حد يفيدنا بالنسبة لتوزيع الكهربه

[MeMe MoOoON]

بدينا حاليا بتوزيع البلاكات الكهربه وتحديد تمديد المكيفات وانتر كم بس اذا في اشياء ثانيه
نضيفها او اشياء جديده بالتمديد غير التلفزيونات وتمديد الكهربه وبالنسبة للسماعات شلون يمدون لها الحين واذا في اشياء جديده انمدها افيدونا
الله يجزكم خير

:shy:

[الزلزال]

منزل امبارك ان شاء الله

[حياة]

البلكات
الثريات
الجداريات
الاضاءه
السماعات
الانتركوم
الانترنت
التلفون
الدش
كلها من الحين احسن
علشان ماتكسرين شي
في الجبس عقب

[ولد المنصور]

التحديد من الحين احسن .. والبلكات لاتحطونها في نص خلوها في الزوايا ضروري ..
وتوزيع الاضاءه مثلا عند الدرج الداخلي وبعد الخارجي للبيت , الممرات ..

[ولد المنصور]

بظيف شغله..... الساكتات في الحوش مهمه عند موقف السيارات وتنفع لاي غرض , حتى سطح البيت بعد مهم اتحط فيه .. وبالتوفيق

[al asalah]

بدينا حاليا بتوزيع البلاكات الكهربه وتحديد تمديد المكيفات وانتر كم بس اذا في اشياء ثانيه
نضيفها او اشياء جديده بالتمديد غير التلفزيونات وتمديد الكهربه وبالنسبة للسماعات شلون يمدون لها الحين واذا في اشياء جديده انمدها افيدونا
الله يجزكم خير

:shy:

السلام وعليكم بالنسبة للتمديدات السماعات لازم من الحين تمدين قبل التشطيبات او اذا تحبون تركبون كاميرات المراقبة فلازم من الحين تفكرون وين بتحطونه علشان ما يتم كسر بعدين فكرو عدل قبل ما تشطبون واذا اي استفسار راسلني على الخاص وان شاء الله في الخدمة

[أخت الكل]

وزعي الاثاث وبعدين وزعي الكهرب على اساسة

[السد]

لا تنسين تركيب الليتات على درج مدخل الفيلا او الدرج على الجانبين وكذلك ليت الطواري وليت اسفل الدرج

[كبير المتداولين]

اي شي فيه واير من الحين مدد وحدد الاماكن وحط احتياط مب خساره

[مهاجر]

اهم تحديد النقاط على حسب الحاجه واماكن السويشات تكون قريبه من البيبان

[معماري قطري]

بالنسبة للسماعات في السقف إذا كان عندج البيت صالاته كل وحده منفصله لو ركبتيها ممكن تكون مجزية، لكن لو صالات مفتوحة فالتلفزيون كفاية ومع سماعات تجسيم صوت وتوزيع ما تحتاجين لسماعات السقف، لكن لو تبين ركبي في غرف الملابس وفي المطبخ لسماع الراديو أو قرآن أو موسيقى هادئه، وهي في كل غرفة لها كنترول ولها مكان إرسال أو بث واحد أو حسب خطتكم للمبنى.

انا ركبت السماعات وتمديداتها بس بقى علي الكنترول وجهاز البث وللحين والله ما كملت لأن لاحظت إن التلفزيون وفي الصالة وباقي الأماكن مفتوحة على الصالة مثلاً المطبخ نظام المفتوح والصالة التحتية والفوقية مفتوحين على بعض حتى تلفزيون تحت وتلفزيون فوق يستوي خليط أصوات.

رايي بالنسبة للإضاءَة حاولوا تخلون كم سويتش كهربائي خاص بالإضاءة لكل غرفة أو صالة أو حمام، مثلاً الصالات خلوا ثريا وسطية بسويتش لوحدها، وإنارة نيون مخفية بسويتش لوحدها وسبوت لايت بسويتش لوحدهم ولا إثنين إذا العدد كبير وبديمر سويتش للسبوت إذا ممكن، وطبعاً لسويتشات في مكان قريب وسهل الوصول له، وللصالات سويتشات ثنائية مثلاً اللي تحت يشغل اللي فوق.

نظام المراقبة الأمنية بالكاميرات والتسجيل مهم وفي إعتقادي مهم يكون جهاز التخزين للتسجيل موجود في مكان محمي وصعب يوصلون له الخدم، والباقي ما قصروا الإخوان والأخوات ما خلوا شيء ما قالوه