بيوت البر متى يعطون عليها سند ملكيه

[fahad_qatar]

[السلام عليكم ..........
هاذي أول مشاركه وأنشالله ماتكون الآخير

السؤال الي محيرني ليش البلديه ماتعطي بيوت البر سند ملكيه

ليش يتمون معلقين لاهم في أرض ولا سما وأهم وارثينها من جد الى جد

وهم أولى من الغريب هاذي اراضيهم ومزارعهم أن كانو في الشمال ولا

على طريق سلوى ولا في أي مكان في قطر الحبيبه على قلوبنا

وهذولا هم من أهل قطر يعني على قولة القايل ( من حصى قطر )

ياليت الموظوع مايوقف واشوف تفاعلكم النشط

وشكرا [/size]

[شموخ دائم]

,

,


مرحبا

اخوي الكريم

هذا يسمونه ( حق الانتفاع )

يعني اجلس فيها واستانس ومحد راح يتعرض لك من ناحيه قانونيه
لكن هي ليست ملك لك ومن حق الدوله تسترجعها متى ارادت

وهذه الورقه البيضاء بدل الملكيه
حتى يتم ( تقييد ) البيع والشراء والمتاجره بهذه الاراضي

ما يخفى عليك اذا صارت ملكيات كل واحد بيقطعها ويبيعها قسايم وتععمر بيوت وفلل
وتصبح المسئله تجاره في البر ويتحول البر الى ( مدينه )
وشوارع ويطالبون بخدمات كهرباء ومجاري .... الخ

وبعدين ( تتأجر على العمال ) وتتأجر ( مخازن )

الدوله تريد البر يبقى بر

في شمال الخور

ام الاقهاب وام بركه تحولت الى سكن ( عمال )
والبر كله باصات عمال ومعدات ثقيله ساكنين هناك
للاسف

ربما تختلف معاي

ولكن للدوله وجهه نظر ووضعت هذا القانون

,

,

اخوك


شموخ دائم

[fahad_qatar]

أخوي شموخ يشرفني مداخلتك جزء من كلامك صحيح وما أختلف عليه

بس الي أقصده بيوت ومزارع من قبل لا يحكم الشيخ / جاسم بن محمد المؤسس الله يرحمه
ولين الحين ساكنين فيها عيالهم وأهلهم وواصلهم القار والكهرباء والنت ومدارس عندهم شبقى
الا سند الملكيه يستاهلون

[al-buainain]

,

,


في شمال الخور

ام الاقهاب وام بركه تحولت الى سكن ( عمال )
والبر كله باصات عمال ومعدات ثقيله ساكنين هناك
للاسف

,

اخوك


شموخ دائم


وليش سامحين لهم البر اندمر والمساطيح صارت احزوم من كثر ما غروز فيها

وضرب الشيوال صار بكيفهم لا حسيب ولا رقيب وين ما يبي يسوي له رسته سوى بكيفه

وين حماية البيئة عنهم

ولا امي ما تقدر الا على ابوي

فالحين لي بس ليش امسرح ووين الترخيص

ابيهم ايجون يشوفون المزبلة الي صايره اهناك