ماذا يحصل في كتارا

[ايزو]

هذا المكان الاقل ما يقال عنه انه رائع منذ انشائه والمكان في تطور وخدمات راقية جزا الله القائمين عليه خير جزاء. ولكن الملفت للانتباه في الفترة الاخيرة تحول المكان الى حلبة لاستعراض السيارات ذهابا وإيابا وبطريقة خطرة جداً وغير حضارية مما يتسبب في مضايقة العائلات او المشاة والذين ياتون لقضاء وقت مع الأهل او الأصدقاء والملفت انه لايوجد من يمنعهم من ممارسة هذه الحركات فتجد سيارتين متجاورتين وحديث طويل فيما بينهم وضحك بصوت صبياني عالي والسيارات خلفهم بانتظار مرورهم الكريم. لذلك اقترح بتواجد سيارات المرور لمنع هذه الظاهرة قبل انتشارها وصعوبة منعها

[bo_s3ood]

انا من فتح مادخلته الا 4 مرات تقريبا

اخر مره من شهر وشفته مصخره من اليهال الي فيه ولا من السيارات والاغاني ومن الي يصير حرمة ادخله

والله يهديهم

[qatara]

ليتهم لوه سيف مفتوح

حتى البحر صار برسوم

[الأصيلة]

صح زادوا هذه الأيام ومن كل بلدان الخليج
صار كأنه لاند مارك أو فيلاجيو
يزعجون الناس بالأغاني ويصوتون بصوت عالي

[راسي براسك]

وفيه شلة اصحاب الدراجات يتمشون بكل مكان مشي ومايخلون حد مايتعرضون لها سواء بنت ولا ولد !!

قلة أدب وقلة عقل ودين

حسبي الله عليهم وعلى من جمعهم

[ايزو]

المكان اسمه الحي الثقافي!!!!!!!!!!!!!! دورية ثابتة بكامل الصلاحيات في المكان اعتقد ان شاء الله تحل المشكلة لان فعلا مثل ما قالت الاخت الأصيلة اصبح كانه لاندمارك من اللف والدوران من الشباب بدون هدف معين يعني الزائر للمكان يا يحب يتمشى او يروح احد المطاعم وغير ذلك ليش تروح وتضايق الخلق

[عالم المحيطات]

هذا اعتبره تخلف حضاري وللاسف من الصغير والكبير يسون هذا الشي وانا اتكلم بشكل عام وانشاء الله بس يتم توعيتهم بشكل وطرق افضل....

[ZURICH]

الشباب استخفوا ها الايام .. بعض الشباب مب الكل طبعاً

بس مع الاسف هذول اغلبهم

والحمد لله في شباب ماعندهم هالخرابيط :)

[سيف الحرية]

بعد فيه الشيشة والجنس الثالث للأسف الشديد ...

[كلنا قطر 1981]

مادري والله شاقول

بس ندعي لنا و لهم بالهدايه :)

[doha2012]

الله يهديهم ويصلحهم


مايخلونا نطوف .. مسرعين وويدورون كذا مره


بس هو حلو والقعده فيه حلوه وخاصه صوب البحر بس برسوم

والرسوم الشخص 100 ..

اصحاب البطابط بعضهم يلحق السيارات ويستعرض قدامهم وهو واقف عل البطبطه

لاحول ولاقوة الا بالله .. الله يصلحهم



,,

[قرنقووش]

البلشتيه هذول موجودين في كل مكان .. حتى في الفرجان يتيمعون عند درامات الزباله تكرمون ويسولفون هناك

[Dana’1]

اظن الي مسوي الزحمة هو وقوفهم عند جباتي وكرك واغلب الاستعراض في هذاك المكان
المفروض المنظمين هناك يمشونهم ويمنعون اي هندي من حقين الكرك بخدمة اصحاب المركبات الي يبغى كرك وهو بالسيارة يروح وقت الشاي او النعيمي او الي بالكونيش اي شي غير هالمحل والي ملزم وم يعشق غير هالمحل يصف سيارتة ويتعنى لة بدل الزحمة واللا مبالاة الي صايرة عند بعض الشباب هناك
الله يهدينا اياهم آمين يارب العالمين

[حقيقه]

كلها فتره بسيطه وبيصير مهجور بسبب الحر والرطوبه

ولحد يتحسب على حد هالحركات في گل مكان

[بوخالد911]

نريد تدخل الفزعة

[الإكسير]

اخالفك الراي اخوي المكان ماعليه كلام والمكان مب مخصص حق اعمار معينه عشان تقول يهال وشباب وطيش... الايام العاديه غير الويكنت اخذ العيال وام العيال واروح مكان مافيه احلى منه.. اما فالويكند خل الشباب يستانسون وياخذون راحتهم.. والعوايل يقدرون يروحون لين الساعه سبع مافيه زحمه... ليش ناشبين حق الشباب وين تبونهم يروح؟؟؟

[قرنقووش]

بعدين لاحظت شغله .. شلون استعراض يعني ؟

[مشاكل]

دورية وحده بتنثرهم نثر وكان الله غفور رحيما

[صوت الضمير]

انا احب هالمكان لهدوءه لكن بالفعل هناك ظاهره غريبه

مواتر الشباب يدورون بس وهم بالسياره لدرجه اني اشوف هالمواتر اكثر من مره بنفس الروتين ..

واللي زاد الطين بله بعد مواتر بنات ويدورون نفس الطريقة

ابي اعرف وش سر الدوران .. وهم بالسياره .. طيب ليه ماينزلون ويتمتعون بالاجواء العليله

لدرجه انه كتارا يوميا زحمه حتى بالايام العادية ..لان الشباب يعتبرونه روتين يومي

وانا اعلل هذه الظاهره للفراغ عند اغلب الشباب والبنات

وشكرا

[Eng. khaled]

^^

الشباب ماعندهم مراكز لتفريغ طاقاتهم ولا اندية تجمعهم

[Dana’1]

اخالفك الراي اخوي المكان ماعليه كلام والمكان مب مخصص حق اعمار معينه عشان تقول يهال وشباب وطيش... الايام العاديه غير الويكنت اخذ العيال وام العيال واروح مكان مافيه احلى منه.. اما فالويكند خل الشباب يستانسون وياخذون راحتهم.. والعوايل يقدرون يروحون لين الساعه سبع مافيه زحمه... ليش ناشبين حق الشباب وين تبونهم يروح؟؟؟
بالعكس محد قال انة ما يبغى الشباب ...وعلى فكرة فية شباب محترم عالااخر وهم الاغلب وللة الحمد والمنة،،،ولو ان كلامك سليم الافضل وسط الاسبوع عشان الهدؤ
الكلام على الاستعراض بالسيارة وتعطيل حركة السير اذا تشوف هذا الشي عادي لانة يونس الشباب فهذا شئ ثاني،،،!
ممكن الواحد يعيد يلف عشان يلاقي موقف هذا اوك مو مشكلة يعيد مرة ومرتين لين يلاقي موقف قريب اذا ما حب المواقف البعيدة....لكن هم يوقفون عند الكرك والجباتي وهم بالسيارات سوالف والمكان وحجمة ما يساعد لانة ممر سيارات هذا غير تطويل المسجل وهمز ولمز الي مار،،،هل هذي هي وناستهم اذا كذا فاتوقع مو بس العوايل حتى بعض الشباب يرفضهم ويرفض تواجدهم!

[بوسلمان 2010]

لاحسيب ولا رقيب الله المستعان

[faisalqatar]

والله انا اشوف الحي الثقافي انقلب حي المغازل و محد يقدر ينكر

شباب يستعرضون بسياراتهم و اغاني بصوت عالي و يتحرشون في الكل

و بنات فاصخين الحيا .. كاسيات عاريات يغرون الشباب و اصواتهم عاليه اعلى من صوت الشباب

شيش في كل مكان و البنات اللي يشيشون اكثر من الشباب لان المكان ظلام و محد بيعرفهم

هاي حال اغلب رواد كتارا "الحي الثقافي"

[ضوى]

والله هالكتارا ماعرف شكله حتى

[faisalqatar]

^ احسن لج

[ايزو]

ما يحصل في كتارا واضح وعلني ولا يحتاج لتهويله او تصغيره هناك مشكلة بدأت بسيطة وتتفاقم مع الايام وبدون نشر الغسيل اتمنى ان يتم طرح الحلول او اقتراحات للتغلب على هذه الظاهرة وحتى يتم المكان نموذجي ليس للعائلات فقط بل للشباب اولا ويكون للمكان نصيب في اسمه (الثقافي). باختصار المطلوب تقنين عملية الدخول للمكان ومنع من يحاول العبث او من يقوم بمضايقة الزوار من الدخول للمكان وانا على يقين انه بالإمكان ان يكون هذا المكان نموذجي لأكبر درجة وبانتظار آرائكم واقتراحاتكم

[وطن]

دورية ثبوت
كل كم يوم
في اوقات عشوائية
توقف هناك
و توقف اللي يمرون وتشيك اوراقهم

وراح يخف الضغط

:nice:



والله انا اشوف الحي الثقافي انقلب حي المغازل و محد يقدر ينكر

شباب يستعرضون بسياراتهم و اغاني بصوت عالي و يتحرشون في الكل

و بنات فاصخين الحيا .. كاسيات عاريات يغرون الشباب و اصواتهم عاليه اعلى من صوت الشباب

شيش في كل مكان و البنات اللي يشيشون اكثر من الشباب لان المكان ظلام و محد بيعرفهم

هاي حال اغلب رواد كتارا "الحي الثقافي"

المشكلة ان هالشباب صاروا ما يبون الكاسيات العاريات
صاروا يروحون حق اللي حاشمين نفسهم !!!
هذا اللي استغرب منه

وبخصوص الشيش الله يهديهم ويصلحهم

ما نقط اللوم على الشباب بس
ترى في بنات الله يصلحهم بعد
بنفسي سمعتهم وهم يتحرشون بالشباب
وانا واللي معاي صرنا :omg:
من الصدمة

[Marriott]

ما يحصل في كتارا واضح وعلني ولا يحتاج لتهويله او تصغيره هناك مشكلة بدأت بسيطة وتتفاقم مع الايام وبدون نشر الغسيل اتمنى ان يتم طرح الحلول او اقتراحات للتغلب على هذه الظاهرة وحتى يتم المكان نموذجي ليس للعائلات فقط بل للشباب اولا ويكون للمكان نصيب في اسمه (الثقافي). باختصار المطلوب تقنين عملية الدخول للمكان ومنع من يحاول العبث او من يقوم بمضايقة الزوار من الدخول للمكان وانا على يقين انه بالإمكان ان يكون هذا المكان نموذجي لأكبر درجة وبانتظار آرائكم واقتراحاتكم

كلام سليم

ضف على ذلك أين هي إدارة الحي الثقافي من هذه الفوضى اليومية؟!

لماذا لا يتم الإستعانة و التنسيق مع وزارة الداخليــــة ؟!

وزارة الداخليـــة تتعاون مع جميع مؤسسات و أجهزة الدولة في بسط الأمن ..

ولا الوضع عاجبهم في إدارة الحي الثقافي وراضيين ؟! :telephone:

[R 7 A L]

لو يرجعون التحريات
مثل أول كان الشباب مشوا سيده


ياليت ترجع التحريات بقوتها المعهوده سابقاً

[faisalqatar]

دورية ثبوت
كل كم يوم
في اوقات عشوائية
توقف هناك
و توقف اللي يمرون وتشيك اوراقهم

وراح يخف الضغط

:nice:




المشكلة ان هالشباب صاروا ما يبون الكاسيات العاريات
صاروا يروحون حق اللي حاشمين نفسهم !!!
هذا اللي استغرب منه

وبخصوص الشيش الله يهديهم ويصلحهم

ما نقط اللوم على الشباب بس
ترى في بنات الله يصلحهم بعد
بنفسي سمعتهم وهم يتحرشون بالشباب
وانا واللي معاي صرنا :omg:
من الصدمة


اي والله للاسف الشباب وصلت فيهم مرحلة التبلتش انهم يتحرشون في المتسترات واللي حاشمين عمرهم
كل مالهم فئة البلشتيه يصيرون اخس من قبل

والكاسيات العاريات يضربهم الحسد و يتعرون زيادة يحليلهم

وبالنسبة للبنات اللي يتحرشون في الشباب هاي شي طبيعي خلاص ينشاف في كل مكان

( الحين بينقزون لنا 2 ولا 3 وبيقولون ليش تجمعون و ذيلا مب قطريات و قطريين و ذيلا مقيمين لابسين ملابس قطرية .. شنسوي بعد)

[faisalqatar]

لو يرجعون التحريات
مثل أول كان الشباب مشوا سيده


ياليت ترجع التحريات بقوتها المعهوده سابقاً

شفايدة التحريات ياخوي؟

الحين البنات قاموا يتحرشون في الشباب !!

بتقولي بيحجزون البنات ؟

طبعا في النهاية بتطيح في راس الشاب حتى لو ماله خص

خلاص صارت سبهلله يا ريال

[عزووز قطر]

لأول مرة في تاريخ قطر ،،، أصحاب الكروزرات يطلعون براءة

والله محد مسوي فوضى الا أصحاب الدراجات والسيارات السوبر سبورت ( مثل الفيراري واللامبرغيني ) ومن اسبوع تقريبا كنا قاعدين على السيف وأصحاب الدراجات النارية مسويين ازعاج وفوضى بشكل ماله حدود ورحت اشتكيت عند الشباب القطريين اللي واقفين عند البوابة ،،، وطرشوا سكيورتي للمكان ...

بس للأسف ان الشباب مايهتمون لكلام السكيورتي لأنه آسيوي ،، والله لو كانوا رجال أمن قطريين ماكان شفنا هالفوضى وماسمعنا الأصوات المزعجة

[دااانة قطر]

ماعرفته الا يوم رحت عرس ولد جيراانا في قااعتهم
وبعدها مريت صوب الكرك ولاعجبني
ومره خذت كناافه
بث

[نشميه]

رحت له في الويك اند مكان رائع فعلا ، استانسنا والأطفال غيرو جو ، وحسو بالتغيير ، بس فعلا ضايقتنا زحمة السيارات عند المدخل ولما صفينا السياره لاحظت أعداد كبيره من الدراجات اللي تسبب الازعاج للماره ويحاولون عمدا اصدار أصواتها بس المكان بجد رائع وكان في استعراض وتنافس للسيارات البنفسجيه اللون، كلها حلوة الله يبارك:nice:

[عابر سبيل]

اذا كانت الثقافة مبنية
على
"الكرك"
و ال"شاباتي"...

فماذا تنتظرون ممن
لهذا "الجاذب"..
متعنيا..ياتي!!؟؟

ان كانت الثقافة في عرف "كتارا"
لحس الاسكريم..
و الفرجة على
الرايحين و اليايين..

فماذا ننتظر..
*
*
،،
المشروع كبناء..ما عليه كلام..
لكن الاخراج و التشغيل..
انقلب الى "ناشيونال" ايام زمان..
بس بدون رؤووس يقطر "التاتا"
من ذلك الشعر لمسلسل.."شعر الهندي"!!

[faisalqatar]

اذا كانت الثقافة مبنية
على
"الكرك"
و ال"شاباتي"...

فماذا تنتظرون ممن
لهذا "الجاذب"..
متعنيا..ياتي!!؟؟

ان كانت الثقافة في عرف "كتارا"
لحس الاسكريم..
و الفرجة على
الرايحين و اليايين..

فماذا ننتظر..
*
*
،،
المشروع كبناء..ما عليه كلام..
لكن الاخراج و التشغيل..
انقلب الى "ناشيونال" ايام زمان..
بس بدون رؤووس يقطر "التاتا"
من ذلك الشعر لمسلسل.."شعر الهندي"!!

الثقافه اللي انشوفها في الحي الثقافي

مثل ما تفضلت وقلت:

1- كرك و جباتي
2- شيشة
3- مسابقة جمال التيوس !!
4- طالعني و اطالعك

خوش ثقافه