مستشفى حمد واطفال الانابيب !!!!

[كاس العالم]

اسعد الله اوقاتكم بكل خير ادخل في صلب الموضوع على طول كم قطري يدفع 25 الف. ريال واكثر علشان يروح برع البلاد علشان زوجته تسوي عمليه الانابيب كم ازواج في قطر صار لهم سنين متزوجين وللحين ماجاهم عيال صحيح كل شي باراده رب العالمين بس الواحد يسعى واكيد البعض مايقدرون يسافرون علشان تكاليف العمليه والاهم هو ان مستشفى حمد اذا نويت تسوي عمليه انابيب ينقعونك تقريبا سنه فحوصات وحاله اما اغلب الدول على مستوى العالم تقدر خلال ايام تسويها. ليش الدوله ماتفتح وتكثر من الانابيب لان في قطر عددنا شوي وبعضنا يقعد بالسنه والسنتين واكثر لين الله مايرزقه صحيح الارزاق بيد الله بس المفروض من الدوله تنشئ مثل هذه الماركز المتخصصه في طب الانجاب ليش كل هالمده ياخذها مستشفى حمد علشان يسوي مثل هالعمليات ؟؟؟؟

[بصمة قطرية]

لأن و بكل بساطة مستشفى حمد ( الولادة ) هو المستشفى الوحيد في الدولة
المتخصص بأطفال الأنابيب ..
و خيرة الأطباء فيها و لله الحمدلله ..
بس الضغط كبير عليهم ..
المفروض يوسعون و يزيدون عدد الأطباء ..
لأن المستشفى ما صار يستوعب الكم الهائل من المراجعين ..!!
العيادات الصباحية والمسائية زحمة و مافي مواعيد ..!!!
لازم يشوفون حل لهالمشكلة ..
حرام الناس تنتظر سنه و أكثر ..
الله يرزق كل من يتمنى ~

[intesar]

ولادة حمد مو مقصرين.. بس المطلوب التوسعة..

[لاجل QT]

سنة واجد...انا فقط 3 شهور فحوصات او اقل يمكن وبعدها حملت

مدري اذا الحين الوضع تغير؟؟
والله مايحرم حد من نعمة العيال

[Rashid554]

الله يرزق كل من انحرم من ولد ولا بنت بذرية صالحة

[R 7 A L]

من أفتحوا للاجانب انهم يتعالجون في هالمستشفى والزحمه لاتوصف

[لبتونه]

من أفتحوا للاجانب انهم يتعالجون في هالمستشفى والزحمه لاتوصف

صرت اكره اروح مكان بسببهم مايسوي علينا مشغلينهم في كل مكان وجايبينهم وتخسر عليهم دولة والله حرام عندنا اعيال يدورون الوظايف

كل مكان ناشبين فيه ومسوين زحمه :weeping::weeping::rolleyes2:

[┋أَجِوَدًيّ┋]

عليكم بالصبر في إنتظار بناء مستشفيات جديدة

في حدود الــ 10 سنوات القادمة * هذا إذا بنوا من الأصل !

[chillis]

للعلم الاجانب بفلوس والاوليه للقطرين والاجانب كل وحده كل سنه ونص لها مره بس بالتجربه القطريه كل 6 شهور وانا وحده منهم كنت اسوي والتحاليل ما تاخذ الا شهر وانا خالصه :) مادري ليه مرات بعض الناس تبالغ وبعدين يعتمد على الطبيب اذا تبين شحاته اكيد بينطرج لانه مضغوط عدل

[ولد ازغوى]

انا اللي قاهرني ان واحد مثل شحاته او مريم فلامرزي شاطرين في الانابيب يقومون ويخلونهم حق متابعة الحمل خارج قسم المساعده عالانجاب
شي طبيعي بيكون في ضغط عليهم
يعني يداوم من 8 الصبح وعمليات مواعيد في القسم و من بعد العصر تكون عنده عياده خارج القسم لمتابعة الحوامل والتوليد :secret:

عطوهم اختصاص واحد اللي هو قسم المساعده عالانجاب وخلاص مب لازم تشتتونهم في اكثر من مكان وتبون منهم يكونون مبتسمين طول الوقت او يعطون ويه وفي المقابل وفروا دكاتره ثانيين لباقي الاختصاصات

الوضع صار لا يطاق من الزحمه و كل يبي شحاته مع ان بعد في دكاتره زينين مثل ريم الكردي وثريا بس الضغط على مريم وشحاته اضعاف وشهادتي في شحاته مجروحه بس هو الموضوع يبيله تنسيق من مستشفى الولاده و صبر من المرضى الله يكون بعونهم اللي 20 و 15 سنه

واللي اعرفه في دول مجاوره خليجيه اتطرش مرضاها بلجيكا و لندن و انا بصراحه خلال مسيرتي في هالطريق ما سمعت حد راح او طرشوه بل اتذكر مره كنت بابدا كورس مع مريم و قلت لها هل ممكن اني اخذ تقرير واقدم على لندن قالت انتي تبين تبدين هالكورس ولا لا قلت لها انا بس اسال قالت لا اذا ما تبين قوليلي عشان اكنسل لج :secret: شدعوه يالطيبه ترى بس استفسار :weeping: وبس يعني مادري هل انا ما اعرف اسولف ولا هي تنرفزت من سؤالي :(

وانا والله كنت باروح الاردن بس يوم حسبتها كليا بتطلع اكثر من اللمت اللي باحطه غير السكن والتذاكر والمرافق والتكاليف وصبرت على موعدي والحمدلله على كل حال *

[منهم وفيهم]

انا اللي قاهرني ان واحد مثل شحاته او مريم فلامرزي شاطرين في الانابيب يقومون ويخلونهم حق متابعة الحمل خارج قسم المساعده عالانجاب
شي طبيعي بيكون في ضغط عليهم
يعني يداوم من 8 الصبح وعمليات مواعيد في القسم و من بعد العصر تكون عنده عياده خارج القسم لمتابعة الحوامل والتوليد :secret:

عطوهم اختصاص واحد اللي هو قسم المساعده عالانجاب وخلاص مب لازم تشتتونهم في اكثر من مكان وتبون منهم يكونون مبتسمين طول الوقت او يعطون ويه وفي المقابل وفروا دكاتره ثانيين لباقي الاختصاصات

الوضع صار لا يطاق من الزحمه و كل يبي شحاته مع ان بعد في دكاتره زينين مثل ريم الكردي وثريا بس الضغط على مريم وشحاته اضعاف وشهادتي في شحاته مجروحه بس هو الموضوع يبيله تنسيق من مستشفى الولاده و صبر من المرضى الله يكون بعونهم اللي 20 و 15 سنه

واللي اعرفه في دول مجاوره خليجيه اتطرش مرضاها بلجيكا و لندن و انا بصراحه خلال مسيرتي في هالطريق ما سمعت حد راح او طرشوه بل اتذكر مره كنت بابدا كورس مع مريم و قلت لها هل ممكن اني اخذ تقرير واقدم على لندن قالت انتي تبين تبدين هالكورس ولا لا قلت لها انا بس اسال قالت لا اذا ما تبين قوليلي عشان اكنسل لج :secret: شدعوه يالطيبه ترى بس استفسار :weeping: وبس يعني مادري هل انا ما اعرف اسولف ولا هي تنرفزت من سؤالي :(

وانا والله كنت باروح الاردن بس يوم حسبتها كليا بتطلع اكثر من اللمت اللي باحطه غير السكن والتذاكر والمرافق والتكاليف وصبرت على موعدي والحمدلله على كل حال *

حتى قطر تطرش بلجيكيا ...

[كاس العالم]

تسلمون على الرد

والله يرزق كل محرووم ان شاء الله

وبخصوص الاخت الي ردت وقالت مادري ليش تبالغون ؟؟؟؟

اختى ابد مافيها مبالغه قبل كم يوم وديت زوجتي علشان تفتح ملف في العيادات الخارجيه النسائيه حق الولاده قالت لها الاداريه تدخلين على الدكتوره بعد شهرين وتخيلي عاد اذا دخلت على الدكتوره والدكتوره بتقولها سوي فحوصات وبتعطيها موعد بعد سبوعين مدري 3 وعقبها قالت انها بتعطيها مثلا علاج لمده شهر ولا شهرين وتقولك الدكتوره قبل الانابيب لازم حقن مجهري مدري تلقيح صناعي يشوفون يمكن يضبط قبل عمليه الانابيب ان شاء الله خلال الفتره الجايه يوسعون هالمجال ويجيبون دكاتره على مستوى شحاته ومريم فلامرزي ويفرغونهم للانابيب بس

والله يسهلها ان شاء الله