مهندس يطلب مظلة للهبوط من طائرة قطرية فى الجو

[بوهلال]

مهندس يطلب مظلة للهبوط من طائرة قطرية فى الجو

- القاهرة: شهدت طائرة قطرية قادمة من الدوحة إلى القاهرة، واقعة غريبة ومثيرة من نوعها حيث قام الراكب (28 عاماً) وهو مهندس مدني أصيب بحالة هياج بتهديد طاقم الضيافة وحاول فتح أحد أبواب الطائرة أثناء الرحلة طالباً منهم مظلة (براشوت) حتى يقفز من الطائرة.

وعلى الفور أمسك به طاقم الطائرة وحاول تهدئته حتى هبطت الطائرة بسلام بمطار القاهرة الدولي وفور وصولها تم استدعاء طبيب الحجر الصحي، حيث قام بتوقيع الكشف الطبي عليه، وأكد أنه يعاني من فوبيا الأماكن المغلقة، وتقرر إعطاؤه بعض المهدئات وانصرف الراكب من المطار بعد أن هدأت حالته تماما.

[عاهد بن علي]

لام الله من لامه

[Rashid554]

الله يشفيه ويشفي اهل الفوبيا كلهم ( فوبيا الاماكن المرتفعه ، فوبيا الاماكن المغلقه ، فوبيا الكلاب ، فوبيا الطيران ، فوبيا الضوء .. الخ *)

[kaspero]

كنت حاجز على مصر اول امس

ولله الحمد انها تكنسلت السفره للضروف

لو اني معه في الطياره كان تذابحت معه

[شبح الصمت]

اللهم لك الحمد والشكر يارب

ولدي يوم اطلعه الطياره قبل ما يركب درية الطياره يفلم لي وهو فالباص

مابي مابي مابي مابي مابي مابي

فديته بالحيله والحركات النص كم وشله وحطه وقوله بسوي لك سبحان الله يسكت

الحين وهو صغير نقدر اشوي نتحكم فيه عاد لو كبر ما يندرى الي فيهم خوف اشلون

عندي واحد من الشباب يوم يركب الطياره ياخذ له حبه منومه لجل ينسى

[الدرررة]

مالومة والله انا عندي فوبيا من الطيارات وزوجي وعيالي يسافرون وانا اقعد في الدوحة وقبل مدة سافرت للفحوصات غصب عني والله شربت حبة منومة مافادت لا وجابت معاي العكس مبطلة عيوني طول الرحلة جني جنية

[قرنقووش]

والله تخاف هالايام الخمر والوصاخه تتوزع في الطياره تقعد وتنتظر الله يخسف فيها فالجو
الله يحمينا ويستر علينا

[Anas_G]

مالومة والله انا عندي فوبيا من الطيارات وزوجي وعيالي يسافرون وانا اقعد في الدوحة وقبل مدة سافرت للفحوصات غصب عني والله شربت حبة منومة مافادت لا وجابت معاي العكس مبطلة عيوني طول الرحلة جني جنية

حتى انا عندي نفس المشكلة والغريب ان طول عمري اسافر عادي اخر كم سنة صادتني هالحالة وكل ما يطلع صوت في الطيارة اتخرع خاطري اعرف ايش السبب او شالحل

[بصمة قطرية]

لا حول ولا قوة الا بالله ..
الله يكون في عونه ..
آخذ حبتين قبل لا أركب الطيارة
و طول الرحلة أتشهد على عمري .. :weeping:
مع كل مطبة أشهق ..

[fahad_qatar]

اي فوبيا اي خرابيط يعني اول ماوصل الدوحه ماصادته الفوبيا اشدعوه
هذا يبيله تكفخ عدل الله يعين الي كانو مسافرين معاه شلون حالتهم

[الزلزال]

الله يشفيه

[فارس قطر]

لوكان الراكب قطري بيحصل رعاية وحترام من قبل الطاقم وبيخلونة يروح بيتهم !!!!!!!!!!!!!!

[shadad]

اي فوبيا اي خرابيط يعني اول ماوصل الدوحه ماصادته الفوبيا اشدعوه
هذا يبيله تكفخ عدل الله يعين الي كانو مسافرين معاه شلون حالتهم

ههههه تدري ذكرتني بنفس المقطع في فلم Airplane . الراكب يستخف ويجونه صف مسافرين وكل واحد طراقات وبكسه ههههه
بس زين ما فتح باب الطياره لان الضغط بيختلف داخل الطياره ويصير فلم .

[MAZEN37]

لام الله من لامه
هههههههههه
ضحكتني
يستاهل الرافه على حالته :)

[باراكودا]

لا حول ولا قوة الا بالله
الله يكون في عونه أكيد كان يعاني من الغلاء في
الدوحة ...خاصة أيجار البيت وتذاكر الخطوط القطرية .

[ابوالكلام]

المشكلة في الرحلات الطويلة بل كلا تخرع الواحد على أعصابه

[qatara]

يمكن شوش المخ من الريحه

يفكر نفسه بيطب ببرجه

[يراعٌ فراتي]

ما ينلام والله احيانا المطبات تحصل قلبك طايح في حجرك من الخرعة
بس هو زودها يبي يبطل الباب هههههههههههه

[مابدل العادات]

والله مايندرى هل هو صدق فوبيا ولا كان سكران ورقعوها القطريه عقب مازادت فضايحها بسبب السكارا

الله اعلم

[نتفـه]

انا فيني فوبيا وماعرف شنو علاجها !!

[الكنترول]

لا حول ولا قوة الا بالله ..
الله يكون في عونه

[دنيا الاسهم]

تهقون لو هو في الطيارة المصرية بتجية فوبيا الاماكن المرتفعة ...ما اظن
ما يتدلعون الا على اهل قطر
انجلعوا بلادكم زين

[الواعد]

انا اخاف اول ماتقلع الطيارة وترتفع عن الارض

احس انها ترجع لوراء :secret:

[آنــه]

الحمدلله والشكر ربي لا بليتنا
الله يكون في عونهم هاللي فيهم فوبيا

[حسن الاحمد]

انا عندي فوبيا الاماكن المرتفعة لدرجة انني اخاف اصعد على سلم وأبدل اضاءة البيت او اطلع عالسطح او اصعد بأسسنسير مكشوف
ولما اركب طيارة دايما اقعد بالنص بعيد عن الشباك

[NINA RICCI]

الله يكووون في عووونه ..

[كلنا قطر 1981]

تهقون لو هو في الطيارة المصرية بتجية فوبيا الاماكن المرتفعة ...ما اظن
ما يتدلعون الا على اهل قطر
انجلعوا بلادكم زين

الله يهديك اخوي التمس لاخوك المسلم العذر


انا عن نفسي لازم ادف حبوب ريلاكس قبل الطياره بساعه صراحه عندي فوبيا من عالم

الطيران كله و المشكله بعد انه قبل السفر بليله افتح التلفزيون تحصلون القنوات حاطين عاجل

تحطم طائره و وفاة كل ركابها :eek5:

اغير القناه و احط على افلام الجزيره الوثائقيه احصلهم حاطين حدث في مثل هذا اليوم تحطم

طائرة اير باص كانت متجهه الى النيويورك و وفاة جميع الركاب و نجاة طلفه من الحادث

المروع:omg:

افر و القناه و احط ال ام بي سي 2 و :omg:احصل فلم اختطاف طياره :(

احط روتانا سنيما احصلهم حاطين فلم البدايه مال احمد زكي و يسرا الي تطيح فيهم الطياره في

البر:mad:

اابند التلفزيون و افتح النت احصل في المسن سؤال جانبي شاركنا المسابقه في عام 19و خرده

سقط الطائره في جنوب السودان كم عدد الناجين في حادث الطائره ؟؟؟:anger1:

احس انهم متعمدين انهم يخرعوني و يزيدوني هم و خوف :cry2:

الله يشافيه و يشافينا و يشافي كل المسلمين من الفوبيا :victory:

[غزلان]

كلنا نخاف من الطياره لكن نتوكل على الله ونركبها مافي غيرها

الله يشفيه يمكن مريض

[الراقيه سبشل]

الله يعييييييينكم , مع انه سفرة الطيارة وايد حلوة

[الراقيه سبشل]

تهقون لو هو في الطيارة المصرية بتجية فوبيا الاماكن المرتفعة ...ما اظن
ما يتدلعون الا على اهل قطر
انجلعوا بلادكم زين

ليش سوء الظن , لازم تكون مكانه يعني عشان تصدق !!

[ممنوع اللمس]

انا امس مسافر بطيارة مصر اللي كانت الساعه 5 و 45 من القاهره للدوحه بس ما صار شي
في طياره كانت الساعه 2 الظهر احتمال كان هالشي فيها الله واعلم

[درر قطر]

ضحكني يا حليله هذا يومه راد بلادة استخف وبغا يطب عيل يوم جانا ايش سوى

[الخزرجي قطر]

الله يشفيهم ان شاالله

[دنيا الاسهم]

ليش سوء الظن , لازم تكون مكانه يعني عشان تصدق !!

خليتي الموضوع وعلقتي علي صدق ماعندج سالفة
وبعدين ماعندي سوء ظن انا قلت وجة نظري شتبين انتي

[الصغيره]

اكره الطيران وتصبني حالة هستريا لين انزل بس مودبه اغمض عيوني واتمسك باقرب كرسي لين ننزل :(