صج صج عاد من تعيين عن طريق المعرض المهني !

[ظل القمر]

السلام عليكم ورحمة الله وبركاته

مساكم الله بالخير جميعا


طبعا حديث الشارع العام هذا الاسبوع هو المعرض قطر المهني بمشاركة عدد كبير من الجهات المعنية
بالتوظيف و طلبات التدريب والبعثات ايضا
ظهرت لنا في الايام القليلة الماضيه تقارير تعطينا اعداد تم تعيينها عن طريق المعرض المهني

لكن خطر في بالي هذا السؤال

ليه ما قد صادفت احد قال انا تعينت عن طريق المعرض المهني
او انا لقيت فرصة تدريب او فرصة ابتعاث عن طريق المعرض !!!

لذلك اطرح عليكم السؤال

احد فيكم تعين عن طريق المعرض ! او احد قريب منكم لقى له فرصه من هذا المعرض

لكم كامل التحيه

[mmj]

اكيد انت تحلم... لان المعرض المهني فقط للاستعراض في الجرايد وتوزيع الهدايا

[الملا]

رفيجي تعين في قطر للبترول عن طريق المعرض المهني في ٢٠٠٩ وفي ٢٠١١ قدم في المتاحف عن طريق المعرض وسو له مقابله ورفض العرض والحين ناوي يقدم عن طريق المعرض

[برويقن]

العام تم تعيين 4 قطريين في الإدارة وهم قدمو في المعرض المهني 2011

2 جامعيين و 2 ثانوية عامة

[منهم وفيهم]

انا قدمت مره ونادوني للمقابله في قطر فاونديشين ..والشخص اللي سوى معاي المقابله قالي ان من بين اللي قابلهم انا الافضل واكيد بيدقون لي :telephone:.
وبس الله يسلمك :omen2:

[tawareq]

امس كنت في المعرض المهني فعلا ما شفت اللا عدد محدود جدا من الزوار واكثر اللي يتمشون في اورقة المعرض هم من المشاركين

[راسي براسك]

ماسمعت ولا حد قالي انه توظف !!

و اعرف مسؤولين توظيف ومدراء في حوارات في اماكن العمل ,,

يقولون لي من صجج تظنين انه في توظيف بعد المعرض ؟؟

يقولون أحنا بس ناخذها كا أثبات وجود ولو ان السالفه مب اجبرايه ولا كان ماشفتينا مرتزين ...

[درر قطر]

والله لو يبون يوظفون كان ما انطروا المعرض ولا يعني مخللين الوظايف من السنة الي طافت عشان تكون قيمتها فيها
والله قايلة لكم مجبرين يحجزون مساحة ويسوون هدايا وتوزيعات تضحك عشان يثبتون إنهم مع سياسة التقطير

[Scout Sniper]

السنه اللي طافت جاني عرضين
بس الدرجة ماكانت المطلوبه

[غيمة مطر]

جاتني عروض من المعرض المهني ... وكنت استغرب من وين اكون ناسيه مقدمه بالمعرض المهني

بس ماتوظفت لان العروض ماعجبتني ..

والله يوفق الجميع

[الاجوديه]

.
.




بالننسسبه لي ما قابلت احد قال انه توظف عن طريق المعرض ..!


احس ساالفه المعرض المهني لعبه ..!



يعطيتس العاافيه





.
.

[R 7 A L]

انا هالايام ابحث بين الربع والاقارب والاصدقاء
اتمنى احصل واحد يقول لي انه توظف عن طريقهم

[البدوي]

اغسل يدك ................ الوظايف لغير القطرين .......... مجرد شو ؟؟؟؟؟؟؟؟؟


اهداف ونظرة المعرض ...... يتم الالتفاف عليها ولا يتم تطبيقها

.... ولا يوجد حسيب ولا رقيب ولا قانون يلزم بتوظيف مجرد شو من قبل الشركات والمؤسسات


..... واتحدي اي مسؤول ايقولنا عن الاحصائيات السابقة

[Um Yousif]

انا توظفت عن طريق المعرض المهني السنة اللي طافت والحمدلله

[R 7 A L]

انا توظفت عن طريق المعرض المهني السنة اللي طافت والحمدلله



قطاع خاص ولاحكومي ؟

كم الفترة من قدمتي لين توظفتي ؟

[غرِيبهـ]

العام وديت بنات خواتي خريجات ثانوي
كان في عرض من وزارة العمل بالتعاون مع بنك المشرق و بنك ثاني نسيت اسمه
المهم سجلت وحده منهم وبنفس الشهر قابلوها بنك المشرق و عرضو تدرس سنتين بالاطلنطي او اذا حابه تجيب قبول من اي جامعه وبتدرس على حسابهم فضلنا الاطلنطي لانه الاسهل وتكتسب لغة توهلها عقب للجامعة
والحمدلله اخر هالسنه بتخلص وبتداوم في البنك واذا حابه تغير شغلها
تقدر بعد ماتخلص نفس سنوات اللي درستها
طبعا لها معاش شهري حاليا يدفع من وزارة العمل .

الثانية الحمدلله توظفت بوزارة الداخلية .

ومن المعرض من سنتين عرفت عن عرض الدراسة بكلية الطيران و بعدها التوظيف في المطار الجديد فبنت اختي الثانيه اول ماخلصت ثانوي قدمت وحاليا تدرس بالكلية .

في وظايف بس تحتاج قبول ودراسة المعروض و انصح خريجات الثانوي
قبول المعروض اكتساب خبرة عقب تنتقل وين تحب .

[Um Yousif]

قطاع خاص ولاحكومي ؟

كم الفترة من قدمتي لين توظفتي ؟


توظفت في قطاع خاص

بعد المعرض بشهر تقريبا نادوني ورحت المقابله وعجبتهم بس كنت حامل في شهوري الاخيره ففضلوا ينتظروني لما اولد بالسلامة واخذ كل اجازاتي من الجهه اللي كنت فيها وبعدين داومت عندهم

ولله الحمد والمنه

[R 7 A L]

توظفت في قطاع خاص

بعد المعرض بشهر تقريبا نادوني ورحت المقابله وعجبتهم بس كنت حامل في شهوري الاخيره ففضلوا ينتظروني لما اولد بالسلامة واخذ كل اجازاتي من الجهه اللي كنت فيها وبعدين داومت عندهم

ولله الحمد والمنه



بالتوفيق

[┋أَجِوَدًيّ┋]

http://im13.gulfup.com/2012-04-05/133360834831.jpg

[بنت امي]

مثل ما قلت (حظ ونصيب )

[آنا غيــر]

انا توظفت عن طريق المعرض المهني 2011

ومجالي في النفط والغاز .. عقب اسبوع تقريبا كلموني كل الشركات اللي قدمت عليها والحمدلله

الواحد مب يروح يقط سي فيّه عند اي حد من اللي واقفين ويمشي ..

يعني مثلا .. واجد من اللي مشاركين في المعرض developees !!

معقوله اروح اعطي سي فيي حق واحد او وحده توهم متوظفين؟؟

اكيد بشوف حد كبير وشكله يبين عليه عنده معلومات كافيه + له يد في التوظيف .. يعني الافضل يكون شخص اولريدي يشتغل فالاتش ار

لان اللي يكونون موجودين مب شرط اتش ار ..

وكل واحد اثناء التقديم شخصيته تأثر في قبول او رفض الــ CV ترى ، يمكن في ناس ماينتبهون على هالنقطه

بيّن نفسك انك مهتم في هالشركه بس مب بطريقة انك مييييت على شركتهم وبتموت على توظيفهم

.. ولا انك تكلمه بعدم اهتمام وبرود وتسلّم الـ CV وتمشي كنك ذبانه ميته :/

[الزعفراني]

رفيجي تعين في قطر للبترول عن طريق المعرض المهني في ٢٠٠٩ وفي ٢٠١١ قدم في المتاحف عن طريق المعرض وسو له مقابله ورفض العرض والحين ناوي يقدم عن طريق المعرض


العام تم تعيين 4 قطريين في الإدارة وهم قدمو في المعرض المهني 2011

2 جامعيين و 2 ثانوية عامة


السنه اللي طافت جاني عرضين
بس الدرجة ماكانت المطلوبه


جاتني عروض من المعرض المهني ... وكنت استغرب من وين اكون ناسيه مقدمه بالمعرض المهني

بس ماتوظفت لان العروض ماعجبتني ..

والله يوفق الجميع


انا توظفت عن طريق المعرض المهني السنة اللي طافت والحمدلله


العام وديت بنات خواتي خريجات ثانوي
كان في عرض من وزارة العمل بالتعاون مع بنك المشرق و بنك ثاني نسيت اسمه
المهم سجلت وحده منهم وبنفس الشهر قابلوها بنك المشرق و عرضو تدرس سنتين بالاطلنطي او اذا حابه تجيب قبول من اي جامعه وبتدرس على حسابهم فضلنا الاطلنطي لانه الاسهل وتكتسب لغة توهلها عقب للجامعة
والحمدلله اخر هالسنه بتخلص وبتداوم في البنك واذا حابه تغير شغلها
تقدر بعد ماتخلص نفس سنوات اللي درستها
طبعا لها معاش شهري حاليا يدفع من وزارة العمل .

الثانية الحمدلله توظفت بوزارة الداخلية .

ومن المعرض من سنتين عرفت عن عرض الدراسة بكلية الطيران و بعدها التوظيف في المطار الجديد فبنت اختي الثانيه اول ماخلصت ثانوي قدمت وحاليا تدرس بالكلية .

في وظايف بس تحتاج قبول ودراسة المعروض و انصح خريجات الثانوي
قبول المعروض اكتساب خبرة عقب تنتقل وين تحب .


انا توظفت عن طريق المعرض المهني 2011

ومجالي في النفط والغاز .. عقب اسبوع تقريبا كلموني كل الشركات اللي قدمت عليها والحمدلله

الواحد مب يروح يقط سي فيّه عند اي حد من اللي واقفين ويمشي ..

يعني مثلا .. واجد من اللي مشاركين في المعرض developees !!

معقوله اروح اعطي سي فيي حق واحد او وحده توهم متوظفين؟؟

اكيد بشوف حد كبير وشكله يبين عليه عنده معلومات كافيه + له يد في التوظيف .. يعني الافضل يكون شخص اولريدي يشتغل فالاتش ار

لان اللي يكونون موجودين مب شرط اتش ار ..

وكل واحد اثناء التقديم شخصيته تأثر في قبول او رفض الــ CV ترى ، يمكن في ناس ماينتبهون على هالنقطه

بيّن نفسك انك مهتم في هالشركه بس مب بطريقة انك مييييت على شركتهم وبتموت على توظيفهم

.. ولا انك تكلمه بعدم اهتمام وبرود وتسلّم الـ CV وتمشي كنك ذبانه ميته :/


غريبة شلون البعض يقول ان المعرض ما يوظف ؟ وشلون البعض يقول ان المعرض فاشل ؟ وشلون البعض يقول انسى تلقى حد توظف عن طريق المعرض ؟ :rolleyes2:

[S A A D]

انا توظفت الحمدلله عن طريق المعرض 2011

وبعد في نفس المؤسسة اللي شغال فيها توظفوا حوالي عشرين شخص

ومازال التوظيف جاري و الاولوية للقطريين

فيه وظائف كثيرة ولكن كل وظيفة لها متطلباتها

خريج الثانوية وماعنده اي دراية بالكمبيوتر ولا اللغة الانجليزية شبيتوظف عليه ؟؟
اكيد وظيفة ماترضى طموحه

فالافضل انه يحاول يتوظف سواء في قطر للبترول او احد الجهات اللي تبعثهم حق الاطلنطي او مراكز التدريب التابعه لها حتى يكتسب لغة ومهارات تساعده انه يبني مستقبله

او انه هو بنفسه اذا يقدر ياخذ كورسات بحيث انه يكون مميز ولما يقدم سيرته الذاتية ماتكون مشابهه للبقية

اللي استغربت منه فالمعرض انه يجوني شباب توهم صغار وماعندهم الا اعدادي ولي قلت له انزين ليش ماتكمل يقول مب فاضي :rolleyes2:

او خريج ثانويه واقول له عندنا كاتب اداري ويقول لا ابي افضل !! انزين انت ماتملك المهارات او الشهادة المطلوبه

اللي احب اوصلة انه اللي يحب يتوظف يحاول قد مايقدر يطور من نفسه

[S A A D]

الواحد مب يروح يقط سي فيّه عند اي حد من اللي واقفين ويمشي ..

يعني مثلا .. واجد من اللي مشاركين في المعرض developees !!

معقوله اروح اعطي سي فيي حق واحد او وحده توهم متوظفين؟؟

اكيد بشوف حد كبير وشكله يبين عليه عنده معلومات كافيه + له يد في التوظيف .. يعني الافضل يكون شخص اولريدي يشتغل فالاتش ار

لان اللي يكونون موجودين مب شرط اتش ار ..

وكل واحد اثناء التقديم شخصيته تأثر في قبول او رفض الــ CV ترى ، يمكن في ناس ماينتبهون على هالنقطه

بيّن نفسك انك مهتم في هالشركه بس مب بطريقة انك مييييت على شركتهم وبتموت على توظيفهم

.. ولا انك تكلمه بعدم اهتمام وبرود وتسلّم الـ CV وتمشي كنك ذبانه ميته :/

Totally Agree :victory:

[Um Yousif]

صحيح اللي يبي يتوظف لازم يكون عنده مؤهلات ودورات تساعده ولاتنسون شكل السيفي زايد مهم وطريقة تنسيقه تبين لهم مدى اهتمامك ورغبتك في الحصول على وظيفة

[┋أَجِوَدًيّ┋]

أعتقد لازم ينكتب أو يشار في الــ cv إلي وجود * واسطة * !

[الملا]

غريبة شلون البعض يقول ان المعرض ما يوظف ؟ وشلون البعض يقول ان المعرض فاشل ؟ وشلون البعض يقول انسى تلقى حد توظف عن طريق المعرض ؟ :rolleyes2:


صار اغلبنا مع الخيل يا شقرا

شاف الناس ينتقدون انتقد ويوم شافهم يمدحون مدح واطرب

(( توقيعك ابلغ رد ))

[طلعة الروح]

توظفت عن طريق المعرض عام 2009
وكذا شركة اتصلت لي عن طريق المعرض واجريت مقابلات
لكن وظيفتي الحالية مش عن طريق المعرض ، المسألة نصيب
الحمدلله على كل حال ...وعلى فكرة مش كل الشركات جادة في التوظيف لازم نحط هالشي ف بالنا
وما نحاول نقلل من امكانياتنا
واتمنى أي حد محتاج للوظيفة مايتعطل ويتوظف على طول أهم شي لحد يتشرط وايد اذا جاته فرصة عمل
لانه الفرص احياناُ تكون نادرة وقليلة ...

[┋أَجِوَدًيّ┋]

http://im23.gulfup.com/2012-04-05/1333621762821.png

[Um Yousif]

توها الشيخه موزا بنت ناصر زارت المعرض



خساااااااااااااااااااااااااااااااااااااااااااااااا ااااااااره ما رحت
على الاقل بس اسلم عليها:weeping:

[ظل القمر]

يعطيكم العافيه جميعا على تجاوبكم والمشاركه في الموضوع

بصراحه وبكل امانه هناك ردود اثلجت صدري

شيء جدا جميل ورائع انه في عدد طيب حصل على الوظيفه من خلال هذا المعرض

او صار في تواصل على الاقل من الجهات

الي قدم عليها هذا يعني انه المعرض ما هو للشو ولا هو للإستعراض كما بانت لنا الامور

في السنوات السابقه

عن نفسي قدمت في اكثر من شركة متعلقه بالنفط والغاز شفت تجاوب طيب ومنهم

وكلهم قالوا لي احنا بحاجه لقانونيات قطريات وبمعدل عالي والخ يعني ما عندهم عذر

ولكن راح ننتظر ونشوف

عساكم عالقوة جميعا وعسى ربي يوفقكم في حياتكم العملية