مطاردة للقبض على سائق دهس طفلة

[سيف قطر]

مطاردة للقبض على سائق دهس طفلة

الدوحة - الراية : شهد الطريق الدائري الثالث مساء أمس مطاردة مثيرة بين سائقين صدم أحدهما طفلة ولاذ بالفرار، فيما قام الثاني بمطاردته وإجباره على التوقف والعودة لمكان الحادث.


وقد أصيبت الطفلة- في العاشرة من العمر- بإصابات شديدة بعد أن صدمتها سيارة بالطريق الدائري الثالث عندما كانت تهم بقطع الشارع برفقة أمها. وأكد شهود عيان لـ الراية أن سيارة الإسعاف تأخرت في الوصول إلى مكان الحادث.

[khaldoon]

الله يجزيه خير السائق الثاني انه اجبره على الوقوف.....بس المهم احنا وين عايشين بالضبط....مثل الافلام يعني و ممكن اي مطاردة تسوي كذا حادث و كذا سيارة تقلب و كذا سيارة بتتفجر و سيارات تخبط بعض مع بعض و الا تدش بالحيطان و المحلات و بالاخير بانتصر البطل مثلا و الا شنو بالضبط

بعدين اللي يسوون مطاردات و كله اشارات بالدائري الثالث و عليها كاميرات و رادارات و السرعه 80 بس كم اشارة قطعوا... والا كانت مطاردات على سرعة 70 و يوقفون عند الاشارات و بعدين يكملون!!!

[امـ حمد]

لاحول ولا قوة الا بالله

السرعه الزائده في السائقين

[OREO]

الله يجزيه خير السائق الثاني انه اجبره على الوقوف.....بس المهم احنا وين عايشين بالضبط....مثل الافلام يعني و ممكن اي مطاردة تسوي كذا حادث و كذا سيارة تقلب و كذا سيارة بتتفجر و سيارات تخبط بعض مع بعض و الا تدش بالحيطان و المحلات و بالاخير بانتصر البطل مثلا و الا شنو بالضبط

بعدين اللي يسوون مطاردات و كله اشارات بالدائري الثالث و عليها كاميرات و رادارات و السرعه 80 بس كم اشارة قطعوا... والا كانت مطاردات على سرعة 70 و يوقفون عند الاشارات و بعدين يكملون!!!

الطفل اهم من سيارتك يا اخ خلدون و حط نفسك في مكانه و راح تعرف قدر ولدك بعدها ،،

[سيف قطر]

الله يجزيه خير السائق الثاني انه اجبره على الوقوف.....بس المهم احنا وين عايشين بالضبط....مثل الافلام يعني و ممكن اي مطاردة تسوي كذا حادث و كذا سيارة تقلب و كذا سيارة بتتفجر و سيارات تخبط بعض مع بعض و الا تدش بالحيطان و المحلات و بالاخير بانتصر البطل مثلا و الا شنو بالضبط

بعدين اللي يسوون مطاردات و كله اشارات بالدائري الثالث و عليها كاميرات و رادارات و السرعه 80 بس كم اشارة قطعوا... والا كانت مطاردات على سرعة 70 و يوقفون عند الاشارات و بعدين يكملون!!!
والله ياخوك انا بعد مستغرب من الخبر بالكامل ...وصباحك عسل

[سيف قطر]

لاحول ولا قوة الا بالله

السرعه الزائده في السائقين
صدقتي اختي الفاضلة ام حمد

[بوسلمان 2010]

والله انك اجديت فيه الله يعطيك العافيه هذا واجب على كل من هذي الارض الطيبة

[BoFahed]

انا كنت شاهد عيان لحالتين مطاردة واحدة عند اشارات مطار الدوحه لما كانت دوار ماكسيما فيه 3 عرب يلحقهم شباب قطريين صغار المهم وقفوا عند الدوار ونزله القطري يفتح عليه الباب قام راعي الماكسيما وزرق بين السيارات وشدخ له حول ال 8 سيارت واقفه اللي بي ام اللي لكزس وهرب

والحالة الثانية في الدحيل واحد ملقوف (لاهو شرطي ولا رجل امن )طارد قطري سكران لانه شطف حق واحده قطريه وهرب والله ستر وسلم كان بيدش فينا وكان بيدش في مدرسة اطفال

يا اخوان ارجوكم السالفة مب شجاعة وفزعة انه واحد يطارد تخيلوا شنو تصرف اي واحد فينا منحاش وفيه واحد يطارده ومادري شنو ناوي يسوي فيه يمكن يضربه يمكن يذبحه اكيد بيرفسله بدون وعي ويمكن يدش في رصيف ولا في اي واحد وبيذبح له كم واحد

يا خي تبي تفزع خذ رقمه واوصافه وبلغ عليه وخللك شاهد في القضية او قفل عليه اذا كان قدام اشارة مب ترفسله وتلاحقه وتسبب كوارث

[حصه20007]

لاحول ولا قوة الا بالله

حسبي الله ونعم الوكيييل فية

[عذاري قطر 2011]

نحيي طبعاً السائق على شجاعته والله يكثر من امثاله .. بس كان الأفضل انه ياخذ رقم سيارته ومواصفاتها ومواصفات السايق لانه يمكن من خلال المطارده ناس ثانيه تجيها اصابات ولا ارواح تزهق ..

[khaldoon]

الطفل اهم من سيارتك يا اخ خلدون و حط نفسك في مكانه و راح تعرف قدر ولدك بعدها ،،

اولا انا ما قلت اني خايف على سيارتي الله يرضى عليك....بعدين يا اخوي oreo لما انا ذكرت انه المطاردة ممكن تسوي كذا حادث و كذا سيارة تقلب و كذا سيارة بتتفجر و سيارات تخبط بعض و الا تدش بالحيطان و المحلات ما راح يخلف هذا الشيء برأيك الكثير من الاصابات و الماسي و حوادث القتل و العاهات المستديمة لعدة اسر و ترميل و تيتيم اطفال لعدة اسر....مب خسارة اسره واحده و لا طفل واحد....يعني الكثير جدا من الخسائر البشرية و المادية....يعني هل تنصح انه كل واحد منا ياخذ حقه بيده مثلا مهما كانت النتائج و الغاية تبرر الوسيله....صباح الخير

[بوخالد911]

بوررك فيه

والله يحفظنا

[دااانة قطر]

الله المستعاان
من كم يوم وااحد لف على نااس نعرفهم وخلا سياارتهم تعور فيهم لين ركبت الرصيف وولعت فيهم لولا ربي سخر لهم بعض الشبااب وطلعوهم من السيااره والحمدلله انها جاات على رضوض لكن المتسبب شرد حسبي الله عليه

ان شااء البنت بخير؟؟

[همر]

دام وقفه ورجعوا مع بعض الى مكان الحادث عيل المطارده يا ركيض ولا ما تعدت 50 متر بالسياره!!!

اما تخيل من اشاره لي اشاره وفي الاخير يوقفه ويقول له ارجع وذاك يكوع ويرجع سيده لي مكان الحادث ما شاء الله.. تنويم مغناطيسي..


دام الخبر في جريدة الرايه.. اكيد في صفحة الاستراحه.. الموضوع كله نغزه حق الاسعاف لاتصدقون...

[qatari 111]

اللوم على الام اللي عرضت بنتها للخطر وضيعت مستقبل السواق اللي دعم بنتها
فذمتكم هذا شارع فيه زحمة سيارات شلون تقطع الشارع
ليش ماتروح تقطع الشارع صوب الاشا ات اللي فيه عبور للمشاه
ويش فايدة اشغال والمرور لين سوولنا اماكن لعبور المشاه والناس تعرض نفسها للخطر

والسواق طبيعي راح يهرب من الخوف اللي صاده

الله يعين السواق راح يتبهدل بسبة خطئ الام

[khalid Qtr]

اتوقع الخبر فيه بعض التهويل .. يعني السائق ما هرب بعيد

السائق المتسبب بالحادث نيبالي واكيد خاف وفكر يهرب يوم شاف واحد يلحقه وقف

[كازانوفا]

حسبي الله ونعم الوكيل فيه

[جرح الزمان]

في فرق بين المطارده واللحاق

حد يكلمهم ويشرح لهم الفرق

شوارع الدوحه تستحمل مطاردة ... !!!

الحمد لله على سلامة البنت واللوم على الأم بنسبة كبيره

[تحداني]

دام الخبر في جريدة الرايه.. اكيد في صفحة الاستراحه.. الموضوع كله نغزه حق الاسعاف لاتصدقون...







بالزبط .. هذا الي كنت ابي اقوله :)
احتاج فتره طويله عشان استوعب هالاكشن


جملك الله برضاه

[الـخـالـدي]

الله يقوم البنت بالسلامه

[قطرية كشخه]

مطاااااااااااااااااااردة :eek5:
في قطر :eek5:

حسبي الله عليه ان شاءالله يعني وين بيرووح مثلا !!
هاذي المفروض يعطونه عقوبتين .. عقوبه الهروب من الجريمة وعقوبه الدهس

:anger1::anger1:

[هام السحاب]

بأي حق يطرده !!
ومن صرح له !!
البلد مب فوضى شاف الحادث خلاص ياخذ رقم السيارة ويبلغ عنه والشرطة راح تتعامل معاه
اما يلاحق خلق الله ويعرض نفسه والناس للخطر عشان واحد ولا يبي يطلع فيها سوبرمان
اذا ثبت مطاردته للشخص بتهور وبطريقة تعرضه او تعرض الشخص الهارب او الجمهور للخطر اتمنى معاقبته

[sweet qatar]

يا خي تبي تفزع خذ رقمه واوصافه وبلغ عليه وخللك شاهد في القضية او قفل عليه اذا كان قدام اشارة مب ترفسله وتلاحقه وتسبب كوارث


بالضبط .. :victory:

[الحاقول]

وأكد شهود عيان لـ الراية أن سيارة الإسعاف تأخرت في الوصول إلى مكان الحادث.


وبعدين مع سيارات الاسعاف .... موضوع سيارات الاسعاف

بحاجه الى حل

[سيف قطر]

انا كنت شاهد عيان لحالتين مطاردة واحدة عند اشارات مطار الدوحه لما كانت دوار ماكسيما فيه 3 عرب يلحقهم شباب قطريين صغار المهم وقفوا عند الدوار ونزله القطري يفتح عليه الباب قام راعي الماكسيما وزرق بين السيارات وشدخ له حول ال 8 سيارت واقفه اللي بي ام اللي لكزس وهرب

والحالة الثانية في الدحيل واحد ملقوف (لاهو شرطي ولا رجل امن )طارد قطري سكران لانه شطف حق واحده قطريه وهرب والله ستر وسلم كان بيدش فينا وكان بيدش في مدرسة اطفال

يا اخوان ارجوكم السالفة مب شجاعة وفزعة انه واحد يطارد تخيلوا شنو تصرف اي واحد فينا منحاش وفيه واحد يطارده ومادري شنو ناوي يسوي فيه يمكن يضربه يمكن يذبحه اكيد بيرفسله بدون وعي ويمكن يدش في رصيف ولا في اي واحد وبيذبح له كم واحد

يا خي تبي تفزع خذ رقمه واوصافه وبلغ عليه وخللك شاهد في القضية او قفل عليه اذا كان قدام اشارة مب ترفسله وتلاحقه وتسبب كوارث

ياسلام عليك :nice: