مخطط قطري
08-04-2012, 09:03 PM
من فتره كنت في ابوظبي ولفت انتباهي تعميم عندهم لجميع باصات المدارس تكون باللون الاصفر (يعني لون مميز )وتكون مواصفات السلامه والامان فيها جدا عاليه المواد المصنوعه منها الكراسي غير قابلة للاشتعال حزام امان لكل كرسي والباصات على مستوى راقي.... ويختلف باص الابتدائي عن الاعدادي عن الثانوي لازم تترك مسافه معنيه من ورا الباص ماتلزق فيه واذا قربت وايد من باص المدرسه تاخذ مخالفه اذا وقف الباص تطلع ذراع من الباص الالكترونيه عليها كلمه ستوب بالاحمر الكل يوقف لين ينزلون الطلبه في الباص اكثر من باب مخارج للطوارئ مزود كل باص بكميرا وحتى السايق اذا فكر يرجع للخلف عنده شاشه يشوف الي ورا ومواصفات غيرها ماذكرها وبصراحه في اهتمام كبير بسلامه الطلبه وعجبني الباص وايد ...هو يمكن مطبق في بعض الامارات مش كلها بس حاليا راح يطبق للكل والظاهر كانت فتره تجربيه للباص احنا على صرف هالمليارات على قطاع التعليم و هالمخاسير مافكر حد من مسؤلينا في هالباصات!!
يعني ليش باص كروه ماتعرف تفرق هذا باص عمال ولا باص مهندسين ولا باص مدرسه ولا باص لاعبين كره قدم ؟
ليش مايكون للطلبه باص مميز لهم ماراح اقول اشترو باصات جديده وخسرو مع انه هذي مب خساير في عيالنا بس ليش مايكون لون الباص مميز وتكون بعض الارشادات البسيطه عشان سلامه الاطفال
يشهد الله اني ماركب عيالي باص ولا عمري فكرت ولا حد يقربلي اصلن يركب باص المدرسه(ويمكن هالسبب الرئسيي الي مايخلي المسؤلين الكبار عن التعليم في دوله قطرما يفكرون في هالنقطه المهمه)
بس اكيد في طلبه وايد يستخدمون هالباصات ليش مايكون في اهتمام فيهم وفي سلامتهم الي اعتقد يجب ان تكون من اولويات اهداف المجاس الاعلى للتعليم
اذا موضوعي غلط ولا يمكن في شي انا ماعرفه مب غلط ولا عيب تنورني ليش مافي اهتمام من الدوله باصات المدارس ليش خذينا من الدول الاوروبيه كتبهم وثقافتهم وحتى مدرسينهم ومدارسهم وخلينا اهم شي الباصات !
يعني ليش باص كروه ماتعرف تفرق هذا باص عمال ولا باص مهندسين ولا باص مدرسه ولا باص لاعبين كره قدم ؟
ليش مايكون للطلبه باص مميز لهم ماراح اقول اشترو باصات جديده وخسرو مع انه هذي مب خساير في عيالنا بس ليش مايكون لون الباص مميز وتكون بعض الارشادات البسيطه عشان سلامه الاطفال
يشهد الله اني ماركب عيالي باص ولا عمري فكرت ولا حد يقربلي اصلن يركب باص المدرسه(ويمكن هالسبب الرئسيي الي مايخلي المسؤلين الكبار عن التعليم في دوله قطرما يفكرون في هالنقطه المهمه)
بس اكيد في طلبه وايد يستخدمون هالباصات ليش مايكون في اهتمام فيهم وفي سلامتهم الي اعتقد يجب ان تكون من اولويات اهداف المجاس الاعلى للتعليم
اذا موضوعي غلط ولا يمكن في شي انا ماعرفه مب غلط ولا عيب تنورني ليش مافي اهتمام من الدوله باصات المدارس ليش خذينا من الدول الاوروبيه كتبهم وثقافتهم وحتى مدرسينهم ومدارسهم وخلينا اهم شي الباصات !