ديكور خارجي لحوش الفيلا

[Mish3al qtr]

السلام عليكم اخوانى وخواتى الاعضاء
اذا حد منك يعرف حد يسوي نفس هالمناظر بالحوش او نفس هالديكورات
وشاكرلكم
http://www.7ammil.com/index.php/files/guest/76081jpg
ويكون طبعا من الفليين او الفايبر مب اسمنت الشلال او المنظر الى عالطوفه

[Mish3al qtr]

113 مشاهده ولا رد يااعضاءنا

[شموخ دائم]

,

,

مرحبا


ان شاء الله ما بيقصرون معاك

بس الصوره مو طالعه عندي واكيد مو طالعه عندهم

بالتوفيق لك

,

,


اخوك


شموخ دائم

[فريج النجادة]

عند عبدالرحمن التميمي بعد محطة لندمارك لف يمين على طول قبل الدوار الصغير

عندة فلة على اليمين وعهدة شلالات كثيرة واذا بغيت جوالة راسلني

[abdulla999]

اخوي ان شفت بيت في روضة الحمامة مسوي نفس الشي تقريباً
روح مال الزراعة وعطهم الصورة بيسون نفس الشئي مش صعبة لف البيوت بشوف احلى

[Mish3al qtr]

يعطيكم العافيه جميعا ماقصرتوا

[محمد2009]

اخوي الله يوفقك اولاا

وبعدين هذيه حديقه صغيره وفيها بعض الديكورات وبعض اللمسات والي يحددها مساحة المكان الي بتسوي عليه الي تبيه وبامكانك اضافة اشياء ثانيه والي انصحك فيه اشتر الشلال جاهز افضل لك وارخص وبالحجم الي تبيه والباقي سهل انت تفصله خشب او جبس وينصبغ على لون الخشب

وانا مستعد اسوي لك الي تبيه لانه تفصيل وانا مابي لك الخساره ولا لاي احد فروح انت اشتره جاهز افضل لك بعد متعرف المساحه الي تبيها وترى الشلالات تختلف احجامهم واشكالهم والكل له ذوقه
واخذه من الدول القريبه بعد متشوف سعره وتقارنه باسعارنا في قطر ولو تبي شي اخر بالديكورات انا حاضر وباي شي تبيه ودعواتك لنا وربي يوفقك