السلام عليكم ............ ياخوان ......... استفسار ؟؟؟؟؟

[ولد المنصور]

ابي اجيب موتر من الكويت ؟
وش المطلوووووب ......... السياره مو 2009 او 2010 ...
ارجو الساعده وانا رايح هالايام اللي يوصي شي انا حاضر باذن الله ....

[bo_s3ood]

مافي شي اضن مطلوب منك الا من كويت تقلبها تصدير بعد ماتسجلها باسمك
وتجيبها للدوحه وفي رسوم راح تدفعها للجمرك
على حسب علمي

والله يووفقك

[الحـ(درب)ـب]

صحيح مايحتاج شي غير تقلبه تصدير بالكويت وحياك جمارك الدوحة :)

[فارس قطر]

اتصل على الجمارك قسم استيراد السيارات وخذ منهم التفاصيل كاملة

لان في سيارات مواصفات خاصة

ماتدخل الدوحة.

[كود نمبر]

اوراق تصدير السيارة + شهادة مقاصه من الشركة اذا حبيت ما تدفع عليها جمرك

لا ها الموديل دخل في الجمرك الموحد

[تمون]

تحمل تنسى المقاصه عشان ماتدفع جمرك

[ولد المنصور]

مشكوريييين ياجماعه الخير ......... واللي يوصي شي انا حاضر ,,,

[رحال الدوحه]

بالتوفيق أخوي الغالي

ما قصروا الاخوان حسب علمي تجيب شهاده من مرور الكويت ( تصدير )
وعندنا فالجمارك راح يسجلون ويحولونك المرور واتوقع رسوم المرور
400 ريال ، احتياط اتصل الجمارك والمرور وتأكد من إجراءاتهم .
تروح وترجع بالسلامه