طوارئ مستشفى حمد.... الى متى؟؟؟؟؟؟؟؟؟؟؟

[haa9779]

السلام عليكم
ه\ي اول مشاركة لي في المنتدى..
مأحب الشكاوي ولكن من حر اللي شفته ..واللي جربته بنفسي
طبعا موضوع قديم ومتجدد ..طول مالعاهات اللي موجودة في طوارئ حمد للحين موجودة..
القصة.
تعرضت لحادث يعتبر بسيط يوم الجمعة الماضي(اول أمس)
بعد حالي ساعة رحت لطوارئ حمد لأن الألم بدا يزيد وصلت الساعة 10 بالليل في التسجيل
وصلت عند المرضات اللي في الاستقبال ما كنت قادرة اقع لأن الإصابة في ظهري ..أمرتني حضرة المبحلة الممرضة اللي ما فوقها فوق واللي انا رايحة أطر من عندها الخدمة اللي متطوعة حضرتها تقدمها للشعب القطري ؟؟؟؟؟؟؟؟ اني اجلس فوضحت لها اني ما أقدر لأن الإصابة في ظهري وإن في بعد إصابة في راسي وماكان عندي ألم بس لوعة..طبعا هذي علامات ما اطمن..
فصدت عني ولاكأني قلت لها هذي الأشياء
بعد جا دوري فاست لي العلامات الحيوية وقلت لها كل اللي صاير معاي وبهدوء... لكن لاحياة لمن تنادي ..جسيت اني بهيمة وما أفهم شئجدام هالعبقرية.. أعطتني رقم وكان على غرفة priority II اللي هي الحوادث؟؟؟؟؟بسية عنيفة ؟؟؟الله أعلم....
مافي الا دكتور واحد ... الرقم كان واقف على 80 لأكثر من ساعة فرحت اشوف ايش اللي صاير لقيتهم ينادون بلأسم مو بالرقم ..
أصحاب الأرقام اللي انا وحدة منهم واقفين يتفرجون ومتأملين ..
وبعده بحول ساعة صار الرقم بقدرة قادر 84 ومحد دخل الغرفة ..
وبعدها بشوي جابو الولد اللي رقمه بعج المية مع والدته ودخلو ..كان عنده جروح في الركبة بسيطة .. استغربت .. بس بعدين عرفت إن الإداري المسؤول دخله لاوجا بعد واستعجل االطبيب المحترم أن يحلصه بسرعة مسكينه أمه تعبت من؛لإنتظار اقل من ربع ساعة ؟؟؟
المريضة رقم 87 تسأل عندورها متى قالت لها الممرضة (المبجلة) إن 85و 86 داخل وهي بعدهم اصحاب هالرقمين هنود ما يعرفون عربي ولا اجليزي عد مساكين ينتظرون برع ..
يهني الله أعلم من الليما خذ دورهم..
دخلت على الدكتور واول شي كلمته بالحسنى عن حالتي وإني مو قادرة أتحمل الألم .. قال لي وايش تبيني اسوي (المحترم هندي او باكستاني ) انتظري ولا تعطليني عن شغلي ..
لأني عمري ما هاوشت أحد تحملت ألمي ورحت للطبيب المسؤول في هذاك الوقت وقلت له عن حالتي .. قال بهدوء تام ايش اسوي ما في الا طبيب واحد ..
رجعت للطبيب وقلت له اكتب لي ورقة اشغة اذاى ما عندك وقت تشوفني وأنا بعبي التشخيص
وسأته في نفس الوقت انتو على أي أساس مصنفين الحالات .. قال انت صنفي حالتك وقولي لي بلغة فيها تحدي ولا كأني زميلة مهنة) وبدون تقدير للألم اللي كنت حاسة فيه ( طبعا حيييييووووووووووان)
أخ\ت ورقة الأشعة ومزعتها ورميتها عالأرض
طلعت من المستشفى الساعة 12 باليل وبكل صعوبة ركبت السيارة وتوجهت على الأهلي وهناك طبعا المعملة تفرق .. بمجرد ماقلت لموظف الإستقبال اني مو قادرة اجلس الاممرض جايب الكرسي المتحرك وساعدني عالجلوس..
طبعا التشخيص كسر في فقرة من فقرات الظهر....
والحمد لله راسي ما في شي
في المستشفى الأهلي ما خذوا فلوس من البداية على أساس اني تعبانة وكان في احتما يدخلوني .. بس بعد ما خلص كل شي وتطمنوا رحت دفعت..
دفعت ثمن كرامتي وانسانيتي اللي انهدرت بطوارئ حمد من حيوانات ياكلون من خير هالبلد وينكرون..
شي يقهر ...:anger1::anger1:

[الموضوعي]

ومنا إلى رئيس مجلس إدارة شركة الميرة عبدالله القحطاني

[سارونه]

الف الحمد لله على سلامتج - وخطاج الشر

من البدايه كان رحتي لاي عيادة خاصة - ليه طواريء حمد تبينهم يزيدون المرض عليج
مستشفى حمد مافيه عنايه ابدا والطواريء بروحه ينزف من الاهمال والموت :anger1:
يا كثر ماتكلموا عنه ولا حياة لمن تنادي

ياريت وزيرالصحة ياخذ دوره على الطوارئ بدون علم احد ويشوف بعينه
ترا الناس الي تروح الطوارئ متوجعه ومتالمه وتبي علاج ماتبي تشتكي :anger1:

[الدوحه1]

الحل الوحيد والعملي للمشاكل الصحيه في البلد هو تسليم هذا الملف لشركه عالميه ويفضل ان تكون امريكيه او اوروبيه!!

[بصمة قطرية]

الحمدلله على سلامتج اختي ..
أجر و عافية ان شاء الله ..

تعبنا من كلمة مافي الا دكتور واحد ..!!!
و المشكلة بعد كل هالانتظار الدكتور ما يعرف شي ..!!
اش كثر مواقف صارت لي مع طواريء حمد ..
مرة ولدي طاح على راسه و بعدها داخ و تم يرجع ..
اعراض تخوف اذا الضربة في الراس ..
( و انا متعرضة لموقف قاسي جداً و مؤلم من طواريء حمد مع نفس الاصابة لأمي الله يرحمها ) ..
بكل بساطة يقولون لي انتظري الدور ..
قلبت المستشفى على راسهم قلت لهم امي راحت بسبب اهمالكم ..
ما راح انتظر تسوء حالة الولد ..
طلبت المسؤول و قلت له وقع لي انت بنفسك على ورقة انك تتحمل المسؤولية كاملة
و انا مستعدة انتظر ..

طبعاً مستحيل يوقع دخلنا على طول .. !!!
مواقف كثيرة ..
مادري متى بيحسون ان المريض ( انسان ) ,,
محد يتبلى على نفسه و يروح الطواريء يتدلع ..

[abdo222]

لا حول ولا قوه الا بالله،،، خطاج الشر وحمدلله على السلامه

[المجدم]

في طوارى مستشفى حمد ، انت متهم ومتمارض حتى تثبت براءتك

[haa9779]

أنا كان عندي شوية امل فيهم بعد ....
لكن للأسف
الصيف اللي فات كنت في أوروبا مع والدتي ومجرد ماقلت للدكتور إني طبيبة تحتفى بي وبوالدتي .. طبعا ىمعاملته وايد زينة من البداية
ونزل بسعر العلاج ... كله لأني زميلة مهنة... وبدون ما يشوف اثبات حتى..
وفي اظلخير وصلنا الى اخر الممر من عيادته ..وكأني نازله عليه من السما
مو الحبيب اللي هني لم قلت له اني زميلة قام يستهزأ أكثر..

[مضاربه]

من اصعب المواقف الي مرت علي في حياتي الي صادني في الطواري حسبي الله ونعم الوكيل قلتها في وجه الدكتوره والدكتور الي يدخل عندهم فيه عله وحده يطلع وعنده جميع الامراض ومب بعيده يصيده جنون واكتآب من قريت العنوان خنقتني العبره الله لايحوج حد لهم ان شاءالله

[@الأدعم@]

لاتجيبون لنفسكم عوار الراس المستشفى ماراح يتطور والوزير ماراح يتغير مالكم الا الخاص

[روح الاطلس]

دكتورتنا ، بمستشفى حمد الموقر اذا مالج علاقات مع الاداريين والاطباء سلمي على روحج :) هذا هو الواقع للاسف.

[غزلان]

الحمد لله على سلامتج

والله يعين ويتغير الحال للأفضل

[qrt_trading]

الحمد لله على سلامتج

هذا وانتي دكتوره عاملوج هالمعاملة فما بالج في معاملتهم للناس العاديين عندي ادفع مبلغ وقدره لعلاجي وعلاج زوجي واولادي وشغالاتي ولا اني اذل نفسي عندهم الله لا يحوجني لهم.

[فلتة زمانها]

استغفر الله هاذي وانتي دكتوره وتقولين عن الدكاتره حيوانات
لو جربتي شغل الطواري وقتها بتحسين بالضغط والمعاناة ترا الستاف
مابيدهم شي وشوفي البوليسي اللي ماشيين عليه عالعموم الحمدلله على سلامتج

[طبيب قطري]

في طوارى مستشفى حمد ، انت متهم ومتمارض حتى تثبت براءتك

ايه والله صح .. تخيل انا لاني طبيب وضعي اصعب !! ماراح تصدق رحت مرتين مره بنص الليل لماجاني وجع الزايده ومره في الويك اند. لما زلقت وطحت على ظهري ..المهم في المرتين الي رحت كنت شبه انطرد من علي الباب يقولوني دكتور فلان ويش جايبك عندنا تبي اجازه مرضيه ؟ روح عيادة الموظفين !!

[مخطط قطري]

خطاج الشر يالشيخه وحاس بالي حاسه فيه اخوي الكبير من شهرين صارله حادث بيسط ودخلناه الطوارئ
ماسائاه بكل ماتحمله الكلمه من معنى
كم ساعه بس وطلعناه ووديناه الاهلي وطبعا في فرق في المعامله عشان فلوسك
بس كمستوى طبي وتشخصي ال.... اخو.....= يعني نفس الشي

[CH Engineer]

ومنا إلى رئيس مجلس إدارة شركة الميرة عبدالله القحطاني

لحول وانا اقول ليش خسران فالميره :rolleyes2:

انا صارلي كسر باصبع رجلي وانتو بكرامه والمنطقه الي تحته قبل سنتين اتوقع الغضاريف تمزقت او مادري شسمها وتم الالم لسنه ونص
اول مادخلت ع الدكتور قعدت وطلب مني احرك صبعي طبعا ماقدرت احركه اصابعي تتحرك وهالصبع مايتحرك يعني الحالة واضحه
قام يحرك الصبع هو بنفسه ويقولي تحس بالم اكيد احس بألم!!
بعدها لا اشعه ولاشي اكيد موظف الاشعه كان يشرب شاي وماودهم يزعجونه يطالعني ومايعرف شيقول كلم الممرضة تربط مكان الكسر ومع السلامه
يعني لا اشعه ولا قالي الكسر فالعظم ولا فالعظم والغضاريف
الكسر فالعظم احتمال ياخذ شهر وتتحسن الحاله بس لو تمزق فالغضاريف ياخذ من سنه الى سنه ونص على حسب التمزق ولازم ادويه تساعد على تسريع العلاج
اهم شي ابسط اساسيات العلاج ماعنده ولا يدري وين ربي قاطه ومن جنسيه اسيويه ياهندي او باكستاني مايندرى
انا اشك انهم يشترون شهاداتهم ويدخلون بخبرة ممرض او حتى بدون خبره

[haa9779]

المشكلة قديمة وأزلية .. قبل الوزير عبدالله القحطاني
وماأظن بتحسن بعده...
إلاكان حق عيال عيالنا

[haa9779]

أحتي فلتة زمانها.. أنا قصدت طبيب الطوارئ ...وما قصدت باقي زملاء المهنة
وأزيدج من الشعر بيت هذول الأطباء الأجانب (الأغلبية)للأسف متحملينا في المستشفى علشان ياحذون التخصص... وبعدين يهاجرون أمريكا أو كندا ....
خلني مسكرة هالملف..
وعلى فكرة أنا كنت في تخصص يخليني أناوب في الطوارئ وايد ..تميت أكثر من سنة وطلعت والكل في القسم تحسف علي ....
والسبب موظفين الطوارئ ومقالبهم معانا احنا الأطباء القطريين ومع المرضى
نفذت بجلدي قبل لأحد منهم يسوي مصيبة واطيح على راسي..
والحمد لله

[طبيب قطري]

استغفر الله هاذي وانتي دكتوره وتقولين عن الدكاتره حيوانات
لو جربتي شغل الطواري وقتها بتحسين بالضغط والمعاناة ترا الستاف
مابيدهم شي وشوفي البوليسي اللي ماشيين عليه عالعموم الحمدلله على سلامتج

اختي فلته .. الموضوع ماله علاقه ببولسي (سياسة وقوانين المستشفي) ولاغيره!!!
يعني تبين تقنعينا ان قوانين المستشفي اهي السبب في الاهمال وعدم وجود حدس طبي وعدم وجود كفاءات طبيه حقيقية ؟؟؟
الله يهدي الجميع

[طبيب قطري]

أحتي فلتة زمانها.. أنا قصدت طبيب الطوارئ ...وما قصدت باقي زملاء المهنة
وأزيدج من الشعر بيت هذول الأطباء الأجانب (الأغلبية)للأسف متحملينا في المستشفى علشان ياحذون التخصص... وبعدين يهاجرون أمريكا أو كندا ....
خلني مسكرة هالملف..
وعلى فكرة أنا كنت في تخصص يخليني أناوب في الطوارئ وايد ..تميت أكثر من سنة وطلعت والكل في القسم تحسف علي ....
والسبب موظفين الطوارئ ومقالبهم معانا احنا الأطباء القطريين ومع المرضى
نفذت بجلدي قبل لأحد منهم يسوي مصيبة واطيح على راسي..
والحمد لله

كفو يادكتوره .. انا داومت بالطوارئ واعرف ان الشغل محتاج تركيز وجهد والاهم من كذا ان الطبيب يكون فعلا يحب شغله ويبي يساعد المرضي مو يشرد منهم وتحصلين الدكاتره في ستاربكس ولا في المكتبه يدرسون للامتحان !!! وينطرون الشهاده و راتب اخر الشهر واخر همهم المرضي وبعد كده يروحون بلادهم ومعاهم التخصص والفلوس!!!

[haa9779]

طبيب قطري.. شكرا
لأن مافي بوليسي تقول كلن يدخل اللي يعرفه
والكيوماتيك اللي مخسرين عليها مئات الألوف لحفظ النظام.... الموظفين نفسهممو معترفين بها
ولا في بوليس بحقران المؤيض التعبان
ولا في بولسي تقول كل اللي جايين الطوارئ يتمارضون...

[طبيب قطري]

مأساه مأساه مأساه مأساه طوارئ مستشفى حمد واقسام حمد كلها
الحالات الي تنتظر بساعات في الطواري والمواعيد بالشهور في العيادات
والدكتاتره هناك اعصابهم بارده و يرفعون الظغط
انا مستغرب وينكم يالمسؤولين

[طبيب قطري]

ومنا إلى رئيس مجلس إدارة شركة الميرة عبدالله القحطاني



http://www.almeera.com/ar/HE-Abdulla-Bin-Khalid-Al-Qahtani

:victory:

[OREO]

ما الوووم اخوي بترك مهنة الطبيب و توجهه الي تجارته الخاصه بعد ثلاثين سنه من دفن طموحاته بالمهنه الفاشله في قطرنا و ما الوم ولد عمي اللي ترك البلد و توجهه الى دوله مجاورة لمزاولة المهنه هذه ،، و ما الوم ثلاث من عيال خوالي اللي افتحولهم عيادات خاصه ،،


موووووولت يا مستشفى حمد و منها الى الاسفل ان شاءالله ،،

[OREO]

مأساه مأساه مأساه مأساه طوارئ مستشفى حمد واقسام حمد كلها
الحالات الي تنتظر بساعات في الطواري والمواعيد بالشهور في العيادات
والدكتاتره هناك اعصابهم بارده و يرفعون الظغط
انا مستغرب وينكم يالمسؤولين

لا تستغرب اخوي طبيب قطري ،، ما نقدر نلوم مستشفى حمد و لا نقدر نلوم الوزير و لا الدكاتره الاجانب و السبب ان قطرنا مستانسه من الوضع اللي احنا فيه و الدليل الشكاوي اليوميه من المواطنين و مافي اي استجابه من قطرنا لا من قريب و لا من بعيد ،،،

[بصمة قطرية]

قلبي يعورني من اتذكر الطواريء
و حالنا لما نضطر نروح الطواريء و ننتظر بالساعات
و آخرتها نبتلي بدكتور ما يعرف شي ..
يعني مرة رحت الطواري الدكتورة تكتب لي بروفين
اقول لها انا معاي حساسية في الصدر ..
سكتت وتمت تطالعني ..
قلت لاحول ولا قوة الا بالله ..

مب كل شخص عنده تأمين ..
و لا كل شخص قتدر يروح المستشفيات الخاصة ..!!!
والله حرام وضع مستشفى حمد وبالأخص الطواري يرثى له ..

[مرحوم قطر]

انا عن نفسي

لو يوقف قلبي ما اروح طواري حمد


اموت اشرف لي و العمر واحد و يومي مكتوب


و الحمدلله عيادة الشرطه موجوده اذا فيني شي رحت لهم

ادخل من الباب الاستقبال في وجهي اعطيهم رقمي و ادخل على الفحص الاولي و بعدها على طول الدكتور

اخذ ابرتي و انا مستانس و مفرفش ولا اهانات طواري حمد و لغلاغتهم


من كم يوم اختي الصغيره قالت لي تعبانه حطيت يدي على راسها حسيت حرارتها مرتفعه


رحت الصيدليه قلت لهم صخونه و و زكام و كحه ابي دوا ينزل الحراره و دوا كحه


لاني خلاص متعود في مستشفى حمد بينقعونه ساعتين ولا ثلاث و في الاخير بيقولون لنا بندول و مضاد حيوي و دوى كحه


و عندي اخت فيها ربو جاتها مره ازمه و وديتها الطواري خلونه ساعه ونص لين وجها تغير ومال للبنفسجي

وانا اتلاغه مع الدكاتره ولا في فايده الزول يقولي انتزر انتزر

اخر شي دخلوها و عطوها البيب مال الاكسجين ماعطوها الكمام


الشرطي جزاه الله خير كلمهم و مشو امورنه خخخخخخخخخخخخخخخخخ


والله مصيبه مصيبه مصيبه

[بوسلمان 2010]

الف مليون الحمدالله على السلامة وخطاك الشر مو غريبة على مستشفى حمد هذا الشي لان تاريخهم حافل


با الشكاوي عليهم الله المستعان

[طلعة الروح]

اللي انا استغربه وين الاطباء القطريين وليش نادرين لهالدرجة
وليش الاعتماد على الاطباء الاجانب ، شي مؤسف والله

[hamoor4ever]

والله احنا خلاص مانبغي شي لان الدكاتره هناك غير محاسبين ومحد يقدر ياخذ حقنا منهم الا ربك . وللاسف الخدمه جدا سيئه اعتقد احنا لو بالفلبين يمكن شفنا معامله افضل

[وطن]

سلامتج اختي
زين شنو علاج الكسر اللي في الفقرات ؟؟؟
مب لازم عملية ؟؟

ما تقدرين تكتبين شكوى رسمية على الطبيب اللي في الطوارئ ؟
خصوصا انج طبيبة واكيد لج علاقاتج بالمستشفى مع الأطباء او الادارة

[الحال مايساعد]

للأسف ... مالك حل غير لسانك والصوت العالي

[لمعة الالماس]

والمشكله يشتغلون ببرود يذبح والواحد ما يروح الطوارئ الا في حالة ضرورية او خطيرة

الافضل طوارئ الاهلي او عيادة الدوحة هناك يهتمون بالشخص ويراعونه ويدارونه

اما طوارئ حمد كنه الا الواحد يطـر منهـم !!

ياليت في مراقبة وكيمرات مراقبه تراقب تصرافات الدكاترة وتسلسل الارقام والاهمال والبرود في العلاج

[haa9779]

لأنهم قلة...
المشكلة إن هالأشكال.. رؤسائهم يغطون على كل بلاويهم..
على فكرة هم وايد..الخوة اللي يتحرجون من كليات الطب السودانية مثلا (وياكثرهم) أكثر من حريجين الثانوية العامة القطريين