والحل مع أدارة المرور!!!؟

[khalifa85]

السلام عليكم ورحمة الله وبركاته

اليوم يا جماعة الخير وصلني مسج بمخالفه مروريه ودخلت على موقع الوزاره اشوف شنو المخالفة الي جاتني ، والمصيبه اني تخالفت وانا نايم والموتر فالبيت :eek5: الساعه 10:35 صباحاً والموتر ما تحرك من مكانه لان المفتاح الوحيد له عندي فالدرج ومحد يقدر يدخل ياخذه لان الباب مقفول:secret:. والأعجب من هاي كله المخالفه أرضيه يعني مخالفة موقف او فوق رصيف :anger1: يعني حتى لو الشرطي غلطان شلون يغلط برقم لوحه والسياره واقفه هو يغلط وانا اتشحطط اروح واجي عالمرور وانا دوامي شفتات:rolleyes2: ياليت يتم محاسبة كل شرطي غلط فرقم اللوحه عشان محد يغلط مره ثانيه :anger1:

[khaldoon]

الله يكون في عونك...المهم تقدر تثبت حقك ؟

[سنافي قطر]

عندي وعندك خير

انا مره تخالفت وقوف غلط في الريان وانا دوامي فمكان بعيد عن الريان والعجيب انه وقت المخالفه كنت فالدوام وماطلعت الا للوكرة

كلمتهم قالوا انطر لين الشرطي يخلص الدفتر وعقب تعال قدم شكوه
مرت الايام وانتهت الاستماره واضطريت ادفع المخالفه مع النقاط وانا اضحك

هالمخالفه بسيطه لكن بذمت الشرطي ومب مسامحه على غلطه

[أبو يووسف]

الخطأ وارد من الجميع والعسكري ليس بمعصوم عن الخطأ

[الزلزال]

ههههههههه
يمكن خالفو السياره وهي صافه في البيت

[عنزي قطر]

مرحبا اخوي خليفة
اذا متاكد ان المخالفة غير صحيحة
وذكرت ان دوامك شفت الحل بسيط وانت جالس في مكانك

راسل موقع وزارة الداخلية على الرابط التالي

http://www.moi.gov.qa/site/arabic/feedback/index3.html


او ايميل المرور الرسمي
traffic@moi.gov.qa

وتتاكد من صحة المخالفة وتاكد راح يوصلك الرد وانت في مكانك :victory:

محبك عنزي قطر

[Um Yousif]

اخوي بالنسبة للوقت اللي يحطونه بالمخالفه ترى مش دقيق

انا وحده مخالفاتي للسرعة وطبعا كلها في كريق سلاح الجو الهاي وي الجديد

وطبعا كل يوم يخشون الرادار بمكان

مالنا بالطويله

مخالفاتي بعضها عالساعة 5 ونص الصبح وانا دوامي 7 ونص يعني مستحيييييييييييييييييييييييييييييييييييل ان اطلع من بيتي بهالوقت

لكن صورة السيارة طبعا عنهم لكن الوقت مش دقيق مجرد اخال بيانات على قولة الموظفة

[abdo222]

الموقع احيانا يعطيك الوقت والتاريخ غلط,,

انا جات لي مخالفه ساعه 4 الفجر,, لين شيكت ويا الضابط طلع عنده انها 4 العصر pm ,,

واحيانا التاريخ غلط, واحد من الشباب كان مسافر وجات له مخالفه حزام,, لين رجع راجعهم واعطوه التاريخ الصحيح الي اهو قبل يومين من الي مكتوب,,

بالنسبه للايميل حقهم 2 انجليز بالقسم رسلوا بالانجليزي قبل حوالي 7-9 اشهر هال الكلام على مخالفاتهم وما وصلهم رد يقولون, وراحوا مرور خليفه مكان التدقيق على المخالفات,,

[khalifa85]

طيب الأغلبيه قالوا يمكن الوقت غلط فالموقع

زين المسج الي وصلني بعد مكتوب ان المخالفه بتاريخ امس 3/4/2012

وطبعا ما عندي أي اثبات ان الموتر فالبيت شلون بثبت هالشي !!:weeping:
اللي يقهر المخالفه فالمنتزه وانا بيتي فأم صلال وأصلا انا لو ادخل المنتزه بضيع ما أدل فيها :secret:

:nice:ومشكور اخوي عنزي قطر عالايميلات وجاري مراسلتهم قبل لا اتشحطط بعد زام الليل واتنقع عندهم لين ما أخيس:(

[khalifa85]

الموقع احيانا يعطيك الوقت والتاريخ غلط,,

انا جات لي مخالفه ساعه 4 الفجر,, لين شيكت ويا الضابط طلع عنده انها 4 العصر pm ,,

واحيانا التاريخ غلط, واحد من الشباب كان مسافر وجات له مخالفه حزام,, لين رجع راجعهم واعطوه التاريخ الصحيح الي اهو قبل يومين من الي مكتوب,,

بالنسبه للايميل حقهم 2 انجليز بالقسم رسلوا بالانجليزي قبل حوالي 7-9 اشهر هال الكلام على مخالفاتهم وما وصلهم رد يقولون, وراحوا مرور خليفه مكان التدقيق على المخالفات,,

يمكن شسمه ما يعرررررفون انجليزي :tease:

بجرب حظي مع الأيميل :shy:

[فتى الجود]

السلام عليكم

نفس الموضوع حصل معاى في سنة الــ 2009
وبعد سنه او اكثر تشحطط مع ادارة المرور

روح و تعال

وما استفدت شي من روحاتى لهم

في الاخير دفعت المخالفة اللى انا اصلاً ما خالفتها

وانا ساكت

[الموضوعي]

يمكن الشرطي يبي يساعد صديقه وشل المخالفة منه وحطها على موترك

[راعي ال VXR]

للاسف الشديد جاتني مخالفه كنت صاف سيارتي مباشرة جنب مواقف المعاقين والعمي اللي خالفني ع باله اني صاف في مواقف المعاقين في مستشفى حمد 500 ريال و3 نقاط ...وتجي تتكلم معهم ماراح يفيدونك باي شي وتعال وقع ع النقاط وادفع ال 500 اليس هذا اكل اموال المسلمين بالسحت ...

[almaf1a]

مرحبا اخوي خليفة
اذا متاكد ان المخالفة غير صحيحة
وذكرت ان دوامك شفت الحل بسيط وانت جالس في مكانك

راسل موقع وزارة الداخلية على الرابط التالي

http://www.moi.gov.qa/site/arabic/feedback/index3.html


او ايميل المرور الرسمي
traffic@moi.gov.qa

وتتاكد من صحة المخالفة وتاكد راح يوصلك الرد وانت في مكانك :victory:

محبك عنزي قطر

اخوي عنزي قطر
انا وجهة سؤال للمرور بنفس الحالة المذكوره
وكان السؤال كالاتي
في حالة وجود خطأ في توقيت المخالفه هل تسقط المخالفة
لان من شروط اصدار اي مخالفه التوقيت
اي جريمه لم يتم تحديد وقتها تسقط عن المتهم

لان جاتني مخالفه رادار 6 ونص الصبح والصورة تبين ان الوقت ليل
ودفعتها بعد ما تعبت وانا افهمهم ان التوقيت خطأ
قالي الموظف دام رقم الموتر والصورة واضحه ادفعها (شغل سلق بيض)
وانا اقوله كيف ادفع مخالفه وانا ما ادري من مستخدم الموتر بسبب عدم توضيح الوقت الصحيح

وعدتني بالرد على سؤالي اكثر من 6 شهور وانا لحد اللحين انتظر الجواب منك

[بوحمد111]

يا اخي كتاب لمدير المرور وان شاء الله بنتحذف عنك المخالفه

انا مرة تخالفت واقف غلط وتم تحديد مكان وتاريخ المخالفه وبعد التحري والتدقيق طلعت المخالفه الصباح الساعة 10 وفي نفس الوقت انا كنت في اجتماع وفعلا جبت لهم وقائع الاجتماع واسمي كان من ضمن المجتمعين بنفس التاريخ والوقت وتم حذف المخالفة ولله الحمد

تحياتي

[faisalqatar]

الله يعينك والله
المشكله ماعندك اي دليل انك كنت في البيت

بس حاول اتكلمهم و يمكن يساعدونك .. اهم شي كلمهم باحترام ولا اتطول لسانك لان خبرك لعبتهم يناحسون

------------

بوحمد والله كفو عليك محكر لهم ههههه

[عنزي قطر]

اخوي عنزي قطر
انا وجهة سؤال للمرور بنفس الحالة المذكوره
وكان السؤال كالاتي
في حالة وجود خطأ في توقيت المخالفه هل تسقط المخالفة
لان من شروط اصدار اي مخالفه التوقيت
اي جريمه لم يتم تحديد وقتها تسقط عن المتهم

لان جاتني مخالفه رادار 6 ونص الصبح والصورة تبين ان الوقت ليل
ودفعتها بعد ما تعبت وانا افهمهم ان التوقيت خطأ
قالي الموظف دام رقم الموتر والصورة واضحه ادفعها (شغل سلق بيض)
وانا اقوله كيف ادفع مخالفه وانا ما ادري من مستخدم الموتر بسبب عدم توضيح الوقت الصحيح

وعدتني بالرد على سؤالي اكثر من 6 شهور وانا لحد اللحين انتظر الجواب منك

حياك الله اخوي 6 شهور :(

{وَذَكِّرْ فَإِنَّ الذِّكْرَى تَنْفَعُ المُؤْمِنِينَ} :victory: او ذكرتني بالخاص

اخوي تواجدي بالاسهم القطري قليل

انصحك يالغالي

راسل موقع وزارة الداخلية على الرابط التالي

http://www.moi.gov.qa/site/arabic/feedback/index3.html


او ايميل المرور الرسمي
traffic@moi.gov.qa

صدقني الرد رسمي افضل :victory:

محبك عنزي قطر

[النهار]

الخطاء وارد

[بوخالد911]

هلا

بشر
هل شالوا المخالفة عنك؟

[R 7 A L]

الله يعينا


المرور
ماصار مثل أول

[الرايــق]

الله يعينك

انا وصلتني مخالفة رادار عمان وموتري ما طب بوسمرة ..
ووصلني أيضا مخالفة وقوف في الممنوع من لخويا وايضا بالخطأ ..

كل شي يتعدل بس ياخذ وقت وروح وتعال بين مرور خليفة ومعسكر لخويا

[brooq]

لا حول ولا قوة إلا بالله .. الله يعينك أخوي .. أدفع وانت مبتسم ..

للأسف الشديد رجال المرور يرتكبون العديد من التجاوزات وأنا شخصياً حدثت لي حادثة غريبة جداً من هذا النوع ..

مرة خالفني أحد ضباط الشرطة على التجاوز من اليمين .. وعند تجديد الاستمارة في الصناعية طلبوا مني التوجه لمدينة خليفة لدفع المخالفة.. طبعاً أنا ما كانت عارف السالفة .. بمجرد وصولي إلى مرور خليفة وبعد الاستفسار قالوا بأني قد تجاوزت السيارات من اليمين في أحد شوارع الدوحة ..

حلفت لهم بأغلظ الأيمان بأني لم أفعل .. ولست أنا من يرتكب مثل هذه المخالفات .. ثم سألتهم منذ متى هذه سجلت هذه المخالفة ضدي،، قالوا من عدة أشهر ..

المهم بعد أخذ ورد وجدال طويل استسلمت وهممت بالدفع لولا أن الله سبحانه وتعالى أنطق ذلك الضابط المعتوه بالحق في تلك اللحظة...

حيث نظر إلي وقال بأنه هو شخصياً الذي خالفني وأنه يتذكر الموقف بشكل كامل ويتذكر جميع تفاصيله .. وقال بأن لن ينسى سيارتي الهوندا البيضاء (وجه مندهش جداً) طبعاً هذا وجهي أنا بعدما صرح هذا المخلوق الغريب بهذه العبارة.


لأنه ببساطة سيارتي كانت كروزر .. والرجال مخالف هوندا بيضاء وحاط رقمي الطيب ..

بالله عليكم .. ما هو الحل مع شرطة المرور؟؟