مشكله في ال vxr 2008 ارجو ألمساعده ،،،،،،،،،،،

[restricted_1]

السلام عليكم ورحمة الله وبركاته




المشكله ومافيها ان تانكي البترول مايعبي الفُل

لي بغيت أصب بترول حده النص

حاليا الموتر في الانصاري تشبيك كامل بس مايعرفون يحلون المشكله

الحل يا إخواني وراي سفر وما ابغي أوقف عند كل محطه

وجزاكم الله الف خير

[أبو تميم]

اخوي الاجهزة الدقيقه مالك الا الوكاله موضوعك بسيط

ولا تخلي احد يتعبث فيه بره الوكاله ابركلك

[بومحمد 00]

هاذي المشكله

في كل موديلات ٢٠٠٨ من الكروزرات

فمالك الا الشركه

لان اغلب الي أعرفهم ومن ضمنهم اخوي حلو هالمشكله في الشركه من اول ما خذو

مواترهم في التشيكااات الاولى

[restricted_1]

جزاكم الله خير يابوتميم ويابومحمد على الردود

الموتر حاليا ماشي 130000 ولا قد مره دخلته ألشركه لا تشييك ولا غيره

فياريت الي يخبر محل غير ألشركه يفيدني اكون شاكر له

وجزاكم الله خير

[restricted_1]

أظن المشكله في عوامة البترول

وأظن المشكله حلها بسيط

ومآلها دخل في شي الكتروني ومن هالقبيل

بس بغيت تفيدوني بأسم كراج *

[qatari 111]

اخوي المشكله عندك ان خزان البترول يكون فيه هوا .. والمكان اللي يطرد الهوا مسدود يبيله تنظيف خزان البترول.. خلهم ينزلون الخزان وينظفون الهوزات اللي تصرف الهوا من الوصخ .. ونصيحه عقب ما يتصلح العطل .. لا تخلي الخزان فاضي لان الوصخ يسد الهوزات .. و لين يوصل البترول الربع عبي فوول

الله يسهل امورك

[restricted_1]

جزاك الله خير اخوي قطري على الرد والتوضيح

في حد يخبر لي محل ممكن يسويه لي؟

مابي أحوس في الصناعيه على ماش

[mohamedsolyy]

اخوي أنا موتري وارد السعودية ماشي 100 الف دخلته الوكالة عادي ما ياخدوا مثل الاول فتح ملف وتغير الزيت بعد عندهم قريب من سعر برا وشوف فرع يكون فاضي يسوولك تغير الزيت في ساعة واذا مشكلتك بسيطة في نفس اليوم يسوولك الموتر .

[الـراسي]

مالك غير الوكاله اضمن

خاصة في الامور الحساسه

[restricted_1]

جزاكم الله الف خير يا إخواني على الردود

بس اكيد في محل غير الوكاله يقدر يحل المشكله

لان الوكاله اذا وديت لهم موتري ماظنتي يخلصونه في نفس اليوم

وانا عقب يومين مسافر

الله يعيين ان شاء الله

[q6ri_vip]

الوكالة مسوينه لموتري بدون ضمان ابلاش لانه عيب مصنعي

[restricted_1]

جزاك الله خير اخوي ع الرد

عاد في ظنكم اي فرع الي ماعليه ضغط

والي كانت عندهم نفس المشكله هل في نفس اليوم حلوا الموضوع ؟

[ولد المنصور]

الوكاله لاتخلي حد يتعبث في موترك ... غريبه المشكله في ال 2008 وتوك تنتبهله

[restricted_1]

الوكاله لاتخلي حد يتعبث في موترك ... غريبه المشكله في ال 2008 وتوك تنتبهله

قبل يوم العالم اتشكى بخصوص هذي المشكله موتري ماكان فيه شي

تسلم ياولد المنصور