انترنت الجوال من فودفوان - دعوة للنقاش

[السليطي]

كنت استخدام نظام الانترنت من فودفوان قريب سنة من فترة تم تغير النظام بطريقة غريبة سار النظام كالتالي :التصفح واليتيوب يخصم من الميجا الي عندي
تنزيل برامج وت ساب وغيره يخصم من المبلغ الفلوس

تناقشت معاهم وانا هذا النظام مب عادل عندي 1 جيجا يفترض اقدر استخدم اي شي يخص النت مب يتم خصم فلوس على شي وخصم الميجا الي عندي على شي ولا في فايده ...
اشرايكم تخيلو يوميا ينخصم مني 20 ريال فقط لاستخدام الانترنت ( وت ساب تنزيل برامج وملفات )

[تحداني]

اعتقد لانك تشتري من " الابل ستور "
فتنزيل البرامج نوع من انواع الشراء

يمكن


جملك الله برضاه

[السليطي]

اعتقد لانك تشتري من " الابل ستور "
فتنزيل البرامج نوع من انواع الشراء

يمكن


جملك الله برضاه

خلنا نتصور لو منزل عن طريق الواير ليس يفترض انترنت الجوال مثل فكرة الواير ليس استخدم النت ولكن الفرق هو ان عندي عدد محدد من الميجا ...
اما انا يكون كان النت مجزء جزئين / شي لاستخدام التصفح وشي ثاني لاستخدام باقي البرامج حتي الوت ساب والتويتر والفيس بوك يحسب فلوس اذا كنت تستخدامه خارج نطاق المتصفح .

[abdo222]

ايه نظام فودافون انهم يوزعون باقه الانترنت الى قسمين
1- ستريمينج وفيديوز
2- براوزينج وداتا شات

بس تقدر تشتري 250 ميجا زياده اتوقع

كيوتل يعطونك 1 جيجا وتستخدمها في كل شيء,, ولين تخلص تاخذ 1 جيجا ثانيه

[تحداني]

خلنا نتصور لو منزل عن طريق الواير ليس يفترض انترنت الجوال مثل فكرة الواير ليس استخدم النت ولكن الفرق هو ان عندي عدد محدد من الميجا ...
اما انا يكون كان النت مجزء جزئين / شي لاستخدام التصفح وشي ثاني لاستخدام باقي البرامج حتي الوت ساب والتويتر والفيس بوك يحسب فلوس اذا كنت تستخدامه خارج نطاق المتصفح .




اي صح .." والله ما ادري "
انا قلت اساعدك واساعد نفسي وختمتها بيمكن :(






جملك الله برضاه

[راسي براسك]

أنا خذيت فودافون 1 جيجا بـ 100 ريال شهري وخطي مب فاتوره ,

المهم اللي فهمته اذا أنت تستخدم الآيفون ومشغل الواير لس مايحسبون عليك ولا شي !!

ينخصم من حسابك بس اذا بتنزل البرامج الغير مجانيه اللي بفلوس ..

مثل الواتس اب تشتريه بفلوس مش مجاني ..

اتمنى اكون افدتك

[الزلزال]

ماعندي فودافون

[محمد]

اول مره اسمع هالمعلومة !! ..

كل شي ينخصم من حساب النت عندي ..

رصيد الريالات ما يتغير

[chillis]

اول مره اسمع هالمعلومة !! ..

كل شي ينخصم من حساب النت عندي ..

رصيد الريالات ما يتغير

وهذي الي انا اعرفه من زمان :secret: ليكون تغيرت المعلومات وماندري :(

[ابوالكلام]

اتصل فيهم وبيرجعون الرصيد الي انخصم وسو رسيت حق اعدادات الاتصال وبترجع الامور طبيعية

اتمنى لك التوفيق

[alfaisaly]

انا عندي تلفون صار له ثلاث شهور مافيه رصيد واستخدم الانترنت اي شي ابيه وامؤري ماشيهوكل شي طيب ولله الحمد

[هام السحاب]

كيوتل افضل من فودافون
مشترك في خدمة كيوتل الـ 250 ميجابايت في كيوتل ب 50 ريال شهريا
اما فودافون 200 ميجابايت ب 50 ريال

[السليطي]

اتصل فيهم وبيرجعون الرصيد الي انخصم وسو رسيت حق اعدادات الاتصال وبترجع الامور طبيعية

اتمنى لك التوفيق

اتصلت عليهم وردهم كالتالي :
تصفح النت + اليتيوب - يخصم من باقة الانترنت
تنزيل برامج او استخدام الفيس بوك والتويتر من خارج المتصفح او الوتساب يخصم من الرصيد .

فعليا باقة الانترنت عندهم لعبه تدفع 100 شهريا لباقة 1 جيجا وفوقها بعد يخصم من رصيدك مبلغ وقدره لان مش داخل في الحسبة

[airbus]

الحين انا استخدم انترنت الجوال من فودافون واستخدم التويتر و الفيسبوك من البرنامج نفسه ومايخصم شي الجهاز ايباد

[بوعلي2]

الى هذه الساعه وانا من مستخدمين النت بفودافون بشراسه لايخصم علي ولا ريال واحد كل شي يخصم من كرت تعبئة النت ورقمي ايضا تعبئه مش شهري

فأعتقد عندك مشكله معاهم يمكن

[بوعلي2]

كيوتل افضل من فودافون
مشترك في خدمة كيوتل الـ 250 ميجابايت في كيوتل ب 50 ريال شهريا
اما فودافون 200 ميجابايت ب 50 ريال

فودافون 200 ريال 4 جيجا :)

[القلم الصريح]

يا جماعه الحذر الحذر من فودافون

انا صار لي نفس القصه بالضبط ، انا مشترك في خدمه البلاك بيري فودافون من سنه وشوي على اساس قيمة الاشتراك 125 بالاضافه الى رصيد مكالمات 55 فيخصمون شهريا عندي 180 ريال ( un lemt)
مفتوح كلشي
فجأه في شهر 3 اللي فات قاموا يخصمون مني بشكل يومي 100 ريال لمده 10 ايام وصل المبلغ ل1000 ريال في بس 10 ايام استفسرت شالقصه ، قالوا لي انهم غيروا نظامهم مافي شي اسمه اشتراك ب 125 ومفتوح ، فحولوني على باقة 49 ريال وفي لمت كل مايخلص اللمت ينخصم مني ، وانا ماطلبت التحويل الى نظام الباقه ال49 ريال
فرفعت عليهم شكوا في هيئه قطر للاتصالات ال ITC من كم يوم وانتظر الرد منهم

[السليطي]

- المقصود هو انترنت الجوال
- احتمال البعض فهم المقصود موبايل برودباند .

انا اتصلت عليهم وتناقشت معاهم نقاش طويل قالو اذا كنت تستخدم انترنت الجوال باقة 1 جيجا او الفئة الاقل الشي الي يشمله فقط التصفح واليوتيوب باقي الاشياء مايتم خصم من الباقة يتم الخصم من مبلغ الرصيد

[بوحمد2]

اعتقد لانك تشتري من " الابل ستور "
فتنزيل البرامج نوع من انواع الشراء

يمكن


جملك الله برضاه

كلام سليم

[قرنقووش]

^
كلام غير سليم
الابل ستور ماله اي علاقه برصيد جوالك
مجرد برامج تنزلها
الخصم اللي يصير اما يكون من بطاقه ايتونز او كردت كارد انت حاطه في حسابك الخاص بالايتونز
رصيد ماله دخل

المشكله هذي اتصور انها على البلاك بيري فقط
انا استخدم انترنت داتا من يوم مافتحوا الشركة والحمد لله اموري سليمه
اهم شي يكون لسانك سليط عليهم عشان ترجع حقك ولا لو تميت تسولف مابيعطونك شي
كل ماتصير معاي مشكله يعوضوني رصيد هههههههه اخر مره عبولي ١٥٠ ريال