وبعديـــــــــــــن .. لين متـــى ..؟!

[ودي أكون]

السلام عليكم ورحمة الله وبركاته،،


متمللــه :rolleyes2: ..
قلت أكسب أجر فيكــم .. :shy:

لا واللـه الا ذبحنــي الهــم اللي في قلبــي بسبـة البعــض :weeping:


وبعديــن ..؟!

وبعديــــن مع اللي مايصلــون ..؟!



أخواني وأخواتي .. الموضوع هذا أبيــه موضــوع نقاش .. فقــط .. (( فقـــــــط ))

للنــاس اللي ماتصلــي .. واللي أتأخــر صلاتـها ..!!

أما الناس اللي مواظبه على صلاتـها يزاهـا الله كل خيـر ويعل ربـي يثبتهـم يارب ..


أنا أهنــي أبي اتناقـش مع النـاس اللي مادل المسيـد الا الجمعـه .. أو مع لمة البنـات والشباب ..
بمعنـى لو كانـوا فالبيـت بروحهـم ينسون شئ اسمـه صلاه (( استغفرالله العظيم )) ..
أبـي اتناقـش مع الناس اللي تتكاسل في أداء فريضة الصلاه .. (( فريضـــــــة )) ..


ممكـن أعرف شو هـي الأسبـاب .. الهدف من الموضوع توعيــه .. وتذكيــر .. وفهـم الاسبـاب وعلاجهــا ..


قولنا/ قولي لنا .. ليــش .. يمكن نقدر انساعـدج في أداءهـا بوقتها .. يمكن نقـدر ننصحك/ ننصحج ..

نبي انعرف ليـــــش ..؟!


الفـرق بين المسلم والكافر .. الصلاه .. من تركها فقد كفــر (( أعوذ بالله من الكفر )) ..
اللي يأخر الصلاه .. يعتبر كافر مرتد ..
أول عمل راح يتحاسب عليه الانسان في القبر .. الصـلاه ..
الصلاه فرضت على أهل السمــــاء كما فرضـت على أهل الأرض .. (( سبحان الله ))

ياجمــاعة الصلاه الصــلاه .. مايجـوز تركهـا .. ولا يجــوز تأخيـرها ..


شو راح يكون عذرك وردك على الله سبحانه وتعالى ..:(
يوم يسألك عن سبب تركك لصلاه ..؟!

ليــش تركتها ..؟!

أنت مومسـلم .. هلك امك ابوك مومسلمين ..؟!
ماسمعت عن شي اسمـه صلاه ..؟! ماسمعت عن وجوبها واهميتها ..؟!
ماسمعت عن كيفية أدائها .. ماشفت غيرك وجدامك ناس تركض عشان اتصليها ..؟!
ماسمعت عن نبيك صلى الله عليه وسلم .. ماسمعت عنه كيف كان يوصينا فيها ..؟!
عندك الصحه .. عندك الوقت للعمل/للعب/للنوم/للأكل/للسوالف .. ماعندك 5 دقايق لربك ..؟!
الصلاه لربك ولكنها راح تنقذك أنت .. الصلاه فرضت عليك لكنها لـــــك وليست عليك ..


أسبابكم .. نبي انعرف اسبابكم .. يمكن معلومة مني او من غيري تنقذكم ..

والله اللي اللي يشوف الدنيـا .. (( ثورات وزلازل وفتن ومعاصي ..الخ )) .. شينطــر بعدهـا .. إذا ماتاب أللحين .. ورجـع لربـه متى راح يتـوب ..؟!

متـى ..؟!




والله صـدق جابـوني متـــى ..؟!



اللي ماراح اتشـارك ولا بتهتـم في الموضـوع .. ولا راح اتحاول اتشارك لعلى وعسى انها يمكن تلقى شيء يرجعها لربها .. ف نصيحـه تتحســر على عمــرها ..!! ..
تخيل/ تخيلي نفسـج أحين مجرد روح ويالسه اتشوفين العالم اتحث بعض على الصلاه .. وانتي يالسه اتحسرين على كل فرض ..












(( إبراء ذمة .. اللهم بلغت اللهم فأشهد ..:( ))

[ام السعف]

ما نقدر نقول غير الله يهديهم ويصلح حالهم

[بو خليفه 123]

على الجرح يا ودي أكون

تذكرت احد المواضيع المطروحه سابقاً عندما تقدم رجل لخطبة بنت من ابوها فـ سأل الأب الشاب .. الساعه كم صلاة الفجر ؟ فلم يعرف الاجابه فرفض تزويجه لبنته .


من وجهة نظري الشخصيه : قد تتعدد الاسباب و لكن السبب الرئيسي يكون هو بيئة المنزل . اذا كان الأب لا يصلي , ولا الأم ولا الاخوان فكيف تتوقعين ان هذا بيصلي ؟ الا من رحم ربي .

[جرح الزمان]

جزاكي الله خير

الله يهدينا ويهديهم

أحس أن الناس مات الخوف في قلبها من الأخرة ويوم القيامة

وعذاب القبر وعذاب النار ..أعاذنا الله وأياكم من عذاب القبر والنار

محتاجين تجديد في أساليب التوعيه والنصح مع هالفئه بالذات

[شبح الصمت]

الله يجـزاج خير على حرصج

السر كله في صلاة الفجر الي يصلي صلاة الفجر صعبه انه يفوت الصلوات الي بعدها صدقوني ..

والله يثبتنا على طاعته يارب

[بوحمد111]

الله يهدي الجميع ويهديني معاهم والصلاة عمود الدين فان صلحت صلح الدين وان فسدت فسد الدين وانا استغرب من ناس يسمعون الاذان ولا يلبون النداء فويل لهم من عذاب اليم وليش يا اخواني المسلمين واخواتي المسلمات تتكاسلون في اداء فريضه فرضها الله عليكم لتنجيكم من عذاب جهنم
ف والله ثم والله انها سهله بالتعود والتعود

جربوها اقصد للغير مصلين وراح تحسون بالفرق والراحه النفسيه والجسديه

اذن الظهر صلاة يا جماعة الخير

تحياتي

[ودي أكون]

على الجرح يا ودي أكون

تذكرت احد المواضيع المطروحه سابقاً عندما تقدم رجل لخطبة بنت من ابوها فـ سأل الأب الشاب .. الساعه كم صلاة الفجر ؟ فلم يعرف الاجابه فرفض تزويجه لبنته .


من وجهة نظري الشخصيه : قد تتعدد الاسباب و لكن السبب الرئيسي يكون هو بيئة المنزل . اذا كان الأب لا يصلي , ولا الأم ولا الاخوان فكيف تتوقعين ان هذا بيصلي ؟ الا من رحم ربي .

لا يابوخليفه .. أبداً لا تعطي للي مايصلون أي عذر وأي حق .. ابداً أخوي

لا نتهاون في الاسباب والتبريرات ..

الام ماتصلي .. الاب مايصلي .. كون انت سبب في تذكريهم .. مو اتخليهم سبب في تخاذلك عن اداء الفريضه ..

الشخص راح يتحاسب عن نفسه .. فلايقعد يقول البيئه اللي انا فيها ماصلي .. ياخي راح يجي غيرك ويقط اللوم عليك في يوم من الايام ويقول .. البيئه اللي كنت فيها ماكانت اتصلي (( اعيالك راح اتقولك )) ..

والله أخوي بوخليفه الموضوع جداً كبير .. ولو خوفنا ماتكلمنا ..

هلك دخولك المدرسه .. وفي المدرسه عرفت ان الصلاة فرض .. صح والا لا ..؟!
خلاص على الاقل اهني مسؤلية الاهل خلها في صوب .. وعطهم ابراء ذمه .. وقوم صل دام انك عرفت بفرضيتها ..

لا تعطيهم عذر اخوي بوخليفه وشد معاي يزاك الله خير ..
الياهل يضربونه ف السبــع عشان الصلاه .. فهل الريال والبنت في هالعمر .. نيلس انرخي عليهم ..!!

شد بارك الله فيك عليهم ولا تعطيهم ابد عذر .. لان رسولنا بلغ الرساله ووصل الامانه .. دورنا احنا نبلغ مثل الصحابه رضي الله عنهم .. الرسول عطانا امانه .. وانا بصراحه ابي اصلها قد ماقدر :(

[ودي أكون]

تقبل الله منا ومنكم يارب ..


نرجع لموضوعنا .. اللي كالعادة راح يوقف عند هالحد للأسف ..!!

ياجماعه .. خاطري والله خاااااااطري ..

اتجينا وحده واتقول .. انا ماصلي .. أنا أأخر صلاتي .. ساعدوني انصحوني .. شلون انتو تقدرون اتواظبون ف صلاتكم .. علومني .. شيروا علي .. والله العظيم خاطري

ووالله ثم والله مايعتبر هالشي نقص .. والا عيب .. والا نقد عليها .. بقدر مايعتبر انها صاحبة ضمير حي .. ضمير يحس .. ضمير يخاف من الله سبحانه وتعالى ..

ولا لنا منّــه على أحد .. المنّه على الله أللي راد انج/أنك .. ادش وتقرا الموضوع عشان ترجع له .. عشان اتوب على كل فرض طافك او تهاونت في أداءه ..



واعيد وازيد ماهو عيب ان الواحد يعترف بأن متهاون او ان مايصلي .. لكن المصيبه في انك تستمر في تجاهلك لمصيبتك ..!!



تخيل ملك الموت يجيك اللحين ويقولك .. (( السلام عليكم ورحمة الله وبركاته )) ..

بس تخيــل .. تخيلي ..

[شيوخه]

آنا أعترف اني آتهاون في الصلاه

الله يهديني ان شاءالله

[دااانة قطر]

موضوع في الصميم
استغرب لما اعرف ان في ناااس تتهااون عن اداء الصلااه في وقتها او ماتصلي من الاسااس
الله يهديهم




جزاكي الله خير

الله يهدينا ويهديهم

أحس أن الناس مات الخوف في قلبها من الأخرة ويوم القيامة

وعذاب القبر وعذاب النار ..أعاذنا الله وأياكم من عذاب القبر والنار

محتاجين تجديد في أساليب التوعيه والنصح مع هالفئه بالذات


الله المستعااان

[fahad_qatar]

ماشالله عليج وعلى الموظوع القيم

وجعله الله في ميزان حسناتج اعترف انا مقصر في الصلاه وماعندي عذر والله يغفر ويرحم

وانشالله راجع لها وبقوه وبقولج كلمة ( شكرا لج من كل قلبي ) وما عندي غير الكلمه هاااااااااااااااااااااااااااااذي الله يجزاج عنا كل خير ويثبتج ويثبتنا على على الدين وعصبيتج وحرقتج عشان الصلاه

[intesar]

الله يهدي كل غافل..

[ودي أكون]

ماشالله عليج وعلى الموظوع القيم

وجعله الله في ميزان حسناتج اعترف انا مقصر في الصلاه وماعندي عذر والله يغفر ويرحم

وانشالله راجع لها وبقوه وبقولج كلمة ( شكرا لج من كل قلبي ) وما عندي غير الكلمه هاااااااااااااااااااااااااااااذي الله يجزاج عنا كل خير ويثبتج ويثبتنا على على الدين وعصبيتج وحرقتج عشان الصلاه

اللهم لك الحمد .. ان شاءالله ترجع لهامثل أول وأحسن .. والله يثبت ياربي .. والله اني دعيها لك من قلبي ان الله يرجعك لصلاتك ويثبتك عليها يارب العالمين ..

ماهو عيب عيب الاعتراف .. وانت باعترافك واصرارك على المواظبه شوف كم فرحتنا وفرحة ربك اول ..
شوف كم واحد قرا ردك ودعالك ان الله يوفقك .. ويثبتك ان شاءالله

الشكر لله أخوي احمد الله واشكره اللي جعل قلبك ينبض يوم قريت الموضوع ..

وصدقني اخوي .. (( انك لا تهدي من احببت ولكن الله يهدي من يشاء )) فأنا لو بتكلم من اليوم لين باجر كلامي ماراح يوصل .. وانت وصلك كلامي لان ربي راد لك الهدايه .. ربي اختارك مو انا .. ربي فتح عليك مو انا ..

واظب اخوي وصدقني بتحس بلذة المواظبة على الصلاه بعدها ..

من قلبي دعيتك ومن قلبي رحت لك ..





قمنــا انصلي العصــر .. بارك الله فيكم

[جرح الزمان]

يستاهل الرفع

[Al-Kuwari]

بارك الله فيج وجعله في ميزان حسناتج

انصح الكل بترديد هالدعاء لما فيه من اصلاح للنفس والدين

اللهم يا مقلب القلوب ثبت قلبي على دينك

[qatara]

قال رسولنا الكريم

(العهد الذي بيننا وبينهم الصلاة فمن تركها فقد كفر )

ياما شاب/ه راحو وهم متوقعين بكره بيسوون وبيسوون
وبكره بيتوبون وبكره بيصلون

وااخذهم الموت على غفله وكله بكره

جزيتي خيرا على التذكير

[ريماس الغلا]

ما نقدر نقول غير الله يهديهم ويصلح حالهم



ام السعف :omg:


انتي بلوك ؟؟


شسالفه المنتدى وويش سياسته الحاليه


هل عضو جديد عنده دفتر مخالفات ويبي يعطي بلوكات ويخلص مخالفاته ويترقى ؟

[ريماس الغلا]

اغلب الاعضاء الرجال ما يصلون


والدليل :


وقت مشاركاتهم هني بالمنتدى في وقت اقامه الصلاه

[فلتة زمانها]

كل شي في الدنيا ولا الصلاه
الله يثبتنا على طاعته

[روح الاطلس]

اغلب الاعضاء الرجال ما يصلون


والدليل :


وقت مشاركاتهم هني بالمنتدى في وقت اقامه الصلاه


لاتحطين في ذمتج اختي :)

تذكرت احد المواقف بيني وبين نفسي دخلت وقت صلاة الجمعه وشفت رد لأحد الاعضاء بذات التوقيت قلت معقولة فلان مب بالمسجد! معقولة مايصلي! وكل مواضيعه فيها خير ويدل انه من اهل الخير.. بعدها بكم يوم قريت له رد انه مريض ومايطلع من البيت سبحان الله رده كأنه كان يخاطب ظني السيء بأن توقفي فهذا البرهان قد اتى.. وكان درساً تعلمت منه عدم الاستباق والظن بالاخرين سوء لمجرد تخمينات!

[حسن]

ما نقدر نقول غير الله يهديهم ويصلح حالهم

اي والله مانقدر نقول الا الله يهديهم ويصلح حالهم

خساره كبيره محد يقدرها:victory:

[المبرمج صلاح]

جزاكي الله كل خير اختي
اعترف اني مقصر ولكن الحمد لله عكل شي الحمد لله الان حالي احسن بكثيير من قبل الحين مواظب اكثر ما تفوتني الصلاة ولكن مرات اتاخر فيها وحاليا انا في مرحلة جهاد مع النفس وخاصة صلاة الفجر لاني كنت من مدمنين السهر وتفوتني هالصلاة ولكن ان شاء الله يعيني عاقامتها في وقتها وجماعة انا دايما ادعي ربنا انها ما تفوتني ادعيلي اختي
انا الحين بطلت اسهر مثل قبل حتى لو شغل الحمد لله بس مرات تفوتني الصلاة لاني مش متعود وان شاء الله عندي ارادة قوية اني اتعود عالنظام الجديد واصلي الفجر جماعة
قناعتي التامة ونصيحتي لاخواني واخواتي هي صلاة الفجر
اللهم يا مقلب القلوب ثبتني على دينك
اللهم اغفر ذنوب المسلمين والمسلمات والمؤمنين والمؤمنات الاحياء منهم والاموات

[ودي أكون]

جزاكي الله كل خير اختي
اعترف اني مقصر ولكن الحمد لله عكل شي الحمد لله الان حالي احسن بكثيير من قبل الحين مواظب اكثر ما تفوتني الصلاة ولكن مرات اتاخر فيها وحاليا انا في مرحلة جهاد مع النفس وخاصة صلاة الفجر لاني كنت من مدمنين السهر وتفوتني هالصلاة ولكن ان شاء الله يعيني عاقامتها في وقتها وجماعة انا دايما ادعي ربنا انها ما تفوتني ادعيلي اختي
انا الحين بطلت اسهر مثل قبل حتى لو شغل الحمد لله بس مرات تفوتني الصلاة لاني مش متعود وان شاء الله عندي ارادة قوية اني اتعود عالنظام الجديد واصلي الفجر جماعة
قناعتي التامة ونصيحتي لاخواني واخواتي هي صلاة الفجر
اللهم يا مقلب القلوب ثبتني على دينك
اللهم اغفر ذنوب المسلمين والمسلمات والمؤمنين والمؤمنات الاحياء منهم والاموات

ماشاءالله عليك أخوي الله يثبتك يارب .. صدقت والله الصلاه بدايتها اتكون جهاد مع النفس ..

وصدقني الجهاد يسهل عليك يوم من داخلك تتقين وتؤمن واتعرف ان الصلاة فرض واجب .. يعني انا لازم لازم اأديها .. فلو تأخرت فيها مالي أجر فيها ليش عيل ما أأديها في وقتها .. واخذ الاجر كامل .. هذا أجري ليش اضيعه علي

اما صلاة الفجر لها لذه .. سبحان الله .. حلوة صلاة الفجر فيها راحه وطمأنينه .. شو احلى من الشعور يوم اتحس انك قايم اللحين مو لأي شخص .. انك قايم لربك .. يامحلاه من شعور .. ربي انا احبك انا قايمة لك .. والله شعور حلللللووو

الله يثبتك أخوي .. حاول وحاول اتجاهد .. ف في جهادك أجر كبييير ولاتنسى ان لك رب عفون كريم .. فرحان بجهادك

وانت لاتنسانى من دعواتك الله .. ربي يكتب لك ولي ولجميع المصلين الفردوس الاعلى من الجنه يارب العالمين ..

[ودي أكون]

آنا أعترف اني آتهاون في الصلاه

الله يهديني ان شاءالله

الله يهديج يا شيوخه .. وهل لج عذر في تهاونج ..

وهل تهاونج أحق .. أم صلاتج ..

ياحبيبتي فكري في بكره .. فكري في القبر .. وفي الحشر ..

انتي اتقولين انج تتهاونين ..

حبيبتي تخيلي عمرج يوم الحساب .. الكل يتحاسب وانتي تنطرين دورج تبين اتخلصين من حسابج .. واااااقفه سنين .. واااااقفه والشمس على راسج .. وااااااقفه اتشوفين غيرج فرحان وانتي تبين اتعرفين مصيرج .. وكل ماتحسين ان دورج قرب .. يصير بعيييييييد ..

تتخيلين موقفج .. تتخيلين عمرج ..!!

اركضي لصلاتج حبيبتي أول بأول .. عشان يوم الحساب انكون من الاوائل ..


تخيلي انج عايشه في الدنيا وان كل يوم هو يوم حساب .. فاركضي لصلاتج هي حسابج فالدنيا .. عشان فالاخره ماتنطرين وايد .. ويسهل علينا حسابنا يارب

والله يرزقنا ياربي الجنه من غير حساب ولا عذاب .. ولله يصلح لنا اعمالنا ويجعلنا من السابقين في كل شي يارب ..

[مهرة]

يعطيج العافيه اختي ودي اكون على طرحج الطيب ودعوتج ونصحج وان شاءالله بميزان حسناتج .. الصلاة والصلاة والصلاة او عدمها ماتكون مقياس على تربية وحرص الأهل لعيالهم ابد ممكن اتكون من رفقاء السوء من الطيش من ضعف الأيمان من هالمعاصي الي نشوفها كل يوم وصارات جهاراً وشي عادي .. يعني الي مايصلي ويهمل بصلاته مو شرط نعزي الأسباب انها من أهله انهم ماعلمووه ولا حببووه بالصلاة لا ياما في أبهات ملتزمين ومؤذنين ومطوعين وشيووخ علم ومن عيالهم مايصلوون ولا يدرون ويش قال الله ويش قال الرسول .. يخلق من ظهر العالم فاسد والعكس .. فما علينا الا ان ندعيلهم بالهداية ..

ومانكر اني اتهاون بصلاتي وخاصة بصلاة العشى .. أسأل الله الغفران والثبات على المحافظة على الصلاة ..

اللهم اجعلني من مقيم الصلاة ومن ذريتي ..

[راسي براسك]

بسم الله الرحمن الرحيم ,,

" أن الصلاة كانت على المؤمنين كتاباً موقوتا"

صدق الله العظيم


..


موقف :

وحده ماتصلي الا الجمعه و مرات تصليها ومرات لا , ضميرها كان يأنبها اسبوع تصليها بوقتها و 10 ماتصلي .
توفت قريبه لها جداً وخلال فترة مرض هذه القريبه اللتي لاتتجاوز الـ 20 يوم كانت ملازمتها 24 ساعه ثم ماتت بغير توقع لموتها ..

أستقامت البنت في الصلاة وفي الذكر , تصلي , صارت تحط وقت المنبه على صلاة الفجر مب على وقت الدوام , تذكر الله في كل شي , تتصدق اذا حصل لها !

..

ملاحظه :

اذا الأنسان نفسه ماجاهد نفسه وحاسب نفسه صدقوني الكلام ماينفع ,
الأنسان من نفسه لازم يعرف أن كل شي وله نهايه ..
حتى الصلاة لها نهايه , وهي عمود الدين ..
اذا ماصليت ماراح ينقبل منك لا دعاء ولا صيام ولا صدقه ولا زكاة ..
عشان كل شي ينقبل منك لازم تصلي ..
تبي تكون سعيد ونفسيتك مرتاحه ؟ بس صل الصلاة بوقتها ..

كنت طالع ؟ شوف أقرب مصلي وصلها وروح كمل شغلك أو طلعتك حتى لو كنت مع أصدقائك .. بادر دايماً بذكر يالله ياشباب او يالله يابنات الصلاة .

كنت بالدوام ؟ ماأعتقد ماعندكم مصلى وتصلون فيه جماعة وقت الظهر ..


وأنت بالبيت وحان وقت الصلاة ؟ قول حق الأهل يالله الصلاة وقم وصل ..


خاتمه :

عندنا مثل شعبي دايماً ينقال واعتمده في جميع أمور حياتي

" اللي في قلبه الصلاه .. ماتفوته "

واللي في قلبه شي مايفوته , عشان كذا انا اقول اذكر الصلاة دايماً حط منبه حط مذكره اهم شي تبادر .

والله يجزيج خير ياصاحبة الموضوع .. التذكره زينه