي اولا ما بنطبق عليك وعلى حياتك لاتعممه على الاخرين

الوحده تدرس وتتعب مب علشان تقعد في البيت

لازم الانسان يكون عنده طموح

وانا الحمدلله مهتمه بريلي وعيالي وماعليهم قصور

وبالنسبة للحريم اللي تتكلم عنهم وفي عيالهم قمل ولله الحمد هذول قله قليله وما اعتقد انهم قطريات حتى

وشكرا



في البداية حاولتي تبررين بأن عمل المرأة من الضروريات و السبب هو مساعدة الزوج على اعباء الحياه و الخ ،، لكن سرعان ما تغير الرد و اثبتي في الرد الثاني بأن العمل ليس لاجل مساعدة الزوج بل لاجل تعب الدراسة و الشهادة ،، فلذا ما راح توصلين لحل من ناحية الخادمة لانج مهب صريحة مع نفسج من الاساس ،،

من اساسيات النجاح في عالمنا الدنيوي ( الصدق و الامانه ) ،،

موفقه ان شاءالله ،،