إلى متى يا جريدة الراية ؟؟!!

[السديم]

السلام عليكم ورحمة الله وبركاته

كعادتي كل يوم الصبح امسك الجرايد واقراهم بكل روقان الا واشوف اعلان في جريدة الراية

لا و في الجريدة نفسها مش في ملحق الاعلانات .. ومحتوى الاعلان مطلوب مدبرة منزل (خادمة بس بمسمى ارقى) وحاطين المواصفات ويفضل قطرية !!!!!!:eek5::eek5:

رجعت قريت الاعلان مرة واثنين وثلاث واشكك استيعابي !!

قطرية تصير خدامة !!! من متى وشلون وليش !!!

المفروض يا سادة يا مسؤولين عن الجريدة لما جيكم اعلان مثل هذا ماينشر او ينشر بدون تحديد جنسية ..

من متى القطرية تخدم في بيوت الناس؟؟

هالمهنة مارضيناها على بنات دول الجوار اللي مب لاقيين شغل وحكوماتهم مقصرة معاهم

هالمرة بنرضاها على بناتنا !!!

للأسف ماعرفت احط صورة الاعلان ولا كان حطيته ..

مادري انا فهمت غلط ولا الجريدة غرضها استفزازي ولا شالشالفة بالضبط ؟؟

[R 7 A L]

يمكن قصدهم لــــ عائلة قطرية


الخطأ وارد

[khaldoon]

يمكن قصدهم لــــ عائلة قطرية


الخطأ وارد

طالما ذاكرين يفضل قطرية فالمعنى يعود على الخادمة و ليس العائلة

لا تعليق...بانتظار باقي الاراء و التعليقات

[Miss Merna]

حتى أنا استغرب يوم شفت الاعلان

[آنــه]

الامر غير مقبول اذا كان صحيح
لكن لنفترض حسن النية كما قال الاخ رحال

ع العموم ،

جريده كثرت فيها الاخطاء الإملائية
والنقل من الانترنت والتكرار
مع أني كنت احب اقرأ هالجريدة

[السديم]

لا هم كاتبين يفضل تكون من الجنسية القطرية

اشدخل العائلة !!!!

والله الاخطاء الاملائية ماتكون على حساب اهانة المرأة القطرية

يعني لو شخص جديد على البلاد ويشوف هالاعلان بياخذ فكرة ان القطريات ممكن يشتغلون اي شي ؟؟

[بوخالد2]

يمكن القصد مربيه للاطفال من الناس المساكين و يبون الرزق و الستر

[طلعة الروح]

عرض وطلب .. وين المشكلة يا عزيزي

[ألماسة]

وين ..؟ أي صفحة..؟ :omg:

ماشفت شي :rolleyes2:

[طلعة الروح]

شفته في صفحة 14

[آنــه]

توني اقرأ الاعلان :anger1:
وجاري الاتصال ع الجريدة للاستفسار

[السديم]

يمكن القصد مربيه للاطفال من الناس المساكين و يبون الرزق و الستر

القصد خادمة وليست مربية هذي اولا

وثانيا من متى حريمنا يخدمون في البيوت !!


عرض وطلب .. وين المشكلة يا عزيزي

يمكن بالنسبة لك مافيها مشكلة .. بس بالنسبة لي اشوفها مشكلة كبيرة

مشكلة لما انتمي لأكبر بلد منتج للغاز والبترول وتعمل حريمها خادمات !!

مشكلة لما اكون حاملة جنسية اغنى دولة في العالم واشتغل في بيوت الناس !!

[السديم]

توني اقرأ الاعلان :anger1:
وجاري الاتصال ع الجريدة للاستفسار

اي والله ياريت يتم الاستفسار لاني حاولت اتصل كذا مرة ومحد يرد !!

[لاميزون]

المراة القطرية معززة مكرمة فى ظل قيادتنا الكريمة لازم تكون هناك وقفة من الجريدة والشركة اللى حاطه هذا الشرط

[بوخالد2]

القصد خادمة وليست مربية هذي اولا

وثانيا من متى حريمنا يخدمون في البيوت !!



يمكن بالنسبة لك مافيها مشكلة .. بس بالنسبة لي اشوفها مشكلة كبيرة

مشكلة لما انتمي لأكبر بلد منتج للغاز والبترول وتعمل حريمها خادمات !!

مشكلة لما اكون حاملة جنسية اغنى دولة في العالم واشتغل في بيوت الناس !!

السديم ليش تدرين عن ظروف اهل قطر كلهم من صغير لين كبير

لو ماكان في ناس محتاجه ماشفتي ناس تسكن في حوش اخوها و تبني الخيام و ناس يشتغلون فراشات بالمدارس و غير ه 0000 محد يعلم بظروف الناس

مب عشانها قطريه انقول ( شنو الخبر الصاعق هذا )
لا في ناس الله العالم بحالهم خاطره ينام كل يوم مثل غيره ولا يطلع له الصبح الا و حياة غير عن امس

[ألماسة]

اي والله صج :omg:

وهذا هو الاعـــلان :secret:


http://www.3ainain.net/uploads/images/ain-1165f06062.jpg (http://www.3ainain.net/uploads/images/ain-1165f06062.jpg)

[طلعة الروح]

القصد خادمة وليست مربية هذي اولا

وثانيا من متى حريمنا يخدمون في البيوت !!



يمكن بالنسبة لك مافيها مشكلة .. بس بالنسبة لي اشوفها مشكلة كبيرة

مشكلة لما انتمي لأكبر بلد منتج للغاز والبترول وتعمل حريمها خادمات !!

مشكلة لما اكون حاملة جنسية اغنى دولة في العالم واشتغل في بيوت الناس !!


غصب لازم تصورون المجتمع كأنه المدينة الفاضلة الكاملة...

[ضوى]

عرض وطلب .. وين المشكلة يا عزيزي

عرض وطلب على القطرية ؟؟؟؟

مافي اي مشكلة انه القطرية تشتغل خادمة او مدبرة منزل في بيت غير بيتها ؟؟؟

[R 7 A L]

حتى لو يكون الراتب فوق 50 الف
وين القطرية الى بتقبل هالوظيفة ؟




صراحة الاعلان اشوفه إهانه
من الراية وشركة ريجنسي

[آنــه]

اتصلت في واحد في الجريدة ورد علي اخ مصري
وهذا نص الحوار /
" السلام عليكم ورحمة الله وبركاته
انا : ابي استفسر عن موضوع الاعلان اللي في صفحه ١٤
قال : بخصوص موضوع إيه
انا : عن موضوع مربية المنزل
قال : طيب فيه إيه ؟
انا : ابي رقم الشركة
قال : بس فيه إيميل
انا : طيب الايميل شخصي مو إيميل شركة ومفروض يكون عندكم أرقام المعلنين
قال : وفيها إيه لما يكون أيمل شخصي مش مشكله
انا : فيها ان جريده كبيره تحط إعلانات من مجهولين ألهوية وبدون أرقام وين الشفافية ونزاهة العمل والشغل المتقن في الصحافة و
قاطعني وقال : أنتي في حد من طرفك بيتصل دلوئت بخصوص نفس الاعلان
انا : لا طبعا
قال : طيب تتصلي على مدير الإعلانات وعطائه رقمه "

ولحد الحين قاعده اتصل ولا يرد علي

[sweet qatar]

انا بعد انصدمت بالإعلان..

طبعا الشغل مب عيب.. وكل الاحترام لكل الجنسيات الي تشتغل مدبرة منزل او مديرة منزل..

لكن كلمة تفضل تكون قطرية الجنسية في اعلان يطلب مديرة منزل ومن مكتب أيدي عاملة..

الإعلان حرررررق دمي..

[همر]

مكتوب مديرة منزل مش مدبرة منزل !!!

اشدراكم هذا المنزل يمكن قصر وفيه خدم وحشم ويبون وحده تديرهم !! وين الغلط ؟!!

يعني الاعلان مدفوع عليه مبلغ وقدره عشان خدامه ؟!!
شخصيه قياديه حق خدامه ؟!!
يعني اذا قطريه تشتغل فراشه في مدرسه وتبيع علوج في الفسحه عادي لكن مسؤولة بيت صارت جريمه في حق الانسانيه ؟!

مشكلتنا تفكيرنا على قدنا .. عبالنا بيوتنا .. ملاحق ولا بيوت شعبيه ولا فيلا طابقين ومستانسين عليهم ..

اراهن انه قصر بو بوابه عوده وسور من كبره البيت ما يبين وا عليه علينا الفقارى مانمر قدام واحد منهم الا نطلطل عبالنا مادري وش بنشوف :tease:


تأكدي الشيخه بالاول من المكان اللي طالب المديره والراتب بعدين تعالي طلعي حرتج في الجريده..

[الزلزال]

سبحان الله

[لاجئ عاطفي]

http://im30.gulfup.com/2012-04-10/1334050980811.png

[حمد بن خالد]

مكتوب مديرة منزل مش مدبرة منزل !!!

اشدراكم هذا المنزل يمكن قصر وفيه خدم وحشم ويبون وحده تديرهم !! وين الغلط ؟!!

يعني الاعلان مدفوع عليه مبلغ وقدره عشان خدامه ؟!!
شخصيه قياديه حق خدامه ؟!!
يعني اذا قطريه تشتغل فراشه في مدرسه وتبيع علوج في الفسحه عادي لكن مسؤولة بيت صارت جريمه في حق الانسانيه ؟!

مشكلتنا تفكيرنا على قدنا .. عبالنا بيوتنا .. ملاحق ولا بيوت شعبيه ولا فيلا طابقين ومستانسين عليهم ..

اراهن انه قصر بو بوابه عوده وسور من كبره البيت ما يبين وا عليه علينا الفقارى مانمر قدام واحد منهم الا نطلطل عبالنا مادري وش بنشوف :tease:


تأكدي الشيخه بالاول من المكان اللي طالب المديره والراتب بعدين تعالي طلعي حرتج في الجريده..





هههههههههههه

ياعيني ياعيني ويخلصها ويمررها وفي القووول على طووول :nice:


هاي الكلام اللي ينقال

أولاً مكتوب وظيفة

وثانياً مديرة منزل


يعني ماعتقد بيت عادي بياخذون مديرة منزل

وبعدين هالشي موجود من زماان في بيوت الشيوخ والتجار

ومب قطرية وحدة أو ثنتين ,, أكثرر من هالعدد

وبعضهم يبنون لهم بيوت صغار لهم في البيت ويصيرون جنهم من أهل البيت


شكلكم نسيتوا

بس لأن التعليم موجود والناس تعلمت ودرست واشتغلت في الحكومة خلصوا هالنوع من الناس اللي يقومون بأمور البيت ,,, أقصد القصر :nice:

طولوا بالكم

ومحد يرضى عالقطرية ,, تراها أم وأخت وبنت

وبعدين مميزات هالوظيفة شي عجيب غريب وواسطة بعد

عقب خل مديرة المنزل اللي مب عاجبتك اتوسط لك :nice:

[تحداني]

وثانيا من متى حريمنا يخدمون في البيوت !!







مشكلة لما اكون حاملة جنسية اغنى دولة في العالم واشتغل في بيوت الناس !!





صراحة الاعلان اشوفه إهانه
من الراية وشركة ريجنسي




في سيده قطريه .. زوجها متوفي من زمان وعندها ولد واحد
كانت اتجي للوالده يوم اتربي .. وكانت اتروح لخالتي تمسك اعيالها لما اتروح المدرسه
وظروفها صعبه وللحين اوقات تخدم الناس وتمسك اليهال


وانعرفها عدل
الحين امرضت .. والكل يساعدها بنفس طيبه والحمد لله


جملكم الله برضاه

[مرحوم قطر]

والله الكلام عجيب و غريب و غير مقبول


بس يمكن العائله تقصد تبي مربيه ولا طباخه مثلا

و فعلاً في بيتنا حنى مثل متعاقدين مع طباخه قطريه

تسويلنا الغدا بعض ايام الاسبوع لان خدامتنه طباخها تعبان و والدتي متوفيه

و ماعندنا حد يطبخ في البيت

و عادي هلحرمه تطبخ لنا و حق غيرنا

[Scout Sniper]

ما اظن خدامه
ولا اعتقد بيت عادي !!!


ولا شكلكم مادريتو ...
الوليد بن طلال قصره شغالين فيه ولا 30 بنت , وكلهم بنات حمولة !! بنات قبايل !!
لا وكل وحده تقول الزين عندي ..! :)

[هدوء الصباح]

في سيده قطريه .. زوجها متوفي من زمان وعندها ولد واحد
كانت اتجي للوالده يوم اتربي .. وكانت اتروح لخالتي تمسك اعيالها لما اتروح المدرسه
وظروفها صعبه وللحين اوقات تخدم الناس وتمسك اليهال


وانعرفها عدل
الحين امرضت .. والكل يساعدها بنفس طيبه والحمد لله


جملكم الله برضاه

رد واقعي خطته انامل اختنا الانيقة تحداني الزمن..
يا جماعه..ليس هناك اهانة..العمل كله عباده..وياما في اناس محتاجه..
كفانا تعصب وتذمر..
مساكم الله بكل خير..

[Al-YaQteeN]

اعلان عادي ومافيه اي شي ابدا
عائلة قطرية تبي مربية او سيدة منزل يفضل ان تكون زيهم قطرية
وين المشكلة ؟؟؟
كم فقير في قطر وكم من قطري محتاج و و و وين المشكلة ؟
اعرف قطري ساكن فابونخلة يجي الدوحة مشي يوميا ماعنده فلوس باص ؟؟؟!!!
فعلا كما قال : هدوء الصباح


يا جماعه..ليس هناك اهانة..العمل كله عباده..وياما في اناس محتاجه..
كفانا تعصب وتذمر..

تيكت ايزي !!

[intesar]

وين الاهانة.. هو حط اعلان.. واللي تبي تشتغل خلها تشتغل.. يمكن فيه ناس محتاجة.. ليش قطع الأرزاق.. برأيي تشتغل خدامة ولا تروح بالحرام..

[جرح الزمان]

مكتوب مديرة منزل مش مدبرة منزل !!!

اشدراكم هذا المنزل يمكن قصر وفيه خدم وحشم ويبون وحده تديرهم !! وين الغلط ؟!!

يعني الاعلان مدفوع عليه مبلغ وقدره عشان خدامه ؟!!
شخصيه قياديه حق خدامه ؟!!
يعني اذا قطريه تشتغل فراشه في مدرسه وتبيع علوج في الفسحه عادي لكن مسؤولة بيت صارت جريمه في حق الانسانيه ؟!

مشكلتنا تفكيرنا على قدنا .. عبالنا بيوتنا .. ملاحق ولا بيوت شعبيه ولا فيلا طابقين ومستانسين عليهم ..

اراهن انه قصر بو بوابه عوده وسور من كبره البيت ما يبين وا عليه علينا الفقارى مانمر قدام واحد منهم الا نطلطل عبالنا مادري وش بنشوف :tease:


تأكدي الشيخه بالاول من المكان اللي طالب المديره والراتب بعدين تعالي طلعي حرتج في الجريده..






:victory:

[Rosy]

شو المشكله؟ مب شرط خدامه يبون قطريه ماقالو خدامه ممكن تقعد مع العيال الصغار كمربيه , ممكن يبونها تشرف على الخدم اللي بالبيت فتره اللي هم بالشغل وتسنعهم وتعلمهم الطباخ وغيره..مافيها شي رزق وشغل مب عيب دامه بشي حلال مب حرام, قطريه ولا غيره

[أخت محمد]

القطريه مهب خدامه القطريه تاج على الراس
بخصوص اللي نزل ف جريدة الرايه صفحة 14

http://www.up.qatarw.com/up/2012-04-10/file1840853340.jpg

القطريه مهب خدامة يا صاحب رجنسي
ولا بتشتغل خدامة
القطريه حاميها ربها ومقدرها ابوها حمد بن خليفة وعازتها امها موزا بنت ناصر


وللاسف اخر شي بيقولون خطأ والخطأ وارد !!

[OM_OMAR_QATAR]

الله يحفظ الديرة واهلها وعزها

يا اخوان والله في عائلات تبكي الصخر من عازتها وحاجتها ،، يعني تحل عليهم الصدقة !
يعني عادي نتصدق عليهم ؟ بس غلط انهم يشتغلون ؟؟

ومديررة منزل يعني حالها حال ام البيت ! واجباتها هي نفسها واجبات الزوجة والام والاخت ..

ماقال بتغسل صحون والا ملابس ولا والا .....

لما فيه قطرية محتاجة ، وراعية ايتام ،، ومالها مؤهل ولا علم وبسيطة وعلى قد حالها
ليه مثل هالفرصة تروح لغريب ؟؟؟ منو اولى ؟؟
مثل ما فيه خبرات ووظائف هم اولى فيها ، لاتنسون الطبقة البسيطة الي على الله رزقها الي ترحب بمثل هالوظيفة

فيه بيوت وكلنا ندري بس الخدم الي فيها 20 واكثر
زين من 20 خدامة في البيت يعني كم عدد اهل البيت؟ يعني شكبر البيت نفسه ؟؟ يعني شكثر احتياجاتهم ؟؟


طيب لما ننتقد ان اولادنا يتربون على يد هنديات والا اندونسيات والا غيرهم

شفيها لو يتربون على يد ام وقطرية وتربيهم على ترباها

لكن المثل يقول الي يده في النار مو زي الي يدها في الثلج

الي عنده خل يفكر انه فيه ناس تتعفف عن السؤال وفيه ناس " ما تهين نفسها " بالطلب ولا تقبل صدقة على نفسها
تدور لقمة الحلال الي تحفظ كرامتها

الله يحفظ الجميع ..
عموما الجريدة ما اظن عليها اي كلام ولا يحق احد يحاسبها على اعلان

[الزعفراني]

بكره راح ينزل اعتذار من الشركة على الاعلان وهذي صورة من التنويه والاعتذار

https://p.twimg.com/AqJI_tTCEAI-UF8.jpg

:)

[آنــه]

شي طيب منهم ان يتم الاعتذار والتنويه

[آنــه]

............

[CH Engineer]

رقعوها
الاعلان تابع لشركة ريجنسي لجلب الايدي العامله
والعامله عندهم درجات حتى مب شرط تكون مربية في منزل
في اماكن اسوء بكثير
ومجموعة ريجنسي تابعه لمجموعة الاصمخ

Telephone:
00974444422888

Fax:
0097444442880

Location:
Suhaim Bin Hamad Street
Po Box 9012, Doha, Qatar

Email:
info@regencygroupq.com

[سيف الحرية]

فيصل المرزوقي صحيفة العرب 11 - 4 - 2012م

أهانك الله بهذه الإهانة!

لم يخطر على بال أحد يوماً أن يقرأ مثل هذا الإعلان، والذي نشر بصحيفة قطرية للأسف الشديد، الإعلان يطلب (مدبرة منزل قطرية الجنسية)!
توقفت كثيراً أمام هذا الإعلان، ولا أظن أن هناك مواطناً إلا وانتابه نفس الشعور الذي شعرته، شعور مَن مُست كرامته، شعور مَن يُهان في عقر داره، شعور مَن أوجعه ما آل إليه الحال!
بالأمس اتصل أحد المواطنين وفي صوته قهر وهو يكاد ينفجر من تصرفات غير لائقة وجدها في المطعم، حيث يتبادلون القبل أمام مرأى الجميع ومعه أطفاله، وعندما اعترض على تصرفاتهم، تكالب عليه الجميع، ولم يملك سوى أن يخرج وشعور الإهانة يلاحقه، بينما الابتسامة الصفراء بادية على وجوههم بانتصارهم عليه!
كما يوجعنا بكاء من دفعتهم الحاجة من المواطنين للبكاء عبر برنامج وطني الحبيب، يوجعنا ألم كل من ساقته الظروف لحال لا يسر أن يكون فيه مواطن، ولكن صدمة الإعلان تجاوزت كل ذلك، فهي أشد وجعاً وألماً على النفس من كل المواجع، لقد مس هذا الإعلان كرامة كل مواطن ووضعه ومكانته وفي عقر داره، كيف لا وهناك من يرغب في أن تعمل المواطنة خادمة لديه، وخادمة لأهله في البيت!
خطاب سمو الأمير -حفظه الله- الأخير في مجلس الشورى، سمى الزيادة الأخيرة للمواطن مشاركة في توزيع الثروة -دون منة-، وليس لأحد أن يمس كرامة المواطن في العطاء، وقد صنف المواطن القطري بعدها بأنه الأعلى دخلاً في العالم!

يأتي هذا الإعلان الذي لا أرى أنه استفزازي كما قد يصوره البعض، وإنما مهين وجارح وموجع ومؤلم، وأقسم بالله أن هذا المقال من أصعب ما كتبت، وأنا أعيد وأكتب وأعيد في سعيي للتخفيف من حدة المفردات، وفي كل مرة أجده قد خرج عن اللباقة العامة وعن المسموح به!

الخلاصة:

ماذا تريد يا صاحب الإعلان؟!

أن ترضي نفسك المريضة، أم ترضي غرور زوجتك؟ أم تريد أن تكون من العالين والمتعالين، وعلى مَن؟!
للناس مقامات لا يمكن المساس بها، إلا بقصد الإهانة، ونقولها لك: أهانك الله بهذه الإهانة التي وجهتها لنساء هذا الوطن، هذا الوطن الذي أسقى البعيد قبل القريب، وها أنت تريد أن تسقيهم من خبث مالك!

ملاحظة أخيرة

الاعتذار المنشور اليوم بهذا الخصوص يكشف حماقة وعذراً أقبح من ذنب، إذاً كيف تقوم شركة لجلب الأيدي العاملة بنشر إعلان طلب مدبرة منزل في قطر من الخارج!!



almarzoqi@AlArab.QA
http://twitter.com/marzoqi65

[بوسلمان 2010]

لاحول الله هذا من المفروض معاقبة الجريدة على هذا الاعلان

[لاجئ عاطفي]

في اعلان مبوب على صفحات الرايه تقدمت شركة ريجنسي باعتذار وتنويه عن اعلان الامس جاء فيه ....


تعتذر شركة ريجنسي لجلب
الأيدي العاملة عن الخطأ غير
المقصود الوارد في الإعلان المنشور
أمس بالبند الخامس.
حيث أن المقصود كان يفضل أن
يكون مع المتقدمة إقامة سارية في
قطر، وليس ما نشر في الإعلان.
لذا وجب التنويه والاعتذار

[ولد شرق]

إلى المطبلين اللي أيدوا ان القطرية تشتغل في بيوت الناس
سؤال بريئ فقط...هل انت ترضى امك ولا اختك ولا زوجتك تشتغل في بيوت الناس؟

والحين بعد ما اعتذرت شركة جلب الايدي العامله اش بيكون ردك

[دااانة قطر]

اتصلت في واحد في الجريدة ورد علي اخ مصري
وهذا نص الحوار /
" السلام عليكم ورحمة الله وبركاته
انا : ابي استفسر عن موضوع الاعلان اللي في صفحه 14
قال : بخصوص موضوع إيه
انا : عن موضوع مربية المنزل
قال : طيب فيه إيه ؟
انا : ابي رقم الشركة
قال : بس فيه إيميل
انا : طيب الايميل شخصي مو إيميل شركة ومفروض يكون عندكم أرقام المعلنين
قال : وفيها إيه لما يكون أيمل شخصي مش مشكله
انا : فيها ان جريده كبيره تحط إعلانات من مجهولين ألهوية وبدون أرقام وين الشفافية ونزاهة العمل والشغل المتقن في الصحافة و
قاطعني وقال : أنتي في حد من طرفك بيتصل دلوئت بخصوص نفس الاعلان
انا : لا طبعا
قال : طيب تتصلي على مدير الإعلانات وعطائه رقمه "

ولحد الحين قاعده اتصل ولا يرد علي


الاتصااال جااب نتيجه وصروعهم
هذا اللي نبيه



بالنسبه للي قاالوا في نااس على قد حاالهم وظروفهم صعبه اي نعم في نااس وعواايل متعففه وظروفهم صعبه وماننكر هالشي
لكن الاعلااان رد عليه الكااتب في جريدة اليوم

بالنسبه للأمهاات القطرياات ( العااملاات في المداارس ) اغلبهم قطرياات بحكم الزوااج وانا بهالكلاام ما أقلل من شانهم لكن هي كاانت مرحله وعدت والاقباال مارااح يكون الا من اللي ماعندها شهااده وكبيره في الفتره الأخيره تم الاستغنااء عنهم واحيلوا للتقااعد وتم توفير عااملاات من شركاات التنظيف

عياال اليوم غير عياال أمس مروا علي بناات كاانوا يسجلون بمداارس غير المداارس اللي فيها جدااتهم ولا امهااتهم عااملاات ولا يعلمون أحد بوظيفتهم



الله يحفظ أميرنا لشعبه ومايحوج أحد لمثل هالوظاايف مهما كاانت الامتيازاات واعتذاار الجريده ماينفع

[السديم]

صبحكم الله بالخير ..

عذرا لاني مارديت على كل عضو او عضوة

ولكن الشكر للجميع للمشاركة وابداء الرأي

وحبيت فقط انوه ان الاعلان لو كان عادي مانزل اعتذار رسمي اليوم !!

والاعتذار اكبر دليل على حماقة من وضعه وحماقة من رأى ان الموضوع عادي !!

ومن هالمنتدى نشكر الراية على تداركها واعتذارها .. فالمطلوب سيدة لديها اقامة قطرية تفرق فرق شاسع بين المطلوب قطرية ..

--------------------------------------

لا اريد ان اخذ بالموضوع الى ابعاد اخرى ولكن كل اللي قالو حريم قطر قبل يخدمون في البيوت اقول لهم غلطانين ومعروفين من هم اللي كانو قبل يخدمون !!

وبعدين عيب نقارن بين جيل اليوم و وضع بلادنا اليوم وجيل جداتنا و الوضع الاقتصادي في البلاد سابقا ..

-------------------------------------

ارجع واقول اعتذار الراية اكبر دليل على صحة اعتراضنا .. واكتفي

[حمد بن خالد]

مبروووك

هههههه

[دلة الرسلان]

الحمدالله طلع خطأ مطبعي اعوذ بالله منك ياأبليس !!

[بوخالد2]

الاتصااال جااب نتيجه وصروعهم
هذا اللي نبيه



بالنسبه للي قاالوا في نااس على قد حاالهم وظروفهم صعبه اي نعم في نااس وعواايل متعففه وظروفهم صعبه وماننكر هالشي
لكن الاعلااان رد عليه الكااتب في جريدة اليوم

بالنسبه للأمهاات القطرياات ( العااملاات في المداارس ) اغلبهم قطرياات بحكم الزوااج وانا بهالكلاام ما أقلل من شانهم لكن هي كاانت مرحله وعدت والاقباال مارااح يكون الا من اللي ماعندها شهااده وكبيره في الفتره الأخيره تم الاستغنااء عنهم واحيلوا للتقااعد وتم توفير عااملاات من شركاات التنظيف

عياال اليوم غير عياال أمس مروا علي بناات كاانوا يسجلون بمداارس غير المداارس اللي فيها جدااتهم ولا امهااتهم عااملاات ولا يعلمون أحد بوظيفتهم



الله يحفظ أميرنا لشعبه ومايحوج أحد لمثل هالوظاايف مهما كاانت الامتيازاات واعتذاار الجريده ماينفع

جزاها الله خير
زين جاب نتيجه

[عزووز قطر]

والله شر البلية مايضحك

http://raya.com/mritems/images/2012/4/11/2_635811_1_209.jpg

[السديم]

والله شر البلية مايضحك

http://raya.com/mritems/images/2012/4/11/2_635811_1_209.jpg



شكرا عزوز

كنت ابي حد ينزل هالكاريكاتير

والشكر موصول للمبدع محمد اللي كل رسوماته تلامس قضايا الواقع

[CH Engineer]

مسؤول دفع رباعي هههه

[SLICK]

سوري بس ياليت حد يوضح لي

اذا كان المطلوب مديره منزل

ممكن اعرف وين المشكله ؟

و اتمنى محد ينكر ان هذي الوظيفه موجوده اصلا في اغلب القصور

[chillis]

امس بتويتر الاخ محمد صادق اعتذر واعتذرت الشركه المسؤوله لجلب الخدم عن الخطأ هم قصدهم يبونها اقامتها سارية المفعول بقطر سقط سهوا :×

واليوم بالرايه المفروض حاطين الاعتذار والتنويه

[مثمن معتمد]

اخوي جارتنا قطرية وعندها خمسه اطفال ومطلقه واللي يجيها من الشؤون مبلغ بسيط وكلما تروح الديوان ويعرفون انها اقطرية وبعد متابعات ومراجعات يعطونها الف ريال وتقول لهم ما تكفي يزيدونها 500 ريال يا ترى لو كانت لبنانية كم بيعطونها

الامير بو مشعل ربنا يحفظه ما يقبل بهالامور ولكن اللي في هالمناصب بخيلين وما يوزنون الامور ومصروف اصغر عيال اضعاف هالمبلغ والله المستعان

[تحداني]

ساعات الاعتذار يكون عند البعض افضل حل
عشان بس الناس تسكت وتبتسم ترضى .. من متى الجرائد اتعرف تتعامل بمهنيه الاعلام
مات الاعلام من زمان الله يرحمه


جملك الله برضاه

[chillis]

ساعات الاعتذار يكون عند البعض افضل حل
عشان بس الناس تسكت وتبتسم ترضى .. من متى الجرائد اتعرف تتعامل بمهنيه الاعلام
مات الاعلام من زمان الله يرحمه


جملك الله برضاه

احسن من الي يخطأ ويطنش ولا جنه سوا غلط هذا هم حطوا ثلث صفحه اعتذار بعد ماخربوا الدنيا امس :secret:

[قطريه ماركه]

حسبي الله على هالجريدة الفاشلة .......

الإعلان هدفه واضح ..

القطرية في خير و نعمة و انولدت وفي فمها ملعقة من ذهب :)

بفضل الله ثم سيدي أمير دولة قطر ...........

[تحداني]

احسن من الي يخطأ ويطنش ولا جنه سوا غلط هذا هم حطوا ثلث صفحه اعتذار بعد ماخربوا الدنيا امس :secret:




والله الدنيا كانت طيبه وما استبعدت سالفه الاعلان لان عندي موقف
بس اختربت عند الناس الي ما مرت عليهم هالمواقف

بشكل عام الاعتذار شي طيب
واحب اسلوب التبرير الي يسبق الاعتذار


الله يرضى عليج ويجملك برضاه

[SLICK]

الظاهر الجماعه مع الخيل يا شقره

[آنــه]

اخوي جارتنا قطرية وعندها خمسه اطفال ومطلقه واللي يجيها من الشؤون مبلغ بسيط وكلما تروح الديوان ويعرفون انها اقطرية وبعد متابعات ومراجعات يعطونها الف ريال وتقول لهم ما تكفي يزيدونها 500 ريال يا ترى لو كانت لبنانية كم بيعطونها

الامير بو مشعل ربنا يحفظه ما يقبل بهالامور ولكن اللي في هالمناصب بخيلين وما يوزنون الامور ومصروف اصغر عيال اضعاف هالمبلغ والله المستعان

والله على ما يوصلك الشي من الديوان لازم يكون الشي مار على مشارط
ولين يوصل قد رائح المبلغ كله
الله كريم بس هذا عن ردك

لكن بعض الردود اللي تتكلم عن ان اهل قطر محتاجين
يبه هل قطر اللي تعرفهم كم عددهم ؟؟؟
قطر كم فائضها سنويا ؟؟
بدل لا تروح الفلوس حق حنين وطنين يعطونها القطري المحتاج
مب القطري اللي يصف سلفات على ظهره حق المزابا
وتعالي يا حكومه ويا اهل الخير ادفعوا لي في فرق
ويوم البلاد الحمدلله فيها خير ما في داعي الواحد يلجا لا للجمعيات الخيريه اللي صايره بس تدفع للأجانب العرب اقصد الجنسيات العربية
ولا للناس المسؤولين عن توزيع هذه الاموال

بعدين مع احترامي اهل قطر من يوم يومهم انا أتكلم عن الاصليين
ما أتكلم عن حد ثاني عمرهم ما كانوا خدم ولا اشتغلوا في خدمة البيوت
وللعلم اهل قطر حتى ع ايام القحط اللي ضرب دول الخليج
كانوا يعيشون على الصيد وعلى رعاية الدبش حتى يأكلون من لحمهم

يعني اللي اشتغلوا في البيوت معروفين من اللي لفوا على البلاد
وما كانوا لاجئين عيشه اشتغلوا في التربية ومراعاة البيت و الطبخ

انا ما كنت احب ارد بهالرد لكن يستفزني ردود اهل عالم المثل بان كل الامور عاديه لكن لما يقيس الواحد هنا لأمر على أهله راح يكون الامر غير عادي

[قطرية كشخه]

عاااااد الا القطرية واهل قطر

الاعتذار اللي يعتبر ترقيع لا اكثر بنمشيه هالمره على مزاجنا ..
واللي غلط وكتب يفضل الجنسيه القطرية معناها ان القطرية باطه جبده ومعششه في مخه ويبي يعبر عن شعوره بالكره بأي طريقه ..

لان على قولته يقصد اقامه قطرية سارية المفعول !! اشياااب الاقامة حق الجنسيه ؟؟؟؟ واشمعنى الجنسيه القطرية اللي جات في باله مش اي جنسيه ثاانيه !!! عساااه يفقد الذاكرة بس دام ان مخه يشطح وايد :anger1:

ترا قطريين وعزتنا بأنتمائنا لقطر والله يخلي من عزنا ورزنا بو مشعل الله يطول بعمره
وماااا عااااااش من " يحااااول " يمسنا لو بشعره .

[همر]

سوري بس ياليت حد يوضح لي

اذا كان المطلوب مديره منزل

ممكن اعرف وين المشكله ؟

و اتمنى محد ينكر ان هذي الوظيفه موجوده اصلا في اغلب القصور



يا رجال خلاص اسكت وخلك مع الخيل يا شقرا لا تدخل معانا في قائمة "الحمقى" مثل ما وصفتنا صاحبة الموضوع مشكورةً ..

ومادري هل هي فعلاً حماقه اني قرأت الاعلان "صح" وان المطلوب "مديره" مش "مدبره"

ولا الحماقه اني ما افرق بين الثنتين ؟!

زين .. لكل اللي خذوا السالفه بطوله.. ووقف معاهم الكاريكاتير.. والكاتب اللي قراها "مدبّره" وهي مديره.. واللي يقول هل ترضى على هلك وكأننا سبينا هله..

لو كان هذا "المنزل" .. قصر الوجبه مثلاً .. :shy: ..

انت وش بيكون ردك ؟!! انا صراحه لي الشرف اشتغل هناك "مدير منزل".. اذا ياخذوني.. :telephone:



ملاحظه..اعتذار الجريده مب شرط يكون دليل اثبات .. انما مجبورين يعتذرون بسبب ردة فعل الناس "الغير حمقى" من الاعلان واللي ممكن يأثر على مبيعات الجريده..

ملاحظه رقم 2.. لايمكن ارضى على هلي ولا هلك .. عشان ماتدخل فيني عرض.. ولا على اي قطريه "الاهانه" .. انما الشغل مش عيب.. ورسولكم الكريم كان يشتغل راعي غنم يا اغنى اغنياء العالم..

ملاحظه رقم 3.. اخر جريده ممكن اقراها او ادافع عنها هي جريدة الرايه بسبب الاعلانات والصور الفاحشه اللي يحطونها.. انما المسأله مسألة مبدأ..

[موضي قطر]

اخوي جارتنا قطرية وعندها خمسه اطفال ومطلقه واللي يجيها من الشؤون مبلغ بسيط وكلما تروح الديوان ويعرفون انها اقطرية وبعد متابعات ومراجعات يعطونها الف ريال وتقول لهم ما تكفي يزيدونها 500 ريال يا ترى لو كانت لبنانية كم بيعطونها

الامير بو مشعل ربنا يحفظه ما يقبل بهالامور ولكن اللي في هالمناصب بخيلين وما يوزنون الامور ومصروف اصغر عيال اضعاف هالمبلغ والله المستعان



:looking:




هؤلاء تغرف لهم ( ؟؟؟؟؟؟؟ ) بلا حد :secret:

[قطرية فله]

حلاااتين

قطرية و تخدم في البيوت !!!!!:eek5:



ما تبون بعد يا مكتب ريجنسي قطرية سواقه تودي عيالكم للمدارس

بس كم راتبها و وين بتسكن في بيت الكفيل اكييييد صح:shy::shy:

و الله انك ريااااااااااااااااااااااااال

وكفو وبيض الله ويهك :shy::shy:



اقووووول


من متى بنات العرب والحمايل يشتغلون خدامات

عيل اشرايكممم تسكرون مكاتب الخدم اللي في سرلانكا و اندونيسيا !!!!!!!!


و لا اقول لكم شي


اشرايك يا كفيل شركة ريجنسي

تشـــــــــغل هلك و جماعتك قطريات و بنفس المواصفات اللي انت طلبتهم اكيد بتلاقي :victory::nice:......

الحين انت نسيت منهم بنات قطر

نسيت انهم بنات عرب معروف خالهم قبل عمهم

شتقصد من دعايتك ان بنات قطر فقارى حالهم حال الايدي العامله اللي يجلبهم محلك !!!



القطرية بنت عز و فخر ..

و الله يعز من عزنا في وطناا و الحمممدلله ما خلا علينا قاصر


وانت يا صاحب ريجنسي

احترم نفسك:)

ولا تحاول انك ما تغلط مره ثانيه

اوكي يالشييييخ:victory:

[SLICK]

ههههههه

عورت راسي بالمطرقه ولا اقدر ازيد على كلامك

[sweet qatar]

انا ما كنت احب ارد بهالرد لكن يستفزني ردود اهل عالم المثل بان كل الامور عاديه لكن لما يقيس الواحد هنا لأمر على أهله راح يكون الامر غير عادي

حاسة فيج..
مابي ارد واتكلم في الناس الي اشتغلت في الخدمة والبيوت والمدارس..
عيب ومب من الاخلاق الي تربيت عليها..

بس للعلم اصحاب القصور ما يحتاجون يحطون اعلانات توظيف..