التاون سنتر

[الوليد]

السلام عليكم

موضوع دايما ما يأرقني بحكم زيارتي شبه اليومية الى التاون سنتر - ابن عمران الي مقابل المستشفى الاهلي

أرضية الشارع هناك أشبه بساحة حرب ومعركة و كأنها كانت ملغومة بالقنابل او تعرضت لعمليات هدم في الشوارع ... صراحة تعكس نظرة سيئة عن وضع الشوارع في المنطقة

اتمنى انه يتم النظر الى موضوعها و تحسينها حيث ان الوضع على ما عليه من اكثر من سنتين تقريبا

[راشد محمد]

الله يعين اللي يركب صالون هناك

[Scout Sniper]

بن عمران كللللله رايح فيها
من ايام ما كنا ساكنينه ولا شارع فيه مرتب !!

الظاهر بيجيه القص !

[qrt_trading]

وغير التاون سنتر اللي يروح تويز آر أس يعرف الشارع هناك كلة حفر أتقول كانت الارض ملغمه وانفجر اللغم هناك في عدة مناطق وهذا حالة من سنين وسنين وكل سنة حال الحفر أتكون أسوأ

[الـخـالـدي]

تقدر تتواصل مع اشغال و ان شاء الله مب مقصرين

[طلعة الروح]

اذا كنت من أهالي المنطقة ...ليش ماترفع الأمر دايركت على ممثل المنطقة ( عضو المجلس البلدي)؟

[آنــه]

الله يهديكم لا تكتسبون لهم في الشكوى أسامي كل الشوارع بس شي واحد ولين خلصوه عطاؤهم اسم الشارع الثاني لا يحفرون الاماكن كلها ونمت إحنا متلتهين

بخصوص القص ما أظن
لان تم بيع الاراضي في بن عمران اللي صوب بيوت المسند والمنطقة اللي جنب مدرسة الرميله سابقا المنطقة اللي ع الشارع وكان في شي بخصوص اراضي الشيخ عبدالله بن محمد ال ثاني بس ما ادري حذوها والا لم يتم شرائها بس والله حرام بن عمران من اكثر الاماكن الحيوية ومكانها استراتيجي صراحة للمشاريع قريبه من كل مكان و مساحتها حلوه ياليت يكون في تخطيط جديد لها

[سيف الحرية]

بن عمران في عالم النسيان حتى الآن ...

[بوعلي2]

الله المستعان

وربك يعين اصحاب الصوالين

لو يكنسلون الصالون من قطر اعتقد افضل كل بسببهم