المساعد الشخصي الرقمي

مشاهدة النسخة كاملة : :::: التقشير الازرق او الاوباجي ..من جربه ؟ ::::


STAR
06-04-2012, 04:32 PM
السلام. عليكم...


حبيت استقسر من جربت او جرب التقشير الازرق. (اوباجي) ...؟!!


عند اي دكتور ؟

كم كلف العلاج ؟

كم فترة العلاج ؟

وهل النتايج كانت مرضية ؟!

هل الحبوب رجعت مرة ثانية بعد انتهاء العلاج ؟!


اتمنى تفيدوني وشكرا......
deema117
06-04-2012, 04:45 PM
مرحبا ستار

آنا جربته تقريباً قبل 6 سنوات

ما أنصحج فيه أبداً

حااااااااااااااار لدرجة حسيت أن وجهي احترق بالكامل بعد وضع الماسك

وكان الدكتور مشغل مروحة قوية جداً

الصراحة وايد قووووي ولا يحتمل أزال الجلد بالكامل بعد ما رجعت البيت !

وفالأخير رجعت الحبوب

سعره في ذاك الوقت =/ 2500 ريال

عند د. خالد البياري !!!
STAR
06-04-2012, 05:28 PM
هلا ديما ....أنا حاليا توني بتعالج عند د.خالد البياري...

من صجج 2500..!!

أنا خذ مني 4000..!!!

مادري وحده امدحته لي. من زمان وقالت ان بشرتها صارت صافية و فتح لونها....

والله أنا ضايعة ..خلاص أنا بديت العلاج معاه..توني اول اسبوع معاه..
جنة قالي افترة العلاج 6 شهور بس اخبر رفيجتي قالت لي 3 شهور...


مشكلة هالدكتور مادي ...
sweet qatar
06-04-2012, 06:23 PM
أعرف وحدة جربته ..

بشرتها لما خلصت العلاج كانت تجنن ماشالله.. هي بعد تعالجت عند البياري..

لكن حبيبتي شي طبيعي الحبوب ترجع اذا رجعت مسبباتها..

يعني اذا اهتميتي بالترطيب والابتعاد عن كل شي يهيج او يسبب الحبوب.. ان شالله ما بترجع..

بالتوفيق ان شالله..
دوحة الجميع
06-04-2012, 06:59 PM
تعتقدين بينفع التقشير للرجال عند الدكتور البياري -- خاصة اللي عنده حب الشباب
روح الاطلس
06-04-2012, 07:00 PM
اللي اعرفه ان التقشير بعد التخلص من الحبوب!! يعني يكون للاثار لكن مب علاج للحبوب

اما لو البشرة فيها حبوب ماينفع تسوين تقشير والطبيب يرفض يسوي اي معالجة لازالة الاثار الا بعد علاج الحبوب

اذا ممكن تشرحين لنا كيف طريقته؟ يحط محلول ويخليه مده ويمسحة او بجهاز؟
STAR
06-04-2012, 08:27 PM
دوحه الجميع ..اكيد طبعا يقدرون الرجال يسوونه...



اعرف اخو وحدة مسويها...




روح الاطلس لحتى اللحين هو عطاني كريمات الصبح وفليل
وقالي ماتعرض لشمس نهائيا ...

ويهي بدا يتقشر والله مادري اشلون بداوم بخرع خلق الله هههه...

قالي لازم كل اسبوع لمدة 3 اسابيع امر عليه عشان يحط لي الماسك الازرق ..وعقبها قالي اجيه كل اسبوعين...

وقالي حاليا ماحط لا مكياج او بخور او اي مواد عطرية ع الويه...

وويهي بدا يحمر ويحرقني كل ما احط الكريمات :(
روح الاطلس
06-04-2012, 11:35 PM
الماسك الازرق هاي اللي سعره ب 4الالاف؟
بالنسبه للتقشير دايما اسمع اطباء الجلديه الاجانب ماينصحون فيه لدول الخليج وخاصه بالحر ،، لو بديتي بالشتا افضل اما مع بدايه دخول الحر الحين وايد بتتعبين، بس ماجاوبتي سؤالي هل قالج للحبوب ام للاثار؟
STAR
06-04-2012, 11:40 PM
اي شفتي اشلون 4 الالف ...

أنا رايحة اتعالج للاثار ...فماجاب طاري الحبوب بس بسأله الاسبوع الياي...

هو قالي بخلي ويهج صافي وناعم وافتح وبشرتج بتصير نفس بشرة الياهل ....
ضوى
06-04-2012, 11:51 PM
الحريم معاناتهم وايد ، الله يعينا
تحداني
07-04-2012, 12:24 AM
بعد عمر معين يصير للكريم والتقشير دور جدا ضعيف اتكلم عن ما بعد ال25
اي ان الليزر هو افضل الحلول واضمنها تقريبا
مثل ما قالت روح الاطلس الغاليه في الصيف هالاشيا متعبه وايد
ليتج بديتي في الشتا .. دام توكلتي على الله اتوقع الاستشاره الان انتهى وقته ودام انج دفعتي




جملك الله برضاه
سارونه
07-04-2012, 07:06 AM
اختي الاوباجي انا استخدمته من 6 سنين استعملته من 1-10 يعني كورس كامل عند استشارية الموردة للاوباجي يعني ماخذه دورات وتعتني فيج لحد ما تخلصين مرحلة الخطر .. وبعدين تقلل عدد المستحضر الى 2

فالبداية تعبت واااااجد من التقشير كنت ابكي من الوجع :(

طبعا هو علاج للبشرة ويعطيج صفاء للبشرة ووبياض ويشيل منج اي بقع داكنه فالوجه ويشيل تجاعيد العين
بالنسبة لي كنت مبسوطه فيه واجد لاني شفت الجميع مستغرب ويقولون لي باني صغيره هههههه

عيوب الاوباجي : بانج ماتقدرين تستغنين عنه ابدا ابدا ابدا :( يعني كل ما بغيت ارتاح شهر والا شهرين رجعت بشرتي اسؤء من قبل :(

وارجع ابتدي من جديد :( كانت معاناه لي لحد الحين - طبعا الاسعار غاااااااليه جدا جدا انا خسرت كثير كثير
وفي اوقات ما حصل المستحضر فالصيدليات ارجع اتعنى لصيدليه الجمال والصحة اخر الدنيا :(

الاوباجي علاج سريع جدا وجمال طبعا بس ماتقدرون تستغنون عنه الي مايقدر على مصاريفه مايبتدي فيه ابدا

واسفه على الاطاله - حبيت افيدكم واريح قلبكم :)
كازانوفا
07-04-2012, 07:15 AM
الله يعينك يا ستاار بالذات البشره حاولي قدر الامكان ما تجهديهااا ولا تتعرض للشمس
واستمري وان شالله تلقى الشي اللى يسر قلبك وهالدكتور اسمع عنه ممتاز ولا تشيلي هم الفلوس المهم توصلي للمحتاجاه على خير ان شالله
لاجل QT
07-04-2012, 07:30 AM
جربي مايا اللى في بن عمران..وايد يمدحون تقشيرها..شوف عينى وحدة عندنا وجهها محفر حفر عميقة ..وبعد كم جلسة اختفو الحفر اظن التكلفة 5 الاف..على مدار كم شهر
راشد محمد
07-04-2012, 07:33 AM
الله يشفيج..بس انا شفت ناس سوته وبشرتها اعتدلت
حقيقه
07-04-2012, 09:20 AM
اللي سمعته انه مشكلته إجباري تستمرين على الكريمات عقب فترة العلاج

والأفضل يكون في الشتاء

وإجازه من گل شيء
غزلان
07-04-2012, 11:45 AM
تحملي تتعرضين للشمس اعرف وحده سوت تقشير عادي وتعرضت للشمس صار بوجها بقعه سودا تمت فتره تتعالج منها