مطلوب مكتب استشارات هندسية

[شيزكيك]

السلام عليكم

ممكن ترشحون لي اسماء مكاتب هندسية اسعارها معقولةلتصميم الدور الثاني للبيت

وشكرا

[بونـ ايف]

بسم الله الرحمن الرحيم
طبعا قبل التصميم لازم تتاكد ان اساسات وعمدان وخرسانات البيت للي بتبني فوقه دور ثاني تتحمل ولا ...لا .
طبعا خذ الخرايط القديمة وروح مكتب هندسي انصحك اذا ماتبي تكلف على عمرك مكتب القطري للاستشارات الهندسية ( شارع ال شافي بعد الدوار باتجاه معيذر) اسعارهم مقبوله بالنسبه للمكاتب الاخرى وخلهم يشيكون على الخرايط الانشائية..
انا افضل انك تجيب شركة تسويلك اختبارات للعمدان والاساسات والاسقف وتاخذ عينات علشان تتاكد ان البنيان القديم يستحمل دور ثاني حتى لو الخرائط تقول ان البيت القديم يشيل لانك ما تضمن هل المقاول اشتغل نفس اللي بالخرايط ولا وفر حديد وقال البيت دور واحد ومايحتاج كل هالحديد وماحسب انك بتبني بعدين دور ثاني .
عندك شركة التيسير تسويلك اختبار للاساسات او اي شركة ثانيه .
بعد ما تتاكد من هالامور صمم الدور الثاني وانت مرتااح .
صحيح هالامور في البدايه بتكلفك شوي لاكن بتوفر عليك في المستقبل وتتجنب مشاكل كبيرة

وانشاء الله يفيدونك باقي الاخواان

.
.
تحياتي لك
وبالتوفيق انشاء الله
بونـــإايف

[الحـ قطر ــب]

خلك بعيد عن شعاع ولا اتفكر فيهم

[تركواز]

وابتعد عن مكتب قطر للاستشارات الهندسيه اللي في الريان .. بيسوي لك خريطه اي كلام للاسف وبمبلغ وقدره

وايد اكتشفنا اخطاء غبيه في المخطط .. وزياده حديد ماله داعي .. لكن بعد فوات الاوان .. وهالاخطاء كان ممكن يتجنبونها بقليل من الدراسه للمخطط ..

[Bozizoo]

مكتب النهضة للاستشارات الهندسية
سعرهم معقول جدا و تحت اشراف و ادارة مهندس قطري
يدير المكتب بنسفه
تحياتي للجميع

[khaldoon]

خليكي قريبة....ان شاء الله هاليومين بفتح موضوع بحطلك الملاحظات على المكاتب الاستشارية ....

[أسير الاسهم]

مكتب النهضـه .. يمدحونـه .. والاداره شاب قطري محتـرم جداً

[شيزكيك]

شكرا اخواني على ردودكم واحنا سوينا الخطوه الاولى الي هي اخذ عينات من اساسات البيت واكتبوا في التقريرً ان البناي زين والحين نبي مصمم خرائط زين واسعاره زينه

[khaldoon]

خليكي قريبة....ان شاء الله هاليومين بفتح موضوع بحطلك الملاحظات على المكاتب الاستشارية ....


شكرا اخواني على ردودكم واحنا سوينا الخطوه الاولى الي هي اخذ عينات من اساسات البيت واكتبوا في التقريرً ان البناي زين والحين نبي مصمم خرائط زين واسعاره زينه

اختي مريتي على هذا الموضوع و الا للحين ما مريتي؟.....لسه ما كملت الملاحظات اللي فيه لضيق الوقت:

تبي مكتب تصميم و اشراف؟ / ادخل شوف تجارب الاعضاء/ متجدد

http://qatarshares.com/vb/showthread.php?t=506480

[شيزكيك]

اختي مريتي على هذا الموضوع و الا للحين ما مريتي؟.....لسه ما كملت الملاحظات اللي فيه لضيق الوقت:

تبي مكتب تصميم و اشراف؟ / ادخل شوف تجارب الاعضاء/ متجدد

http://qatarshares.com/vb/showthread.php?t=506480

شكرا اخوي على المساعده قلت حق زوجي عن موضوعك وبالفعل اطلع عليه و راح حق مكتب النهضة واليوم بتجهز الخرايط ا

[معماري قطري]

السلام عليكم

ممكن ترشحون لي اسماء مكاتب هندسية اسعارها معقولةلتصميم الدور الثاني للبيت

وشكرا




عندج مكتب اتحاد قطر للتخطيط على طريق راس بوعبود قبل لتركبين الجسر بمسافه بسيطة، ومديرهم شيفا قمة في الإحترام في التعامل، والمكتب مسؤول عنه مستثمر قطري كبير وله مشاريع كثيرة وكبيره ومهندسين في كل التخصصات، وهو مكتب يسوي هيكل إنشائي خفيف وغير مكلف لكن تصميمهم وإشرافهم .. إن كان عندهم وقت للمشاريع الصغيره ... يكون نسبياً أغلى من المكاتب الباقية، لكن بيوفرون لج وجع الراس وبيكون تسعير المقاول معقول لأن تصميمهم إقتصادي، أذكر كانت عندهم معمارية هنديه، وإطلبي يسوون فحص لأعمدة الدور الأرضي وحاولي قدر المستطاع يكون التصميم الهيكلي على أساس الموجود مع عمل جدران قواطع خفيفة للعناصر الغير إنشائية، حتى تغيرين مساحات وشكل الدور الثاني، ولا تنسين يسوون لج مواصفات وحساب كميات وتكون المناقصة وتحليل تسعير المقاولين من طريقهم ولا تنسين تضمنين في عقد الاستشاري عقد الإشراف مره وحده.