مساعده في اختيار صباغ

[روح وريحان]

السلام عليكم ورحمة الله وبركاته

مساكم الله بالخير

بغيتكم تدلوني على محل أو صباغ زين تعاملتوا معاه يعرف يسوي تعتيق وترخيم وشغله نظيف وسعره مناسب..

ويعطيكم العافية :nice:

[ASK2]

مؤسسة الاسقف لاعمال الديكور

في نجمه

[ولد المنصور]

اعرف فلبيني ممتاز اسمه رينو

[حمد 2002]

مؤسسة الاسقف لاعمال الديكور

في نجمه

ا

نصيحه لحد ايتعامل معاهم ، بطيئين ومايلتزمون ابكلامهم وبالعقد ،،، من تجربه

[tiger33]

موسسة ارت مارت

شركة امارتية الاصل

وانا جربت شغلهم وقلت بنزل صور من بيتي بس خفت يعتبرونها الاخوان دعاية

وشغلهم حلو نظيف وسعارهم مب عاليه ولا نازلة بصراحة زينة وشغل حلوو

[روح وريحان]

يعطيكم العافية ان شاء الله بكلمهم

---------------------

الاخ تايغر ما عليك امر اذا ممكن تنزل الصور عشان نشوف شغلهم وعادي اذا شغلهم زين يستاهلون الدعايه مهب عيب :)

[ASK2]

نصيحه لحد ايتعامل معاهم ، بطيئين ومايلتزمون ابكلامهم وبالعقد ،،، من تجربه

من اللي يقولك بخلص بعد اسبوع يخلص بعد اسبوع صج

هذي الدوحه

بس معاي جربته في اكثر من مكان واكثر من شغله ماطول يتأخر يوم ثلاث ايام بالكثير

بس شغله نظيف ..

عن نفسي ياخرني كم يوم بس يكون شغله زين ولا ياخرني ويملغص الشغل او يخلص في الوقت المحدد ويملغص لي الشغل ..

اذا في حد تعرفه احسن وجربته ياليت تقول لنا عنوانه ..

خصوصاً هالايام عندي كم شغله ..

[ASK2]

موسسة ارت مارت

شركة امارتية الاصل

وانا جربت شغلهم وقلت بنزل صور من بيتي بس خفت يعتبرونها الاخوان دعاية

وشغلهم حلو نظيف وسعارهم مب عاليه ولا نازلة بصراحة زينة وشغل حلوو



اذا ما عليك امر يريت تنزل الصور ..

[روح وريحان]

سبحـــان الله وبحمده سبحان الله العظيم

[ahmed jasim]

فى الغرافة مكتب أروين يمدحون شغله فى الترخيم
بقيت أتفق معاه بس رفع سعره من 22 الى 35 للمتر وتركته
ألحين متفق مع واحد سعره 15 للمتر
المفروض يخلص عقب أسبوعين
بأطرش لك تلفونه لما يخلص شغله

[marmoh]

في محل بالريان كتر حلو
عنده صباغين وعمال و بيعمل تصميمات مجانية و طرق جديدة للدهان و اسعاره وايد روعة ومب غالية...وبيكون هو المسئول مبتتعملين مع صباغ، بتتعملين مع شركة مضمونة.

جربوه و روحوا وشوفو بالمحل كل ديكوراته يلي بيسويهم

[معماري قطري]

في محل بالريان كتر حلو
عنده صباغين وعمال و بيعمل تصميمات مجانية و طرق جديدة للدهان و اسعاره وايد روعة ومب غالية...وبيكون هو المسئول مبتتعملين مع صباغ، بتتعملين مع شركة مضمونة.

جربوه و روحوا وشوفو بالمحل كل ديكوراته يلي بيسويهم

علمنا شسمه وشجنسية اللي يشتغلون فيه، انا عني خواف ما اشوف المحل موجود ما اتصل ويجوني ناس شاطرين بس في الكلام ولا شرايك؟

[الزلزال]

بالتوفيق ان شاءالله

[marmoh]

علمنا شسمه وشجنسية اللي يشتغلون فيه، انا عني خواف ما اشوف المحل موجود ما اتصل ويجوني ناس شاطرين بس في الكلام ولا شرايك؟

محل صحبه قطري و مديره مصري...والعمال بنجال و فلبينيين و مصريين بس وايد شغلن مضبوط و انا مجربتن و بجولك عن تجربة، وكل خوات زوجي عجبن التصميمات عنا و راحولون يصممون و يجددون بيوتن.
ما بتخسر شي لو رحت شفت وبالاخر هو قرارك

[معماري قطري]

محل صحبه قطري و مديره مصري...والعمال بنجال و فلبينيين و مصريين بس وايد شغلن مضبوط و انا مجربتن و بجولك عن تجربة، وكل خوات زوجي عجبن التصميمات عنا و راحولون يصممون و يجددون بيوتن.
ما بتخسر شي لو رحت شفت وبالاخر هو قرارك

أكيد قراري بس سئلت شسم المحل، وما جاوبتي لأني عارف فيه ناس وايد يشتغلون بدون محل ويجربون في أهل قطر ... وانتي مبين مب قطرية بيسوون لج شيء زين القطري لا.

[بوالبيض]

خذ واحد تعرفه ولا عن طريق رفيجك وخذ شركه ممتازه دفع زياده ولا تروح عند شركه ما تعرفه
عن تجربه لا صج صج بتتعب تاخير وبطئي في العمل مواعيد تعبانه
موفق

[marmoh]

محل صحبه قطري و مديره مصري...والعمال بنجال و فلبينيين و مصريين بس وايد شغلن مضبوط و انا مجربتن و بجولك عن تجربة، وكل خوات زوجي عجبن التصميمات عنا و راحولون يصممون و يجددون بيوتن.
ما بتخسر شي لو رحت شفت وبالاخر هو قرارك

جبتلك اسم الشركة
ار اند بي انتريور
و موجودة بالريان القديم.

[سهم قطر]

في محل بالريان كتر حلو
عنده صباغين وعمال و بيعمل تصميمات مجانية و طرق جديدة للدهان و اسعاره وايد روعة ومب غالية...وبيكون هو المسئول مبتتعملين مع صباغ، بتتعملين مع شركة مضمونة.

جربوه و روحوا وشوفو بالمحل كل ديكوراته يلي بيسويهم

جميع مشاركاتك في المنتدى دعايه حق هالمحل

يعني مسجله في المنتدى عشان هالمحل بس


انتبهوا من هالمحل يا اخوان

[معماري قطري]

إخواني جميع السلام عليكم ورحمة الله وبركاته

حبيت أوضح نصايح مهمة حسب معلوماتي عن الصبغ الخارجي والحجر، وطبيعتنا إحنا نوثق في الكل والله مره جاني صباغ سوري قمة الإحترام وجربت صبغه وارتحت لتعامله وبديت أتابع معاه يومياً وأوقات نحتد نغير لون، وكله بدون عقد وبدون حتى تسعير بس كل شوي أعطيه دفعه، وصبغ لي البيت من داخل بذمة وزين طلع شغله، لكن يوم وصل حق برا بدأ ينقز من جهة لجهة وخلاني ما أقدر أركز معاه لأنه يصبغ هنيه شوي وهنيه شوي مع اني حاولت كل ما خلص مرحلة أشوف ويكمل، لكن كنت مستعجل وآخر البنيان وأمشي أُمور كثيرة وواصلت مع عدم قناعتي بطريقته.

بعد كم سنة إكتشفت صابغ أعمدة خارجية بصبغ زيتي مسويها مثل الرخام، وهذا الصبغ ما ينفع للخارج وبدأ يتقشر وبكثرة وبوضوح، وصبغ البيت صوب أو جزء يكون باهت مصبوغ شوي وجزء صابغه كم غاط، وطلع البيت باهت وكان اللون رملي ما بين عليه وايد، لكن خذته درس وناوي أجدد الصبغ الخارجي واجهة واجهة، وباجيب شركة نظيفة وباصبغ ملك الألوان اللون الأبيض... مثل ما عرفت إن اللون الأبيض هو اللون الوحيد المقاوم لأشعة الشمس فوق البنفسجية واللي ما يتغير بسهولة، وميزة ثانية يعكس نور الشمس ولا يمتص حرارة مثل الالوان الثانية، ومتوفر وصبغ أساسي ما يسوونه خلطة ورخيص نسبياً، عيبه الوحيد بعض الصباغين يخلطونه بجبس أو بودرة كسارات ولازم ينتبه لهم الواحد ويتابع شغلهم أول بأول.

بالنسبة للحجر مجال الغش فيه كبير، وتركيبه عندنا ما يكون جيد ولو عمر بجودة لمدة 10 سنين بيجي وقت بتطيح قطع كثيرة منه، وبمرور على بيوت قديمة مركبين حجر ركزوا شوي وبيبين لكم كم قطعه طايحة.... في الدول المنتجة للحجر يتم تركيبه بطرق ثانية مضمونه، منها انه يُبنى مع الطابوق وتنصب بينه وبين الطابوق مونة إسمنت ورمل بنسبة 1:1 مع ماي بنفس النسبة تقريباً وبحيث يكون شبه سائل لين جف يمسك قطعة الحجر مع الطابوق بقوة ما ينشال الا تكسر الإثنين، والحجر أنواع ولكل نوع مميزات ومساويء، وصراحة انا ما غامرت للحين مع الحجر في وجود أصباغ جيدة وبأسعار معقولة وومكن تغير اللون أو تجدد الصبغ بسهولة ومرات جودته تدوم أكثر من الحجر.

وسلامتكم

[marmoh]

جميع مشاركاتك في المنتدى دعايه حق هالمحل

يعني مسجله في المنتدى عشان هالمحل بس


انتبهوا من هالمحل يا اخوان

هي مب دعاية و ولو بتشوفا دعاية فيني شيل مشاركاتي!
انا بتكلم عل جربته و ما راح اكتب عن شي ماني عافاه!
الاصدقاء يسئالون حدا مجرب و هاد اللي جربته.

[سهم قطر]

هي مب دعاية و ولو بتشوفا دعاية فيني شيل مشاركاتي!
انا بتكلم عل جربته و ما راح اكتب عن شي ماني عافاه!
الاصدقاء يسئالون حدا مجرب و هاد اللي جربته.

مشاركاتك بالمنتدى عددها 13 مشاركه وجميعها بدون استثناء عن هذا المحل

هل هذا صدفه ؟؟؟؟

[قرنقووش]

صبغ داخلي ولا خارجي ولا اي مكان
ماعندك الا سفاري
شركه قديمة في قطر وله اسم وصيت
عنده معظم انواع الاصباغ وماركاتهم
اضباغ ايطاليه ويابانيه وكل شي
صبغ داخلي عندهم سان ماركو وعندهم ماركات ايطاليه مب موجوده في مكان ثاني
بس غلايا شوي من الصبغ الداخلي الايطالي مثل سان ماركو ماعتقد اقل من ٥٠ للمتر

صبغ خارجي كذلك ممتازين فيه ومايحتاج
بس الله يعينك تحصل عندهم موعد قريب ولا لا لان لهم مشاريع كبيره مثل صبغ فلل وفنادق ومشاريع

مكانهم في بن محمود
تخلي بيروت على يمينك وتمشي لين اشارات بدرية تاخذها يسار
اظن ثالث عماره على يمناك هي على لفه
تلقى تحت مكاتب مقاولات .. ادخل باب العماره واسال الناطور وبيعلمك فاي طابق



كذلك عندك رغدان والجزيره

[معماري قطري]

صبغ داخلي ولا خارجي ولا اي مكان
ماعندك الا سفاري
شركه قديمة في قطر وله اسم وصيت
عنده معظم انواع الاصباغ وماركاتهم
اضباغ ايطاليه ويابانيه وكل شي
صبغ داخلي عندهم سان ماركو وعندهم ماركات ايطاليه مب موجوده في مكان ثاني
بس غلايا شوي من الصبغ الداخلي الايطالي مثل سان ماركو ماعتقد اقل من ٥٠ للمتر

صبغ خارجي كذلك ممتازين فيه ومايحتاج
بس الله يعينك تحصل عندهم موعد قريب ولا لا لان لهم مشاريع كبيره مثل صبغ فلل وفنادق ومشاريع

مكانهم في بن محمود
تخلي بيروت على يمينك وتمشي لين اشارات بدرية تاخذها يسار
اظن ثالث عماره على يمناك هي على لفه
تلقى تحت مكاتب مقاولات .. ادخل باب العماره واسال الناطور وبيعلمك فاي طابق



كذلك عندك رغدان والجزيره


ذكرتني بموتي الله يذكرك بالشهادة ... تناقشت معاه مره وصج انسان عنده خبرة وفاهم وشكلي باخليه يصبغ بيتي مره ثانية بس أتوقع أحسن وقت للبنيان والصبغ يكون بعد فترة الأعياد ومع قرب الشتا هالأيام حر موت لا باقدر أشرف ولا هم بيشتغلون براحتهم ، وبداية الباب الخارجي يبي له صبغ ويبي لي شوية تغييرات للواجهة بإضافة قطع جي آر سي، والله يعين عالأخير مجال الغش فيه مفتوح.

[Chambray]

ارجو الالتزام بعدم وضع ارقام الهواتــــــــف

[معماري قطري]

ارجو الالتزام بعدم وضع ارقام الهواتــــــــف


إن شاء الله نلتزم بس يا إخوي أوقات يحتاج الواحد معلومة ولا حتى موقع الكتروني، والمفروض المنتدى لتبادل المعلومات والنقاش المفيد، وأشوف بعض الإخوان والله ما يقصرون في النصح وفي معلومات التواصل مع أصحاب الشأن، مثلاً شركة سفاري كانت على شارع سحيم في عمارة وانهدمت ووايد ما يدلون مكانهم وانا منهم ، وحتى رقم مديرهم ضيعته ويوم شفت المعلومات هنيه فرحت والله وقلت بتكون مرجع لي، وبعد ما سجلتها الحين إنمسحت بس زين عرفت وين المكان وباروح له.

ونتمنى الدعاية لكل شيء ناجح، لكن التسويق حق محل توه فاتح وكلمات تقول دعاية تلفزيون ما حدا عندو .. ومستورد ... وما فيه زيو هذي يمكن توضح لي وللبعض لكن نخاف ناس تنخدع، ويمكن أسبابك بعدم وضع أرقام تلفونات مبررة.

ومشكور وتسلم

[Chambray]

إن شاء الله نلتزم بس يا إخوي أوقات يحتاج الواحد معلومة ولا حتى موقع الكتروني، والمفروض المنتدى لتبادل المعلومات والنقاش المفيد، وأشوف بعض الإخوان والله ما يقصرون في النصح وفي معلومات التواصل مع أصحاب الشأن، مثلاً شركة سفاري كانت على شارع سحيم في عمارة وانهدمت ووايد ما يدلون مكانهم وانا منهم ، وحتى رقم مديرهم ضيعته ويوم شفت المعلومات هنيه فرحت والله وقلت بتكون مرجع لي، وبعد ما سجلتها الحين إنمسحت بس زين عرفت وين المكان وباروح له.

ونتمنى الدعاية لكل شيء ناجح، لكن التسويق حق محل توه فاتح وكلمات تقول دعاية تلفزيون ما حدا عندو .. ومستورد ... وما فيه زيو هذي يمكن توضح لي وللبعض لكن نخاف ناس تنخدع، ويمكن أسبابك بعدم وضع أرقام تلفونات مبررة.

ومشكور وتسلم

ادارة المنتدى غير مسؤوله عن اي عملية تجاريه
ويجب على ( التاجر ) الالتزام بقوانين المنتدى
فهناك برنامج ( تسويق ) يعمل به بهذا المنتدى يجب احترامه

نحن نتقاضى عن عرض اسماء الشركات من باب النصح
لكن اسماء وعناوين وارقام هذا يعتبر مخالف لقوانين المنتدى ..

[معماري قطري]

ادارة المنتدى غير مسؤوله عن اي عملية تجاريه
ويجب على ( التاجر ) الالتزام بقوانين المنتدى
فهناك برنامج ( تسويق ) يعمل به بهذا المنتدى يجب احترامه

نحن نتقاضى عن عرض اسماء الشركات من باب النصح
لكن اسماء وعناوين وارقام هذا يعتبر مخالف لقوانين المنتدى ..

ما دامت قوانين إن شاء الله نلتزم بها، بس سؤال لو واحد حب يوضح أكثر لشخص عن طريق الرسائل الخاصة بعد ممنوع إعطاءَه إسم ورقم شخص يتواصل معاه أو مسموح بهالشيء؟

[Chambray]

اذا اتضح لنا ان المعلن عبارة عن تاجر او قريب لتجار ويروج لتجارته سيتم التعامل معه بحسب مايراه المشرف العام والاغلب منع نظام الرسائل الخاصه والمنع عن قسم البناء والديكور ..
لكن اذا شخصي اعتقد مافيه مانع ان شاء الله ..

انا اتكلم حسب مرئياتي . يمكن المشرف العام للمنتدى يرى عكس ذلك ..