فلاي دبي وقصتي معهم

[al-waheed10]

في الاسبوع الماضي ذهبت الى دبي لدي بعض الاعمال هناك ولكن في رحلة الاياب وبعد البهدلة والزحمة واللي مفتوح كاونتر واحد والمضيفات معاملتهن زفته الله يكرم القارئ المهم ركبنا الطايرة كان مقعدي جنب بنت وأمها ولا أختها ما دري بس كانوا متحجبات ما شاء الله عليهن فقلت للمضيفة تقدرين تشوفين لي مقعد ثاني لان هذا المقعد جنبه نسوان وانا ما اقدر اجلس جنبهم لان هالشي محرم ف الاسلام عندنا ما دري ويش الدين اللي تنتمي له المضيفة فقالت لي اسفه روح اجلس مكانك الطيارة فل قلت لها ما اقدر اجلس هاذولا نسوان وانا مب محرم عليهم تقولي انتو الخليجين دايمن كذيه قلت لها ويش قصدك المهم سكتت عني وانا واقف ما دري وين أجلس بعدها كل المسافرين خذوا اماكنهم وتفاجئت ان اكثر من 7 مقاعد ما فيهم احد وقلت لها هاذولي مقاعد ما فيهم احد ممكن اجلس الحين قالت خلاص اجلس انا اللي بغيت اوصللكم ليش هالمعاملة الزفته وليش عالعنصرية ضد الخليجيين ما دري ليش وليش تقولي ان الطيارة فل والطيارة مب فل اصلا مع انه نفس الموقف صار لي عند القطرية وكلمت المضيفة وقالت لي أجلس ف أي لحد ما نشوف مقعد فاضي وأول مرة وأخر مرة أروح للطيران دبي خلاص

[meez]

بما ان الطيران Low Quality !
لازم المعامله جي بتكون .. ماقصد الاهانه بس ماشفت احد يمدحهم .

والقطريه ، لها مركزها ومكانها وماتبي تخسر زباينها .

[الزلزال]

بعض الموضيفات ماتقدر اتوفرلك مقعد كان كلمت مسؤول الموظيفين هو المسؤول عن الطيارة
اما عنصريتهم حدث ولا حرج
لو كان واحد اجنبي كان شالوه على راسهم بس مشكلتك خليجي

[مضاربه]

دايما تحصل هذي الامور وعلى طول مضيفات القطريه متعاونات انا مافكر اروح على طيران غير طيران بلادي

[Rider]

وشلك ياخوي في البهدلة عندك القطرية والى الاماراتيه بلا فلاي دبي بلا خرابيط

[ولد ازغوى]

السؤال اخوي لو ما في كراسي شنو كنت بتسوي ؟ هل بتنزل من الطياره وبتخليها لهم ؟ مع الاخذ بالاعتبار حتى القطريه ممكن انك ما تحصل كراسي فاضيه !! ..

[Rashid554]

طيران اقتصادي لازم تكون الخدمة مو ذاك المستوى
الطيران الاقتصادي مثل الباص الي يطير

الافضل القطرية ، الاماراتية ، الاتحاد

[حسن الاحمد]

اللي اعرفه ان كل واحد يقعد بكرسيه لين تطير الطيارة وبعدين عادي تقدر تبدل

[al-waheed10]

بما ان الطيران low quality !
لازم المعامله جي بتكون .. ماقصد الاهانه بس ماشفت احد يمدحهم .

والقطريه ، لها مركزها ومكانها وماتبي تخسر زباينها .
كلامك صحيح 100%

[al-waheed10]

السؤال اخوي لو ما في كراسي شنو كنت بتسوي ؟ هل بتنزل من الطياره وبتخليها لهم ؟ مع الاخذ بالاعتبار حتى القطريه ممكن انك ما تحصل كراسي فاضيه !! ..
يا حبيبي يعني معقول طايرة ما فيها حريم تقدر تبدل وياها لا تقولي ما فيه بس المضيفات عيزانات يسون كذيه وراجع أقولك القطرية ما في مثلها ولو أني محصل حجز ع القطرية كان رحت 100%

[al-waheed10]

اللي اعرفه ان كل واحد يقعد بكرسيه لين تطير الطيارة وبعدين عادي تقدر تبدل
السؤال لك أنت تسويها وتجلس جنب النسوان وهو غريبات عنك وهل تقدر تقولهم وخروا لأن هذا الكرسي حقي يا أخي مب هذا اللي حثنا عليه ديننا الحنيف

[حسن الاحمد]

السؤال لك أنت تسويها وتجلس جنب النسوان وهو غريبات عنك وهل تقدر تقولهم وخروا لأن هذا الكرسي حقي يا أخي مب هذا اللي حثنا عليه ديننا الحنيف

انا دايماً اشيك على مقعدي قبل السفر
وبصراحة ولا مرة جاتني حالة مثل حالتك


بس اذا صادفتني هالحالة احاول اتصرف قدر المستطاع وابدل الكرسي

[قرنقووش]

بدون شي ياولد الحلال .. سو نفسك تروح الحمام تكرمون جميعا .. وارجع اختار لك كرسي على راحتك
المضيفه وضيفتها تييب الاكل وتوديه مالها اي صلاحية ثانية .. تشيل فلان وعلان من اماكنهم او تبدل .. انت ممكن تتفق مع الركاب باللي يريحك

[Qatar90]

للضرورة أحكام وانا أخوك ولا ماكان خلينا الدكتور يكشف على حريمنا

اخوي ولنفرض الطياره صدق فول شكنت بتسوي ؟

امممم انا لو مكانك بقعد مكاني لين أطير الطياره وعقبه بشوف كرسي فاضي

[┋أَجِوَدًيّ┋]

بما ان الطيران Low Quality !
لازم المعامله جي بتكون .. ماقصد الاهانه بس ماشفت احد يمدحهم .

والقطريه ، لها مركزها ومكانها وماتبي تخسر زباينها .



عندك القطرية وإلي يدعون الــ High Quality Services

معاملة تعبانة وخاصةً مع القطريين والخليجيين

بس مع الأجانب فوق النخل فووووووق

[المسك1969]

ما أعتقد أن لمعاملة المضيفة دور بشركة الطيران ولكن كان سوء خلق منها نظرا لتعرضها لمشاكل مع المسافرين أو لأمر في نفسها لا يعلمه إلا الله

[شمـوخ]

في الاسبوع الماضي ذهبت الى دبي لدي بعض الاعمال هناك ولكن في رحلة الاياب وبعد البهدلة والزحمة واللي مفتوح كاونتر واحد والمضيفات معاملتهن زفته الله يكرم القارئ المهم ركبنا الطايرة كان مقعدي جنب بنت وأمها ولا أختها ما دري بس كانوا متحجبات ما شاء الله عليهن فقلت للمضيفة تقدرين تشوفين لي مقعد ثاني لان هذا المقعد جنبه نسوان وانا ما اقدر اجلس جنبهم لان هالشي محرم ف الاسلام عندنا ما دري ويش الدين اللي تنتمي له المضيفة فقالت لي اسفه روح اجلس مكانك الطيارة فل قلت لها ما اقدر اجلس هاذولا نسوان وانا مب محرم عليهم تقولي انتو الخليجين دايمن كذيه قلت لها ويش قصدك المهم سكتت عني وانا واقف ما دري وين أجلس بعدها كل المسافرين خذوا اماكنهم وتفاجئت ان اكثر من 7 مقاعد ما فيهم احد وقلت لها هاذولي مقاعد ما فيهم احد ممكن اجلس الحين قالت خلاص اجلس انا اللي بغيت اوصللكم ليش هالمعاملة الزفته وليش عالعنصرية ضد الخليجيين ما دري ليش وليش تقولي ان الطيارة فل والطيارة مب فل اصلا مع انه نفس الموقف صار لي عند القطرية وكلمت المضيفة وقالت لي أجلس ف أي لحد ما نشوف مقعد فاضي وأول مرة وأخر مرة أروح للطيران دبي خلاص


اخوي انت تتكلم بحرقه فـ اكيد المضيفه كان اسلوبها وملامحها غير مهذبه
لكن لو بغيت الحق هذا عملها يعني ماتقدر تقول اوكي روح اقعد في مكان اخر
يجب ان تتاكد ان بالفعل فيه مقاعد خاليه وبعدين تسمح لك بالانتقال
لكن كان بامكانها تفهمك وتتكلم معاك باسلوب لطيف وبابتسامه
يعني تقول اوكي اخوي اتفهم كلامك بس مبدئيا تفضا ارتاح لغاية مايركب
بقية الركاب ونشوف لك مكان ثاني تنتقل له بمجرد تاكدنا من وجود كراسي فاضيه
او نبادل مكانك بحد ثاني والخ من هالكلمات والاسلوب الراقي

بس نصيحه ياخوي هين قرشك ولا تهين نفسك
قد ماتقدر روح على خطوط عريقه ..
وعلى قولة جدتي الرخيص مخيس :nice:


..

[قطريه ماركه]

طيران فاشل !!!!!!!!

و مواعيدهم مش مضبوطة ....

[دااانة قطر]

بما ان الطيران low quality !
لازم المعامله جي بتكون .. ماقصد الاهانه بس ماشفت احد يمدحهم .

والقطريه ، لها مركزها ومكانها وماتبي تخسر زباينها .


مو بس فلااي دبي
اي طيااره تصير فيها لخبطه تحجز لك ولأهلك ولين ركبيت الطيااره تحصل كل وااحد موزع في مكاان ليش الله العاالم
انا مريت بنفس المشكله مع فلااي دبي والقطريه وقبل مع طيراان اخليج والامااراتيه والطيراان الهندي
ماتقدر تغير الا اذا حد بغير معااك او حصلت لك مكاان فااضي بعد ماتقلع الطيااره

الله المستعاان

[ولد ازغوى]

يا حبيبي يعني معقول طايرة ما فيها حريم تقدر تبدل وياها لا تقولي ما فيه بس المضيفات عيزانات يسون كذيه وراجع أقولك القطرية ما في مثلها ولو أني محصل حجز ع القطرية كان رحت 100%

كان ممكن بعد تروح على طيران الامارات :telephone:
اخوي هالشي ممكن يصير لك في اي مكان حتى في قطارات اوروبا او باصاتها بتخلي حد من اهلك قاعد ما توعى الا ذاك الشمحوط قاعد احذاها
ومدام هالمشكله ممكن تتكرر في اي وسيلة نقل جماعي
مافي حل غير انك تشتري طياره خاصه :discuss:
ماله خص صح :nice:
بس بالطف الجو وهونها وتهون وصدقني تصير في اي مكان :tease:

[بدون]

حقيقة أقول أن تربية الشخص هي الفيصل في هذا الأمر
أنا صادفني هذا المأزق في أكثر من طيران ، القطرية و العربية و كذلك فلاي دبي.

و في جميع الحالات طلبت من المضيفات تغيير الأماكن احتراما للموجودين و طلبت الوقوف بعيدا حتى تكتمل أعداد المسافرين، و و الله ثم و الله تعاونوا معي في كل المرات.

لست مع القطرية و لا مع أي من الخطوط و ليس لي أي مصلحة في المدح، و لكن هناك شخصيات طبيعتها كذا ، لله في لله لا تحب الخليجيين و تكلمنا من طرف خشمها اللي ودك تجلعه من مكانه علشان تعرف ان الله حق.

للاسف بعض من يعمل فوق السحاب أصبح يظن أن مكانته هناك و الباقين تحت !!!!

[الفا برافو]

سافرت مرتين لدبي على فلاي دبي... والشهاده لله مالقيت اي مشاكل
بالعكس حسيت اريح بالنسبه لي وللاطفال خاصه وانه مسافة الطيران قصيره وقاعة الوصول رقم 2 بمطار دبي مافيها مشي وايد وبسرعه تخلص وتطلع
لكن مثل ماقالوا الاخوان احتمال المشاكل وارد .

[بوسلمان 2010]

القطرية بس ولا اروع

[NINA RICCI]

تقدر تتصرف هالمضيفه وتحل الموضوع ..

لان صارت معاي في القطريه ..

وحده توهقت مسكينه كانوا بيحطونها جنب واحد .. وووجا المضيف عند زوجي وكلمه اذا يقدر يبدل ويقعد جنب الريال .. وفعلا انحلت المشكله ..( باسلوب راقي )

[دلة الرسلان]

طيران اقتصادي يعني فلوس اقل يقابلها تسهيلات اقل ، بالنسبة لموضوعك كان قعدت بسكات

في اي مقعد فاضي لحد ما تقرب ساعة الأقلاع وتتضح الصورة .

[مخطط قطري]

السلام عليكم..... اخوي طيران دبي معروف عنه تجاري و وصحيح انه مايقارن مع القطرية بس الصراحة الاثنين زفت وكلهم تعاملهم اردى من الثاني عموما اذا بقيت تحجز طيران اول حاجه عليك تسال لي يصدر التذكرة وايش انواع الطيارات والاوقات وحاول انك تبتعد عن طيرات الظهر واخر اليل لي قرابة من 12 لحد 3 او من 12 لحد 4 الفجر لانه اها الوقتين الااكثرية تجيك الطيران زفت مو كل مرة بس بالاغلبية اوقات ثانية يكون الطيران مريح وحلو وبخصوص اذا كان جنبك حريم انا من وجةة نظري مثل ماقلت لك لي يصدر لك التذكرة بلغه ان يخليك على الدريشة وحاول تخبره انك يحاول انه مايحطك مع الجنس اللطيف واذا صار وقعتدت مع جنس اللطيف اول ماتطير الطيارة دور كرسي فاضي ولا شوفللك حرمة تقعد مكان وانت اقعد مكانها يعني الامر سهلات

[alfaisaly]

شتسوي وانا اخوك الله يكون في العون والقطريه لو تساعد المواطنين بالنسبه للأسعار كان سلم على الباقي لكن ربك كريم

[Engineer]

السؤال اخوي لو ما في كراسي شنو كنت بتسوي ؟ هل بتنزل من الطياره وبتخليها لهم ؟ مع الاخذ بالاعتبار حتى القطريه ممكن انك ما تحصل كراسي فاضيه !! ..

نفس السؤال
اعتقد انك مجبر اخي الكريم و كلها 40 دقيقه الرحله ماعتقد فيها شي