للتنازل خادمة ( موضوع للنقاش)

[لبتونه]

السلام عليكم


في موضوع يتداول كثيرا بالمنتدى وهو تنازل عن خادمة والسبب


زائدة عن الحاجة او عدم الحاجة لها او يوجد في بيت 2بدالها


ليه عيل طالبينها ودافعين ب9و10 الاف للمكتب مادام عندكم 2و4و6 ومش محتاجين


يليت الي يفتح موضوع يتنازل عن خدامته يذكر السبب الحقيقي عنها للتنازل


والي يبيها بياخذها
اما يفتح موضوع ويقول زائدة عن حاجه شي يضحك من قلب

[بوعلي2]

طولي بالج يمكن صج زايده

اعرف ناس متسرعين بقراراتهم فممكن نصفهم من هالنوع ---> عندنا خادمه زايده مع انه مافيها شي

والبعض يبي تنازل بسبب الخادمه يعني ممكن فيها شي او عليها حركات تقهر او اسباب اخرى

المهم السوق تبادل وعطاء خذ واعطي وفيه الزين والشين والحياه ماشيه فطولي بالج لبتونه :)

[راسي براسك]

يمكن الاخت تقصد أنه يمكن الخادمه يكون فيها شي دام أنه مايبيها !

[الزلزال]

فيه اسباب كثيره للستغناء عن الخدم

[الكاسب]

مطلوب خادمة!!!!

[درر قطر]

والله في الأساس عنوان خادمة للتنازل أو يحطون الموضوع في قسم السوق شي يعور القلب هذيلا بشر مثلنا لهم كرامتهم مب سلعة للبيع ولا هم عبيد
وشكراً على الموضوع

[بصمة قطرية]

عادي ما احس فيها شي ..!!!
مرات الوحدة قبل لا تسافر خدامتها تطلب وحدة جديدة
يمكن اللي تسافر ما ترجع ..
لهم هالحركات ..
بس ترجع الخدامة الثانية بتكون زايدة ..!!
و بعدين الخدامة مب زينة عندك ممكن تكون زينة عند غيرك ..
يا ما خدامات مرجعات كانوا من اروع ما يكون ..
وشفت هالشي في اكثر من بيت ..
استغرب لما اعرف انها مرجعه ..!!

[ASK2]

والله هالايام اهم شي الماده ياكثرهم اللي يجبون خدم سواء سائقين او خدامات عن طريق اشخاص وليس مكاتب

وطبعاً بهذا الشكل مايتكلف غير الفيزا

وعقب يجي يقولك عندي سايق او طباخ او خدامه ابي اتنازل عنها ادفع هذا المبلغ وخذها

وهم طالعين عليهم ببلاش ياكثرهم اللي يسونها هالايام