الــقــــطــــريــ/ــة مـــب مــــال شــــغــــــل !!!!!!!!!

[بوطويشم]

السلام عليكم

القطري ما يحب الشغل

القطري دوم متذمر

القطري و القطري و القطري

دوم نسمع هالأسطوانة من قبل بعض المسؤلين

ولكن خلنا نكون واقعيين شوي

هل الواسطة هي السبب الي جعلت من الشخص الغير مناسب يكون في هالمكان ؟؟؟؟؟

تجربة واقعية ويمكن تكون حالات شاذه

الي شفتهم معاي فالدوام الي بالواسطة

احياناً يتأخر و بعضهم دوم وصارت صفه من صفاتهم

دوم يحن على سبيل المثال : فالمفروض يزيدونا و فالمفروض نترقى بسرعة وووووو

يدور الراحة كثر مايقدر

ويكرر الأسطوانة : انا لو باطلع باطلع ماتهمني الوظيفة (لان في واسطات ثانيه)

يستهزء باللي اقل منه وظيفين

طبعاً مب الكل لكن ذي الي لاحظته

اما الي جرب مرارة البحث عن الوظيفة وماقبوله كذا جهة تلقاه بالعكس تمام الا ان بعض الأحيان يتذمر بسبب ظلم الي يصير له وانا واحد منهم

يمكن البعض يعتقد اني قاعد امدح نفسي او الي مثلي توظفو بدون واسطة لكن لا والله ماهو مدح كثر مااني عشت هالواقع

الكلام الي ذكرته ينطبق على القطري و القطرية

فهل هذا هو السبب الحقيقي؟؟؟؟؟

[مهرة]

يعطيك العافيه على طرحك المميز .. وجاء بوقته .. تقريبا حالتك نفس حالتنا وتتكرر بكل وزارة وكل مؤسسة ومختلف القطاعات ..

احنا في دوامنا ماسكين علينا ويضحكوون علينا بالتقطير ..! يجبوون لك مدير قطري مادري من وين من الي يحبه قلبهم من نوعية المطبلين )) .. وبس ويترسووون لك قسم من الأقسام قطرين اي شي بس عدد وعقبها محلك سر .. لا ترقيات لا كورسات لا تقييم عدل وكله نفس الشي حتى كلمة شكراً والله والله ثقيلة عليهم ..!

فلمن يكوون عندنا مثل هالنوعيات السامية لقادة قطريين قدوة ومثال للأجيال القادمة ويش يكوون ردة فعل الأجانب منا ؟؟ وكيف بيكوون ملتزم معانا ويعطينا حقوقنا ويوقف معانا اذا شاف ما شاف من ولد ديرتنا الي منا وفينا ودووم انوقف مع بعض ولا تغرنا المناصب ولا يعمينا الحسد ..! أستغفرك وأتووب اليك ..

احنا عندنا الله يسلمك نوعيه ( موظفات) الي تبي يمشي حالها اتصير سمعتها وريحتها الطيبة بكل مكان وتمشي ومحد يكلمها وهي رافعة الراس بعد .. قطرية ولا مو قطرية بيمشي سوقها لأن الحظ والحياة فقط للعوجى والمنكسرة .. اما واحد صج صجنا بكلمتين ( انا خريج أمريكا) والف مكان يتمناني انا شهادتي بجيبي (اخرتها معهد مايندرى عنه بامريكا) وهو توه ماكمل سنه وجاي طبعاً بواسطة ويتنقل من مسمى وظيفي لثاني ومو عاجبه الا يحطوون له اسم ( مدير ) وخذ الي يبيه ودوامه على مزاجه .. والله والله العظيم عمره ماسواها وداوم 8 ساعات كاملة علة ماوقعة في العقد .. غير انه يروح حق فلان وعلان عشان يكتبوون له ايميل بالأنجليزي ..!!

بس البوليسي والتفتيش عن الزلات ماتتطبق الا على المساكين مثلنا الي بحاله وماشي على الصراط المستقيم .. الله لا يحوجنا لأمثالهم وحسبي الله ونعم الوكيل .. صبراً جميلاً وبالله المستعان

ملاحظة...*
بالله عليكم ياصحاب الضماير الميته كيف تناموون قريررين العينين وتحللوون رواتبكم وتأكلوون عيالكم حرااااام ..! هل أنتم من المخلدين بهذه الدنيا ؟؟ اذا لا حسآب ولا عقآب .. اي دين هذا ..!!

[moonبنتnight]

أختصر لي ابي اقوله في سطر 00

من خبرتي 00هذا كلام يقوله قطري لأنه خايف علي كرسيةومكانه والاجنبي لانه خايف على أكل عيشه 00

[ولي العهد]

الحال من بعضه .... عندنا مسئول قطري واعتبره مثال سئ للقطرين ولا يمثل القطرين ... فهل يعقل مكاتب صار لها 16 سنه ماتبدلت .؟؟ هل يعقل مكاتب بدون ستائر ؟؟ وغير التخبط في الشغل وللعلم هناك ميزانية لكل قسم ويحق لكل مسئول يصرفها على القسم مثل مايبي وللاسف المسئول هذا بخيل وزطي اللهم لاتبلانا ... وللامانه انا مالومه هالقطري لان البيئه الي عايش فيها في البيت بيئه تغشف .. ماسك لفلوس ومايصرفها ولا يعيش نفسه برفاهيه ويعيش بنعيم وفي الاخير يحطونه مسئول والموظفين هم الضحيه لانه يطبق نظام بيته وبيئته على الموظفين وهذا غلط .

[sweet qatar]

ردا على العنوان..
أقول القطريين حالهم من حال اي شعب ثاني فيهم الجادين في الشغل وفيهم المستهترين..



هل الواسطة هي السبب الي جعلت من الشخص الغير مناسب يكون في هالمكان ؟؟؟؟؟


نعم،.. هذا السبب الرئيسي.. بالإضافة لأسباب أخرى..


لكن هذا مب معناه ان كل من توظف بالواسطة ما يشتغل..

يعطيك العافيه بوطويشم على الطرح..

[catqat]

المهرة ،،، جبتيها ع الجرح...... @@

صج القايم حظه الحين لايزم يعرف شلون ايتسيبل ع المدير وأهم شي التمارين الرياضية الخاصة.. وهالنوعية من الكورسات اتودي الواحد فووووووووووق النخل.

اخخخخ يالحرة ،، كل اللي قلتيه واقع وصاير بكل مكان ... اخبر وحدة يا بوها عندنا ماكملت 7 شهور (جك بك) الا هي سنير السناير،، ولا عندها الا يمكن ثانوية عامة ولا تعرف شي ،، ولا بعد ياويله اللي يقرب صوبها او يسألها سؤال وهي ماتعرفه،، المحروس اللي يمها بالمكتب (يغار) .... اسميها هذي مسخرة!!! والا داخلين نادي ليلي وانتوا بكرامة..

ملاحظة: وتعليقي يخص الفئة اللي تكلمنا عنهم و هي مش شاملة الكل

[ضوى]

هل الواسطة هي السبب الي جعلت من الشخص الغير مناسب يكون في هالمكان ؟؟؟؟؟

الواسطة لها دور كبير في التعيينات ، وعانيت منها لكن الحمد لله بالنهاية مايصح الا الصحيح ، حتى لو قطرية وش ملتزمة مالها مكان عندنا ، الشغل عبادة وحرص والتزام ، مب عشان واسطة بتداوم بكيفها وبتختلق اعذار بكيفها لانها متوظفة بواسطة عليا ، والحمد لله عندنا اول باول نتخلص من هالعمالة اللي تكون عبء على هيكل الادارة فقط من غير اي انتاجية ومن الظلم مساواة من يعمل بجد واخلاص مع من لا يعمل الا بمزاج

[sweet qatar]

ملاحظة: وتعليقي يخص الفئة اللي تكلمنا عنهم و هي مش شاملة الكل

هذا الي محيرني.. طيب يا راعي المنصب انت مغامر وكازانوفا ودون جوان عصرك.. بس احنا في قطر..
خل مغامراتك خارج الوزارة.. ليش مثل هالاشكال تتوظف.. وتتميز.. غصب تفتح عيون خلق الله عليك وعلى سواياك..
الله ساتر عليك ليش تفضح عمرك..؟!!



لكن الحمد لله بالنهاية مايصح الا الصحيح
الي اشوفه ان الي ما يشتغلون ينتقلون من منصب لمنصب.. ما لهم نهاية..

[حسن]

اعتقد ان الظلم الوضيفي والتخبط استشرى في الجميع واشوف مافي اي امل في التصليح
لان التطبيل والتلميع والكذب والنفاق انتشر مثل السرطان في جميع الاجهزه
خلونا سماري ابرك الله يعلم وين رايحين

[طلعة الروح]

عنصر الكفاءه هو اللي
يحدد من مال شغل ومن
مب مال شغل وبالنسبة
لقضية التأخير في الدوام
أنا أؤيد وجود مايسمى
flexibility يعني انت
تأخرت ساعه مثلا عوضها
ساعه زياده عن الدوام الرسمي
وهكذا... طبعا بالنهاية يعتمد على
طبيعة دوامك لان لو كنت مقابل الجمهور
ماتقدر تعتمد على هالنظام وعليك الالتزام
بالوقت الرسمي لمقابلة الجمهور

أما المسؤولين اللي يقولك القطري/القطرية مب مال شغل
أكيد كلام فاضي ولا يؤخذ به وعيب يعمم بهالطريقه وهو
بالمقابل قاعد يذم نفسه لأنه محسوب ع العمالة الوطنية
واحنا الحين سنة 2012 يعني الناس صار عندها وعي
وادراك ونرجع نقول عنصر الكفاءه أهو الاهم..

[ضوى]

هذا الي محيرني.. طيب يا راعي المنصب انت مغامر وكازانوفا ودون جوان عصرك.. بس احنا في قطر..
خل مغامراتك خارج الوزارة.. ليش مثل هالاشكال تتوظف.. وتتميز.. غصب تفتح عيون خلق الله عليك وعلى سواياك..
الله ساتر عليك ليش تفضح عمرك..؟!!


الي اشوفه ان الي ما يشتغلون ينتقلون من منصب لمنصب.. ما لهم نهاية..


والله لهم يا سويت ، وعن تجربة قريبة ومن واسطة كبيرة

[ضوى]

عنصر الكفاءه هو اللي
يحدد من مال شغل ومن
مب مال شغل وبالنسبة
لقضية التأخير في الدوام
أنا أؤيد وجود مايسمى
flexibility يعني انت
تأخرت ساعه مثلا عوضها
ساعه زياده عن الدوام الرسمي
وهكذا... طبعا بالنهاية يعتمد على
طبيعة دوامك لان لو كنت مقابل الجمهور
ماتقدر تعتمد على هالنظام وعليك الالتزام
بالوقت الرسمي لمقابلة الجمهور

أما المسؤولين اللي يقولك القطري/القطرية مب مال شغل
أكيد كلام فاضي ولا يؤخذ به وعيب يعمم بهالطريقه وهو
بالمقابل قاعد يذم نفسه لأنه محسوب ع العمالة الوطنية
واحنا الحين سنة 2012 يعني الناس صار عندها وعي
وادراك ونرجع نقول عنصر الكفاءه أهو الاهم..

اللي يقهرك لما تجي عربية وتقول لمدير قطري القطريين مابيشتغلوا ،:anger1: وهو يصدقها ويلصق هالتهمة ظلماً بكل القطريين والقطريات ويقولها امامهم ويرفع راس العربية وينزل راس القطري ، مثل هالمسؤول ودك تحرقه بتيزاب

[مخطط قطري]

بصراحه ومع احترامي لكلام لي قولنوه انتو تشفون مثل اها الامور في منظور ومحور ضيق يعني هذي الاشياء من ايام الثمنينات و هذي الشي مراح تتغيرلسبب واحد مصلحة الفرد اة الشخص مقدمة على مصلحه البلد واصلن انا بنظري ان لي صاير باوزارات والاجهزة الحكومية وراثة مو شي جديد علينا ولاسف لما تحصل قطري ماسك منصب يعطيك محاضرة بالاخلاق وهو منحط ولا لشليلية ولا للواسطة ليوصلته لها المكان لاسف سواء شباب او بنات اذا مسك منصب يصير فيها قوي عشان ما يحسون الموظفين بانه ظعيف شخصية ولي افكر فيه يقولون مش الاكثرية اذا هشكل ؟؟؟؟؟؟؟؟ من لي يسوي اها الاشياء تفهموني ياجماعة عموما الموضوع هذا حله بسيط جداااااااااااااا وهو اشتغل لي مطلوب عليك وبس لا تزودها ولا تقصرهتا احد كلمك عطه الاذن الصمخه وشكرا لكم

[مهرة]

بصراحه ومع احترامي لكلام لي قولنوه انتو تشفون مثل اها الامور في منظور ومحور ضيق يعني هذي الاشياء من ايام الثمنينات و هذي الشي مراح تتغيرلسبب واحد مصلحة الفرد اة الشخص مقدمة على مصلحه البلد واصلن انا بنظري ان لي صاير باوزارات والاجهزة الحكومية وراثة مو شي جديد علينا ولاسف لما تحصل قطري ماسك منصب يعطيك محاضرة بالاخلاق وهو منحط ولا لشليلية ولا للواسطة ليوصلته لها المكان لاسف سواء شباب او بنات اذا مسك منصب يصير فيها قوي عشان ما يحسون الموظفين بانه ظعيف شخصية ولي افكر فيه يقولون مش الاكثرية اذا هشكل ؟؟؟؟؟؟؟؟ من لي يسوي اها الاشياء تفهموني ياجماعة عموما الموضوع هذا حله بسيط جداااااااااااااا وهو اشتغل لي مطلوب عليك وبس لا تزودها ولا تقصرهتا احد كلمك عطه الاذن الصمخه وشكرا لكم


فعلاً اخوي مخطط .. هذا الي اتبعته بحياتي المهنية بعد ماكتشفت الزيف والكذب الي عشته وشفته وانصدمت ولين الحين انا مصدوومة وماوعيت منها .. اسوي الي علي بالضبط لا انقص ولا ازيد .. بس لين التقييم يصير يقولون مافي بروموشن مع ان معدلي يخولني اخذ كل سنه قرايد ليش>> لأني ماحضرت عيد ميلاد فلان وعلان لأني ماسلمت ووقفت على مكتب فلان وعلان لأني ماتبسمت يوم مر فلتان وعلان مع اني بنقاب كيف بيشووف ؟؟ وخذ لك من الأعذار الواهية واللا معقولة انا من داومت لين الحين كله جذيه فيسي >>>:omg: يالله :eek5: يالله ..!!