باب للطبيله ( الكراج )

[بوابراهيم]

السلام عليكم

شباب اي المحلات لتركيب الأبواب الاكترونية
تنصحوني أخذ من عندهم

وشكرا لكم مقدماً

[الأختصاصي]

انصحك بأبواب البقالي على طريق سلوى بصراحه تركيبهم 100%

[jajassim]

السلام عليكم

شباب اي المحلات لتركيب الأبواب الاكترونية
تنصحوني أخذ من عندهم

وشكرا لكم مقدماً



البقالي ،، على شارع سلوى ،، الخدمة مابعد البيع ،، ممتازة :nice:

[الدم البنفسجي]

الباب الازراق ممتازة ضمان 10 سنوات

[المخلب]

البيت الازرق مسوي عرض ممتاز ..

مر عليهم عند واحد اسمه عبدالله (( صاحب المحل )) انسان والنعم فيه ..

كلمه ومايصير خاطرك الا طيب ..

ولاتنسى 3 رموت معاه ..

[قناص قطر]

البقالي نعم الاختيار

العدساني

مركبه من 4 سنوات

اول 6 شهور اوكي

بعد 6 شهور دور ربعك

يقولك جاي لك بكره

الشيخ الموتر محشور بالبيت يقول مافي موظفين انتظر

وبكره يعني على اللفه

انطر ربعك

والخراب اعوذ بالله كل شهرين الله وكيلك لازم المصلح عندي

واذا طق مطر الله يعينك

بختصار البقالي

[مراقب السوق]

عن تجربه شخصيه واسعار مناسبه ..

البقااااااااااالي .. وكلام مجرب ولا كلام طبيب ..

وانا تعاملت معامهم في اكثر من مره .. في ابواب محلات وابواب كراج البيت

وكذا مكان .. صدقني راح ترتاح ..

تحياتي لك ..

[nkk700]

الباب الازراق ممتازة

[Chambray]

الباب الازراق ممتازة


يالطيب تراك حرقت كيبل الله يهديك :eek2: :eek2: :eek2: :eek2:

[ونه الم]

هههههههههههههههه
محد شاف :funny:

[الأختصاصي]

اخوي انا كانت عندي مشكله بباب البيت يعني من الصعب انك تقدر تركب فيه جهاز
وجبت كذا شركه ومنظمنهم العدساني ولاكن للأسف الكل قالي مانقدر نركب لك بسبب الطوفه الي خلف الباب ولاكن الحل عند البقااااالي بصراحه ماكثر كلام قال خلال نركب لك باب اوتوماتيك وفعلا ما اذكر من متى ركبته ولاكن صار له فتره حوالي سنتان
ولاكن الابواب محتاجه صيانه ليش ؟؟ مشاء الله انت شايف الجو كيف يعني محتاج كل سنه تقريبا صيانه ....... بالتوفيق

[الخطاب القطري]

انصحك بالبقالي

خدماتهم ممتازه للصيانه ما بعد البيع

[الخفي]

البقالي ممتازين انا ركبت عندهم ماعليهم كلام بس عيبهم بعد الاتفاق يتأخرون شوي في موعد التركيب ممكن يعطونك موعد عقب اسبوع بس للامانه شغلهم تمام ويعطونك ريموتين مع الباب وفيه نضام مادري موجود عند الشركات الثانيه او لا الباب اذا اخترب لاسمح الله تقدر تفصله من كهربائي الى يدوي لحين الصيانه

[بوابراهيم]

ما شاء الله عليكم شباب
هذه اول مره اطرح استفسار بهذا المنتدى الرائع
لكني حصلت معلومات مفيده وفكره وافيه عن المطلوب
وكل واحد منكم شارك بالموضوع استفدت من كلامه
بصراحه عاجز عن الشكر ،، لكن أتمنى اني اكون اخو بين اسرتكم بهذا المنتدى وإن شاء الله ربي يقدرني اردها لكم في المشاركات القادمة

[nkk700]

الباب الازراق ممتازomen

:dance :dance :dance