السوق القطري .." بين السعوديات ..والبحرينيات " ..

[تحداني]

بسم الله وعلى بركه الله نبدأ

هم أخواتنا وإخواننا .. وجودهم نعتبره وجود عائلي أكثر من كونه وجود جغرافي
بدأت ظاهره تواجد السعوديات والبحرينيات في الأونه الأخيره تظهر على السطح بوضوح في
" السوق القطري "
نعم هناك مواهب .. هناك إبداعات .. هناك أنامل جديده .. وهناك أفكار أجمل
ولكن لماذا هم بالتحديد في قطر .. وعندما نتجول في باقي الدول نجد ان تواجدهم أقل بكثير ؟؟



هناك المزيد



جملكم الله برضاه

[Scout Sniper]

باعتقادي :
بلاد قريبه
أمان
شغل متوفر
فلوس متوفره
عليهم طلب


خصوصا انه السعوديه والبحرين نسب البطاله فيها عاليه

[تحداني]

باعتقادي :
بلاد قريبه
أمان
شغل متوفر
فلوس متوفره
عليهم طلب


خصوصا انه السعوديه والبحرين نسب البطاله فيها عاليه




حياهم الله واهلا وسهلا بهم .. الي اتكلم عنه بالتحديد هو
لما انمر فيلاجيو او لاند مارك او المول او اي مجمع تجاري
او حتى معرض من المعارض الصغيره كانت ولا الاكبيره .. نلقى التواجد السعودي والبحريني بكثره .. هالتواجد ما اعتقد مضر .. بالعكس تبادل الخبرات .. وتبادل المواهب لكن الغريب في الامر .. " الاسعار جدا متفاوته .. الجوده اقل .. تكرار تواجدهم في السنه الواحده اي قد يصل ل10 مرات والبضاعه مكرره .. "

عن نفسي شفت احد العارضات السعوديات يمكن الفرق ما بين عرضها الاول والثاني اقل من اسبوعين وبنفس المنتج
يا ترى هل بالقعل القطريات يقطون افلوسهم .. وخيرهم وايد ومب عارفين شيسون فيه
وعلى قوله هالسعوديه تشترون بدون ما ادققون ..


ولما ننزل السعوديه نادر ما تلقى قطريه عارضه منتج او خدمه
وابنفس الوقت في البحرين .. مع العلم عندنا مواهب كثيره ..



هنا السؤال


جملك الله برضاه

[ابوالكلام]

اولى من غيرهم يستاهلون ابرك من الأجانب الي يفسدون البلاد

[تحداني]

اولى من غيرهم يستاهلون ابرك من الأجانب الي يفسدون البلاد




عليهم بالعافيه اكيد يستاهلون
يقول احد التجار .. من يوم ما صارت هالمعارض .. وهالتواجد الكثيف من قبل الدول المجاوره
قلت النسبه الشرائيه عندنا .. وليت الجوده عندهم عاليه
حقيقه اكثر من فتاه تركت لي هالانطباع .. تحداني الزمن " خذت لي عبايه بــ 1500 " ريال من البحرينيه .. والله تعالي شوفي التفصيل ما يستاهل والمعروض كان اشحلاته

تحداني الزمن خذت من السعوديه اغراض نسائيه .. والله ان من فتحتها لقيتها تقليد وهي قالت لي اصلي .. " طبعا البعض "
وغير هذا لما نبحث عن نفس المنتج في بلدهم نلقى فارق سعر كبير تعدى الفوائد


عندي اهل في البحرين يقولون لي والله بناتكم قاصين عليهم :(


جملك الله برضاه

[مخطط قطري]

حياهم الله وبالعكس الشباب القطري محتاج يغير ويمكن الله يوفق راسين بالحلال
بدال هم مايرحون ويبحثون يجون لين عندهم حيه وحايه يتاجرون ويستفيدون من قطر العطاء والخير
ويجيهم نصيبهم
والشرع حلل مثني وثلاث ورابع
ولاتنسون العادات واللهجه والسلوم 1
وحبذا ياتحداني الزمن تذكرين وين بالضبط رصدتي هالظاهره في اي معارض بالذات
جملج الله برضا الرحمن وطاعته وشكره وحسن عبادته

[.خالد]

الله يحيهم بلادهم وديرتهم ... يوم كانت ديرتنا فقيرة كانوا اجدادنا يسافرون الشرقية والبحرين يطلبون الرزق والسعوديين والبحرينين استقبلوهم وعدوهم من اهلهم ..

[بصمة قطرية]

لأنهم لقوا تشجيع ..
و لقوا زباين لبضايعهم ..!!

بالرغم من انهم يضربون ضربتهم في السعر ..!!
بس سبحان الله في لهم زباين ..
مادري ليش هاللي يشترون منهم ليش ما يشغلون عقولهم شوي
و يشوفون السعر و الجودة ..!!!
أسواق البحرين والسعودية رخيصه وايد ..
و انا مجربتهم وعارفة اسعارهم بالذات سوق العبي ..!!
يعني نفس اللي شريته من البحرين بـ 500
في الدوحة 1500 ..
لو ما كان لهم زباين وبضايعهم تمشي ..
كان ما شفناهم ..!!

بالنسبة للأكشاك و المعارض
ما ادري اذا دار الانماء الاجتماعي يسمحون لهم يشاركون
مثل القطريات المنتجات اللي يشاركون في المعارض ..

[khaldoon]

والله الاسبوع الماضي صديق لي بيسألني ايش سبب التواجد الكثيف للسعوديين في قطر....قلت له ما اعرف

بخصوص موضوعج اختي ما اعرف هل السمعه المعروفه عن الاخوات القطريات هي القدرة الشرائيه العاليه عندهم و انه نسبة كبيرة منهم موظفات و يحبون الكشخة

او لانهم يسمعون انه قطر هي الدولة الاعلى دخلا للفرد على مستوى العالم

وما ننسى الاستقرار و الامان و الله يديمه على قطر و اهلها

اتوقع هذه اهم الاسباب بالاضافة طبعا الى اسباب اخرى

[مخطط قطري]

الله يحيهم بلادهم وديرتهم ... يوم كانت ديرتنا فقيرة كانوا اجدادنا يسافرون الشرقية والبحرين يطلبون الرزق والسعوديين والبحرينين استقبلوهم وعدوهم من اهلهم ..

خالد يمكن تقصد اجدادك انت بس لاتعمم على كل هل قطر يالشيخ
بنسبه لي اجدادي مافارقو قطر يوم الفقر ويوم الشين ويوم صكت الدار حواجبها صمدو وجلسو في بلادهم وعانو سموم الويل ولواهيب القيظ والفقر لانه انتمائهم وولائهم ماتغيره ظروف ولا وقت وخصوصا الاوقات الصعبه من حر وحرب ويطلبون الرزق من خالقهم لانه هو الرزاق وياخذون بالاسباب .......
مع كامل احترامنا وتقديرنا لهل الشرقيه والبحرين اللي استقبلوكم وعدوكم من اهلهم:)

[تحداني]

حياهم الله وبالعكس الشباب القطري محتاج يغير ويمكن الله يوفق راسين بالحلال
بدال هم مايرحون ويبحثون يجون لين عندهم حيه وحايه يتاجرون ويستفيدون من قطر العطاء والخير
ويجيهم نصيبهم
والشرع حلل مثني وثلاث ورابع
ولاتنسون العادات واللهجه والسلوم 1
وحبذا ياتحداني الزمن تذكرين وين بالضبط رصدتي هالظاهره في اي معارض بالذات
جملج الله برضا الرحمن وطاعته وشكره وحسن عبادته



اللهم آمين وشكرا على الدعاء والكلام الطيب اطاب الله قدرك ومكانتك
الموضوع بعيد تماما عن الزواج وعن المثنى والثلاث ورابع .. والنصيب ما تدري وين
ولا المعارض الي اتقرب ولا حتى المحافل هي الي اتبعد .. هذا قدر مكتوب عند رب العالمين


بخصوص وين شفت هالظاهره .؟؟ كل هالامثله وما عرفت وين
يمكن معاك حق ما قدرت تلمس هالظاهره بوضوح وايد مثلنا احنه النساء ..
لان عاده تواجدهم يكون تواجد نسائي وعرض منتجات نسائيه .. مثلا في فيلاجيو تلقى في الاسبوع الواحد مب اقل من 3 عارضات .. في فيلاجيو على الاقل 2 ..

الان القصه مب قصه ما نبيهم يترزقون بالعكس هذا من حقهم
والتجاره حق مكتسب للانسان .. لكن صارت ازياده عن اللزوم
وكثره التواجد يعني ان هناك اقبال عالي .. مع العلم بناتنا فيهم خبرات وفيهم ابداع .. بس ما يتبعون هالظاهره في الدول المجاوره


وصل الحال اخي الفاضل .. ان احد العارضات من هالدول المذكوره في العنوان حطت اعلان عن وجودها في الدوحه .. ورقم جوال .. وكان الاعلان في الجريده
اتصلت فيها وحده من البنات قالت لها مريني في غرفتي في احد الفنادق
اتقول احترت اروح ولا لا .. ؟؟ خذت معاها اختها اتقول الغرفه صايره كانها محل من محلات شبربوش .. اشياء ما تصدق
وغير هذا خدامه .. وناس اتقايس في الحمام اجلك الله .. وووو الخ من الاشياء المستفزه
هنا علامه استفهام كبيره ؟؟ هو ايش الي قاعد يصير
وعلى احساب من .؟؟
وهل الجهات المعنيه عندها علم ؟؟
وهالنوع من الممارسات لها مركزيه في الدوحه .. ولا الي يبي يعرض يعرض
والي يبي يشحن يشحن .. والدنيا صارت وكاله بدون بواب




الله يحيهم بلادهم وديرتهم ... يوم كانت ديرتنا فقيرة كانوا اجدادنا يسافرون الشرقية والبحرين يطلبون الرزق والسعوديين والبحرينين استقبلوهم وعدوهم من اهلهم ..




صح حياهم الله
يمكن الفارق كانت تجارتنا تجاره بر وبحر .. وتجاره اجداد .. ومنتجات وسلع متبادله بيننا وبينهم
ما كان كشك .. وظواهر تتزامن مع هالتواجد .. وسلوكيات غريبه .. وبذخ .. ومبالغات في السعر ولا اذا على وجودهم هم على العين والراس
وكلنا اهل واحباب واقارب
وما نبي نقطع رزق احد بس مجرد مشاركه في الحوار
لان بالفعل صارت ظاهره واضحه على السطح والمتتبع لهالشي راح يلاحظ



جملكم الله برضاه

[intesar]

العين على قطر.. فلا عيب من البحث عن الرزق الحلال في أي بلد كان..

[تحداني]

رزق الله واسع .. حياهم الله.. خلهم يسترزقون..




انا ما اتكلم عن ان ارض قطر ضاقت فيهم واقلوبنا ما عادت تتسع لهم
والارزاق مب بيد العباد .. انا اتكلم عن كيف تحولت لظاهره ؟؟ كيف كثر تواجدهم بطريقه احيانا تكون مستفزه ؟؟
كيف ان المبالغات صارت على احساب بناتنا ..الغير ناضجات والناضجات

انا اخبر وايد من اهل قطر يسافرون السعوديه والبحرين لانه ارخص
اشصار ألحين انقلبت الآيه قاموا وعلوا الاسعار وزاد الاقبال وقلت الجوده
اليوم تشترين شي مافيه تلك المهنيه العاليه بس شكل ..

المتتبع للمعارض وقائمه المعارض نجد ان 60 او 50 % من اهلنا البحرينيات والسعوديات
قريبا معرض هي .. اتلاحظين شي غريب عجيب .. ولا واذا جادلتي في السعر اتناظر بطريقه غريبه .. واترد عليج قطريه واتقول اخر شي كم ؟؟ ولا رخصي ؟؟ ما خبرنا " هالشي مب مستفز " طبعا لا يعمم لكن اصبحت واضحه


جملك الله برضاه

[غايه الطواش]

شوفي اختي الكريمه انا قبل كنت اتعامل مع بحرينيات واشتري العبي على 1500 و1800 ويوم رحت الخبر نفس العبي على 400 و500 ريال وجان زين الفنش مالهم نظيف فالاخير صرت ماتعامل الا مع قطريات الفنش مالهم نظيف وكواليتي وماتيريال ممتازه ....وبنات بلادي اولى ..على الاقل الموديلات مو مكرره وايد

[مخطط قطري]

انا فهمتكم!!!!! اوكي الحين وضح قصدج تحداني الزمن
الموضوع صار اكبر من قضيه انها تبي ترزق الله لانه الرزق هب عند هل قطر هم مجرد اسباب
ممكن قصدج (وصلحيلي اذا غلطان)
1- استغلال بعض السعوديات والبحرينات لبعض السذج من القطريات والبيع عليهم باعلى الاسعار
2-لاتوجد رقابه على جوده السلع ولا يوجد ضمان عليها
3- استهتارهم العجيب والغريب بمكونات وعادات المجتمع القطري ووصلت الجراءه في احدهم ان تطلب من زباينها تجيها الغرفه في الفندق والقطريه الساذجه تروح على وجهها ( يعني القطريه ماسالت عمرها هالسعوديه من جايه معه من موصلها شنهي اخلاقها شمهرتها)

[موضي قطر]

عليهم بالعافيه اكيد يستاهلون
يقول احد التجار .. من يوم ما صارت هالمعارض .. وهالتواجد الكثيف من قبل الدول المجاوره
قلت النسبه الشرائيه عندنا .. وليت الجوده عندهم عاليه
حقيقه اكثر من فتاه تركت لي هالانطباع .. تحداني الزمن " خذت لي عبايه بــ 1500 " ريال من البحرينيه .. والله تعالي شوفي التفصيل ما يستاهل والمعروض كان اشحلاته

تحداني الزمن خذت من السعوديه اغراض نسائيه .. والله ان من فتحتها لقيتها تقليد وهي قالت لي اصلي .. " طبعا البعض "
وغير هذا لما نبحث عن نفس المنتج في بلدهم نلقى فارق سعر كبير تعدى الفوائد


عندي اهل في البحرين يقولون لي والله بناتكم قاصين عليهم :(
جملك الله برضاه



الشي بالشئ يذكر من حول سنتين بالتحديد في 2010 خذت عبايه من البحرين وبصراااحه كانت رووووعه والكل يبي يفصل عليها ... توقعي عندنا في قطر قالوا بيسسون نفسها 1800 ريال .. والأعجب انا ماختها بـ 500 ريال بس :(


شفتي المقصه اللي مستانسه وشوفوني لا بسه عبايه بالشئ الفلاني :rolleyes2:

[فلتة زمانها]

مخطط ترا كلامك واقعي الحين اغلب المصممات يحجزون سويتات فالفنادق والبنات يتجمعون عندها هاي غير انه اغلب البنات مقصه وحده شاريه عباه ب3000 واكتشفت انها شاريه نفس الموديل من قبل مادري حاشها الزهايمر والا شنو ههههههه

[غايه الطواش]

انا فهمتكم!!!!! اوكي الحين وضح قصدج تحداني الزمن
الموضوع صار اكبر من قضيه انها تبي ترزق الله لانه الرزق هب عند هل قطر هم مجرد اسباب
ممكن قصدج (وصلحيلي اذا غلطان)
1- استغلال بعض السعوديات والبحرينات لبعض السذج من القطريات والبيع عليهم باعلى الاسعار
2-لاتوجد رقابه على جوده السلع ولا يوجد ضمان عليها
3- استهتارهم العجيب والغريب بمكونات وعادات المجتمع القطري ووصلت الجراءه في احدهم ان تطلب من زباينها تجيها الغرفه في الفندق والقطريه الساذجه تروح على وجهها ( يعني القطريه ماسالت عمرها هالسعوديه من جايه معه من موصلها شنهي اخلاقها شمهرتها)

مادري شلون البنات يضمون يروحون لهم الغرف !!!
حتى لو اتعامل معاها من زمان اروح لها الغرفه لا والف لا !!!

[بصمة قطرية]

مادري شلون البنات يضمون يروحون لهم الغرف !!!
حتى لو اتعامل معاها من زمان اروح لها الغرفه لا والف لا !!!

والله صادقة ..
مادري شلون يروحون لهم ..!!
اتعامل مع تاجرة كويتية من سنين ..
تجيب جلابيات ودراريع كويتية ..
المهم ..
كانت تجينا البيت و تجيب بضاعتها ..
كلمتني مرة و قالت لي جبت بضايع جديدة ..
قلت لها اوكي حياج في بيت هلي ..
قالت لا والله ما اقدر الحين انا مأجرة سويت و عارضة بضاعتي
تعالي شوفيها ..
قلت لها الله يوفقج حبيبتي اسمحي لي ما اقدر اجي ..
قالت شدعوه الكل ييجي هني ..
قلت لها : كيفهم خلهم يجونج والله يوفقج ..
بعدها بكم يوم جابت البضاعة بيت هلي ..

هم يعتبرون استقرارهم في مكان واحد اسهل بالنسبة لهم ..
بس الأمر صعب بالنسبة لنا نروح فنادق ..!!

[باراكودا]

عباية تشتريها البحرينية من شارع سويكت ب 350 ريال
وتبيعها في الدوحة ب 1500 ريال .

أنا اتوقع السبب وجود بعض الزبونات السذج في ديرتنا .

[Dana’1]

والله الاسبوع الماضي صديق لي بيسألني ايش سبب التواجد الكثيف للسعوديين في قطر....قلت له ما اعرف
سبب التواجد الكثيف هو السياحة وتغير الجو مع يوم واحد كان فية رابطة ومشجعين الهلال😊
لان السعودية كان عندها إجازة اسبوع كسر روتين🙇
والبعض ممكن يكون لة شغلة
والبعض زيارة اهل مثل أهلي زيارة وتمشية
هذا هو سبب التواجد الكثيف الاسبوع الي فاات

[بوخالد911]

رزق الهبل ..............

[تحداني]

لأنهم لقوا تشجيع ..
و لقوا زباين لبضايعهم ..!!

بالرغم من انهم يضربون ضربتهم في السعر ..!!
بس سبحان الله في لهم زباين ..
مادري ليش هاللي يشترون منهم ليش ما يشغلون عقولهم شوي
و يشوفون السعر و الجودة ..!!!
أسواق البحرين والسعودية رخيصه وايد ..
و انا مجربتهم وعارفة اسعارهم بالذات سوق العبي ..!!
يعني نفس اللي شريته من البحرين بـ 500
في الدوحة 1500 ..
لو ما كان لهم زباين وبضايعهم تمشي ..
كان ما شفناهم ..!!

بالنسبة للأكشاك و المعارض
ما ادري اذا دار الانماء الاجتماعي يسمحون لهم يشاركون
مثل القطريات المنتجات اللي يشاركون في المعارض ..





هو زياده السعر عن السعر الحقيقي امر متوقع تالي هاذي تجاره وبزنس
لكن زياده لدرجه تقدر تغطي مو بس راس المال ولا الفايده الا اضعاف اضعافه هنا الكارثه ..


حقيقه ثانيه ما نقدر ننكرها ان عندهم افكار وعندهم موديلات حلوه
لكن استغلال هالموهبه لمصالح ماديه بحته لدرجه ما تحسين بمتعه الشغل عندهم والمعروض مختلف تماما عن الي يفصلونه
في القطعه .. في الفنشينج مثل ما قالت اختي غايه
في الخياطه اعتبره خداع للمستهلك


نجي لمصيبه ثانيه اتقول برسله لج على dhl فتعالي تحملي ايضا تكاليف الارسال واذا كان في الموديل شي وسيع ولا ضيق قومي عدليه على احسابج او انتظريها إلين ما اترد


ما املاحظه حوسه ووجع راس



جملك الله برضاه

[.خالد]

خالد يمكن تقصد اجدادك انت بس لاتعمم على كل هل قطر يالشيخ
بنسبه لي اجدادي مافارقو قطر يوم الفقر ويوم الشين ويوم صكت الدار حواجبها صمدو وجلسو في بلادهم وعانو سموم الويل ولواهيب القيظ والفقر لانه انتمائهم وولائهم ماتغيره ظروف ولا وقت وخصوصا الاوقات الصعبه من حر وحرب ويطلبون الرزق من خالقهم لانه هو الرزاق وياخذون بالاسباب .......
مع كامل احترامنا وتقديرنا لهل الشرقيه والبحرين اللي استقبلوكم وعدوكم من اهلهم:)

مدري احس انك تحسست وايد يا مخطط ، انا اتكلم عن معظم قبايل قطر حضر وبدو هاجروا وراحوا وردوا ، وطلب الرزق في ارض الله ماله علاقة بعدم الانتماء والولاء و اللي قدر يصمد او يجلس هو اللي كان له رزق في هالديرة لكن لو عصر بطنه الجوع كان رحل يطلب الرزق من خالقه اللي قال اسعى ياعبدي ..ومثل ما قلنا هالامر ماله علاقة بالانتماء والولاء كل هذي المصطلحات ما كان لها وجود ذيج الايام .. واسأل اجدادك ... وارجع واقول تقديرنا لكل جيرانا من هل الخليج ... ولا تزعل يا مخطط

[تحداني]

والله الاسبوع الماضي صديق لي بيسألني ايش سبب التواجد الكثيف للسعوديين في قطر....قلت له ما اعرف

بخصوص موضوعج اختي ما اعرف هل السمعه المعروفه عن الاخوات القطريات هي القدرة الشرائيه العاليه عندهم و انه نسبة كبيرة منهم موظفات و يحبون الكشخة

او لانهم يسمعون انه قطر هي الدولة الاعلى دخلا للفرد على مستوى العالم

وما ننسى الاستقرار و الامان و الله يديمه على قطر و اهلها

اتوقع هذه اهم الاسباب بالاضافة طبعا الى اسباب اخرى





الاسبوع الي راح مثل ما قال اخد الاخوان بسبب الاجازه لان اجازه الربيع عند اهلنا في السعوديه مقسمه اسبوعين .. اسبوع ياخذونه في فتره واسبوع في فتره ثانيه
فكانت الدنيا اجازات


بخصوص بنات قطر وانا منهم والموظفات هم ايضا انا منهم
ما اقدر انكر ان مشترياتنا كثيره وانحب التغيير
ورواتبنا الحمد لله للجامعيات والثانويه زينه الله يكرم حكومتنا ويزيدهم من فضله لكن لما شفت هلي في البحرين والكويت لقيت نفس الشي
الي عنده والي ما عنده وايد الكل هاب في الموضه
وفي التعدل وفي متابعه الصيحات وصارت ثقافه ايا كانت سلبياتها وايجابياتها


لكن ما يحصل هنا في الدوحه وصل لحد الظاهره والاستغلال والاستفزاز
وصل لحد سلب مافي جيوب فتياتنا بدون وعي وادراك
مافي مانع من وجودهم لكن وجود منطقي
وجود يحمل جوده
يحمل احترام الذوق العام
وجود يحمل ان صحيح قطر ارض خصبه لكن ليست ارض هبله
العتب الاكبر ايضا علينا وعلى بناتنا
اخاف يجي يوم ما نلقى فلس واحد نسد فيه جوعنا
اللهم ادمها نعمه واحفظها من الزوال
اللهم آمين




جملك الله برضاه

[روح الاطلس]

ارتفاع الاسعار ربما لأن تأجير المساحة في المولات مرتفع .. على حد علمي 3000 ريال باليوم الواحد! غير تكلفة الشحن والجمرك طبعاً.. اشوف بعض الاكشاك من بعيد لكن ما يستهويني اشتري شي منهم .. اما من ناحية قصور العارضات القطريات فاعتقد يعود السبب اولاً لقلتهم .. ثانياً لانهم معروفات بالغالب والناس تدل اماكنهم فربما لا يحتاجون لتأجير مساحة بأحد المولات لعرض مالديهم..والله يرزق كل مجتهد بالحلال.


اما الرد الاول لمخطط قطري ضحكني وايد ولا تعليق ^_^ كلن يغني على ليلاه

[الأغر]

اشوف ان هم افضل من الفئات الأخرى اختي تحداك الزمن .. وهذا رزق ومكتوب وكلن ياخذ نصيبه لكن اهم شي الركاده في شراء البضائع وعدم الاستعجال ..وطرح طيب ولفته في محلها لكن اذا كان هالشي يستر عليهن وعلى بيوتهن فهن اولى من غيرهم .. واعتذر لتكرار الجمله

[تحداني]

شوفي اختي الكريمه انا قبل كنت اتعامل مع بحرينيات واشتري العبي على 1500 و1800 ويوم رحت الخبر نفس العبي على 400 و500 ريال وجان زين الفنش مالهم نظيف فالاخير صرت ماتعامل الا مع قطريات الفنش مالهم نظيف وكواليتي وماتيريال ممتازه ....وبنات بلادي اولى ..على الاقل الموديلات مو مكرره وايد





بناتنا مب لان المنتدى منتدى قطري هم الافضل تقريبا في الخياطه وسبحان الله هلي في البحرين يوصون على عبي من عندنا .. اقول لهم الدوحه اغلى يقولون ندري بس ارتب واضبط .. دايما اكون في الامارات عند جدتي امر محلات العبي اهناك
من ضمن المحلات الي رحت لها ( حناين ) اتوقع اتعرفينه اتقول وين الدوحه ووين خياطنا .. يوم فتحنا فرع في الدوحه لقينا الشعب القطري منبهر ابموديلاتنا بس خياطنا كلش مب عاجبهم
الشعب القطري ماهو ابهالغباء الي يشوفونا فيه ويمكن كان الاقبال زمان متزايد عليهم
بس اليوم اشوف الاقبال اقل وان زاد عند فئه فهي الفئه الي ما تعودت عليهم من زمان


سويكت وين في الخبر
ووين اسعار هالعارضات في الدوحه فرق بين السما والارض


جملك الله برضاه

[تحداني]

انا فهمتكم!!!!! اوكي الحين وضح قصدج تحداني الزمن
الموضوع صار اكبر من قضيه انها تبي ترزق الله لانه الرزق هب عند هل قطر هم مجرد اسباب
ممكن قصدج (وصلحيلي اذا غلطان)
1- استغلال بعض السعوديات والبحرينات لبعض السذج من القطريات والبيع عليهم باعلى الاسعار
2-لاتوجد رقابه على جوده السلع ولا يوجد ضمان عليها
3- استهتارهم العجيب والغريب بمكونات وعادات المجتمع القطري ووصلت الجراءه في احدهم ان تطلب من زباينها تجيها الغرفه في الفندق والقطريه الساذجه تروح على وجهها ( يعني القطريه ماسالت عمرها هالسعوديه من جايه معه من موصلها شنهي اخلاقها شمهرتها)




وغيرها وغيرها من اسباب ومبررات وسلبيات كثيره كثيره

الامر مثل ما ذكرت تعدى الرزق
لان لو كان هناك جوده عاليه بالعكس لامانع من اختيار وتجربه الذوق السعودي والبحريني وغيرهم
لكن اليوم التاجر يتعامل مع الزبون بأساليب رخيصه
الشيخه ضيفيني عندج في التلفون عشان اخبرج كل ما جيت
حياتي والله انتي ذوقج وايد عالي المره الجايه بجيب لج الي يناسب استايلج
ايش رايج اتزوريني في السعوديه وفي بيني
اقول لو تعطيني مكان في بيتج انمارس فيه التجاره ابشراكه
من شيله صارت مليونيره


هي مب حسد
هو استغلال واستفزاز
ومشاكل كثيره صارت من ورى هالكشك الاصغير الي اتشوفونه في هالمولات



جملك الله برضاه

[تحداني]

الشي بالشئ يذكر من حول سنتين بالتحديد في 2010 خذت عبايه من البحرين وبصراااحه كانت رووووعه والكل يبي يفصل عليها ... توقعي عندنا في قطر قالوا بيسسون نفسها 1800 ريال .. والأعجب انا ماختها بـ 500 ريال بس :(


شفتي المقصه اللي مستانسه وشوفوني لا بسه عبايه بالشئ الفلاني :rolleyes2:






هو كل من له حيله يحتال بإسم التجاره والربح تعالي اقول لج شي يضحك وايد
جاتنا وحده من الي انعرفهم من الحج المهم قالت راح تستقبل اهلهم في الدوحه وبعدها بتنزل السعوديه
كل وحده كانت اتزورها كانت تعطيها صوغتها من بين الصوغه ( ايلال الصلاه )
مرت الايام الا اشوف جارتنا مع امي في الصاله وعندهم هالكرتون
اقول لهم شنو هذا ؟؟
يقولون لي تعالي اخذي كم وحده معاج الدوام
يمه من صجج اخذ معاي ( ايلال صلاه ) الدوام
ردت الوالده اي وعليه عليها تبي تترزق
قلت لها تترزق في الوسط العائلي مب اشل هالاغراض معاي اهني واهناك .. عصبت وقالت خلاص روحي

قلت لها انزين على كم ؟؟ قالت 180 ريال
اشدعوه يمه 180 هذا حده حده 25
اتقول اي سعره 25 بس تبي تربح
يخرب بيت اليهود تربح هالكثر والله شرط ما يشترون
ما وعيت في غضون يومين الكرتون رد فاضي من الجيران والاهل



مشكله سوالف الحريم والله مشكله




جملك الله برضاه

[R 7 A L]

لان بضاعتهم ممتازة
واكثر من رائعة
ورخيصه
وشكراً

[مخطط قطري]

مدري احس انك تحسست وايد يا مخطط ، انا اتكلم عن معظم قبايل قطر حضر وبدو هاجروا وراحوا وردوا ، وطلب الرزق في ارض الله ماله علاقة بعدم الانتماء والولاء و اللي قدر يصمد او يجلس هو اللي كان له رزق في هالديرة لكن لو عصر بطنه الجوع كان رحل يطلب الرزق من خالقه اللي قال اسعى ياعبدي ..ومثل ما قلنا هالامر ماله علاقة بالانتماء والولاء كل هذي المصطلحات ما كان لها وجود ذيج الايام .. واسأل اجدادك ... وارجع واقول تقديرنا لكل جيرانا من هل الخليج ... ولا تزعل يا مخطط

لا فديت خشمك مازعلت وبالعكس عزيز وغالي بس تحظفي انك عممت في ناس راحت وفي ناس بقت وكلنا هل قطر واخوان وبني عم وجيران واتفق معاك في جزئيه المصطلحات هذي مب موجوده في هذيك الايام ولاهوب قصور في الي راحو ونعم فيهم ولانشك في ولائهم ولا انتمائهم هم بعد هل قطر ووطنيتهم وحبهم لقطر مايقل عن الي جلسو في قطر ايام القحط والفقر
واجدادي واجدادك لو تحسبها حسبه بسيطه يانهم عيال عم ولا جيران لانه قبل 80 سنه بس
عدد سكان قطر لايتجاوز 16 الف نسمه (المصدر حكومة المملكة المتحدة)
وكلن يعرف الثاني
واذا استحسيت تراها من غاريه على هل قطر الي انا وانت منهم ولاتفهمها عنصريه والله يرحم الشيبان ويغفرلهم هم الخير وعسى الله لايفرقنا كقطررين

[تحداني]

مخطط ترا كلامك واقعي الحين اغلب المصممات يحجزون سويتات فالفنادق والبنات يتجمعون عندها هاي غير انه اغلب البنات مقصه وحده شاريه عباه ب3000 واكتشفت انها شاريه نفس الموديل من قبل مادري حاشها الزهايمر والا شنو ههههههه




مب بس غرف وسويت الا اضافات وعزايم وسهرات كله كله بإسم التجاره
صارت هالظاهره مزعجه وايد .. لو افترضنا اجار المساحه مثل ما اتقول روح الاطلس 3000 ريال .. هاذي عوضت سعر الاجار بقطعه وحده
ما اعتقد ان سعر المساحه المخصصه للعرض 3000


خلي الزهايمر قولي الا سباق الهوس الي طارد الجميع
كل وحده تبي اتكون احسن من الثانيه
وكل وحده تبي تلبس اغرب من الثانيه
دخلت امس محل ولا تدرين بأجل هالسالفه بعد اشوي




انتي وينج ؟؟ :)


جملك الله برضاه

[تحداني]

لان بضاعتهم ممتازة
واكثر من رائعة
ورخيصه
وشكراً





اسإلنا احنه البنات نشتري وانشوف وانعرف انميز الراقي من بضاعه اي كلام
نادر ونادر جدا تجد شي رائع


في موضوع مشترياتكم لاختي بصمه قطريه
خذت حلق من سعوديه بس حذفت المشاركه
الحلق خذته من وحده سعوديه اتشوفه اتقول الله اشحلاته
حقيقه لما شفته قلت هذا شغل بروفشنال ومب اي كلام وخاصه اشتري هالاشيا وايد فعارفه القطعه
لبسته في مناسبه قريبه ما وعيت الا الحلق في صوب واللابره الي تنحط في الاذن في صوب
شنو هاي ؟؟
اتصلت فيها قلت لها متى جايه الدوحه ؟؟
قالت يا قلبي لبى قلبج جايه جايه دوبي طالعه من السفريات
احتمال بعد يومين او تلاته
المهم التقيت فيها وقلها ابي فلوسي
تغيرت مليون بالميه وقالت مافي شي
وتغير لبى قلبك الين وجع في قلبك على ما اعتقد


مب هذا غش وكذب واستفزاز
الحين شتسوي فيها ترضخها تكسر راسها تتعوذ من الشيطان




وسعره كان اكثر من 1700 ريال
لو تحلم ما يشترون من عندها السعوديات



جملك الله برضاه

[.خالد]

لا فديت خشمك مازعلت وبالعكس عزيز وغالي بس تحظفي انك عممت في ناس راحت وفي ناس بقت وكلنا هل قطر واخوان وبني عم وجيران واتفق معاك في جزئيه المصطلحات هذي مب موجوده في هذيك الايام ولاهوب قصور في الي راحو ونعم فيهم ولانشك في ولائهم ولا انتمائهم هم بعد هل قطر ووطنيتهم وحبهم لقطر مايقل عن الي جلسو في قطر ايام القحط والفقر
واجدادي واجدادك لو تحسبها حسبه بسيطه يانهم عيال عم ولا جيران لانه قبل 80 سنه بس
عدد سكان قطر لايتجاوز 16 الف نسمه (المصدر حكومة المملكة المتحدة)
وكلن يعرف الثاني
واذا استحسيت تراها من غاريه على هل قطر الي انا وانت منهم ولاتفهمها عنصريه والله يرحم الشيبان ويغفرلهم هم الخير وعسى الله لايفرقنا كقطررين
يزاك الله الف خير يا مخطط قطري وهذا بلا شك من طيب اصلك واسمحلي اذا فهمتك غلط بس كان هدفي من المشاركة اني اذكر المشاركين ان طلب الرزق كيف ما كان ووين ما كان مب عيب طالما انه رزق حلال ، واشكرك اخوي..

[تحداني]

عباية تشتريها البحرينية من شارع سويكت ب 350 ريال
وتبيعها في الدوحة ب 1500 ريال .

أنا اتوقع السبب وجود بعض الزبونات السذج في ديرتنا .





ما نقدر نقول سذج بمعنى سذج .. بس في ناس ما يسافرون ابد
فمايكون عندهم علم او خبر بالسوق السعودي
فتلقى في هالكشك بضاعه نوعا ما مختلفه ومن خارج الدوحه
ويمكن ما اتكون مكرره واتحط مبررات كثيره للسعر العالي
مع العلم لو تعرف حقيقه هالمبررات شنو ما اعتقد راح تاخذ قطعه وحده




جملك الله برضاه

[تحداني]

سبب التواجد الكثيف هو السياحة وتغير الجو مع يوم واحد كان فية رابطة ومشجعين الهلال😊
لان السعودية كان عندها إجازة اسبوع كسر روتين🙇
والبعض ممكن يكون لة شغلة
والبعض زيارة اهل مثل أهلي زيارة وتمشية
هذا هو سبب التواجد الكثيف الاسبوع الي فاات





معاك حق
واهلا وسهلا فيهم وحياهم الله



جملك الله برضاه

[تحداني]

رزق الهبل ..............



:(
:(

[تحداني]

ارتفاع الاسعار ربما لأن تأجير المساحة في المولات مرتفع .. على حد علمي 3000 ريال باليوم الواحد! غير تكلفة الشحن والجمرك طبعاً.. اشوف بعض الاكشاك من بعيد لكن ما يستهويني اشتري شي منهم .. اما من ناحية قصور العارضات القطريات فاعتقد يعود السبب اولاً لقلتهم .. ثانياً لانهم معروفات بالغالب والناس تدل اماكنهم فربما لا يحتاجون لتأجير مساحة بأحد المولات لعرض مالديهم..والله يرزق كل مجتهد بالحلال.


اما الرد الاول لمخطط قطري ضحكني وايد ولا تعليق ^_^ كلن يغني على ليلاه




ما اعتقد اختي روح الاطلس ان السعر 3000 ريال ولو طلع هالرقم صحيح
عيل ابشري طلعت قيمه الاجار وقيمه السكن وقيمه التذاكر وقيمه التلفون وقيمه الاكل ابقطعتين عليها بالعافيه
انا اليوم والبعض من الاخوات ما عندنا اعتراض على التجاره وعلى ممارستها لكن ما تكون ابهالطريقه .. جربي لو عندج وقت اتمرين كشك من هالاكشاك راح اتعرفين ايش اقصد
ألحين سويره عاديه كلش عاديه يمكن تلقينها في اي محل اكسسسوارات عالي الجوده 300 ريال
انا اتكلم عن الي مثل الاخيوط او الجلد
تلقينه عندهم 500 .. ريال

ممكن تلقين عبايه ساده
ساده بمعنى بس فيها قصه عندهم ابألف تسألينها ليش ؟؟
اتقول انا ابدأ 1000 اشدعوه فيها ابدأ وانتهي
اتقول اي اي شي اتشوفينه هو الف وطالع
يعني حتى لو ما كان فيه شي
اقول في قلبي خير ان شاء الله في البحرين يشترونه من عندج 1000 يمكن 200 ما يشترون


سألت بنات خالتي في البحرين عن صاحبه هالمحل
قالت لي بس اتجين البحرين ذكريني انمر محلها
والله رحت معاها هو عباره عن بيت في الرفاع اصغيرررررر وامسويه احذاه غرفه اصغيره وفيه خياط .. مب عيب ابدا تترزق
بس يوم سألتها في الدوحه ليش العبي غاليه
قالت والله اختي اجار المحل والماي والكهرب والعمال والخام والديكور انا قلت مسكينه هذا محلها له اول وماله اخر


مب هذا ظلم في حقنا :( يعني عشان ان عندنا فلوس جذي يعاملونا



اما على طاري القطريات والله في اكثر من مناسبه اقصد فيها المعارض شفت شغلهم ما صدقت ولا كنت اعرف عنهم .. وعاده يستخدمون الفلكر حدهم او من خلال الصديقات مع العلم في اساليب كثيره بس هم للحين ما خطو هالخطوه ومهما يكون هم بناتنا




جملك الله برضاه

[ام السعف]

باعتقادي :
بلاد قريبه
أمان
شغل متوفر
فلوس متوفره
عليهم طلب


خصوصا انه السعوديه والبحرين نسب البطاله فيها عاليه

:nice:

[ام السعف]

أوبس نسيت اضيف

وحريم قطر اللي عندهم بيزات يموتون في الغالي

[ParadEyes]

اهلين اختي تحداني الزمن
اكون صريحة معاج..وحدة بحرينية من معارفي قالت لي اياها بصريح العبارة عن نظرية البحرينيات.. "اللي تبي تنجح تبيع عبي بالالاف على بنات قطر المينن" :( طبعا قالتها اهانة و استهانة و اغلبهم ينظرون لنا هالنظرة..بس للاسف بناتنا اللي عطوهم مجال للاستغلال

:rolleyes2: وحدة من هلي ماخذه عباية من سعودية ب 10 الاف

[ام السعف]

اهلين اختي تحداني الزمن
اكون صريحة معاج..وحدة بحرينية من معارفي قالت لي اياها بصريح العبارة عن نظرية البحرينيات.. "اللي تبي تنجح تبيع عبي بالالاف على بنات قطر المينن" :( طبعا قالتها اهانة و استهانة و اغلبهم ينظرون لنا هالنظرة..بس للاسف بناتنا اللي عطوهم مجال للاستغلال

:rolleyes2: وحدة من هلي ماخذه عباية من سعودية ب 10 الاف

الحمدلله اني طلعت بفايدة اني عيوز واني ما عندي هالفلوس
علشان ما ينقال عني بنات قطر المينن:(

[تحداني]

اشوف ان هم افضل من الفئات الأخرى اختي تحداك الزمن .. وهذا رزق ومكتوب وكلن ياخذ نصيبه لكن اهم شي الركاده في شراء البضائع وعدم الاستعجال ..وطرح طيب ولفته في محلها لكن اذا كان هالشي يستر عليهن وعلى بيوتهن فهن اولى من غيرهم .. واعتذر لتكرار الجمله





كررت كثير في الموضوع من حق اي شخص يمارس ما يرغب به يمارسه بمهنيه عاليه
مهنيه الجوده .. وصدق التعامل .. وعدم المبالغه
والحمد لله المساحات ماهي شاسعه بين الدول الخليجيه عشان صعب نقيس فيها المفارقات .. بس في ناس حابه تلبس من تصاميم البحرينيه والسعوديه والاماراتيه .. ليه اذا زاد الاقبال عليهم زاد الطمع وكأنهم في سباق مع السعر ..

سألت وحده وانا اذكر امثله كثيره لاني كان لي تجارب اكثر
كون هلي متواجدين في اكثر من دوله والمنتجات الخليجيه احب التفت لها لو من باب الفضول ومتابعه ابداع البعض من الفتيات

قلت لها اختي انتوا تشحنون الاغراض ؟؟
قالت وين نشحن تحداني لا انحطها مع اغراضنا وهي شنطه ولا شنطتين ..
انزين ليش ما اتجيبون كميه مب انتوا تاجرات ؟؟
قالت لا وين تاجرات احنه انسوي كمن قطعه ونعرضها ما اتشوفين ما انبيع جاهز كله طلبيات ؟؟
انزين وين اتودون هالطلبيات ؟؟
الي عندها خياط اتخيطه في خياطها في البيت
والي ما عندها اتوديه اي محل في السعوديه او البحرين ومشي حالج ... اكيد رباحنه وايد حتى لو الخياط ثاني اكيد
ولا انا جايه الدوحه ليش ؟؟

هي لف ودوران وحيل غريبه
التاجر الحقيقي هو يجب ان تكون اعماله مبنيه على اساسيات قويه بمعنى تملك كل شي مب اخذ من اهني واطلب القطع من السعوديه وخيطي من خياط عادي في الفريج الافلاني
وارسليه الدوحه باسم ( محلات التهاني )
والتهاني ما كان لهم اي دور غير ارباح خياليه




مب هذا استفزاز ما بعده استفزاز



جملك الله برضاه

[تحداني]

أوبس نسيت اضيف

وحريم قطر اللي عندهم بيزات يموتون في الغالي





الي عندهم بيزات والي ما عندهم بيزات يموتون في هالاشيا
( غالي ... غريب .. ماركه .. كارتير .. بولغري .. رولكس )


الحاله صعبه وايد



جملك الله برضاه

[ParadEyes]

الحمدلله اني طلعت بفايدة اني عيوز واني ما عندي هالفلوس
علشان ما ينقال عني بنات قطر المينن:(

ههههههههههههه



لا الحين البحرينيين مطلعين علينا لقب جديد :( "القطاروة"

[تحداني]

اهلين اختي تحداني الزمن
اكون صريحة معاج..وحدة بحرينية من معارفي قالت لي اياها بصريح العبارة عن نظرية البحرينيات.. "اللي تبي تنجح تبيع عبي بالالاف على بنات قطر المينن" :( طبعا قالتها اهانة و استهانة و اغلبهم ينظرون لنا هالنظرة..بس للاسف بناتنا اللي عطوهم مجال للاستغلال

:rolleyes2: وحدة من هلي ماخذه عباية من سعودية ب 10 الاف


البعض الاكثر من بناتنا عرضونا للاستفزاز والاطنازه والمسخره والكلام الي يبط الجبد
حتى لو جيتي اترقعين واتعدلين واتغطين ما تقدرين لان معاهم حق


طلعنا امينن

:(


تدرين في الامارات شيقولون عن شبابنا اشحلاه ثوبهم اشحلاته
ويتعنون الدوحه وعمرنا ما رفعنا عليهم الاسعار
فرق وايد في التعامل مع السوق القطري بين الرجل والمرأه


اذبحتهم المظاهر


جملك الله برضاه

[تحداني]

الحمدلله اني طلعت بفايدة اني عيوز واني ما عندي هالفلوس
علشان ما ينقال عني بنات قطر المينن:(




انتي ابنعمه ما بعدها نعمه بس اهم شي ما تستخفين وتلبيسن نفس فستانها بمليون واشويه
مهو البعض كل ما يكبر يخرف زياده



جملك الله برضاه

[تحداني]

ههههههههههههه



لا الحين البحرينيين مطلعين علينا لقب جديد :( "القطاروة"




يحصل لهم يحصولون واحد من هالاقطاروه:shy: .. اما عليهم مسميات غريبه عجيبه



جملك الله برضاه

[ام السعف]

ههههههههههههه



لا الحين البحرينيين مطلعين علينا لقب جديد :( "القطاروة"

قطاروة سمعتها من 18 سنة يوم قطر طرشت طيارة للهند
ترد القطريين من هناك لأن انتشر الطاعون عندهم
فالبحرنيين قالوا القطاروة حكومتهم تحبهم :telephone:

[ام السعف]

انتي ابنعمه ما بعدها نعمه بس اهم شي ما تستخفين وتلبيسن نفس فستانها بمليون واشويه
مهو البعض كل ما يكبر يخرف زياده



جملك الله برضاه

:unsure:

[Dawn]

عالاقل خليجيات مسلمات محتشمات خليهم يترزقون يمكن يصرفون على زوج او اخ عاطل عن العمل بسبب ظروف دولهم الصعبه ،،،، احسن من مقصة اللبنانيات ( واللبنانيين ) اللي نصبهم وبوقهم على مستوى عالي جدا من الحرفيه ..

[ParadEyes]

قطاروة سمعتها من 18 سنة يوم قطر طرشت طيارة للهند
ترد القطريين من هناك لأن انتشر الطاعون عندهم
فالبحرنيين قالوا القطاروة حكومتهم تحبهم :telephone:

صج !
ماشالله عليج.. اول مرة اسمع هالقصة
خبرج ما لحقت لاني من جيل بنات قطر المينن :(

[بو خليفه 123]

اسمحيلي اعيد صياغة تساؤلك يا تحداني

لماذا منتجاتهم تباع في الدول المجاوره على 500 ريال و في قطر يزيدون صفر على اليمين

[Aaziz]

السلام عليكم

يمكن لي وجهة نظر مغايره قليلا او بمعنى اخر نظره اشمل .

في اعتقادي ان الموضوع هذا هو احد اوجه الاستغلال الي نتعرض له احنا كمواطنين و كبلد . و الدوله تتحمل كامل المسؤوليه .

كيف ؟

من الاسياد بدا هذا الموضوع .. قامت مشاريع عملاقه في اوقات قياسيه واخر مايسئلون عنه ربعنا هو التكلفه و من الاسياد و احنا من سيء الى اسواء بهذا الخصوص.. و الى ايامنا هذه و ماتتحدثين عنه اختي تحداني هو احد اوجه الاستغلال او نسمه باي اسم الطف كون الطرف الاخر في موضوعك هو جار و اخ لنا .

الى درجه انه احنا كقطريين أو أقصد قطر اصبحنا معروفين في العالم ولا ابالغ ابدا .. عندما يسمعون ان مشروع او مناقصه طرحت في قطر هذا يعني (بيضه في القفص) كما يقولون . وهذا يعني ضرب معدل الربح في 4 او 5 على اقل تقدير.
ختاما الدولة مشت في سياسه ما و للاسف التصقت هذه السمعه عنا و نحن سنتحمل نتيجه هذه الفكره المأخوذه عنا كشعب و كدولة .

[تحداني]

قطاروة سمعتها من 18 سنة يوم قطر طرشت طيارة للهند
ترد القطريين من هناك لأن انتشر الطاعون عندهم
فالبحرنيين قالوا القطاروة حكومتهم تحبهم :telephone:


عن السوالف :) .. انا ما عمري سمعت ابهالسالفه ابدا .. خير شر
اليوم متسببه



:unsure:



:pic:


عالاقل خليجيات مسلمات محتشمات خليهم يترزقون يمكن يصرفون على زوج او اخ عاطل عن العمل بسبب ظروف دولهم الصعبه ،،،، احسن من مقصة اللبنانيات ( واللبنانيين ) اللي نصبهم وبوقهم على مستوى عالي جدا من الحرفيه ..


عليهم بالعافيه اختي الكريمه
ولو قرأتي او يمكن قرأتي كل المداخلات وما قدرت اوصل الفكره بطريقه سهله
القصه مب قصه قطع ارزاق .. وحسد .. وتذمر .. والاعتراض لمجرد الاعتراض
القصه ان من حق الجميع ممارسه ما يحلو لهم لكن بعقلانيه
وبطريقه يقبلها الضمير قبل المال
انا ممكن ابيع اي منتج واذا رب العالمين كتب لي فيه رزق راح يجيني
لكن استفزاز ومعامله الغير على انهم وسيله مربحه للغايه لان ابلادهم ابلاد عز
وبنات " امينن " وكل شي يمشي عليهم ما يصير
احنه اهل واحباب واقارب .. فليه هالتعامل الغريب
اعتقد ان كان التعامل مع الجنسيه الي ذكرتيها فيها شي من التذمر
علاقتنا مع الخليج اعمق بكثير .. واصدق بكثير وتربطنا قيم متشابهه وعادات وتقاليد واعرف وظروف وحده مع فارق الامتيازات

كلام اخوي بوخليفه يمكن يقرب المعنى أكثر



صج !
ماشالله عليج.. اول مرة اسمع هالقصة
خبرج ما لحقت لاني من جيل بنات قطر المينن :(



هي دفعه القحط .. والفنر .. والامطوع .. والفرجان
تلقين بعد إتألف من عندها سوالف ..
يمكن معلومتها صحيحه خل اتجينا استلموها تحقيق .. واسئله



اسمحيلي اعيد صياغة تساؤلك يا تحداني

لماذا منتجاتهم تباع في الدول المجاوره على 500 ريال و في قطر يزيدون صفر على اليمين




في معرض والله ما اذكر اسمه او تحت اي مسمى .. نفسهم البحرينيات نلقاهم بالسعوديه
ويجون الدوحه هم السعوديات والبحرينيات .. والله ان اتبيع عليهم ابفارق سعر بسيط
عندي بنت خالتي في السعوديه اتقول خذت من البحرينيه اشيا اتخبل
عاد سوالف الحريم وكل وحده اتقول وريني واشتري لي
قلت لها هاذي كانت عندنا جابتها قطريه وسوت مثل هالعرض في فيله من الفلل
والسعر كان اضعاف اضعافه

ردت اي بنات قطر" يشترون " ولو ما يشترون ما يجون لج كل يومين
ومافي شي عندهم اقل من ألف

تعلموا عليكم انتوا اصحاب الألوف المؤلفه
قلت لها صلي على النبي حسستيني انتي مب قطريه ..؟؟
قالت اي بس بعد ما رحت السعوديه تعلمت شنو معنى السوق .. واشلون شكل المشتريات
والفرق الكبير الحاصل ما بين البذخ المبالغ فيه لاشياء سخيفه
ولبذخ في حدود المنطق والعقل


ولو مب جذي تعالي شوفي يوم الخميس والجمعه والسبت
سويكت مافي محط رجل .. لا وازيدج بعد يرفعون عليكم السعر هالمحلات
القطريين بالنسبه لهم فرصه ذهبيه

طلعنا مثل التجوري المتنقل لهم :(
وايد متعب هالاحساس

واتقول بعد فوق هذا بخاشيشكم توصل من 100 وطالع
والله بطرانين :(


جملكم الله برضاه

[sweet qatar]

عزيزتي تحداني..

ماشوفها بيج ديل.. هي تجارة..

فيهم الي تخاف الله وتبي الكسب الحلال وفيهم الي تطمع..

الي يقهر لما تسمعين كلام جارح ما ينقال..
و يغلطون على حريمنا وبناتنا ويستلمونهم.. ولا الفلوس دامها بالحلال الله يهنيهم فيها..


عن نفسي اشتري التعامل الحلو قبل البضاعة..
يعني ما عندي مشكلة في الي يبي يربح من وراي لو مكسبه بالآلاف.. لكن لايغشني أو يستغلني..

مثلا ممكن بعض التاجرات يجيبون لج ماركات ما تتوفر الا في أمريكا.. فحلال عليها لو حطت السعر الي تبيه.. المهم اني اعرف البضاعة اصلا كم تسوى.. وراضية بسعرها..

[تحداني]

عزيزتي تحداني..

ماشوفها بيج ديل.. هي تجارة..

فيهم الي تخاف الله وتبي الكسب الحلال وفيهم الي تطمع..

الي يقهر لما تسمعين كلام جارح ما ينقال..
و يغلطون على حريمنا وبناتنا ويستلمونهم.. ولا الفلوس دامها بالحلال الله يهنيهم فيها..


عن نفسي اشتري التعامل الحلو قبل البضاعة..
يعني ما عندي مشكلة في الي يبي يربح من وراي لو مكسبه بالآلاف.. لكن لايغشني أو يستغلني..

مثلا ممكن بعض التاجرات يجيبون لج ماركات ما تتوفر الا في أمريكا.. فحلال عليها لو حطت السعر الي تبيه.. المهم اني اعرف البضاعة اصلا كم تسوى.. وراضية بسعرها..




عزيزتي هو بيج ديل
لو كان عكس الي اتقولينه ..

بس الي يصير غير " في البعض الاكثر من التاجرات "
استغلال - واستفزاز - وعبارات قاسيه - وانطباع ماله داعي
ولا الرزق بيد الرحمن غاليتي ماهو بيد الانسان .. ونتمنى الخير للكل



ما اتكلم عن بضاعه نادره ومن امريكا وانعرف اسعارها
اتكلم عن امور بديهيه .. عاديه جدا


جملك الله برضاه

[sweet qatar]

اها فهمت قصدج..

العتب على الي يشترون ياقلبي..

ولا بضاعة رخيصة تاخذونها بأسعار خيالية ليش..؟؟!!

عبي وجلابيات خامتهم شييييييب.. تاخذونهم على 1500 ليش..؟!!

تبين الصج حتى التاجرات القطريات (البعض لحد يزعل مني).. يستغلون بنات ديرتهم بنفس الطريقة..

وحدة تجيب بضاعه كويتية وتبيعها تربل السعر.. واصلا الخامة ما تسوى ربع السعر الأصلي..




يعطيج العافية تحداني.. ولا تضايقين عمرج..
من سوى عمره سبوس ......... :shy:

[بو خليفه 123]

من سوى عمره سبوس ......... :shy:

العبت به الدجاج


اذاً تقصدين هنا العتب على المستهلكه القطريه ؟

[sweet qatar]

العبت به الدجاج


اذاً تقصدين هنا العتب على المستهلكه القطريه ؟

خبير مثلك بو خليفة..
المفروض يعرف ان المستهلك هو الي يحدد مواصفات السوق والي يعرض فيه..

[بو خليفه 123]

خبير مثلك بو خليفة..
المفروض يعرف ان المستهلك هو الي يحدد مواصفات السوق والي يعرض فيه..

عدم نضج المستهلك و قصر الثقافه سبب من اسباب هذه اللعبه

او ربما قد تكون الاموال الطائله في بعض الاحيان عند الاشخاص الخطأ

[sweet qatar]

عدم نضج المستهلك و قصر الثقافه سبب من اسباب هذه اللعبه

او ربما قد تكون الاموال الطائله في بعض الاحيان عند الاشخاص الخطأ

نضج المستهلك في ظني هو الأساس..

[تحداني]

السلام عليكم

يمكن لي وجهة نظر مغايره قليلا او بمعنى اخر نظره اشمل .

في اعتقادي ان الموضوع هذا هو احد اوجه الاستغلال الي نتعرض له احنا كمواطنين و كبلد . و الدوله تتحمل كامل المسؤوليه .

كيف ؟

من الاسياد بدا هذا الموضوع .. قامت مشاريع عملاقه في اوقات قياسيه واخر مايسئلون عنه ربعنا هو التكلفه و من الاسياد و احنا من سيء الى اسواء بهذا الخصوص.. و الى ايامنا هذه و ماتتحدثين عنه اختي تحداني هو احد اوجه الاستغلال او نسمه باي اسم الطف كون الطرف الاخر في موضوعك هو جار و اخ لنا .

الى درجه انه احنا كقطريين أو أقصد قطر اصبحنا معروفين في العالم ولا ابالغ ابدا .. عندما يسمعون ان مشروع او مناقصه طرحت في قطر هذا يعني (بيضه في القفص) كما يقولون . وهذا يعني ضرب معدل الربح في 4 او 5 على اقل تقدير.
ختاما الدولة مشت في سياسه ما و للاسف التصقت هذه السمعه عنا و نحن سنتحمل نتيجه هذه الفكره المأخوذه عنا كشعب و كدولة .



نتائجها صارت صعبه وايد .. وبمعنى أصح ما فارق التشبيه مثل ما صارت " لندن " ارض السياحه والسفر في الصيف للي عنده والي ما عنده
صار " كلمه قطر وقطري " بنفس الاستغلال في اعين البعض
ما ادري احنه الي عطينهم المجال .. ولا سلوكنا الاستهلاكي ترك هالانطباع
ولا الطفره الاقتصاديه الي وصلنا لها .. والقطاعات العديده الي افتحت لهم قطر ذراعها
ولا تعدد الانشطه والبذخ عليها صار من احد الاسباب

تحولت الكثير من الامور الى ظواهر والمواطن القطري يساهم فيها بطريقه بشعه
من تعاملات يوميه اراها جدا سخيفه " بخشيش وانتشارها بطريقه مقرفه من 50 وطالع "
مواقف وبيعها على الهندي بالمال
النعمه الزائده والبذخ في المناسبات لدرجه قطر الخيريه ما املحقه على مكالمات الناس
صعب ان نجد مستحقي الزكاه في قطر
الفقر بشكله المتعارف عليه بباقي الدول الخليجيه يكاد يكون قليل


وغيرها وآخرها استغلالنا بطريقع مشروعه .. مع قله وعي
وكأن هالنعمه دايمه .. والله مثل ما ذكرت هو اختبار من رب العباد
ان جانه القحط بتصير كارثه خطيره





اها فهمت قصدج..

العتب على الي يشترون ياقلبي..

ولا بضاعة رخيصة تاخذونها بأسعار خيالية ليش..؟؟!!

عبي وجلابيات خامتهم شييييييب.. تاخذونهم على 1500 ليش..؟!!



المعروض والله العظيم يكون غير
انا جربت وحده من المصممات كنت باخذ غرض لخالتي
الي عارضته شي .. والي ارسلته شي ثاني .. يوم كلمتها .. قالت انتي رضيتي وانتي الي جيتي .. واذا مب عاجبج اطلبي غيره مهو انتوا افلوسكم زايده جات على جلابيه ابــ 1500 ريال
انتوا تتعشون في مطاعم فاخره وفي الفنادق ابهالسهر مستخسره على روحج جلابيه
استغفر الله العظيم.. معاها حق

تبين الصج حتى التاجرات القطريات (البعض لحد يزعل مني).. يستغلون بنات ديرتهم بنفس الطريقة..


عاد ساعات اتقولين بنت ديرتي افضل من الغير
بس بعد هالشي مرفوض رفضا تاما .. بدل ما نشجع بعض بطريقه منطقيه ندخل في مزاد الاسعار .. عندج موهبه يا بنت الناس خليها موهبه معقوله .. بسعر معقول \
عمر الغنى ما جى من المبالغه .. ولا زمان الناس صاروا مليارديريه من حلويات .. وقماش .. وادويه شعبيه








يعطيج العافية تحداني.. ولا تضايقين عمرج..
من سوى عمره سبوس ......... :shy:



يعاقيج يارب ويسلم عمرج
مب متضايقه حبيبتي بس اسولف معاكم .. لا اتشيلين بال انا ساعات اشتط وايد :)

العبت به الدجاج


اذاً تقصدين هنا العتب على المستهلكه القطريه ؟



يعني لازم اتكمل المثل :)
نقول البعض عشان ما يمسكونها عليك
رأفه بحالك الذكوري





خبير مثلك بو خليفة..
المفروض يعرف ان المستهلك هو الي يحدد مواصفات السوق والي يعرض فيه..



مواصفات السوق مب الكل عنده درايه كامله فيها
والوحده احيانا تصاب بالذهول لما تشوف قطع حلوه .. حسبالها ان السعر مناسب
ما تدري ان وايد مبالغ فيه .. وهالثقافه ما تتكون ابسرعه تحتاج لها وقت ..



عدم نضج المستهلك و قصر الثقافه سبب من اسباب هذه اللعبه

او ربما قد تكون الاموال الطائله في بعض الاحيان عند الاشخاص الخطأ





الفتره الاخيره الخير عم كل أرجاء المعموره على قوله ست الحسن والدلال
فمافي فئه مستثنيه .. والي يسافر كثير ويشوف كثير .. ومطلع على هالاشياء تتكون عنده هالثقافه .. لكن في ناس غلابه ..

نضج المستهلك في ظني هو الأساس..




نعم نحتاج الى هذا النوع من النضج
ومن خلال هالحوار قد نساهم في تكوين شي منه
علنا ننال شي من الدعاء الطيب عن ظهر غيب
او مراعاه حالنا


جملكم الله برضاه

[بنت مريخ]

للاسف اقولها مليون مره لقو ناس يقصون عليهم باسعارهم الخياليه
كنت في بوظبي من فتره وجوو عارضات سعوديات عبيهم على 1700وطالع عجبتني عبايه تقولي ب2600 انصدمت ليش جذيه اسعار مبالغين فيها.تقولي العارضه بعد اسبوعين بنجي قطر وعندي زبايني عندكم.ليش يبالغون في الاسعار؟ماظنتي في بلادهم حد ياخذها.مالهم غيرنا.ماشاءالله الرواتب عاليه وبناتنا يخمون ماوالت عينهم.يمكن قله من البنات فكرو يوفرون من رواتبهم لزمن.فيه عارضه بحرينيه من اسبوع كانت في اللاند تقول لرفيجتي برجع بعد اسبوعين.شوفو الطلب اشلون عليها.معليه الوحده تاخذ بين فتره وفتره واذا عمدها مناسبه.بناتنا الله يهيدهم يخمون.ياليت يفكرون في التوفير

[Chanel]

للأسف البنات الحين (البعض) والله ياتحداني أذا الشيء موب غالي تقول لا فشيله ماأقدر أخذه ليش يافلانه تقول رخيص (قلة عقل والله ) ومصيبه تقول خاطري في هالشيء بس ماأقد أخذه ليش؟
تقولج لأن الكل يقدر يأخذه فبأخذ الغالي علشان نكون معدودين ......تدرين تحداني والله أرثي لحالهم ويكسرون خاطري والله يعافينا مما أبتلاهم

[V!P]

لأن احنا ندفع اكثـــــــــــــــــــــر


=)

[chillis]

لان بنات قطر يدفعون وما يهمهم ولا يفكرون عبايه بالبحرين ب 500 ريال جات هني عرضت عباياتها من البحرين ونفس العبايه 1800 ليش يعني يوم سالناها قالت لان اهل البحرين وضعهم تعبان وهني بالعكس يقدرون يدفعون :) شنسمي ذيه مهب استغلال ؟

[بوسياف]

خالد يمكن تقصد اجدادك انت بس لاتعمم على كل هل قطر يالشيخ
بنسبه لي اجدادي مافارقو قطر يوم الفقر ويوم الشين ويوم صكت الدار حواجبها صمدو وجلسو في بلادهم وعانو سموم الويل ولواهيب القيظ والفقر لانه انتمائهم وولائهم ماتغيره ظروف ولا وقت وخصوصا الاوقات الصعبه من حر وحرب ويطلبون الرزق من خالقهم لانه هو الرزاق وياخذون بالاسباب .......
مع كامل احترامنا وتقديرنا لهل الشرقيه والبحرين اللي استقبلوكم وعدوكم من اهلهم:)

الاخ مخطط ...

اسمح لي بس ردك ماله داااعي...
وبعدين شدخل الولاء والأنتماء بالسالفة اذا تاجرت برع أو تعلمت سنين طويلة برع هل معناه ماعندي انتماء ...
كلاااام أخووي خالد صح اجدادنا كانوا يتاجرون ويشتغلون ويردون لقطر وأنا شخصيا كان جدي يطلع لمكة للحج او العمرة ويكمل هناك شهور يتاجر ويشتغل ويجمع له كم فلس طيب..

عن الغرور والتكبر البطال .... ولله الحمد وبفضل سياسة سموالأمير وإنجازاته كنا بحال وأصبحنا بحال ...الله لايغير علينا ....

واتمنى الأخوان والأخوات الي ماعندهم شغل يخلون أخوانهم يعبرون براحتهم موب بعضهم كانه رادار يتصيد ويسوي عمره أبو الوطنية ......

[غايه الطواش]

المشكله ان الكوالتي مهب ذاك الزود ....الفنش يلوع الجبد ...والخام رديئ
مادري شيلبسون ...خاصه الي يجون الاند مارك
ماقول الكل لكن الاغلبيه ...

[V!P]

في تاجره عبايات من الخبر تعرض عباياتها بالالاف عندنا

ويوم راحت لها صديقتي محلها فالخبر تقول والله انهم نفس العبي اللي تعرضها عندنا فالدوحه ويوم جات تشتري عرفتها من طريقه اللبس انها قطريه

فاختارت البنت عبايه والسعر مكتوب عليها 500 اتوقع او قريب من هالسعر تخيلو شسوت التاجره

قلبت الدنيا قالت لا انا ابيعج العبايه نفس مابيعها عندكم في قطر

قالت بس انا الحين عندج مب انتي عندنا قالت لو شنو ماتاخذينها بالسعر المكتوب

امــــــــانه مب قهــــــر

احنا الغلط منا مب منهم

[مخطط قطري]

الاخ مخطط ...

اسمح لي بس ردك ماله داااعي...
وبعدين شدخل الولاء والأنتماء بالسالفة اذا تاجرت برع أو تعلمت سنين طويلة برع هل معناه ماعندي انتماء ...
كلاااام أخووي خالد صح اجدادنا كانوا يتاجرون ويشتغلون ويردون لقطر وأنا شخصيا كان جدي يطلع لمكة للحج او العمرة ويكمل هناك شهور يتاجر ويشتغل ويجمع له كم فلس طيب..

عن الغرور والتكبر البطال .... ولله الحمد وبفضل سياسة سموالأمير وإنجازاته كنا بحال وأصبحنا بحال ...الله لايغير علينا ....

واتمنى الأخوان والأخوات الي ماعندهم شغل يخلون أخوانهم يعبرون براحتهم موب بعضهم كانه رادار يتصيد ويسوي عمره أبو الوطنية ......

ماراح اعلق على كلامك لاني اترفع عنه وخصوصا عقب ماشفت مفرداتك المضلل بالاحمر والي كبرته لك وانا مش بس ابو الوطنيه ولا جدها انا بكل فخر واعتزاز تاريخ قطر الماضي والحاضر بعد شتبي:)
ويليتك تراجع ردي الاخير في الموضوع على الشخص الي قصدته وانا مافرقت بين الي جلس والي راح بس الي قعد في قطر بين معدنه الاصيل ولا قصور بين الي راح وترزق الله برع قطر على قولتك

[بوسلمان 2010]

الله يحيهم وبين اهلهم وربعهم

[بوخالد2]

يامرحبا فيهم في قطر
واهل قطر شعب مرحب و راعي كرم

ليش مايجون اكوا اهل قطر مطيحين عندهم بعد من الحساء لين اخر السعوديه و البحرين بعد

شنو المشكله ياتحداني !!

[بوخالد2]

في تاجره عبايات من الخبر تعرض عباياتها بالالاف عندنا

ويوم راحت لها صديقتي محلها فالخبر تقول والله انهم نفس العبي اللي تعرضها عندنا فالدوحه ويوم جات تشتري عرفتها من طريقه اللبس انها قطريه

فاختارت البنت عبايه والسعر مكتوب عليها 500 اتوقع او قريب من هالسعر تخيلو شسوت التاجره

قلبت الدنيا قالت لا انا ابيعج العبايه نفس مابيعها عندكم في قطر

قالت بس انا الحين عندج مب انتي عندنا قالت لو شنو ماتاخذينها بالسعر المكتوب

امــــــــانه مب قهــــــر

احنا الغلط منا مب منهم

لا تشتريها مب مجبوره صديقتج

تشوف محل غيره بس هذا شجع من التاجره المفروض يقاطعونها في قطر الحريم

[عزووز قطر]

اختي تحداني الزمن
روحي شوارع الخبر والاحساء وشوفي التواجد الكبييير للقطريين ،، وهم مااشتكوا ولا تضايقوا ،، وخصوصا ان القطريين كانوا سبب في رفع الأسعار على المواطنين السعوديين ...

والشي الثاني ماجات على أهل السعودية والبحرين ،،، الكل يزيد في الأسعار بدون حسيب ولا رقيب

[غايه الطواش]

في تاجره عبايات من الخبر تعرض عباياتها بالالاف عندنا

ويوم راحت لها صديقتي محلها فالخبر تقول والله انهم نفس العبي اللي تعرضها عندنا فالدوحه ويوم جات تشتري عرفتها من طريقه اللبس انها قطريه

فاختارت البنت عبايه والسعر مكتوب عليها 500 اتوقع او قريب من هالسعر تخيلو شسوت التاجره

قلبت الدنيا قالت لا انا ابيعج العبايه نفس مابيعها عندكم في قطر

قالت بس انا الحين عندج مب انتي عندنا قالت لو شنو ماتاخذينها بالسعر المكتوب

امــــــــانه مب قهــــــر

احنا الغلط منا مب منهم

عرفتها هاذي نهاد النصابه
مادري ليش يسسون جيه
من عرفت حركتها هاذي وانا كارهه التعامل معاها

[تحداني]

يامرحبا فيهم في قطر
واهل قطر شعب مرحب و راعي كرم

ليش مايجون اكوا اهل قطر مطيحين عندهم بعد من الحساء لين اخر السعوديه و البحرين بعد

شنو المشكله ياتحداني !!




صباح الخير على الجميع

يا اخوي خالد الله يرضى عليك .. في كل مداخله تقريبا قلت فيها
" حياهم الله وبياهم الله .. وهم على العين والراس " ان ضاقت فيهم الارض .. يوسع لهم الخاطر والقلب .. وان كان للضيف حق فحقوقهم علينا كثيره

الاعتراض ليس بمجيئهم .. او بالتعامل معهم ..
الاعتراض الاكبر والاعظم على الطرق " الاستفزازيه في التعامل "
ضربت امثله كثيرررره .. اقرأ مداخلاتي الكثيره
واقرأ تأكيد الكلام من الغير

ما جبت امثله غير حقيقيه .. ولا جب حوار وهمي هلامي .. ولا تكلمت من وحي الخيال
" اصبحنا اضحوكه .. ونكته عندهم " ليش ؟؟
لان حبينا نلبس من شغل ايدهم .. وحبينا نشوف ابداعهم
لان رحبنا فيهم بثقه عاليه .. وهم قللوا هالثقه بجوده رديئه
لان نسبه الربح ليست معقوله .. بل وصلت لحدود خياليه

صح العتب علي الي يشتري .. والعتب على الي يروح لهم .. والعتب حق الي يدفع لهم
بس اذا مب الكل عنه هالثقافه .. يعني نستغله
اذا جنسيات ثانيه تستغلنا ما راح تجينا هالحره كثر اهلنا وبناتنا من الخليج

هنا المشكله .. ولا انا وانت والكل تقريبا
عندنا اهل في كل ديره .. وتفصلنا حدود جغرافيه اكثر من كونها حدود عائليه
ومعزتهم كبيره


يمكن ما تقدر تلمس هالشي .. لان تعامل النساء معاهم اكثر
والبضاعه المعروضه للمرأه أكثر
فموقفك هنا ورده فعلك ما راح الومك عليها


جملك الله برضاه

[Dana’1]

لكن ما يحصل هنا في الدوحه وصل لحد الظاهره والاستغلال والاستفزاز
وصل لحد سلب مافي جيوب فتياتنا بدون وعي وادراك
مافي مانع من وجودهم لكن وجود منطقي
وجود يحمل جوده
يحمل احترام الذوق العام
وجود يحمل ان صحيح قطر ارض خصبه لكن ليست ارض هبله
العتب الاكبر ايضا علينا وعلى بناتنا
اخاف يجي يوم ما نلقى فلس واحد نسد فيه جوعنا
اللهم ادمها نعمه واحفظها من الزوال
اللهم آمين

اختي،،،مافية شي سلب من احد خصوصا اذا البضاعة تعد من الكماليات او الي لها بدائل وباسعار افضل ،،،هنا تلومين الي طلعت فلوسها واشترت البضاعة الي تقولين عنها ما تسوى،،وهي كثيرة ان كانو العارضين بحرينيات او سعوديات او كويتيات او لبنانيات قطريات ،،الخ
ممكن الواحد يقول كلمة السلب اذا شي اساسي في الحياة ومجبورة علية "غذاء- ادوية الله يشفي كل مريض الخ من الاشياء الاساسية وتكون محتكرة على شركة وراااافع الاسعاااار نار عشان يسلب المواطن والمقيم

اما اشياء كمالية ولها بدائل ومنافسات بالسووق كثييرة ما يصير نققول انها سلب او سرقت


بضرب لك مثــــال فية كشك رراعية يطبع عالتي شيرتات باسعار مبالغ فيها خصوصا ان التي شيرت عادي جدا بسعر متوسط لا رخيص ولا غالي قولي مع الطباعة المفروض واغلب الاسعار ب 50 -60-70 يا شيخة ب100 هو يسويها 200 وحتى ان جبتي انتي التي شيرت واخترتي نقشة وانتي ارسلتيها لة يعني هو مجرد طباعة وقص ولزق بالتي شيرت او كلمة تكون ب180-160 كحد ادنى طبعا وانتي طالعة
هو على فكرة مبلغ زهيد بكل الحالتين ال 200او 180 -لكن لما نقول على ايش هالمبلغ على الطباعة بالتي شيرت! الي محلات ثانية تسوية ب 30 وا 50 ان طقت100
طيب راح انصفة وبقولك وللجميع كلمة حق هو يتعب بالتي شيرت يجتهد فية ويقصص بالنقوش ويضبطها نقول يحق لةال200 تعب اليد والشغل ،،مو مثل غيرة على طول يلزق الصورة او الكلمة من غير قص وترتيب

طيب لما يطبع على ميدالية ب 180 لية وغيرة ارخص بواجد واظن بنفس التقنية ،،،عشانة اجنبي اوربي ،،يطلع لة هالشي عادي يعني؟!
اختى مسوية عندة ميدالية عليها صورة ولدها عندة على 180 تقريبا او 160 ناسية بس مو اقل
عند غيرة من السوريين و أقل بكثير ما توصل حتى ال 100
هنـاا يجي دور الزبون وفلوس الوحدة او الواحد بجيبها وبجيبة هو ما يقدر يسلبها من احد الا اذا اعطيتة بمزاجك
خصوصا انة مو شي ضرووووري ليش الا اعطية الي بجيبي،،،عقب اقول سلبني

اذا عطيتة خلاص اقول هذا بمزاجي حابة اجرب شغلة الي مغلية على ايش وما احملة الذنب انة سرقني
وانا شخصيا سويت عندة تي شيرت وكان بتصميم احرف عربية وكان180 ريال تقريبا
بحكم اني انا الي موفرة التي شيرت والتصميم وراسلتة لة عالايميل
سويت واحد بالبيت بنفس الفكرة تقريبا مع حروف اقل طلع الامر سهل ورخيص لان شريت الاوراق ب39 تقريبا فيها اوراق لاكثر من تي شيرت
والتي شيرت نفسة اقل من سعر الاوراق:) وهو الي غالبا يستدخدمونة اصحاب كشك الطباعة

هذا على مستوي كشك الطباعة

فما بالك بالعبي والاكسسوارات السوق متنوع لا تبينون لأحد أيا من كان سعودية والا بحرينة كوتية قطرية او حتى البنقالية بالسوق انكم بعازتهم الخيارات كثيرة والسوق مفتوح تنقو الي يعجبكم وبالجودة الي تعجبكم ،،، اذا شرينا ما نقول سلوبنا لان بمزاجنا طلعنا الفلوس

موقف ثاني
كنت زمـــان ما افصل عبي الا عند داري"عباة ســـادة" وسعرهم طبعا ثابت وخياطتهم زيينة

بس بعد فترة علموني ان فية سوق كلة عبي وتلاقين كثير يخيطون بجودة زيينة وسعر اقل
قلت اخذ فكرة وطلع صححيح فصلت عند كذا محل عبي سادة تتراوح الاسعار بين ال140-130-120
جربت كذا محل زينين بس في واحد عجبني اكثر
رحت فصلت عندة ب130 او 120 ناسية بالضبط
المهم بعد فترة جيت للمحل على اساس اختي تبغى عباة كشخة قبل العيد
فما عجبها شي عندة،،،فقلت بالمرة دام انا عندة خل اسألة اذا يقدر يخلص لي عباة سادة بهذي الفترة
قال اية عادي اخترت القماش ونفس موديل الي قبل ونفق القماش بعد قلت بكم قال ب300 او 350 قلت شلون تو مفصلة عندك ب 130 او 120 قــال هذا سعري
خليتة لان ماكنت بحاجتة واساسا جاية عشان اختي
المهم طلعنا ما عجبنا شي كان السوق مكرر ومو حلو لعبي الكشخة

الغرابة مو هنا
بعد فترة تو من شهر او شهر وشي تقريبا رحت لة على اسا س بفصل محتاجة عباة سادة
رحت اخترت القماش وجبت لة القياس قلت كم السعر على اساس اعطية العربون قال ب 150 تقريبا
ابتسمت بداخلي :) قلت لا لا ب 130 او 120 انت كذا مفصلي من قبل قال خلاص هات ب130
سبحان مغير الاحوال مع انة لو قال 300 كان عطيتة! لان جاية على هالاساس واهم شي اني عارفتة وجربت من قبل وضبط لي الخياطة
المهم اتفقت معة ودفعت ال50 كعربون
يوم جيت استلم العباة انا تأخرت عنه بيوم استلامها جيت عقب بيوم الا يقول ما خلصت قلت شلون انت معطيني على اساس امس خالصة قال اسفة قماش يجي من دبي امس اليوم سوي ترتيب
تعال بالليل الساعة 10 او بكرة قلت لاص بكرة الصبح عال9 بمرك قال اوك
جيتة الا القماش غير والخياطة مو مرتبة
قلت الحين انت مأخرني وغير كذا لا الموديل ولا القماش الي طلبتة
شيك لقى كلامي صحيح قال سوري خلي اليوم سوي مدري ايش قلت لة اساسا الخياطة تعبانة ما كنت كذا قبل تدري شلون ما ابغى افصل عندك رد لي العربون لان عارف انة غلطان

طلعت منهم وما اظن ارد لهم مرة ثانية
اولا: تلاعب بالاسعار غير طبيعي
ثانيا: اخترب خياطة ليش ما اعرف
ثالثا :الخياطيين كثر


ومرة هلي رايحين دبي سياحة وشرت اختي عباة كشخة بالدوحة مثلها بالآف بسوق الديرة وغيرهــا يعني 3000 الى 6000 تقريبا
امي تسآلنا شرايكم بالعباية طبعا كان وقتها هو الدارج قلنا مشاءلله روعة وكشخة صدق فاختي خذتها قالت بتخليها لعرس اخواني فقلنا حلوة ،، اخت معاريس صدق،،، قالت كم تعطونها كل وحدة قالت سعر طبعا بالاف التخمينات
الا امي تضحك قـــالت لااا وين منتو حووول السعر قلنا اكثر تضحك هي واختي
قالت ب 150 درهم تقريبا
@@! من جدكم انتم قالت امي جد الجد
عالعموم ذكرت هالامور عشــان ابين لك ان التلاعب موجود بالداخل قبــل لا يجيبونة السعوديات والبحرينيات وغيرهم:)
والسلام ختام

[تحداني]

للاسف اقولها مليون مره لقو ناس يقصون عليهم باسعارهم الخياليه
كنت في بوظبي من فتره وجوو عارضات سعوديات عبيهم على 1700وطالع عجبتني عبايه تقولي ب2600 انصدمت ليش جذيه اسعار مبالغين فيها.تقولي العارضه بعد اسبوعين بنجي قطر وعندي زبايني عندكم.ليش يبالغون في الاسعار؟ماظنتي في بلادهم حد ياخذها.مالهم غيرنا.ماشاءالله الرواتب عاليه وبناتنا يخمون ماوالت عينهم.يمكن قله من البنات فكرو يوفرون من رواتبهم لزمن.فيه عارضه بحرينيه من اسبوع كانت في اللاند تقول لرفيجتي برجع بعد اسبوعين.شوفو الطلب اشلون عليها.معليه الوحده تاخذ بين فتره وفتره واذا عمدها مناسبه.بناتنا الله يهيدهم يخمون.ياليت يفكرون في التوفير



الادهى والأمر من هذا كله .. ان قد يتواجدوا بين الاسبوعين مرتين
.. ما نقدر دايما نلوم المشتري .. لان يحق لنا ان نلبس شي ما يمر دائما علينا مرور الكرام
يعني لو اشوف معرض للجاد الايراني ايد راح اتعنى له ... واكيد اتوقع راح اشوف شي ما شفته واعتبرها ميزه .. لكن يوصل لحد الاستغلال البشع .. اتوقع هذا ظلم في حقنا

للأسف البنات الحين (البعض) والله ياتحداني أذا الشيء موب غالي تقول لا فشيله ماأقدر أخذه ليش يافلانه تقول رخيص (قلة عقل والله ) ومصيبه تقول خاطري في هالشيء بس ماأقد أخذه ليش؟
تقولج لأن الكل يقدر يأخذه فبأخذ الغالي علشان نكون معدودين ......تدرين تحداني والله أرثي لحالهم ويكسرون خاطري والله يعافينا مما أبتلاهم



سوالف النساء احيانا تصل لقمه التفاهه .. وتالي تختم كلامها " ألبس لنفسي "
وين تلبسين لنفسج وقاعده اتجارين هاذي وذيج .. واكثرهم على قد حالهم
لان الميسور الحال لو لبس شنو ما لبس نفسه غنيه



لأن احنا ندفع اكثـــــــــــــــــــــر


=)



معاك حق
والتجاره شطاره .. واحنه عرفنا اشلون نكون ذوات جيوب ذهبيه سهله

لان بنات قطر يدفعون وما يهمهم ولا يفكرون عبايه بالبحرين ب 500 ريال جات هني عرضت عباياتها من البحرين ونفس العبايه 1800 ليش يعني يوم سالناها قالت لان اهل البحرين وضعهم تعبان وهني بالعكس يقدرون يدفعون :) شنسمي ذيه مهب استغلال ؟



الا قمه الاستغلال
الحين من 500 الين 1800 مب فرق وايد
ما نقول خل اتبيعها ابنفس السعر .. لكن على الاقل ترضى فيها الزبونه .. واتغطي تكاليفها واشويه راس مال .. هالنوع من التجاره على فكره سرعان ما تموت .. وتختفي
لانها مبنيه على طمع .. انا بنت تاجر واعرف التجاره ابعادها وشكلها
هذيلن للاسف ما عندهم لا دراسه جدوى ولا اساسيات ولا عمق في التفكير التجاري
هذيلن جك بك على قوله الوالده وقالوا تاجرات
هي راح تكون هبه وموضه .. والناس تتعلم مع الايام
الشاطر الي يسحب تجارته للمدى البعيد وتكون مصدر رزق له مب مصدر حظ



المشكله ان الكوالتي مهب ذاك الزود ....الفنش يلوع الجبد ...والخام رديئ
مادري شيلبسون ...خاصه الي يجون الاند مارك
ماقول الكل لكن الاغلبيه ...




وديه الدراي كلين لو ردت العبايه صاحيه هذا وجهي ووجهج
اعتقد الربح الاكبر هو كسب زبون بشكل دائم .. مب بشكل لحظي ووقتي وهم على ما اعتقد كل يومين عندنا



في تاجره عبايات من الخبر تعرض عباياتها بالالاف عندنا




ويوم راحت لها صديقتي محلها فالخبر تقول والله انهم نفس العبي اللي تعرضها عندنا فالدوحه ويوم جات تشتري عرفتها من طريقه اللبس انها قطريه

فاختارت البنت عبايه والسعر مكتوب عليها 500 اتوقع او قريب من هالسعر تخيلو شسوت التاجره

قلبت الدنيا قالت لا انا ابيعج العبايه نفس مابيعها عندكم في قطر

قالت بس انا الحين عندج مب انتي عندنا قالت لو شنو ماتاخذينها بالسعر المكتوب

امــــــــانه مب قهــــــر

احنا الغلط منا مب منهم



لا اتقولين خذتها من عندها ؟؟
هذا وصل الاستفزاز لطريقه ابشع
انا لو ابي شي اطرش بنت خالتي .. او وحده من هلي
هم يعرفون حق بعض احسن .. واتم ساكته


هاذي تسمونها تجاره .. الا قمه الاسنخفاف بعقل المواطنه القطريه
ألحين لو عندي خير أعامل بطريقه مختلفه
اذا خلاص الامراء والشيوخ لازم اتكون لهم العبايه ضعف السعر
والعوائل ونهاياتها وميزانيتها تحدد سعر المنتج

ايش هالعقليات



الله يحيهم وبين اهلهم وربعهم



وعلى العين والراس
تحتاج تقرأ المداخلات الكثيره اخوي بوسلمان
شكلك كنت وايد مستعجل واكتفيت بالعنوان





لا تشتريها مب مجبوره صديقتج

تشوف محل غيره بس هذا شجع من التاجره المفروض يقاطعونها في قطر الحريم


ما يعرض في سوقنا المحلي اعتقد من حق الزبون فيه
ايام المقاطعات شربنا ما شربناه من تلك الدول وابخاطرنا غصه
ولبسنا من كل المنتجات العالميه وفي قلوبنا هم حره
هم جايين عشان نشوف الذوق العام ابغض النظر عن البلد الي جايين منه
وصارت العمليه من يزود اكثر .. وللاسف صارت ظاهره عند فتيات هالبلدتين
مافي شي اسمه مب مجبوره تشترين
في شي اسمه اكسبينا عشان نكسبج واحنه اهل واقارب واحباب


نفسك املاحظ اشلون سعر الكروزر مرتفع .. بس هالسياره تصلح لشبابنا وايد
لو قاطعنا يا ترى هل هو حل .. احنه نبيها نبيها
والمنتجات النسائيه في منها حاجه ضروريه ابغض النظر عن شكل الموديل وقصته وشغله

اختي تحداني الزمن
روحي شوارع الخبر والاحساء وشوفي التواجد الكبييير للقطريين ،، وهم مااشتكوا ولا تضايقوا ،، وخصوصا ان القطريين كانوا سبب في رفع الأسعار على المواطنين السعوديين ...

والشي الثاني ماجات على أهل السعودية والبحرين ،،، الكل يزيد في الأسعار بدون حسيب ولا رقيب




مازالت الحسا تبيع المنتجات وفق اسعار محدوده وارخص
ومازالت المنتجات رخيصه .. ارتفاع الاسعار ان صار من اهل البلد للبلد نفسه برضاهم هذا امر مختلف .. اما اذا كنا احنه السبب فيه .. فالزبون اليوم من حقه يشتري من اي مكان يشوف ان ممكن يغطي فيه ميزانيته
عندك سيارتك .. ودك اتروح باكستان تشتري شال ابراحتك
ودك اتروح تركيا تشتري مسباح ارخص هم هذا امر شخصي
لكن لا يجون الدوحه ويضربون السعر الاصلي في 8

في فرق لما تضرب 500 في 5
في فرق واااايد لما تضرب الــ 500 في 20


ما جات على السعوديه والبحرين صح
بس بالنسبه لنا احنه البنات هم الفئه الاكثر والاكبر والي تحولوا عندنا ظاهره








عرفتها هاذي نهاد النصابه
مادري ليش يسسون جيه
من عرفت حركتها هاذي وانا كارهه التعامل معاها



غايه .. :(

جملكم الله جميعا برضاه

[تحداني]

اختي،،،مافية شي سلب من احد خصوصا اذا البضاعة تعد من الكماليات او الي لها بدائل وباسعار افضل ،،،هنا تلومين الي طلعت فلوسها واشترت البضاعة الي تقولين عنها ما تسوى،،وهي كثيرة ان كانو العارضين بحرينيات او سعوديات او كويتيات او لبنانيات قطريات ،،الخ
ممكن الواحد يقول كلمة السلب اذا شي اساسي في الحياة ومجبورة علية "غذاء- ادوية الله يشفي كل مريض الخ من الاشياء الاساسية وتكون محتكرة على شركة وراااافع الاسعاااار نار عشان يسلب المواطن والمقيم

اما اشياء كمالية ولها بدائل ومنافسات بالسووق كثييرة ما يصير نققول انها سلب او سرقت


بضرب لك مثــــال فية كشك رراعية يطبع عالتي شيرتات باسعار مبالغ فيها خصوصا ان التي شيرت عادي جدا بسعر متوسط لا رخيص ولا غالي قولي مع الطباعة المفروض واغلب الاسعار ب 50 -60-70 يا شيخة ب100 هو يسويها 200 وحتى ان جبتي انتي التي شيرت واخترتي نقشة وانتي ارسلتيها لة يعني هو مجرد طباعة وقص ولزق بالتي شيرت او كلمة تكون ب180-160 كحد ادنى طبعا وانتي طالعة
هو على فكرة مبلغ زهيد بكل الحالتين ال 200او 180 -لكن لما نقول على ايش هالمبلغ على الطباعة بالتي شيرت! الي محلات ثانية تسوية ب 30 وا 50 ان طقت100
طيب راح انصفة وبقولك وللجميع كلمة حق هو يتعب بالتي شيرت يجتهد فية ويقصص بالنقوش ويضبطها نقول يحق لةال200 تعب اليد والشغل ،،مو مثل غيرة على طول يلزق الصورة او الكلمة من غير قص وترتيب

طيب لما يطبع على ميدالية ب 180 لية وغيرة ارخص بواجد واظن بنفس التقنية ،،،عشانة اجنبي اوربي ،،يطلع لة هالشي عادي يعني؟!
اختى مسوية عندة ميدالية عليها صورة ولدها عندة على 180 تقريبا او 160 ناسية بس مو اقل
عند غيرة من السوريين و أقل بكثير ما توصل حتى ال 100
هنـاا يجي دور الزبون وفلوس الوحدة او الواحد بجيبها وبجيبة هو ما يقدر يسلبها من احد الا اذا اعطيتة بمزاجك
خصوصا انة مو شي ضرووووري ليش الا اعطية الي بجيبي،،،عقب اقول سلبني

اذا عطيتة خلاص اقول هذا بمزاجي حابة اجرب شغلة الي مغلية على ايش وما احملة الذنب انة سرقني
وانا شخصيا سويت عندة تي شيرت وكان بتصميم احرف عربية وكان180 ريال تقريبا
بحكم اني انا الي موفرة التي شيرت والتصميم وراسلتة لة عالايميل
سويت واحد بالبيت بنفس الفكرة تقريبا مع حروف اقل طلع الامر سهل ورخيص لان شريت الاوراق ب39 تقريبا فيها اوراق لاكثر من تي شيرت
والتي شيرت نفسة اقل من سعر الاوراق:) وهو الي غالبا يستدخدمونة اصحاب كشك الطباعة

هذا على مستوي كشك الطباعة

فما بالك بالعبي والاكسسوارات السوق متنوع لا تبينون لأحد أيا من كان سعودية والا بحرينة كوتية قطرية او حتى البنقالية بالسوق انكم بعازتهم الخيارات كثيرة والسوق مفتوح تنقو الي يعجبكم وبالجودة الي تعجبكم ،،، اذا شرينا ما نقول سلوبنا لان بمزاجنا طلعنا الفلوس

موقف ثاني
كنت زمـــان ما افصل عبي الا عند داري"عباة ســـادة" وسعرهم طبعا ثابت وخياطتهم زيينة

بس بعد فترة علموني ان فية سوق كلة عبي وتلاقين كثير يخيطون بجودة زيينة وسعر اقل
قلت اخذ فكرة وطلع صححيح فصلت عند كذا محل عبي سادة تتراوح الاسعار بين ال140-130-120
جربت كذا محل زينين بس في واحد عجبني اكثر
رحت فصلت عندة ب130 او 120 ناسية بالضبط
المهم بعد فترة جيت للمحل على اساس اختي تبغى عباة كشخة قبل العيد
فما عجبها شي عندة،،،فقلت بالمرة دام انا عندة خل اسألة اذا يقدر يخلص لي عباة سادة بهذي الفترة
قال اية عادي اخترت القماش ونفس موديل الي قبل ونفق القماش بعد قلت بكم قال ب300 او 350 قلت شلون تو مفصلة عندك ب 130 او 120 قــال هذا سعري
خليتة لان ماكنت بحاجتة واساسا جاية عشان اختي
المهم طلعنا ما عجبنا شي كان السوق مكرر ومو حلو لعبي الكشخة

الغرابة مو هنا
بعد فترة تو من شهر او شهر وشي تقريبا رحت لة على اسا س بفصل محتاجة عباة سادة
رحت اخترت القماش وجبت لة القياس قلت كم السعر على اساس اعطية العربون قال ب 150 تقريبا
ابتسمت بداخلي :) قلت لا لا ب 130 او 120 انت كذا مفصلي من قبل قال خلاص هات ب130
سبحان مغير الاحوال مع انة لو قال 300 كان عطيتة! لان جاية على هالاساس واهم شي اني عارفتة وجربت من قبل وضبط لي الخياطة
المهم اتفقت معة ودفعت ال50 كعربون
يوم جيت استلم العباة انا تأخرت عنه بيوم استلامها جيت عقب بيوم الا يقول ما خلصت قلت شلون انت معطيني على اساس امس خالصة قال اسفة قماش يجي من دبي امس اليوم سوي ترتيب
تعال بالليل الساعة 10 او بكرة قلت لاص بكرة الصبح عال9 بمرك قال اوك
جيتة الا القماش غير والخياطة مو مرتبة
قلت الحين انت مأخرني وغير كذا لا الموديل ولا القماش الي طلبتة
شيك لقى كلامي صحيح قال سوري خلي اليوم سوي مدري ايش قلت لة اساسا الخياطة تعبانة ما كنت كذا قبل تدري شلون ما ابغى افصل عندك رد لي العربون لان عارف انة غلطان

طلعت منهم وما اظن ارد لهم مرة ثانية
اولا: تلاعب بالاسعار غير طبيعي
ثانيا: اخترب خياطة ليش ما اعرف
ثالثا :الخياطيين كثر


ومرة هلي رايحين دبي سياحة وشرت اختي عباة كشخة بالدوحة مثلها بالآف بسوق الديرة وغيرهــا يعني 3000 الى 6000 تقريبا
امي تسآلنا شرايكم بالعباية طبعا كان وقتها هو الدارج قلنا مشاءلله روعة وكشخة صدق فاختي خذتها قالت بتخليها لعرس اخواني فقلنا حلوة ،، اخت معاريس صدق،،، قالت كم تعطونها كل وحدة قالت سعر طبعا بالاف التخمينات
الا امي تضحك قـــالت لااا وين منتو حووول السعر قلنا اكثر تضحك هي واختي
قالت ب 150 درهم تقريبا
@@! من جدكم انتم قالت امي جد الجد
عالعموم ذكرت هالامور عشــان ابين لك ان التلاعب موجود بالداخل قبــل لا يجيبونة السعوديات والبحرينيات وغيرهم:)
والسلام ختام


[/size][/center]




الكلام الي قلتيه كلام جميل جدا جدا
والامثله صحيحه وواقعيه .. والكماليات اليوم في اشياء كثيره منها تعتبر من الاساسيات
اعتوقع انا البس لنفسي والبس للناس
اكشخ لنفسي واكشخ للناس .. اتعدل لنفسي واتعدل للناس
دام الله منعم علي ولله الحمد والمنه ودام الله امقدرني اوفر من افلوسي وهم يتم لي شي
ودام اعطي حقوق رب العالمين والوالدين هم يتم لي شي فمافي مانع ارفه على نفسي واشتري الحلو .. واشتري الغالي .. والغالي سعره فيه

ما تقدرين تقنعين اي انسان عنده والله منعم عليه والله يعطي الكل
" في فرق كبير ما بين ساعه " كارتير " الين ساعه "راديو "
وان مافي فرق بين خاتم قراط 22 الين خاتم قراط 18
وما مافي فرق بين شنطه جلد عاديه الين شنطه متوسطه الحال من " شانيل او ديور .. او حتى باليه "

زمان الوالده تقول قبل 20 سنه كانوا الرجال يشترون " باليه " للمناسبات الكبيره
وكانوا يخلون الجوتي " اجلكم الله للمناسبات الصعبه " بالرغم من صعوبه الحياه

لان الحلو كل نفس تحبه

اقدر اليوم اروح دبي " اشتري من سوق المنال 90 غرشه عطر ابــ 1000 ريال
لكن في فرق كبير بينه وبين عطر يسوى 300 ريال من مكان مرتب .. مب لاني ابي اقول للناس تعالوا شوفوا .. كثر ما اشتري شي ما يسوي لي الشغل شغلين

العبايه الي تتكلمين عنها او الي نتكلم عنها اذا تحمل " شكل جديد .. وذوق جديد .. واسلوب جديد " واحنه النساء هذا لبسنا مافي مانع اروح واشتريه على الاقل شريت شي حلو وايد وغريب وجميل .. ويميزني عن باقي عباياتي

حتى الرجل يقول اشتري طاقه حلوه ابنوعيه قماش حلوه وافصل الثوب بــ 200
احسن ما اشتري طاقه ونوع القماش اشلح املح واضطر افصل 20 ثوب ويطلع مب لين ذاك الزود


اختج تحداني الزمن راحت محلات قالوا عنها رخيصه .. مب بس رخيصه الا شي ما يدخل العقل
عبايه اشحلاتها معروضه وكل هالشكل وتاليتها 300 ريال
يوم جيت فصلتها مب هي القطعه ولا هو ذاك القماش ولا الخياط
سألت قلت له وين الكفيل بالمصادفه طلع واحد من ربعنا
يوم سألنا ليش جذي ؟؟ قال احنه نبي نكسب زبون ونمشي الحال لو فصلنا للعالم " كريب سعودي درجه اولى ودرجه ثانيه اشلون اجمع زباين "

هم هذا من حقه .. بس زبون عن زبون يفرق
ونظره زبون عن زبون تفرق

ان جيتي لي وقلتي لي حطي 180 في عبايه قطعتها عاديه بس موديلها فخم
بقول لج لا ..

بس لو قلتي لي ادفعي 300 ريال لقطعه فخمه والموديل عادي بقول لج حاضر


الناس سيدتي الكريمه ينظرون لامور كثيره من حيث الجوده .. من حيث الكفاءه .. من حيث ان انا احط فلوسي ان كان اشوي غالي بس يسوى ..

اسإلي زوجج ولا الوالد ولا اي شاب
لما تبين تشترين مكيف .. شنو يقترح عليج .. مع العلم ممكن تلقين مكيفات كثيره
بس راح يختار الاجود حتى لو كان غالي .. مع العلم هي اساسيات .. بس في غيره اساسي ويبرد

الحين لما تجيني السعوديه والبحرينيه .. " ونادر ما اشوف كويتيه واماراتيه " الا في المعارض الكبيره .. مب في ظاهره المجمعات .. هي تبيع لي فكره حلوه
وتعرض لي شي وااايد حلو ومميز

لكن بإسلوب استفزازي ومبالغ فيه
انا اليوم عندي هالوعي ومب مجبره .. بس لازم اتعرف ان احنه معاها مب ضدها وحياها الله
لكن بطريقه منطقيه .. خل تضرب الفوائد في 5 مب في 30

هنا اعتبره ظلم .. اكثر من كونه شطاره تاجر
لان التاجر الشاطر لازم يكون عنده ضمير .. وهنا صارت اشبه ما تكون بلعبه مضاربات على طاولات المناقصات المحببه .. راح تسري على من هالمره


اتمنى فهمتيني .. لان الامور ابعد من 180 ومن 150 ومن امور لحظيه
على كثر ما نرحب بهم بشكل دائم واحنه حابينهم بس ما حابين اسلوب الاستفزاز


جملك الله برضاه

[بوخالد2]

صباح الخير على الجميع

يا اخوي خالد الله يرضى عليك .. في كل مداخله تقريبا قلت فيها
" حياهم الله وبياهم الله .. وهم على العين والراس " ان ضاقت فيهم الارض .. يوسع لهم الخاطر والقلب .. وان كان للضيف حق فحقوقهم علينا كثيره

الاعتراض ليس بمجيئهم .. او بالتعامل معهم ..
الاعتراض الاكبر والاعظم على الطرق " الاستفزازيه في التعامل "
ضربت امثله كثيرررره .. اقرأ مداخلاتي الكثيره
واقرأ تأكيد الكلام من الغير

ما جبت امثله غير حقيقيه .. ولا جب حوار وهمي هلامي .. ولا تكلمت من وحي الخيال
" اصبحنا اضحوكه .. ونكته عندهم " ليش ؟؟
لان حبينا نلبس من شغل ايدهم .. وحبينا نشوف ابداعهم
لان رحبنا فيهم بثقه عاليه .. وهم قللوا هالثقه بجوده رديئه
لان نسبه الربح ليست معقوله .. بل وصلت لحدود خياليه

صح العتب علي الي يشتري .. والعتب على الي يروح لهم .. والعتب حق الي يدفع لهم
بس اذا مب الكل عنه هالثقافه .. يعني نستغله
اذا جنسيات ثانيه تستغلنا ما راح تجينا هالحره كثر اهلنا وبناتنا من الخليج

هنا المشكله .. ولا انا وانت والكل تقريبا
عندنا اهل في كل ديره .. وتفصلنا حدود جغرافيه اكثر من كونها حدود عائليه
ومعزتهم كبيره


يمكن ما تقدر تلمس هالشي .. لان تعامل النساء معاهم اكثر
والبضاعه المعروضه للمرأه أكثر
فموقفك هنا ورده فعلك ما راح الومك عليها


جملك الله برضاه

و يجملج ان شاءالله

والله ماصرنا اضحوكه الا الناس اللى عندنا متخرعين بكل شي هوس شراء مب طبيعي من بعض الناس ( والزبو الزائد ) انا شريت و انا سويت شريت من فلانه و قلت لها اتسوي موديل ثاني لفلانه هههه

(( الناس هم من جعلوا منا اضحوكه بجميع الدول المجاوره و لهفتهم لشراء حتى لو هم مب محتاجين للشي هذا مجرد شرينا و سوينا ))

هذا هم الحريم


عندي اهل في بعض الدول المجاوره و في دوله كل كلامها انتوا عندكم فلوس يالقطريين ماقدر ارد عليهم و هم بضيافتي - صار الحسد من كل صوب وسبب الزبو و الفشخره الزايده

[تحداني]

انا عن نفسي نقلت هالموضوع لوحده من الي اعزهم
نبيها تكسب زباين اكثر .. ونبي هالمواهب الحلوه .. ونبي بناتنا يكونون خوش بنات
سواء في البحرين او السعوديه او الامارات او الكويت او عمان او اليمن او قطر
نبي نوصل رساله مليئه بالتوفيق .. ومليئه برضى عميق ان افلوسنا تروح لهم ولا اتروح للغريب

التجاره الخليجيه حلوه
والافكار الشابه رائعه
وتشغيل اليد العامله في هالمشاريه المجنيه هم شي راقي

لكن بالنهايه يجب ان تبنى على اسس قويه منها ..
احترم العميل
احترم نظرته
احترم ميزانيته
احترم ثقافه المجتمع الاخر
احترم وجهه نظره
احترم مافي جيبه
احترم حقوقه
احترم موهبتي
واحترم مهنيتي
واحترم صدق التعامل والاهم " الثقه "
متى ما كانت هناك ثقه عاليه .. ما بين البائع والمشتري .. راح تكون الانتاجيه عااااااااااااليه
والوجود التجاري عالي



الكثير من الشركات الي ممكن ما تكون عريقه بالاسم .. لكن عريقه بالأداء اقدرت تكسب زبائن
شوفوا " صاحب محلات الرونق " كيف يفكر .. شوفوا نهج التفكير عنده
شوفوا سياسته
شوفوا فكر هالشاب ايش صار .. مع العلم بإمكانه يفعل المستحيلات

الخوف من رب العالمين
واحترام الاخر
والصدق في بلد الاصدار والانتاج .. ضروري

اعرض سلعه هاذي مواصفاتها .. هاذي جودتها .. هاذي بلدها
حبيتها اهلا وسهلا .. ما حبيتها .. مافي مانع

مره من المرات سألت احد العاملين في الرونق .. قلت له فرق كبير في سعر الدفتر
بينك وبين مكتبه الجامعه

قال لي بنتي هذا صناعه ثانيه ومب اصليه
حتى الموظف يحترم فكر الزبون


هذا ما نريد ان نصل به في هالموضوع
لا للاستفزاز



جملكم الله برضاه

[الزلزال]

هذا شي ايجابي
ويطرح خيارات اكثر للمشتري

[باراكودا]

لاتتعاملون مع نهاد النصابة تعاملوا مع نيولوك او الحسناء أسعارهم معقولة
والموديل راقي أغلى عباية عندهم 500 ريال نفس النوعية يبيعونها فى الدوحة 1800 ريال
وفي الدمام سعرها 300 ريال في شارع الحب .

[تحداني]

و يجملج ان شاءالله

والله ماصرنا اضحوكه الا الناس اللى عندنا متخرعين بكل شي هوس شراء مب طبيعي من بعض الناس ( والزبو الزائد ) انا شريت و انا سويت شريت من فلانه و قلت لها اتسوي موديل ثاني لفلانه هههه

(( الناس هم من جعلوا منا اضحوكه بجميع الدول المجاوره و لهفتهم لشراء حتى لو هم مب محتاجين للشي هذا مجرد شرينا و سوينا ))

هذا هم الحريم


عندي اهل في بعض الدول المجاوره و في دوله كل كلامها انتوا عندكم فلوس يالقطريين ماقدر ارد عليهم و هم بضيافتي - صار الحسد من كل صوب وسبب الزبو و الفشخره الزايده




اخوي بوخالد " اي نعم عندنا فلوس والحمد لله .. ووضعنا المادي الحمد لله طيب "
وبناتنا وخواتنا الي يشتغلون رواتبهم طيبه .. ومجتمعنا في خليط من التخصصات ومن بنات يشتغلون في قطاعات مختلفه .. والرواتب طيبه .. ما ننكر هالشي

من حقي اليوم ألبس شي حلو وجديد
ومن حقي اشتري شي من اخت سعوديه اذا جايبه منتج مميز وراتبي يسمح لي
ومن حقي استمتع اذا الله منعم علي .. وقادره اغطي اموري بدون سلف ودين ومن حق التاجر يتعامل معاي بإحترام عالي وبدون استفزاز

بوخالد سؤال ولا تعتبره تطفل اعتبره من اخت لاخوها ؟؟
اليوم لو اقول لك ليش ما تشتري جمس واتروح تشتري لي لكزس فور ويل
ترى السياره سياره .. ومافي فرق امبينهم كلهم راح تركبهم .. الا بالعكس الامريكي تكرفه كرف وارخص

انت يمكن اتقول لي .. والله تحداني الزمن .. عندي فلوس فليش اشتري شي عادي
واقدر اشتري الي احلى منه .. وعند الشباب هذا رزه .. واكشخ .. ويكفي ان لكزس فور ويل


لو جبت لك مسباح كهرمان .. جبت لك مسباح عادي
بتقول لي والله تحداني المسبح ذاك احلى من هذا .. وانا عندي الي يخليني اشتري
وعارف سعر الاجرام .. واتروح سوق واقف وتسأل الرجال .. ويقول لك الجرام يا طويل العمر 80 ريال
وانت عارف ان الجرام حاليا 60 ريال
تقوم تتواصل مع تاجر كويتي ولا تركي .. ولا بحريني ويعرض لك المنتج بطريقه احلى وقصه اجمل .. ودائري وابيض وابسعر افضل اكيد بتروح له

يا اخوي انت تتعامل مع سوق .. ومع اذواق .. ومع ميزانيات اشخاص
لان عندي .. واتوقع الشي الي بحط فيه السعر يسوى .. " يستفزوني "
خلاص عيل خل الشركات الراقيه تستغلنا .. وربعنا ربع الكروزر .. ومن باجر يرفعون عليهم الاسعار بجوده رديئه .. والله لا اتقوم الدنيا

احيانا تتحول بعض الاشبا لكماليات لما تكون الخيارات متعدده
بس الانسان يحب يرفه على نفسه .. ويحب يلبس الاحلى اوقات والافخم

فرق وايد بين العود الكمبودي .. والعادي
صح يا اخوي ولا لا


هم يوهمون الزبون بالافضل
وتكون النتيجه اسوأ




الله ينور طريقك .. ويزيدك من فضله
واسمح لي على الامثله مجرد امثله


جملك الله برضاه

[تحداني]

هذا شي ايجابي
ويطرح خيارات اكثر للمشتري



في بدايه هالهوايه الجميله كانت نسبه المصداقيه اعلى
تدري البعض مقدم على تجربه حديثه .. اليوم لما صارت ظاهره بدت اللعبه .. وبدأ البعض بالاستفزاز .. وصار هالبعض الاكثر ..

حلو الواحد يشوف خيارات متعدده
بس وكأنهم اتفقوا على سعر الخيارات .. وسعر المعروض .. مع اختلاف الاسماء والافكار
يعني ماأعطوا لنفسهم فكره وخبره خيار كسب زبون بعد خسارته من " الكشك " الفلاني

بالله عليك هذا فكر تجاري



لاتتعاملون مع نهاد النصابة تعاملوا مع نيولوك او الحسناء أسعارهم معقولة
والموديل راقي .




ايش يسوى لما يتعرض الاسهم لهالشهره السيئه ؟؟
اي افلوس جنتها في السابق تنفعها .. واي تجاره راح تقدر تكملها
واي رضى وثقه اقدرت تجنيها


الوالد مدرسه من التجاره .. يقول يبه
تعاملي في المعروض مع كل الطبقات .. اليوم عندج طبقات متعدده .. وحاولي ترضين كل الأذواق .. خلونا ناخذ احد المحلات العالميه ch..hc " كارولينا هريرا " تدرين ايش اقدرت اتسوي هالماركه بكل الطبقات
اقدرت تكسب الجميع حتى لو كان مستواها عادي

رولكس .. بعراقه هالماركه ..وبعمرها الكبير اقدرت اتوفر للذوق العام اسعار متفاوته
بولغري .. اقدرت تنزل اشوي بأسعارها في بعض المنتجات

هذا هو التاجر الشاطر
اليوم بكسبك كسعر وكجوده
بكره اكسبك على طول



جملكم الله برضاه

[كلنا قطر 1981]

اختي تحداني الزمن

اولا انا اتفق مع الاخت ديور بكلامها

ثانيا

اتمنى انج تتفهمين وجهة نظري الخاصه بهالموضوع و انتي ما شاء الله عليج عندج من

المعرفه و حب الاطلاع الكثير ربي يحفظج

اختي لو تلاحظين انه اكثر الاستغلال يكون للنساء اكثر من الرجال ليش؟؟

اختي الحريم بشكل عام يحبون التشري و يهتمون بالكشخه و بسبب هالشي تلاقين انه اغلب

التجار سواء من الرجال او النساء تكون ((المراه)) هي العنصر الاساسي الي يبنون عليه

تجارتهم

الي صاير عندنا اختي كالتالي

قوة كبيره للتشري

كثر الطلب

قلة الانتاجيه في السوق المحلي

السمعه انه مثلا البحرينيات او السعوديات العبي عندهم ارخص و احلى فتحصلين انه اي تاجر

او تاجره يجون و يتعنون من الدول المجاوره يعرضون عندنا و للاسف الي عندنا من البنات

تقول ارخيص و و ((اكيد))هم ارخص من العندنا بدون لا يسون مقارنه بالاسعار

و التاجر يعرض و يحصل اقبال و بسبب هالشي يرفع السعر و المشكله انه الناس تاخذ

و في عندج البعض يحب يفوشر بانه اخذ هالشي من المكان الفلاني او انه خذت هالعبايه من

التاجره الفلانيه و مب مهم السعر و بذكر لج مثال

بالصدفه كنت قاعد مع واحد من الربع القراب لي و هو مب قطري المهم اتصلوا فيه ربعه و

تواعدنا كلنا انه نلتقي و من الشباب الي جاو في واحد منهم كان ييشتغل في محل مشهور هني

في قطر بانه محل ماركات و ما يشتريون منه الا الناس الي من الطبقه العاليه

يقولي و يقسم لي انهم يجيبون المنتج و يحطون الفايده 100%100 و الناس تشتري

و قاموا يضاعفون الفايده لين اوصت 300%100 و ما زالت الناس تشتري رفيجي التفت

عليه و قاله ترى هذا نصب يا فلان قال ادري بس انا موظف و اتبع التعليمات الي تجيني و مب

انا الي احط الاسعار قاله بعد يفترض عليك انك تنبهم يقول والله العظيم انه في زباين قدام عندي

يجون لي كنت انبهم بالخش علشان ما اتفنش يقول و بعد مافي فايده يتشرون يقول اخر شي

تعبت من النصيحه معاهم و قلت كيفهم دام انهم ما يبون يسمعون النصيحه خلهم يتشرون و انا

الي على سويته

اختي احنا مشكلتنا في حب التشري بشكل عام و البنات بشكل خاص و المشكله يا ليت نشتري

الاساسيات الا كله مع الاسف من الكماليات لو بس ننتبه نقاطع الكماليات شوي بنقدر ناثر على

المستغلين

لكن مع الاسف لا حياة لمن تنادي

الله يهدينا و يهدي تجارنا و بناتنا اللهم امين :)

[Dana’1]

لكلام الي قلتيه كلام جميل جدا جدا
والامثله صحيحه وواقعيه .. والكماليات اليوم في اشياء كثيره منها تعتبر من الاساسيات
اعتوقع انا البس لنفسي والبس للناس
اكشخ لنفسي واكشخ للناس .. اتعدل لنفسي واتعدل للناس
دام الله منعم علي ولله الحمد والمنه ودام الله امقدرني اوفر من افلوسي وهم يتم لي شي
ودام اعطي حقوق رب العالمين والوالدين هم يتم لي شي فمافي مانع ارفه على نفسي واشتري الحلو .. واشتري الغالي .. والغالي سعره فيه

ما تقدرين تقنعين اي انسان عنده والله منعم عليه والله يعطي الكل
" في فرق كبير ما بين ساعه " كارتير " الين ساعه "راديو "
وان مافي فرق بين خاتم قراط 22 الين خاتم قراط 18
وما مافي فرق بين شنطه جلد عاديه الين شنطه متوسطه الحال من " شانيل او ديور .. او حتى باليه "


زمان الوالده تقول قبل 20 سنه كانوا الرجال يشترون " باليه " للمناسبات الكبيره
وكانوا يخلون الجوتي " اجلكم الله للمناسبات الصعبه " بالرغم من صعوبه الحياه

لان الحلو كل نفس تحبه
الله يخليلك الوالدة ويطول بعمرها عالطاعات يارب آمين

ا
اقدر اليوم اروح دبي " اشتري من سوق المنال 90 غرشه عطر ابــ 1000 ريال
لكن في فرق كبير بينه وبين عطر يسوى 300 ريال من مكان مرتب .. مب لاني ابي اقول للناس تعالوا شوفوا .. كثر ما اشتري شي ما يسوي لي الشغل شغلين
على طاري العطور بتصدقيني لو اقولك موقف حصل معي شخصيا
سالفة طويلة كيف حصلت عالعطر بس المهم بالموضوع ،،،اني بخيت منة ورحت داخل عند اهل زوجي وكانت وحدة من خواتة مسيرة عندهم المهم ساعت دخلت سلمت عليها جلست الا تشم قالت الله حلو هذا توم فورد،،،انا ابتسمت،،قلت اية قالت اي واحد ابو 700 تقريبا لى ما اذكر والا الي اكبر! ابتسمت وقلت اي سعر الصغير قالت حلو توني ماخذة منة من باري غاليري
ضحكت قلت لها هذا ب 49 ريال من احد المحلات ،،احمر وجها واضحكت قال صدق عاد صدق الصدق ورحت جبتة لها عشان تصدق،،،عقب بخت منة قالت تصدقين يختلف شوي:)
قلت يمة تو تقولين توم فورد وبصراحة انا وقتها ما كنت شامة التوم فورد "توسكان ليذر" قلت انتي عشان عرفتي قلت غير ويختلف والا يوم دخلت اتمشمينة بالهواء وتقولين الله هذا توسكان توم فورد وما اقولك ريحتة قوية وثابتة بعد:)
عقب علمتها سالفة هالعطر واني ما كنت اعرف حتى محلة لانة مقدم لي ههه صدقيني اختي هذا الي صار معي ،،هههه

العبايه الي تتكلمين عنها او الي نتكلم عنها اذا تحمل " شكل جديد .. وذوق جديد .. واسلوب جديد " واحنه النساء هذا لبسنا مافي مانع اروح واشتريه على الاقل شريت شي حلو وايد وغريب وجميل .. ويميزني عن باقي عباياتي

حتى الرجل يقول اشتري طاقه حلوه ابنوعيه قماش حلوه وافصل الثوب بــ 200
احسن ما اشتري طاقه ونوع القماش اشلح املح واضطر افصل 20 ثوب ويطلع مب لين ذاك الزود


اختج تحداني الزمن راحت محلات قالوا عنها رخيصه .. مب بس رخيصه الا شي ما يدخل العقل
عبايه اشحلاتها معروضه وكل هالشكل وتاليتها 300 ريال
يوم جيت فصلتها مب هي القطعه ولا هو ذاك القماش ولا الخياط
سألت قلت له وين الكفيل بالمصادفه طلع واحد من ربعنا
يوم سألنا ليش جذي ؟؟ قال احنه نبي نكسب زبون ونمشي الحال لو فصلنا للعالم " كريب سعودي درجه اولى ودرجه ثانيه اشلون اجمع زباين "

هم هذا من حقه .. بس زبون عن زبون يفرق
ونظره زبون عن زبون تفرق

ا
ن جيتي لي وقلتي لي حطي 180 في عبايه قطعتها عاديه بس موديلها فخم
بقول لج لا ..

بس لو قلتي لي ادفعي 300 ريال لقطعه فخمه والموديل عادي بقول لج حاضر

طيب ان قلت لك ادفعي 180 لقطعة نفس فخامة الي ب 300 والموديل عادي او فخم؟!!
بتاخذين او لا،،، اتوقع بتاخذين مع وضع علامة تعجب ليش هالتلاعب بالاسعار!
اذا تخميني غلط ،،،عدلي لي اذا سمحتي

العباية الي خذتها اختي150كانت جاهزة وضابطة على قياسها،،،اقولك ما تفرق عن الي بسوق الديرة بين3000إلى6000 وعلى فكرة امي ماخدذتها تفصيل من الديرة غاااالية لان خذتها قبل لا تسافر للإمارات ويوم خذت حقت اختي هي قامت تضحك
مافي فرق الا بقصة الموديل ! ولو نفس قصتها بسوق الديرة كان ماراح تاخذها اختي الا ب 3000-3500 تقريبا
وازيدك من الشعر بيت اختي مو من مودها كلش هالعبي مثل ما قلتي ناخذ على ذوق الناس والي دارج ههه
يعني ماراح تلبسها الا بالعرس مو كل الوقت لأن المعاريس اخوانها يعني شو لا اكثر والا اقل
لان مستحيل بأي حال من الاحوال تطلع فيها اي مكان حتى وان من سيارة لسيارة
والكل سأل عن العباة وما عطاها سعرها بما في ذالك خالاتي القطريات:)
والحين وينها منسية في احد الكبتات هههه،،، مع العلم انها زينة بس اختي ما عذبت الاعراس


الناس سيدتي الكريمه ينظرون لامور كثيره من حيث الجوده .. من حيث الكفاءه .. من حيث ان انا احط فلوسي ان كان اشوي غالي بس يسوى ..
اختي حتى انا تهمني الجودة ،،، وادور عليها خصوصا اذا الاستخدام بيكون لاكثر من مرة


بس لا تنسين اختي بعض الامور تستخدم مرة وحدة وبعدين تنسين حتى وين مكانها! هل هذي الامور بدفع فيها آلاف لاجل ليلة! او يوم

طبعا انا ما اتكلم عن اشياء قيمتها فيها مثل الذهب والالماس والساعات الي والواحد يحب ياخذ منها الماركة الي تكون بجودة وبشكل جميل وعليها ضمان
ولا عن اللبس والعبي والاحذية وانتي بكرامة ذو القيمة والجودة الي راح تتكر باللبس
او حتى فساتين الاعراس الي قيمتها عالية وفخمة وللاسف غالبا تنلبس مرة ان كثرت مرتيين
هذا اذا كان العرس بغير منطقتك بعد!

اقصد بكلامي الاشياء الاستهلاكية الكد والمد اليومية عبي حق مسايير عادية حق سوق بجلس اخذها باللاف واناعارفة نفسي كل فترة وجيزة اغيرها؟!!
شنط حق مسساير عادية او حق سوق مو لازم الا اخذ تقليد ماركة من عند احد التاجرات السعوديات او البحرينيات وهن اسعارهم غااالية
بزيدها شوي او واجد وبشتري أصلية خصوصا ان اغلب الردود تقول ان عندهم فلوس وبخير ونعمة
طيب ليش تخلون الواحد يستغفلكم دام عندكم هالخير ؟!!! ادخلو البوتيكات الفخمة واشترو كل شي اصلي واشترو راحة بالكم
وحتى الماركات مراتب مثل ما قلتي كارتير غير راديو!
كل واحد يدور على الماركة المناسبة بامكانياتة ويحط افلوسة في شئ مضمون ويريح راسة
والحمدلله هالماركات ما قصرت وفرت اغلب الموديلات ان كان حق يومي او مناسبات


سإلي زوجج ولا الوالد ولا اي شاب
لما تبين تشترين مكيف .. شنو يقترح عليج .. مع العلم ممكن تلقين مكيفات كثيره
بس راح يختار الاجود حتى لو كان غالي .. مع العلم هي اساسيات .. بس في غيره اساسي ويبرد
هذا الي اقصدة بالاستخدام الطويل المدى والي قيمتة فية وشي اساسي
اكيد راح اخذ الافضل من ناحية الجودة وخدمة ما بعد البيع ،،،وحاليا اخترنا جينيرال يمدحونة ومجرب من سنين:)
الحين لما تجيني السعوديه والبحرينيه .. " ونادر ما اشوف كويتيه واماراتيه " الا في المعارض الكبيره .. مب في ظاهره المجمعات .. هي تبيع لي فكره حلوه
وتعرض لي شي وااايد حلو ومميز


لكن بإسلوب استفزازي ومبالغ فيه
انا اليوم عندي هالوعي ومب مجبره .. بس لازم اتعرف ان احنه معاها مب ضدها وحياها الله
الي بالاحمر هو مربط الفرس
هنا كل واحد بمزاجة وتقدرين تبينين لها وتقولينها كاش بوجها ،،،انتي مغلية السعر
وعلميها حسبتك الي بالاخضر
او انك تروحين للمحل الي عقبة بكل بساطة،،،اذا انتي وغيرك سواها ماراح يلاقون زباين بالتالي بيردون بلادهم او بنزلونها لكم باللسعر الي تبغونة
لكن بطريقه منطقيه .. خل تضرب الفوائد في 5 مب في 30

هنا اعتبره ظلم .. اكثر من كونه شطاره تاجر
لان التاجر الشاطر لازم يكون عنده ضمير .. وهنا صارت اشبه ما تكون بلعبه مضاربات على طاولات المناقصات المحببه .. راح تسري على من هالمره
اتفق معك



اتمنى فهمتيني .. لان الامور ابعد من 180 ومن 150 ومن امور لحظيه
على كثر ما نرحب بهم بشكل دائم واحنه حابينهم بس ما حابين اسلوب الاستفزاز
انا فاهمتك ،،،بس بعد الي يصير بال 150 و180 وهي تسوى 10-20 مثلا يعد استفزاز!
او هو نفسة مرة يقولك 100 وعلي نفس لبضاعة يقولك 300 ارسى لك على بر يا اخي
انا ما عندي مشكلة راح اخذ الي يعجبني لو هو بالآلاف دام اني بخير ونعمة ،،،لكن لا تستفزني كل يوم بسعر غير والفارق كبير!

اختى من ردودكم ومواضيعكم شفت ان البعض يستهين بالتغيير البسيط بالاسعارمن كذا الكل قام يتهاون معكم بالمعاملة ويستفزكم

والا اذا على الخير والنعمة ترى كل "ن" عندة خير وونعمة ولله الحمد والمنة
ان كان سعوديين او بحرينيين او غيرة من الخليج ومن زمــان بعد يعني موحديثي نعمة ،،، ليش محد يستغلهم مثل ما يستقلونكم؟ طبعا هذا على حسب منظوركم انتي ان دايم مستغلينكم!!




جملك الله برضاه

وياك اختي العزيزة

[الأصيلة]

العين على قطر.. فلا عيب من البحث عن الرزق الحلال في أي بلد كان..

عليهم بالعافية ورزقهم حلال
لكن ياليت بدون استغلال..

[سهم عتيج]

يعطيك العافية اختنا تحداني الزمن على الموضوع

وحقيقة اجدني مستمتعا بالتفاعل والردود مع الموضوع

ماشاءالله عليك المفروض نعطيك لقب تاجرة محترفة ويبدو انك من بيت تغلب عليه التجارة من كثر تحليلك العميق في علم التجارة والاذواق

اعتقد ان متوسط دخل الفرد في قطر ومقارنته مع باقي دول المنطقة باستثناء ابوظبي هو الذي حرك التجار والتاجرات من دول الجوار لعرض بضائعهم هنا وباسعار اعلى وهم عارفين انهم راح يبيعون يبيعون بالاسعار اللي حاطينها

وبالعكس بعض العارضين والعارضات اصلا قد يستهدفن رفع بضاعتهن حتى يكون زبائنهن مميزين بموديلاتهن وهم يعرفون ان هذه النوعية من الزبائن تلجأ اليهم باسعارهم العالية لياخذوا شيئا مميزا من وجهة نظرهن

يعني هنا التاجر والزبون كأن بينهم اتفاق ضمني على ذلك
التاجر يبيع موديلاته لاناس معينيين اعتمادا على عنصر التميز
والزبون او الزبونة تتعمد شراء هذه الموديلات باسعار عالية لانها متاكدة بان القليلات هن من يشتري هذه الموديلات لارتفاع اسعارها وبالتالي تتحقق المصلحة بين البائع والزبون

[Dana’1]

يعني هنا التاجر والزبون كأن بينهم اتفاق ضمني على ذلك
التاجر يبيع موديلاته لاناس معينيين اعتمادا على عنصر التميز
والزبون او الزبونة تتعمد شراء هذه الموديلات باسعار عالية لانها متاكدة بان القليلات هن من يشتري هذه الموديلات لارتفاع اسعارها وبالتالي تتحقق المصلحة بين البائع والزبون
بالضبط مثل بعض الماركات العالمية المضمونة
تلاقي يبعون من الشي قطعة وحدة لشخص واحد تلف كل العالم ماتلاقي مثلها بالموصافات والشكل
وهذي سعرها معرووف طبعا وزباينة معروفة بعد وهذا يشمل الملبوسات المجوهرات وحتى الاثاث
مثل هامحلات الواحد يأخذ وهو مغمض لان عارف من وين ماخذ بالضبط

بس احنا هنا نتكلم عن تاجرات بضاعتهن من ممتازة الى اقل من عادية ويبعون اشياء ما تستحق اسعارها
وفية ناس تشتري منهم بعدين يقولون لعبو علينا وسلبومنا
اكيد ماهم باعوكم اشياء ما عليها ضمان اساسا
انت ايش رايك بالموضوع بما انك مشاءلله شكلك من التجار والي فاهميين بالتجارة
بالذات كلمة سلب مني هل هي مناسبة مع هالنوع من التاجرات؟!
او المحلات العادية الموجودة بالدوحة!

[┋أَجِوَدًيّ┋]

بدأت السعوديات والبحرينيات الدخول بقوة للحصول أيضاً على زوج قطري أيضاً

وهي ظاهرة مجتمعية ايجابية لما تتمتع به المجتمعات الخليجية من لحمة واحدة

[Dana’1]

^^^^
:secret: :tease:

[قطريه ماركه]

و الله كل وحده عقلها براسها .......

اللي تشوف السعر خيال على عباه لا تاخذها !!!

لأنهم هم المستفيدين من هالغبااااااء ...

[قلم محايد]

احب اتداخل بالموضوع .

التجارة بيع و شراء و اعتقد عندما تعرض بحرينية او سعودية او ايا كانت جنسيتها بضاعة في قطر مثل العبايات او غيرها فالمشترية ليست مجبورة ان تشتري ان لم يناسبها السعر .

الشي الثاني بالنسبة لفرق الاسعار بين البحرين و السعودية من جهة و بين قطر من جهة اخرى حتى لو كانت نفس العباءة ! الفرق طبيعي يعني هل اسعار الايجارات في السعودية او في البحرين هي مثلها في الدوحة بقطر ؟

انتم تعلمون اسعار الايجارات العالية في الدوحة لذلك الفارق طبيعي بين الاسعار في اسواق الدولتين .

و حتى البائعة التي ستسافر من البحرين او السعودية الى قطر و ستدفع تذاكر و تستأجر غرفة في فندق و ربما كشك للعرض اليس هذا مكلف و ستدفع عليه تكاليف ؟ و فوق هذه التكاليف تريد ان تربح فبالتالي فرق السعر طبيعي جدا مثلها مثل اي بضاعة !

[sweet qatar]

ابي اوضح شي مهم.. طرحته الأخت تحداني الزمن للنقاش..


سوء المعاملة والحسد الي تلقاه القطرية..
من بعض التاجرات السعوديات والبحرينيات ..

التاجر الشاطر هو الي يكسب زباينه ويحاول يرضيهم..
لكن التاجرة هني تقولها بكل جرأة انتي قطرية
يعني بتدفعين أضعاف السعر وانتي اصلا ما تستاهلين الفلوس الي عندج.. "حسد وغيرة"..

في ردي السابق تغاضيت عن هالنقطة بالذات..
لأني اشوف ان البنت المفروض ما ترضى على نفسها هالمعاملة.. و توقفها عند حدها..
اما اني اسكت عن الإهانة واشتري عقب اقول التاجرة البحرينية سوت ولا التاجرة السعودية فعلت..
وكتبت نص مثل أقصد فيه كل بنت ماعندها كرامة وعزة نفس.. :shy:


لكن ظن بعض الإخوان ان الموضوع هو حسد لهالتاجرات او قطع رزق..
حدني اقول كلام ما ودي اقوله .. مع ان تحداني حاولت توضح اكثر من مرة في ردودها ..

مثال بسيط.. وسالفة حقيقية..

ماكييرة بحرينية كانت تمكيج قطرية في البحرين.. << لحد يقول تذاكر وسكن..
بعد ما خلصت الميك اب عرفت ان البنت قطرية قالت لها..
لو دريت انج قطرية كنت خليتج تدفعين أضعاف.. !!!!!!


عادة المنافسة الخارجية ترفع من مستوى المعروض في السوق المحلي..
لكن الي اشوفه العكس..
المعروض ردي وبضاعة الخليج الي تجينا اردى منه..

[تحداني]

اختي تحداني الزمن

اولا انا اتفق مع الاخت ديور بكلامها

ثانيا

اتمنى انج تتفهمين وجهة نظري الخاصه بهالموضوع و انتي ما شاء الله عليج عندج من

المعرفه و حب الاطلاع الكثير ربي يحفظج

اختي لو تلاحظين انه اكثر الاستغلال يكون للنساء اكثر من الرجال ليش؟؟

اختي الحريم بشكل عام يحبون التشري و يهتمون بالكشخه و بسبب هالشي تلاقين انه اغلب

التجار سواء من الرجال او النساء تكون ((المراه)) هي العنصر الاساسي الي يبنون عليه

تجارتهم

الي صاير عندنا اختي كالتالي

قوة كبيره للتشري

كثر الطلب

قلة الانتاجيه في السوق المحلي

السمعه انه مثلا البحرينيات او السعوديات العبي عندهم ارخص و احلى فتحصلين انه اي تاجر

او تاجره يجون و يتعنون من الدول المجاوره يعرضون عندنا و للاسف الي عندنا من البنات

تقول ارخيص و و ((اكيد))هم ارخص من العندنا بدون لا يسون مقارنه بالاسعار

و التاجر يعرض و يحصل اقبال و بسبب هالشي يرفع السعر و المشكله انه الناس تاخذ

و في عندج البعض يحب يفوشر بانه اخذ هالشي من المكان الفلاني او انه خذت هالعبايه من

التاجره الفلانيه و مب مهم السعر و بذكر لج مثال

بالصدفه كنت قاعد مع واحد من الربع القراب لي و هو مب قطري المهم اتصلوا فيه ربعه و

تواعدنا كلنا انه نلتقي و من الشباب الي جاو في واحد منهم كان ييشتغل في محل مشهور هني

في قطر بانه محل ماركات و ما يشتريون منه الا الناس الي من الطبقه العاليه

يقولي و يقسم لي انهم يجيبون المنتج و يحطون الفايده 100%100 و الناس تشتري

و قاموا يضاعفون الفايده لين اوصت 300%100 و ما زالت الناس تشتري رفيجي التفت

عليه و قاله ترى هذا نصب يا فلان قال ادري بس انا موظف و اتبع التعليمات الي تجيني و مب

انا الي احط الاسعار قاله بعد يفترض عليك انك تنبهم يقول والله العظيم انه في زباين قدام عندي

يجون لي كنت انبهم بالخش علشان ما اتفنش يقول و بعد مافي فايده يتشرون يقول اخر شي

تعبت من النصيحه معاهم و قلت كيفهم دام انهم ما يبون يسمعون النصيحه خلهم يتشرون و انا

الي على سويته

اختي احنا مشكلتنا في حب التشري بشكل عام و البنات بشكل خاص و المشكله يا ليت نشتري

الاساسيات الا كله مع الاسف من الكماليات لو بس ننتبه نقاطع الكماليات شوي بنقدر ناثر على

المستغلين

لكن مع الاسف لا حياة لمن تنادي

الله يهدينا و يهدي تجارنا و بناتنا اللهم امين :)


حب التشري يا اخوي وحب اللبس وحب اقتناء الاجمل والاجود ما اعتبرها مشكله ولا اعتبرها قضيه .. الانسان بطبيعته يفضل الاحلى ..ويفض ان يكون بأعلى قدر عالي من الاناقه " دام الله منعم عليه " .. انا او انت او هو رب العالمين اعطاه ما اعطاه من المال
واعطاه ما اعطاه من خير .. ضروري اشتري شي رخيص وانا اقدر اشتري شي احلى منه ابوايد واغلى .. وما يعني ان الرخيص مب حلو

ممكن تشتري شي رخيص من مانغو .. وممكن باجر تشتري شي راقي اك وحلو وانعاله شبابيه من فارس ..

العمليه مب عمليه لا تشترون وابتعدوا عن الكماليات وركزوا على الاساسيات
ليش ابتعد عن الكماليات .. لو حصرنا الاساسيات في الحياه هي شنو .. راح تلقاه على الشكل التالي .. " اكل وشرب وبيت وملابس تسترك وتعليم واي سياره مشي حالك وصحتك "
الحياه مب بس هالاشيا

انا عن نفسي ما احب هالفكر ابدا
ولا احب هالنظره القاسيه لمشتريات شخص قادر يشتري

ممكن ننتقل بمسمياتنا للكماليات لما تكون زياده عن اللزوم
لحد الهوس
لحد المبالغه
لحد انك مديون وحالتك لله وقاعد تبالغ
لحد كل يوم تسافر وانت بيتك للحين ما كملته
هنا كماليات

لكن امور طيبه ولله الحمد والفضل والمنه
اعتبر مشترياتي من لبس ومن " ازره وساعات وعطورات " كماليات
عيل احنه ليش نشتغل في الاساس
لا قادرين نستمتع بفلوسنا .. لان الاستمتاع يعني كماليات

الماركات العريقه .. اسمها بحد ذاته له سعر ..
بمعنى يمكن تلقى حزام عادي وايد من " دنهل ومب حلو كلش " لكن سعره 200 ريال
هنا الجوده ما اعتقد واطيه .. بس الشكل ما يستاهل
الماركه وعمر الماركه يلعب دور كبير
وما نقدر نلغيه كمستخدمين عاديين
لان هو 2000 للكل
لي ولك وله






،وحاليا اخترنا جينيرال يمدحونة ومجرب من سنين:)



معاج حق جنرال فضيعيين بس اشوي قسم الصيانه تعبان عندهم
لان الضغط عالي جدا عليهم .. والايدي الماهره قليله
بس ما اعتقد راح تتحسفين اسملى عليج


هنا كل واحد بمزاجة وتقدرين تبينين لها وتقولينها كاش بوجها ،،،انتي مغلية السعر
وعلميها حسبتك الي بالاخضر
او انك تروحين للمحل الي عقبة بكل بساطة،،،اذا انتي وغيرك سواها ماراح يلاقون زباين بالتالي بيردون بلادهم او بنزلونها لكم باللسعر الي تبغونة




انا ابي السعوديه تجينا وابي البحرينيه وابي كل الدول
بالعكس ودنا نشوف شغلهم ونرحب فيهم ونرحب بالابداع الي يملكونه
وساعات اتعنى اروح ايش جايبين من افكار .. ايضا تكرار الفكره الواحده مدى الحياه شي مزعج وللامانه عندهم افكار جميله

هو روحتي لهم او امتناعي عنهم صحيح هو حل .. بس الحل الاجمل هو كسب هذا السوق القطري .. لان تالي احنه دوله وحده .. ان كانوا من دول مختلفه
السعر صح يحدده الشخص .. على حسب ميزانيته
بس اذا تقدر اتنزل في السعر ليش تبالغ فيه " هنا الاستفزاز "
تخيلي خاطرج في شي واتعرفين ان في مجال اتنزل بدون ما تخسر وتقوم ترفعه اضعافه
اتوقع ينكسر خاطرج على شي من الكماليات ..
هذا الي اقصده




اختى من ردودكم ومواضيعكم شفت ان البعض يستهين بالتغيير البسيط بالاسعارمن كذا الكل قام يتهاون معكم بالمعاملة ويستفزكم



ابدا التغيير البسيط ما يرضيا
صارت ضجه كبيره يوم زادت اسعار المشروبات الغازيه
يوم ارفعوا قيمه الحين
يوم ارتفع سعر البيض
يوم ويوم .. المواطن لا يقبل بالظلم على شي يعتبره حق من حقوقه
في امور نقدر نعترض عليها لما يكون حلها بقرار من دوله
وفي امور ما راح نقدر نعترض عليها بصوت اعلى لان امور تتعلق بتعاملات بشريه انسانيه
وخاصه ان كنا من نفس الجنس ..


والا اذا على الخير والنعمة ترى كل "ن" عندة خير وونعمة ولله الحمد والمنة
ان كان سعوديين او بحرينيين او غيرة من الخليج ومن زمــان بعد يعني موحديثي نعمة ،،، ليش محد يستغلهم مثل ما يستقلونكم؟ طبعا هذا على حسب منظوركم انتي ان دايم مستغلينكم!!


الحمد لله رب العالمين .. الفقير غني في اعيونه وفي اعيون نفسه
والغني غني لنفسه ولحلاله ونقول الله يزيده
والي ما عنده نقول لكم حق علينا ولازم تاخذونه غصب وطيب ..
وكل الناس على العين والراس ولا يقاسون بما يملكون
ولا قلنا ان السعوديين والبحرينين حديثي نعمه ابدا .. بالعكس امورهم ولله الحمد طيبه
لكن الوضع المادي لمن يتتبعهم بشكل عام .. حالنا افضل من حالهم بنسبه عاليه في البعض الاكثر .. ودخل المواطن القطري كبير حتى ان كانت الحياه غاليه

اجار شقه في السعوديه " 3 غرف مع صاله ومجلس وحمامين ومطبخ " سهل تلقين ابــ 3000 ريال ... احنه بنقول وايد رخيص .. بس راتب دكتور جامعي يادوب يوصل 20
لو تتبعين برنامج " الساعه 8 مساءا على الـmbc راح تسمعين العجب



مافي احد يستغلهم لان ما عندهم شي عندنا
بناتنا ما يقيمون معارض اهناك .. ونادر جدا هالشي .. ولما يجون الدوحه كزيارات ما يقدرون يقولون لاسعارنا استغلال لان هاذي اسعار السوق القطري
هلي يجونا من الامارات والبحرين والكويت وهم عارفين ان الفنادق اسعارها مرتفعه
السوق عندنا غالي
الجمعيات مب رخيصه
المكالمات اشوي غاليه
الانترنت رديئ عندنا

احنه ما نوهمهم ونستفزهم بشي خاص لهم
الي يطبق عليهم يطبق علينا .. الا في تذاكر القطريه هم لهم حظ اعلى منه فيه



وياك اختي العزيزة



حوارك جميل جملك الله برضاه





عليهم بالعافية ورزقهم حلال
لكن ياليت بدون استغلال..



نعم حياهم الله وبياهم
وعليهم بمليون عافيه بنفس راضيه


جملكم الله جميعا برضاه

[مستوى الدعم]

لا أحد يمانع أبداً في أن تأتي بنات الخليج وتعرض منتجاتها في بلادنا..

فالرزق من رب العباد .. ولا يوجد إنسان يأخذ رزق الآخر..

لكن المرفوض هو:

الاستغلال البشع.. فإذا كانت القطعة تكلفها من تصميمها حتى عرضها في الكشك في الدوحة حوالي 700 ريال بالكثير.. لماذا تبيعها بما لا يقل عن 1800 بحجة أن القطريات دفيعات..

الخدمة السيئة.. حصلت لي تجربة منذ سنتين مع إحدى العارضات البحرينيات.. حيث طلبت منها إحدى العباءات المعروضة.. فقالت أنها ستقوم بتفصيلها لي وإرسالها للدوحة (على حسابي طبعاً)..
طلبت منها أن تغير ألوان التطريز في العباءة.. فجاهدت لتقنعني أن الألوان المعروضة هي الأفضل.. واقتنعت
وطبعاً استلمت نقودها كاملة مقدماً.. وكل ما تركته لي ولشقيقتي فاتورة ورقم تلفون.. مع وعد بأن العباءة ستصل خلال عشرة أيام..

حاولنا أن نتصل بها بعد الفترة المذكورة فردت مرة .. ثم أصبحت تتجاهلنا تماماً.. حتى قاربت الفترة على الشهر.. عندها أرسلت لها شقيقتي رسالة نصية قالت فيها:
سأضع اسمك على الحدود القطرية لإيقافك عندما تأتين مرة أخرى..

عندها اتصلت فوراً.. وأعطتنا حججاً ومبررات.. وأرسلت العباءات.. وكانت الخياطة غير نظيفة..
والأدهى أنني لبست تلك العباءة أمام إحدى صديقاتي وذكرت لها القصة.. فقالت.. هل تدرين أنني رأيت هذه العباءة في الخبر والتطريز اليدوي الذي ادعته المصممة ما هو إلا زيج تركبه على العباءة.. لذلك هي رفضت أن تغير لك في ألوان التطريز لأنه جاهز..

[تحداني]

يعطيك العافية اختنا تحداني الزمن على الموضوع

وحقيقة اجدني مستمتعا بالتفاعل والردود مع الموضوع

ماشاءالله عليك المفروض نعطيك لقب تاجرة محترفة ويبدو انك من بيت تغلب عليه التجارة من كثر تحليلك العميق في علم التجارة والاذواق



الله يعلي مقدارك يا اخوي .. الذوق والتجاره اخذته من الوالد بدرجه عاليه
تقدر تقول هذه اللبؤه من ذاك الاسد .. الله يطول ابعمره .. وابعمر كل غالي على قلبك
وتفاعل الاعضاء يشرفني وانا اتجمل بهم دائما لانهم اصحاب مقام عالي
نروح لتحليلك .. ونشوف



اعتقد ان متوسط دخل الفرد في قطر ومقارنته مع باقي دول المنطقة باستثناء ابوظبي هو الذي حرك التجار والتاجرات من دول الجوار لعرض بضائعهم هنا وباسعار اعلى وهم عارفين انهم راح يبيعون يبيعون بالاسعار اللي حاطينها



معاك حق دخل المواطن القطري والاماراتي بالتحديد بوظبي " عالي جدا "
اعتبر قطر ارض خصبه للتجار الاذكياء والي يمتهنون مهمنه التجاره بمهنيه عاليه
خليني اعطيك مثال جميل جدا وتعلمته ايضا
"فيلاجيو " من المجمعات الرائده جدا في القسم الــvip ماركات عالميه في منا الصعب
وفي منها الي كانت موجود بالاس من قبل مثل " محلات علي بن علي .. كارتير وشوبارد .. الخ "
الجزأ الاخر من الماركات هو لمالك كويتي .. مع الجمعيه ايضا .. وضيف عليها سلسله المطاعم من " سراي .. وتاي شاي .. والايراني .. الخ وقريبا غيرها
وهذا المالك هو " الشايع " قصه الشايع قصه عميقه وغريبه بدأ من الصفر وأكمل الطرق هنا في قطر .. أصاب وأجاد .. عرف اين يضع هذا الامتداد الاقتصادي الاسثماري .. في المكان الصحيح


وبالعكس بعض العارضين والعارضات اصلا قد يستهدفن رفع بضاعتهن حتى يكون زبائنهن مميزين بموديلاتهن وهم يعرفون ان هذه النوعية من الزبائن تلجأ اليهم باسعارهم العالية لياخذوا شيئا مميزا من وجهة نظرهن


خليني نكون ايضا منصفيين وصادقين اكثر فيما نكتب
انا تتبعت هذه الظاهره من البدايه تقريبا .. اميل للغريب وبطبعي احب اكتشف ما احمله من هوايه وفضول في الاشياء وفي عالم السوق
مب ضروري اشتري كل شي .. بس احب اشوف .. واتعرف .. واتعلم
كانت اول عارضه بحيرينيه التقيت فيها .. في فيلاجيو .. كنت في الممر امشي قالت لي اختي اي جهه "zara " قلت لها انتي من البحرين ؟؟ قالت اي نعم
قلت لها حياج الله نشرب شي وfعدها ناخذج لــ " zara "
تكلمنا وايد .. وعقبها قالت لي انا جايه الدوحه اعرض بضايع
قلت لها شنو هالبضاعه يمكن لي خاطر ؟؟
قال تعالي معاي
اطلعت عبي .. واشويه مجوهرات
قلت لها على طول عندج محل في البحرين ؟؟
فالت اي حياج الله

وبالفعل رحت لها البحرين .. وشفت وكان فارق السعر عادي
نجاح شخص .. جاب شخص ثاني والفكره انتقلت لشخص اخر وهنا صارت المنافسه ما بين البحرينيات والسعوديات نفسهم .. عاد اكره شي " حسد التجار امبينهم " واطلعت ابراس القطريه .. زيد على هذا .. قلت امور كثيره .. الجوده .. المهنيه

اي نعم راح ادفع الين الــ 300 والــ 500 والــ 1000 .. والــ 2000
وعندنا يا اخوي ما نكرنا
انا اليوم ما اعترض على السعر بشكل خاص ومحدد كثر ما اعترض هل هالسعر يناسب المعروض " هذا سؤال " ..
انا اليوم اقول صح " من حقها تستفيد" لكن لا تضربها بالــ 9 والــ 10 الفوائد " لان هذا ظلم "

والي اتزابي على سعر عبايه
تأكد انهم حديثي نعمه .. اما الي شايفه خير شايفه خير في الرخيص والغالي
يعني هنا التاجر والزبون كأن بينهم اتفاق ضمني على ذلك
التاجر يبيع موديلاته لاناس معينيين اعتمادا على عنصر التميز
والزبون او الزبونة تتعمد شراء هذه الموديلات باسعار عالية لانها متاكدة بان القليلات هن من يشتري هذه الموديلات لارتفاع اسعارها وبالتالي تتحقق المصلحة بين البائع والزبون



بالعكس يا اخوي قل التميز
زمان لما كانت ااسعر اقل " كان التميز اعلى بكثير "
ومب فئه قليله تشتري .. بالعكس كل البنات الي ما عندهم التزامات وقادرين .. يقدرون يشترون
لان بالفعل رواتبهم تسمح لهم .. شوف رواتب المدرسات .. رواتب الاداريات في قطاعات الطاقه والصناعه .. في البنوك .. في وفي
والحمد لله نسبه الجامعيين عاليه في قطر





بس احنا هنا نتكلم عن تاجرات بضاعتهن من ممتازة الى اقل من عادية ويبعون اشياء ما تستحق اسعارها
وفية ناس تشتري منهم بعدين يقولون لعبو علينا وسلبومنا
اكيد ماهم باعوكم اشياء ما عليها ضمان اساسا
انت ايش رايك بالموضوع بما انك مشاءلله شكلك من التجار والي فاهميين بالتجارة
بالذات كلمة سلب مني هل هي مناسبة مع هالنوع من التاجرات؟!
او المحلات العادية الموجودة بالدوحة!



انا ما اعرف ليش امركزين على نقطه ان احنه نشتري .. وبعدين انقول سلبونا
اي نعم نبي نشتري .. ونبيهم عندنا " لكن بدون استفزاز .. بدون مبالغه .. بدون عدم مصداقيه
بدون قله جوده .. من حق السلعه ان تعرض على الجميع
ومن حق الجميع بالقبول او الرفض .. لكن الاعتراض على آليه ممارسه هالتجاره والتعامل مع مشاعر المواطن القطري وماله وحلاله بطريقه لا تليق بالتاجر
ولا بالزبون اتمنى المقصد الان اكتمل

مهما كان سعر المنتج حتى لو كان ريال واحد





بدأت السعوديات والبحرينيات الدخول بقوة للحصول أيضاً على زوج قطري أيضاً

وهي ظاهرة مجتمعية ايجابية لما تتمتع به المجتمعات الخليجية من لحمة واحدة





الله يرضى عليك خلونا فيص لب الموضوع
الزواج له ماله من مواضيع ومن نصيب

^^^^
:secret: :tease:


و الله كل وحده عقلها براسها .......

اللي تشوف السعر خيال على عباه لا تاخذها !!!

لأنهم هم المستفيدين من هالغبااااااء ...



ما نقدر ان بناتنا " فيهم غباء "
لان هذا يسئ لي انا ويسئ لاخت ثانيه ويسئ للبقيه
بس نقدر نقول ان مثل ما السواقه فيها " فن وذوق اخلاق " لاننا نتعامل مع جمهور واسع بمختلف الطبقات والنظريات والاداء وردات الفعل .. هكذا هي التجاره
فيها مهنيه عاليه وامانه وضمير
مب كل من عرض قال انا تاجر
وعشان تكون تاجر لازم تحترم الذوق العام في كل شي حتى لو كنت مليونيره

والكلام هنا للتاجر القطري او السعودي او البحريني
احنه ما قاعدين في حلبه اسمها من يبوق افلوس الناس اكثر
احنه نبي الكل يستفيد بما يرضى الله ويرضى الضمير

هنا الفكره



احب اتداخل بالموضوع .

التجارة بيع و شراء و اعتقد عندما تعرض بحرينية او سعودية او ايا كانت جنسيتها بضاعة في قطر مثل العبايات او غيرها فالمشترية ليست مجبورة ان تشتري ان لم يناسبها السعر .



نعم لسنا مجبرين
لكن هالموضوع لصالحهم مب ضدهم .. فخيرنا لو راح لهم احنه راح نكون على اتم الرضى
وخسارتهم لنا اعتبره خساره لرزقهم .. فليه هذا الاسلوب


الشي الثاني بالنسبة لفرق الاسعار بين البحرين و السعودية من جهة و بين قطر من جهة اخرى حتى لو كانت نفس العباءة ! الفرق طبيعي يعني هل اسعار الايجارات في السعودية او في البحرين هي مثلها في الدوحة بقطر ؟



عشان انها اسعار الاجارات مب نفس الشي
و ساحه العرض المخصصه في المولات زهيده جدا بنسبه الفوائد
نقول لا اتسون كل هذا بالزبون


انتم تعلمون اسعار الايجارات العالية في الدوحة لذلك الفارق طبيعي بين الاسعار في اسواق الدولتين .



لو المعارض اليوميه كلها وهالوجود المكثف في قاعه المعارض او المؤتمرات
راح اقول معاك حق .. الظاهره بدأت تنتشر في المولات بشكل كبير وهم قادرين يطلعون نسبه فوائد خياليه عليهم بالعافيه .. تقدر اتغطي فيها الي ما يتغطى وهم عليهم بالعافيه
لكن انا كزبون وكبنت بلد .. ليش ما تعطيني حقي في الجوده .. وتعاملني بإستفزاز
و حتى البائعة التي ستسافر من البحرين او السعودية الى قطر و ستدفع تذاكر و تستأجر غرفة في فندق و ربما كشك للعرض اليس هذا مكلف و ستدفع عليه تكاليف ؟ و فوق هذه التكاليف تريد ان تربح فبالتالي فرق السعر طبيعي جدا مثلها مثل اي بضاعة !



شكلك ما تريد بالحكايه من اولها
شبعنا نقاش في هالجانب .. هي قادره اليوم اتسوي اضعاف هذا



ابي اوضح شي مهم.. طرحته الأخت تحداني الزمن للنقاش..


سوء المعاملة والحسد الي تلقاه القطرية..
من بعض التاجرات السعوديات والبحرينيات ..

التاجر الشاطر هو الي يكسب زباينه ويحاول يرضيهم..
لكن التاجرة هني تقولها بكل جرأة انتي قطرية
يعني بتدفعين أضعاف السعر وانتي اصلا ما تستاهلين الفلوس الي عندج.. "حسد وغيرة"..

في ردي السابق تغاضيت عن هالنقطة بالذات..
لأني اشوف ان البنت المفروض ما ترضى على نفسها هالمعاملة.. و توقفها عند حدها..
اما اني اسكت عن الإهانة واشتري عقب اقول التاجرة البحرينية سوت ولا التاجرة السعودية فعلت..
وكتبت نص مثل أقصد فيه كل بنت ماعندها كرامة وعزة نفس.. :shy:


لكن ظن بعض الإخوان ان الموضوع هو حسد لهالتاجرات او قطع رزق..
حدني اقول كلام ما ودي اقوله .. مع ان تحداني حاولت توضح اكثر من مرة في ردودها ..

مثال بسيط.. وسالفة حقيقية..

ماكييرة بحرينية كانت تمكيج قطرية في البحرين.. << لحد يقول تذاكر وسكن..
بعد ما خلصت الميك اب عرفت ان البنت قطرية قالت لها..
لو دريت انج قطرية كنت خليتج تدفعين أضعاف.. !!!!!!


عادة المنافسة الخارجية ترفع من مستوى المعروض في السوق المحلي..
لكن الي اشوفه العكس..
المعروض ردي وبضاعة الخليج الي تجينا اردى منه..




الله يرضى عليج
هذا الي كنت ابي اوصله من بين الاشياء الكثيره


جملكم الله جميعا برضاه

[تحداني]

لا أحد يمانع أبداً في أن تأتي بنات الخليج وتعرض منتجاتها في بلادنا..

فالرزق من رب العباد .. ولا يوجد إنسان يأخذ رزق الآخر..

لكن المرفوض هو:

الاستغلال البشع.. فإذا كانت القطعة تكلفها من تصميمها حتى عرضها في الكشك في الدوحة حوالي 700 ريال بالكثير.. لماذا تبيعها بما لا يقل عن 1800 بحجة أن القطريات دفيعات..

الخدمة السيئة.. حصلت لي تجربة منذ سنتين مع إحدى العارضات البحرينيات.. حيث طلبت منها إحدى العباءات المعروضة.. فقالت أنها ستقوم بتفصيلها لي وإرسالها للدوحة (على حسابي طبعاً)..
طلبت منها أن تغير ألوان التطريز في العباءة.. فجاهدت لتقنعني أن الألوان المعروضة هي الأفضل.. واقتنعت
وطبعاً استلمت نقودها كاملة مقدماً.. وكل ما تركته لي ولشقيقتي فاتورة ورقم تلفون.. مع وعد بأن العباءة ستصل خلال عشرة أيام..

حاولنا أن نتصل بها بعد الفترة المذكورة فردت مرة .. ثم أصبحت تتجاهلنا تماماً.. حتى قاربت الفترة على الشهر.. عندها أرسلت لها شقيقتي رسالة نصية قالت فيها:
سأضع اسمك على الحدود القطرية لإيقافك عندما تأتين مرة أخرى..

عندها اتصلت فوراً.. وأعطتنا حججاً ومبررات.. وأرسلت العباءات.. وكانت الخياطة غير نظيفة..
والأدهى أنني لبست تلك العباءة أمام إحدى صديقاتي وذكرت لها القصة.. فقالت.. هل تدرين أنني رأيت هذه العباءة في الخبر والتطريز اليدوي الذي ادعته المصممة ما هو إلا زيج تركبه على العباءة.. لذلك هي رفضت أن تغير لك في ألوان التطريز لأنه جاهز..




الله يرضى عليج وينور طريقك
والله ان حياهم الله وبياهم الله .. وراضيين ومقتنعين ونبيهم يترزقون
ونبيهم معانه .. بس كافي استفزاز

هذا جزى " من يعطي الثقه للغير تقومون تضيعون الأمان "
الدنيا صارت غابه وكأنه الفلوس هي غايه ووسيله المهم اصير غني
مهما كلفني .. ومهما صار .. وبأي لعبه كانت

ترى الفقر والغنى مب في استغلال الناس واستفزازهم
باجر بنموت ترى .. وهالافلوس ما راح تنفعكم اذا ما اتركت نتيجه طيبه

ليش في ناس ما يفكرون في بكره
ولا يعرفون ايش معنى التجاره
والطمع خذ قطع كثيره من تفكيرهم واقلوبهم
والحسد طال لمدى بعيد

ينامون على طاري الافلوس
ويصحون على طاري الافلوس
وما اقدرت حتى افلوس الحلال تملى عينهم
ويشوفون اي طريقه عشان ينهبون


حسبي الله ونعم الوكيل " الانسان الاستغلالي .. والانسان الفقير في النفس والاخلاق .. والي ما يقدر النعمه ولا يرفه عن نفسه .. " يكسر خاطري


جملك الله برضاه

[Dana’1]

انا ابي السعوديه تجينا وابي البحرينيه وابي كل الدول
بالعكس ودنا نشوف شغلهم ونرحب فيهم ونرحب بالابداع الي يملكونه
وساعات اتعنى اروح ايش جايبين من افكار .. ايضا تكرار الفكره الواحده مدى الحياه شي مزعج وللامانه عندهم افكار جميله

هو روحتي لهم او امتناعي عنهم صحيح هو حل .. بس الحل الاجمل هو كسب هذا السوق القطري .. لان تالي احنه دوله وحده .. ان كانوا من دول مختلفه
السعر صح يحدده الشخص .. على حسب ميزانيته
بس اذا تقدر اتنزل في السعر ليش تبالغ فيه " هنا الاستفزاز "
تخيلي خاطرج في شي واتعرفين ان في مجال اتنزل بدون ما تخسر وتقوم ترفعه اضعافه
اتوقع ينكسر خاطرج على شي من الكماليات ..
هذا الي اقصده
عارفة هالشي اختي وما اشكك فية ابدا صدقيني بالذات احنا النسوان نحب نجرب ونشوف كل شي تقريبا:) ،،،بس ايش تسون معكم حق تعيفونهم بسبب تعاملهم المستفز للاسف ،،عشان كذا قلت خلوهم يمكن يتسنعون اتفقو عليهم وان شاءلله بتضبط امورهم لان هم بعد مو اغبياء ويبغون سوقهم يمشي


الحمد لله رب العالمين .. الفقير غني في اعيونه وفي اعيون نفسه
والغني غني لنفسه ولحلاله ونقول الله يزيده
والي ما عنده نقول لكم حق علينا ولازم تاخذونه غصب وطيب ..
وكل الناس على العين والراس ولا يقاسون بما يملكون
ولا قلنا ان السعوديين والبحرينين حديثي نعمه ابدا .. بالعكس امورهم ولله الحمد طيبه
لكن الوضع المادي لمن يتتبعهم بشكل عام .. حالنا افضل من حالهم بنسبه عاليه في البعض الاكثر .. ودخل المواطن القطري كبير حتى ان كانت الحياه غاليه

اجار شقه في السعوديه " 3 غرف مع صاله ومجلس وحمامين ومطبخ " سهل تلقين ابــ 3000 ريال ... احنه بنقول وايد رخيص .. بس راتب دكتور جامعي يادوب يوصل 20
لو تتبعين برنامج " الساعه 8 مساءا على الـmbc راح تسمعين العجب
الحمدلله على كل حـــال،،واكيد ان غني لنفسة،،،والي ما عندة لة حق غصب او طيب ياخذونة

انا طحرت هالشي ،،لان اشوف اغلب الردود اي لان احنا عندنا يستغلونا ،،
فقلت ان الكل عندة بغض النظر عن النسبة والتناسب في عوايييييل كثير بالسعودية بكل مناطقها
وناس ظاهرة اسمائهم وناس غير ظاهرين بس معروفيين و تسلف الحكومة ان احتاجت من خيرهم مشاءلله والله يزيد ويبارك لهم

وفية بعد الي محتاج وما عندة وهم كثيييير بعد ،،والله يرزقهم من فضلة،،،

اختي ،،،انا اعرف السعودية عدل لانها ديرة اهلي قضيت 20 سنة فيها،،واعرف قطر هي ديرة خوالي وقضييت عمر فيها،،وكلنا اهل ووااحد ان شاءلله
ما اقولك اني اعرف كل صغيرة وكبير ،،بس الي اعرفة يكفي اني اقول عن بعض السعوديين ووضعهم المادي سواء سمعت البرنامج او ما سمعتة شفنا هالشي بالواقع
لو اقولك على سوالف تشييب راسك منها،،، ان كان على الامور المادية،،،او حتى الامور الي تتعلق بكرامة المواطن،،واهمـــال الحكومة لكثير من الامور للاسف
والــــمواااطن حاليا يغلي،،، مو عشان الفقر،،لا ،،،، عشان الكرامــة
بس بومتعب غالي عند شعبة والله يهدي الامور وما تصير مشاكل
بس فعلا الوضع السياسي هناك لازم يتغير،،،ما يصير عندنا اكثر من متصرف بالبلاد!

انتي قلبتي المواجع يا تحداني الزمن


مافي احد يستغلهم لان ما عندهم شي عندنا
بناتنا ما يقيمون معارض اهناك .. ونادر جدا هالشي .. ولما يجون الدوحه كزيارات ما يقدرون يقولون لاسعارنا استغلال لان هاذي اسعار السوق القطري
هلي يجونا من الامارات والبحرين والكويت وهم عارفين ان الفنادق اسعارها مرتفعه
السوق عندنا غالي
الجمعيات مب رخيصه
المكالمات اشوي غاليه
الانترنت رديئ عندنا

احنه ما نوهمهم ونستفزهم بشي خاص لهم
الي يطبق عليهم يطبق علينا .. الا في تذاكر القطريه هم لهم حظ اعلى منه فيه
اختي انتي وبعض الشعب القطري ،،يظن هالشي ان محد يستغلهم ماعندهم شي،،،وبس احنا يستقلونا لان عندنا ،،وهذا الشي انتي الحين كتبتية،،وهذا الشي ،،صحيح
وايضا صح تسآلي يوم قلت ليش انتو تشوفون ان الكل يستغلكم ،،وليش ما يستغلون غيركم
لان ما عندهم شي مثل الي عندكم ،،هذا الي فهمتة
بالعكس احب اقولك فية من يحاول يستغلهم من بعض التجار كبار منهم او صغار من السعوديين او المقيمين
بس غالبا تكون الحلول عندهم هي المقاطعة والتشهير وممرات المقاطعة بالسعودية تجيب ثمارها المحمودة،،،وشفناها بكذا منتج
صحيح ممكن تكون بمبالغ زهيدة عندكم بس مو يشوفونهاذات قيمة، وفيها استغلال مستفز
مثل ما قلتي ووصفتيهم "يعرفون انك تقدر تبيع هالمنتج وبسعر اقل وان ترفع ترفع شي بسيط مو كثير مبالغ فية فليش هالزيادة المستفزة،،من كذا تجي المقاطعة،،احيان الواحد يجني ثمارها اذا كانت منظمة
واحيان تخرب ،،على حسب
*******
فعلا السوق هنا غالي ،، انا الاحظ الفرق ،،،واخوي يوم كان هنا يقول شسالفة الله يعين شبابكم
على ان رواااتبهم عالية مشاءلله بس ما احس يبقى لهم شي اذا ما عندة دخل ثاني!
مطاعم غالللية جمعيات غالية
من جد الله يعينكم،،،قلت شنسوي هي كذا يزيدون رواتب من هنا وتنوخذ من هناك :)
بس في بعض الامور قطر ارخص من السعودية
الاجهزة والجوالات بالغالب هنا ارخص
تصدقين حتى تفصيل الفساتين هنا ارخص،، بالذات من الخبر كتجربتنا بالتتفصييل
الجاهز هناك ارخص
يعني في تفاوت بالاسعار بين هنا وهناك


حوارك جميل جملك الله برضاه


وحوارك اجمل واجمل اختيي،،،جملك الله برضاه

[الفكر الحر]

السلام عليكم

هالقضية لا يعاني منها المجتع أو السوق القطري فقط بل موجودة في كل دول الخليج بما فيها السعودية .. خصوصا في مواسم البازارات ! على سبيل المثال إحدى المصممات الخليجيات اشترت منها إحدى الأخوات عباءة خليجية ( جلابية ) بـ 18000 ريال مع الأسف وحينما سافرت لبلد المصممة وجدتها بـ 4000 ريال فقط !


ولن أطرح حل للمشكلة فقط اكتفي برد سيدنا عمر بن الخطاب رضي الله عنه حينما اشتكى له الناس من الغلاء قال ( أرخصوه أنتم )

نعم أرخصوه أتنم قطريات أو سعوديات أو .... الحل في يد المشتري فقط

[تحداني]

Dior'1

الله يرضى عليج يارب اختي
واتفقنا كثيرا في الرد الاخير .. والحمد لله دايما نقول
اللهم ادمها نعمه واحفظها من الزوال





السلام عليكم

هالقضية لا يعاني منها المجتع أو السوق القطري فقط بل موجودة في كل دول الخليج بما فيها السعودية .. خصوصا في مواسم البازارات ! على سبيل المثال إحدى المصممات الخليجيات اشترت منها إحدى الأخوات عباءة خليجية ( جلابية ) بـ 18000 ريال مع الأسف وحينما سافرت لبلد المصممة وجدتها بـ 4000 ريال فقط !





وعليكم السلام
الخليجيه عندما تتعامل مع وجود غير خليجي ما استبعد
لان الحره وحزه الخاطر من الخليجيه للخليجيه وان كانت تحت مسمى " التجاره شطاره "
انا ما احط مبررات كثر ما اضع تصور منطقي

ولن أطرح حل للمشكلة فقط اكتفي برد سيدنا عمر بن الخطاب رضي الله عنه حينما اشتكى له الناس من الغلاء قال ( أرخصوه أنتم )

نعم أرخصوه أتنم قطريات أو سعوديات أو .... الحل في يد المشتري فقط







هناك حلول في يد كل الاطراف
لكن الطمع الزايد شين .. ويوما ما تنقلب كل الامور ضده
فاحنه ما نتمنى خساره اي طرف من هالاطراف


جملكم الله برضاه

[كلنا قطر 1981]

حب التشري يا اخوي وحب اللبس وحب اقتناء الاجمل والاجود ما اعتبرها مشكله ولا اعتبرها قضيه .. الانسان بطبيعته يفضل الاحلى ..ويفض ان يكون بأعلى قدر عالي من الاناقه " دام الله منعم عليه " .. انا او انت او هو رب العالمين اعطاه ما اعطاه من المال
واعطاه ما اعطاه من خير .. ضروري اشتري شي رخيص وانا اقدر اشتري شي احلى منه ابوايد واغلى .. وما يعني ان الرخيص مب حلو

ممكن تشتري شي رخيص من مانغو .. وممكن باجر تشتري شي راقي اك وحلو وانعاله شبابيه من فارس ..

العمليه مب عمليه لا تشترون وابتعدوا عن الكماليات وركزوا على الاساسيات
ليش ابتعد عن الكماليات .. لو حصرنا الاساسيات في الحياه هي شنو .. راح تلقاه على الشكل التالي .. " اكل وشرب وبيت وملابس تسترك وتعليم واي سياره مشي حالك وصحتك "
الحياه مب بس هالاشيا

انا عن نفسي ما احب هالفكر ابدا
ولا احب هالنظره القاسيه لمشتريات شخص قادر يشتري

ممكن ننتقل بمسمياتنا للكماليات لما تكون زياده عن اللزوم
لحد الهوس
لحد المبالغه
لحد انك مديون وحالتك لله وقاعد تبالغ
لحد كل يوم تسافر وانت بيتك للحين ما كملته
هنا كماليات

لكن امور طيبه ولله الحمد والفضل والمنه
اعتبر مشترياتي من لبس ومن " ازره وساعات وعطورات " كماليات
عيل احنه ليش نشتغل في الاساس
لا قادرين نستمتع بفلوسنا .. لان الاستمتاع يعني كماليات

الماركات العريقه .. اسمها بحد ذاته له سعر ..
بمعنى يمكن تلقى حزام عادي وايد من " دنهل ومب حلو كلش " لكن سعره 200 ريال
هنا الجوده ما اعتقد واطيه .. بس الشكل ما يستاهل
الماركه وعمر الماركه يلعب دور كبير
وما نقدر نلغيه كمستخدمين عاديين
لان هو 2000 للكل
لي ولك وله







حوارك جميل جملك الله برضاه






نعم حياهم الله وبياهم
وعليهم بمليون عافيه بنفس راضيه


جملكم الله جميعا برضاه


اختي الغاليه تحداني الزمن

انا الي اقصده من كلامي دام انه الاشياء الي بشتريها مب اساسيه هذا يعني انه ممكن استغنى عنها و مب شي اساسي في حياتي علشان اضطر اني اشتريه و اكون سلعه سهله حق التجار

انا ما قلت انه الي معاه فلوس و الله منعم عليه يبخل على نفسه بالعكس

" إن الله إذا أنعم على عبد نعمة يحب أن يرى أثر نعمته على عبده "

و بقولج شي منتشر بين تجار الكماليات او لسان حالهم بالمصري يقول ((الي معاهوش ما

يلزموش))

ترى ما اتكلم عن الحريم بس ترى حتى احنا الشباب اشياء الكماليات عندنا غاليه

الدراجات الرمليه و الدراجات المائيه اغراضها و اكسسواراتها و قطع غيارها اغلى من

اغراض السيارات الي احنا فعلا نحتاجها هل نحط اللوم على التاجر؟؟

في لوم بس بسيط بس اللوم الاول و الاخير علينا احنا لانه هالشي مب مضطرين عليه ولكن

نبيه من باب انه ليش نبخل على نفسنا ؟؟؟

تدرين اختي تحداني الزمن قبل كان عندي دراجه مائيه ((سكوتر)) و قلت ابي اغير البطاريه

بطارية السياره بالحجم اكبر من بطارية السكوتر قالي راعي المحل 850 قلتله ليش ؟؟ بطارية

السياره اخذها ب 430 و هاي الصغيرونه بهالقيمه ليش؟؟ رد على بكل برود محد غصب عليك

تركب سكوتر تبي خذ ما تبي الله يحفظك

فكرة بكلامه فعلا كلامه صحيح حتى لو ما عجبني الاسلوب محدن غاصبني عليه و لا هو شي

اساسي بحياتي

و نفس الشي عندكم اختي تحداني الزمن انا ما اعلم الغيب بس الي متوقعه انه الكبت ما شاء

الله يكون في ملابس ما لبستوها الا مره او مرتين بس ما تبون تلبسونهم لانه الحريم شافوكم

لابسينها من قبل

و لا تزعلين من كلامي اختي الدور الكماليات لا تتشكى من ارتفاع اسعار او حتى اسلوب

المعامله السوق في غيره و هذي تجاره سواء كانت باسلوب محترم او اسلوب سيئ سواء كان

في استغلال او ما كان في استغلال دام انج ممكن تستغنين عن هالشي و هالشي مب اساسي

هذا يعني انه الحل بيدج و تقدرين ما تاخذين من عندهم شي

الله يوفقج بالدنيا و الاخره اختي تحداني الزمن

[أنا أحبكم]

يعني عشان تاجرتين جو وباعوا منتجاتهم هنا ولفترة محدودة واكثر الناس اول مرة تسمع بهالسالفة خلاص صار الامر استغلال
مع احترامي هم ما طقوا احد على يده وقالوا تعال اشتر منتجاتنا وهم مو مستقرين في البلد يعني اللي يبي حياه واللي ما يبي ماله داعي يفتح مواضيع في المنتديات ويخص السعوديات والبحرينيات وكأن الموضوع اصبح ظاهرة خطيرة تهدد امن المجتمع !

[النجلا]

حياهم الله بس بحدود ..

عن تجربة شخصية .. اعرف مصممة بحرينية معروفة والله كنت اسوي العبي في البحرين اذا وصل السعر حده 700 او 800 ريال

لكن لما تجي الدوحة اقل عباية عندها وتكون خفيفة من الشغل 1500 اذا مب اكثر ؟؟

لأن بنات قطر الله يهداهم يقطون فلوسهم ويمشون .. روحي البحرين حق نفس المصممات وخلي وحدة بحرينية معاج ولاتحسسينهم انج من قطر وشوفي الفرق في السعر :)

[تحداني]

اختي الغاليه تحداني الزمن

انا الي اقصده من كلامي دام انه الاشياء الي بشتريها مب اساسيه هذا يعني انه ممكن استغنى عنها و مب شي اساسي في حياتي علشان اضطر اني اشتريه و اكون سلعه سهله حق التجار

انا ما قلت انه الي معاه فلوس و الله منعم عليه يبخل على نفسه بالعكس

" إن الله إذا أنعم على عبد نعمة يحب أن يرى أثر نعمته على عبده "

و بقولج شي منتشر بين تجار الكماليات او لسان حالهم بالمصري يقول ((الي معاهوش ما

يلزموش))

ترى ما اتكلم عن الحريم بس ترى حتى احنا الشباب اشياء الكماليات عندنا غاليه

الدراجات الرمليه و الدراجات المائيه اغراضها و اكسسواراتها و قطع غيارها اغلى من

اغراض السيارات الي احنا فعلا نحتاجها هل نحط اللوم على التاجر؟؟

في لوم بس بسيط بس اللوم الاول و الاخير علينا احنا لانه هالشي مب مضطرين عليه ولكن

نبيه من باب انه ليش نبخل على نفسنا ؟؟؟

تدرين اختي تحداني الزمن قبل كان عندي دراجه مائيه ((سكوتر)) و قلت ابي اغير البطاريه

بطارية السياره بالحجم اكبر من بطارية السكوتر قالي راعي المحل 850 قلتله ليش ؟؟ بطارية

السياره اخذها ب 430 و هاي الصغيرونه بهالقيمه ليش؟؟ رد على بكل برود محد غصب عليك

تركب سكوتر تبي خذ ما تبي الله يحفظك

فكرة بكلامه فعلا كلامه صحيح حتى لو ما عجبني الاسلوب محدن غاصبني عليه و لا هو شي

اساسي بحياتي

و نفس الشي عندكم اختي تحداني الزمن انا ما اعلم الغيب بس الي متوقعه انه الكبت ما شاء

الله يكون في ملابس ما لبستوها الا مره او مرتين بس ما تبون تلبسونهم لانه الحريم شافوكم

لابسينها من قبل

و لا تزعلين من كلامي اختي الدور الكماليات لا تتشكى من ارتفاع اسعار او حتى اسلوب

المعامله السوق في غيره و هذي تجاره سواء كانت باسلوب محترم او اسلوب سيئ سواء كان

في استغلال او ما كان في استغلال دام انج ممكن تستغنين عن هالشي و هالشي مب اساسي

هذا يعني انه الحل بيدج و تقدرين ما تاخذين من عندهم شي

الله يوفقج بالدنيا و الاخره اختي تحداني الزمن




مازلت مختلفه معاك اشوي في جوانب كثيره .. يمكن لان قضيتنا في التعامل مع الكماليات تختلف عن تعامل الرجل مع كماليات الرجل

اعتقد لن تقتنع بما سأقوله في هالجزئيه الي راحت
لكن ألمس فيها الاختلاف الكبير

اقتباس :

المعامله السوق في غيره و هذي تجاره سواء كانت باسلوب محترم او اسلوب سيئ سواء كان

في استغلال او ما كان في استغلال دام انج ممكن تستغنين عن هالشي و هالشي مب اساسي


الفقره هاذي ابد ما ارضى من التاجر
وعليه احترام الجميع مهما كان .. وجهات نظر لايمكن ان تجل لحد التجريح
ولحد الاستفزاز


سعدت بحضورك
الله يرضى عليك يارب ويجملك برضاه

[تحداني]

يعني عشان تاجرتين جو وباعوا منتجاتهم هنا ولفترة محدودة واكثر الناس اول مرة تسمع بهالسالفة خلاص صار الامر استغلال
مع احترامي هم ما طقوا احد على يده وقالوا تعال اشتر منتجاتنا وهم مو مستقرين في البلد يعني اللي يبي حياه واللي ما يبي ماله داعي يفتح مواضيع في المنتديات ويخص السعوديات والبحرينيات وكأن الموضوع اصبح ظاهرة خطيرة تهدد امن المجتمع !





اصبحت ظاهره
وليس تاجره او تاجرتين .. مع احترامي الكبير لوجهه النظر
لكن بعد اذنك ولكن في الوقت متسع عودي او عود للمداخلات الكبيره .. ستتضح الصوره ان شاء الله



جملك الله برضاه

[تحداني]

حياهم الله بس بحدود ..

عن تجربة شخصية .. اعرف مصممة بحرينية معروفة والله كنت اسوي العبي في البحرين اذا وصل السعر حده 700 او 800 ريال

لكن لما تجي الدوحة اقل عباية عندها وتكون خفيفة من الشغل 1500 اذا مب اكثر ؟؟

لأن بنات قطر الله يهداهم يقطون فلوسهم ويمشون .. روحي البحرين حق نفس المصممات وخلي وحدة بحرينية معاج ولاتحسسينهم انج من قطر وشوفي الفرق في السعر :)



نعم حياهم الله واهلا سهلا فيهم .. ان ضاقت فيهم الارض توسع لهم اقلوبنا
هم اهل واقارب واحباب



وانا لما اروح البحرين كل محل ادخله اتم ساكته اخلي البنات البحرينيات الي معاي يشوفون شغلهم ... هم الي حدونا على هالاسلوب
الا في محرق عند الحلوى والمتاي افج حلجي
لان حزن قلبي ولا يرفعون السعر



جملك الله برضاه

[كلنا قطر 1981]

مازلت مختلفه معاك اشوي في جوانب كثيره .. يمكن لان قضيتنا في التعامل مع الكماليات تختلف عن تعامل الرجل مع كماليات الرجل

اعتقد لن تقتنع بما سأقوله في هالجزئيه الي راحت
لكن ألمس فيها الاختلاف الكبير

اقتباس :

المعامله السوق في غيره و هذي تجاره سواء كانت باسلوب محترم او اسلوب سيئ سواء كان

في استغلال او ما كان في استغلال دام انج ممكن تستغنين عن هالشي و هالشي مب اساسي


الفقره هاذي ابد ما ارضى من التاجر
وعليه احترام الجميع مهما كان .. وجهات نظر لايمكن ان تجل لحد التجريح
ولحد الاستفزاز


سعدت بحضورك
الله يرضى عليك يارب ويجملك برضاه




اختي تحداني الزمن

ان كان التاجر سيئ الخلق فهل انتي مجبره انج تتعاملين معاه ؟؟؟

خلج من الفرق بين الشباب و البنات في النظره للكماليات

المرسدس سياره فيها من الرفاهيه ما فيها

و النيسان التيما سياره تعتبر عاديه

ولكن هم الاثنين سيارت يقومون بنفس الغرض

هل يعقل اني اروح حق معرض المرسدس و اقولهم ليش سيارتكم اغلى من سيارات النيسان؟؟

و بعدين المرسدس في بلادها ارخص بواااايد من سعرها في بلادنا ؟؟

هل في مقارنه اختي الغاليه تحدانيي الزمن ؟؟؟

الي يبي المرسدس يدري انه سعرها غالي فلا يقعد يقول انه اصحاب الوكاله استغلاليين

و شوف المرسدس بكم و الهايونداي بكم و السيارتين يستخدمون لنفس الغرض بس السعر

وااايد مبالغ فيه هل يعقل هالشي ؟؟

الفلوس عندج ومحدن جابرج انج تتعاملين مع هالتاجر او التاجره العلاقه بينج و بين التاجر

علاقة عرض و طلب بغيتي كان بها ما بغيتي شوفي لج بديل ثاني طبعا انا اتكلم بلسان التاجر

اختيي و لا يجي ببالج اني تاجر باي شي انا حي الله موظف عادي و لا لي بالتجاره اي علاقه

اتمنى اني اكون وضحت لج الصورة بشكل افضل و مختصر اكثر

الله يوفقج بالدنيا و الاخره اختي تحداني الزمن :victory:

[تحداني]

اختي تحداني الزمن

ان كان التاجر سيئ الخلق فهل انتي مجبره انج تتعاملين معاه ؟؟؟

ماني مجبره اتعامل معاه .. لكن مجبر الطرفين ان يتعاملون بذوق عالي
المكان العام كسلوك .. وكطريقه تعامل يتحنم الاحترام العالي وما قصدت هنا " الاساءه في الخلق " بقدر ما قصدت " اسلوب الاستفزاز " وفرق كبير في المعنى بين الاثنين


خلج من الفرق بين الشباب و البنات في النظره للكماليات


ما اقدر افصلها لانها بالفعل مختلفه تماما



المرسدس سياره فيها من الرفاهيه ما فيها

و النيسان التيما سياره تعتبر عاديه

ولكن هم الاثنين سيارت يقومون بنفس الغرض

هل يعقل اني اروح حق معرض المرسدس و اقولهم ليش سيارتكم اغلى من سيارات النيسان؟؟

و بعدين المرسدس في بلادها ارخص بواااايد من سعرها في بلادنا ؟؟

هل في مقارنه اختي الغاليه تحدانيي الزمن ؟؟؟

الي يبي المرسدس يدري انه سعرها غالي فلا يقعد يقول انه اصحاب الوكاله استغلاليين

و شوف المرسدس بكم و الهايونداي بكم و السيارتين يستخدمون لنفس الغرض بس السعر

وااايد مبالغ فيه هل يعقل هالشي ؟؟




الله يرضى عليك افهمني .. السيارات .. والفارق بين الشركات
انت تتكلم عن منتج عالمي .. عن سوق عالمي عن عملات .. عن فارق السعر فيها بناءا على معطيات كثيره .. هذا الفارق الكبير ان عم سيعم الخليج بأكمله .. وستعم الشعوب كلها ..
ليس حصرا على تحداني الزمن .. ولا على كلنا قطر .. ولا حتى ص اخر من البشر في البحرين او الكويت او او .. وان كان هناك فارق فالفارق قليل


الان القصه في العبايه او الفستان او اي منتج من المنتجات الي يعرضونها للبيع خواتي البحرينيات او السعوديات .. ان " القطعه والتفصيل والخامه .. والاخراج :) " جدا عادي
في حين كان في السابق ذو جوده اعلى .. من حقهم يرفعون اسعارهم من باب الفائده ..
لكن هم اليوم تعدوا الفائده المنطقيه .. تعرف يا اخوي ايش معنى ان تكون فوائدك 60% او 80 % ..

القصه ان القطعه ما كلفتهم يمكن ربع الفوائد
لو حسبنا التذاكر .. السكن .. الاجار .. قيمه المواد الخام .. الربح ستجده اضعاف اضعاف اضعاف ..

سؤال اخر .. : هم يوم كانوا يبيعون المنتج بسعر اقل من ما يبيعونه اليوم ما كانوا يحصلون فوائد ؟؟ الا كان يحصلون وزياده ..

ليه رفعوا الاسعار ؟؟ لان الاقبال عالي
لان بالفعل شغلهم حلو

لكن هل سيستمرون في هذا الخط ؟؟ لا اعتقد
هنا مفهوم التجاره اصبح مختلف .. لانهم ليسوا تاجرات حقيقيات
ولا يبنون عملهم على اسس قويه

خسروا الزبون
خسروا سمعه المنتج
خسروا الاقبال الكبير
خسروا ذكاء الخط الي ما شيين عليه
ما قدروا للاسف يتقدمون للامام كثيرا

معليه اتركني انا من الامثله .. " لان عندي وعي ولله الحمد والمنه في الشي الي اشتريه
وسبق ذكرت فضولي الدائم في كل شي يثير الغرابه عندي كبير
لكن ما اقبل على بنات بلادي هذا الاستغلال والاستفزاز
ولا اقبل ان تمر عليهم اخت فاضله وتبيع المنتج بس عشان تبيعه ومافيه ولاشي من الجوده
في ناس ما يسافرون وايد .. وحسبالهم المعروض مافوقه فوق . وفي الحقيقه لاشئ


الفلوس عندج ومحدن جابرج انج تتعاملين مع هالتاجر او التاجره العلاقه بينج و بين التاجر

علاقة عرض و طلب بغيتي كان بها ما بغيتي شوفي لج بديل ثاني طبعا انا اتكلم بلسان التاجر




اليوم احنه نتحاور مب عشان اقول لك او تقول لي او اقول لاي عضو او معرف
انت مجبور او غير مجبور " هالموضوع منتهيين منه .. كل واحد عقله في راسه .. وفلوسه في جيبه .. انا هنا اتحاور عن سبب هالاستفزاز .. عن قصه هذه الاستفزاز .. ليش انا سميته استفزاز .. ليه انتشرت هالظاهره .. ليه اسائوا استخدام الزبون القطري
ليه الكلمات الغير لائقه في حقنا

من حقي ومن حق اي انسان يجرب السوق العام والخليجي .. كما لو سافرنا لاي بلده من اجل السياحه او من اجل الترفيه نجرب سلعهم قد لايكون بالمستوى المطلوب لكن حب اقتناء الشي من باب التغيير ومن باب معرفه العيوب .. اعتقد حب فطري في الشخص
ما اعتقد كل مطعم ادخله راح القى فيه اكل لذيذ .. لكن ادخل واجرب كل قوائم الاطعمه
بعدها ان ما ياز لي ما راح اقول لهم ليه استغليتوني .. لان القرار كان شخصي .. بس ما اقدر امنع غيري لان المذاق يختلف .. هنا في موضوع التجاره الاستفزاز وصل لحد كبير


اختيي و لا يجي ببالج اني تاجر باي شي انا حي الله موظف عادي و لا لي بالتجاره اي علاقه



اذا اخذ الكلام مني انا
لاني ابنه تاجر ولله الحمد والمنه ماهر للغايه .. والتجاره متوارثيين عليه
ولي في كل تجاره نظره .. وعشان كذا فتحت هذا الموضوع ..
وقادره اصل فيه لمدى بعيد


اتمنى اني اكون وضحت لج الصورة بشكل افضل و مختصر اكثر

الله يوفقج بالدنيا و الاخره اختي تحداني الزمن :victory:




واتمنى ان تكون الصوره اتضحت لك الان
الله يرضى عليك يارب .. وشكرا على الدعاء الجميل
الله يعلي مقدارك يارب

سعدت بحضورك
واحترم القلم الي يحترم عودته من جديد


جملك الله برضاه

[حسن]

فعلا مانشوف معارض لبنات قطر في الخارج
وبالنسبه للي يتاجرون من بنات الدول المجاوره للاسف تلقينهم قاصين على نسوانه
مقصه لكن وش نسوي ليت قومي يسمعون
مره ياختي وديت المره البحرين حق وحده تسوي عبي مشهوره واعدناها الا في ذالك اللكزسس
اقول للمره والله هذه من فلوسكم تقص عليكم تقول اهو هو انت كله تنتقد
عقب سنه رحنه الشارقه محل الجلابيات وهناك محل ييبيع شغلات للعبي وزيج وغيره
الا المره تشوف نفس الزيج اللى كان على عباتها من البحرين وطلع رخيص قالت
شلون تقص علينا وتقول من برع :weeping:
قلت لها لكنم ماتسمعون احنا ادري من هل الاشكال اللى يستغلونكم ولا ني انه اللى ادفع
انا غلطان اني من تزوجتك رفضت انك تشتغلين المفروض اكدك علشان تحسين وتفكرين
شلون تحطين فلوسك :victory:

[كلنا قطر 1981]

واتمنى ان تكون الصوره اتضحت لك الان
الله يرضى عليك يارب .. وشكرا على الدعاء الجميل
الله يعلي مقدارك يارب

سعدت بحضورك
واحترم القلم الي يحترم عودته من جديد


جملك الله برضاه

اختي تحداني الزمن

وقت الي عرضت الامثله ما قصدت فيها نوع السياره او اي شي اخر الامثله ادرجتها كامثله فقط لا غير

اختي التاجر ان ما خاف ربه كيفه بيرفع السعر 1000%100 و بيقولج تبين يا اهلا و سهلا

ما تبين الله يحفظج

بتقولين يخسرون زبون و سمعه و الاقبال و الذكاء بقولج انه التاجر وقت الي يفكر في مشروع

او انه يسوي له سمعه او زبون هو همه الماده و علشان يكسب الماده لازم يهتم حق الاشياء

الي انتي ذكرتيها بس وقت الي يشوف انه سوى سمعه او زبون او ما سوى النتيجه وحده

و الربح جايه بنفس الكم و اكثر فما يكون عنده بالمعرف شي اسمه سمعه و زبون يكون في

باله شي يقول بنك وفلوس

و صدقيني السالفه مب سالفة استفزاز السالفه انه الكثير من البنات عطوهم اكبر من حجمهم

و خلوهم يتمادون في الاستغلال فلا تلومين التاجر بكثر ما تلومين المستهلك و تدرين انه

التجربه مب ببلاش انا اجرب و ان ما عجبني اشوف غيره للتجربه قيمه اختي تحداني الزمن

طبعا كلامي كله عن التاجر الي ما يخاف ربه فلا تظنين اختي العزيزه انه كل التجار نفس اخلاق

و طريقة و قناعة ابوج في التجاره في الطماع و في القنوع بفضل رب العالمين و انتي

تدرين في العالم كله اصابع يدج مب سوا بين البشر فما بالج بالتجار؟؟؟

ان قاطعتوهم و خليتوا البضاعه تخيس عندهم ما بتحصلونهم يتكلمون باسفتزاز و لا بيستغلونكم

التجار يجون من كل مكان و احنا لنا الخيره في الاختيار

لو كانت السالفه سالفة احتكار هني الكلام يختلف بس دام انه مافي احتكار و ترد السالفه حق

اخلاق التاجر ما اظن في الموضوع اي شي بالعكس عادي

الله يوفقج اختي تحداني الزمن و اتمنى كلامي وضح هالمره و بالتوفيق :victory:

[قطر2000]

وأهم شي انهم ما يكونون شيعه

[ريتويت]

رزق الله واسع .. حياهم الله.. خلهم يسترزقون..

[شمس]

انا لاحظت زيادة عدد الطرارات مرتين يطلبون 170 ريال ثمن باص او علاج الخ
اعطيهم المقسوم وقولها كملي المبلغ من غيري بس والله يعورون القلب ليش لهذي الدرجه الفقر مدقع
لا حول ولا قوة الا بالله
واذا على الي تبيع ةتشتري فحياها الله وبياها ومادامت لاتغش في بيعها

[بصمة قطرية]

اختي تحداني الزمن
روحي شوارع الخبر والاحساء وشوفي التواجد الكبييير للقطريين ،، وهم مااشتكوا ولا تضايقوا ،، وخصوصا ان القطريين كانوا سبب في رفع الأسعار على المواطنين السعوديين ...

والشي الثاني ماجات على أهل السعودية والبحرين ،،، الكل يزيد في الأسعار بدون حسيب ولا رقيب

اخوي اذا ما عندك فكرة محد مربح الاسواق في الخبر و الحسا بالذات الا هل الدوحة دوم اروح اسواق الحسا والخبر و التجار بنفسهم يذكرون هالشي ان ربحهم من هل الدوحة من غيرنا اسواقهم ميته الدليل كل ويكيند كم سيارة قطرية تكون موجودة في اسواقهم حتى لو رفعوا الاسعار علينا بعد ارخص من اسواقنا ... الاسعار يغلونها على اللي ما يعرف اسعارهم مش على اهل البلد انا شخصياً اروح دوم واعرف اسعارهم و اي زيادة في السعر الاحظها على طول ..... لاني عارفة اسعار الشغلات اللي باخذها لا تفتكر الزيادة بتكون على هل البلد هم يقولون القطري عنده فلوس و بيدفع و بعضهم يستغل عالشي برفع السعر ..... ما راح يشتكون من وجود القطريين لان ربحهم من القطريين اخر سفرة للحسا خذت كم ساعه ماركات في الدوحة سعرها دبل بصراحه ... راعي المحل سعودي قال لزوجي انتو ياهل قطر اللي تمشون بضايعنا و تربحونا اغلب زبايني قطريين ... وجود القطري يفرحهم ...

[الشيخة شيوخة]

والله عماله من دول الخليج ابرك من الغير

[تحداني]

فعلا مانشوف معارض لبنات قطر في الخارج
وبالنسبه للي يتاجرون من بنات الدول المجاوره للاسف تلقينهم قاصين على نسوانه
مقصه لكن وش نسوي ليت قومي يسمعون
مره ياختي وديت المره البحرين حق وحده تسوي عبي مشهوره واعدناها الا في ذالك اللكزسس
اقول للمره والله هذه من فلوسكم تقص عليكم تقول اهو هو انت كله تنتقد
عقب سنه رحنه الشارقه محل الجلابيات وهناك محل ييبيع شغلات للعبي وزيج وغيره
الا المره تشوف نفس الزيج اللى كان على عباتها من البحرين وطلع رخيص قالت
شلون تقص علينا وتقول من برع :weeping:
قلت لها لكنم ماتسمعون احنا ادري من هل الاشكال اللى يستغلونكم ولا ني انه اللى ادفع
انا غلطان اني من تزوجتك رفضت انك تشتغلين المفروض اكدك علشان تحسين وتفكرين
شلون تحطين فلوسك :victory:

التجاره شطاره بالفعل
في ناس تشتري الناس بكلامها المعسول وتحسس الزبون ان راح يعطيه قطعه نادره بأرخص سعر وفي الحقيقه هو يسرقنا بإسلوب استفزازي
لا تقلق لان هالنوع من التجاره سرعان ما تختفي
والناس الا تتعلم من مواقفها والحمد لله زاد الوعي وراح يزيد
الي يتعامل معانا ابهالسذاجه راح نتعامل معاه بدهاء
سبحان من يقطع رزقه بيده
وبالعكس خلها ام الاعيال في البيت معززه مكرمه
والله يطول ابعمرك وتسعدها وتصرف عليها




وأهم شي انهم ما يكونون شيعه


يكونون الي يكونون بس لا يستغلونا ويحسسونا بإحساس انهم انتصروا على فلوسنا
ترى احنه نشتري برضانه ولما نتوقف عن الشراء هم نتوقف عن الشراء برضانه هم الخسرانين مب احنا


رزق الله واسع .. حياهم الله.. خلهم يسترزقون..

حياهم الله وعلى الراس قبل العين
وان ضاقت فيهم الارض توسع لهم اقلوبنا



انا لاحظت زيادة عدد الطرارات مرتين يطلبون 170 ريال ثمن باص او علاج الخ
اعطيهم المقسوم وقولها كملي المبلغ من غيري بس والله يعورون القلب ليش لهذي الدرجه الفقر مدقع
لا حول ولا قوة الا بالله
واذا على الي تبيع ةتشتري فحياها الله وبياها ومادامت لاتغش في بيعها


الموقف الي ذكرتيه ما اعرف ايش لزمته وايش مناسبته بس ان كان على طاري الغش فهم غشونا بعد ما كانوا صادقين معرانفسهم عشان جذي تحولوا لظاهره ولقوا الي يبونه .. بس في ناس صاحيين لهم .. ونصيحه لو يبون يستفيدون هم احرار بالسعر
بس خل يجيبون شي فيه جوده عاليه وخياطه مرتبه
لان الانتاج المحلي والقطري جودته عاليه جدا البعض الاكثر








اخوي اذا ما عندك فكرة محد مربح الاسواق في الخبر و الحسا بالذات الا هل الدوحة دوم اروح اسواق الحسا والخبر و التجار بنفسهم يذكرون هالشي ان ربحهم من هل الدوحة من غيرنا اسواقهم ميته الدليل كل ويكيند كم سيارة قطرية تكون موجودة في اسواقهم حتى لو رفعوا الاسعار علينا بعد ارخص من اسواقنا ... الاسعار يغلونها على اللي ما يعرف اسعارهم مش على اهل البلد انا شخصياً اروح دوم واعرف اسعارهم و اي زيادة في السعر الاحظها على طول ..... لاني عارفة اسعار الشغلات اللي باخذها لا تفتكر الزيادة بتكون على هل البلد هم يقولون القطري عنده فلوس و بيدفع و بعضهم يستغل عالشي برفع السعر ..... ما راح يشتكون من وجود القطريين لان ربحهم من القطريين اخر سفرة للحسا خذت كم ساعه ماركات في الدوحة سعرها دبل بصراحه ... راعي المحل سعودي قال لزوجي انتو ياهل قطر اللي تمشون بضايعنا و تربحونا اغلب زبايني قطريين ... وجود القطري يفرحهم ...


عمري ما رحت الحسا ومن عاشر المستحيلات يودونا هلي لان يعتبرونها سفره بلا معنى ومافيها توفير
وكلها مخاطر والحوادث خلتهم يهونون ازياده
فرق 100 ولا 80 بالنسبه لهم ما يسوى هالطريج والبهدله
بس كلامج صحيح عندي من هلي يأكدون على ردج







والله عماله من دول الخليج ابرك من الغير


لانهم منا وفينا حبينا ننصح ونقول لهم حابين وجودكم بس بدون استفزاز




جملكم الله جميعا برضاه

[بصمة قطرية]

[color="olive"]

[color="olive"]عمري ما رحت الحسا ومن عاشر المستحيلات يودونا هلي لان يعتبرونها سفره بلا معنى ومافيها توفير
وكلها مخاطر والحوادث خلتهم يهونون ازياده
فرق 100 ولا 80 بالنسبه لهم ما يسوى هالطريج والبهدله
بس كلامج صحيح عندي من هلي يأكدون على ردج

جملكم الله جميعا برضاه

بالنسبة لي صارت سفرة الحسا ممتعة ..
مثل ما تقولين حجة وحاجة ..
ماراح اتعنا على شي بسيط ..
مثلاً فستان بس ..!!
ما يسوى ..
أكون متعنية ورايحة لأكثر من شغلة و في نفس الوقت بوالعيال يكون يبي غرض للموتر ..
و أحياناً آخذ العيال معاي و العبهم هناك ..
يعني متعة ..:victory:

[الدمعه]

صباح الخير
موضوعج حلووو بس وين اللي يسمع ويركز ويفهم. لين قلتي هالحريم

يقصون عليكم ........ كلوج بقشورج.......... والله عبايات ما تسوى تنطّرر

وهي عليج. مايمديج تتهنين فيها. بس عشان اسمها من الحرمه الفلانيه. ......

عندكم القطريات شغل راقي وفنشنغ ممتاز وموديلات مو مكرره وايد .......

شايفين بناتنا مقصه .....

أنا مره شريت عباية ب 1800 من اللي في فيلاجيو وكنت مضطره لأني كنت

ابغي شي جاهز واللحين ورحت اكثر من محل ما لقيت ....... المهم انها لبسه

وحده بس وهذا هي في الكبت .... الشغل اللي فيها كله تبطل ....

حتى ما اقدر أعطيها حد يلبسها .....

ودار الإنماء مالهم شغل في هالحريم اللي من برا هم شغلهم مع الحريم

المقيمات في البلاد .....

[كلنا قطر 1981]

التجاره شطاره بالفعل
في ناس تشتري الناس بكلامها المعسول وتحسس الزبون ان راح يعطيه قطعه نادره بأرخص سعر وفي الحقيقه هو يسرقنا بإسلوب استفزازي
لا تقلق لان هالنوع من التجاره سرعان ما تختفي
والناس الا تتعلم من مواقفها والحمد لله زاد الوعي وراح يزيد
الي يتعامل معانا ابهالسذاجه راح نتعامل معاه بدهاء
سبحان من يقطع رزقه بيده
وبالعكس خلها ام الاعيال في البيت معززه مكرمه
والله يطول ابعمرك وتسعدها وتصرف عليها





يكونون الي يكونون بس لا يستغلونا ويحسسونا بإحساس انهم انتصروا على فلوسنا
ترى احنه نشتري برضانه ولما نتوقف عن الشراء هم نتوقف عن الشراء برضانه هم الخسرانين مب احنا



حياهم الله وعلى الراس قبل العين
وان ضاقت فيهم الارض توسع لهم اقلوبنا





الموقف الي ذكرتيه ما اعرف ايش لزمته وايش مناسبته بس ان كان على طاري الغش فهم غشونا بعد ما كانوا صادقين معرانفسهم عشان جذي تحولوا لظاهره ولقوا الي يبونه .. بس في ناس صاحيين لهم .. ونصيحه لو يبون يستفيدون هم احرار بالسعر
بس خل يجيبون شي فيه جوده عاليه وخياطه مرتبه
لان الانتاج المحلي والقطري جودته عاليه جدا البعض الاكثر










عمري ما رحت الحسا ومن عاشر المستحيلات يودونا هلي لان يعتبرونها سفره بلا معنى ومافيها توفير
وكلها مخاطر والحوادث خلتهم يهونون ازياده
فرق 100 ولا 80 بالنسبه لهم ما يسوى هالطريج والبهدله
بس كلامج صحيح عندي من هلي يأكدون على ردج









لانهم منا وفينا حبينا ننصح ونقول لهم حابين وجودكم بس بدون استفزاز




جملكم الله جميعا برضاه



اخت تحداني الزمن نظرة هلج حق سفرة الحسا نظره خاطئه 100%100

الطريق خارج و داخل قطر المخاطره فيه واحده و فرق السعر مب 80 و لا 100 ريال

فرق السعر يوصل لاكثر من نص السعر و حتي في بالج شي ثاني ترى محد بيروح الحسا

علشان يشتري تي شيرت او ثوب و بيعود :)

الناس تتشرى اغراض حق شهر و يمكن اكثر


جملك الله برضاه

[تحداني]

بالنسبة لي صارت سفرة الحسا ممتعة ..
مثل ما تقولين حجة وحاجة ..
ماراح اتعنا على شي بسيط ..
مثلاً فستان بس ..!!
ما يسوى ..
أكون متعنية ورايحة لأكثر من شغلة و في نفس الوقت بوالعيال يكون يبي غرض للموتر ..
و أحياناً آخذ العيال معاي و العبهم هناك ..
يعني متعة ..:victory:



يقولون لي الي يروحون ان الحسا ممتعه " بس الوالد ابدا لا تناقشينه "في هالموضوع بالتحديد وقالت له الوالده " عن الهيل والتمر " اشحلاته اهناك
قال لها لو الكرتون في الدوحه ضعف الحسا بعد ما راح اوديكم ..
مب عناد كثر ما يكره هالطريق


والبنات يقولون لي تعالي شوفي فساتينهم اشرخص
بس مشكلتها ان الدوحه كلها امطقمه .. وعن نفسي احب الخياط اكثر من الجهاز لان لي انا
واعدل فيه على كيفي


جملك الله برضاه


صباح الخير
موضوعج حلووو بس وين اللي يسمع ويركز ويفهم. لين قلتي هالحريم

يقصون عليكم ........ كلوج بقشورج.......... والله عبايات ما تسوى تنطّرر

وهي عليج. مايمديج تتهنين فيها. بس عشان اسمها من الحرمه الفلانيه. ......

عندكم القطريات شغل راقي وفنشنغ ممتاز وموديلات مو مكرره وايد .......

شايفين بناتنا مقصه .....

أنا مره شريت عباية ب 1800 من اللي في فيلاجيو وكنت مضطره لأني كنت

ابغي شي جاهز واللحين ورحت اكثر من محل ما لقيت ....... المهم انها لبسه

وحده بس وهذا هي في الكبت .... الشغل اللي فيها كله تبطل ....

حتى ما اقدر أعطيها حد يلبسها .....

ودار الإنماء مالهم شغل في هالحريم اللي من برا هم شغلهم مع الحريم

المقيمات في البلاد .....




معاج حق في كل الكلام الي قلتيه
لا خياط .. ولا جوده .. ولا حتى سعر مرضي .. وتالي يقولون لنا الناس
خلهم ابراحتهم وانتوا لا تشترون من عندهم .. طيب لو ما شرينا اشلون بنعرف
مع العلم قلت في السابق عندهم شغلات حلوه .. وتستانسين لما تلقين بنات مشتغلين على الافكار .. ودج اتشجعينهم .. بس هم مب راضيين يستمرون معانه


جملك الله برضاه

[تحداني]

اخت تحداني الزمن نظرة هلج حق سفرة الحسا نظره خاطئه 100%100

الطريق خارج و داخل قطر المخاطره فيه واحده و فرق السعر مب 80 و لا 100 ريال

فرق السعر يوصل لاكثر من نص السعر و حتي في بالج شي ثاني ترى محد بيروح الحسا

علشان يشتري تي شيرت او ثوب و بيعود :)

الناس تتشرى اغراض حق شهر و يمكن اكثر


جملك الله برضاه




والله العظيم ادري يا اخوي .. ولما اقول للوالد هالكلام
يقول لي اعرف ان المخاطر ممكن تلحق الانسان في اي مكان .. بس لو رحت الحسا شنو التوفير الي بوفره .. انا ابي اسكن مكان مرتب .. وابي اقعد لي كمن يوم .. وابي ارتاح في الطريج

هاذي لا فيها راحه في الطريج
ولا فيها توفير سكن
ولا فيها حتى راحه .. من اول الطريج عباله الين اخرها
وبعد شنو بشتري من عندهم .. غير التمر والهيل
اشتريهم من الدوحه احسن لي حتى لو اغلى اشوي

اقول له قطع الغيار .. " يرد علي يا يبه قطع الغيار اجيبهم من الشارقه "
ورخيصه منها ازور الوالده في دبي .. ومنها اتغرض
ويغير السالفه .. ويقول لي مافي شي اسمه الحسا لا اتحنون


جملك الله برضاه

[كلنا قطر 1981]

والله العظيم ادري يا اخوي .. ولما اقول للوالد هالكلام
يقول لي اعرف ان المخاطر ممكن تلحق الانسان في اي مكان .. بس لو رحت الحسا شنو التوفير الي بوفره .. انا ابي اسكن مكان مرتب .. وابي اقعد لي كمن يوم .. وابي ارتاح في الطريج

هاذي لا فيها راحه في الطريج
ولا فيها توفير سكن
ولا فيها حتى راحه .. من اول الطريج عباله الين اخرها
وبعد شنو بشتري من عندهم .. غير التمر والهيل
اشتريهم من الدوحه احسن لي حتى لو اغلى اشوي

اقول له قطع الغيار .. " يرد علي يا يبه قطع الغيار اجيبهم من الشارقه "
ورخيصه منها ازور الوالده في دبي .. ومنها اتغرض
ويغير السالفه .. ويقول لي مافي شي اسمه الحسا لا اتحنون


جملك الله برضاه



معنى كلامج اختي تحداني الزمن انه الوالد رافض الحسا بس مب سالفة انه ارخص او افضل

بس هو ما يبي يروح الحسا

بالنسبه حق قطع الغيار قوليله بعد السعوديه ارخص من الشارجه و اقرب في المسافه

و اوفر بالوقت

نظرة ابوج اختي تحداني الزمن مب نظره اقتصاديه هو يبي يروح يزور امه عسى ربي يوفقه و

يعطي امه طولت العمر يعني نظرة صلة الرحم و حجه و حاجه مره وحده

[تحداني]

معنى كلامج اختي تحداني الزمن انه الوالد رافض الحسا بس مب سالفة انه ارخص او افضل

بس هو ما يبي يروح الحسا

بالنسبه حق قطع الغيار قوليله بعد السعوديه ارخص من الشارجه و اقرب في المسافه

و اوفر بالوقت

نظرة ابوج اختي تحداني الزمن مب نظره اقتصاديه هو يبي يروح يزور امه عسى ربي يوفقه و

يعطي امه طولت العمر يعني نظرة صلة الرحم و حجه و حاجه مره وحده





يمكن حلمان في كابوس مزعج محتوياته كانت " شوارع الحسا .. وارض الحسا .. ومجريات الاحداث في الحسا .. ولو قلنا له نبي نتغرض من اهناك .. يرد علينا خميتوا الدوحه بغراضها .. بعد تبون اتشلون اغراض الحسا .. خلكم في مكانكم وذوقوا الغالي عشان تشبعون من السوق
واحنه كل مالنا نقول هل من مزيد

ولما اقول له عن اغراض البيت والمواعين .. والفاين والفيمتو الي الناس استلمونا عليها
يقول لي انتي خبله اروح اجيب لي من الحسا فاين ولا فيمتو :(
تحداني الزمن ارجوج فارجي



ايووووه .. يقول اروح مكان لي حاجه .. عشان اخذ باقي الاشيا حجه
اما اروح واطق درب على كم ريال .. ده بعدك .. واخواني ماخذين نفس الفكره
جملك الله برضاه

[Dana’1]

^^^
صادق ابوك الله يطول بعمرة على الطاعات،،،عبالة خطوط بس غير السكن والمطاعم"الواحد يخليها لدولة ثانية افضل،،،انا والي كل اهلي بالشرقية اذا روحتنا خطافيةالا اني بزواج اخواني مفصلة هنا بالدوحة ،،،لان جربت وفصلت بعرس اختي من هناك الاسعار قريبة اذا مو الدوحة ارخص بالتفصيل واحسن مقارنة بالشغل وقرب المحل للبروفة"الواحد يشتري راحتةوما يميزة"،،،هناك للي يحب الجاهز ارخص بكثييير من ههنا
تصدقين اختي تحداني
من كم يوم كلمت اختي بالتلفون هي بالسعودية "الشرقية":)
المهم مع السوالف والطواري
تقول يحليل اهل قطر تغيرو وصار فيهم شوفة نفس "لاحد يزعل هذا رايها" تقول ضحكني اسلوب وحدة قطرية
شفتها بالسووق بالضبط عند محل عبايات معروف ،،اظن معروف حتى بالدوحة اسمة خط الازيــاء
تقول اختي كنت بالمحل اتخير واشوف الا هالقطرية سمراء بالمحل وتخيرت لها عباية وقالت بكم قالها السعر قاالت وييي مدري بوووك لية انا من زمان ماخذة منك باقل من كذا لا عاد نزل شوي
ضحك الهندي"هندي مو حضرمي ولا سعودي عشان نقول راعي المحل" قال هذي هي اسعار المحل
علقت بتعليق بصراحة انا ناسية اللفظة شلون بس بمعني بتسرقونا او تنصب علي شي زي كذا
ابتسم قال هذي هي الاسعار
قـــالت وي فلوسي ببوكي شحادني اطلعها بمعنى ان ماراح تقدر تتطلعها واخذ منك لانك مغلية
فطلعت تقول حتى الهندي يضحك ،،قال خليها عندك الي يسمع بتروح بجيبي هي بتروح لراعي المحل!

قلت صحيح يمكن شافها قطرية قال خل استغلها لان محد يشتري الغالي الا هم،،،:)
قالت اختي،،،، لا مغلية ولا شي اساسا هالمحل اسعارة كذا غالية بغض النظر عن تصاميمة كشخة او لا ممكن اقل عباية عاااادية جدا ب 800ريال
تقول اختي حتى علي هذا وانا سعودية وهو يعرف بس هذي اسعارهم والسعوديات يشترونها بهذي الاسعار حالهم حال غيرهم ،،،قلت ما ادري اجل القطريين قامو يهوجسون انهم كلة بينسرقون او بالاحرى هم بس الي ينسرقون من الكل،،،مع النصابين والا مع الي اسعارهم ثابتة عليهم وعلى غيرهم
قالت اي واضح عليها

هذا ورواتب السعوديين اقل من قطرمثل تعرفون،،!!

[تحداني]

^
^
^

شهد شاهد من أهله
لكن بعد راح يقولون لج انتي يمكن حاله شاذه ومثالج مب مثال متداول
مافي مفر من وضعنا في زاويه ضيقه


شكرا على المثال وعلى المشاركه


جملك الله برضاه

[نوار قطر]

الصراحه الفلوس الي بقطها على عباية ب2000 ولا 3000 من عندهم بنت بلادي اولى فيهم وبروح حق مصممه قطرية وافودها احسن لي ماشالله المصممات القطريات الحين كل وحده تقول الزود عندي لان في السعوديه والبحرين عبيهم احلى عباية عندهم ومتعوب عليها ما اتعدى خل نقول الف ريال ووايد بعد بعضهم على 400 و500 واهني لاقيينا مقصه ويبيعونهم علينا باضعاف تكلفتهم واذا قلتي لهم السعر غالي بترد عليج وبتقولج حسبي الشحن ومكان العرض اذا كان في مجمع او اذا كان سويت في فندق والله ياحبيبتي محد قال لج تعني وتعالي خسري....

[Dana’1]

^^^^
غلطانة يرحم ايام ال٤٠٠و ال٥٠٠ ههههه ولت من زمان ،،الا اذا تقصدين عباية سادة كلش قماش ياباني اصلي ٣٥٠ وانتي طالع،،والقماش الكوري الززين ب ٣٠٠ ممكن٢٩٠ اذا يعرفك طبعا هذي من المحلات الي على نمط داري يعني محل متوسط اسعارة

اختى تعرفين الجلباب؟ الي ينباع عند البنثالية او الحريم بين ٦٠ الى٨٠ بالسعودية يبيعونة على السعوديات ب١٢٠
وهو الا جلباب ساااااادة وقماش خفيف