غسيل مكينة السياره ؟

[MAZEN37]

لاحظت مكينه تنظيف لمكينة السياره موجوده عند محطات التيسير يقولون عنها فلاشنج من خبرتكم هل هي جيده ام تضر مكينة السياره
سمعت مره انهل تاكل طبقه من البساتن وعلى المدى البعيد تضعف المكينه
الي يعرف لا يبخل علينا:victory:

[R 7 A L]

مره مرتين مايضر

كل سياراتي القديمة سويت لها غسيل مكينة عندهم مرة او مرتين
ماتضررت المكينة

[ANONYMOUS]

اذا السياره قديمه او بتبيعها قريب عادي سو اي شي

[ASK2]

هذا يسونها بين فترات طويله
وعند الحاجه

يعني الايل يبين عند تبديله اذا كان محتاج فلاش او لا ..

[ASK2]

اذا السياره قديمه او بتبيعها قريب عادي سو اي شي

ووهق الشاري !!!!!!!!!!!!!!

[المبرمج صلاح]

هذة المكينة لتنظيف محرك السيارة من الداخل عند احتراق الزيت او الايل داخل المحرك ووظيفتها ازالة الزيت المحترق الملتصق بجدران المكينة عنفسي سويتها مرتين في سيارتين مختلفتين وبعدها تعلمت ما اخلي الزيت يحترق ابدله قبل موعده توفير لمالي ومحرك السيارة

والله اعلم

[قطر70]

انا سويتها في موتري

ولله الحمد مافيه اي مشاكل وللعلم موتري 2011

[..er..]

الفورمن اللي في المحطه بنفسه نصحني ماسويها
ليه مادري

مع اني ماهضمتها

ولله الحمد كل 4000 كيلو ابدل الزيت وقبل لا يحطون الزيت الجديد اخليهم يحطون جالون او اثنين وينزل علشان ينظف

[_بوشهاب_]

لاا لا لاااااااااا حاااااسبوااااا منهاااا و الله مب زينه لانها 80% ديزل رواااني وقاااالي اقرا:eek5: واذا سويتها لازم تسويها كل فتره و لا المكينه تتعب
المكينه اول ماتسوي لها فلاشنج مااافي احسن منها بس بعد فتره خلاص تخثر وقالي عنها واحد ميكانيكي قالي لا تستخدم الفلاشنج :weeping: بيدمر مكينتك مع ان الميكانيكي كان عنده جهاااز الفلاشنج بس اعرفه من زمان ونصحني

انا عن نفسي اذا ببدل الايل واشوف الايل اسود طبعاً انزل الحفره وياهم انا انشب لهم :tease: يوم اشوفه اسود اقوله ركب ايل 3000 اتمشى فيه يومين ولا 3 ايام وانزله يكون نزل الايل مع الوصاخه عقب اركب ايل 5000:nice:

[almaf1a]

لا انصح

[كتكوت الوحش]

لا انصح فيها

[قرنقووش]

كل اللي ماينصحون .. ياليت السبب ومشكورين

[بن لادن]

في نوعين من الفلاش ، النوع الأول والأقدم اللي ينصب فالسيارة وبعدين يتم تشغيل السيارة لمدة 10 دقائق (مظر )

النوع الحالي اللي هو الجهاز اللي يسوي فلاشينق بدون تشغيل السيارة وادخلة مسخن للزيت ( غير مظر ومفيد خصوصا بعد 50 الف كيلو )

[boamir]

هالموضوع إنطرح في قطر سبيد
واغلب الشباب قالوا عنه مضر وفي بعضهم خبطت مكاينهم

والسبب إنه الآيل إلي داخل ينزل والمكينه تصير ناشفه ومافيها لزوجه من داخل
وإذا عبيت لازم تعبي آيل زياده بعد

نصيحه بدل الآيل في وقته فقط ولاتسوي فلاشنج
90 % من الشباب إلي شفته جربوها ماينصحون فيها
انا مره سويتها وماحسيت بفرق بس افضل إني ماأجرب مره ثانيه دام الموضوع فيه تخبيطه

[بوعلي2]

لاا لا لاااااااااا حاااااسبوااااا منهاااا و الله مب زينه لانها 80% ديزل رواااني وقاااالي اقرا:eek5: واذا سويتها لازم تسويها كل فتره و لا المكينه تتعب
المكينه اول ماتسوي لها فلاشنج مااافي احسن منها بس بعد فتره خلاص تخثر وقالي عنها واحد ميكانيكي قالي لا تستخدم الفلاشنج :weeping: بيدمر مكينتك مع ان الميكانيكي كان عنده جهاااز الفلاشنج بس اعرفه من زمان ونصحني

انا عن نفسي اذا ببدل الايل واشوف الايل اسود طبعاً انزل الحفره وياهم انا انشب لهم :tease: يوم اشوفه اسود اقوله ركب ايل 3000 اتمشى فيه يومين ولا 3 ايام وانزله يكون نزل الايل مع الوصاخه عقب اركب ايل 5000:nice:

:nice:

[QTR-1978]

في نوعين من الفلاش ، النوع الأول والأقدم اللي ينصب فالسيارة وبعدين يتم تشغيل السيارة لمدة 10 دقائق (مظر )

النوع الحالي اللي هو الجهاز اللي يسوي فلاشينق بدون تشغيل السيارة وادخلة مسخن للزيت ( غير مظر ومفيد خصوصا بعد 50 الف كيلو )

صح كلامك اخوي الفلاش القديم مضر بالسياره ويطلع صوت الصباب اما الجديد يحطه فالمكينه من غير مايشغلها ومكوناته تختلف عن الفلاش القديم اصلا :nice: