البقاء في الظروف الصعبة (Survival Manual)

[Scout Sniper]

طلعت رحلةبالسياره وغرزت عليك ؟ ومحد حولك ؟
ضعت في الصحرا ؟
ضعت في البحر ؟
صارلك يوم اسود (الله يبعدكم عنه) ولقيت نفسك في ارض مقطوعه ؟
صارت حرب (لاسمح الله) اضطرتك للنزوح لخارج المدينه ؟

احتجت لماء ؟ لغذاء ؟ لمأوى؟



هذا الكتاب الرائع يعلمك كيفية البقاء والتكيف في الظروف الصعبة .. هو عباره عن دليل النجاه كان يوزع للجيش الامريكي , وبعدين انتشر بين العامه والمكتبات ..



اتمنى انه محد يحتاجه , وان احتجت له اتمنى انه يفيدك في يوم اسود :victory:


http://www.ar15.com/content/manuals/FM21-76_SurvivalManual.pdf

قام أحدهم بترجمة الكتاب , بامكانكم البحث عنه بكتابة :كتاب البقاء في الظروف الصعبة





---------------------------------------------------------------------
موضوع النقاش

بعد قراءتي لهذا الكتاب الرائع , وفي فصل البحث عن الماء .... لقيته يتكلم في جزئية بسيطة عن البحث عن الماء في الصحراء (اللي هي طبيعة بلادنا) ..
ومن طرق الحصول على الماء :
- تقطير ماء البحر بطرق بسيطه .
- ترشيح الحشائش الصغيره .
- في كم نبته بعضها موجوده عندنا , نعصرها ونشرب ماءها .
- حفر بعض الاماكن عند مجاري السيول .


سؤالي لكم هو ..
هل في طريقة اخرى للبحث عن الماء ؟ هل هناك ابار طبيعية او مجاري مياه دائمه في قطر كلها ؟



منتظر ارائكم :)

[مسفر2]

الموقع محجووووب

ويعطيك العافيه

[Scout Sniper]

الموقع محجووووب

ويعطيك العافيه

يعافيك
ابحث بقوقل عن : Us army survival manual

[عاهد بن علي]

ما فتح

[ماريسا]

جزاك الله خير

[حسن]

من معرفتي في قطر انا برنا مايخوف لوضعت لوغرست اعتقد بيكون عند اماكن مثل بيوت
ولامناطق خارجيه ولا عزب مش اكثر من عشره كيلو
بعدين اهم شي الارشادات ويكون الشخص اللى رايح البر او اي منطقه عنده معلومات عنها
وايش طبيعتها رمليه صحراويه اصباخ ويكون معاه ماي بكثره يزيد عن حاجته بعد
ويكون معاه مكينه هواء صغيره ويكون معاه حبل او سير محترم
بالنسبه للبحر كذاللك البترول يكون معاه زياده ويكون معاه عده وماي زياده
وسترات نجاه وليتات بوجلي ضد الماي مع بطاريات قويه
وان يعرف الاماكن اللى مجهه لها او ايكون ملم بها على الاقل
واذا معرفته بسيطه خله على السيف ابرك ولا ولاباعد السيف
يماشفت ناس شكثر متوهقين ومايدرون وين الله قاطهم
اذا على انا كل اسبوع مسحب ناس من هل الاصباخ وليتهم بعد يتعلمون ولا معاهم حبال
وشكثر طلعت سيارات عسكريه مغرسه والله لولاي كان بيتو فيها

[Scout Sniper]

من معرفتي في قطر انا برنا مايخوف لوضعت لوغرست اعتقد بيكون عند اماكن مثل بيوت
ولامناطق خارجيه ولا عزب مش اكثر من عشره كيلو
بعدين اهم شي الارشادات ويكون الشخص اللى رايح البر او اي منطقه عنده معلومات عنها
وايش طبيعتها رمليه صحراويه اصباخ ويكون معاه ماي بكثره يزيد عن حاجته بعد
ويكون معاه مكينه هواء صغيره ويكون معاه حبل او سير محترم
بالنسبه للبحر كذاللك البترول يكون معاه زياده ويكون معاه عده وماي زياده
وسترات نجاه وليتات بوجلي ضد الماي مع بطاريات قويه
وان يعرف الاماكن اللى مجهه لها او ايكون ملم بها على الاقل
واذا معرفته بسيطه خله على السيف ابرك ولا ولاباعد السيف
يماشفت ناس شكثر متوهقين ومايدرون وين الله قاطهم
اذا على انا كل اسبوع مسحب ناس من هل الاصباخ وليتهم بعد يتعلمون ولا معاهم حبال
وشكثر طلعت سيارات عسكريه مغرسه والله لولاي كان بيتو فيها

الله يعطيك العافيه وعساك عالقوة !

بس يخوي انا وانت ياما سمعنا عن ناس راحت العديد وضيعت , ومن ثم توفت
وياما ناس اختربت مكاينهم وهم بالبحر . ولا به ارسال بالتلفون عشان تبلغ ..

والظاهر سمعت عن اللي اختربت مكينتهم بشراعوه , ومن العطش شربو عرقهم وانت بكرامه , لين الله ستر عليهم بطراد انجليز !


سؤال يطول لي بعمرك :
وش نوع موترك اللي يطلع المواتر ومايغرز (ماشاء الله) ؟؟؟

[sweet qatar]

موضوع مفيد.. يعطيك العافية اخوي..

صادق اخوي حسن برنا ما يخوف.. بس بر السعودية مررررعب..
وهذا الي يخليني اتردد اسافر عن طريق البر..
لان في الطيارة عالاقل معاي ناس بيقولون لي شسوي و وين اروح..

شلون تقطير مياه البحر بطريقة بسيطة..؟؟!!
ياليت الي جرب يذكر تجربته..


اعتقد اهم شي يكون عند اي شخص بيبتعد عن المدنية هاتف ثريا..

[Scout Sniper]

موضوع مفيد.. يعطيك العافية اخوي..

صادق اخوي حسن برنا ما يخوف.. بس بر السعودية مررررعب..
وهذا الي يخليني اتردد اسافر عن طريق البر..
لان في الطيارة عالاقل معاي ناس بيقولون لي شسوي و وين اروح..

شلون تقطير مياه البحر بطريقة بسيطة..؟؟!!
ياليت الي جرب يذكر تجربته..


اعتقد اهم شي يكون عند اي شخص بيبتعد عن المدنية هاتف ثريا..

انا جربت تقطير مياه البحر بس لازم يكون عندك جدر , ومصدر حراره (شولة , جمر )
تحط ماي البحر بالجدر, وتحط الجدر على النار , وتجيب منشفتين او قطع قماش كبيره تغطي فيها النار ..

لما يبدا الماي اللي بالجدر يغلي , راح يتكثف البخار على المنشفه .
طلع المنشفه , واعصرها فوق اي وعاء.
حط المنشفه الثانيه عشان تستغل الوقت اللي بتعصر فيه المنشفه الأولى ...

بس تحمل تشرب الماي دفعه وحده لانه بيكون ماي مقطر .
لازم تضيف عليه شوية ب من ماي البحر أو تخلطه برمل عقب ترشجه , علشان ينخلط بالمعادن اللي يحتاجها الجسم .



هذي طريقة جربتها ...


في طرق ثانيه اذا ماعندك ماي بحر , ولا جدر , ولا نار :)
بس معقدة شوي ونتايجها نسبية

[راسي براسك]

للأسف الموقع مش شغال ,

لكن باين عليه كتاب حلو وفيه معلومات مفيده .

وانا اقرا موضوعك والكلمات المرادفه التقطير و مياه البحر ؟

انتبهت أن أغلب شوارعنا أصلن مافيها شجر !

الأمارات مستحيل تمر بشارع وماتلاقي فيه على الأقل نخيل !

[حسن]

الله يعطيك العافيه وعساك عالقوة !

بس يخوي انا وانت ياما سمعنا عن ناس راحت العديد وضيعت , ومن ثم توفت
وياما ناس اختربت مكاينهم وهم بالبحر . ولا به ارسال بالتلفون عشان تبلغ ..

والظاهر سمعت عن اللي اختربت مكينتهم بشراعوه , ومن العطش شربو عرقهم وانت بكرامه , لين الله ستر عليهم بطراد انجليز !


سؤال يطول لي بعمرك :
وش نوع موترك اللي يطلع المواتر ومايغرز (ماشاء الله) ؟؟؟

والله ياخوك هو مش على الموتر هو على الخبره احيانا انا بعراوي طلعت كروزر طابن في صبخه
هناك شغل وقياده احيانا الحصاه تصير سبانه يعني مفك والحصاه الكبيره مع المربعه الخشب
تصير جيك
والله لوشفت باصات الصاعقه وهم طابنين وشلون طلعناهم في اقل من نصف ساعه
لوشفت معده شكبرها مغرسه داشه فس صبخه وطابنه من سوء التخطيط وقله المعرفه
واهمال معدات الدوله علشان باس خفيف كروزرين يطلعونه والله قهر
القصص كثبره ياخوي شلون تقوم بعمليه بحث في منطقه بحريه خطره من القصاصير
حتى خفر السواحل تتجنب دخولها لخطورتها
تشارك في عمليه بحث عن فتاه على سكوتر فقدت في الليل بطرادك الوحيد اللى هو يدش
وعارف المنطقه الخطره وخصوصا في الليل
احيانا ادخل البحر والضباب من كثافته ماتشوف يدك لمساعده خفر السواحل اللى طرادهم
خربان ومافي حد يسعفه
القصص كثيره ياشيخ
اما بخصوص اللى ضاعو عند شراعوه اعتقد المنطقه قريبه والكثير في البحر من لنجات سماكه وطراريد وغير دورايات خفر السواحل اللى هي زوارق التركه والهالمتك
وغير الجيش ماعتققد عمليه البحث تطول المناطق صغيره
ومثل ماقلت لك لازم الواحد يعمل الاحتياطات والماي يكون بكثره بكثره
واتمني للجميع اجازه سعيده وانشاء الله اروح اليوم ومالقى حد جدامي مغرس
من رحاله ولا عسكر علشان مايكدوني في العمليه ابي استانس:victory:

[Scout Sniper]

للأسف الموقع مش شغال ,

لكن باين عليه كتاب حلو وفيه معلومات مفيده .

وانا اقرا موضوعك والكلمات المرادفه التقطير و مياه البحر ؟

انتبهت أن أغلب شوارعنا أصلن مافيها شجر !

الأمارات مستحيل تمر بشارع وماتلاقي فيه على الأقل نخيل !

صدقت والله
ماعندنا مصدر مياه الا راس بوفنطاس!

[Scout Sniper]

والله ياخوك هو مش على الموتر هو على الخبره احيانا انا بعراوي طلعت كروزر طابن في صبخه
هناك شغل وقياده احيانا الحصاه تصير سبانه يعني مفك والحصاه الكبيره مع المربعه الخشب
تصير جيك
والله لوشفت باصات الصاعقه وهم طابنين وشلون طلعناهم في اقل من نصف ساعه
لوشفت معده شكبرها مغرسه داشه فس صبخه وطابنه من سوء التخطيط وقله المعرفه
واهمال معدات الدوله علشان باس خفيف كروزرين يطلعونه والله قهر
القصص كثبره ياخوي شلون تقوم بعمليه بحث في منطقه بحريه خطره من القصاصير
حتى خفر السواحل تتجنب دخولها لخطورتها
تشارك في عمليه بحث عن فتاه على سكوتر فقدت في الليل بطرادك الوحيد اللى هو يدش
وعارف المنطقه الخطره وخصوصا في الليل
احيانا ادخل البحر والضباب من كثافته ماتشوف يدك لمساعده خفر السواحل اللى طرادهم
خربان ومافي حد يسعفه
القصص كثيره ياشيخ
اما بخصوص اللى ضاعو عند شراعوه اعتقد المنطقه قريبه والكثير في البحر من لنجات سماكه وطراريد وغير دورايات خفر السواحل اللى هي زوارق التركه والهالمتك
وغير الجيش ماعتققد عمليه البحث تطول المناطق صغيره
ومثل ماقلت لك لازم الواحد يعمل الاحتياطات والماي يكون بكثره بكثره
واتمني للجميع اجازه سعيده وانشاء الله اروح اليوم ومالقى حد جدامي مغرس
من رحاله ولا عسكر علشان مايكدوني في العمليه ابي استانس:victory:

مشالله عليك عساك عالقوة ...
ودام الموضوع على الدرولة حتى لو عندك صني بتطلعهم هههههه

وشراعوه قريبه ؟!!! حرام عليك ساعتين بالطراد وتقول لي قريبه !

[حسن]

مشالله عليك عساك عالقوة ...
ودام الموضوع على الدرولة حتى لو عندك صني بتطلعهم هههههه

وشراعوه قريبه ؟!!! حرام عليك ساعتين بالطراد وتقول لي قريبه !

المشكله في طرادك مهب سريع ولا انت قاعد تللف في السواقه وايد عليك من دوبه الشرطه
امسك اتجاه 110 على البوصله بتطلع على طول حاله العسيري وراها شراعوه الله يازينها
اتصدق مره طلعت المره مع اليهال قلت لهم ابشرو بالحقاب شكله بيمطر خلونه
نروح صوبه وكان شرق من الخريب قبل لاوصل الاوذيك الحلبه من الزين وسالت الوديان
كان منظر جميل وانا على شارع بري وداش في وسط الغدير
كان امشي عليه يوم وصلت النصف ويسلب الموتر علي لايقدم ولا يرجع وراه
الحين قلت وش الحيله يابوعلي
موتري فيه ونش كان امد الواير لين ذيك السمره الكبيره واربطه واسحب
نفسي شوي شوي لين طلعت واشكر ربي واشكر السمره اللى خلتني عدم الاستعانه
بصديق:victory:

[الزلزال]

جزاك الله خير

[Scout Sniper]

المشكله في طرادك مهب سريع ولا انت قاعد تللف في السواقه وايد عليك من دوبه الشرطه
امسك اتجاه 110 على البوصله بتطلع على طول حاله العسيري وراها شراعوه الله يازينها
اتصدق مره طلعت المره مع اليهال قلت لهم ابشرو بالحقاب شكله بيمطر خلونه
نروح صوبه وكان شرق من الخريب قبل لاوصل الاوذيك الحلبه من الزين وسالت الوديان
كان منظر جميل وانا على شارع بري وداش في وسط الغدير
كان امشي عليه يوم وصلت النصف ويسلب الموتر علي لايقدم ولا يرجع وراه
الحين قلت وش الحيله يابوعلي
موتري فيه ونش كان امد الواير لين ذيك السمره الكبيره واربطه واسحب
نفسي شوي شوي لين طلعت واشكر ربي واشكر السمره اللى خلتني عدم الاستعانه
بصديق:victory:

لا ابشرك معد تحححححححتاج الونش ...
يبيعون بكارفور سير طويل خامته ربلر مثل ربلة التاير ..
حطه تحت التاير ولا يردك شي ...


مجربه على رباضه , وبيض الوجه ..


وبخصوص طراد النسيب , 28 قدم على مكينتين 100