قصة كروه والتكسي الخصوصي

[مشاكل]

قطيت موتري معرض سيارات في طريق سلوى ،،، وقفت فالشارع ساعه الاربع انطر تاكسي ماحصلت ،،، يامليان يانه ايسوي روحه مايشوفني ،،، قلت توكلت على الله خلني امشي الجو حلو والرياضه زينه للصحه وان كسرت خاطر حد فالشارع وقف لي ووصلني ،،،، مشيت مشيت مشيت لين وصلت اشارات الوعب ،،، الا ذاك البنغالي اللي راكب له عراوي موقف لي على بعد 100 متر تقريبا ويطالعني بالمنظره وكنه يقولي بعينه تعال حياك ،،، مشيت لين ماوصلت عنده وقال لي وين يبي يروح ؟ قلت له الشماليه قال لي اركب قلت في نفسي الحمد لله جزاك الله خير صج الدنيا فيها خير عكس اللي يصوره البعض عندنا فالمنتدى وكأنها نهاية العالم ،،، اول ماوصلنا البيت قلت له مشكور وماقصرت وجزاك الله خير يالطيب ،،، قال 20 ريال !!!! قلت له ليش ؟؟؟ قال فلوس مال توصيل ،،، قلت له هذا ممنووووع مايجوووز ( هذا لحم جلللب ههههههه ) طبعا هذي زياده بس تذكرت درب الزلق،،، المهم زعل البنغالي و قال كلش نفر الحين ترتيب تكسي خصوصي انته مافي معلوووم ،،، قالها وهو مستهزئ والابتسامه الصفراء تكسو محياه ،،، قلت لاحول ولاقوة الابالله ،،، الله يسامح كروه هي اللي خلتكم وشجعتكم تسوون جيه ،،،، ولا لو مطوره نفسها وواكبت تضاعف عدد السكان من تأسست ثلاث مرات ماكنا توهقنا فالشوارع والمشاوير ولا كنا شفناالتكسي الخصوصي

[kuwari]

على ايام البرتقالي ما كان في تكاسي خاص الله يرحم زمان اول

[ahmed jasim]

اللوم موب على كروة
اللى جاب كروة هو السبب
لما أجبرو أصحاب التاكسي البرتقالي على الأستغناء من الرخصة قبل لا يوضعون البديل
نفس الهدم اللى طايل كل الدوحة وإجبار أصحاب المحلات على الأستئجار فى بروة
التفكير عمياني
إخلق مشكلة وبعدين دور على حل

[Mohammad ALG]

الكل صار يترحم ع التكسي البرتقالي ,, والله اللي يصير له موقف يدور تكسي الله يعينه

[khaldoon]

فعلا الله يرحم ايام التكسي البرتقالي....اول ما كنا نفكر بهالمشكله و لا نحسب لها حساب و نروح و احنا لسه بالمدارس يعني صغار وين ما نبي و ضامنين ان شاء الله بنحصل تكاسي...الحين اكثر شي اكرهه اني احط سيارتي بالوكالة او التصليح و ما في عندي احد يرجعني.....بجد مثل العملية الانتحارية او انك ترمي نفسك من برج و تقول يا رب الاقي شي خلال سقوطي من فوق ينقذني

[بن غيث]

انتشار غير طبيعي لظاهرة التكسي الخاص
رغم تشديد الداخلية
ليش. ...؟؟؟؟

[alrasee]

والله يا خوي اذا تقصد من شارع سلوى لين مدينة خليفة الشمالية ترى بكروة يمكن يطلع اكثر بعد.

[R 7 A L]

مافيه أحد مايدري بهذا الموضوع
العالم شغاله
بعضهم عنده اكثر من سيارة ( عراوي ) ومستغل مواقف الاسواق او المجمعات ( للبراكنغ )

ماعندي مشكلة لا انا ولا غيري بس موضوع استغلال المواقف هو المزعج

[khaldoon]

لو يتم الضرب بيد من حديد على كل من يثبت انه يقوم بهذه الحركة يعني على الطرفين ...الراكب و السائق عن طريق عمل كمائن لهم و مخالفتهم مخالفات قاسية فأكيد هالظاهره هذه راح تقل و يمكن تنعدم ....ما تقولوا اني بقطع رزق الناس....لانه لما يحدث ان واحد يركب مع شخص من هالشكل و يصير حادث و الراكب يموت نتيجة نزيف داخلي لاحقا و يضيع حقه و حق ورثته و من يعولهم بعدين بتعرفون ايش اقصد....لازم يكون في توعية و مخالفه للطرفين علشان يتم الحد من هذه المسألة ....اللي اعرفه انه هالشي ممنوع سواء بفلوس و الا ببلاش و الدنيا ما عادت مثل اول

و ايضا لازم كروة تزيد عدد التكاسي فعلا و ما تخلينا نظل نتحسر و نتأسف على ايام التكسي البرتقالي

[الموضوعي]

بالعكس خدمه طيبه ادفع فلوس ولا انقع في الشارع او اشغل ربعي يافلان انا في المكان الفلاني تعال خذني ، فلوسي تخدمني

[doha2012]

,,


لاحول ولاقوة الا بالله


دبي .. التكاسي في كل مكان وكذا شركه .. ومانحناج نكلمهم


اهنا .. كلم واحجز وقد يجيك وقد يجيك متاخر ..



الله المستعان

[R 7 A L]

لو يتم الضرب بيد من حديد على كل من يثبت انه يقوم بهذه الحركة يعني على الطرفين ...الراكب و السائق عن طريق عمل كمائن لهم و مخالفتهم مخالفات قاسية فأكيد هالظاهره هذه راح تقل و يمكن تنعدم ....ما تقولوا اني بقطع رزق الناس....لانه لما يحدث ان واحد يركب مع شخص من هالشكل و يصير حادث و الراكب يموت نتيجة نزيف داخلي لاحقا و يضيع حقه و حق ورثته و من يعولهم بعدين بتعرفون ايش اقصد....لازم يكون في توعية و مخالفه للطرفين علشان يتم الحد من هذه المسألة ....اللي اعرفه انه هالشي ممنوع سواء بفلوس و الا ببلاش و الدنيا ما عادت مثل اول

و ايضا لازم كروة تزيد عدد التكاسي فعلا و ما تخلينا نظل نتحسر و نتأسف على ايام التكسي البرتقالي




الله أكبر

الحين الراكب
منقهر من ( كروه ) و متنقع في الشمس والغبرهـ واخرتها بعد يعاقب ؟!!!

[khaldoon]

الله أكبر

الحين الراكب
منقهر من ( كروه ) و متنقع في الشمس والغبرهـ واخرتها بعد يعاقب ؟!!!

يا الغالي...ارجوك افهم قصدي....الحين لما الراكب يطلع مع شخص و يصير معهم حادث و بعدين يترك السايق و يشوف مواصلات اخرى و يطلع عنده نزيف داخلي و يموت بعدين و ما احد درى عنه ليش مات و لا عرف انه كان موجود بحادث ما ...مين بيحفظ حق اهله و من يعولهم

الحين هالشي هذا مسموح فيه و الا ممنوع؟....هالشي قانونيا ممنوع فليش تزعل مني انا ...ازعل من اللي مانعينه و اعرف وجهة نظرهم....انا كتبت شيء لتوعية الناس و ايضاح وجهة النظر من ناحية قانونية بس مب انا اللي فرضته :shy:

[R 7 A L]

يا الغالي...ارجوك افهم قصدي....الحين لما الراكب يطلع مع شخص و يصير معهم حادث و بعدين يترك السايق و يشوف مواصلات اخرى و يطلع عنده نزيف داخلي و يموت بعدين و ما احد درى عنه ليش مات و لا عرف انه كان موجود بحادث ما ...مين بيحفظ حق اهله و من يعولهم

الحين هالشي هذا مسموح فيه و الا ممنوع؟....هالشي قانونيا ممنوع فليش تزعل مني انا ...ازعل من اللي مانعينه و اعرف وجهة نظرهم....انا كتبت شيء لتوعية الناس و ايضاح وجهة النظر من ناحية قانونية بس مب انا اللي فرضته :shy:



أفتراضك الأول حسبته قصه فلم هندي :secret:


وأفترضك الثاني غير صحيح :anger1:



صديقي
لاتخليني أزعل منك :weeping:

[khaldoon]

أفتراضك الأول حسبته قصه فلم هندي :secret:


وأفترضك الثاني غير صحيح :anger1:



صديقي
لاتخليني أزعل منك :weeping:

والله يا اخوي هو فعلا فيلم هندي بس لما يصير معاك مثلي لما تركب ناس معاك بالشغل و ببلاش راح تعرف انه الفرضيتين صحيحتين....الشرطه يمكن ما راح تقولك بالفرضيه الثانية ممنوع....بس راح تقولك جيبوه من تحت الارض :secret:

[R 7 A L]

والله يا اخوي هو فعلا فيلم هندي بس لما يصير معاك مثلي لما تركب ناس معاك بالشغل و ببلاش راح تعرف انه الفرضيتين صحيحتين....الشرطه يمكن ما راح تقولك بالفرضيه الثانية ممنوع....بس راح تقولك جيبوه من تحت الارض :secret:



عموماً
الله لايحوجنا لا أنا ولا أنت للركوب معهم

والله يبدل حال كروه للأفضل

[كلنا قطر 1981]

اخوي لو لا فشل كروة ما وجدت التكاسي الخاصه

عندي يكون في تكاسي خاصه افضل من انه يكون بس كروة لانه كروة بكل صراحه فاشله

ياخي اذا انت تبي تروح مكان و مستعجل او تعطل موترك و تبي توصيله تتصل فيهم

تنقع على الخط لين يردون عليك و عقب يقولون لك بتكون السياره عندك بعد ساعه او

ساعتين :rolleyes2:

[الأغر]

http://assawsana.com/portal/uploaded/UploadNews/101216215201019120.JPG


الحل الأمثل لتاكسي كروه ..

http://www.lebnights.net/vb/attachment.php?attachmentid=4991&stc=1&d=1190669168

[الأغر]

http://www.raya.com/mritems/images/2006/11/10/2_193557_1_205.gif

شوفوا اشحلاتهم .. ورابطين حزام الأمان واخر شي يشلونهم :( .. الله على ذيك الايام

[جلمود]

http://www.raya.com/mritems/images/2006/11/10/2_193557_1_205.gif

شوفوا اشحلاتهم .. ورابطين حزام الأمان واخر شي يشلونهم :( .. الله على ذيك الايام

ايه عليه يوديك من مدينة خليفة لين سوق واقف ب 6 ريال رررخص وكل مكان اتعينه

ولكن بالفعل انا صادني نفس الموقف في الصناعيه مشيت يمكن 4 كيلو :rolleyes2: ويمرون عليك سيارت كروه ولا يوقفون لك ,, والقهر يمر عليك وبعد مسافه من يتعداك تشوفه يوقف لي أسيوي ويركبه وتلقي مركبه 3 - 4 فالسياره كل شوي يوقف حق واحد

في الاخير الله يجزاه خير واحد من هل قطر كسرت خاطره وانا طاقها جحته وقفلي ووصلني

هذ المشكله اصبحت واضحه ولايجب السكوت عليها

[jeep-srt8]

وشفيكم ؟؟؟ خلوهم يطلعون ويترزقون وليش زعلانين انتو تعبون لهم بترول ؟؟؟؟؟؟؟؟؟؟؟

ياخي يوصلونا مشاويرنا بسعر اقل من نص سعر كروة !!!!!!!!! وهذا اصلاً اذا لقيت كروة

الله يكون بعونهم

[قرنقووش]

بالعكس افضل حتى ولو كان ممنوع
كروه ماشفنا منهم خير ..
اصلا ٢ يكرهونهم هل قطر .. كروه وكيوتل هههههههه

ايه على الميرندا :(
اخبر يومني صغير كنت اروح فيه الدكان :p

[PathFinder]

بالعكس انا احترم اللي يشتغلون تكسي خصوصي لانه في اكثر من موقف انقذوني من الشمس والحر وكروه لو انتظرها اصير هيكل عظمي.

[black@white]

ما اعتقد فيها شي اذا الكل يشتكي من قله سيارات كروه ولازم لا يعاقب صاحب التاكسي الخصوصي ولا الواحد يتبهدل بس المشكله اللي مامن السياره عند السايق ومطرشه مشوار والسايق يسويله بزنس بسياره الناس او يكونون محتاجينه وهو يسوي توصيلات

[روح الاطلس]

كروة مايوقفون للناس لان لهم رواتب ماشية مب مثل البرتقالي على قد ماتطلع فلوس على قد مايكون مدخولك، ياما توهقت العالم والسياح مع هالكروة الفاشلة، اتعس مواصلات.

بس الزبدة دفعت العشرين ولا مادفعت:p

[ANONYMOUS]

الحين لما الراكب يطلع مع شخص و يصير معهم حادث و بعدين يترك السايق و يشوف مواصلات اخرى و يطلع عنده نزيف داخلي و يموت بعدين و ما احد درى عنه ليش مات و لا عرف انه كان موجود بحادث ما ...مين بيحفظ حق اهله و من يعولهم

:shy:

يارجل محد بيكوت قبل يومه

عموما يموت ولا حد يدري عنه ويضيع حق اهله اهون من ان يتمرمط تحت رحمة كروه ماكروه

[khaldoon]

يارجل محد بيكوت قبل يومه

عموما يموت ولا حد يدري عنه ويضيع حق اهله اهون من ان يتمرمط تحت رحمة كروه ماكروه

ههههههههههههههههههههههههههههههههههههه

[ابوالكلام]

اتمنى ازدياد التكاسي الخاصة لان هذي (حوبة اهل التكاسي البرتقالية ) احتكار وكل يوم يزيد ولا مسموح حق اي احد يفتح شركة ثانية سبحان الله وبعض الناس يحارب التكاسي الخاصة انشاء الله تزيد وتتضرر كروة الشركة السيئة اليابس تأسست على أرزاق ناس بالقوة المفروض اكثر من شركة في البلاد ولاكن الاحتكار

[ابوالكلام]

بالعكس افضل حتى ولو كان ممنوع
كروه ماشفنا منهم خير ..
اصلا 2 يكرهونهم هل قطر .. كروه وكيوتل هههههههه

ايه على الميرندا :(
اخبر يومني صغير كنت اروح فيه الدكان :p



انا معاك بقوة كيوتل وكروة لأنهم شركات مدللة

[qatar.up]

انتو ليش زعلانين اصلاً التكاسي الخاصة حلت مشكلة كبيرة جداً وانا شخصياً تعرضت لموقف محرج جداً وانقذني التكسي الخاص اما كروة فلا عزاء لها ومالت عليها

[الخزرجي قطر]

من يوم وقفوا التكاسي البرتقاليه والسيارات الخاصه شغاله تكاسي
الله يرحم ايام زمان قبل كروه ماكنا نتعطل ابدا

[مشاكل]

كل الشكر لمن شارك ،،، الحل بسيط وهو زيادة اسطول سيارات كروه ،،،، وزيادة شركات المواصلات لزيادة التنافس عبر تحسين مستوى الخدمات والاسعار

[الزلزال]

الحل بسيط يفتحون شركة ثانية منافسه للكرة

[Rider]

كروة متفرغين حق الفلبينيات بس

[SLICK]

السيارات الخاصه شغاله تكسي
من قبل البرتقالي و بعده

انا اشوف الموضوع عادي و في كل الدول موجود هذا الشي