اي شركه مكيفات جنرااال او فوجي او مستوبيشي او او او

[ميلاف]

السلام علييييييييييييكم















ياجماعه تنصحوني بأي نوع من المكيفات سبلت اشي شركه
مابيها تخر ماي ولا تعور راسي ... ؟


اي شركه تنصحون ولكم مني دعوه خاصه . . ؟

[الوسيط العقاري]

فوجي ونت مغمض عينك

[Eng. khaled]

لاتفكر الا في فوجي او جنرال العمادي

[ميلاف]

مشكورين يالسهم الطايح ومهندس خالد

طيب ليش ...؟

[ASK2]

شوف عندنا في الخليج مكيفات البسن اصلح من مكيفات الرتوري لجونا
اي مكيف بستن بكون افضل من الرتوري

ومن المكيفات البستن اللي على خبري

الجنرال تبع العمادي لين الحين بستن
فوجي تبع الريس

وللعلم فوجي وجنرال شركة الام وحده وصناعه والتجميع واحد بس الفرق في الاسم وديزاين
لكن فوجي ارخص ب200 الى 300 ريال نفس الشفر والجمس

عندك دايكن اخبره بستن و كارير بعد بستن و ميتسوبيشي اخبر بستن وياباني بس سمعت ان تغير الحين
وعندك هيتاشي بعد بستن لكن الحين سمعت عندهم نوعين وقري عندهم بستن وروتوري ..

اما تقطر الماي وانسداده وسرعة الوصخ تكرمون هو على التركيب

اذا اللي يركب فنان ماراح تصيدك ذي السوالف الا اذا ماتم تنظيفه باستمرار وفي حالة تنظيف الغرفه او الصاله بالبروش لازم تسكر المكيف عشان مايدخل في الغبار ويتسدد ..

اما اذا التركيب تعبان لو وشو المكيف راح تعاني من تقطر الماي وانسداد الكيف ..

بالتوفيق ..

[السد]

السلام علييييييييييييكم

ياجماعه تنصحوني بأي نوع من المكيفات سبلت اشي شركه
مابيها تخر ماي ولا تعور راسي ... ؟

اي شركه تنصحون ولكم مني دعوه خاصه . . ؟

شوف اخوي
نقاط مهمة لتركيب المكيف السبليت
1- كل مكيف له بايب تصريف الماي بروحة يروح للمصفاية الحمام (دايركت ) ( مرفق صورة توضيحية ) موجودة اسفل المشاركة
2- تكبير بايب تصريف الماي الى انش او ثلاث ارباع
3- عمل تست لبايب تصريف الماي المكيف قبل تركيب السيراميك او البورسلان او الرخام على الارضية
4- تغطية بايب تصريف الماي باسمنت حتى لا يقومون العمال بتكسيره او احداث ثقوب في البايب عند عمل دفان الارضية
5- التاكد من بايب غاز المكيف انه واصل الى السطح قبل عمل الصبية السقف
6- التاكد من مكان فتحة تصريف الماي + الكهرباء الواصلة الى المكيف + بايب الغاز
هل هي على يمين المكيف ام يسار المكيف
لان كل شركة لها اتجاه معين فشركة فوجي مثلا اتجاهم من اليسار
7- التاكد من ارتفاع الجبس وهل تريد ان تعمل طبقة او طبقتين او عمل فقط كورنيش على الاطراف حتى تتاكد من الارتفاع المكيف
8- حساب مساحة الغرف وهل يفيد طن ونصف او طنين او طنين ونصف للغرف وذلك بالتنسيق مع مهندس تركيب المكيف
9- ان امكن عمل نقطة تشغيل المكيف بجانب مفاتيح الاضاءة في الغرفة يعني عند الباب تغلق المكيف واسئل في هذه النقطة الاستشاري والكهربائي
10- عمل ميلان ( سلوب ) لبايب المكيف حتى لا يرجع الماي الى المكيف

وبالنسبة للاختيار المكيف انا اخترت مكيفات فوجي لان خدمتهم ما بعد البيع
واهم شي يكون المكيف من نوع البستن
وعندنا في الدوحة مكيفات البستن
فوجي وجنرال وكليفينتور
وبالتوفيق
:nice::nice::nice::nice::nice::nice:

[السد]

الصورة المرفقة لتوضيح النقطة رقم 1

[كبير المتداولين]

فوجي فوجي فوجي فوجي فوجي

[ولد المنصور]

ماشالله عليك يالسد , كفيت ووافيت ........
بارك الله فيك .. بس فيه نقطه مهمه لازم عمل تنظيف للمكيف كل شهرين مره , تنظيف الفلتر سهل ومايحتاج وقت ...
انا عندي مكيف اسبلت صيني صارله 5 سنوات باااااااااااااااارد جدا مع ان الصاله كبيره واسم المكيف( ناش )

[السد]

ماشالله عليك يالسد , كفيت ووافيت ........
بارك الله فيك .. بس فيه نقطه مهمه لازم عمل تنظيف للمكيف كل شهرين مره , تنظيف الفلتر سهل ومايحتاج وقت ...
انا عندي مكيف اسبلت صيني صارله 5 سنوات باااااااااااااااارد جدا مع ان الصاله كبيره واسم المكيف( ناش )

ما عليك زود يا الغالي

[ضوى]

يعني كخدمة فوجي احسن من جنرال؟؟؟

[الزلزال]

بالتوفيق

[السد]

يعني كخدمة فوجي احسن من جنرال؟؟؟

اسئلو الملاك وهم بيجابون

[السد]

فوجي ونت مغمض عينك

:nice::nice::nice::nice::nice::nice: