+++ حد منكم سوى فحص دم ؟؟؟ شاركوني تجاربكم لو سمحتوا

[Dawn]

السلام عليكم

شلونكم ؟؟

بقولكم سالفتي وياريت لو تفيدوني

يوم الخميس سويت فحص للدم .. :eek3:

اول ما سحبت الممرضه الدم حسيت بحراره غريبه جدا في مكان الابره :rolleyes2: ... وبعد ما خلصت حسيت بتنميل في يدي كلها وحراره مكان الشريان اللي انسحب منه الدم :rolleyes2: ... وألم فظيع جدا :(

رحت الدوام .... :strong

توقعت ان السالفه بتنتهي بعد ما تمر ساعه والا ساعتين :unsure: .. لكن حسيت التنميل بدا يتركز في صبعي ( الخنصر ) :swoon:.. وما قدرت حتى امسك الماوس وانا اشتغل ... ويدي صارت زرقااااا وباااادره .. مت من الخوف صراحه :rolleyes2:.. وقعدت اصيح من الألم :weeping:

الحمدلله التنميل بدا يخف بعد 4 ساعات تقريبا ...

لكن للحين احس ان ذراعي مب طبيعيه

اليوم الاحد ... وللحين مب قادره افرد ذراعي بدون ما احس بالألم .. ولا اقدر اشيل شنطتي .. مم حتى كوب الشاي ما قدرت ارفعه بيدي :(

معقوله تكون الممرضه ضربت عصب ؟؟

حد منكم جرب هالحاله ؟؟ :confused:

هل ألم الذراع بعد الفحص يستمر لاكثر من يوم والا 2 ؟؟ :con2:

:rolleyes2:انا خايفه جدا جدا ان هالحاله تستمر وتكون دائمه لا سمح الله .. :weeping:

انا في انتظار تجاربكم ونصايحكم ..

دعواتكم لي بالشفاء ..

وشكرا

[Aaziz]

السلام عليكم

عادتا مع النساء يصعب ايجاد العرق المطلوب لسحب الدم . مما يظطر الممرضه احيانا لتحريك الابره يمين و يسار داخل العرق (عشان ينفتح المجرا و يصب الدم) وتحريك الابره عادتا يسبب جرح بسيط داخلي في العرق ينتج عنه زراق في منطقه الابره و احيانا يكون ازرق غامق.
ولكن لايصل الوضع الى التنميل و الالم الي ذكرتي . ولكنه عله خير اتوقع الاعراض هذي رده فعل الجسم .
لاتوسوسين و رب العالمين خلق الجسم يعالج نفسه و الجروح تلتئم .
استبعد جدا اصابه العصب .. ولا مره سمعت بهذا.
اذا استمر الالم انصح بزياره طبيب
اجر وعافية

[sara jsm]

وعليكم السلام ,,

سلامات ,, ماتشوفين شر اختي ,,
يمكن الممرضه ايدها ثقيله ,, او مثل ماقال اخوي الشهيد تحريك الابره داخل اليد ,,
مرة صارت ايدي زرقه لمدة كم يوم واحس بالم فيها ,, بس مو مثل حالتج ,,
ومرة كانوا بيسحبون مني دم ومارضى ينسحب معاهم تمت الابرة ثواني في ايدي وجاتني حاله اغماء ,,
على حسب كل جسم ,, بس ان شاءالله ماعليج شر ,,
حاولي تدهنين ايدج بزيت زيتون ,, واذا استمر الوضع اكثر راجعي المستشفى ,,
ماتشوفين شر مرة ثانية :o

[R 7 A L]

أفحصي مستوى الدم عندك

شوفي كم نسبته

[بوحمد1]

سبب الالم وتحولها الى اللون الازرق هو الابره اذا السبب معروف وهذا اهم شي وكلها كم يوم ويزول الالم

المشكله اذا كانت كل هذه الالام جات بدون سبب ( الابره ) هنا الواحد يتعجب

اجر وعافيه والله خير حافظا

[حراير قطر]

ما عليج شر اختي

روحي المستشفى واهم بيفدونج اكثر منا ...

[بوعلي2]

انا اخبر غزوني ابره بمكان حساس يمكن ثلاث شهور صادني وسواس لان كل ماقعد اتالم قلت يمكن اتم الحاله على طول لكن ربج افرجها وانتهت المعاناه بعد ثلاث شهور

كان مكان الابره يعوووووووووور ومايخف كلش واعتقد السبب لان الدكتور يحرك الابره داخل جسمنا يوسع مكانها من جذي يطول الالم والاعراض :(

ماعليج شر ان شاء الله

[غايه الطواش]

عيل ماجربتي ابره فالبلعوم ...!!! توقفين وتطيحين ..امحق ايام مرت علي

وماتشوفين شر اختي الكريمه

[بصمة قطرية]

ما عليج شر ان شاء الله حبيبتي ..
من الأبرة لا تحاتين ان شاء الله يومين بالكثير
و تروح كل هالاعراض ..
خذت ابرة ( للصداع النصفي ) من خمس شهور
لين اليوم اتألم ..
مع اني دايماً آخذها ..
بس اتوقع انها ضربتني على عرق ..

[بصمة قطرية]

:tease:
عيل ماجربتي ابره فالبلعوم ...!!! توقفين وتطيحين ..امحق ايام مرت علي

وماتشوفين شر اختي الكريمه

:(
لا حول ولا قوة الا بالله ..:(


جربت ابرتين في آخر رقبتي ..
ما قدرت ارفع راسي ..
الله لا يعودها من ايام :weeping:

[Chanel]

المستشفى على طول

[Dawn]

مرحبا
جزاكم الله خير على الافاده والنصايح ،،، انا رحت للدكتوره .. بقول لكم شصار بس ابي ارد عليكم نفر نفر ..


السلام عليكم

عادتا مع النساء يصعب ايجاد العرق المطلوب لسحب الدم . مما يظطر الممرضه احيانا لتحريك الابره يمين و يسار داخل العرق (عشان ينفتح المجرا و يصب الدم) وتحريك الابره عادتا يسبب جرح بسيط داخلي في العرق ينتج عنه زراق في منطقه الابره و احيانا يكون ازرق غامق.
ولكن لايصل الوضع الى التنميل و الالم الي ذكرتي . ولكنه عله خير اتوقع الاعراض هذي رده فعل الجسم .
لاتوسوسين و رب العالمين خلق الجسم يعالج نفسه و الجروح تلتئم .
استبعد جدا اصابه العصب .. ولا مره سمعت بهذا.
اذا استمر الالم انصح بزياره طبيب
اجر وعافية

مرحبا اخوي الشهيد جزاك الله خير وفعلا طلع كلامك صحيح الدكتوره قالت لي ان العصب بعيد عن مكان الابره ،، انا صراحه ما حسيت ان الممرضه حركت الابره في العرق بس كانت دفشه جدا ويدها ثقيله ... والأسوأ انها اسحبت من يدي اليمين .. مادري شلون انا خليتها .. صج كنت متخرعه من الممرضه شكلها عصبيه ههه :rolleyes2:



وعليكم السلام ,,

سلامات ,, ماتشوفين شر اختي ,,
يمكن الممرضه ايدها ثقيله ,, او مثل ماقال اخوي الشهيد تحريك الابره داخل اليد ,,
مرة صارت ايدي زرقه لمدة كم يوم واحس بالم فيها ,, بس مو مثل حالتج ,,
ومرة كانوا بيسحبون مني دم ومارضى ينسحب معاهم تمت الابرة ثواني في ايدي وجاتني حاله اغماء ,,
على حسب كل جسم ,, بس ان شاءالله ماعليج شر ,,
حاولي تدهنين ايدج بزيت زيتون ,, واذا استمر الوضع اكثر راجعي المستشفى ,,
ماتشوفين شر مرة ثانية :o

لا حول ولا قوة الا بالله ،، الحمدلله على سلامتج
الشر ما يجيج حبيبتي
اي والله يدها ثقيله جدا ،، ولا مره صادفني هالألم
وللحين انا اتألم ... والله حتى ساعات ودي من القهر اتحسب عليها بس بعدين اتعوذ من ابليس لانها مسكينه ما كانت تقصد انها تعور يدي ..
قبل ما اروح للدكتوره جربت احط زيت زيتون بس ما نفع ...
اشكرج على الافاده والنصيحه والدعوه الطيبه ..



أفحصي مستوى الدم عندك

شوفي كم نسبته

اي اصلا الدكتوره كتبت فحص لمستوى الدم لان شاكه ان يمكن عندي نقص بالحديد .. بشوف النتيجه بكرا باذن الله
اشكرك على المرور والافاده اخوي رحال


سبب الالم وتحولها الى اللون الازرق هو الابره اذا السبب معروف وهذا اهم شي وكلها كم يوم ويزول الالم

المشكله اذا كانت كل هذه الالام جات بدون سبب ( الابره ) هنا الواحد يتعجب

اجر وعافيه والله خير حافظا

المشكله ياخوي بوحمد ان السالفه من يوم الخميس وانا للحين حاسه بألم وبروده في يدي :(
تسلم على المرور والدعوه الطيبه



ما عليج شر اختي

روحي المستشفى واهم بيفدونج اكثر منا ...

الشر ما يجيج يارب اختي الغاليه حراير ،، انا اتصلت وقالت لي الدكتوره اذا استمر الالم لازم اروح لها ، فرحت لها لان الالم ما خف ..


انا اخبر غزوني ابره بمكان حساس يمكن ثلاث شهور صادني وسواس لان كل ماقعد اتالم قلت يمكن اتم الحاله على طول لكن ربج افرجها وانتهت المعاناه بعد ثلاث شهور

كان مكان الابره يعوووووووووور ومايخف كلش واعتقد السبب لان الدكتور يحرك الابره داخل جسمنا يوسع مكانها من جذي يطول الالم والاعراض :(

ماعليج شر ان شاء الله

الشر ما يجيك اخوي بوعلي ..
ثلاث شهور!! :rolleyes2:
الله يستر ..
اشكرك على ذكر التجربه ... والحمدلله على سلامتك


عيل ماجربتي ابره فالبلعوم ...!!! توقفين وتطيحين ..امحق ايام مرت علي

وماتشوفين شر اختي الكريمه

الشر ما يجيج حبيبتي ..
والحمدلله على سلامتج


ما عليج شر ان شاء الله حبيبتي ..
من الأبرة لا تحاتين ان شاء الله يومين بالكثير
و تروح كل هالاعراض ..
خذت ابرة ( للصداع النصفي ) من خمس شهور
لين اليوم اتألم ..
مع اني دايماً آخذها ..
بس اتوقع انها ضربتني على عرق ..

الشر ما يجيج فديتج
ياااارب يخف الالم لانه شعور صعب صعب :weeping:



:tease:

:(
لا حول ولا قوة الا بالله ..:(


جربت ابرتين في آخر رقبتي ..
ما قدرت ارفع راسي ..
الله لا يعودها من ايام :weeping:

غايه وبصمه ... :( .. اسم الله عليكم يا بنات .. الحين اصيح عليكم والا على نفسي :eek3:

الله يعافيكم ويشفيكم من كل داء يااارب ... وان شا الله ما تحتاجون هالابر مره ثانيه

واشكركم حبيباتي على المرور والافادة ،، اهتموا بصحتكم وتغذيتكم .. وعليكم بالرقيه وما تشوفون شر ..



المستشفى على طول

هلا عزيزتي شانيل .. شكرا عالنصيحه

انا رحت للدكتوره فعلا :nice:

وقالت لي انه مستحيل الابره ضربت عصب لان العصب في الجهة المقابله لمكان سحب الدم ..
قالت لي ان السبب هو جرح مكان سحب الدم وتأثر العرق اللي انسحب منه الدم ..
مم .. عطتني مرهم مسكن للالم استخدمه مرتين او 3 مرات باليوم ..

والحمدلله تطمنت ان ما صار لي شي خطير .. بس اتمنى ان الالم يخف بسرعه لاني مب قادره اطبع باليدين بشكل مريح وهذا راح يسبب لي مشكله وتأخير في الشغل :(

اشكر كل من مر ونصحني وافادني ودعى لي بدعوة طيبه .. الله يجزاكم خير ويبارك لكم في صحتكم ويشفي مرضاكم يارب .. شكرا للجميع ما قصرتوا .. :victory: