اول مشاركه واتمنى من الجميع الزياره

[تلميذكم]

السلام عليكم ورحمة الله وبركاته

في البدايه ارحب بالجميع واشكركم على النقاش الفعال
في الحقيقه كنت قارئ جيد في هذا المنتدى لفتره طويلة
وهذه اول مشاركه لي معكم وانشالله ليست بأخر مشاركه

الحقيقه انا مسمي نفسي النحس
كل ماشريت في شركة ارضخت نص السعر
مثل السلام والمواشي والصناعات والناقلات

عندي كم استفسار ياجماعة الخير

الاستفسار الاول محرج شوي :o
ايش يعني ليمت اب وليمت داون ؟

انا الي فاهمه ان هذا الشي ينقال حق الوسيط لكن انا مشترك مع البنك التجاري وهم وسطائي
ودايما ابعث لهم فاكس ويشترون لي واختار ( بسعر السوق ) ،، وانا اسمع هالكلمه وايد منكم بس ابي اتاكد من معناتها

الاستفسار الثاني مب محرج :D
سمعت ان السلام بتزيد راس المال ، انا عندي 200 سهم يعني كم استحق ومتى اقدر اشتري وكم راح يكون سعر الاسهم عند الزياده ؟

مافي استفسار ثالث لكن في قلبي كلام ودي اقوله وماقدر اقوله حق حد قريب علشان مايضحك علي :shy:
انا داخل على مشروع صغير وقلت بزيد راس المال مع البورصه ( العجيبه ) ولازم اجيب المعدات خلال اسبوعين بالكثير للمشروع :confused:
وراس المال ( كان ) متوفر ،، لكن قلت في وقت طويل لين وقت البدايه في المشروع وخلني احرك الخرده الي عندي واشتري ناقلات وعقب بابيعها وازيد المبلغ اذا ارتفعت ،، رحت وشريت 3000 سهم بـ 50 ريال :court:
والحين اذا ببيع راح ابيع بخساره ،، ايش تنصحوني في هالورطه :D

مع تحياتي للجميع وانشالله ماشوف في حد فيكم موقف من المواقف الي قاعده اتصير لي :D

تلميذكم

[قناص الاسهم]

مرحبا اخوي التلميذ ويا هلا ومسهلا فيك في هالمنتدى الطيب
الغالي اول شي احب اقول لك ان كلنا نتعلم ونستفيد من بعض والي يقول لك غير هالكلام ما عنده سالفه :court:
ثانيا بالنسبه لسؤالك عن اللمت اب واللمت داون معناه كالتالي:
حاليا اللمت اب واللمت داون في السوق 5% يعني لو افترضنا ان سعر سهم احد الشركات 100 ريال اليوم وصار عليها لمت اب لليوم نفسه راح يكون سعرها 105 ريال ( الخمسه هي النسبه المئويه) ولو كان عليها لمت داون راح يصبح سعرها 95 ريال ( اذا انا غلطان صلحوا لي يالربع ) :anger2:
بالنسبه لاستفسارك عن السلام اترك المجال لغيري من الشباب لاني ما اعرف شي عن هالشركه ولا افكر اشتري من اسهمها :confused:
وبالنسبه لمشروعك يالغالي احب اقول لك الله يوفقك انشالله فيه وتكون من الناجحين وعقبال ما نشوفك من كبار هوامير او تماسيح السوق :D ولكن نصيحة اخوا اذا تقدر تنتظر حتى ترجع الاسعار الى طبيعتها او على الاقل تتحسن شوي انتظر وخصوصا انت ذكرت انك شريت اسهم بسعر مرتفع بعض الشي والحين السعر نازل فبالتالي اذا انت مو مضطر لا تبيع وانتظر والله يوفقك ويوفقنا جميع انشالله
وسلامتك وحياك الله مره ثانيه :court:

[المراقب]

أولا لا يوجد أحد أستاذ وعارف بكل شيئ فكلنا نتعلم من بعضنا البعض، اللمت أب ودون كما تفضل قناص الأسهم، بالنسبة للسلام سوف يتم الأعلان عن الأكتتاب في الصحف وفي موقع سوق الدوحة للأوراق المالية،

بالنسبة لناقلات، فالسعر الذي اشتريت به معقول جدا. يجب عليك الصبر لكي يرتفع السهم ولا اخفي عليك المدة لا يعلمها إلا الله، شخصيا أراها بين 2-3 أشهر،

السهم ممتاز لإستثمار، لفترة سنة أو اكثر، حاليا عليه عرض وطلب كبير، ومقاومة عند 40 ريال،
يمكن أن ينخفض قليلا ولكن مصيره دون شك الأرتفاع.

بالنسبة لمشروعك، وإذا كنت لا تستطيع الإنتظار، فيمكنك ان تبيع النصف، والإبقاء على النصف الأخر، وحين تتوفر لك سيولة إرجع اشتري بالسهم.

والله الموفق.

[السهم الكلاسيكي]

ماقصرواخوانى المراقب والقناص على الشرح الوافي