حول تنظيم حفل زواج الرجال ..؟

[فارس الكلمة]

قريب لي سيتزوج بعد فترة إن شاء الله ..

السؤال :-

كم وصل سعر العرضة المحلية للفرق الشعبية الآن ..؟

ما هي أسعار باقات الورود الموجودة على إستاندات خلف المعرس ..؟

و أي إضافات أخرى أكون شاكراً لكم ..

[kaspero]

جعل ربي يوفقه يا رب ويوفقكم

ان شاء الله يفيدونك الاخوان وانا استفيد معك

ناوي اعرس قريب وقلت اشوف خبراتكم :d

[بو خليفه 123]

في عرسي الأول كلفتني فرقة العرضه 10

و باقات الورد خلف المعرس و امامه على الجوانب جاتني هدوه "عانيه" لكن تتراوح اسعارها مابين الـ 2000 ريال الى 5000 حسب المحل و ضميره و نوع الورد .


طبعاً عليك العود , المقهويين والعشاء ..


اما الخيمه يوفرون لك الاضائه والكراسي والموكيت والمكيفات في اغلب الحالات


المقهوي على ايامي دفعت له 2000 و تحط واحد من اخوانك الصغار مشرف على توزيع العود اذكر كلفني 15000 لكن تم معي 3 سنوات قدام عقب العرس


والعشاء ان ماخاب ظني كلفني 20 ألف كان عباره عن عدد 2 حوار والباقي خرفان و ارسلنا لـ عرس الحريم ايضاً


الله يتمم لكم على خير ان شاء الله و اي استفسار أنا حاضر

[ضوى]

في عرسي الأول كلفتني فرقة العرضه 10

و باقات الورد خلف المعرس و امامه على الجوانب جاتني هدوه "عانيه" لكن تتراوح اسعارها مابين الـ 2000 ريال الى 5000 حسب المحل و ضميره و نوع الورد .


طبعاً عليك العود , المقهويين والعشاء ..


اما الخيمه يوفرون لك الاضائه والكراسي والموكيت والمكيفات في اغلب الحالات


المقهوي على ايامي دفعت له 2000 و تحط واحد من اخوانك الصغار مشرف على توزيع العود اذكر كلفني 15000 لكن تم معي 3 سنوات قدام عقب العرس


والعشاء ان ماخاب ظني كلفني 20 ألف كان عباره عن عدد 2 حوار والباقي خرفان و ارسلنا لـ عرس الحريم ايضاً


الله يتمم لكم على خير ان شاء الله و اي استفسار أنا حاضر


هذا عرس الرجال اللي المفروض مافيه تكلف وايد بشي وخمسين ، وين اللي يقولون عروس الحريم فشخرة ومكلفة ، برايي انه عرس النسوان يكلف ضعف هذا المبلغ صح :rolleyes2:

[kaspero]

ما يهد حيلنا الا النسوان في الاعراس

الله يكون بالعون

[بو خليفه 123]

هذا عرس الرجال اللي المفروض مافيه تكلف وايد بشي وخمسين ، وين اللي يقولون عروس الحريم فشخرة ومكلفة ، برايي انه عرس النسوان يكلف ضعف هذا المبلغ صح :rolleyes2:


للعلم أنا كنت رافض جميع هذي التكاليف لكن و لله الحمد كلها جاتني عانيات من عيال عمي و هلي و ربعي أنا دفعت بما يعادل 15 ألف من جيبي ولا لله الحمد ما جاء وقت العرس الا الخرفان متصففه عند المجلس , والعود .. الخ الخ .

لكن الشخص الي بيعتمد على دخله فقط بدون تدخل أحد بيحس في التكاليف يا ضوى .. الخيمه لحالها الحين تبتدي من 25 ألف , و غير الفرقه .. و اساسيات العرس هذا أنا للحين ماتطرقت للكماليات والزيادات ..

بعض اعراس الرجال اعبر من الحريم .. يسوون ليزر و شاشات كبيره على الشارع (امور مالها داعي) لكن لو تلاحظين انا تطرقت الى الاحتياجات الاساسيه بعرس الرجال

[بو الجوري]

الفرقه المحليه للعرضه أعتقد من 8000 تبدأ :..
و الورد على حسب ممكـن بـ 1000 وممكـن بـ 3000 :..
و الخيمه و المقهويين و باقي الترتيبات مثل الزل و الإضاءه و الكراسي
تبدأ اسعارهم من 20 ألف ( على إعلانات الوسيط ) :..

العشا إذا ذباح تقريبا 20 ألف ريال :..

و التصوير مادري كـم لكـن فالـ 2005 كان بـ 5 آلاف :)



بوخليفـــــــــــه ، و عرسك الثاني كـم كلّف !!!!!

[قطريه أصيله]

اها .. بوخليفه من المعددين :telephone:

[┋أَجِوَدًيّ┋]

خله يسوي حفلة عائلية عبارة عن بوفيه للحريم في البيت

وعشا رجاجيل في المجلس

ويآخذ مرته ويسافر أحسن له من المصاريف والخرابيط

[بو خليفه 123]

خله يسوي حفلة عائلية عبارة عن بوفيه للحريم في البيت

وعشا رجاجيل في المجلس

ويآخذ مرته ويسافر أحسن له من المصاريف والخرابيط





والله مؤيد و بقوه يالاجودي

[عزووز قطر]

مرحبا الشيخ ،،، انا متزوج من 3 شهور وخذت العرضة بـ 7000 ريال ( الفرقة من قطر )

ونصيحة يالشيخ بخصوص الورد ،،، حط لك 3 باقات على اليمين واليسار وقدام المعرس وتقريبا يوصل سعرهم 2000 - 3000 ريال ،،، بس حاسب تحط الورد خلفية للمعرس لأنه مكلف ،،، حط لك سناح أو ستارة أوفر لك ...

وبخصوص الضيافة ،، أنا جبت 8 مقهويين ولابسين ثياب نظيفة وكاشخين بالغتر ومتحزمين بـ 2000 ريال

ولا تنسى تنسق مع مشروع حفظ النعمة بخصوص العشا ...

وإذا محتاج أي مساعدة كلمني وفالك طيب

[┋أَجِوَدًيّ┋]

والله مؤيد و بقوه يالاجودي



شكرا لتأييدك ياخوي

العرس خلال 4 ساعات ويخلص وبينسون المعازيم كل شي

لكن الديون بتم سنوات كثيرة والمعرس مهب ناسي دينه

زواج بيت ويآخذ مرته للعمرة أحسن من الخرابيط

غير ذلك كله بدأ معظم الناس يسوون الأعراس في البيوت

أهم شي الستر

[دستور]

شكرا لتأييدك ياخوي

العرس خلال 4 ساعات ويخلص وبينسون المعازيم كل شي

لكن الديون بتم سنوات كثيرة والمعرس مهب ناسي دينه

زواج بيت ويآخذ مرته للعمرة أحسن من الخرابيط

غير ذلك كله بدأ معظم الناس يسوون الأعراس في البيوت

أهم شي الستر



مؤيد لكلامك يا أجودي

[بصمة قطرية]

التصوير 5000 ريال شامل شاشات العرض ..
و كاميرات فيديو و كاميرا كرين
و تصوير فوتوغرافي من ( فوتولايف )
من أفضل محلات التصوير في قطر ..
ثاني يوم تستلم سيديات التصوير والفيديو ..
و الالبوم بعد فترة ..

العرضة ( 8000ريال ) ..

المقهويين أعتقد 2000 ريال ..

باقات الورد حسب حجمها في بـ ( 1000ريال )
و في بـ ( 2000 ) ..
عموما ًالباقات اذا كانوا باقتين تقريباً في حدود الألفين
مع اللي على الطاولة قدام المعرس ..


عرس أخوي كان من فترة والحمدلله ما كلف وايد ..

[Rashid554]

عروسي الستة ماكلفتني وايد :)

[غايه الطواش]

عروسي الستة ماكلفتني وايد :)

خف علينا يالحاج متولي !!

[الزلزال]

يستاهل والف مبروك مقدماا

[بازار]

فيه اعراس ما تكلف ١٠٠ الف
وفيه اعراس فوق ٣٠٠ الف

انت تختار النوعية اخوي

شكرا

[قطريه أصيله]

عروسي الستة ماكلفتني وايد :)

:omg::omg:

[فارس الكلمة]

شكراً لكل الذين شاركوا .. و ساهموا في هذا الموضوع ..

و سوف يستفيد بأذن الله جميع المتقدمين للزواج ..

و عساه مبارك... إن شاء الله

[الدوسري قطر]

اخوي عندك محلات تسوي لك العرس على حسب ميزانيتك
مثل الواجب حاطين لك باقة بعشرين الف تتضمن عدة حاجات من مقهوين زواج وخيام وغيره

تقدر تروح لهم وتشوف ع حسب ميزانيتك