المعرض المهني يفقد مصداقيته

[صوت الضمير]

..



معرض قطر المهني فقد المصداقيه .. وذلك لعدم تعاون الجهات المشاركه بتوظيف القطرين

فأنا أقتراح تحويل ميزانية معرض قطر المهني التي تضيع هباء إلى

أنشاء معهد قطر للتدريب المهني والذي يهدف إلى:

1- تدريب العاطلين عن العمل
2- توظيف العاطلين عن العمل في مؤسسات وزارة الدولة.
3- تقديم مساعدات مالية للمتدربين ، ليوفر لهم حياة كريمه.


واللي عنده افكار للهذا المعهد شاركونا الرأي


وانا عندي استعداد لعمل دراسة شامله للهذا المعهد .. اذا رحب بالفكره
..

التوقيع
عاطلة عن العمل

[pinky-qtr]

من زماااااااااااااااان فاقد مصداقيته

[┋أَجِوَدًيّ┋]

قبل لا أسجل في المنتدى أتذكر انج عاطلة عن العمل ولي الحين بعد

الله يعيينج ويوفقج ان شاء الله

[R 7 A L]

آفا يا ذا العلم

يفقد مصداقيته مره وحده


يعني مافيه توظيف ؟


ليش طيب هالخساير وتضييع أوقات الناس ؟

[حسن]

ياجماعه الخير مانقدر نحكم على المعرض وهو لين الحين شغال ويستقبل طلبات
خل انشوف التقرير عقب اسبوعين على الاقل ولازم نشوف هل التقارير في الجرايد وكل جهه كم طلب استقبلت
وكم طلب وافقت عليه ذيك الساعه نحكم عليهم عدل والمهم الشفافيه الطلوبه من قبل الجهات
:victory:

[R 7 A L]

ياجماعه الخير مانقدر نحكم على المعرض وهو لين الحين شغال ويستقبل طلبات
خل انشوف التقرير عقب اسبوعين على الاقل ولازم نشوف هل التقارير في الجرايد وكل جهه كم طلب استقبلت
وكم طلب وافقت عليه ذيك الساعه نحكم عليهم عدل والمهم الشفافيه الطلوبه من قبل الجهات
:victory:



كلام جميل
علينا بالصبر



بس تصدق
من أول ماسجلت في المنتدى والاخت إبداع تبحث عن وظيفة
تصدق كسرت خاطري :weeping:
واكيد انها قدمت في كل المعارض الى صارت السنوات الى طافت


شنو الى أخر توظيفها
هل المؤهل الحاصلة علية غير مناسب للجهات المشاركة في المعارض ؟

هل تحتاج الى واسطة لتسهيل أمورها ؟


نتمنى لها ولغيرها التوفيق

[شاعر المليون]

ياجماعه الخير مانقدر نحكم على المعرض وهو لين الحين شغال ويستقبل طلبات
خل انشوف التقرير عقب اسبوعين على الاقل ولازم نشوف هل التقارير في الجرايد وكل جهه كم طلب استقبلت
وكم طلب وافقت عليه ذيك الساعه نحكم عليهم عدل والمهم الشفافيه الطلوبه من قبل الجهات
:victory:

تقرير نتائج معرض قطر المهني 2011 صدرت في شهر اربعة 2012 يعني بعد عام كامل.:eek5:

فبالتأكيد تقرير نتائج معرض قطر المهني 2012 بتصدر 2013 .:rolleyes2:

[الزلزال]

عيل الارقام الي سمعنها عنها بتوظيف كلام في الهوى ؟

[سارونه]

كله كلام فاضي

ياما شفنا طلبات تستاهل للتوظيف ويجيك مدير التوظيف ويقول مانبيهم (حرام عليه) :(

طيب ليه خليتنا نستقبل الطلبات - حفت رجولنا من الوقفه وبالاخير مافي توظيف لهم (50%) منهم متفوقين .

والكل مخلص الجامعة وجالس فالبيت :( ويقولون يبون الكوادر القطرية

يا اخي مافي الا بالواسطة (شوفلك مسؤول كبير يتوسط لك فالوزارة الي انت تبيها )

ما تاخذ الا اسبوع وانت متوظف :)

[حسن]

تقرير نتائج معرض قطر المهني 2011 صدرت في شهر اربعة 2012 يعني بعد عام كامل.:eek5:

فبالتأكيد تقرير نتائج معرض قطر المهني 2012 بتصدر 2013 .:rolleyes2:

اذا كان كلامك صحيح والله انها مصيه كبرى مالك الا تنظر الساعه:weeping:

[SULTAN1]

الهدف نبيل ،بس التطبيق مب قد الطموح

[صوت الضمير]

أشكر كل من رد على موضوعي لكن لي عتب عليكم تركتوا المضمون واتجهتوا للعنوان

سبب تاخري في الحصول على وظيفه هو سبب يعاني منه الكثير من الخريجين

1- نبحث عن عمل يحافظ على خصوصية المرأه ويوجد اماكن خاصه بالنساء

2- ربما للتخصص سبب مثل ماتفضلت .. فجامعة قطر كان لها سبب كبير لعدم تعاونها مع سوق العمل

وقد اغلقت العديد من التخصصات امامنا ولايوجد تخصص يطرح باللغه العربية سوى

اللغه العربيه - التاريخ - الفنيه- التربية الاسلامية

ما هو الخيار .. امامنا إلى خوض احدى التخصصات .. وانصدمنا بعد التخرج مافيه وظايف

قدمت على الوزرات وكانت ردودهم مابين ليس هناك شاغر - التخصص غير مطلوب .

مع العلم اعرف ناس متخرجين معي ومتوظفين بجميع الوزارت .. فالسبب الرئيسي هو الواسطه

والحمدلله على كل حال

ناقشوني فكرة انشاء المعهد .. يمكن احدى الجهات تتبناه :)

أبداع

1-

[درر قطر]

واالله هالمعرض فاقد المصداقية منذ مبطي السنة أنا قلت مب رايحة لأني عارفة النتيجة سلفاً وبالنسبة للإقتراح أنا وياك مب معقولة عاطلين واحنا في بلادنا والوافدين يلاقون وظايف بمرتبات عالية الحين القضية هي لو بندور وظايف في دول الخليج من بيشغلنا ويبدينا على عيال بلاده؟ وكم بتكون الرواتب ؟
أسئلة غريبة مجرد مزحة وسعوا صدوركم احنا بالذات ولله الحمد ما نقدر نعيش برا بلادنا

[درر قطر]

والجامعة ياريت إنهم افلحوا ما عندهم إلا يجيبون ناس من دول ثانية عشان يعينونهم رؤساء أقسام وعمداء هم لو فالحين في بلادهم كان ما جاوا عندنا وبعدين وين تقدير الدكاترة القطريين بعد سنين وسنين من الخدمة يجيبون له واحد من الدول الشقيقة يحط له خطط ودراسات أقل من عادية بصراحة ما سووا شي خارق يعجز عنه الدكتور القطري

[تحداني]

تقرير نتائج معرض قطر المهني 2011 صدرت في شهر اربعة 2012 يعني بعد عام كامل.:eek5:

فبالتأكيد تقرير نتائج معرض قطر المهني 2012 بتصدر 2013 .:rolleyes2:




هم يبكي وهم يضحك " خلها على الله "

.......................

خطه انشاء معهد التدريب والتطوير المعتمد في الدوله للموظفين
اشتركت فيه شخصيا .. عباره عن لجنه طابورها من الدوحه عند دوار التلفزيون اليييييين دوار ام سيعيد
وفجأه صار في صمت رهيب
اشكثر كتبنا .. اتوقع يمكن 99 صفحه
يمكن يرى النور في 2030



الله يعين


جملك الله برضاه

[حسن]

هم يبكي وهم يضحك " خلها على الله "

.......................

خطه انشاء معهد التدريب والتطوير المعتمد في الدوله للموظفين
اشتركت فيه شخصيا .. عباره عن لجنه طابورها من الدوحه عند دوار التلفزيون اليييييين دوار ام سيعيد
وفجأه صار في صمت رهيب
اشكثر كتبنا .. اتوقع يمكن 99 صفحه
يمكن يرى النور في 2030



الله يعين


جملك الله برضاه


:weeping: هرمنا

[سطح القمر]

المعرض ناجح نجاح مبهر في الهدايا و الاكياس والفلاشات و في المقابلات بالصحف و شكل القاعه والستيج و العارضين الصراحه شي مبهر ...

لكن من فوق الله الله و من تحت يعلم الله ...


الهدف الاساسي لا زال غائب (( ابحث عن واسطه قبل لا تبحث عن وظيفة ))

[تحداني]

:weeping: هرمنا



قول بقلب ملئ بالايمان والرضى
حسبي الله ونعم الوكيل واختمها ( بسحقا للجبناء )


جملك الله برضاه

[حسن]

المعرض ناجح نجاح مبهر في الهدايا و الاكياس والفلاشات و في المقابلات بالصحف و شكل القاعه والستيج و العارضين الصراحه شي مبهر ...

لكن من فوق الله الله و من تحت يعلم الله ...


الهدف الاساسي لا زال غائب (( ابحث عن واسطه قبل لا تبحث عن وظيفة ))

قول والله عطوكم اكياس وفلاشات
اخ فاتني الاكياس حق مخلفات المخيم والفلاش يمكن يصلح حق تنور الصافي ياهل المحمر:tease:

[حسن]

قول بقلب ملئ بالايمان والرضى
حسبي الله ونعم الوكيل واختمها ( بسحقا للجبناء )


جملك الله برضاه

دئما اقول بيني وبين نفسي لوفي يدي صلاحيه كان سويت مشنقه على الكورنيش وعلقت
عليها المسؤولين الفاسدين وخليتهم عبره لمن يعتبر والكل يشوف
بس للاسف مافي اليد حيله بل ياهو ناس يبيلهم تعليق

[ROSE 26]

http://www14.0zz0.com/2012/04/04/09/979364413.jpg

[هسلان]

على هذا الكلام نطالب بتنظيم معرض للواسطة يمكن ينجح

[موضي قطر]

ياجماعه الخير مانقدر نحكم على المعرض وهو لين الحين شغال ويستقبل طلبات
خل انشوف التقرير عقب اسبوعين على الاقل ولازم نشوف هل التقارير في الجرايد وكل جهه كم طلب استقبلت
وكم طلب وافقت عليه ذيك الساعه نحكم عليهم عدل والمهم الشفافيه الطلوبه من قبل الجهات:victory:



شغال للأجانب اللي يروحون له و CV طوايفهم في بلدانهم معاهم ويقدمون لهم واللي يستلمون الطلبات من نفس الجنسيات ... والقطري والقطرية ينتظرون وظيفة يمكن احد الأجانب يترفع عنها لأنها غير لائقه بمستواه :anger1:


طاري الشفافيه يثير غضبي احس كأنهم ينطرون " كاسبر :secret:

[موضي قطر]

دئما اقول بيني وبين نفسي لوفي يدي صلاحيه كان سويت مشنقه على الكورنيش وعلقت
عليها المسؤولين الفاسدين وخليتهم عبره لمن يعتبر والكل يشوف
بس للاسف مافي اليد حيله بل ياهو ناس يبيلهم تعليق



البرامكة لا بارك الله فيهم :(:secret:

[NeverLand]

للحين في ناس مصدقه هالمسرحيه السنويه؟

اقول روحو مسرحية طارق العلي ابرك لكم ووسعوا صدوركم

وخلوا المعرض يطيح بجبدهم

قال توظيف القطريين قال

هاي واحنا جذي شوي ومبتلشين فينا مادري لو كنا مثل هالبلدان جان شسوو

[شاعر المليون]

اذا كان كلامك صحيح والله انها مصيه كبرى مالك الا تنظر الساعه:weeping:

أخوي حسن انت قريت جرايد يوم الإثتنين 2/4/2012 موجود فيها النتائج ونزل موضوع في المنتدى وتم اقتباس الخبر بالكامل من الجريدة فكلامي صادر ومنشور مهب سر ولا من خيالي .

[┋أَجِوَدًيّ┋]

المعرض ناجح نجاح مبهر في الهدايا و الاكياس والفلاشات و في المقابلات بالصحف و شكل القاعه والستيج و العارضين الصراحه شي مبهر ...

لكن من فوق الله الله و من تحت يعلم الله ...


الهدف الاساسي لا زال غائب (( ابحث عن واسطه قبل لا تبحث عن وظيفة ))



فعلاً الحقيقة هي توزيع الهدايا والمهايط في الجرايد

إذا بتحسف على اني مارحت المعرض المهني مهب عشان التقديم على وظيفة

الحسافة انه ما وديت أعيال أخواني عشان يتمشون ويآخذون هدايا بس !

[أبو يووسف]

معقولة جامعية وما تحصل وظيفة أحسها صعبة شوي

[درر قطر]

صاجة يا موضي

[ANONYMOUS]

في معهد التنميه الإداريه

واعتقد معهد التدريب والتطوير المهني القبلي مادري عاده شغال ولا انتحر


طوري الموجود والمطلوب الجديه

[صوت الضمير]

معهد التنمية لايستقبل الخريجين من مرحلة البكالريوس

ولايستقبل الباحث عن تدريب مهني الا اذا كان متوظف بالاساس

لكن انا فكرتي معهد للعاطلين عن العمل يهيأهم للعمل

وشكرا للجميع