بصراحه ممن منكم يستخدم برنامج منظم الميزانية

[صوت الضمير]

الاعضاء الاعزاء

من منكم يستخدم برنامج منظم الميزانيه وراح احط لكم نسخة على هذا الرابط
http://sites.google.com/site/alomar8/SaudiFamilesBudget-Arabic.xls?attredirects=0

برنامج رائع جدا يعلمك كم تصرف في الشهر .. وكم يكون صرفك بالسنه

ويساعد كثير على الادخار .. راح يساعد الكثير ممن عندهم مشاكل في ادارة ميزانية الأسرة

برنامج اكثر من رائع ..هاذي نسخة سعودية اللي عنده نسخه قطرية ياليت يفيدنا

ابي تجاربكم بهذا الجانب؟؟من منكم يستخدم البرنامج؟ومدى الفائده اللي جصل عليها؟

ارجو مشاركتكم في الاستطلاع الذي يستمر لمدة اسبوعين حتى 27-4-2012
وشكرا

[المدريدي]

الصراحة لا والرابط ما يفتح

[ميلاف]

الله يجززززززززززززززززززززززززززززززاك الف مليار خير يارب

ادور على هالبرامج مالقيتها جززززززززززاك الله الف خير

[السيف5]

بصراحة لااحب استخدم برنامج
للصرف ..خلها كذا على الله


يعطيك العافية

[لاجل QT]

تسلم على البرنامج بس وايد لغلاغة:rolleyes2:

انا عن نفسي بديت امسك يدي ..صرفي الشهري 8 الاف ريال من تموين بيت وراتب خدم وفواتير تلفون واللزي منة اللى له الخاطر يهلى من المشتريات:)

والباقي اجمعة:)

[بو خليفه 123]

انا شخصياً مشكلتي مهب مع الادخار

مشكلتي هي مع الغلاء

[Aston Martin]

اللي عنده مره ماينفعه ولا مليون برنامج الله خالقهم خساره

[المحترفون]

اللي عنده مره ماينفعه ولا مليون برنامج الله خالقهم خساره


ههههههههههههههههههههههه
ههههههههههههههه

الله يكون بعونك بس اسمح لي اقولك اصابع ايدك مب سوا

[ANONYMOUS]

اللي عنده مره ماينفعه ولا مليون برنامج الله خالقهم خساره

ههههههههههههههههه يقولك العوين يعالج هالحالات من الحريم


الله يعطينا خيرهم ويكفينا شرهم

[صوت الضمير]

اخوي المدريدي الرابط شغال 100% يمكن انت فاتحه من الايباد مايفتح

ومشكورين اخواني على المرور والمشاركه

برنامج رهيب يعلمك لو ادخرت 500 بالشهر كم تصير بالسنه ؟؟

حنا توعدنا نصرف بدون مانحاسب ومرات تجينا ازامات ماحسبنا لها حساب

ابي تفاعل أكبر بالموضوع

[ولد العرب]

هلا ابداع اسم على مسمى:nice:
بشري لقيتي وظيفه ان شاء الله:telephone:
بالنسبه للادخار انا سويت لي حركه اجبارية وهي اني فتحت حساب باسم ولدي ويستقطع من راتبي 7000ريال شهريا اول ماينزل الراتب على طول يتحول لحساب ولدي هههههه يفوت علي
وصار لي 3سنوات مامسكته اللهم اخرج زكاته وعلى فكرة رفضت انهم يصرفون بطاقه الصرافه علشان ماسحب خخخخخخخخخخ
شكرا تم التصويت

[صوت الضمير]

ولد العرب افرحتي بردك الله يبارك لك بمالك .. تقدر تخلي 150 ريال شهريا لكفالة يتيم

بكذا ربي يبارك برزقكم

لا ياخوي للين اللحين ابي دعواتكم يارب يرزقني بوظيفه

نبي تفاعل اكبر بارك الله فيكم

[عابر سبيل]

السلام عليكم اخت/ ابداع
و اشكرج على هذا الطرح النوعي
الذي حتما سيفيد الناس...
للاسف الحين داش من الايباد
و ما يفتح معي الرابط
لكن بحاول لاحقا التعرف على البرنامج...

عموما انا استخدم برنامج آخر
لذا ساحيب بنعم على الاستطلاع

اذا احببت التعرف على شي اخر فكنت قد
طرحته قبل عامين في النقاش الاقتصادي
بعنوان

"

كيف تقوم بادارة حساباتك الشخصية؟ اشلون تحسب زكاتك؟؟ هل تعرف شي عن Excel, MS Money
"
وهو على الرابط التالي:

http://www.qatarshares.com/vb/showthread.php?t=342455

[sweet qatar]

يعطيج العافيه عالبرنامج الحلو الله يجزي المصمم كل خير..

انا ماعندي صرف أساسي عشان امشي على ميزانية..

بس شهرياً أحول مبلغ لحساب التوفير.. من شهور ما مسكته..


تسلمين ابداع على الموضوع المفيد.. تم التصويت..

[صوت الضمير]

اسعدتني زياراتك اخوي عابر سبيل ماشاء الله عليك موضوعك اعمق بكثير من موضوعي

البرنامج الموجود اكسل بنسخه عربية وسعودية بسيط جدا وسهل الاستخدام

لكن راح اجرب برنامجك وادعو الاعضاء الى زيارة موضوعك الغني

حياج الله اختي sweet qatar والله يوفقج

حلو انه في ناس تتدخر اعجبني بصراحه ..لان اغلب اللي حولي ييصرفون ويطيرون الراتب باسبوع بدون تنظيم

ابي تفاعل اكثر انا متفائله احصل اللي ينظمون الميزانيه اكثر فئه في الاستطلاع

[نتفـه]

شهريا يتحول مبلغ من الجاري للتوفير :)

[.خالد]

شكرا اخ ابداع على هذا الرابط ، كما ان هناك العديد من البرامج على الاندوريد وابل تعطيك تنظيم دقيق للمصاريف . لكن في الخير المهم هو تنظيم التفكير ، انا شخصيا اعتمد نظام توزيع الدخل في عدة حسابات بنكية ، حساب للمدخرات تكون تقريبا ٣٠٪ من الدخل ، و١٠ ٪ للتطوير الشخصي وللسفر ، ونسبة معينة لاعمال الخير، والباقي للمصاريف الشهرية الدائمة ، واذا فاض شي يتم توفيرة ، انا لا احب ان اضع المصاريف في قائمة دقيقة حيث افضل نظام الخطوط العريضة ووضع ميزانية لكل شي .

شكرا ابداع

[Scout Sniper]

انا سويت لي برنامجي الخاص

اكسس مايبيله شي

[صوت الضمير]

ماشاء الله عليكم عجبتني الافكار

خصوصا اخوي خالد مسوي يعني اكثر من حساب في البنك

اعجبتني فكرتك

وبارك الله فيكم جميعا

[@north_star@]

بارك الله فيك على البرنامج اخوي وانا عن نفسي ما استخدم برامج لانه بنظري انه الانسان المفروض يبرمج نفسه على الادخار وطريقة الصرف

[BIG-VEGA]

أنا من زمان كنت عامل برنامج ميزانيه بواسطه الاكسل ومشيت عليه حول 6 شهور

بعدها لقيت برنامج في الايفون ( home budget) وتنظيمه واعداده كان اسهل

بس مع البنيان كل شي تلخبط :rolleyes2:

[Um Yousif]

التوفير شى اساسي للي يبي يامن مستقبله ومستقبل عياله

انا اصرف تقريبا ثلث راتي وثلثين احولهم عالتوفير ومكنسله السحب من البطاقه للتوفير

واذا تأزمت وفي خاطري اشتري شي احول لنفسي مبلغ بسيط امشي فيه حالي

ومرات تخترب السياره وتعرفون قطع الغيار شقد غاليه فالتوفير يفك أزماتي وازمات زوجي اللي عجزت معاه صارلي 5 سنين وانا احن عليه يفتح له توفير ويشيل من راتبه شوي

[الزعفراني]

أنا صار لي من شهر 7 الماضي استخدم ملف اكسل خاص فيني مع بعض التعديلات ومسوي تارقت للادخار وتارقت للصرف والأمور إلى الآن طيبة ولله الحمد رغم بعض الأزمات المالية الطارئة :rolleyes2:

[┋أَجِوَدًيّ┋]

المنظم هو المخ ولا يجاريه أي برنامج